السلام عليكم ..
سعدت بالانضمام اليكم ..
يطيب لي ان اصافحكم بهذا النص الذي ارجو ان ينال رضاكم ..
..............( غــــصن وتغــــريد ) .............
مـا هو بعيـد لو هو عني بعيـد
...................... دام هالكـــون لعـــيوني مرايـــاه
بـاقي ٍ لـه هنـا ضحكه وتنهيــد
...................... وما بقـى لــي هنـــاك الاّ بقـــاياه
في زوايــا خفوقي لــه مواعيـد
...................... لـيت كلي على بعضـي زوايــاه
في حنـايـاي لـه صوت وتراديــد
..................... كثر ما كـنت اسـولف عن مزاياه
ليلة البـارح او قل ليلة العــيد
..................... خـذ هـــداياي واعـطاني هدايــاه
مد لي قلب مــدري مد لي (ايد)
................... من كـثر ما عـجزت احصي عطاياه
قال احبـك واحبـك قلت له : زيد
.................... قــال هالعـمر لك هانـت منايــاه
ليـلة ٍ كنت غصن وكان تغــريــد
................... صــار يحـكي وتثـمر بي حكايـــاه
هب صوته وانـا اتساقط عنـاقيـد
.................... لـين لملمـني فـ.. ســـلة حنــايـاه
في خفايــاه رحت آزيــد وآعيـد
.................... أثـر ما فـيه غـــيري في خفــاياه
فجــر العشق قلت الله يــا سيــد
.................. حـظ من طـارت فـ عشـقك شظــاياه
بعضي اللي مابين الخـد والجـيد
.................... وبعضـي اللي على جـمرة شفايـاه
بالحلا مــا قدر يحويــه تحديـد
.................... مـدري اشـــلون تتــمدد حــلايـاه
كن مـا فيـه عقب امشاهده غيــد
.................... كـن ما فيــه اطيـــب من نوايــاه
قـال لو رحت فيك النـار بتقيـد
.................... ما درى الكـــون لعيـوني مرايـاه
العرض العادي
