بسم الله الرحمن الرحيم
السلام عليكم ورحمة الله وبركاته ،،،،
الزواج مبني على الاثنين .... وبذل الجهد لابد يكون من الجهتين ... يعني حتى الرجال لازم يتمسك في مرته ... ويحافظ عليها ...
لان ما اعتقد في شخص على وجه الأرض يرفض النعمه لما تييله بمعنى " ان اذا الشخص كان معاي زين ولا ضرني ولا قصر معاي بالعكس أعطيه عيوني " ...
طبعا في ناس ما يبين في عينهم شي .... بس الواحد يسوي اللي عليه ...
التعامل والاسلوب :
- يعني لما تسألك مرتك وتطلب منك شي ..... تعلم شلون ترد عدل !! ...... يعني خلك دايما مهتم " هلا حبيبتي .. آمري!" ... واذا كنت مشغول " يلايا عمري جاييكي بس اخلص اللي عندي "
(يعني تعلم تكون ذرب في التعامل ... لا تصير دفش ودثوي)
- خل أسلوبك راقي بالتعامل ... بين مرتك وأعيالك ... يعني الفاظ بذيئة كيفك تقولها بالديوانيه وانت تتحلطم بالسيارة ... لكن في بيتك لا تقولها ...
- بطل أسلوب اللي إنت بس الذكي وتعرف كل شي ومرتك غبية وما تفهم ...
لا تنزل من قدرها .. بينلها وعلمها وفهمها بدال الطنازه والتعيب .!!
- خل لسانك حلوو .... وكل حديثك ينقط عسل .... بس مو على مصاخه ... يعني ابسط شي لما تناديك ..رد عليها " هلا حبيبتي !"
- لما تكون قاعد مع ناس .... لا تخالف مرتك الرأي .. خلك في صفها دايما .. لانك لو حطيت روحك مكانها راح تتضايق انها تطلعك غلطان وانه كلامك مو سليم جدام احد ..
- لما تعصب .. حاول تتحكم بروحك .. والتفاهم زين .. وعط حق مرتك مجال تتكلم
" لا تتعود على الصراخ والتسفل" ..
- خلك مع مرتك كل شي ... وسولف معاها ... شنو صار معاك كل يوم ... تقدر تقولها همومك ... وتاخذ رأيها بشي ...وحتى اذا كانت زعلانه لازم تعرف تواسيها مو تزيد الطين بله ..
- حلو انك تلاحظ أي تغيير صار بالبيت بالغرفه في مرتك .. وتبدي رأيك بالاعجاب .. حتى لو مجامله بس لا تفشلها(حتى الاسلام سمح في ذلك ...)
- لا تصير جنك جاهل .. وأناني . وكله انت التعبان والمريض المسكين .. ولحد يستخدم اغراضي ..!!
,,,,,,,,,,
الاهتمام بالمظهر والنظافة :
- يعني انت رجال تروح الدوام تطلع تشتغل .. سواء بالصيف بالشتاء .. الجسم يحتاج سباحه (استحمام)وعطر .... واللي ما يدري في اختراع اسمه "ديودرن" مزيل رائحة العرق ..
- ضروسك .. أسنانك .. حلجك .. بلــــــــــــيز فوق الدخان والصفار والحالة الكسيفه .... هم ريحه نفاثه !!! رجاء الفرشه والمعجون صباحا ومساء ..
- حتى الرجال يحتاج انه ينظف بعض الأماكن من الشعر ... مو يقول انا رجال عادي اصلا إغراء ....لازم يداري هالناحية ..
- يعني يشوف شكله واللي مرته تحب يعني مثل ( لحية - قفل - بدون شوارب - ديرتي ) ... ويهتم في قصة شعره ونظافته .
(أوه ماي الله ديرتي يجنن)
- يعني بليز بليز ... قرض اظافرك ... شغل العقد اطول آخر ظفر ( ترى ويــــــــــع ) ... سواء إيد والا رجل ...
- وسوالف ساعة ذهبيه ( اصلا حرام الرجال يلبس ذهب) ... وشغل خواتم وسلاسل ...سوالف الراب وخواتم المشعوذين ... (ما فيها حلا كلش ) .. وتروالي الاكسسوارات حق البنات .. يعني حدك الدبله بس ..
- يعني وانت قاعد بالبيت لا تصير شايب شغل مكسر لا وبدون اندر وير ( الله يفشلك) ....البس .. يعني شورتات .. بجامات سنعه .. تريننجســــوت ..
لوووووووووووووووووووز
الصفات :
- الحنان ... خلك حنون كثر ما تقعد .... طول ما انت معها دفها بحنانك ..يعني وانتوا مثلا بالصاله قاعدين تطالعون التلفزيون ... قولها "حبيبتي تعالي قعدي يمي وحط ايدك على جتفها .."
أو مثلا : حط راسك في حظنها ... تدلع عليها .. بين انك تستانس معاها ... وتحب تتقرب منها .
اللااااااااااااااه
- الحب ... اول ما تجي لمها حيل .... قولها احبك ... ولهت عليك ... حتى لو تتصل عليها في وقت اهيه ما تتوقعة وتقولها " حبيبتي ولهت عليك "
- المرح والوناسه .... كله جد بجد ما ينفع وفيها ملل .... امزح معاها انخش عنها ... تعافر .. خرعها ... المهم تمرون بلحظات ما تنسونها ... حتى لو تلعبون ظلمه....
- الكرم .... اعوذ بالله من البخيل .... اذا ما صرفت الفلوس على بيتك واعيالك وين توديهم !!! ...
( شغل اشتري جراغي ...اقط فلوس على مخيم الربع... والا
اسافر ..) ... يا أخي قطهم على بيتك ابركلك ...
- الصراط المستقيم .... خلك ماشي سيده دام تبي مرتك تكون بالمثل .... تصونك صونها .. تحبك حبها ..( يعني لا تخربط وتكلم بنات وتخونها ) ..... ترى اكره شي اللي عيونه زايغة .
- الشجاعه .... خلك رجال قول وفعل .. يعني لا تصير خيخه وما عندك كلمة ... مرتك تبيك وقت الشدايد ورجال يسندها ويستر عليها .. لا تصير سكانه وعلى كيف أمه .... والا كلمه تجيبك وتوديك .... وبعدين عيب تشوف زهيوي .. تقول حق مرتك انتي طقيه !!!
- السنع ... يعني سواء مع مرتك أو عيالك ... مع اهلك .. اهلها .. خلك ذرب سنع .. اتعرف تتصرف تكلم ...مو كله روحي انتي بروحك .. روح معاها .. موكله مالك خلق شي .!!
- الصراحه ... شغل لف ودوران والكذب اللي ما له داعي .. عـــــــــــــــيب .. عيب .. مرتك بتكون عارفتلك يعني بتكذب على منو .. وبعدين الجذب حبله قصير ما ردها بتطيح عليك.
- العدل .... لا تمشي الامور على كيفك .. حط نفسك بنفس الموقف .. واعترف بالغلط .. وتأسف بعد .. كل شي له حد ..
الحياة الاسريه :
- لازم تطلع مع مرتك او انت وعيالك كلكم مع بعض .... تتغدون والا تتعشون بره .. او تودي اعيالك ألعاب .. تتسوق مع مرتك .. وتعطيها رايك ..
- لازم تشتري أغراض الجمعية .. وتشتري احتياجات البيت .. هذا واجب عليك ..وتسأل دايما شنو يحتاجون ..
- حلو إنك تدخل بهديه او شي حلوو حق مرتك ... وحلو انك تفاجئها بأشياء لا يمكن تتوقعها ... أو بالدوام مثلا طرشلها ورد في مناسبة معينه " اصلا راح تطير من الفرح " ..
- حلو تلعب مع اعيالك ... تقضي وقت بالبيت .. لازم اتحس ان عندك اسره وانك زوج وأبو ..
- خل عندك طولة بال حق مشاكل العيال ... والبيت ... وحاول تحلها بدال التذمر ..
الحياة الرومانسية :
- هذا أهم أهم جزء بالموضوع كله ... خلك رومانسي ... والرومانسيه فــــــــن ... لكن مو صعب ... الرومانسيه بالكلمه ... بالحركه ... اختيار الوقت المناسب .. الأستعداد النفسي ... حتى المكان ...
- ترى الحياة الزوجية وبالتحديد... وقت ممارسة الحب ... دائما اللوم على المرأه وانها بارده ولا تعرف تتصرف وتوفر الرضا الكامل للزوج !!.... المرأه بطبعها حياوية .. والرجل والمعروف دايما هو المتحكم وسيد الموقف ... لابد ان يزيل الخجل ويعرف كيف يتصرف ...
- المصارحة حلوه في هذه الأمور ... حتى يسعد الاثنان معا ويتحقق الرضا الكامل .... وهذا ليس عيب ..
العيب الحقيقي : لما يستمر هذا الوضع البارد والتذمر ... ويلجا بعدها الزوج او الزوجة للعلاقات المحرمة والخرابيط .
- لابد من توافر التهيئة النفسيه والمكانيه والزمنية ... يعني شغل يلا بسرعه وأي شي .. ما ينفع .. لابد يكون في تقدير لوضع الزوجة وهل اهيه في صحة تساعد .
- إذا مرتك ما تلبسلك كلمها قولها فهمها قولها أحب جذي تسوين جذي ... ما فيها شي !! .... اشترلها مره شي على ذوقك .. بين لها بمجله مثلا أحب جذي .. حتى لو تسريحه معينه صبغه معينه قولها اللي يعجبك ..
- ترى مو معناته انت رجال معناته تعرف كل شي وعندك ثقافة جنسية كامله ... وانك مو مقصر على مرتك ...لازم تسألها شنو تبي ؟ وشنو تفضل ؟ وهل اكتفت بالكامل ؟
- شيل من بالك الافكار الخايسة .. اللي مرتي ما تقول كذا ما تسوي كده .. " أحس جنها مثل البنات اللي رايحين فيها " ..هذا ان دل دل على تفكيرك المصين ...
- حلو انك تاخذ اجازه إنت ومرتك ... تسافرون مكان هادئ تغيرون جو .. مو كلا قاص عليها ومسافر مع ربعك ..( وماشاء الله كله بتجيب بضاعة ولا تشتري سياره!! )
- ترى ما فيها شي اذا سويت فكره او مفاجاة ... وحطيت شموع وسويت ديكوريشن حلوو وقلت حق مرتك يلا شوفي ... عادي ترى هالسوالف مو بس حق الحريم ..
عش الزوجية :
- لازم يكون عندكم مكان ... صج يتسمى شقة او مكان ينسكن فيه .. غرف كفايه ومطبخ وتكرمون حمامات ..... اوكي بالبداية يمكن يكون هالشي تقزوره ... لكن الوحدة ما تقدر تستحمل أكثر .. يعني مسكنها في محكر !!
- بعدين اهتم اشوي في بيتك ..الاثاث .. الصحيه .. الكهرباء .. مو كلا انزين انزين وماكو شي ...!
- إدفع الايجار أول بأول ... مو جاهل انت بعد حسبالك مطوف مكالماتك ..!!
الاخلاص :
- بدونه الزواج يخترب ... اذا ما اخلصت حق بيتك ومرتك واعيالك ... بعد خلاص شنو فايدتك !!
- اذا تبي مرتك تخلص لك يا أخي اخلص لها ... عاملها بالمثل ...!!
- صلح الغلط بدال لا تعفس الدنيا !! مو حسبالك راحتك بره مع فلانه وعلانه !!
- وانت تمشي بالسوق مع مرتك اذا وحده فصعه تطالعك صد عنها .... مو طايحله مكاسر وكنه العيد ..
- وبعدين لا تقص على عمرك ... انا مخلص حق مرتي " خو بس فريند " ... لا يما هذا لما تتزوج امريكية قول هالحكي !!
لوووووووووووووووووووووووز
وإلا تدري ... دامك فري كده بعد جييب حق مرتك فريند !! اشمعنه انت ..
لوووووووووووز
- لما ما تقصر على مرتك وتقولها الحكي الحلوو .. وتروح تكلم من وراها .. وتقول " انا ما قصرت معاها كل شي مسويلها " ... شنو هالحكي شنو هالتناقض ..!! ...يعني صدق عايش حياة مزيفة .... انزين ماكو شعور !! والا يعني هذي يسمونها كماليات جدام الناس ومرتك !!
كل زوج ينظر حق تصرفاته وشنو اللي سوا وشنو للحين ما سوا ... لا يقول ما أدري والا ما كانت عندي تجارب كل الناس جذي ... في شي اسمه سؤال في يسمع في يقرا ...
ويحاول يعدل الوضع ... لان خلاص تزوج وخصوصا لما يكون في اعيال ....
يعني حاول انك تعطي مو بس تاخذ ...
واتمنى التوفيق للجميع
منقوووووول