العودة   منتديات الـــود > +:::::[ الأقسام العامة ]:::::+ > المنتدى العام
موضوع مغلق
   
 
أدوات الموضوع تقييم الموضوع انواع عرض الموضوع
قديم 06-10-2003, 09:41 PM   رقم المشاركة : 1
! مش مش !
( ود نشِـط )
 
الصورة الرمزية ! مش مش !
 






! مش مش ! غير متصل

خلونـا واقعـيــــــــــــــــــــــــــــين


خلونـا واقعيين

اللي يصير في المجتمع هذا مب سهل ولا هو بسيط حرب ، ظلم ،تجني
وإدعاءات كاذبه وسيطره ولا بيدنا حيله ولا نلاقي من يدافع عن أبسط حقوقنا
الغرب سيطروا على العرب وأول شي استهدفوه ..اهو الفكر والتقاليد وغفلنا وغافلونا الغرب وفالنهاية صار التخلف في مجتمعنا شي معتاد وللأسف ما باليد حيله

خلونـا واقعيين


نربي عيالنا عالدلال و ما نقصر فحقهم وفالنهايـــة .. شو نلاقي منهم غير التبري ... شو نلاقي غير العقوووق ... والإساءة وتفضيل الغير على الأهل والأقارب ... هذول هم شبابنا ... يهمونهم الناس وربعهم
وما يفتكرون بأهلهم ووالدينهم ..فما نقول غير الله كريم

خلونـا واقعيين


صارت الماديات فهالأيام هي الشغل الشاغل للجميــع .. وصارت الدنيا مصالح ..
دون هالمصالح .. ما بنعيش .. ولا بيعيش غيرنا

خلونـا واقعيين


الحب في يومنا هذا .. صار مجرد كلمة عابره .. يستخدمها معظم البشر .. للتصنع
صار حب الشهوة .. يغلب على معنى الحب الحقيقي ... فوين بنلاقي هالحب الحقيقي
اللي أساسه الصراحه ..ورمزه الوفاء ..؟؟ خلونا نجرب حبنا لله وللرسول وفعلا ً بعدها بنعرف معنى الحب الحقيقي


خلونـا واقعيين

قول لي انت يالشااااااب ... كم مرة تدخن فاليوووم ؟ واكيد مرلبورو صح ؟؟
لأن مفعولها أقوى .. شو فايدتها ؟؟؟؟؟فايدتها انها تخثر الدم فالعروووق؟
والا الفايدة الاكبــر انها تسمم الجسم و تتسبب لكم بالسرطان ..؟؟
الله يهديكم بس ويصلح بالكم ..
أدري كلامي شوي جارح ... بس هذا هو الواقع

خلونـا واقعيين


في هالزمن .. صار الزنى شي عاااااااااادي .. ومسموح .. مع ان اللي اعرفه ان الزنى حرام...
بس بني البشر اتحكموا فهالعالم .. وصاروا يحللون الحرام ويحرمون الحلال ...
وياريت ان الزنى اقتصر على بلاد الغرب .. لا وللأسف ... قرأت حادثه .. من يوم تقريبا ًوتفيد بإن 4 شباب سعوديين قاموا بالزنى مع وحده خليجيه ... على حد علمي والله اعلم ..
ومع مرور الوقت ..اكتشفوا بإنهم كللللللللهم يحملون نفس المرض .. وياللي اهو ( الإيــدز )
والموووت مصيرهم لا محاله .. فما بيدهم احينه غير التوبه .. وطلب الصفح من الرب

خلونـا واقعيين


شو يعنيلكم ( دار العجزة ) ؟؟ وهل من السهل انكم تتخلون عن والديكم
وفالنهاية تقطونهم فدار العجزة .. ادري ان الدار هذا يأمن كل شي ... بس للأسف
أهلكم مب محتاجين لكل اللي موجود فهالدااار .. محتاجين بس وجودكم فكل لحظة وياهم
وجوفتكم .. تطيب خاطرهم ... بس يا حرااااام أتأسف على هالوقت اللي ضاع من هالأم اللي ربت وتعبت وفالنهاية جازاها ولدها بالنكراااان .. وصارت هالحادثه فبوظبي .. وبالتحديد فشاطئ الراحه كانوا مجموعه من الشباب يتعشوون وجافوا حرمه عيوز تلقط بقايا الاكل مالهم .. فسئلوها انتي يوعانه يدوه ؟
قالت: هيه انا من الصبح اهنه وما كليت شي .. قالولها انزين انتي شو يايبنج اهنه؟
قالت ولدي نزلني اهنه وبيرد عليه وبياخذني .. الشباب قالوا مايصير نخلي حرمة عيوز فهالليل .. قالولها: عندج رقم ولدج؟؟ .. قالت هييه وعطتهم ورقة صغيرة يوم شافوا شو مكتوب فيها انصعقوا .. كان مكتوب فيها اي واحد يشوف هالحرمة يوديها دار العجزة .. ويلسوا ساعة يترجونها انها ترد وياهم وهي ما رظت تقول ولدي بييني .. المهم ساروا وخلوها وواحد منهم ما ياه الرقاد فالليل وتم يتجلب فالسرير ونش الساعة هنتين وسار الشاطئ مرة ثانية .. يوم وصل شاف الشرطة والاسعاف هناك .. هجم بينهم وسأل عن الحرمة .. قالوله توفت ارتفع عندها الظغط وماتت ..
ارتفع عندها الظغط من حسرتها على ولدها .. تتحرى صار فيه شي حادث ولا مكروه ما تدري انه سافل وحقير ناكر للجميل ومنحط ودنيئ ونجس


خلونـا واقعيين


الحوادث اللي تصير جدام عيوننا ولا نعتبر .. شو القصد من حدوثها ؟؟وليش ما نعتبر من اخطاء غيرنا صحيح ان اذا ربنا قدر شي بيصير غصبن على اللي مب راضي .. لكن مثل ما يقولون .... ( الحذر يمنع الخطر )
والسرعه سبب معظم الحوادث ... فليش ما ناخذ الحذر .. نخاف على نفسنا ؟؟؟ مهما كان المشوار اللي بنروحه مهم .. فحطوا فبالكم ان حياتكم أهم .... هل ترضووون ان هالسرعه اللعينه تخلص على حياتكم بغمظة عين ؟
ياما بنقول وبنتكلم ... بس منهو اللي بسمع ويتعظ

خلونـا واقعيين



ليش أطلقنا أسماء على كل عصر ؟ مرة العصر الحديث ... واهو العصر اللي اختربوا فيه الناس .. وصار كلن يمشي على هواه !!!! وعقبه عصر العولمه ... أي عولمه يا جماعه ؟؟ اجوف الاجانب تطوروا ونحن فالحضيض ... نادر ما نلاقي فينا عقل يفكر وله فكر مستقل ...
بس انا بريحكم من احينه وبسمي العصر الياي انشالله .... عصر الفساد .... ؟؟!!
لا تسئلووووني ليش .. ولا في داعي أبرر ... انتوا فاهمين .. وانـا فاهم ....؟

خلـونا واقعيين

كل واحد يفتخر والله انا ولد شيوخ وبيدي الملايين بس لوين بتوصلك هالملايين ها ابويه ؟
صدقوني والله والله والله ... ان هالملايين اللي بيده ما تسوى ذره سعاده ينعم فيها غيره واهو عايش على حصير ... وياكل تمر ويشرب لبن
الإنسان مواقف ... مب أقوال وبس وكل واحد وعارف نفسه ... بس انا اعتب عالنفوس اللي كل مرة وتغيرت .. ويا ريت للأحسن .. بل للأسوء والأردى

خلونـا واقعيين


معظم البنات يدخلون الجامعه ويقضون فيها 4 او 5 سنين و في بنات يقعدون فيها اكثر من هالمده ..
لكن شاللي يجنونه من عقب ما يتخرجوووون ..؟؟ قلة اللي يلاقون وظيفه او مكان يشتغلون به ...
يعني المسؤولين اقدروا يصرفون على الجامعه وعلى كل متطلباتها ومتطلبات الجامعيات ..
بس المهم والاهم ما قدروا يفرونه ... ياللي اهو الوظيفه؟؟ نادر ما نلاقي وظايف
في مجالات بحاجه لخبراتنا ... و لكن 00 ما ادري متى هالشدة بتزول ؟!

خلونـا واقعيين


الصلاة أساس محبة الله .. واول شي الرب يحاسب عليه ... لكن معظمنا متغاظي عنها ... هل اهي هم ثقيل عليكم ؟؟؟ والله ما بتخسرون من حياتكم شي لو بتصلون لربكم كم ركعه تكسبون بها اجر .. بدل ما تاخذون مليون اثم فهالدقايق اللي المفروض انكم تصلون بها ففكر لو للحظة بس
5 دقايق تصلي فيهن .. شو بتكسب من وراهن ..؟
الانسان لازم يحطي لنفسه حدود ... ومخططات .. فحياته ..عسب ينظم اموره ويا اهله .. ويا ناسه ... ربعه ... ربه .. وعبادته ... وويا نفسه ... فلا تظلمون نفسكم ... وربكم .. فإن أسوء الظلم هو ظلم الرب ..

خلونـا واقعيين


الجمال فيومنا هذا صار مههههم جدا ً .. طبعا ً أقصد الجمال الخارجي ...فكل وحده او واحد يفتخر بشكله .. ومب جي وبس ... بل صار المطلب الأساسي عند البعض من الناس .. او اللي ناوي على زواج ... اهو الجمال
وعقبه تندرج الامور الثانيه .. ويمكن بعد ما يهتمون لها بالأساس .. ليش ما تنظرون للجمال الحقيقي واللي اهو جمال القللللب ؟
اذا توفر هالشي فتطمن من كل شي ... الجمال الحقيقيي هو جمال الروح والقلب ... و إن توفرت المحبه والخير في قلب هالشخص ... يعتبر بأكثر من جماااال هذا اسميه تألق .. وتمييز .. وروعه

خلونـا واقعيين


هل الطلاق صار حل لكل المشكلات العائليه ؟؟ أكيد لا
لازم أساس الزواج اهو التفاهم والمحبه والاخلاص من كلا الطرفين
والمفروض ان كل واحد ياخذ الثاني عن قناعه .. ويرضى باللي الله قسمه له من الدنيا
وكل انسان ياخذ نصيبه والصبر زين مب مشكله بسيطه على طووول حلها الطلاق
والطلاق ما يولد غير البغض والكره والأحقـاد


خلونـا واقعيين

مع اني ادري ان الواقـــع مخجل ... بس بعد خلونـــا واقعييــــن
وفالنهاية والختـــام 00 بختصر كل الكلام 00 لو كلن حكم عقله بافعاله 00 فما على الدنيا الا السلام ...



واصل عبـــر الإيميل

! مش مش !







التوقيع :
اضغط على الصورة لفتحها بصفحة مستقلة


اضغط على الصورة لفتحها بصفحة مستقلة


اضغط على الصورة لفتحها بصفحة مستقلة


[MARQ=RIGHT]


abady_hala@hotmail.com

[/MARQ]

[RAM]http://songs1.6arab.com/miami-sha3ban_malakshi-da3wa-beeha.ram[/RAM]


اضغط على الصورة لفتحها بصفحة مستقلة

قديم 06-10-2003, 09:46 PM   رقم المشاركة : 2
برنس العيون
( وِد ذهبي )
 
الصورة الرمزية برنس العيون
 







برنس العيون غير متصل

يعطيك الف عافية على الموضوع الرائع يامش مش

مشكور







قديم 06-10-2003, 10:28 PM   رقم المشاركة : 3
! مش مش !
( ود نشِـط )
 
الصورة الرمزية ! مش مش !
 






! مش مش ! غير متصل

مشكوووووووووور أخوي

الـalwardyـوردي

على مرورك الكريــــــــــم

تقبل مني أجمل تحيـــــــه

أخوك :
! مش مش !







التوقيع :
اضغط على الصورة لفتحها بصفحة مستقلة


اضغط على الصورة لفتحها بصفحة مستقلة


اضغط على الصورة لفتحها بصفحة مستقلة


[MARQ=RIGHT]


abady_hala@hotmail.com

[/MARQ]

[RAM]http://songs1.6arab.com/miami-sha3ban_malakshi-da3wa-beeha.ram[/RAM]


اضغط على الصورة لفتحها بصفحة مستقلة

قديم 07-10-2003, 11:22 AM   رقم المشاركة : 4
مـ ـ ـ ـ ـازن
( ود متميز )
 





مـ ـ ـ ـ ـازن غير متصل

بسم الله الرحمن الرحيم

جزاك الله خير ! مش مش ! على كل كلمة قلتها ... و الله يعطيك العافية ...

فعلا ... كلام في حدود المعقول .. و واقعي ...

و وفقك الله لما يحبه ويرضاه ...

و ننتظر جديدك ...

و تقبلوا تحياتي






التوقيع :
اضغط على الصورة لفتحها بصفحة مستقلة

قديم 07-10-2003, 02:08 PM   رقم المشاركة : 5
! مش مش !
( ود نشِـط )
 
الصورة الرمزية ! مش مش !
 






! مش مش ! غير متصل

مشكور

مـ ـ ـ ـ ـازن


على ردك وتفاعلك ويا الموضوع

تقبل مني أحلى تحية :
أخوك

! مش مش !







التوقيع :
اضغط على الصورة لفتحها بصفحة مستقلة


اضغط على الصورة لفتحها بصفحة مستقلة


اضغط على الصورة لفتحها بصفحة مستقلة


[MARQ=RIGHT]


abady_hala@hotmail.com

[/MARQ]

[RAM]http://songs1.6arab.com/miami-sha3ban_malakshi-da3wa-beeha.ram[/RAM]


اضغط على الصورة لفتحها بصفحة مستقلة

موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:45 PM.




 


    مجمموعة ترايدنت العربية