مهندس آلڪلمه آلأمير آلشآعر بــدر عبدآلمحسن ... ❤

[الفرس الاصيلة]

مرثية كتبها الامير بدر بن عبدالمحسن في جدته سلمى السعود الرشيد..
مانشدت الشمس عن حزن الغيااب..
علمتنا الشمس نرضى بالرحيل ..
كل يوم يغرق الضي افــ عبااب..
ماسمعنا ناعي ..مابه عويل ..
وماهقيت الموت يجرحني جواب..
لين شفته في سما عمري اصيل..
علميني ياللي كفوفك سحااب.
وابتسامك غيث واهدابك نخيل..
وش اسوي لادخل فصل الضباب ..
وكفت عيوني وضيعني الدليل..
حاجتي والشيب يهديني صواب..
حاجتي لك مامضى فــ عمري اصيل..
أه ياسلمى مضى وقت العتاب..
والحديث اللي بقوله لك طويل..
اعتذر يمه حصل مني غياب..
واعتذر ازريت لاأرد الجميل..
من يجازيك وعطاياك الشباب..
والله العالم ترى ماني بخيل..
يوم انا عاري غديتي لي ثيااب..
وان شكيت الضر شافتني عليل..
ويوم كبر الطفل لميتي الزهاب..
كل مافي الكون من طبع جميل..
هي درت حايل وهذيك الهضاب..
عن غيابك هو درى الروض المسيل..
بنت من لاثوروا فوق الركاب..
مايباريهم سوى نصل واصيل..
واخت من لاكسرت سمر الحراب ..
من عنيف الطعن ردوا للصقيل..
وام من جدانهم مثل الشهاب ..
كاسبين المجد من جيل لجيل..
يالله المطلوب ياجزل الثواب ..
تجعل الجنه لها ظل ظليل..

[ســـرآب]

من كل شي غير حبك والوله يشفيني
يشهد الله إني أحبك ..
لين ضاقت ضلوعي وصوتي
وصاحت عيوني من الوجع
والحب يوجع والطمع قاتل
أبيك العمر كله هالقليل الراحل
ويشهدالله إني أحبك
ـــــ
ماني بخافك .. وإنتي ضفافك
ظل ونخيل ..
وفجر الضياء المبتل برذاذ المطر
قلبك الشفاف .. ماني بخاف
إلا القليل من الزمن
يصبح كثير من العمر
ــــ
لاتناظرين هالمطرق الضامي النحيل فـ كفوفي
ماهو بـ لك .. أجلد بها كتوفي
لو ماحملت همك ..
أنا لي مهرة صفرا أصيل ماتنعسف
إلا لطفل لا زعلت منه نزف
ولا رضت عنه تناثر في الضلام نجوم
أنا طفلك المهموم
بأزمان الفراق .. ودهور الفراق
وإن كنتي تحبيني ..
أبيك رمح لا قطع شراييني ..

[فوق الغيوم]

[ســـرآب]

نصال الخناجر

إرفع جروحك عن نصـال الخناجـر
نـزفك عــزيز ومثلك النجــم لاطـــاح
ولاتنحني للريــح والذل فـاجـــر
والخـوف ســـاس الـذل والغبن ذبـّاح
مادام لك عن خفضة الهـام زاجــر
إمّــا إنكـســـر ولا تعــدّاك الاريـــاح
ماإنته بعشبٍ نـابتٍ وســط حاجـر
ولا إنته شـــراع التيـه والـوقت مـلاّح
إنت الّذي باسمك تضيق الحناجر
لو إنطقوا بك همس .. سمعوا بك صياح
تقفي وكن الحرف للحـرف هاجـر
وتقبل وقـلب الصـخـر بالشـعـــر بــوّاح
ولا من رمى صبحك عباة الدياجر
ثم إنتهض ما شـع بالنـور مصباح
إرفـع جروحـك عن تـراب الخناجـر
نزفـك عـزيــز ومـثلك النجــم لاطــاح

[ســـرآب]

اضحكي ما عليك من الحكي ..
إنتي أجمل من وطى فوق الثرى ..
وإنتي أجمل من نظر عينٍ تشوف ..
يا ترى وش سبب حزنك وخوفك ..
إضحكي ..
,,

,
كنا ما بين الحكي .. والسكوت ..
اظهر اشواك الخصام من قلبي واشفاهي
ناظرتني بطرفها الساهي وقالت :
لو تفارقني اموت ..
وافترقنا .. لا لقا .. لا رسايل .. ولا صوت ..
وكنت أسال دايم أسأل
يا ترى وش صار فيها !؟
قالوا ( تزقح ) ماعليها .. صارت أجمل ..
ابتسمت وقلت هذا اللي ابي ..
بس ..
كيف أنا صدقت يوم قالت بموت
الصحيح ..,,أوقات
أوقات ياخذنا الحكي ..
وننسى بالحكي أوقات ..
واوقات .. يا ليت الكلام سكات ..
يجرحنا الحكي ..
اسهر .. مع حبيبي .. يا قمر الكلام ..
لين يغفى حبيبي .. وجروحي تنام ..
ابعد عن حروفي .. وعن المي وخوفي ..
وابحر في سفينه .. عن بحر الظلام ..
وصلنامدينه .. من عطر وغمام
انا وين القى كلام .. ما مر فــ كلام
اوقات .. يا ليت الكلام سكات ..
يجرحنا الحكي ..
بغني لعيونك .. في حزني وفرحي
وبكتب عيونك .. قصيده لجرحي
واخلي ابتسامك .. دموعك كلامك
قمر هالسوالف في ليل السكوت ..
ولو الف نجمه في عيني تموت ..
في حزني أحبك .. ويأسي أحبك ..
أحبك .. مأقول أوقات..

[ملاك بدنيتي]

[ســـرآب]

يقولون (الذي كاره يلاقي للفراق اسباب) . .
وانا والله مافـ إيدي عذر من شان يجفيني !


تصنّع له من حروف الالم مليون ناب وناب
لجل يكسر مجاديف العذر في (فعلة يديني ) !


يقول الآه في صدري بنت لك في خفوقي باب
لجل ترحل عن ضلوعي عسى بعدك يداويني


زرع في حبنا ورده ربت بالشوك يومه غاب . .
وكل ماجيت ابقطفهآ . . تأذيني . . تـأذيني


عقب ماعمّر احلامي اشوف الحلم بإيده ذاب
رجيت الله ولا حلمن بعد . . فرقاه . ينهيني !


ورحلت وفي يدي قلبن على كثر الوله منصاب
وتركت لخطوتي كلي . . لأي درب ن توديني !


اذا مر الهوى وجابه أطيّر بالخفوق اسراب
تناديله على [ وصلي ] وعلى وصله تمنيني !


تنادينا الاماكن وينكم ؟ هو ليه يا أغراب ؟
وتخنقني إجابات (ن) عقيمه تدمع بعييني !


وأرد آقول:....................................
............ أهو كاره ولاقي للفراق أسباب
وأنا والله مافـ إيدي عذر من شان يجفيني

[عِشْقْ بَـدَوُيُ]

آه ... من ليل التجافي ... ماطوله
ليلة العاشق ... ثوانيها ليال

من يقول الشمس باكر مقبله
كل شمسٍ مالها ... وجهك ظلال

بسالك باللي خذى منك الوله
وحطه اف صدري ... واعطاك الجمال

حاكني ... لجل الليالي ...الآوله
آه انا بموت من ذل ... السؤال

هو صحيح انك حبيبي اللي دله
واستوى ... عندك فراقي ... والوصال

كل جرحٍ غير ... جرحك بقبله
وكل ظلم ٍ ...غير ظلمك لي ... عدال


..آآآآآآه

[آوهآآم]

*



خذني لبلد مافي شوارعها مطر
دام المطر كله حنين
خذني لأماكن مزعجة للعابرين !
ما أبغى سكون ..
أخاف لحظه : أختلي مع ذاكره
مليانه وجيه وتعب .. !
و أحنّ له ..
و أنا صديق للظلام والمطر ..!
وعشان أحافظ ع الصبر ،
بصلي فرضي وأنام ..
أبكره الليل الطويل .. و أبعشق ( أزعاج النهار المزدحم ).
بس المهم ما أختلي مع ذاكره مليانه بـ وجيه وتعب ..!
و أكتب شعر ، إذا قريته بعد يوم أستنكره !!!
و أستغرب إني قد كتبته
( من كثر ما هو حزين )
يَ هو تعب اللي يسمونه حنين !

[ســـرآب]

تذكرتك .. وأبي النسيان ألايا خل ساعدني

أنا مالي ورى الذكرى .. إلى مات الأمل خيره

أنا ودي على الفرقا حبيبي لو تعاهدني

وإلى شفتك .. تصد ولاتجيب لما مضى سيره

تخيّر غير هذي الأرض .. مكانٍ به تواعدني

تخيّر لك مكانٍ صعب .. أعرف فيوم تقديره

عسى الجرح الذي يدينك أشوفه عنك يبعدني

أنا اللي أكرهك .. وأحبك .. شعورٍ صعب تفسيره

حسيبك .. يالهوى الظالم .. حسيبك لاتعاندني

بيلقى صاحبي غيري وأباالقى في العرب غيره