بسم الله الرحمن الرحيم
أعزائي أعضاب منتدى الود
هذي اول قصيده أضعها بالمنتدى وابي رايكم فيها
اجذبيني بالعيون يا عيون الجاذبية .. يا بساتين الورود الفاتنات الساحرة
شدني للشِعر زينك والرسوم الفاطمية .. والشعاع الي تمرد والخدود الكافرة
لاضحكتي شفت للضحكة لحون"ن" شاعرية .. ولاتبسمتي رسمتك في كتابي خاطرة
ماهي أول مرة"ن" تربك عيوني بالتحية .. سابعة أو ثامنة أو تاسعة أو عاشرة
ما قدرت أحسب خضوعي يوم شافتها عِينية .. شاطرة , وما كل عين"ن" ارمشتلي شاطرة
كيف أسوي في قصيدي لاهجرتيني شوية .. مايزين الحرف وانتي ياقصيدي هاجرة
أدري ان الشعر مايوصف جمالك يا صبية .. مير أبصبح لاوصفتك مثل غيمه ماطرة
اغسل حروف القوافي بالمزون الطايفية .. وانثر اوراق الزهور الفايحات العاطرة
واكتبك بالنور الأبيض عـ الورود النرجسية .. شاعر"ن" مايكتب الا في محاسن شاعرة
علميني كيف حبات الرمال الساحلية ..أدمعت يومك بغيتي تركبين الباخرة
وعلميني كيف أمواج البحار الأطلسية .. استكانت عقب ماكانت لغيرك ثايرة
وعلميني من جعلك النور في صورة بنية .. وعلميني من كسا هالوجه حُلة ناضرة
وعلميني وين كنتي فـ السنين الأولية .. من لقيتك طابت جروح الفؤاد الغايرة
ومن عشقتك حس قلبي بالمعانِ العاطفية .. منك أحس بكل كلمة واردة أو صادرة
تاج راسي يا ملاكي يا فتوني يا نقية .. ياكلام الحب في شدو الطيور الطايرة
لك عيوني واعذريني لو بخستك بـ العطية .. هالعيون الطُهر ماتُعطى لغير الطاهرة
العرض العادي
