لي صاحب له بالقلب مسكان كبير
هو عيسى ياجعله دوم بالخير والمسرات
ترى صاحبي شي ثاني غير الخلق الكثير
وصفه مايباله ثواني ودقايق وساعات
توصيفه يبغاله من الوقت العظيم الكثير
نعطيكم بعض من الصفات الكثيرات الطيبات
فيه هيبة مطير هيبة حمران النواظر
فيه من العزة عزة لو توزع على الناس ماكفت
وكرمه كريم مايبغاله وصف وتحاضير
ولمنك نخيته وكنت له دخيل ماردك ولا ردلك طلبات
يقولك آمر حنا مانرد طلب الرجال المغامر
إذا جيته في وقت الظروف الصعيبات عطاك على قد المقدرات
عيسى أنا ماقلت القصيدة فيك لتضييع الوقت الكثير
قلت القصيدة لأني شاريك ومن شراك ماباعك في لحظات
ياصاحبي ترى يوم أرسلك المراسيل إلي لجلك تسير
أرسلت المراسيل لأجل المحبة إلي لقلبك إنصاغت
ياصاحبي خل المراسيل منك ومني تنقل صفاء المشاعر
لاصرت عن بعدك يالرفيق المحبوب أمتار وكيلوات
وخل تقنية الجوال تنقل الصوت إلي له القلب سار
تراني من فرقاك صارت الحال من الأحوال الصعيبات
ولشفتك تصير الحال من الأحوال الطيبات
ولسلامك أفتخر ومن الفخر يرتفع قدرك مثل الأبراج الناطحات
ونبي المشاعر بين الأصحاب متبادلة تبادل كبير
والعذر والسموح كان بالقصيد نقص ولا خلل ماهي مقصودات
ونبي الدعوات الصادقات إلي من القلب سايرات سير
وأختم قصيدي بفخري وإعتزازي فيك طول العمر ياسيد السادات
عمر بن مطلق الرويس العتيبي
قالها : بـ عيسى الحميدي الميزاني المطيري