*** قصيده شعريه قيلت في ال سعود حكام المملكه العربيه السعوديه حفظهم الله ***
بسم الله الرحمن الرحيم
نماذج من شعر الإشادة في بعض أمجاد القادة 0 ملخص ما قيل في جلالة المغفور له الملك / عبدالعزيز بن عبدالرحمن آل فيصل آل سعود طيب الله ثراه وهذه النماذج مقتبسة من قصائد مطوله ببعض قادة هذه الأمة من ديوان الوايلي للشاعر عبدالله بن دهيمش بن عبار العنـــزي وقد لخص منها بعض ما يخص موحد هذا الكيان الشامخ 0
هذه المقطوعة من الشعر الرباعي تحتوي على ذكر الملك عبدالعزيز آل سعود موحد هذا الكيان وأنجاله الغر الميامين عرفاناً لقادة هذه الأمه المجيدة وتتضمن ذكر الأنجال الأشاوس ووالدهم العظيم طيب الله ثراه وذلك حسب تسلسل السن 0
سلم الصحابـة يابـن مقـرن تبعتـه
ومجد الأوايـل يابـو تركـي رفعتـه
وشمل العروبه فـي كفاحـك جمعتـه
وسجلت بجهودك من المجـد تاريـخ
وانجبـت أنجالـك لشعبـك ذخـيـرة
تركـي يكنـى بـه زعيـم الجزيـرة
هـو تركـي الأول علومـه شهيـرة
نسل الذي مجده على سطـح مريـخ
وسعـود مجـده بالمفاخـر ايمجـدك
انت الذي ياسعـود عاضـدت والـدك
وانت الذي تبني المعالـي سواعـدك
وانت الزعيم الشيخ منجوب من شيخ
وفيصل ولـد عبدالعزيـز الصريمـة
مذكـور بالهمـة وقــو العزيـمـة
مواقفـة بيـن الخـلايـق عظيـمـة
من سطوته نوّخ هـل الـزوم تنويـخ
محمـد بحـزات المصاعـب محمـد
الشبـل لعلـوم المـراجـل تعـمـد
دم المعـادي مـن صقيلـه تجـمـد
مـا ينجحـد فعلـه نهـار المناويـخ
خالـد سنـام المجـد والعـز خـالـد
ساس الفخر والجـود للشعـب والـد
صنديـد فـي يـوم اللقـا والمجالـد
عوايـده جـدع الشيـوخ المجاويـخ
ناصر سليـل الليـث للحـق ناصـر
النمر ما فعلـه عـن المجـد قاصـر
مـن دور مقـرن للزمـان المعاصـر
حلويـن للصاحـب وللضـد زرنيـخ
سعد كما حرٍ علـى الصيـد ضرمـان
ساس النفايل والفضايـل والأحسـان
الليث مدباس الوغـى عالـي الشـان
جدوى عدوه بـس حسـرة وتفتيـخ
فهـد فهـد كـل الضراغـم تهـابـه
من همتـه مايقـرب الخصـم غابـه
فهـد اليـا خـم الفريسـة بنـابـه
تلقا على البيـدا مـن الـدم تلطيـخ
منصور نفخر به ليـا قيـل منصـور
بالطيب والمعـروف والفعـل مذكـور
الصيرمي علمه مع النـاس مشهـور
لـه الرقـاب اللـي تعلـت مطاويـخ
عبـدالله الصنديـد ليـثٍ امـضـرا
محدٍ علـى وصلـت عرينـه تجـرا
مثـل الحسـام اللـي فعولـه تطـرا
سيفٍ بيد تركـي زعيـم المصاليـخ
بندر صليب الـراي محمـود الأفعـال
النادر اللي يرخـص الـروح والمـال
مذكور بالتقـوى وزينـات الأعمـال
منقـذ ملاهيـف العبـاد المصاريـخ
وسلطان من صلب الرجال الصناديـد
قـاد الدفـاع وجـدد المجـد تجديـد
حد الوطن عـذّاه عـن كـل تهديـد
وحصن بلدنـا بقاذفـات وصواريـخ
مشعـل صميـدع باللـوازم وحلحيـل
الصاطي اللي مـن قـروم الرجاجيـل
الحيـص شيـال الثقـل والمحاميـل
اليا ماج عن شيل الثقل كل طخطيـخ
مساعد من الأشبـال عالـي مقامـه
منجوب من ساس الفخـر والزعامـه
مـا دك بالصنديـد عـرق الرخامـه
من ناطحـه يلقـا مهونـه وتوبيـخ
عبدالمحسن المشهور تحمـد سجايـاه
على المكـارم شاهـده فعـل يمنـاه
المحسـن اللـي نذكـره مانسيـنـاه
الحر الأشقر بالشبـب لـه مصابيـخ
مشاري ولد صقر الجزيـرة مشـاري
مثل القطامي كـان شـاف الحبـاري
الشبـل بعلـوم الفخـر لـه مـواري
شنكار مخلابه مثـل قاسـي الصيـخ
متعب مبيـد الضـد زبـن الونيـات
حـلال مبـروم العقـود الصعيـبـات
هو المجرب حيـن وقـت المهمـات
كان انتهت حيـلات روس المداويـخ
طـلال عنـوان الـكـرم والـمـروّه
صيتـه تبيـن بالمـكـارم سـمـوّه
ويـوم اللقـا حلحيـل يقهـر عـدوّه
ينفق لوجـه الله مـا مقصـده ميـخ
عبدالرحمن الهيلمي ريف الأصحـاب
مثل الحسام بشذرته حتـف الأرقـاب
الباتـع الصنديـد نطـاح الأصعـاب
شلّخ عـدوه شاطـر الحـد تشليـخ
بدر الشجـاع اللـي فعولـه حميـده
عسـى تـدوم أيـام عمـره مديـده
ياسعد مـن هـو باللـوازم عضيـده
زيـزوم شجعـان الرجـال المطانيـخ
تركي هو الثاني من أعـداد الأنجـال
اليا تلاقـوا بالوغـى والحمـر سـال
نسل الزعيم الصيرمي بطـل الأبطـال
أدبر خصيمه وانهـزم عقـب تكميـخ
نواف نفخـر كـل مـا قيـل نـواف
محمود في كل الخصايـل والأوصـاف
الليث اللي فعلـه بالأعيـان ينشـاف
يفـوز وعيـون المعـادي مفاضيـخ
نايـف وزيـر الداخلـيـه سنـدنـا
لـه بالفضايـل والنفايـل شهـدنـا
عن من عبث بالأمـن يحمـي بلدنـا
جاهد ورسخ حايـط الأمـن ترسيـخ
وفـواز فـاز بعالـي المجـد فـواز
الحر الأشقـر بالهـدد يشبـه البـاز
ريف الضعيف اللي من الوقت معتـاز
يفرا الثنادي مخلبـه ليـس تمشيـخ
سلمـان قـدوه باعتدالـه وسلـمـه
هو الزعيم اللي مـع النـاس علمـه
مشهور فـي عدلـه وطيبـه وحلمـه
مثل العلامـه فـوق راس الشواميـخ
ماجد سطـام الضـد بالكـون ماجـد
من عانـده يصبـح مطيـع وهاجـد
سقم المعـادي يـوم عـض النواجـد
دوخ عـدوه طايـل البـاع تـدويـخ
عبدالإلـه الليـث نشـكـر جنـابـه
السيـف باللقـوات يـروي ذبـابـه
مثـل المهنـد فـي نهـار المجابـه
من مضربه يسطي على العظم وايصيخ
أحمد هـو الحلحيـل شيـال الأثقـال
ذخر المواطن عنـد شـدات الأهـوال
اليـا ثقلـت القـالات للحمـل شيـال
به يهتـدي روع العقـول المطافيـخ
سطام عـوق الخصـم للضـد سطـام
نسل الزعيم اللي بالأكـوان ضرغـام
ريـف الصحيـب وللمعاديـن لطـام
صقر الجزيـرة بالعـلا لـه مكافيـخ
وثامر ليا عـدّو هـل الطيـب ثامـر
نسل الذي فـي نجـد ينهـا ويامـر
زبـن المجنـى مجلسـه دوم عامـر
خلا الجزيرة مرغـده خيرهـا طيـخ
وممدوح اللي بالطيب والفعل ممـدوح
يـروم بالعليـا مراميـع واشـبـوح
شجاع عند اللازمه يرخـص الـروح
سجل فخـر مجـده بخـط المناسيـخ
ومشهور ساس الجود بالطيب مشهور
سلايل اللي صايب الـراي والشـور
شبل الأسد فعله مع النـاس مشكـور
ما صـح مجـده للرجـال المتاويـخ
وهذلول نعـم بعالـي القـدر هذلـول
نسل الزعيم اللي ليا ضـول الضـول
قرم الرجال اللي لـه أمجـاد وافعـول
من حربته روس العـدا تقـل بطيـخ
وعبدالمجيـد اللـي علومـه مجيـدة
من عانـده شـاف النكـد والمكيـده
نسل الـذي مجـد المفاخـر يشيـدة
وخلا الصحيب من العجب له طرابيـخ
ومقرن عزيز الشـان ذرب الفعايـل
نسـل الـذي باعـه بالأفعـال طايـل
الليث تشهد لـه علـى العـدل حايـل
يـوم الشـرور المدلهمـه مفـاريـخ
وحمود نجل الليـث بالفعـل محمـود
شبل النمر شبه الفهد صفـوة العـود
مذكور بالمعـروف والفعـل والجـود
تشهـد لهـم بالغانمـات التـواريـخ
ولابـة هـل العوجـا ملـوكٍ وحكـام
بنوا على التوحيـد رايـات الاسـلام
لهـم مفاعيـلٍ جليـلات واعـظـام
وحطو مقام العـز فـوق الشواميـخ
الامير بدر بن عبد المحسن يقول للوطن:
عزنا الاسلام هو غاية فخرنا
فيه سر وجودنا ونموت دونه
أرضنا ارض الذهب وانقى المذاهب
والرجال اللي عهدهم يحفظونه
ومن قصيدة أخرى يقول:
صرخة.. ذكرتك يوم واليوم موعود
لجل الوفا لراعيك موفي الوعايد
كني بوقت راح حاضر وموجود
في يوم عشاة المجد.. عله هايد
وكن «المربع» توه اليوم مشيود
جدران طين اطمام سقفه جرايد
قصر بنى للعدل والطيب والجود
سوره ذرا للناس وفرشه وسايد
كذلك من قصيدة أخرى يقول:
الله الاول وعزك يا الوطن ثاني
لأهل الجزيرة سلام وللملك طاعه
حنا جنود الحرس للقايد الباني
رمحه.. ودرعه وكف الشيخ وذراعه
مثل السيوف البواتر وان جنى الجاني
يضرب بها ارقاب من بالدار طماعه
من بان عبد العزيز وصبحنا باني
ما عاد نقبل ضلام الليل لوساعه
في السلم يشهد لنا عمر الاوطاني
وفي الحرب لارواحنا للموات بياع
سي يو 
العرض العادي
