بنات اون لاين روايــــــــــه رومانسيـــــــه.........

[نور الدنيـــا]

_-_-_ بعـــد أسبــوع _-_-_
** يــوم الخميس **

اليوم عيد ميلاد جود .. ومره حايسه في نفسها وفي لبسها والتجهيزات كأنه يوم زواجها مو عيد ميلادها .. وحلا ونوف معاها بالبيت يساعدوها تخلص كل الترتيبات والتجهيزات مابقى كثير على موعد البارتي ..

جود : يوووه ليه شكلي غبي اليوم ؟
نوف : وربي تخبلين يلا بلا دلع ترى مايمديك عبال ماتوصلين للمشغل وتخلصين من كشتك ؟؟
حلا ابتسمت باستغراب : ليه رايحه المشغل ؟
جود : عشان ارقص ..
حلا : هههههههه جود مو بوقتك ..
جود : بسوي شعري والمكياج تبعي ..
حلا : وش دعوه تروحين مشغل وانا هنا وش اسوي ؟
جود رفعت حاجبها : يعني تعرفين ؟
حلا : اووه اعجبك .. بس انتي نشفي شعرك وربي لا اخليك تحفه
نوف : اووخص طيب وانا نسيتوني
حلا : وانتي بعد بس بسرعه ترى مافيه وقت ..
دخلت عليهم ام جود : هاي بنات
البنات : هايات
نوف : هلا خالتي ..
ام جود : هلا حبيبتي يلا جود ماودك تطلعين معي للمشغل ؟
جود : لا خلاص ماما حلووله بتسويلي شعري ..
ام جود : زين اجل انا طالعه للمشغل وبعدها بروح للقاعه اتاكد من كل شي اوكي ..
جود : تسلمييييييييييييييين يااحلى ام بالدنيا
ام جود : هههه الله يسلمك يلا تبون شي ؟
البنات : سلامتك ..
ام جود : وعلى فكره ترى السواق تحت اذا احتجتوا شي انا طالعه مع صديقتي خلاص ..
حلا : اوكي خالتي انتي روحي عشان لا تتاخرين ولا تشيلين هم ..
ام جود : يلا مع السلامه ..
خرجت ام جود .. والبنات بالغرفه رافعين صوت المسجل على أعلى شي ويشتغلون في نفسهم ومكياجهم ..
نوف حاطه رجل على رجل وتقرأ المجله وتفصفص ..
جود تطالع في نوف باستغراب : وش رايك اجيبلك شيشه مره وحده ..
نوف : هههه يعني وش تبيني اسوي ..
حلا : مابتسوين شي بوجهك ..
نوف بثقه : الحمد الله وجهي حلو بدون شي مايبيله الوان ..
جود : هههههه من جدك انتي
نوف انحرجت : ايه وش اسوي يعني ؟
حلا : بلا دلع تعالي اشوف بسويلك مكياجك انا كيف تروحين كذا .؟
نوف : ليه وش فيني وربي اني اجنن
جود : تجنين بس وجهك صامت مافيه شي خخخخ
نوف : تيب بحطه عالهزاز خخخخخ
حلا تشيل شنطة المكياج من عالتسريحه وتحطها عالطاوله الي جنب نوف وتقعد جنبها .. شمرت أكمامها : يلا نبدأ
نوف : لا لا مابي اسوي شي
حلا تمسكها غصب : بتسوين غصب عنك يلا غمضي عيونها ورجعي راسك لورى ..
نوف باستسلام : اوكي بس لا تخبصين لي سامعه ..
حلا : هههههه من عيوني ..

.....................

فرح : يلا تأخرنا ..
فدوه : يوووه ليه طايره دحين الي يسمعك يقول رايحين لايطاليا
فجر بشوق : والله جده عندي بأوربا كلها ..
فدوه : امووت ياوطنيه يلا خلصت ..
فراس دق الباب عليهم ..
فرح راحت تفتح الباب : هلا فراس
فراس : يلا خلصتو ؟
فرح : ايوا خلاص بس البس عبايتي
لبسوا البنات عباياتهم .. وطلعوا للمطار ..
فرح بقهر وحزن : هنا عليه حتى ماجاه يودعنا قبل نروح ..
فجر باستغراب : مين ؟
فرح : مشعل فيه غيره ؟
فجر تتنهد : الله يهديه ..
فرح : ياقلبي والله بتوحشني ميوويه وملووكه ..
فدوه : يلا كلها شهرين وتجي الاجازه واحنا راجعين ..
ركبوا الطياره وأقلعت بعد وقت طويل من الانتظار ..

في جدهـ ..فهد لحاله في البيت وبيتجهز عشان يطلع يستقبل اهله من المطار ..

نازل من الدرج ويغني بروقاان : وحشتيني وحشتيييني وجيت أسأل أسأل وأدري إني على بالك على بالك .. عسى ماشر عسى ماشر ماتسأل تسأل وش الي غير أحوالك أحوالك ..

ويحس بلمسة يد ناعمه ورقيقه على كتفه قشعرت جسمه كله لف بسرعه ويتفاجا بوجهها القبيح والي اكتنزت فيه الحبوب على جهه وحده أسفل خشمها ناظرها بتقزز واشمئزاز هذي ايش تبغه مصدقه نفسها ولا تستهبل ؟؟؟

ضرب يدها الي على كتفه بقوه : خيييير
سرياتي " الشغاله" : بابا فهد انا أيـ .....
فهد : ايش تبغي خير كأني زوجك ايش دي الحركاات هااا ليكي كم يوم عينك طولت ..
سرياتي تمسك دقن فهد بنعومه ودلع مقزز : انتا ليس زعلان ؟
فهد مبقق عيونه ويطالع فيها : ................
سرياتي تقرب وجهها من وجهه : انا ابقه دلئ انتا خلي انتا مبسووووط ..
فهد مسك يدها بقوه ولفها بقوه : انتي يامعفنه تبغي تبسطيني شوفي وربي حركه زايده منك ماتلومي الا نفسك يلا انقلعي عن وجهي ..
سرياتي خافت وطلعت تجري لفوق ..
فهد يهز راسه : الحمد الله والشكر ..
طلع من البيت للمطار رااايق ويغني ..
ركب السياره وشغل شريط راشد القديم " الهدايا" فنانه المفضل .. وقعد يسمع بدون مايحرك شفته ولا يكلف نفسه يردد الكلمات يكفيه انه يسمع كلمات الاغاني الهادئه ويمخمخ عليها ..

وصل للمطار واستقبل اخواته وامه .. ورجعهم للبيت ..

........................

في قاعه كبيره وفخمه بأحد الفنادق الراقيه بدأ صوت الاغاني يرج المكان والمعازيم كل شويه يزداد عددهم الين قربت تمتلي القاعه والرقص والفله كان جو البنات هناك .. الأضواء خافته وصوت اغنية " كل سنه وانت طيب " تبعت تامر حسني ملت القاعه والضوء موجه لأعلى الدرج ينتظر ظهور صاحبة الحفله وملاك هاليوم ..

البخار غطى أسفل الدرج وآلات الفقاقيع اشتغلت والجو صاير مرره كول ..
حلا ونوف وصاحبات جود كلهم واقفين تحت الدرج ويصفقوا ينتظروا نزولها وكأنها عروسه .. وأم جود تصور وعيونها غرقانه بالدموع وهيا تشوف بنتها اليوم بتدخل الـ 18 سنه .. بنتها وحيدتها ووردتها ودلوعتها كبرت ماعادت الطفله الي تسرح وتمرح في البيت ..

طلعت جود بطلتها الملائكيه وفستانها البينك الحريري الي يطير مع مشيتها وشعرها البني الطويل الناعم يتحرك حولها بحيويه مع ابتسامتها الجذابه وعيونها الصغيره اللماعه .. وكل من شافها سمى عليها وصلى على النبي كأنها حورية ..

نزلت خطوه بخطوه وكل خطوه تنزلها ابطئ وارقى من الي قبلها نازله على مهلها وهيا مبسوطه ومو مصدقه انه كل هالناس جو على شانها ..
حلا قربت لعندها وسلمت عليها : كل عام وانتي بخير حبيبتي
جود ابتسمت بخجل : وانتي بخير ..
جات نوف من وراها : كل سنه وانتي بخير عقبال الميه يارب ..
جود : وانتي بخير ان شاء الله هههههه فديتك نوفوووه
حلا اتخصرت : لااا بس نوفوه ..
جود :هههههه فديتكم كلكم وربي ..
ودارت عالمعازيم تسلم عليهم ويباركولها بعيد ميلادها ..

وراحت جلست في الطاوله الي مخصصه لها ولصديقاتها ..
حلا بتردد : جوجو
جود بابتسامه رايقه : هلا
حلا مدت يدها وفيها علبه صغيره : خذي ؟
جود عقدت حواجبها : وش حقه مو عطيتيني هديتي هههههه
حلا ابتسمت : هذي مومني ..
جود باستغراب : اجل ؟؟
حلا اعطتها وابتسمت : لما بتفتحيها بتعرفين ..
جود اخذتها وحطتها عالطاوله وقالت بعدم اهتمام : اوكي ..
وشويه يرن جوالها بنغمة رساله من رقم غريب ..

## مجنون بك وأعترفلك صرت مجنونك ..
لا الذنب ذنبي ولا ذنب الهوى ذنبك ..
لو كل هالناس بعيوني يشوفونك ..
ان كان ذاب بغلاك العالم وحبك ..
" كل عــآإم وإنتي بخيـر ياعمـري " .. #

قعدت تطالع في شاشة جوالها بصدمه وتفاجأ واستغراب .. وصارت تقرى الرساله اكثر من مره ..
مين الي بيرسلها زي هالرساله اكيد مو واحد غلطان دام عارف انه اليوم عيد ميلادها ؟؟ ويحبها ؟؟؟؟؟؟؟ مين هذا ؟؟؟
ابتسمت باستغراب وهيا تحس انه مثل الافلام يكون معجب سري ..

دق جوال حلا بنغمه مزعجه ..
حلا : ياربي هذا نواف اكيد الحين بيقول اطلعي ..
جود : لاااااا يقلب وجهه مره بدري تو الحفله ببدايتها ..
حلا ردت : هلا نواف ..
نواف : هلا حلا ها خلصتي ؟
حلا : لااا نووفا مره بدري ؟؟
نواف : وش بدري الساعه 12 ..
حلا : ايه بس تو الناس ..
نواف : طيب متى تبيني اجيك ؟
جود تأشرلها " الساعه اثنين " ..
حلا : امم اثنين ينفع ؟
نوااف : لا احلفي وش اثنين على بالك بلاس فيغاس حنا بعد ساعه بالضبط بكون واقف قدام الباب ..
حلا باحباط : اوكي .
نواف خطرتله فكره رهيبه : اقول حلا ..
حلا : وت ؟
نواف بخبث : جود جنبك ؟
حلا طالعت في جود الي تضحك مع نوف ومندمجه بالسواليف : ايه ليه ؟
نواف : ابي اكلمها شوي ..
حلا باستغراب : تكلمها ؟
نواف : ايه يلا عطيني اياها ..
حلا ابتسمت : اوكي ..
حلا تدق جود : جوووجوو يابنت
جود لفت عليها : ها وش يقول اخوك ؟
حلا تأشر عالجوال وقالت بهمس : يبي يكلمك ؟
جود باستغراب : يكلمني انا .؟؟
حلا : هههه ايه خذي ..
جود اخذت الجوال وردت بصوتها الناعم والدلوع : الوو
نواف ابتسم : يسلملي الالوو انا ..
جود استغربت يتميلح ولا وش قصته : هلا نواف
نواف ابتسم : كيفك ؟
جود : الحمد الله
نواف : كل عام وانتي بخير ..
جود ابتسمت بخجل : وانتا بخير ..
نواف ارتبك مو عارف ايش يقول : كم صار عمرك الحين ؟
جود : امم كم تتوقع ؟
نواف بتفكير : يعني 19 _ 20 ..
جود : ههههههههه لاء
نواف ذاب من ضحكتها : اممم 21 طيب ..
جود : لاااااااا عمري الحين 18 ..
نواف ابتسم >> صغيره بعد قلبي << : العمر كله ..
جود : تسسسلم ..
نواف ابتسم ودقات قلبه تسابق ارتبك ماوده يقفل منها حتى لو ماتكلم يكفيه يسمع صوت انفاسها .....
جود استغربت سكوته : نوااااف
نواف >> عيـــونه انتي << : هلا
جود : تبي شي ؟
نواف انتبه انه طول عليها له 5 دقايق ساكت : سلامتك ..
جود : الله يسلمك .. باي ..
نواف بهدوء : باي ..
قفل منها واتنهد ورجع راسه على ورى وابتسم ابتسامه عريضه وحالمه ..
اما جود فرجعت الجوال لحلا وابتسم ودقات قلبها عالطاير .. معقوله نواف يفكر فيها زي ماهيا تفكر فيه ..؟!؟!
نوف دقتها وغمزت : وش قااالك ؟
جود : هههههههه مايقول شي
نوف : لا احلفي يلا عاد قولي وش يقوول ؟
جود بخجل : بس قالي كل عام وانتي بخير ..
نوف : اووخص ياحركه ..
جود دقتها : بلا هباله عادي ..
نوف : لا مو عادي صدقيني نواف وراه شي
جود : وش قصدك ؟
نوف غمزتلها : قصدي بتفهمينه بعدين ..
جود : وش فيكم انتو اليوم كله الغاز ..
نوف :هههههه مو الغاز ولا شي بس راح تفهمين قصدي قريب وبتقولي نوف قالت ..
جود : الله يعطيك العقل ..
نوف : هههههههه
حلا : بناات يلا نبي نرقص ..
نوف : ايه جد يلا قومي جودووه ..
قاموا البنات وطلعوا عالستيج الأزرق الي كله الوان وفقاعات وبلونات وشكله رووعه ..
ورقصـوا الين قالوا امين ..

....................

[جوري قطر]

رووووووووعة الاحداااث





بنتضااار التكمله حبيبتيي

[الجذااابة]

احداثها مرررة حلوة


بنتظار التكملة

[●MŭhâMmāĐ●]

بنتظار التكملة

[نور الدنيـــا]

وفي جدهــ ..
رجعوا للبيت بعد هالاجازه الممتعه للبعض والقاسيه للبعض الاخر ..
كل واحد منهم دخل غرفته ورمى نفسه عالسرير ونام الا فرح الي ماغمضلها جفن استرجعت كل الاحداث من يوم ماحطوا رجلهم بالرياض للحين .. غمضت عيونها وحاولت تنسي نفسها كل الي صار ..

بغرفـــة فــآإتنه ..
دخلت واخذت شاور سريع وغيرت ملابسها وراحت للسرير وقعدت تلعب بجوالها بطفش ..
وبالغلط شافت رساله من (( عزوز حياتي )) كانت من قبل شهرين ..

## وحشتيني ياهبله ... ليه ماتردي ؟؟ اهون عليكي بس افااا والله افاااااا ؟؟ احببببك ياشيخه فديت قلبك انا بس ردي يابنت الحلال لا تعذبيني ..##
ابتسمت وغرقت عيونها بالدمووع .. تحبه بكل شي فيها ماتقدر تعيش بدونه .. الحياه الي بعده ماتتسمى حياه .. عبد العزيز كان ماخذ كل ذره في كيانها وكل فكره في بالها هو كل شي هو الهوى هو المنى هو الحب هو الحنان هو الدنيا ...

نزلت دموعهاحارقه على خدودها الورديه ... خلاص لازم تنساه عزوز ماعاد لها عزوز تزوج وراح خلاص هو الحين ملك لغيرها ..
ماقاومت لهفتها وشوقها له مسكت جوالها بيدين مرتجفه وقررت تدق عليه بس تسمع صوته بس تسمع .. الوو .. وخلاص ماتبغه شي بس تحس بوجوده معاها ولو جسده بعيد ..
اترددت كثير وبكت وبكت الين جفت دموعها واخيرا ضغطت عالسماعه الخضراء .. ومع كل رنه دقات قلبها تزيد ..

وبعد رابع رنه رد عليها بصوت مشتاق : قلبي ..
فاتنه حطت يدها على فمها وصارت تبكي : .............
عبد العزيز غمض عيونه وقال بلهفه : وحشتيييييييييييييييييييييييييييني ..
فاتنه بغصه : تحبها ؟؟
عبد العزيز عقد حواجبه : مين ؟
فاتنه صرخت : زوجتك تحبهااااا ؟
عبد العزيز بضيقه : والله ماحبيت ولا بحب غيرك ..
فاتنه : كذاااااااااب ..
عبد العزيز انصدم معقوله فاتنه تكذبه او حتى تشك فيه : عمري ماكذبت عليك بشي ا ........
قاطعته بصوت عالي ومرتجف : كذااب وستين كذاااااب لو تحبني جد ماكان سبتني كدا لحالي اذوق الويل في بعدك انتا اناني ماهمك غير نفسك مبرووك عليك اتهنى وانبسط معاها انساااني خلاص ماتستاهل اني اكون في بالك اصلا.. لانك ماتستاهلني وعمرك ماستاهلتني ..

قفلت في وجهه ودخلت في نوبه من البكاء .. وعبد العزيز مصدوم منها ومن تصرفاتها وكلامها معقوله كرهته ونست الي بينهم بهالسرعه وهيا الي كانت عارفه بحكاية زواجه المغصوب عليه من اول يوم شافها فيه ليه الحين تقول كذا وتجرح قلبه ...

ابتسم بحزن ولف وجهه عاليمين عشان يلمح بنت عمه والي صارت زوجته نايمه جنبه بأمان مبسوطه وتتنظر منه حياة حلوه تتنتظر منه يسعدها ويهنيها بس كيييف ؟؟ مستحيل يفكر بوحده غير فاتنه الي ملكت كل خليه بجسمه .. رجع راسه للمخده بحزن وغمض عيونه واستسلم للنوم وقرر انه مابيفكر في شي من بعد اليوم غير في حياته مع زوجته وكيف بيقدر يسعدها حتى لو قلبه مع غيرها .

[نور الدنيـــا]

::":: الجزء الثــآمن ::"::

حلا : وشوووووووو ؟؟
نواف : وش فيك اقولك فيصل معي بوصله البيت ..؟
حلا دقات قلبها اتعدت الألف في الثانيه قالت بارتباك: يعني هو الحين معك بالسياره ؟
نواف استغرب : حلا وش فيك صايره تحنين كثير يلا اطلعي انتظرك برى واتنقبي زين اوكي ..
حلا بهمس : تيب ........ قفلت منه وراحت تدور جود ..
حلا تسحبها من الكوشه : تعااااااااااااااااااالي
جود : اااااااي وش فيك ؟
حلا تناهج : فييييصل ياجوود فيصل ..
جود : ايه فيصل وش فيه ؟
حلا حاطه يدها على قلبها : فيصل برى مع نواف ..
جود عقدت حواجبها : بتروحين معاه يعني ؟
حلا هزت راسها بارتباك ..
جود ضمتها بقووه : مبرووووووك هههههههه
حلا بتعجب : جود احيانا احس اني ودي اوديك لمصحه عقليه ..
جود : هههههههه ياخبله خليك عادي فرصه تقزين فيه اليوم خخخخخ
حلا فتحت عيونها على اخر حد : مجنونه انتي تبين نواف يذبحني ؟؟
جود : ههه وانتي كل شي نواف ونواف مسويلي فيها فاندام خليه يولي ..
حلا : ياربييييييييييه ماني عارفه وش اسوي ؟
جود : اسمعي ياهبله اركبي ورى نواف ياويلك ان تركبين ورى فصوول ولا تبيني انك مرتبكه اذا سألك أو نواف كلمك تكلمي عادي ..
حلا بلعت ريقها وهزت راسها : اوكي باي ..
نوف جات من بعيد : تحشوون هااا ؟؟
حلا : ههههههه يلا نوفه اشوفك على خير ؟
نوف : بدريييييييييييييييييي
حلا : من عمرك اخوي برى يلا مع السلامه ..
نوف + جود : الله معاك ..
بعد ماراحت حلا .....
نوف باستغراب : وش فيها مرتبشه كذا ؟؟
جود تتنهد : الحب وبلاويه ..
نوف عقدت حواجبها : أي حب ..
جود : يووه انتي ماتدرين تعالي بس خليني احكيك ..

أمـــآإ حــلا ..
طلعت من القاعه بعد ماتنقبت وبينت عيونها الحاده والواسعه .. وهيا ترتجف تحس رجولها ماتشيلها ..
شافت سيارة اخوها واقفه قدام الباب واول ماجات عينها >> على فيصل الي ساند ظهره ومرجع راسه لورى بتعب ..
حست برجفه في قلبها قعدت دقيقتين تطالع فيه وتتأمله وهوا مو داري عنها ..
ونبهها صوت البوري ..
حلا : طيب جااايه ..
ركبت بهدووء وصمت على غير العاده .. قالت بارتباك : السلام عليـ..ـكم ..
فيصل + نواف : وعليكم السلام ..
نواف باستغراب : حلا يلا سكري الباب خلينا نمشي ..
حلا دوبها تنتبه انحرجت وقفلت الباب بهدووء ..
فيصل بملل : الاسبوع الجي طالعين للمزرعه ..
نواف : جد ؟؟
فيصل : ايه ابوي جمع عماتي وعماني كلهم وقالهم مادري ابوك عنده خبر ولا لاء ..
نواف باستغراب : والله مادري محد قالي ..
فيصل : خلاص هذا انا قلتلك رتب امورك ..
نواف : لا يابن الحلال وراي دراسه واختبارات مقدر ..
فيصل : وش الي ماتقدر كلنا متجمعين وورانا اشغال يعني محد درس طب غيرك ..
نواف :ههههههه لاء ماني اول واحد بس ياخي الطب يبيله مخ وروقااان ..
فيصل بملل : طيب يارايق ..
وشويه (( عن قمرهم كلهم ياضياء نور لهم الورود انتا عطرهم كيف انتا تشمهم )) ..
حلا ارتبكت وطلعت جوالها من الشنطه بسرعه وردت : هلا جوجو
جوود : خخخخ وينك ؟؟
حلا بصوت واطي بس طبعا مسموع : توني طالعه من عندك وين بكون ؟
جود : خخخخخخ كيف الابضااي ..
حلا : هههههههه
فيصل لف وجهه عليها ...................
حلا اتصنمت ولسانها اتجمد .. اتعلقت عيونهم ببعض لمده ماهي قصيره .. حست كل خليه في جسمها تنتفض..
فيصل استغرب هو وش قاعد يسوي رجع لف بسرعه وحمد ربه انه نواف مو داري ولا هوا شايفه اصلا ..
جود تصرخ : ووووووووووووووين رحتي ..
حلا انفجعت : شوي شوي اذني ابيها ..
جود : هههههههههه تصدقين دقيت بس كذا ابيك تتكلمين عشان يسمعك حبيب القلب ..
حلا انقهرت منها : وربي انك فاضيه يلا باي ..
جود : لا وصلتي البيت كلميني ..
حلا : اوكي باي ..
قفلت منها واعصابها مشدوده ماهي قادره تتنفس وهوا معاها بنفس المكان تحس برجفه وبخوف مو طبيعي ..

..................

الجوال حالف انه مايوقف رن الين احد يرد عليه .. والناس نايمه وغارقه في بحور أحلامها ..
فتحت عيونها بكسل وطالعت في الساعه بإنزعاج .. الساعه 3 مين الفاضي الي بيدق في ذا الوقت ..
ردت بكسل وبحة نوم في صوتها : الووو ..
...............: ياهلا بلي لها الخاطر يهلي ..
فرح عقدت حواجبها : نعم مين ؟
...............: وه ياهوو ماعرفتيني ياحلووه ..
فرح افتكرتو على طول صلحت جلستها عالسرير وقالت بتهديد : اقسسسسسسم بربي المصحف لو ماتبطل تدق عليا لا تشوف شي في حياتك محاتنساه ..
رامي : ههههههه اعصابك ياعمري ..امم انا بس حبيت اتطمن على قلبي كيفها شخبارها ؟
فرح مقهوره وساكته مالها خلقه .................
رامي ابتسم بخبث : فرووحه ياقلبي طلي من شباك غرفتك ؟
فرح بصدمه : غرفتي ؟؟
رامي طلع من السياره الكشف واتسند عليها وولع سيجارته : ايوا بس طلي ..
فرح راحت تجري لشباك غرفتها الزجاجي الكبير وفتحت الستاره شويه مرره على قد عيونها .. وانصدمت لمن شافته يطالعلها ويبتسم بخبث : هههههههههه اشبك خايفه وريني وجه القمر مشتاااقلك ياحياتي ههههه
فرح : انتا ايش تبغه ممكن تقلي ؟؟
رامي ابتسم بخبث ونفخ دخان السيجاره : ابغاكي انتي ياروحي ..
فرح بعصبيه : راحت روحك ان شاء الله لعد تدق عليا ولا تحاول مره تانيه توقف قدام بيتي مجنون انتا تبغه تفضحني ..
رامي :ههههههه افاا انا اخاف عليكي اكتر من نفسي ..
فرح تأففت : المهم لا اشوف رقمك المعفن على جوالي مره تانيه باي ..
سكرت في وجهه وراحت نامت ..
وهوا ركب سيارته وهوا مبسوط ومبتسم خططه وتصوراته ماشيه في الطريق الصحيح والي يبغاه قريب بيحصل عليه ...... والله يستـــر ..

_-_-_ بعد مرور اسبوع على آخر الأحدآث _-_-_

فرح تضم اخوها بقووه : لا توحشناااااااااا ..
فهد : افا وانا اقدر على فرقاكم كل اسبوعين وانا طاب عليكم ..
فجر : يرييييييييت والله ..
فهد : هههههه تعالي فدوووشه ياكتكووته ولا ماتبغي تسلمي على اخوكي ..
فدوه ضمته بقوه : فهددد والله حتوحشنااااااا مووت بليز حاول تخلص بسرررعه وترجع .€
فهد : هههههههه ايش هوا حلاوه اخلصها بسرعه وارجع اممم ان شاء الله اذا ربي اراد 6 سنين وانتي ترفعي راسك وتقولي احــم انا اخت المهندس فهد الفارس ههه ..
فدوه : ههههههه امين يارب بس طمنا عليك ..
فاتنه : ههههههه يلا فهوود أمنتك الله ياقلبي انتبه على نفسك ..
فرح : ايييييوا الله يحفظك من عيال الحرام ..
فراس : يلا ياجماعه اخرتونا ترى ..
فجر تبوسه على راسه : وبلاشي تطويل العيون وخلي بالك ..
فهد : ههههههههه افااا وانا اخوكي ... يلا اودعتكم الله ..
فجر ابتسمت بحزن : الله معاك ويحفظك ويحميك ..
ويسمعــو صوت من وراهم مألوف عليهم كثير بس تقريبا بدأو ينســوه لأنه ماعاد له حس بالبيت : فهــــــــــــــــــــــــــــــد ..
فهد لف مصدوم وشاف امه واقفه عند الدرج فاتحه يدينها وتبكي ... راح يركض لعندها وسلم على راسها ويدينها بشوق ولهفه ..
ام فايز تبكي : حرام عليك ياأمي تبغه تسافر بدون ماتودعني اهون عليك ياماما ..
فهد باس راسها بقوه وضمه لصدره : لا ياأمي لا تقولي كدا انا كل دقيقه احس بسكين تطعن قلبي لانك مو راضيه تشوفيني ولا تسلمي عليا انا مابغه غير رضاكي ياامي رضاكي وبس ..
ام فهد بحزن : لازم تسافر ياابني ..
فهد تنهد : امي هادا مستقبلي ومابينفعني غيره ..
ام فهد حطت يدها النحيله على كتفه : الله يوفقك ويحميك ويجعلك في كل خطوه سلامه .. روح ياولدي وانا راضيه عنك لو ايش ماتسوي ..
فهد باس يدها : دعواتك ياامي .. مع السلامه ..
ام فهد : امنتك الله ياحبيبي ..
طلع فهد مع فراس للمطار .. وهوا كله امل وحياه بيبدأ حياه جديده بيبدأ يكون مستقبله الي ياما حلم فيه .. يبغه يحقق حلمه وحلم ابوه انه يصير مهندس .. خلاص حان الوقت وجات الساعه الي لازم يغير فيها كل حياته ..

فجر راحت لأمها وباست راسها بحنان : كيفك ياماما ؟
ام فهد ابتسمت بحزن وجلست عالكنبه : الحمد الله ..
فدوه بغت تطير من الفرحه اخيرا امها تكلمت وقالت شي .. راحت ضمتها بقووه : وحشتييييييييييييييييني ياماما ..
ام فهد ابتسمت وحضنت فدوه : حتى انتو ياقلبي كلكم وحشتووني ..

....................

جود : ايه امس حاكتني مادري وش تبي خخخخخ بس قعدنا نسولف ..
حلا : هههههه طيب ماقلتيلي هي حلووه ؟؟ ماني مصدقه انه نواف خق عليها كذا ..
جود : هههه ابصراحه تجنن والشهاده لله ..
حلا : هههه حمستيني اشوفها ..
جود : هههه بس وربي انها خبله يوم تهاوشنا ذاك اليوم بالمستشفى حسيتها مجنونه جد ..
حلا : ههههههه طيب وامس وش تقول ؟
جود : خخخخ اول مادقت قالت انتي جود السيف قلتلها ايه مين ؟؟ قالت هههه سوري غلطانه بالرقم خخخ
حلا : ههههه مو صاحيه ..
جود : عطتني ايميلها وقالت نتواصل بالماسن قلتلها اوكي ..
حلا : واضفتيها ولا باقي ..؟
جود : ايه امس بالليل دخلت الماسن وضفتها ..
حلا الحزن تغلل لنفسها : جود
جود : وش فيك ؟
حلا : الصيف مابقاله كثير ..
جود : طيب ؟؟؟؟
حلا : وش الي طيب ياجود فيصل بيتزوج والله ماني عارفه كيف حبيته صرت مافكر بشي غيره ..
جود : امممم طيب وغرام الغبيه ذي تحبه ولا بس كذا ؟
حلا : ماادري لا تجيبين طاريها ..
جود : ههههه اسمعيني خليها علي انتي بس عطيني رقمها ..
حلا بخوف : ليه ؟؟
جود : عطيني رقمها ولا يكثر ..
حلا بتردد : جود وش بتسوين فيه ؟
جود : يعني لسه مو واثقه فيني عطيني اياه والله مابسوي فيه شي لا تخافين ..
حلا : اوكي .. 050*******
جود ابتسمت بخبث : خلااااااااااص نامي وانت مرتاااااحه ..
حلا استغربت كانت حتتكلم بس جود قاطعتها : يلا اكلمك بعدين باي ..
حلا : باي ..

وفي مكان ثــــآآآآآآآني ..
... آآه يازينها وربي تطرح الطير من السماء كل شي فيها جذاب .. يحقلها شايفه روحها ونافخه ريشها .. بس انا لك يــآ هههه يا جوود حياتك بتصير بإيدي بخليك تجيني على عماك وباخذ منك الي ابي كل شي عنك اعرفه وبكلمه مني تنهد حياتك هههههه اااه ياقلبي وش حلاتك ..


نواف في غرفته قاعد عالمكتب الي يدرس عليه والقلم بيده يتحرك من غير انضباط يكتب أي كلام واي شي المهم يبعد عن جو الدراسه الممل .. ابتسمت شفاته وابتسم معاها قلبه لمن شاف الاسم الي انحفر على طرف الورقه .......جود .........
حتى وهوا سرحان ايده تكتب اسمها وتفكره فيها كل شي فيه صار ينطق باسمها .. فتح اللاب توب بطفش .. وشغل اغنية .."بحبك وحشتيني " تبعت حسين الجسمي .. وابتسم ودخل الحمام ..

دخل محمد واستغرب لمن شاف اللاب توب مفتوح والاغنيه تشتغل ومحد فيه : نوااااف نوااف ..
هز كتوفه باستغراب وراح جلس عالسرير ينتظر نواف يطلع ..
طلع مبسوط ويدندن يحس بنشاط غريب : وبحبك وحشتيني همم بحبك وانتي نور عيني دا وانتي مطلعه عيني بحبك موووووت ..
محمد : الله ياعم ايش الروقان هذا ..
نواف : بسم الله من وين طلعت انت ؟
محمد : هههههه الي ماخذ بالك يتهنى به ..
نواف : ههههههههه غريبه وش الي طرى عليك جاي لغرفتي ؟؟
محمد : هههه بس كنت بقولك انه سفرك بعد شهرين ..
نواف بصدمه : ايييش ؟؟
محمد : ههه وش فيك مو قدمت اوراقك وقبلوك ولازم تروح بعد شهرين بالضبط عشان تضبط وضعك هناك قبل تبدأ الدراسه ..
نواف جلس عالسرير وفرك يدينه بارتباك : يعني اكيد قبلوني ؟
محمد : ايه وش فيك اليوم منت على بعضك ؟
نواف : لا مافيني شي طيب والسنتين الي درستها هنا بتطير صح ببدأ من جديد ؟
محمد : نواف انت عارف وش لك وش عليك ماله داعي تسأل سؤال زي كذا ؟؟
نواف تأفف : خلاص اوكي مشكوور ..
محمد وقف وابتسم لأخوه : الله يوفقك ..
نواف : وياك ..
محمد : يلا باي
نواف تنهد:بايات

[نور الدنيـــا]

في غرفـة حلا ..
حلا بصدمه : نعععععععععععععععععععععععم ؟؟
...............: حلا ياقلبي لا تنفعلين اسمعيني وش اقولك ..
حلا : انت مين انت كذاب وش تبيييييي ؟
...............: حلا يعني ناسيه صوتي عشان تقولين كذا سنين قليله نستك اخوك ؟؟
حلا لسه مصدومه ومو فاهمه شي : تركي ماااااات يانصاب وش تبي مين راسلك علي ..
................يتنهد : وربي المصحف ياحلا انا تركي انا مامت ياحلا مامتتتت ..
حلا صارت تبكي بهستيريه وهيا مو فاهمه شي : بس كيف ؟؟ تركـ..ـي احنا دفنـ ..ـاك ....... انت كذاب ..
تركي بضيقه : حلا ..(( ابتسم وهوا يفتكر ايامهم سوى )) يابصبووص عيني ..
حلا وقفت دموعها وانصدمت ؟؟ ماكان يقولها ذي الكلمه غيره غير تركي ماكان يناديها الا بـ بصبوص عيني .. يعني هوا يعني مستحيل يكذب ؟؟؟؟
حلا حست انه تنفسها بطيء وصارت تقول بهمس :اعوذ بالله من الشيطان الرجيم ياربي وش ذا الكابوس اعوذ بالله اعوذ بالله ..
تركي : حلا هذا مو كابوس حلاااااااا انا اخوك تركي والله انا تركي صدقيني ..
حلا طاحت عالكنبه رجولها ترتجف : كيف ؟؟؟ كيف تركي واحنا دافنينك بايدينا ؟
تركي غمض عيونه بقوه ونزلت دموعه : انتو مادفنتووني انا مامـــت ياحلا هذاك الي دفنتوه صديقي ..... هاني ... طول هالسنين وانا ادور عليكم احاول القى لكم اثر او أي شي ..
حلا بصدمه تبكي : لو انك تركي جد كان عرفت وين تلاقينا حنا بمكاننا من تركتنا ماتغير شي ..
تركي : ادري ياحلا ادري بس انا كنت فاقد الذاكره عشت 6 سنين مادري وش اصلي ولا وش حياتي .. لعبت فيني الدنيا .. عشت على امل اني القاكم بيوم ويوم لقيتكم شفتكم بعيدين بعييييييدين مره وماقدر اوصلكم تمنيت اني مارجعت ولا رجعت لي ذاكرتي تمنيت اني اعيش على ماكنت عليه انسان فقير ضعيف محتااج ماتواسيه بدنيته الا دموعه تمنيت انه الايام ترجع واعيش على ذكراكم ياحلا انتو الحين مستحيل بالنسبه لي .. قربكم المستحيل بعينه ..
حلا تبكي بقهر : انا ماني مصدقه ماااني مصدقه كيف يصير كذا .. تركي ارجع ابي اشوفك ماني مصدقتك الين اشوفك ؟
تركي ابتسم بحزن : ماقدر ياحلا مستحيل ارجع خلاص انا عايف قربكم ماقدر ارجع واهدم حياتكم والي بنيتوه بسنين ماقدر ارجع وارجع معي الدموع والآهات خلاص نسيتوني وبتقدرون تكملون من دوني ..
حلا صرخت بانفعال : انت كذااااب لو انك تركي جد كان تجي وتخلينا نشوفك ..
تركي : خلاص حلووله ياحياتي لا تبكين والله ماأقوى دموعك (( ابتسم بحزن )) يكفي اني شفتك ذاك اليوم وضميتك لصدري ضميت دلووعتي بصبووصة عيني ويكفيني كذا مابي اكثر.. اتمنى من قلبي انك تسامحيني ويريت محد يدري بلي يصير ..

حلا كانت حتتكلم بس سمعت صوت انقطاع الخط ..
قعدت متنحه تطالع في شاشة الجوال منصدمه معقوله للحين في كابوس لازم تصحى .. صارت تضرب نفسها على خفيف تبغه تتأكد انها مو في حلم ولا في كابوس .. بس للأسف هذي الحقيقه ..

.........................

نوفه معصبه وواصله معاها : اذلفي عن وجههي لا ارميك بالشبشب الي برجلي ..
نجود : لا احلفي اقول وخري خليني اكلم تلفون بسررعه ..
نوف معنده : قلت مافيه ويلا على غرفتك يامنحوسه ..
نجود : مالمنحوس غير وجهك المعوق انقلعي خليني احاكي تلفون ..
نوف رمت عليها الريموت بقوه : اقلبي وجهك ..
نجود تعورت في يدها : اااااه الله ياخذك يووجع ..
نوف : ولو مابعدتي الحين بخليك ملونه من الضربات ..
نجود عصبت ودخلت لغرفتها وقفلت الباب ..
ام نوره تحط السفره بالارض : وش فيك يمه ؟
نوف معصبه : ...............
ام نوره : يمه نوف وش فيك اليوم عسى ماشر ؟
نوف بقهر : عليييييوه الزق ..
ام نوره باستغراب : علي وش فيه ؟
نوف: شاتني ..
ام نوره مافهمت وقالت بصدمه : شاااتك ؟؟
نوف : ايه يمه قال مايبيني اشتغل معه خلاص ..
ام نوره : ليه طيب وش مسويه انتي ؟
نوف تفتكر الي سوته ونفسها تضحك على غبائها : يمه عارفه الكيكه الي بالشوكلاته حقت قبل امس ..
ام نوره : ايه الي حستي فيها ؟
نوف : ايه يمه كتيت الملح بدال السكر .. كاستين ملح يمه ..
ام نوره تضحك بصوت عالي : ههههههههههههههه الله يرجك نوفوووه اجل هاذي سواة ..
نوف :اووف طيب وش يدريني بالغلط ..
ندى والي سمعت الي صار: ههههههههههههههههههههه وربي شمااااااااااااته كاستين ملح ياهبله زين ماجاله التهاب حنجره ..
نوف معصبه ..
ام نوره : لا تضايقين نفسك يمه يروح الشغل ويجي غيره ..
نوف :من وين يمه تقولين كذا عشان تخففين علي انتي تدرين اني لو فحطت مابلاقي شغل ..
ام نوره :اااه الله يعين يابنتي .. يلا تعالي كلي شكلك على لحم بطنك من الصبح ..
جلسوا البنات يتغدوا الا نجود الي قاعده في غرفتها وتكلم خويها من جوالها السري ..
نجود بصوت واطي :وين اشوفك ؟
.............: حبي اليوم مسوين سهره على كيف كيفك بالاستراحه ؟؟
نجود : زين اجل عالساعه 9 بكون هناك اوكي ..
.............: اوكي حبي انتظرك سلاام ..
نجود ابتسمت : بايات ..

سكرت الجوال وحطته تحت فراشها ..

..................

في جـــده ..

ميار دوبها راجعه من الجااااامعه تعبااانه مووت ..
دخلت لغرفتها ورمت شنطتها وعبايتها عالسرير وجات بتدخل الحمام تاخذ شاور الا ويدق جوالها ..
ابتسمت لمن شافت الرقم بس ماردت .. هالايام صاير يدق كثير واغلب المرات تطنشه حتى للجامعه صار يلاحقها .. حست باهتمامه فيها والحب الي مبين في عيونه بس ماتقدر تخون الثقه الكبيره الي اهلها معطينها هي ..

دخلت عليها مها : ميييييييييييييييييييييييياااااار ..
ميار نطت من الفجعه : بلا في شكلك فجعتيني
مها باستها بقووه : سلامتك من الفجججعه ..
ميار : ايش عندك اخلصي ..
مها : ههههه يعني حرام اجي اتطمن على اختي حبيبتي قلبي وحياتي وروحي ونظر عيني و .........
ميار قاطعتها : مهوويه ايش تبغي لا تسويلي افلام هنديه كالعاده ..
مها غمزتلها : امووت يافاهمتني ..
ميار: يلا بسررعه بدخل اتحمم ..
مها : ابغه فستاانك الاورنج بلييييز ..
ميار : ليييييييه ؟؟
مها : ميووري بليز اليوم صاحباتي مسوين حفله وابغه اتشخص وفساتيني كلها قد لبستها ..
ميار : لاء ..
مها : ميوووري بليييز الله يخليكي اخر مره استعير من عندك حاجه ..
ميار: قلت لاء ..
مها : اووف ميرو بليز بس الليله ..
ميار تبغه تفتك من زنها : اوكي اخر مره ..
مها : تسلمييييييلي ياألبو ..
راحت تجري لغرفة الملابس حقت اختها وتفتح الدواليب بحماس تدور عالفستان .. اخدتو وراحت لغرفتها بسرعه ..
مها : الوو ..
سماهر : هلاااا مهوويه ..
مها : كيفك حبيبتي ..
سماهر : تمام انتي شو عامله ؟
مها: بخير والله .. هاا حتمرووني الليله ؟؟
سماهر بفرحه : يعني حتجي ؟
مها : ايوا اكيد وانا اقدر ..
سماهر : هههه اوكي عالساعه 8 تكوني جاهزه اوكي ..
مها : اوووووكي .. يلا باي ..
سماهر بخبث : انتبهي على نفسك باي ..
قفلت منها وضحكت ضحكه خبيثه ماتبشر بخير ..

في غرفة سامي .. اخذ جواله بعد مالبس بنطلون جينز لونه باهت وقميص ابيض خفيف وصيفي وشكله مرره كوول ..
طلع من البيت وركب سيارته الأوودي السبورت .. واتوجـه للمكان الي يحس براحه فيه .. يمكن تستغربوا من هالمكان .. بس هذا كان مكانه المفضل .. وقف قدام مكتبة الملك عبد العزيز العامه ودخل بخطوات رايقه وهادئه ..

.....................

في بيـت فـرح ..

فرح : ايوا ياماما خلاص ركب الطياره دوبو دق ..
ام فهد والي تحسنت نفسيتها كثير عن اول : الله يوصله بالسلامه ..
فدوه سحبت فجر من يدها وطلعتها برى الصاله : فجووووره ..
فجر : اشبك انتي ساحبتني كدا كأننا مسوين جريمه ايش فيه ؟
فدوه : فجوو بليز ابا اروح للبارتي اليوم ..
فجر : فدوو قلتلك لاء مو وقتو ماما ماصدقنا انو حالتها تتحسن وفهد دوبو مسافر يعني وقتك مرررره غلط ..
فدوه : فجوو بليز الله يخليكي والله كل البنات متجمعين هناك وانتي عارفه كلها شهرين والاختبارات حتبدأ ومحاأخرج ولا مكان ..
فجر : طيب اوكي بس الساعه 12 ترجعي لا اشوف التاخير والمرقعه الزايده اوكي ..
فدوه : من عنووني ياعنوووناتي يلا باي ..
طلعت لفوق تجهز نفسها للحفله ..

فدوه وهيا طالعه من الدرج : سووريااااتي ..
سرياتي " الشغاله " : نأم ماما ..
فدوه : سويلي كوب نسكافيه طلعيه لغرفتي بسرعه ..
سرياتي :اوكي ..
ابتسمت سرياتي بخبث وراحت للمطبخ >> كلاص انا لازم سوي مصيبه كبيره في هادا بيت ماأسيب هما كدا واأروح ..أول حاجه أنا هبدأ فيك انتا ماما فدوه ههههههه << .......... << خخخخخ اتكلمي كويس بعدين اتفلسفي ..

.....................

جود : بسم الله عليك يمه لا تقولين كذا بعد عمر طويل ان شاء الله ..
ام جود ابتسمت : حبيبتي الاعمار بيد الله والموت علينا حق .. انا بقولك كذا عشان مابيك تتعبين اذا رحت عنك وتركتك انا كتبت هالبيت باسمك يعني ملكك لك انتي وبس .. مابي بعد ماموت يضيع حقك وتتعبين بحياتك .. هالبيت محد يقدر يطلعك منه تسمعييييين وبالذات اهل ابوك مستحيل يطلعونك هالبيت لك انتي وبس حق لك ومحد له شغل فيه ..
جود حست قلبها بنقبض ماتتخيل حياتها بدون امها هيا الوحيده الي باقيتلها بهالدنيا : يمه تكفين لا تقولين كذا والله ماقدر اعيش بدونك ..
ام جود ضمت بنتها بحنان : لا تبكين حبيبتي انا بس ابي اتطمن عليكي مابيك تعيشين متعذبه ..
جود طالعت في عيون امها بحزن : انا ماراح اتعذب الا اذا تركتيني تكفييييييييييييين يمه لا تتركيني لحالي والله ماراح اسامحك اذا تركتيني الله يخليك لا تروحين ..
ام جود نزلت دمعتها : خلاص حبيبتي اوعدك ماراح اتركك ابدا ..
جود ابتسمت حست براحه جزئيه : الله يخليك لي ولا يحرمني منك يارب ..
ام جود : ولا منك يارب ..

..................

مها : لا لا لا مابغه مابغه ..
شذى : عادي حبيبتي مافيها شي جربي واذا ماعجبك خلاص ماسار شي ..
سماهر : ايوا روقي دماغك حبتين وبعدين خلاص بكيفك محد جابرك على شي ..
مها : لا لا بنات اسفه ماقدر خلاص مو لازم ..
شذى اخذت نفس من السيجاره الي في يدها : بكيفك بس صدقيني ضيعتي متعه محاتلاقيها غير في التدخين ..
سماهر بصوت واطي اتعمدت انها تسمعه مها : سيبيها اصلا شكلها معقده ..
مها اتنرفزت ماتسمح لأحد يقلها كدا : لا مني معقده هاتي اشوف ..
سماهر وشذى ابتسمو لبعض بخبث ..
شذى ناولتها السيجاره : بشويش لا تشرقي فيه ..
مها مسكت السيجاره بيدها وتقلب فيها بتردد واخيرا قررت تحطها في فمها غمضت عيونها وسحبت نفس : كحح كح كحححححح كح كح
سماهر تنفخ في وجهها : اشبك بشويش قلنا شكلك اتحمستي ..
مها : كح كح شررررقت كححح ابغه مويه ..
سماهر ناولتها مويه بسرعه : خدي خدي ..
شربت شوية مويه وحست براحه اخذت نفس عميق ورجعت السيجاره لفمها .. ونفس ورى نفس ........ 3 سجاير ورى بعض بدون فاصل ..
سماهر مبسوطه من النتيجه الي احرزوها : خلاص مهوويه ترى موكويس ورى بعض ..
مها : ياااي مره فلله التدخين اول مره احس كدا ..
شذى : ههههههه قلتلك ..

.....................

فرح : يستاهلو انا حلفت لا احرق قلوبهم وحنفذ وعدي ..
لمى : حراام عليكي فرووحه تسوي كدا طيب البنات ايش دخلهم انتقمني من سامي الزفت مو من ميار ومها والله حرام عليكي ..
فرح : هههههههه لا ياعمري سامي محايتأثر ولا يهتز الا بفضيحة اخواته انا اعرفو سامي مستحيل يهزه شي بس الي حسويه حينزل وجهه للارض وسمعتهم بتصير تحت جزمتي ..
لمى : والله يافرح مني متطمنه من الي حتسويه ماتخافي ربي يرجع الي سوتيه دا كلو فيكي ..
فرح : انا ماسويت شي غلط هادا جزائهم وحيلقوه اليوم ولا بكرا ..
لمى : والله انك مصيبه الله لا يوليكي على مسلم ان شاء الله ..
فرح ابتسمت بخبث : اسمعيني بعد بكرا عندنا شي مهم ولا ماأحضر ؟
لمى : ليييييييه ماتحضري ؟؟
فرح : بس ماليا نفس بس اذا فيه شي مهم يمكن اجي ..
لمى : امم ايوا عندنا محاضرتين ..
فرح : يوووه والله مره ماليا نفس .. طيب اسمعي حآخد التحضير منك اوكي ..
لمى : اوكي ..
فرح : تيب لموو بدك شي ؟
لمى : سسلامتك حبيبي ..
فرح : الله يسلمك بايو ..
لمى : باااي ..

[نور الدنيـــا]

....................

نواف : حلا تراك صديتي نفسي وش فيك اليوم كأنه أحد فاقع وجهك ..
حلا تحس انها مجنونه ماهي مصدقه الي صار معاها من ساعات قليله نفسها تقول لنواف وتفضفضله بس اكيد ماهو مصدقها وبيحسبها مجنونه..
نواف رمى عليها المخده : يابنت اكلمك انا ..
حلا طالعت فيه بعيون مغرقه بالدموع : ....................
نواف عصب منها : وش فيك تكلمي ..؟
حلا قامت ودخلت لغرفتها بدون أي كلمه ..
نواف تأفف : دلع وربي ..

دق تلفون البيت وقام رد بطفش :الوو
.............: الو السلام عليكم ..
نواف استغرب الصوت مو غريب عليه : وعليكم السلام هلا ..
.............: لو سمحت حلا موجوده ..
نواف : مين انتي ؟
.............: انا نوف ..
نواف ابتسم من قلبه : نووفووه المرجوجه .. هلا والله وغلا ..
نوف انحرجت نفسها تهزأه بس اخواتها جنبها : هلا فيك .. وين حلا ماترد على جوالها ..
نواف : غريبه اليوم هادئه على غير العاده ..
نوف ابتسمت بهدوء وقالت بهمس : لو اني لحالي كان وريتك شغلك ..
نواف : هههههههههههه اهاا عشان كذا .. زين اجل ان شاء الله دوم معك اهلك وربي انك تخوفين محد يآمنلك ..
نوف : هههههههه طيب ماقلتلي حلا وينها طلعت مصاريني وانا ادق عليها ولا ترد ..
نواف : والله مادري وش فيها اليوم لا تتكلم ولا تاكل ولا شي قاعده في غرفتها من الصبح ..
نوف : غريبه ؟
نواف : الله يصبرني على هالدلووعه ..
نوف : امم طيب ماتقدر تناديلي هي اشوف وش فيها ..
نواف تنهد : نحاول .. دقيقه خليك معي ..
نوف : اوكي ..
نواف دق على حلا الباب : حلووله افتحي ..
حلا بدون نفس : وش تبي ؟
نواف استغرب اول مره تعامله كذا : نوف تبيك عالتلفون ..
حلا مالها خلق احد حتى الكلام مالها خلق تطلعه : قلها مشغوله ..
نواف : حلا مايصير من الصبـ .......
قاطعته بعصبيه : قولها مابي اكلم احد خلاص ..
نواف استغرب منها قال بيتفاهم معاها بعدين راح لنوف الي تنتظره عالتلفون : نووف ..
نوف : هلا
نواف : حلا نايمه ..
نوف : اهاا طيب اذا صحيت خليها تكلمني اوكي ..
نواف : اوكي ..
نوف : يلا باي ..
نواف: بايات ..\

نوف : وين نجود ..
نوره : طلعت ..
نوف بصدمه :طلعت ؟؟ ويييييين ومتى ؟؟
نوره : لها ساعه طالعه ..
نوف وقفت : وانتو شلون تخلونها تطلع ..؟
ام نوره : نوف شفيك يعني نجود مو اول مره تطلع من البيت ؟؟
نوف : انا قلت ماتعتب باب البيت الين تقولي كيف تخلونها تطلع كذا ؟؟
ام نوره : خلاص بنيتي ماصار شي ..
نوف : يمه مايصير حرام عليكم البنت بتضيع او يمكن ضاعت وش يدرينا انتو كذا بتأيدونها على بالها كل مابغت شي سوته يمه انتو متساهلين معها كثيير ..
ام نوره اتنهدت ...
نوف قلت من بين اسنانها : هيييييين نجود احسن لك ماترجعين

أمــآ نجود ..دخلت الاستراحه وقبل ماتفصخ عبايتها .. التقت عينها بعينه .. نظراته كانت غريبه مافهمتها حست قلبها يطلع وينزل وتنفسها سريع بدون سبب بمجرد انها تعمقت في عيونه وقرأت الي فيهم حست عضلاتها اتشنجت ..
قرب من عندها وحاول يخفي الفرحه الي بعيونه بشوفتها صارله زمان ماشافها .. من زمان ماأهانها ولا مسح بكرامتها الارض ..
رائد طالع فيها بقرف : بعدك مستمره في هالمسخره ..
نجود اتوترت من وجوده معاها لاول مره نزلت راسها وحاولت تطنشه ......
رائد : هههههه حرام هالراس ينرفع ولا يناظر قدامه انتي مقامك كذا تناظرين برجولنا وبس ..
نجود رفعت راسها وطالعت في عيونه بحقد : ..............
رائد : لا لا ليه الحقد ذا خلي روحك رياضيه ههههههه باااي ياأموره ..
راح عنها وخلاها مقهوره منه ومن نفسها ليه ترتبك لا كلمها ولا ناظرها ..
جاها صوت من بعيد : نجووود ..
نجود لفت عليه وابتسمت بدون نفس : هلا فياض ..
فياض حط يده على وسطها وباسها من خدها : هلا هلا بقمرهم كلهم ..
نجود ابتسمت بخجل مصطنع : تسسلم ..
فياض : كيفك حبيييي ؟
نجود : تمام انت كيفك ؟
فياض رجع شعرها ورى اذنها بيده الكبيره : احد يشوف هالقمر ومايصير بأحسن حالاته ..
نجود :ههههههه
فياض : تدووم هالضحكه يارب ..
نجود : جاي لحالك ؟
فياض : ايه ابي اخذ راحتي معاك ياحبي ..
نجود : زين خلينا نجلس هناك ..
فياض ابتسم وسحبها من يدها معاه وجلسها عالكنبه : انتي تامريني بس ..
رائد يطالع فيهم وفي حركاتهم باشمئزاز مو مصدق انه ممكن بهالكون يكون فيه ناس نجسه زي كذا كيف هان عليها شرفها وهو اعز ماتملك ..
حس انه نفسه يروح يسحب فياض من كشته ويطيره فوق السطح .. مايدري ليه بس كذا قاهره يحس قلبه يحترق ..
بعدين عقد حواجبه >> انا انخبلت ولا وش فيني اعوذ بالله اكيد هذا من الزفت الي شاربه قبل شوي كيف افكر كذا هذي الحماره اذا هي راضيته لنفسها انا وش دخلني وبعدين فيه قبل هذا الف ولسه بعده الف وش علي فيها هالنجسه تموت ولا تحترق << ..

.......................

سامي وقف مصدوم وهوا يشوفها اخر شي اتوقعه انه يشوفها وبهذا المكان .. مبين عليها مبسوطه ومرتاحه وإتأكد انها لو شافته بتنقلب كل هالسعاده لهم وضيقه فقرر انه ماله شغل فيها ويحاول يركز في الكتاب الي بيده .. بس وييين يجيه التركيز وبنت عمه الي حرق قلبها هنا معاه بنفس المكان ..

فرح اخذت كتابين كانت تدورهم من زمان حست انها مالها خلق جو المكتبه راحت تبغه تدفع العربون عشان تستعير الكتب ..
وشافته حست حقد الدنيا كلها اتجمع بقلبها في هاللحظه .. طالعت فيه بغرور ولفت وجهها ..
سامي كان واقف جنبها عشان بياخذ الكتاب ويطلع ..
فرح : كم قلت ؟
الموظف : 170 ..
فرح طلعت الكريتيد كارد تبغه تحاسب ..
سامي ضحك عليها .. الهبله تحسب انه الكريتد كارد تمشي بكل مكان بنت عز غبيه ..
الموظف باستغراب : البطاقه ماتمشي هنا ماعندك كاش ؟؟
فرح اتورطت طلعت محفظتها وصارت تدور فيها مالقيت غير ريالات مرميه باهمال .. ماهي متعوده تدفع كاش ..
قالت بارتباك : طيب مايجي بالكريتيد كارد ماعندي فلوس ؟
الموظف : اسف ياأختي مايصلح ..
سامي مد يده للموظف وفيها المبلغ الي طلبه : انا ادفع عنها ..
فرح طالعت فيه بقهر : لا مشكوور ..
سامي ابتسم بخبث : ولو يابنت عمي فلوسي فلوسك ..
فرح بغرور : مايشرفني اكون بنت عمك ..
سامي طالع فيها ببرود متوقع أي شي يجي منها ..
فرح حطت الكتابين عالطاوله بقوه : مشكوور ماأبغه شي ..
طلعت من المكتبه معصبه .. وسامي ابتسم .. ودفع الفلوس واخذ الكتابين حقت فرح .. ورجع البيت ..

سامي في نفسه >> .. آآآخ يافرح لو تدري إني بدونك ولا شي .. اشتقت لك ولسواليفك ولأيامي معاكي .. آآه يادنيا مين كان يتوقع انه بعد كل هالعمر اشوفك وتلتقي عيوننا وكأناا أغراب ..<< ..

فرح خرجت من المكتبه وركبت السايره بعصبيه رمت شنطتها في حضنها بقهر >> .. آآآآف هذا من فين يطلعلي لازم اتنكد يوميا ماقدر أكمل يومي على خير ..<<
السواق : فين روح مدام ..
فرح بعصبيه : مدام تهفك ناقصتك انتا كمان روح أي مكان تحرك من هنا بسرررعه ..
دق جوالها وردت بانفعال : الوو
لمى : هههه اعصابك يابنتي ..
فرح تهدي نفسها تحس انها بعد ماشافته نفسها تتضارب مع أي واحد تشوفه قدامها : هلا لموو
لمى : اشبك اكلتيني سلامات ؟
فرح : ولا شي ..
لمى ماصدقتها بس مشتها لأنها مو فاضيه : هاا كيف لقيتي الكتب ؟
فرح بتأفف :لاء لسه ..
لمى :يووه وانا اعتمدت انك حتجيبيها ..
فرح : مالقيتها يعني ايش اسوي اخترعلك ..
لمى : ريلكس ياقمر خلاص مو مشكله لسه فيه وقت انا حروح ادورها ..
فرح بضيقه :لمى ..
لمى : هلا حبيبي
فرح : فاضيه دحين ؟
لمى : ايوا ليه ..
فرح : طيب انا جايتك اوكي ..
لمى بفرحه : البيت بيتك ياعسل تنوري في أي وقت ..
فرح : تسلمي يلا مسافة السكه وحكون عندك ..
لمى : استناكي باي
فرح : باي ..

.....................

خرجت من البيت بكامل أناقتها وأنوثتها .. ركبت السياره واتوجهت لمكان الحفله الكبيره ..
دخلت مرتبكه من الجو العام الدنيا رجه ودجه .. فصخت عبايتها ورتبت شعرها الطويل الناعم الي يوصل لنص ظهرها وابتسمت بإعجاب لشكلها الملائكي إحلوت كثير عن الايام الي راحت زادت نعومتها وأنوثتها اتغيرت كثير .. حتى عيونها زادت حدتها ودكن لونها .. طلعت لبانه من شنطتها وأكلتها بنعومه ودخلت لجوه القاعه ..
شافتها صاحبتها حنين : فدوووه فدوو ..
فدوه ابتسمت : هلا والله هلا
حنين ضمتها بقووه : كيفك وحشتيني ..
فدوه : بخير ياعسل والله انتي اكثر ..
حنين : هيا تعالي البنات يستنوكي جوه ..
دخلت وهيا تمشي لمحت بنت عمها من بعيد .. صغرت عيونها عشان تتأكد من ملامحها .. وانصدمت لمن اتأكدت انها مها .. >> من متى تدخني يامهوويه والله ودشرتي يابنت العم << ..
حنين : هييييه فين رحتي ؟
فدوه : هاا لا معاكم ..
رندا : فدوه ملاحظتي شي ..
فدوه : زي ايش ؟
رندا : بنت عمك ..
فدوه : ايوا دي المفعوصه على اخر الزمن تدخن ..
رندا : لا لا مو قصدي عالتدخين .. اقصد صاحباتها الجدد ماتلاحظو انها سحبت على مرام والشله القديمه وسارت تمشي مع هدولا البنتين حتى سمعتهم مرره سيئه في النادي ..
فدوه بعدم اهتمام : ايش علينا فيهم .. المهم قولولي ايش اخباركم ايش عاملين ؟
رندا : والله الحمد الله تمام انتي طمنينا عليكي اشبك غايبه يومين ورى بعض سلامات ؟
فدوه ترجع شعرها الطويل على ورى : والله مررره ماليا نفس الدراسه طفشت ..
حنين : اسمعي الاسبوع لجاي وحده من البنات ماخذه كباين وعازمتنا هناك ..
فدوه : مين البنت ؟
رندا : لينا ..
فدوه : اهاا وحتروحوا ؟
رندا وحنين : اكيييييد
حنين : لا وكمان حنبات هناك ..
فدوه باستغراب : تباتو ؟
حنين : ايوا هيا عاملتها للبنات الي تبغه تنام عندها يعني بيصير فللله وامها حتكون موجوده ..
فدوه : ههههههه وااااو فللله بس خساره محااقدر ..
رندا : ليه ياهبله ؟
فدوه : مستحيل فراس او ماما او حتى فجووره يوافقو اني انام برى البيت ..
حنين : فدوو لا تصيري سخيفه حاولي تقنعيهم او حتى خلي امك تكلم ام لينا عايدي مافيها شي ..
فدوه : ماعرف اشوف أسألها ..
رندا : تيب يلا قومو خلونا نرقص ونفلها ..
البنات : يلاااا ..

......................

ام محمد : ليه حبيبي مابتجي ؟
نواف : يمه مشغول ..
ام محمد : زين تعال اجلس شوي مع اعمامك وبعدين ارجع ..
نواف : ان شاء الله بس مو بكرا ماني فاضي ..
ام محمد : على راحتك .. وين حلا مالها حس اليوم ؟
نواف : مادري عنها ..
ام محمد : طيب تدري اننا بكرا طالعين للمزرعه ولا مطنشه كالعاده ..
نواف : ايه داريه قلتلها ..
ام محمد : زين اجل انا طالعه الحين تبي شي ؟
نواف : سلامتك يمه ..
ام محمد : الله يسلمك .. يلا باي ..
نواف يتنهد : الله معك ..

[نور الدنيـــا]

وفي الرياض


نواف : والله كله تمام ..
جود : دووووووومز يارب ..
نواف ابتسم : ..............
جود : اممم نواف ..
نواف : هلا ..
جود : بصراحه يعني انا دقيت ابيك في موضوع ..
نواف باستغراب : تبيني انا ؟؟؟
جود : ايه ليه مستغرب ..
نواف زادت دقات قلبه يربكه صوتها ودلعها : لا مو مستغرب بس خير وش الموضوع ؟
جود بخبث : ماينفع بالتلفون .
نواف ابتسم : وين اجل ؟
جود : امم بكيفك أي مكان بس لازم الحين ضرووري ..
نواف : الحييين ؟
جود : ايه ..
نواف طالع في الساعه باستغراب قربت تصير 10 .. : بس مو كأنه الوقت متأخر عليك ؟
جود : لا لا عادي لا يهمك بس وين تبيني اشوفك ..
نواف يحس انه بيطير من الفرحه بيشووفها .. صارله اسبوع وشويه مايدري عنها والحين فجأه وبدون مقدمات تبيه في موضوع وتبي تشووفه ؟؟؟؟
نواف : بكيفك محل مايعجبك ؟
جود : اممم تيب في كوستا كوفي الي في ...............
نواف : اهاا طيب اوكي ..
جود بدلع : لا تتأخر اوكي ..
نواف بخبث : من عيووني يلا باي ..
جود : باي ..

قفلت منه وراحت لبست جينز وتي شيرت عايدي .. وماحطت شي في وجهها بشرتها صافيه وخدودها ورديه بدون بلاشر .. لبست عبايتها ورمت الطرحه على شعرها بإهمال ولبست الكعب وشالت شنطتها من عالسرير وطلعت من البيت ..

ونواف راح غير ملابسه .. لبس ملابس مره عاديه على غير العاده ثوب ورسمي هالمرة لبس جينز ازرق فاتح وتي شيرت اصفر مكتب عليه اشياء كثير وشكله مره كوول .. حتى شعره مخربط وجايه خصلات على وجهه وشكله ستايل يذبـح..

ركب سيارته واتوجه للمكان الي حددته جود ..

وبعد ربع ساعه وصل .. مالمحها بمكان جلس وقرر ينتظرها ..

نزلت من السياره بحيوتها المعتاده وشكلها الملفت للأنظار رغم بساطته الا انها نااعمه بملامحها وطريقة مشيتها ..
دورت عليه بعيونها الين شافته قاعد على وحده من الطاولات بملل ويلعب في جواله ابتسمت على شكله مرره طالع غير في هاللبس .. يعكس شخصيته الفرفووشه والحيويه ..

جود بتردد : هااي ..
نواف لمن سمع صوتها زادت دقات قلبه رفع عيونه عليها عشان ينبهر بأنوثتها الطاغيه حتى بدون أي مكياج .. ابتسم : هايات ..
جود : سوري اتأخرت عليك ..؟
نواف : لا عادي اتفضلي ليه واقفه ؟؟
جود جلست بارتباك وهيا تلعب في يدها وأظافيرها : كيفك ؟
نواف يطالع في عيونها ومتعمد يحرجها : بخير بشووووفتك ..
جود نزلت راسها : دووم ان شاء الله ..
نواف : انتي كيفك وش اخبارك ؟
جود طالعت فيه وابتسمت بعفويه : انا تمـااام ..
نواف : ياجعله دوم يارب ..
جود : تسلم ..
نواف : امم وش حابه تشربين ؟
جود : هاا لا ولا شي مابي شي ..
نواف ابتسم على ارتباكها : لا مايصير ..
جود بهدوء : نواف مابي شي مشكوور ..
نواف >> .. نواف يفداك وربي << ..
نواف مرتبك من وجودها معاه قرر يدخل في الموضوع على طول : ماقلتيلي وش الموضوع الي تبيني فيه ؟
جود انقهرت منه لذي الدرجه مستعجل ويبغه يتخلص منها .. وهيا الي ميته بقربه : اا .. مـ ..... .........
نواف : هههههههه وش فيك ليه مرتبكه ............ جود عسى ماشر قلقتيني ترى ..
جود ابتسمت بهدوء وهيا منزله راسها : لاء لا تقلق بس انا كنت ابي منك خدمه ..
نواف سند يدينه عالطاوله وقرب وجهه شويه لعندها : آمــــري ..
جود ابتسمت ورفعت راسها : انت صح تشتغل بالمستشفى ؟
نواف : اطبق قصدك ..؟ ايه ..
جود : اا .. طيب ماتقدر تشوفلي وظيفه ..
نواف بصدمه : وظيفه ؟؟ انتي ؟؟
جود : هههههه لاء مو لي .. بس يعني ماتقدر تحاول أي شي لو عالاقل استقبال ..
نواف مستغرب : ليه طيب ؟؟
جود : بصراحه نوف مره محتاجه لوظيفه وانا وعدتها اساعدها وماعرف قلت يمكن تقدر تساعدني ..
نواف : بس انتي عارفه الوظيفه ماتجي كذا يبيلها شهاده واقل شي يكون معها دوره كمبيوتر عشان تشتغل بالاستقبال هذا اقل شي ..
جود حست باحباط : طيب هي معاها شهاده ثانويه مايجي تشوفلها أي شي ..
نواف : والله مادري بس صعبه تلاقي وظيفه بمستشفى وهي مستواها التعليمي ثانوي ..
جود : يوووه طيب حاااول ..
نواف ابتسم : والله بحاول ..
جود : تسسلم ..
نواف : طيب وهي كانت تشتغل بمكان قبل ولا اول مره ؟؟
جود انحرجت ماتقدر تقوله وين كانت تشتغل : هاا لا اول مره ..
نواف ابتسم بهدوء : خلاص من عيووني ابشري ..
جود بخجل : تسلملي عيونك ..
جاه الجرسون ومعاه كاستين عصير وشكلهم مرره يشهي ..
نواف استغرب هوا ماطلب شي : لا مو حقنا ..
الجرسون : مسيوو هيدا من الشباب الي هونيك (( اشر على 3 شباب سعودين جالسين بطاوله قريب منهم )) ..
نواف ثار دمه .. من جد مايستحون يعني شايفين البنت جالسه مع واحد يمكن انه اخوها او حتى زوجها .. قمة الوقاحه ..
وقف يبغه يروحلهم ..
جود بسرعه : نوااف وين رايح ..
نواف طالع فيها .... >> يحقلهم يسوون كذا وربي ماألومهم لكن منك انتي الي كاشفه وجهك ومطلعه نص شعرك ومحد هامك ..<<
قال بجديه : جود غطي وجهك ..
جود مو مستوعبه تطالع فيه وترمش بعيونها : ايش ؟
نواف قرب منها : غطي وجهك ..
جود ارتبكت من قربه .. وعاندت : لاء ماني مغطيه ..
نواف استغرب وتركها .. وراح للشباب بيتفاهم معاهم ..
جود مسكته على طول : نواف لاء بليز ..
نواف ماتوقعها بتمسكه كذا .. حس بإحساس غريب من لمسة يدينها .. لف عليها وابتسم : انتي ماعليك ماني مسوي شي يضرك ..
جود حست على نفسها وشالت يدها بسرعه ..
نواف ابتسم وراح للشباب الي يراقبوهم من أول ..
نواف : خير وش عندك انت واياه ؟

[نور الدنيـــا]

الشباب يطالعو في بعض بخبث ... قال واحد من الشباب : ياهلا والله ليه ماجبت المزيونه معاك ..
نواف في نفسه .. من جد وقاحه .. : انت ماتستحي على وجهك يعني شايفني رجال طول بعرض مامليت عينك ..
الشاب : ههههه والنعم فيك ياخوي بس عارف في الهوى سوى يعني دارين ذي خويتك مادري من وين لاقطها ويومين وبترميها يعني احنا نجمع الفضلات حرام تروح عالفاضي هالمزيونه ..
نواف وصل حده قرب منه واعطاه بكس نزل الدم من خشمه : جد تربيه زباله هذي زوجتي ياكلب ..
جود حطت يدها على فمها وهيا تشوفهم خافت لا تصير مشكله وهيا مو ناقصه ..
الشاب عصب وكان حيردله البكس بس نواف اعطاه واحد ثاني اقوى من الي قبله : باقي في تفكيركم المنحط خويات ومادري وش .. جد خرفااان وين الرجوله في الي تسوونه .. ولا على بالك يوم تخاوي وحده ولا تطير شرفها يعني ابرزت رجولتك لا يالتيس اذا انك رجال كون قد المرجله ..
الشاب عصب مسح الدم بطرف كمه : اوريك شلون المرجله الحين ... لكمه بكس على عيونه ..
نواف حس انه مايشوف شي الدنيا سودت فجأه حاول يفتح عيونه بس الضربه كانت قوويه ..
فتحها بشويش وهوا يتألم .. وسحب الشاب من قميصه وصار يضرب فيه بقووه : خل امك تفرح فيك وفي تربيتك يارجال ..
وبسرعه اتجمعوا الشباب والناس كلها حولهم وحاولوا يفكوهم من بعض ..
جود راحت تجري لعندهم ودموعها متحجره بعينها تكره تشوف مشاهد العنف الي زي كذا هيا تتأثر فيها بالأفلام اجل كيف الحين قدامها وهي السبب ..
جود تسحب نواف وتصرخ : نواف خلااااص نواف بسسس فكه ..
نواف دفعها على ورى : مالك شغل خلك بعيد ..
جود عصبت وراحت وقفت بينهم عشان مايكملو ضرب : بسس خلاص عيب عليكم رجال كل واحد طول بعرض وكذا تسوون ..
الشاب مسح الدم الي صب من فمه وقال باستهزاء : ههههه علمي زوجك القوي ههههههههههه مادري هو يستقوي يبي يوريكي عضلاته ..
نواف جاه بيضربه بس مسكت يده بقوه وطالعت في عيونه بترجي : نوااف الله يخليك خلاص ..
نواف طالع في الشاب بحقد ومشى من عنده بعد ماسحب جود من يدها بقوه .. وهيا تمشي وراه مو عارفه وين بيوديها ..
ومالقيت نفسها الا بسيارة نواف وهو شاخط فيها ويسوق بعصبيه ..
جود لسه مو مستوعبه فين بياخذها وليه كل هالتعصيب عشان شباب تافهين سووا حركه بايخه زي كذا ..
قالت بتردد : نـ..ـواف ..
نواف معصب وعيونه تألمه يحس انه مو شايف الطريق كويس: وش تبين ..؟
جود انصدمت مو من حقه يكلمها كذا وهو الغلطان بس انتبهت بعيونه المنفخه لونها صاير قريب للازرق شكلها من جد تألم ..
قالت بخوف : وين موديني ؟؟
نواف حس فيها بس هوا كان منفعل الي اكله مو شوي .. قال بهدوء : برجعك البيت وين يعني ؟
جود سكتت وقعدت تلعب في اظافيرها مو عارفه ليه يكلمها كذا ........
نواف لف وجهه لعندها بعد ماوقف بالاشاره .. حس فيها متضايقه .. : جوود
جود ماطالعت فيه : نعم ..
نواف ابتسم ومسك دقنها الرقيق بيده ولف وجهها لعنده : وش فيك ؟
جود نزلت راسها بسرعه : مافيني شي ..
نواف ابتسم والدم ينزل من خشمه ..
جود لاحظت انه مرتبش ومو عارف يسوق يمسح الدم بطرف كمه وكل شويه يغمض عيونه الي تألمه ..
جود بقلق : نواف خلاص وقف ..
نواف باستغراب : اوقف ليييش ؟؟
جود : خلاص انا ادق عالسواق واوصلك معايا لبيتك شكلك تعبان وماتقدر تسوق ..
نواف : لا عادي ماعليك ..
جود : لا بليييز نواف وقف عشااااني ..
نواف وقف بسرعه وبدون مقدمات وطالع فيها : يعني خايفه علي
جود بطنها مغصتها لانه وقف فجاه : ااااااه ..
نواف : اسف يالغلا ..
جود ماسكه بطنها على خفيف : لا عادي ..
نواف : أكمـــل ولا .........
جود قاطعته : لا لا بليز خلاص انا بدق على السواق يجي ..
نواف سند ظهره عالكرسي وتنهد بتعب : اووكي ..
جود اتجرأت وقربت شويه من عنده وحطت يدها على عيونه الي تألمه .. استغربت لمن حستها حـآآآآره مره من قووة الضربه وهيا يدها متجمده من البرد او نقدر نقول من الربكه ..
نواف كان مغمض عيونه فتحها بسرعه لمن حس شي بارد جاه عليها .. ابتسم من قلبه لمن شافها تتحسس اسفل عيونه برقه .. هي علاجه مايبي دواء يكفيه قربها ..
ابتسم بخبث : هاا كيف يادكتوره جود ..
جود انحرجت وابتسمت بخجل :يعورك ؟
نواف مسك يدها وضمها ليده : لاء لمسه ايدك دواها ..
جود مره ماتوقعته جريء كذا .. حست بنبضات قلبها ملخبطه ومالها مسار معين من شدة الربكه صنمت ماعرفت ايش تسوي حتى يدها انشلت عن الحركه ..
نواف سحبها زياده وقرب لعندها .. ماصار بينهم الا مساافه بسيطه مرره ..
جود مره ازعجها الوضع وسحبت يدها بقوه ورجعت ظهرها لورى .. قالت بجديه : بكلم السواق ..
نواف ابتسم ورجع راسه لورى ..

كلمت السواق ووصفتله مكانهم ... وقعدت ساكته تطالع قدامها ..

حست بطفش مدت يدها تشغل كاسيت بس انتبهت انه نواف راكز راسه بهدووء وتعب شكله يبي يناام ماحبت تزعجه ..

نواف يشوفها حتى وهو مغمض يسمع افكارها يحس بحركاتها بكل شي .. قال وهوا مغمض عيونه بهدوء : عادي تبين تشغلين شي خذي راحتك ..
جود استغربت كيف عرف ؟؟؟!!؟ .... سكتت وماردت عليه ..

تيييت تيييييييييييييييييت << صوت بوري ..
طالعت ورراهم شافت سيارتها مع السواق يدقلها بوري عشان تنتبه ..
نواف ابتسم وطفى السياره .. ونزلوا ..
راحت ركبت من جهة اليسار .. وهوا بلعانه ركب ورى جنبها ..
جود انصدمت منه ؟؟؟ سكتت ماتبغه تزيد الوضع احراج ..
السواق : فين رووه ماما ..
جود بارتباك .. : روح بيـ..ـت صاحبتي .. حـ..ـلا ..
نواف قرأ افكارها وقال بخبث : ظهري يعورني ماقدر اركب قدام ..<< صح انه عذر غبي زي وجهه بس كذا خبااثه ..
جود باستغراب : سبحان الله الحين صار يعورك ..؟؟
نواف :هههههه (( قال بهمس ساحر )) ماتبيني جنبك يعني ..
جود لفت وجهها عالشباك عشان لا ياخذ وجه زياده ويتمادى .. وتعرف سواقها الملعون كل كلمه توصل لأمها ولو انه امها عادي بس مو لدرجة انها تركب واحد غريب معها بالسياره ..