دخلت البيت والفرحه ماهي واسعتها اليوم بالنسبه لها احسن يوم بحياتها
تنهدت بفرح وحمدت ربها ان الشلة اليوم ولا وحده داومت ارتاحت وحست
بسعاده ماتوصف واخذت راحتها بالجامعة ...وزادت فرحتها زواج اخوها ..اه
ياتركي والله تستاهل كل خيرا والله يوفقك بحياتك .. الله رزقك على نيتك الصافيه
وقفت عند باب غرفة تركي وترددت تدخل وبعدين دقت وسمعت صوتها وهي
تسمح لها بدخول
داليا بصوت هادي ..." تفضل ..
اريام وتفتح الباب وطالع فيها وتشهق ...." دالـــيـــا.."
داليا من الخوف صارت ترتجف ..." مين اريام
اريام بعصبيه ...لتكوني انتي زوجة اخوي
داليا باستغراب ... تركي اخوك
اريام بحقد ...ايييه اخوي ياهانم ...عاجبك
داليا وحست الدنيا سكرت بوجها ...اريام ...
وماقدرت تستحمل وغطت وجها بيدها وصارت تبكي من الخوف
اريام بندم وتقرب منها ...داليا..انا اسفه بس ماتوقعت تكوني زوجة اخوي
داليا ماقدرت ترد عليها وصارت تهز كتوفها من قوة صياحها
اريام بخوف داليا والله اسفه بس كنت مصدومه
داليا ..من بين شهقاتها انا عارف تبي تتشمتي في تبي تبردي قلبك علي
اريام بحزن ..لا والله داليا ماابي اتشمت بالعكس فرحة فيك وتركي طيب وحبوب وماراح.....
وطالعت جهة الباب وشافة تركي جاء
اريام ودقات قلبها تزيد .."داليا هذ تركي جاء الله يخليك عشان خاطري اسكتي
داليا وتمسح في دموعها ..وماقدرت ورجعت صاحت
تركي وهو داخل ...شخبار الحلوين ...وانصدم يوم شاف داليا تصيح
تركي ويقرب من داليا ...داليا حبيبتي فيك شيء
داليا ماردت وزاد صياحها
تركي وطالع في اريام ...وش بلاها
اريام من الخوف اكتفت بهز كتوفها بالنفي
تركي ويشيل يدها من وجها داليا ...قولي تعبانه ..مضايقه ...ولا تخليني اتعذب بدموعك
داليا .." وتحاول تخفي شهقاتها ...مافي شيء خلوني بروحي
تركي ويطالع في اريام وياشر لها بعيونها انها تطلع واريام من خوفها بسرعة طلعت وسكرت الباب وراها
تركي..داليا اريام ضايقتك
داليا حاولت تتماك نفسها ورفعت رأسها وتبي تتكلم بس ماقدرت ورجعت صاحت
تركي وعصب...." داليا قولي اريام ضايقتك .."
داليا وخافت وزاد انكماشها على نفسها وكتمت شهقاتها
تركي فتح الباب بسرعة وطلع لااريام
تركي و يصارخ ..اريام ....اريام ...
اريام وكانت حاسبها نفسها لها الشيء .." نعم تركي .."
تركي ويتمالك نفسه .." قلتي شيء لداليا .."
اريام وتبلع ريقها ...انا
داليا حاولت تتمالك وقامت ولحقة تركي
داليا ...تركي اريام ماضايقتني بس انا تعبانه..مضايقه من نفسي
تركي وتنهد باريحه .." طيب وش هالصياح ..احنا ماتفقنا ننسى
داليا بضيق ...صعب انسى ...والله صعب ......ورجعت دخلت غرفتها
=============***============
دخل البيت وهو مضايق من تصرفه حس نفسه غبي ومتسرع رمى نفسه على السرير
بضيق وهو يسب في نفسه ويسخط
طالع في مكتبته شافها مليانه كتب ..قام واخذا ليه كتاب يتسلى عليه ...قلب صفحات
الكتاب وبعدين طفش ورماه ..رجع لمكتبه وقام يدور على كتاب "الاذكياء "
يبي يروح عن نفسه فتش في الكتب ومالقى لكتاب اثر
طلع وهو معصب ..صدم في خالد وماهو حاااس
فيصل .." اسف عمي كنت مسرع ومانتبهت
خالد .." وش فيك كان احد يلاحقك
فيصل .." مافي شيء بس كتاب لي حطيته على الكنب من يومين وتوني اذكرته
خالد ..الي يوم الخميس تقرا فيه
فيصل .. ايييه عارف وين حطيته
خالد بضحك ..ايه اخذته ريم تقولوا اقرءاه وأرجعه
فيصل وعصب ..بكيفها هي تاخذا كتاب من دون ماتستاذن مني
خالد وش فيك معصب ترل الكتاب ماينوكل
فيصل مارد عليه واخذا التلفون واتصل على بيت عمته
رفعت ريم السماعة وهي مضايقه من الحركه البايخه في المكتبه
فيصل بعجلة .."الو السلام عليكم ... عمتي موجوده .."
ريم بدون نفس .."لا مين نقول لها .."
فيصل ..معاك فيصل
ريم ..نعم فيصل تبي شيء
فيصل ..لو سمحتي ريم ابي الكتاب الي اخذتيه ...الحين اجي وابك تعطيه ريان
ريم و انقهرت ...اي كتاب
فيصل بعصبية ...بلا غباء واذا كنتي مااخذه غيره رجعيه
ريم وسكر ت السماعه بوجهه وانقهرت واخذت الكتاب واعطته ريان يعطيه اذا جاء
=============***============
جالس بمكتبه في المستشفى وهو تعبان احداث البارحه لسه في راسه
اه ياداليا مايكفي عمك اكبر غلطه في هالدنيا غلطة لابوي وامي الي رماااهم الشيطان
في شباكه وزين لهم طريقهم وطلعت ثمره لمعصيتهم ..متى يصحا العالم ويحسون في
الايتام الي مالهم ذنب في هالدنيا ..ايحسون بالاطفال الي انحرموا من الامومه انحرموا
من ألسنتهم ماانسى فضل ابو خالد علي بس مهما يكون احس نفسي غريب بينهم مهما
حاولت ابقى ولد الشوارع الي ماله اصل ولا اهمية
حس نفسه مخنوقه فتح ازارير ثوبه وقام يتنفس بصعوبه صحي على صوت المرضه
مي .." شخبارك دكتور اسامه .."
اسامه .."بخيرا بقى مرضى برا.."
مي بدلال .."لا خلصوا الله يشفي الجميع"
اسامه ويقوم .."انا طالع اتمشى بحديقة المستشفى لحتجتي شيء ناديني "
مي بحزن..." ايش فيك دكتور احسك اليوم ماانت طبيعي.."
اسامه .."لا طبيعي ومافيني شيء.."
مي ..."طيب دكتور احمد يسأل عنك "
اسامة ..."خلاص انا رايح له تبي شيء "
مي بفرح .." لاسلامتك .."
=============***============
دخلت حنين البيت وشافت جدتها كعادة تابع المسلسل اليومي
حنين وتغير القناة ...جده وش هالفلم الي تابعيه ..
ام راشد وهي تمسك العصى .." اقول حنين وجع رجعي على الفلم .."
حنين .." جده عيب وش فيك تتفرجي على هالافلام .."
ام راشد واستحت ..."طيب حطي على الاخبار يقولون سلامة بن لادن مااات.."
حنين بضحك .." اسمه اسامه وهذي كذبه جديده كل يوم يقولون اسامه مااات ياها
الاسامه مطيرا قلوب هالكفار وحايس عليهم دنيتهم .."
ام راشد.." يابنتي ما يلمون هالكفار يخافون منه يقلون عنده اسلحه الدمار الشامل
حنين بحزن ... ايه ياجده عنده اقوى سلاح ..سلاح اقوى من الدمار الشامل يكفيه سلاح الدعاء
ام راشد ..وتغيرا الموضوع ...وش فيك البارحه صوت ضحككم واصل الشارع عندكم احد
حنين بخوف .."هااا لابس كنت اتابع مسرحيه .."
رحمة وهي جايه ..."ايه يايمه مسرحيه بطولتها خالد وحنين.."
حنين وتغمز بعينها برجاء .." ايه مسرحيه مصريه فيها واحد اسمه خالد .."
رحمة .. وطالع فيها بنص عين ...لا ماهي مصريه ..مسرحيه هنديه
حنين ولعت منها ...رحمة خلاص علتينا
ام راشد وش فيكم كل شوي بحلوق بعض كنكم بزرين
رحمة واستحت ...لايمه ماعليك ترانا نمزح وحنين غاليه
حنين ..ايه غاليه ..وطالع فيها بنظره خبيثه ..طيب بمااني غاليه اليوم راح يجي خالد
وابيك تجهزي لي القهوة والحلى وكمان الشاهي
رحمة ..وش هو هذا الي ناقص ..لايعيوني سوي كل شيء وبعدين اجلسي عنده
حنين بتوسل ..مايمديني رحمة هو راح يجي بعد العصر مباشره
رحمة ..وليييه امس مامداكم تخلصوا سواليفكم
حنين بتوسل ..رحمة الله يخليك والله مافي وقته على بال ماتجهز راح يجي
رحمة بعناد ..قلت ماراح اسوي شيء
حنين وتذكرت شيء وفتحت شنطتها وطلعت جوال ومدته لرحمة
حنين ..خذي هالجوال امس خالد جاب لي جوال وشريحه
رحمة بفرح ..يعني هذا الجوال لي
حنين ..ايه عشان تعرفي فضلي عليك ويللا سوي الي طلبته
رحمة بفرح ..الله يخليك لي ..انا عارفه مااحد يستحملني غير حنين ..."
وراحت المطبخ تجهز كل شيء لحنين ..وحنين دخلت تتسبح وتتجهز لخالد
وام راشد استغلت ورجعت حطة على الفلم وحطت رجل على رجل
وصارت تتفرج
=============***============
كانوا جالسين في مطعم ...والأصوات الطبيعة محليه الجو..ولاضاءة الخافته اعطت طابع رومنسي
تركي ويمسك يدها ويلبسها الدبلة ...اعذريني داليا اتمنيت ان تكون فرحتنا اكبر من
كذا والكل يشاركنا فيها .....بس الظروف هي الي قادنا على هالحال
داليا وتنزل راسها ... الله يسامح من كان السبب
تركي ويحط يده تحت خده وبدا يتمالها بهدواء
داليا بجراءة .."وش فيك ترا الاكل بالصحن ماهو بوجهي .."
تركي ..ايه بس لازم قلبي يتغذاء ...وشال يده من تحت خده ..."والله قمر "
داليا بغرور ...ايه عارفه من دون ماتقول لي
تركي يرفع حاجبه ...لاتكوني بس مغروره
داليا بدلع .."عمرك شفة جمال بدون غرور.."
تركي ويرجع ظهره على الكرسي ..."ايييه انا وش حليلي ومع هذا ماني مغرور.."
داليا وتحاول تكتم ضحكها ..."ومين قال انك مزيون .."
تركي ..."بنات الشوارع كل ماتشوفني وحده ترقمني .."
داليا بغيره .. "صدق قليلات ادب .."
تركي و يقرب منها ويحط عينه بعينها ..."تغاري علي .."
داليا ارتبكت من قربه ..ونزلت راسها واكتفت بالابتسامة
تركي وذاب بابتسامتها ..."يللا داليا خلصي اكلك وخلينا نشتري الأغراض الي ناقصتك
داليا بحيره .." بس انا ما ناقصني شيء
تركي بابتسامة خبيثه...." متأكدة ما ناقصك شيء "
داليا وفهمت قصده ..."قلت لك ماناقصني شيء ويللا ابي اروح البيت .."
تركي ضحك ومسكها مع كتفها ..."والعبائه الي على كتفتك مايحتاج لها عبائه .."
داليا وطالع بعبايتها ..."ليه وش فيها عباتي."
تركي .."مدري بس أحسها فستان ماهي عبائه ...ويللا لاتاخرينا خلينا نلحق على السوق.."
طلع من المطعم وراحوا السوق وداليا من الحياء مارضت تشتري شيء
=============***============
دخل ابو نواف البيت شاف دلال حاطة يدها تحت خدها وتابع مسلسل وشكلها ماهي معاه
وام نواف جالسه بروحها ودموعها متجمعة بعينها وحابستها ماتطلع
جلس واصدر صوت عشان الكل ينتبه له
ام نواف ..هلا ابو نواف من متى جيت
ابو نواف بضيق ..ماهو مهم متى جيت ..بكرة نبي نروح المزرعة ...تجهزوا
دلال بضيق ..بس يبه ماابي اروح المزرعه
ابو نواف وهو طالع ..."انتم ماخربكم غيرا الدلع ..ولا كلمه تروحي يعني تروحي فاهمة .."
وكمل طريقه وهو يدعي على نفسه بالموت ولا يشوف العار في بناته
=============***============
طلعت من بيتها وهي تمسح دمعتها اليوم موعدها مع ام وحيد ..وقفت على الزاويه
تنتظر نوره تمر عليها بسيارتها...وتاخذها
وقفت شافة سيارتها جايه من بعيدا تنهدت بالم ..وحست اليوم الاخيرا لحياتها اخر يوم
لها بالشرف والعفاف ركبت السيارة بدون ماتتكلم وبقيت ساكته طول الطريق ..
ماصحت على صوت نوره
نورة ..." يالاخت ...خلك ويانا ...وانسي ألخرابه
فرح .. وتنفض راسها .." انا معاك يللا خلينا ندخل
دخلت نوره ولحقتها فرح وهي تقدم خطوة وترجع خطوات ..
فتحت لهن الباب ام وحيد
ام وحيد ..اهلين نوره ..جايبه زبونه جديده
نوره ..وتاشر على فرح ..."وزبونه ترضيك وقيمتها غالية
فرح رفعة رأسها على كلمتها ...شافت حرمه إفريقيه ...في نهاية الثلاثين
لهجتها سعوديه ..او بالأصح مكاويه
ام وحيد وتتامل في فرح ..."لا هذي ما يخذوها غيرا عيال العز
فرح ...حست غصة في حلقها ..وهي تشوفها تساوم عليها وكانها سلعة
فرح بعد طول تردد...لو سمحتي فيه زبائن اليوم
ام وحيد بضحكة مزعجه ...ايش بك مستعجله على رزقك ...لا يوم الخميس يومك
وشدي حيلك بس خلك على اتصال دائم مع نوره
نوره ..." خلاص ام وحيد احنا الحين مروحين ...نتظر اتصال منك
=============***============
بعد العصر
كانوا جالسين في المجلس وقلوبهم تعانق بعض ...خالد بلحظة سماع صوتها ينسى
العالم الي حوله ويعيش احلام ورديه معاها ...حنين كانت تتجرا تشبع عيونها منه
وخاصة هو مايشوفها كانت تحاول توقف عيونها ونتشلها من الحب...الي قضى على
قلبها ...بس ماتقدر وكل الي تقدر عليه ان تغمض عيونها وتعيش على نغمات صوته
خالد.." تعالي حنين جنبي وين ناطه بعيدا.."
حنين ...طيب هذا انا جنبك ..
خالد ..انا عارفه انك تضحكي علي ...وسكت فترة...طيب صبي لي كاسة شاي
قامت حنين وصبت له كاسة ومدتها له
خالد ويمسكها مع يدها ...يللا اجلسي جنبي ...وحركاتك هذي لاعاد تسويها
حنين .. عيب ياخالد لو دخلت علينا جدتي وانا جنبك وش تقول
خالد ..عااادي زوجك ..ومااحد يمنعني عنك
حنين بخوف .. زوجتك في بيتك والحين لا و انا أمنعك
خالد ..ويبوسها على خدها "..هااااه تقدري تمنعيني الحين ..."
حنين استحت وبسرعه قامت وجلست بعيدا عنه ....كذا اقدر امنعك
خالد وضحك ...خلاص ارجعي مكانك والله ماراح اسوي شيء .."
حنين ..هاااااا حلم ارجع مكاني
ضحك خالد ورضخ لعناد حنين
=============***============
في المزرعة
تجمعت العوائل كلها على الشروق
عائلة ابو نواف وعائلة ابو سعود وخالد الي مارضى يروح غير حنين وأهلها يحظروا
اسامة اعترض يروح بس يوم عرف ان رحمة راح تجي غيرا رايه وجاء
فيصل كعادة رفض وجلس في البيت مع كتبه ....ابو ريان حضر هو وعائلة
ابو سارة حضر هو واهلة ...ابو وليد حضر بس اعتذرت ام وليد بحجة اريام عندها
رحمة وام راشد وام سعود وام نواف وام ريان وام سارة جالسات جلسة عاديه تتخلها بعض
الغيبة وماتحلى الا يوم تتملح السالفه
البنات ريم وحنين مع بعض ...دلال ورغد وساره ورهف جالسات عند المسبح
سارة ..مااكنت اتوقع داليا غبية لهدرجه ..
رغد .." قسم الله انها اكبر غبية في العالم في وحده تحب واحد وتجيبه عندها في البيت
دلال ...بسكم عاااد تراكم تتكلمون في اختي ...وعندي احساس يقول ان داليا انظلمت
وان الكلب هذا هو الي ظلمها
رغد ...اه ياخوي سعود ...حالته حالة بعد داليا ...بس معصب علينا ...ومتشدد حتى
عندكم مانعني اجي عندكم ..احسه تحطم وكاره الزواج بعدها
سارة .."بصراحة ما يلام..ماصدق يزوج وتجيه داليا وتحطمه على طول
دلال بضيق ..اسكتوا حنين وريم جايات
ريم ..مرحبا بنات
رغد ..بدون نفس اهلين
حنين ..صح بنات مبروك زواج داليا ..فرحة لها من كل قلبي
سارة بحقد ..ايه باين
ريم ..عاااد كيف المزرعة من دون داليا
دلال ..اكيد ماهي حلوة
حنين ببراءة ..تصدقي خالد الله يهديه ماخبرني عن زواجها
سارة ..اصلا خالد مايقول كل شيء الا يحبه
حنين طنشتها واخذت بيدا ريم ومشوا
خالد سمع صوت حنين وجاء
خالد .." شخباركم صبايا ...ها حنين عندكم
سارة بغيرة وضحت بصوتها..هلا خالد وينك ماتنشاف ولاعاد تسال عن عمك
خالد والصوت فتح له جروح قديمه ..اعذرينا يابنت العم والدنيا شاغلتنا
ساره بدلع بس مااظنها تشغلك عن الغاليين
خالد وعرف نفسه يضعف قدامها .." الله كريم .." ومشى عنهم
حنين يوم شافت خالد جاي مشت له
حنين ..هلا خالد بغيت شيء
خالد وصوتها صحاه من غفوته ودفن كل الجروح القديمه ...ايه ابيك.. ومسكها من يدها واستأذن من البنات
سارة حست بغيرة من مسكة خالد لحنين ..وضغطت على نفسها ..عشان ما تنفضحه
=============***============
كانوا الرجال جالسين مع بعض
ابو وليد ..يللا مشينا بنتك بس ولدك ماراح نمشيها لك
ابو نواف ..اكيد ياابووليد انت اول الحاظرين
ابو وليد ..تصدق ام وليد كانت نفسها في البنت لوليد ..بس مادام اخذها تركي
يستاهل وليد كل خير
اسامة باستغراب ..ليه انت تعرف تركي
ابو وليد ..ايه وهو بحسبة وليد..تربى معانا من يوم هو صغير
=============***============
شافها رايحه بعيدا واخيرا جته الفرصة ومشى وراها
حس نفسه موقف خطا ...بس هي الوحيده الي يوم شافها نسى همومه
وتجددت الحياة بقلبة ..والبتسامة اخذت مجراها
تراجع يوم شافها جلست تحت شجره ومدت رجولها باريحه ...بدا يتاملها
وهو يتنهد حسها هي الوحيده الي عاشت معاناته هي الوحيده الي جذبته بثقتها وشجاعتها وقبل كل شيء بغرورها
مشى خطوات بسيطه وقرب منها
اسامه بتردد... شخبارك رحمة
طالعت فيه ورجعت نزلت عيونها ..بخير
اسامه بحزن .. وش فيك تقوليها بدون نفس
رحمة وطالع يمين وشمال وكانها خايفة احد يشوفها ...اجل كيف تباني اقولها لك
اسامة ..رحمة وش فيك ..احسك غريبة ...ومااظن كل هذا من الحروق
رحمه وتقوم ..شكلك مصدق عمرك ..وش دخلك في
وكملت طريقها
اسامه ..ماراح تقدري تخبي الي وراك كلنا عرفنا قصتك
رحمة وقفت فجاة وقلبها صار يدق بقوة وبخوف ...وش عرفة
اسامه واستغرب ردة فعلها ..وقرب منها ..." رحمة انا متبرع أعالجك على حسابي
بس ياليت توافقي
رحمة ..وحمدة ربها بسرها ..اظن هذا موضوع قفلنها من سنين وماله داعي اعيده
اسامة ..بس رحمة في ناس محتاجه لك ..وسعادتها معاك
رحمة وفهمت قصده ..بس انا ماني محتاجة لهم ولو يبعدوا عن
طريقي يكون احسن لهم
اسامة وحب يجرها يمكن تضعف وتلين له .."انتي على وش شايفه نفسك ..
ترا كل راس مالك جسم مشوه
رحمة وخرج منها صوت استخفاف وكملت طريقها وكانها ماسمعت شيء
اسامة ماتوقع ردة فعلها كذا توقعها تبكي ..تضايق ..تسبه ..بس هي خيبة امله
بتصرفه ..مهما حاول يخليها ترضح له تبقى صامده وشامخة ومافي شيء يهزها وعرف ان
التعامل مع رحمة صعب..وصعب مرة
طلعت من الحمام .." والجميع بكرامة" طالعت شافت الغرفة فاضيه
شمت ريحة عطرا عرفة ان تركي تعطر وخرج
وقفت وتاملت نفسها على المرايا وتسرح شعرها ... وابتسمت بحزن على حاله
اشتاقت لامها ولابوها ولدلال ودانه اشتافت لجمعه مع البنات واعمامها
طالعت في زاويه المرايا وشافت كرت ..فتحته وقرت .." احبك يا نور عيني توقيع تركي.."
ابتسمت بحب ..وكلمت نفسها يااااه هالانسان مدري كيف قدر يجذبني ويحسسني
بالامان ..ويعوضني عن اهلي ...ضمت الكرت على صدرها
سمعت صوت التليفون يرن ومااحد يرد عليه قامت وراحت الصالة ورفعت السماعة
المتصل ..السلام عليك... بيت تركي
داليا ..وعليك السلام ...ايه بيت تركي
المتصل ..انا فاعل خيرا وابك تسمعيني وبعدين تحكمي
=============***============
في بيت ابو نواف
ابو نواف جالس يتابع الاخبار ودلال وامها جالسات مع بعض ويتناقشوا بأمور عاديه
ونواف يلعب بجواله وباين عليه الكلام
نواف بتردد وعينه على الجوال .."يبه ابيك تكلم سعود يوافق املك على رغد .."
ابو نواف ويتابع الاخبار .."ماهو وقته الحين خلها وقت ثاني.."
نواف .." يعني متى وقتها يوم البنت تطير مني .."
ابو نواف .." البنت محجوزه لك ...والكل عارف هالشيء ..."
ام نواف ..."الله يهديك يا ابونواف الولد نشف حلقه من كثر ما يترجاك وانت
كل يوم تقول بكره .."
ابو نواف .."انا ماعندي مانع بس .......وقطع كلامه وفتح عينه على الاخر وقام والكل
التفت يشوفون وش صاير
كانت داليا داخله البيت ودموعها على خدها
ابو نواف والعاطفه نادته .."داليا بنتي.."
كملت داليا طريقها بدون ماتلتفت على احد ودخلت غرفة ريتا كانت تبي تكذب الي سمعته
كانت تمشي وصوت الرجال ينعاد براسها ماهو معقوله تركي يطلع منه كذا
داليا بصوت مخنوق ..."ريتا ميري ليه سافرت.."
ريتا بلا مباله .. "هو في حر.."
داليا تقدمت ومسكتها من كتوفها وهزتها بكل قوتها .."ريتا اعترفي ميري ليه سافرت"
ريتا بخوف .."انا مافي معلوم .."
داليا انهالت عليها بضرب .."كذابه انتي عارفه انها باعت صوري لتركي وهربت.."
ريتا بصدمه .."انتي مين فيه قول .."
داليا بتوسل وصياح .."ريتا قولي الحقيقه ورحيني الله يخليك... ورفعت صوتها ..ريتا والله
لذوقي الي ذقته لو ماتقولي كل الي عندك.."
ريتا ..انا مافي معلوم هذا فيه صديق اعطي ميري فلوس وميري اعطيه صور مال انتي وفيه
قول انتي وين اجلس كل يوم ..."
داليا وبضربة كف قويه لريتا .." وانتي ليه ماعلمتي الحقيقه.."
ريتا .." هو فيه هدد لو فيه علم فيه موت.."
جلست داليا على طرف السرير وهي منهاره ماتوقعت تركي تجيه النذاله والخسه انه يلعب
باعراض المسلمين ...ماتوقعت ان تركي الي بلحظه قدر يحسسها بالامان والسعاده يكون
كل تفكيره بفلوس ابوها
وان طعمه هو الي قاده يتفق مع الشغالات ويرميها بها المصير
ورمت نفسها على السرير وهي تصيح وشهقاتها قطعت قلوب الكل
ام البقيه كانت صدمتهم اكبر صدمتها حسوا انهم كلهم اشتركوا في ظلم داليا وكلهم اشتركوا
في دفنها وهي حيه
ابو نواف اول مره تحتبس دموعه بعيونه ولف وجهه الجه الثانيه وهو يتعذب بشهقات بنته
ام نواف راحت لبنتها ومسحت على شعرها وتحاوا تهديها ..
ونواف حس نفسه مخنوق وفضل الهروب عن الشعور بتأنيب الضمير
ام نواف وتمسح على شعر داليا ..سامحينا يابنتي احنا تسرعنا في رميك وظلمناك
داليا وتوها استوعبت ورفعت راسها ودارت عيونها بين امها وابوها وفي النهايه ركزتها
على دلال ..وسكت على اسنانها ورمت طرحتها على وجها وطلعت تصفي الحساب بينها وبين تركي
=============***============
رفعت عيونها لسماء وتأملت السحب كيف بدقيقه تلتقي مع بعض وبدقيقه تفترق عن بعض
نزلت عيونها على الكتاب المفتوح قدامها وسكرت بعد ما شافت دموعها ملته ورجعت فتحته
وصارت تقرا من بين السطور وحست بغثيان والم في بطنها ورجعت قفلته وصارت تسب
وتسخط على نوره ووتكلم بسرها بضيق وتذمر من وجع الحياة عليها وش لك بهالكتب وهالخربيط
اه يافرح من متى وانتي تقري هالسخفات والضياع
كلها يومين يافرح وتضيعي وتضيع احلامك
عظة على شفايفها وتذكرت الثلاث الالف الي وعدتها فيها ام وحيد وابتسمت بحزن
واخيرا راح اودع الفقر وأعيش مثل الناس راح اودع الدموع والجوع
وتذكرت شيء وعبست وجها وزادت دقات قلبها انا راح انام عند رجال ماتربطني فيه بصله
راح اضيع شرفي بطمعي ...وهو وش راح يكون موقفه مني اكيد راح يتهمني بالعهر
والفساد ويرمي ضياعي على امي وابوي وقفت لحظه وتذكرت ابوها
ابوي خليه يستاهل هو الي قادني لمصير هذا هو قاده طمعه يروج المخدرات وانا قادني
فقري ابيع عرضي ..وامي
وامي وش ذنبها ...وش ذنبها اقضي على فرحتها يكفيها الي جاها من ابوي وغطت وجها
بيديها وصارت تشهق من الصياح
=============***============
نزلت من سيارة الاجرة ودموعها ملت غطوتها فتحت الباب ودخلت دور الي انداست كرمتها
بسببه دور الي دنس عرضها بطمعه صدمت فيه بدون ماتحس ورفعت عيونها بوجها وهي
تتأمل الحقير الي قدامها
تركي الي حس بالخوف يوم فقدها بس ارتاح يوم شافها قدامه ومسكها مع كتفها وباسها على خدها تلقائيا
داليا وكل شعره بجسمها وقفت من حركته ودزته بكل قوتها ... "يالحقير لاتقربني"
تركي بغضب وبصدمه .."داليا وش بلاك .."
داليا بعصبيه .. "لا دنس اسمي على لسانك سامع .."
تركي ويتمالك نفسه .." داليا وش صار.."
داليا بصوت مخنوق وش تبيني اقول لك اقول اني عرفة كذبك ولا خستك ولا طمعك ولا
ايش ولا ايش .."
تركي .." داليا احترمي نفسك .."
داليا .." حرام عليك انا وش سويت لك عشان تسوي في كذا ليه حرمتني اهلي وقضيت على
فرحتي ..اذا كان همك الفلوس تقدر تحصلها بالف طريقه ..ولا تكسر جناح غيرك .."
تركي ..داليا وش تقولي ومثل ماانتي مظلومه والله انا انظلمت مثلك ..."
داليا وترفع صوتها .."كذاب والعبه كلنا عرفناها لاتنكر انك جيت اخر الليل تهددني في
الصور الي لعبت فيهن وانظلمت بسبتها وتنهدت بالم وبحزن الله يسامح اهلي رموني عليك
من دون ما يرحموني و كان همهم يستروا حالهم باي طريقه .."
تركي ما قدر يستحمل الاهانات وتلقائيا رفع يده يضربها وداليا من الخوف انكمشت على نفسها
ابو نواف وهو داخل ... نزل يدك عن بنتي لاتنكسر
تركي وينزل يده ..." ابو نواف .."
ابو نواف ويضم بنته لصدره ... "الله يبتليك بعرضك مثل ما ابتليتنا بعرضنا .."
ام نواف .."انت ماتخاف الي ماتنام عينه ينتقم منك .."
تركي ..لا تدعوا علي تراكم ظلمتموني .."
ابو نواف يللا يا داليا لمي أغراضك ومالك جلسه هنا وانت المحاكم بينا ونشوف مين
الخسران في الأخر.."
رفعت داليا عينها وطالعت في تركي وبقت فترة وهي طالع فيه وبهدوء سحبت نفسها ودخلت
غرفتها وتركي استغل الفرصة ولحقها
تركي بتوسل .."داليا اسمعيني احنا لنا اسبوع مع بعض وهالاسبوع ماهو كفايه يكشف لك حقيقتي.."
طالعت فيه داليا ورجعت تكمل جمع أغراضها
تركي .. "لاتخربي بيتك بيدك ومثل ماانكشفت حقيقتك راح يجي يوم وتظهر حقيقتي.."
داليا سكرت شنطتها وطالعت في تركي وتنهدت بحزن على الايام الي قضتها معاها
تركي مسكها من يدها قبل ماتطلع .." داليا والله احبك ..ومااقدر اعيش من دونك.."
داليا وتنزع يدها من يد تركي .." ياليتني انخدعت بالكل الا فيك .." وطلعت مع اهلها
طالع فيها تركي وهي تركب السيارة وسكر الباب وراه بقوة وقف عليه وعرف ان توه صحا
من حلمه بس صحا وهو مسلوب القلب طلع جواله من جيبه واتصل على وليد يروح اريام من عندهم
=============***============
دخل المكتبه وهو يدعي ربه انه ان تكون موجوده ابتسم بداخله يوم شافها واقفه بنفس المكان
الي شافها فيه اخر مره
تذكر حركته البايخه وتشجع وتقدم خطوتين وركز عينه على الكتب
فيصل بتردد ...انا اسف اختي على الموقف الي صار واتمنى انك ماتاخذي فكره سيئة عني
ريم انصدمت وماتوقعت ان الصدفه تجمعها لمرة الثالثة بهذا الشخص
وردت بدون وعي..." مسوح يا خوي وما صار شيء.."
ورجعت تتصفح الكتب وفيصل أنحرج من وقفته وسحب نفسه بهدوء
رفعت عيونها من الكتاب وطالعت فيه وابتسمت بداخلها على المواقف الي جمعتها معاها
وفيصل بالمقابل كان يشغل نفسه بالكتب وبين فترة وفترة يسرق النظر لها ويحاول يتجاهل وجودها
=============***============
فتحت صندوق لميس وطلعت دفتر مذكراتها كانت اخر مذكرة لها قبل سبع سنين يوم سافرت
مع ابوها تذكرت ضحكتها وصيتها قبل ماتسافر " هااريام راح يخلى لك الجو مع وليد
و خذي حقي منه.. وشدي اذن تركي وخله يرجع الشريط .."
ضحكة على كلمتها وضمة الدفتر على صدرها ونزلت دموعها وهي تسب كل السوقين الي
حرموها امها وابوها وحرموها اعز صديقاتها سمعت دق على الباب وبسرعة مسحت دمعتها
ورجعت الدفتر مكانه
ريماس وتفتح الباب ..." اريام وليد ينتظرك في السيارة عشان يروحك البيت
اريام بستغراب ..وليه وليد يروحني ..وتركي وينه.."
ريماس ببراءه وتهز كتوفها .."هو قال لي كذا .."
نزلت اريام تحت ولبست حجابها تشوف وش صار
ام وليد .."يللا يابنتي وليد ينتظرك برا .."
اريام .." بس ياخالتي مستحيل اروح مع وليد بروحي.."
ام وليد .."خذي معاك ريماس ...وليد مثل اخوك .."
نزل وليد من السياره وهو عارف عناد اريام وانها مستحيل تركب معاه بالسهوله
وليد ويتنحنح ..." هااريام جاهزه .."
اريام ايه جاهزه بس ماني مروحه معاك راح انتظر تركي .."
وليد .."يابنت الحلال تركي توه اتصل علي ويقول تعبان وده ينام وطلبني اروحك .."
اريام .."بعناد بس اسفه ماني مروحه معاك .."
وليد بعصبيه وهو طالع .." اريام انتي متى تكبري وتكري حركات العناد اقولك اخوك تعبان
وماهو فاضي لك واذا ناويه تنامي عندنا نامي محد مانعك .."
اريام بندم وتنادي عليه .."خلاص وليد انا طالعه واخذت يدا ريماس ولحقته .."
=============***============
كان جالس جنب فيصل ومقابل خالد ومتردد كيف يبدا كلامه وخايف يلاقي نفس الجواب مثل كل مره
اسامه بتردد .." خالد امس قابلت الدكتور احمد .."
خالد بلا مبالة.." وانا وش يهمني .."
اسامه .."الدكتور احمد توه جاي من المانيا وجايب معاها تقريرك الطبيه.."
خالد .."طيب ماهي اول مره .."
اسامه وحاول يتشجع.."احمد يقول انه عرض تقاريرك لااكبر الدكاترة وقالوا ان في امل
ترجع تشوف وان نسبة الامل 60%100
خالد برتباك واضح .."بس نسبة الامل قليلة وانا ماابي اعيد نفس المعاناة.."
اسامه .. "لا ان شاء الله وان عندي امل ان العملية راح تنجح .."
خالد وتنهد بالم .."الله كريم نسوي الي نقدر عليه والباقي على الله.."
اسامه بفرح .." يعني عندك استعداد تجري العملية مرة ثانيه .."
خالد .. "ايه ليش لا وابتسم بحزن لخاطر الي نحب ليش ما نجازف .."
اسامه بضحك .."وانا اقول وش فيه وافق بسرعه طلعت ميت على شوفة حنين.."
خالد .."هي امنيه وادعي ربي يحققها لي .."وبصوت واطي اني اكحل عيني بشوفة حنين.."
فرح اسامه من قلبه لخالد وغبطه على الحب الي يعيشه ..ودعا ربه بسره ان يسرا له امره"
اسامه ويطالع في فيصل .." فيه ناس مامنهم فايده وماهم مشاركينا الا في اذانهم .."
فيصل قفل الكتاب .." هاانا معاكم وش عندكم .."
خالد .."سلامتك بس ابله منيره تسلم عليك وموصتني اني ازوجك .."
اسامه .."ايه والحرمه ياحرام من زمان ما زغردة وحابسه زغرودتها بعرسك.."
ضحك فصيل .."طيب قولوا لها تحتفظ فيها كمان عشرة سنين قدام.."
خالد ..اقول بلا مهزله وقول لنا وش استفدت من كتبك وخربيطك .."
فيصل فتح الكتاب .." بصراحه اشياء كثيرة وفيه مقوله وقفت عندها كثيراواعجبتني
اسامه .."وش هي .."
فيصل ويقرا .."لئن تحصل على ماتحب حتى تتعذب في سبيل ما تحب .."
اسامه بضحك .."كلام جرائد.."
ام خالد هزتها هالكلمه وحس برعشه سرت بجسمه تذكر ساره وتذكر حنين
وتذكر الفرق بينهن ومدا عصاه قدامه واستذن وطلع لغرفته
=============***============
طالعت في في المرايا وتأملت نفسها مسحت على خدها وابتسمت يوم شافت الميك اب حق
حنين .. اخذت الروج ومرته على شفايفها وطالعت نفسها في المرايا وبحركة سريعة مسحته
بأصبعها بقوة
اخذت لثمتها ولفتها على وجها وبدت تتامل نفسها بالثمه
دخلت عليها حنين وقطعت سرحانها وبصوت عالي ..."رحمووووه.."
رحمه ضربة يدها على صدرها .."بسم الله الرحمن الرحيم انتي متى تعقلي .."
حنين .. "لقرب زواجي .."
رحمة بنص عين .."ليه انتي عقلك ماتستخدميه الا لرجال.."
حنين.." ايه لان معاك مايحتاج عقل تعرفي لازم اكون بمستواك.."
رحمة تتخسر .."وش تقصدي يعني انا من دون عقل .."
حنين تهز كتوفها .."انا ماقلت شيء .."
رحمة.." طيب ياحنين ولاجاء خالد تعالي اطلبيني اسوي لك شيء .."
حنين .."وع عاد من زين الي تسويه كلها قهوة وشاي والله لايبالنا على الحلى الي تسويه لو
سمعت كلام جدتي وحطيت تمرا ازين.."
رحمة وتقفز عليها وتمسكها من رقبتها وتخنق فيها .." ليه انا الي مااعرف اطبخ ولا انتي
الي كل ماسويتي شيء حرقتيه .."
حنين بضحك وتوسل .." ايه انتي اكبر طباخه بس فكيني.."
رحمة وتشيل يدها .."ناس ماينفع معهم غيرا العين الحمرا.."
حنين وبعد ماردت روحها .."ايه وكل الي تعرفيه كبسه مالها طعم .."
رحمه .."طيب ياحنين ارويك وتذكري كلامك هذا .."
ام راشد دخلت على أصواتهن الطالعة وتضرب كل وحده بالعصا على كتفها بخفيف
"انتم متى تكبرون كنكم بزارين فضحتونا عند جيرانا وطالع في رحمه وانا اقول هذي العاقله
طلعتي اخس من حنين المرجوجة .."
رحمة استحت ولا تكلمت وحنين كتمت ضحكتها وقامت تحسس الضربة
حنين .."جده احنا عاقلات ما تشوفينا مانتابع افلام ...وبلعت ريقها .."ماهو مثل بعض الناس
اربعة وعشرين ساعة مقابلين عادل امام .."
ام راشد وتضرب حنين ..وش لك بالرجال حتى المصرين ما سلموا من شرك.."
حنين بتوجع .."الله يهنيك بعادل بس لا تضربي .."
رحمة وتكتم ضحكتها .."سبحان الله يمهل ولا يهمل .."
حنين بتوعد..." طيب يارحمه تتشمتي والله لاارويك.."
وهربت رحمة وركضت وراها حنين ورحمة تحلف انها ماتعودها وحنين تحلف انها غير تضربها
=============***============
كانت جالسه على الطاوله بروحها كلهم راحوا يحظروا محاضراتهم الا هي اكتفت بتقديم
عذرها المزيف وماقدرت تحضر وسرحت بحال الي وصلت عليه
صحت من سرحانها على صوت بنت معجبه فيها
قامت وسلمت عليها واخذت من البنت باقة الورد حطت الورد على الطاوله وجلست تاملت
الورد وأعجبتها جاذبية ومنظره سحبت لها ورده حمرا وتذكرت الورد الي قدمها لها
تركي في الفندق وغرغرة عيونها وضغطت على الوردة بكل قوتها لين ماتناثر الورده بيدها
وتناثر قلبها بين سعود وتركي انتبهت لاصوات بنات وراها
الاولى .."شوفيها لاابسه الدبله شكلها تزوجت.."
الثانية .." يابختها شكلها اخذها ولد عز.."
الاولى .." ماتلام هالجمال حرام يروح لاي واحد .."
تذكرت الدبله وسحبتها من يدها ودخلتها الشنطه ...حست بيدا على كتفها وطالعت وشافت
اختها دلال ومعاها رغد وساره
دلال وتجلس ..."ووواااوو افتقدنا الورد بعدك اكيد من معجبه.."
ساره وتاخذا ورده وتشمها ..."تخيلي مين شفت .."
داليا بلا مبالة .."مايهمني مين شفتي.."
رغد بحقد .."لا يهمك الله ياخذها اريام .."
داليا وتخفي ارتباكها .. "وش سويتوا لها .."
دلال "لاتخافي اختك ماراح تترك حقك.... الله ياخذها هي واخوها .."
سارة .."انا نفسي افهم هي ليه ماانتقمت مني ولامن دلال ولامن رغد ماقدرت تحط حرتها
الا في داليا المسكينه.."
دلال .." وانا نفسي افهم كيف اختي المجنونه سلمت نفسها لا اخوها بسهوله هذي.."
رغد باستخفاف.." اكيد ضحك عليها عليها بكم كلمه وعرف يلعب الدور
وهي صدقت التمثلية.."
طالعت فيهم داليا بقهر واخذت كتبها وملازمها ومشت عنهم
=============***============
كانوا جالسين عند البحر وماسكين ايدي بعض والسعاده تحوم حولهم اسامه من فرحته كان
ضاغط على يدها بقوة وكانه خايف انها تضيع من يده
شاف وليد جاي من بعيد وهو يركض وانقبض قلبه ...ضغط على يد رحمة بقوة وكانه
خايف من شيء
وقف وليد مقابله وبدون مايتكلم نزعها من يده واحتواها بيده وضمها على صدره
وقف اسامه وهو مصدوم حاول ينزعها من يديه ولكنه اتفاجا ان الرفض يكون من رحمة
طالع فيها وهو مصدوم وشافها راحت معاها وهي بقمة سعادتها وغابت عن عينه
مع غياب الشمس سمع صوت من وراها والتفت وشاف فهد صاحبه الشمالي يطالع فيه بحزن
ويهمس له .." انسى رحمة يااسامه .."
صرخ باعلى صوته ..لا ..لا ...لا رحمة لي .."
صحا من نومه وهو مفزوع سمى على نفسه واستعاذ من الشيطان تذكر اخر كلمه قالها
فهد له نفض راسه بقوة لا مستحيل انسى رحمة ... وتذكر ابتسامتها مع وليد وعبس وجهه
وبسرعه قام من السرير
=============***============
نزل من سيارته وهو يكلم في الجوال
شاف اخته ودلال ورغد راكبات مع السواق بروحهن وبسرعة قفل الجوال وراح لهن
نواف .." على وين ان شاء الله .."
دلال .." نبي نشتري اغراض من السوق.."
نواف .."ومين سمح لكم تروحن بروحكن "
دلال .." خير نواف وش فيه ماهي اول مرة نروح السوق برحنا.."
نواف بعصبيه .."يعني معترفه انك دايما تروحي السوق مع السواق بروحك .."
رغد .." نواف وش بلاك معصب اذا انت ماانت واثق فينا خلاص مانبي نروح. ونزلت من السيارة
نواف وانحرج .." رغد وش هالكلام والحمد الله الثقة موجوده وانا واديكم السوق
رغد بخوف .." لانواف ماني ناقصة مشاكل مع سعود .."
نواف .."ياسلام سعود يسمح لك تروحي مع السواق ولا يسمح لك تروحي مع ولد عمك
وبسرعه اركبي السياره وتراك ماانتي بروحك دلال معك.."
دلال .." طيب مر على بيت سارة موصيتنا ناخذها السوق معنا
رغد بغيره .. "لا ماله داعي نمر على ساره..."
دلال "لاتخافي نواف ما يهتم في ساره .. والبنت واعدناها وهي تنتظرنا .."
ضحك نواف وانحرجت رغد من كلمة دلال
وحرك السيارة وهو يطالع في المرايا على رغد ويبتسم لها
=============***============
في بيت ابو راشد
حنين بضحكتها الرنانة... رحمة الله يخليك وهذا وعد مني انها اخر مره بس سوي العشى
رحمة بعناد .."والله لو تموتي وهذي المره ذوقيه اكلك .."
حنين .. يابنت الحلال خالد يمدح اكلك وشكله معلم واسامه جاي معاها ويبي يتذوق اكلك .."
رحمة بعصبيه ... "وش دخل اسامه مااجيب سالفه غيرا تجيبي سالفة اسامه تراكم
علتوني فيه ..
حنين .."انا نفسي افهم انتي ليه تكرهي هالادمي وهو مااذاك بشيء.."
رحمه.." ياعيوني من قال اني اكره انا لااحبه ولا اكره واعتبره شخص مهمش في حياتي
والي اليوم اشوفه راح انساه بكره فاهمه وقربت منها ... تذكريها راح انساه بكره .."
حنين وتسمع صوت جرس ..."الله يسامحك هذا خالد جاء وانتي ماسويتي شيء ودوبك الهذره الفاضيه .."
رحمة بضحك .."ماكثر الله من التمر ولا انتي ناسيه طبع البدو التمر قبل كل شيء.."
حنين ..لا ماني ناسيه يابدويه .. ومشت وهي تمتم بكلام واضح ..اخر زمن بدو وتعلموا .."
=============***============
في بيت ام سعود
رهف بصوت يفجر الاذان ..."زهروووه.."
زهره ..."نعم ماما .."
رهف بفلسفة ..."انا كم مره قلت لك لاتقولي ماما قولي انسه تراني لسه ما زوجت اذا
ازوجت قولي مدام واذا ولدت قولي ماما خلاص فهمتي .."
زهره وتهز راسها .."خلاص ماما.."
رهف بنفاخ .."زهره وجع وان وش اقول لك من الصباح .."
زهره .."لاخلاص ما اقول ماما .."
رهف.." ايه كذا تعجبيني ويللا اجلسي ابيك تلعبي معي بلاي ستيشن .."
زهره .. "لامعدين ماما رغد سوي مشكله.."
رهف .."ماعليك منها ويللا شمري على اكمامك وخلينا نبدا.."
زهره ..وتجلس خلاص حطي لي فريق بنقالي.."
رهف وطالع فيها بنص عين ..."ليه انتم لكم فريق اصلا.."
زهره ايه.." وفيه فوز على البرزيل عشرة صفر.."
رهف .."اقول قومي ورينا عرض اكتافك قال عشره صفر تلقيك قاريتها عكس
ومصدقه روحك.."
فارس وهو داخل البيت .."رهف وجع ان شاء الله .."
رهف .."خيرا ان شاء وش دخلك بيتنا بدون استذان.."
فارس .."والله اكبرنا وصرنا نعرف الادب ...بسرعه هاتي البلاي شتيشن حقي .."
رهف .."ياسلام انت بعته علي مائة ريال .."
فارس تنكتي وانتي وجهك هذا شاريه بفوق الالف وابيعك ياه بمائه .."
رهف .."طيب ليه تكذب علي وتبيعه لي مائة ريال .."
فارس .. "لانك مضحكة لي .."
رهف .. نشوف مين المضحكة لثاني وركضت واخذت البلاي ستيشن وهربت
وفارس وراها ...وصدمت بسعود وهي ماهي شايفه
سعود بعصبيه .."رهف وش فيك .."
رهف وتبلع ريقها .."مافي شيء وتبي تكمل طريقها ومسكها سعود من يدها .."
سعود بنفاخ .." انا كم مره قلت لك تتغطي عن فارس .. ويطالع في فارس وانت انا كم مره
قلت ماتدخل قسم الحريم .."
رهف .."وش هو هذا الي ناقص اتغطى عن هالخبل.."
فارس .."احترمي نفسك لاعلمك مين الخبل .."
سعود ويمسكها من شعرها .."يللا اعتذري له وما أشوف طولت ها لسان مره ثانيه
رهف.." والله لو يموت مااعتذرت له.."
سعود ويفك يده من رهف ..طيب هذا وجهي اذا ماسويت عرسك وعرس رغد مع بعض
فارس ..لا ماابي اعتذارها بس فكني منها ودكم تحطوها بحلقي من الحين
سعود.. ليه عسى حاط عينك على احد
فارس.. لا انا ابي اسوي مثلك ما أزوج
سعود بضيق .." بس انا غصب عني.."
وبصوت بين نفسه انا عفت الحريم وطلع وهو يسب ويسخط على جميع البنات
=============***============
في بيت ام راشد وتحديد بمجلس الرجال
حنين بحزن وخوف .." وليش تشوفني
خالد باستغراب .."حنين وش بلاك توقعت فرحتك تكون اكبر من كذا.."
حنين وتحاول تظهر الفرح .." اكيد فرحانه بس انا خايفة عليك .."
خالد .." لاتخافي علي واذا مقسوم اني راح اشوفك راح اشوفك بدون عمليه .."
حنين بحزن .." ونعم بالله والله يتمم السعادة بينا .."
خالد وهو قايم .." امين .."
حنين .."وينك توا الناس.."
خالد بضحك .."اول مره اسمعها منك وقرب منها ليه ما مليتي مني .."
حنين بخجل .." مااظن ان يوم آمل منك.."
خالد مسكها مع كتفها .." وانا عمري مااشبع منك وهااااه حنين ماتبي تسمعيني كلمه حلوة قبل مااسافر .."
حنين .."ماهو وقته الحين ولاجيت من السفر ابشر فيها .."
خالد.." ايه تصريفه مثل كل مره ..وتنهد ..نفسي اسمع كلمة احبك من فمك واسافر وانا مرتاح على قلبي .."
حنين .." خالد وش هالكلام سافر وقلبك مرتاح وماراح انساك من دعواتي .."
خالد ببتسامه .." الله لايحرمني منك وطلع وهو يدعي ان ربه يتتم الفرحه عليه.."
=============***============
لبست مريولها وعيونها ماكفت من الدموع اليوم هو يوم الاربعاء موعدها مع ام وحيد
باست امها على راسها واخذت شنطتها وطلعت
مشت خطوات معاكسه لطريقها وقفت على الزاويه وشاافت نوره جايه مع سواقها وزدات
دموعها حاولت تثبت نفسها وتمنيها بأحلام سعيده ركبت السياره واتجهت لبيت ام وحيد
وماحست بنفسها الا وهي واقفه عند بيت ام وحيدا
نزلت من السيارة واشرت لنورة تكمل طريقها
دقت الباب دقات خفيفه وبسرعه انفتح الباب
ام وحيد بعصبيه .. وينك اش بك تاخرتي الرجال ساعه ينتظرك فوق
سرت رعشه بجسد فرح وانقبض فلبها ومسكة مقبض الباب بقوة
" اسفه بس تعرفي اني كذبت على امي وقلت لها اني مداومه اليوم .."
ام وحيد ..وش لي انا بكلامك وهذي اخر مره تسويها وخذي المفاتيح الرجال في الملحق
وسكرت الباب بوجها
طالعت في المفاتيح وتنهدت بحزن وطلعت الملحق تواجه مصيرها وضياع عفتها
لبست مريولها وعيونها ما كفت من الدموع اليوم هو يوم الاربعاء موعدها مع ام وحيد
باست امها على رأسها واخذت شنطتها وطلعت
مشت خطوات معاكسه لطريقها وقفت على الزاويه وشاافت نوره جايه مع سواقها وزدات
دموعها حاولت تثبت نفسها وتمنيها بأحلام سعيده ركبت السياره واتجهت لبيت ام وحيد
وماحست بنفسها الا وهي واقفه عند بيت ام وحيدا
نزلت من السيارة واشرت لنورة تكمل طريقها
دقت الباب دقات خفيفه وبسرعه انفتح الباب
ام وحيد بعصبيه .. وينك اش بك تاخرتي الرجال ساعه ينتظرك فوق
سرت رعشه بجسد فرح وانقبض فلبها ومسكة مقبض الباب بقوة
" اسفه بس تعرفي اني كذبت على امي وقلت لها اني مداومه اليوم .."
ام وحيد ..وش لي انا بكلامك وهذي اخر مره تسويها وخذي المفاتيح الرجال في الملحق
وسكرت الباب بوجها
طالعت في المفاتيح وتنهدت بحزن وطلعت الملحق تواجه مصيرها وضياع عفتها
كان منسدح على السرير وحاط يدينه وراء راسه يطالع في السقف وهو يفكر بالطريق الي صار
فيه ويفكر بالانتقام الي انتقمه هو انتقام من نفسه ام انتقام منهن
حس قلبه مقبوض وان انفاسه مخنوقه سلب ثوبه ورمله في الجهة الثانية
ضغط على يديه وسك على أسنانه وهو يتذكر الليلة الي انتحر فيها حلمه حس بكره فضيع لكل
بنت على وجه الأرض وخيانة اقرب الناس لقلبه .. سمع صوت فتح باب وجلس على السرير
بسرعة وركز عينه على الباب وهو ينتظر طلتها .. واستغرب انها مادخلت قام وطلع وانصدم
بالي شافه
كانت فرح سانده راسها على الباب الخارجي ودموعها تسيل على خدها ورجولها ماهي
مطاوعتها تكمل الطريق الي بدته ونداء الفطرة استولى على عقلها
سعود بكل معاني القسوة .. "هيه انتي أعجبتك الوقفة .."
انصدمت فرح وتجمد الدم بعروقها من الرجال الي قدامها وما نطقت ولا كلمه
سعود بعصبيه.." وينك تأخرتي ولا مواعده غيري .."
فرح بالم وحاولت تثبت نفسها ..انا ... وماقدرت تستحمل وطاحت على الارض وغطت وجها
بيدها وصارت تشهق بقوة
سعود انصدم من ردة فعلها وتوقعها بنت اجرا من كذا واقوى ومسكها من كتفها وشدها بقوة
"..ليه دموع التماسيح هذي يافاجره.."
طار عقل فرح من كلمته وسحبت نفسها من يده بقوة .."تراني اشرف منك فاهم .."
سعود ضحك باستخفاف .." والشريفة تجي لاماكن هذي .."
فرح بألم .."ايه تجي يوم تضطر تبيع عرضها عشان تعيش غيرها انحرموا طعم الحياة .."
سعود والشيطان يحوم حوله .." انا مايهمني هالكلام كل الي يهمني انك قدامي .."
وفرح وصورة امها قدامها .."وانا المجنونة الي حسبت الغنى بالعار حسبت المال بهالطريق
وفتحت الباب تبي تطلع .."
سعود ويسمع نداء الشيطان .." على وين ان شاء الله.."
فرح بخوف .." انت ماتستحي على نفسك هذا كبرك وتلاحق بنت بها السن .."
سعود .."مثل ما انتي بعتي الحياء انا بعته .."
فرح بانكسار .." لا انا ما بعته انا دفنته "..وبصوت متقطع .".الله يخليك خليني اروح بطريقي
واذا على فلوسك خذها ماابيها ..استحمل الجوع ولا استحمل العار .."
سعود وصحي ضميره ..."ليه الفقر يقود للعار.."
فرح .. "إيه إذا أمثالك ما رحمونا مين يرحمنا.."
سعود .."طيب ماهو حل هذا الطريق .."
فرح بصوت متحشرج ..انت تقول هالكلام لانك عمرك ماحسيت بالي احسه عمرك ماحسيت انك
مهدد باي وقت واي ساعه انك تنطرد من بيتك وتصير بلا ماوى
عمرك ماحسيت انك طالع في وجيهه اطفال محرومين وانت مشلول عن الحركة وماانت
قادر تدخل الفرحه لقلوبهم الا في هالطريق .."
سعود هزته كلامها وحس نفسه ندمان يوم اتبع هواه والشيطان وشاف الفرق بينه وبين بنت
تحملت من هموم الدنيا مافيه الكفايه ومابقى غيرعرضها تبيعه
سعود بندم .." خلاص لبسي حجابك وخليني اوصلك على طريقي.."
فرح وترفع راسها وطالع فيه .." توعدني انك ما تؤذيني .."
سعود ..ايه اوعدك وعد رجال ويللا انتظرك تحت.."
نزل تحت و ركب السياره وانتظرها وبعد كم دقيقه نزلت وهي تمسح دمعتها
فرح وتذكرت شيء وبقت واقفه ولا ركبت السيارة
سعود ويفتح الباب لها .."وش بلاك واقفه بسرعة اركبي .."
فرح .." وين رايح في .."
سعود .."يعني وين على بيتكم .."
فرح بخوف.." لا انا كذبت على امي وقلت لها اني مداومة.."
سعود .."اجل اركبي أوصلك المدرسة.."
فرح وتهز رأسها بألم .."لا الحين قفلوا البوابة ومستحيل يدخلوني.."
سعود بحيره .."اجل وش الحل .."
فرح سكت وما عرفت ترد
سعود..اركبي وخليني أفكر.."
ركبت فرح السيارة وهي مدهشوه من فخامة السيارة وتقنيتها .."
فرح بخجل .."هذي سيارتك .."
سعود بابتسامه .. ايه عجبتك .."
فرح وتنزل راسها ..ايه وشكلها غاليه.."
ضحك سعود بنفسه على عفويتها وبرأتها "..هاا وين اوديك .."
فرح .." مدري وين اروح .."
سعود.." كيف ماتدري مالك جماعة ولا قرايب.."
فرح بحزن .."لا مالي غير عمه وساكنه خارج الرياض وامي اهلها بالأردن
سعود .."طيب ابوك وش يشتغل .."
سكت فرح واحتارت ايش تجاوبه .." ابوي لو يشتغل ماكان جيت ها لاماكن .."
سعود.." يعني ابوك عاطل.."
فرح .. لاابوي مسجون.."
سعود وقف السيارة وطالع فيها .."مسجون... وش تهمته .."
فرح وتلف وجها الجهة الثانيه وبنفس كسيرة .." مروج مخدرات .."
سكت سعود ورجع حرك السيارة وبقى بينهم لحظة صمت طويلة
فرح وبعد طول تردد .." وين رايح في .."
سعود .."مدري أدور بدون هدف .."
فرح .." طيب حطني بالسوق او مكان عام .."
سعود ويلتفت لها وبصوت عالي .." يا سلام عشان تكون فريسة سهلة لريح والجاي .."
فرح انكمشت على نفسها .." طيب وين تروح في باقي اربع ساعات وين اقضيها .."
سعود ..وانا وش دراني .. الله يعيني ابتليت فيك وانا مشغول .."
فرح .." خلاص اتركني بحالي وماانت مسئول عني وكمل طريقك .."
سعود بغضب.."خلاص تبي تنزلي انزلي وماني مسئول عنك لو اعتدى عليك رجال وانتي بروحك انا ماني دخل فيك .."
فرح بندم .." ما قصدت هالكلام بس انا ماابي أضايقك وأخرك عن شغلك .."
سعود .." انتي الحين امانه برقبتي ولازم اوصلك بيت اهلك .."
فرح لازمت الصمت واستحت من مرددته بالكلام وحست بالأمان معاه
وطالعت من الشباك وصارت تتأمل الخارج وماحست الا السيارة وقفة فجاة
فرح وتلتفت عليه .." ليش وقفت .."
سعود وينزل .." جوعان وابي افطر .. انزلي شاركيني "
فرح وعصافير بطنها تزقزق .." لاما ابي افطر انتظرك في السيارة .."
سعود .." طيب انزلي عن الحر تراني بخيل وماابي اشغل المكيف
نزلت فرح وهي محرجه وبنفس الوقت ماهي مصدقه انها في يوم تدخل هالاماكن هذي الي
بالنسبه لها مايدخلها الا الطبقه العليا وصارت تلتفت يمين وشمال
وام سعود حس بنغزة في صدرة يوم طلب قسم العائلات وراوده أحساس غريب
جلسوا مقابلين بعض وبدون أي تعليق من أي طرف
سعود .." افطري ايش فيك .."
فرح بخجل .." لا الحمدالله افطرت.."
سعود يطالع في الصحن .."بس مااكلتي شيء .."
فرح .." مالي نفس .."
سعود طيب انا رايح اجيب جوالي من السيارة وياويلك لو جيت وانتي مااكلتي شيء
فرح.." احاول .."
افطروا وطلعوا مع بعض وسعود من الملل صار يسألها عن كل شيء بحياتها
وفرح كانت تتحفظ على اشياء وتجاوبه على اشياء ثانيه
=============***============
كانوا ماشين في السيارة وتركي من يوم ماركب ماتكلم وبين فترة وفتره تطلع من زفره
ووليد احتار معاها وش يسوي له وطفش من سكوته
وليد .."وبعدين معاك من يوم ماركبت ماسمعت صوتك.."
تركي بضيق .. "وش تبي بصوتي خلني بحالي ازين .."
وليد ويقف السيارة على جنب .." تركي ماهو زين الي تسويه بنفسك واذا على حرمتك الله
يعوضك بخير منها .."
تركي ." لا تلومني ماهي اول مره اخسر الي احبها فقدت قلبي من سنين وما صدقت لقيته
حتى يضيع من جديد.."
وليد وفهم انه يقصد لميس ..." يا تركي الي عوضك بداليا يعوضك بغيرها .."
تركي وتنهد .." وليد اذا تعزني قفل على الموضوع .."
وليد حرك السيارة .." اذا على ابو نواف انا متبرع اكلمه لك واشرح له حالك .."
تركي .." لاخلها على ربك والله ما يضيع حد .."
وليد "..ونعم بالله.." وانطلق يتسكع بشوارع الرياض ويدور البنات الضيعات مثله
=============***============
كان يطالع في فرح ويتامل عفويتها وبرائتها واحيانا سذاجتها .. ضحك بنفسه وتذكر اخته رهف
اه يارهف طول عمري كنت قاسي عليك ..طول عمري حرمتك العطف والحنان ..وكنت اتوقع
التربية بالتسلط والحزم بس هالمخلوقه وقفتني عند اشياء اتجاهلها صحي على صوتها وعلى
براءة سؤالها
فرح ببراءة .."عندك أطفال.."
ضحك سعود بنفسه وهز رأسه .." لاء
فرح بحزن واضح .." الله يرزقك بالذرية الصالحة .."
سعود .." ادعي لي بالزوجة قبل الذرية .."
فرح باستغراب.." ليه أنت ما تزوجت .."
سعود .."لا ولا ناوي اتزوج .."
فرح .." طيب انت باين عليك كبير ليه تخاف من المسؤولية .."
سعود بابتسامة .." لا انا تحملت المسؤولية وانا صغير بس ظروف داخليه تمنعني من الزواج .."
جاء على بال فرح انها تسأله عن هذي الظروف بس استحت واحترمت الصمت الي فرضه
اما سعود كان مستغرب من جراته مع هالبنت عمره بحياته ماكلم اخواته بها الطريقه عمره
ما سألنهن او دخل في حياتهن وهن بالمقابل كان يفرضن حاجز بينه وبينهن اشتاق الجمعة مع
اخواته والضحك بينهن والتعليق على زلات رهف وهفواتها .. هو بحزمه وشدة حرم نفسه من
أشياء كان يتوقع ان في يوم هي الطريقه الوحيدة لتعامل مع الجنس الأخر حتى لا ينحرف
بس فرح شدته لنقاط كان يجهلها في حياته .. وأمور كان مستغفلها ان البنت لو انحرمت من كل
شيء راح تقدر تعوضه او تقدر تعيش من دونه الا أحساس الحب والحنان الا احساسه بحرص
الآخرين عليها واهتماماهم فيها ..من غير نظرات الشك الي بدقيقة وثانيه يرميها على اخواته
صحي على صوت أذان الظهر
طالع في فرح.." اظن السياحه المجانيه انتهت ويللا خليني اروحك على البيت.."
هزت فرح راسها وصارت تاشر له بالطريق الين وصل بيتهم
طالع في البيت وانصدم من خرابته وباين ان سنين العمر لعبت فيه ..طالع في الحارة وشاف
صحون القنوات الفضائية معلنه الضياع فيها قبل الفقر .. تنهد بالم وماحس لنزول فرح
نزلت فرح ومشت خطوتين والتفت على صوته ورجعت له
سعود وينزل النظارة الشمسية .." فرح اوعديني انك ماعاد تمشي بهاالطريق وطلع من جيبه
رقمه .." خذي ولا حتجتي شيء اتصلي علي واعتبريني مثل أخوك .."
فرح وتاخذا الكرت .." ان شاء الله مااحتاج شيء .."
وكملت طريقها لبيت اهلها والدنيا ماهي واسعتها اليوم اول يوم بحياتها قدرت تكسب اشياء كثيرة
اولها كسبت نفسها وعرفت قيمتها ..واخرها سعود اخوها وعرفت ان الدنيا لسه فيها خيرا
طالعت في سعود وشافته غاب عن عينها ودعت ربها بسرها يحفظه
=============***============
جالسات على دلة القهوة وما هن مبقيات شوكولاتة في شركة الجلكسي الا واكلنه
رن التليفون ومن العجز ولا وحده قامت
رحمة .." حنين وجع قومي ردي.."
حنين .. "رحمة وجعين قومي انتي ماني شغاله لك .."
رحمة .."طيب يمكن خالد متصل يطمئن عليك.."
حنين .."ارتاحي خالد لو يبي يتصل ...يتصل على جوالي .."
رحمة وترمي لها جلكسي بالكراميل .."خذيه واذلفي ردي على التلفون.."
قامت حنين وبهدوء ردت .." نعم .."
فهد ضاع كلامه يوم سمع صوتها وسكت وخلى نغمات حروفها تضرب على اوتار قلبه
وتصحي الحب المكنون من سنين .."
حنين بانزعاج .." الو مين .."
فهد انتبه لأنفسه .."معاكِ اسف ما عندي أبراج .."
حنين بخوف .." مين .."
فهد .." معاك فهد ولد عمتك ..جدتي موجودة .."
حنين بارتياح "..ايه بس نائمة اصحيها لك .."
فهد .." لا خلها ترتاح راح ارجع اتصل فيها .... تآمري بشيء .."
حنين.." لا مشكور.."
فهد ..سلمي على رحمة ويللا مع ألسلامه.."
حنين نادته قبل ما ييقفل .." فهد .."
فهد وعض على شفايفه وغمض عيونه وهمس ..لبيه .."
حنين بخجل .."سلمني على عمتي .."
فهد .."الله يسلمك.." وما انتبه لانقطاع الخط بينهم .."
طالع في الجوال وحط بجيبه واسند رأسه على الجدار ..اه ياحنين طول عمرك كنتي حلم لي
والحلم عمره ما كان واقع ظلمتيني بحبك لفايز وزواجك من خالد .."
وصحى من حزنه على صوت صاحبه يناديه وطلع وهو يدعي ربه يرزقه بخير من حنين
ام حنين استغربت من طريقه فهد بالكلام معها طول عمرها تعتبره شخصيه
غامضة وتجهل تفسيرها او شخصية ممنوع الاقتراب منها .."
رحمه وتنزع الجلكسي منها .. احلمي تأكليه .."
حنين وعرفت انها مستحيل تاخذه .." أصلا هو منتهي الصلاحية ويمكن تأكليه
وتموتي وافتك منك .."
رحمة .. ياليت وارتاح منك .."
حنين وعبست وجها .. "لا ان شاء الله صح انك غثيثه على قلبي بس ما استغني عنك.."
رحمة وتنهدت .. "بس اذا حياتي راح تكون كلها كذا ما أبيها.."
حنين .. رحمة وش هالكلام استغفري ربك وحددي حلمك في الحياه واسعي وراها وراح تحسي
بجمال الحياة بعدها .."
رحمة.." بس انا مستحيل يكون عندي حلم كل أحلامي تحطمت من سنين .."
حنين .." طيب ابني أحلام جديدة وازرعي التفاؤل في حياتك من جديد .."
رحمة .. "مستحيل ولا تحاولي انك تقنعيني انا اعرف نفسي مستحيل استمر بااي حلم
لاني بدون هويه و بدون اهل ..."
حنين.." ما انتي احسن من اسامه الي عاش حياته بدون اهل وبدون نسب ومع هذا قدر
يسعى في احلامه ويحققها .."
رحمة .. بس اسامه غير عني ...ايش جاب حياته لي .... يكفي انه رجال وانا بنت .."
حنين .." الحياة عمرها ما فرقت بين الذكر والأنثى وحطت يدها على كتفها .. رحمه طاوعيني
وعيشي حياتك وانسي الماضي كله.."
رحمة بالم .. "احاول مع اني اعرف اني راح افشل من جديد .."
حنين .." لا المرة هذي مااظن وخاصة في ناس يدعوا لك وانتي ما انتي حاسه فيهم .."
رحمة بحاجب مرفوع ..." حنينوووه أعطيناك وجهه وفكينا من شرك .."
حنين وهي ماشيه.. "يا ناس فيه وحده يحبها دكتور وشايفه نفسها عليه .."
=============***============
دخلت البيت وهي مبتسمه طلعت الثلاث الالف وصارت تلعب فيهن بيدها ابستمت لمرور طيف
سعود على بالها ودعت له تذكرت امها وراحت لها
فرح بفرح ماهو كعادة .." شخبارك يمه .."
ام محمد .." هلا بنتي .."
فرح طلعت الفلوس .." خذي يمه هذي وحده من المدرسات أعطتني إياها
ام محمد بتعجب .." الحمد الله فرجه قريب .."
فرح برجاء .." يمه ادعي للي اعطتني إياها .."
ام محمد وترفع يدها .. الله يفتح لها أبواب رزقه .."
ورجعت طالعت في بنتها .." يمه ويشلونك اليوم .."
فرح باستغراب من السؤال .." يمه فيه شيء .."
ام محمد .." يابنتي بعد مارحتي رجعت نمت وحلمت حلم مزعج ومن يوم ماطلعتي وانا
استودعك الله الذي لاتضيع ودائعه.."
فرح وحمدة ربها بسرها ان سخر لها سعود ولا سخر لها غيره
=============***============
في بيت ام وليد ولأول مرة يجمعهم القدر
كان لقاء مشحون بين اريام ودلال وتنافس لوصول لحلم منشود
دلال بجمالها وأخلاقها المزيفة قدرت تأسر قلب ام وليد
واريام بطبيعتها وفطرتها قدرت تفرض احترام اهل البيت لها
ام وليد طالعت في دلال وتدعت بسرها انها تكون من نصيب ولدها ولا تضيع منها
وام نواف انتبهت لها وحاولت تفهم وش ورا هالنظرة
ام نواف .." هايا ام وليد متى نفرح بوليد .. "
ارتبكت اريام وبسرعة لفت وجها لام وليد تنشدها الحقيقه ودلال ضحكة بسرها
وعرفة امها ترمي لا ايش
ام وليد بحسرة .." ياليت نفرح فيه الله يهديه كل مانقول له خلينا نزوجك يقول تو الناس .."
ام نواف .."يمكن حاط عينه على احد.."
ام وليد بثقه .. "لا وليد ما براسه حد.."
ام نواف وطالع في اريام وحبت تنتقم لبنتها ولكرامتها .." يمكن حاط عينه على هذي
وتأشر باشمئزاز عليها .."
ام وليد .. "لا وليد يعتبرها مثل اخته وعلاقته فيها علاقة اخ لأخته.."
ضاق قلب اريام من حركة ام نواف وازدت الطين بله كلمة ام وليد
لا هي تكره هذي الكلمه وما تحبها عمرها مافكرت ان وليد يكون مثل اخوها
هسة بقلبها بصوت يتهيا لها لجالسن انهم يسمعوها وليد حلم طفولتي وامل حياتي كلها ..وليد رفيق طفولتي وحبيب قلبي
لا مستحيل أتنازل عنه بالسهوله هذي وليد عهد قطعته للميس اني مستحيل اتخلى عنه
"اه ياوليد متى تحس فيني وترجع لحياتي .."
كانت تكلم نفسها والعبرة خانقتها وماصحت الا على كلمة ام واليد الي كانت لها مثل انطفاء
الشمعة في ظلمة الليل.."
ام وليد وتكمل .. وهو اذا وده يخطب اكيد ماراح يطلع من عائلتكم .." قالت كلمتها تبي تحجز
لوليد مقعد عندهم .."
ام نواف وتخفي فرحها .."الله يوفقه والي مثل وليد مااظن انه يرد.."
طالعت دلال باريام وابتسمت لها ابتسامة نصر .. واريام حاولت تثبت وجودها وتخفي حزنها ..
وأملها الوحيد بوليد وهو الي راح يحكم ويختار
=============***============
كتبت الإهداء وغلفت المصحف وطالعت في الساعة ولبست حجابها تنتظر ريم
سمعت صوت جرس وطلعت وهي متوترة وحاسة بالإحراج مني الي سوته
دخلت الفلة بعد ما أكدت لها ريم أنها ما فيها احد أول مرة تتجرا وتزور خالد بس غصب
عنها راح يسافر وهو ما ودعها
ريم وتضم خالد .." والله راح نشتاق لك يا خال .."
خالد .." وانا كمان وادعوا لي بالشفاء .."
ريم ترفع يدها .."الله يشفيك .. وعندي لك مفاجئة .."
خالد .."وش هي لتكوني تبي تسافري معانا .."
ريم .." انا ما عندي مانع بس اطردوا فيصل أول .."
خالد .." تنكتي نطردك انتي ولا نطرد فيصل .."
ريم بزعل .." طيب يا خلوده تفضلني على فيصل خلاص ما فيه مفاجئات .."
خالد.." أصلا أنا ما أحب المفاجأات .."
ريم ..لا مفاجئتي من الي يحبها قلبك ..."
خالد بصراحة .." بس قلبي ما يحب غير حنين .."
ريم .."والي يقول لك ان حنين هي مفاجئتي .."
خالد أنصدم وقام يلتفت يمين وشمال وكأنه يتوسل لقلبه يطلعها
حنين وقربت منه .." ها خالد تسافر من دون ما تودعني .."
خالد واتجه لمصدر الصوت .." حنين .."
حنين ومسكت المصحف وحطته بيده .." خالد أوعدني أول ما عينك تشوف النور
تقرا ها لنور.." وضغط عليه بيدها
خالد ما قدر يتمالك نفسه وضمها على صدره ..وخلى القلب هو الي يعبر ..
ريم بإحراج وتتنحنح .." هيه انتم تراني موجودة لطلعت سو الي تأبونه ما هو عيني عينك .."
حنين نزعت نفسها منه والحياء أنصبغ عليها وماصار لها وجهه تتكلم
خالد سمع صوت فيصل ينادي عليه
يللا عن اذنكم انا طالع وشال الشنطه وغاب عن عين حنين بس مستحيل يغيب عن قلبها
ودعته على امل اللقاء
=============***============
في بيت ام سعود
ام سعود بزعل .." وليه داليا ماجات ولا لسه شايله بقلبها علينا .."
ام نواف .. "لا بس البنت حالتها حاله من ذيك الليلة وهي ماتاكل والدموع ماتكف عنها .."
ام سعود .."والصايع هذاك وش سويتوا فيه.."
ام نواف.." الله يورينا فيه يوم ابو نواف ماهو مقصر فيه واذا ماطلقها بالطيب يطلقها والعصا فوق راسه .."
دلال بانتقام.." حق اختى مااحد ياخذه غيري ونشوف مين في الأخر يضحك .."
رغد .."حطيني بالقائمة معاك والي ذاقته داليا راح تذوقه هي واخوها ومااظن نواف يسكت عليه
ام سعود .".انا كم مره نصحتك يا ام نواف انك ماتجيبي شغالات كافرات بس وش اسوي بعقلك "
ام نواف .."ماهو كل الشغالات واحد وهذي ريتا شوفيها كافره ومااذتنا كثر مااذتنا ميري .."
ام سعود .."ليكون بس الشغالة المقدمين عليها كافرة.."
ام نواف .." لا هذي المرة أصر ابو نواف انها تكون مسلمه.."
ام سعود.."ايه كذا ازين شوفوا زهره وش حليلها وعمرنا ماشفنا منها شر .."
رهف وتذكرت شيء .. "صح زهرة وعدتني سوي لي مساج.."
وركضت تصرخ بصوت عالي زهرررروه
=============***============
في الجامعة وفي الكفتريا تحديدا جالسات كعاده على الطاولة
سارة بصوت عالي .." وليه ما قلتوا ليي ان خالد سافر يسوي عملية .."
دلال وترفع حاجبها .." وليه من متى خالد يهمك ولا ناويه ترسمي عليه من جديد.."
سارة بنفاخ .." كل الي في خالد يهمني" .. وبنظرة تحدي ... "فاهمة كيف يهمني .."
رغد وبنص عين .." يا سلام توك تفكري بعمي ويوم أترجاك إنك ما تتركيه وهو بحاله هذي
رميتي بكلامي عرض الحائط .."
سارة انقهرت من برودتهن اتجاها وضربة يدها على الطاوله بقوة .." سمعن الكلام انتي وياها
خالد راح يرجع لي وطول عمره راح يبقى لي فاهمات.."
دلال .. "احلمي فيه خالد الحين متزوج وحنين تهمه أكثر منك .."
سارة بثقة .." هذا وهو أعمى ام اذا شاف أكيد هي ولا شيء بالنسبة له .. وبصوت واثق.." ولا انتي ناسيه ان خالد طول عمره مغرم بجمالي واظن حنين ماهي ذاك الجمال الي تأسر قلبه.."
رغد بخوف .." سارة لا تمسكي خالد من اليد الي توجعه وخلاص عمي مبسوط في حياته .."
سارة.." بس ما أظن اذا شاف حنين راح ينبسط ..وبعدين انتم ما تستحون يقلون خالد احلى من
حنين وخالد احلى شباب العائلة وقادر ياخذ اجمل وحده بدل هالسمره .."
دلال بنظره خبيثه .." اظن في هذي انا معاك .."
رغد .." بس حنين حرام مالها ذنب ويكفي انها رضت بخالد وهو أعمى .."
سارة.." وانا وش ذنبي يوم أشوف حلم عمري يضيع قدامي وبنص عين .."ولا تبيني احط عيني
على نواف الي يطير العقل بنظراته .."
رغد وعرفت ان نقطة ضعفها نواف .." احلمي بنواف واذا تبي تبني أحلامك لا تبنيها
على حطام غيرك.."
سارة وتجلس جنبها .." رغد وش بلاك معصبه ومثل ماانتي تحلمي بنواف حتى انا احلم بخالد"
رغد باستسلام .." خلاص أحاول أساعدك .."
ابتسمت سارة لدلال ودلال بادلتها الابتسامة
رغد وتلتفت على وراء .." غيروا الموضوع ريم وحنين جايات .."
سارة بابتسامة خبيثة .." خيرا سوت .."
ريم وهي ماسكه يد حنين .." هابنات كيفكم مع الجو اليوم .."
دلال وتميل فمها على جنب .." ننتظر الأرزاق مع هالامطار .."
حنين وتلتفت .."وين داليا ما أشوفها .."
رغد .." عندها محاضره ليه تبيها بشيء .."
حنين .."لا بس فقدتها في الفترة الأخيرة.."
سارة بابتسامة جانبيه .." صح حنين صدق ان خالد اجل زواجه .."
حنين باستغراب .."بس خالد ما قال لي .."
سارة ورمت او شباكها .."قلت لك من الأول خالد ما يقول كل شيء الا لي يحبه ويغليه .."
ريم بقهر .." وحنين من الي يحبه خالد ويغليه صح ياحنين .."
حنين لسه بصدمتها واكتفت بهز رأسها واعتذرت انها وراها محاظره
طلعت ولحقت وراها ريم
وضحكن البنات على غباء حنين وثقتها الضعيفة في نفسها
=============***============
دخل الغرفة وهو متضايق كان يتذكرها هنا وهناك تنهد بحزن على حاله
جلس ينتظرها تدخل الغرفة بابتسامتها المعتادة ..اخذ جواله ورجع اتصل عليها لاقى نفس
الجواب ..."ان الرقم الذي طلبته غير موجود في الخدمة مؤقتا .."
رمى الجوال بكل قوته على السرير ... وتذكر اتصال ابو نواف عليه وطلبه تطليق بنته بالطيب
بدل المحاكم وجع الرأس غمض عيونه بقوة وهو ماهو متخيل ان داليا راح تكون محرمه عليه
خرج من زفرة حزن وألم وفراق وصار يكلم نفس بدون وعي
"حرام عليك يا داليا انا وش سويت لك عشان تعامليني بالهجر هذا كله "
"اه يا داليا انتي ماتدري اني ايش بالنسبه لي ما امداني انسى لميس واعيش بقلب من جديد حتى
انتكس من اول وجديد .."
سمع دقات على الباب وحاول يخفي حزنه وضيقه
اريام .." تركي انت نايم .."
تركي .." لا ادخلي .."
اريام وتجلس على طرف السرير .."تركي ارحم حالك وارحمني معاك تراني اتعذب
يوم اشوفك بحالة هذي ..."
تركي .." وش فيني ها انا بخير والحمد الله.."
اريام .." تركي لا تنكر ان فراق داليا ما هو سهل عليك .."
تركي بضيق .." وبما انك عارفه ليش تسالي .."
اريام بقلق .." لأني أشوفك معذب روحك عليها وهي ولا كنها هامها شيء.."
تركي يعدل جلسته .." اريام أنتي شفتي داليا ليوم .."
اريام بارتباك .." لا ما شفتها .."
تركي .." طيب ليش تقولي عنها كذا .."
اريام بقهر.." لانها لو انت هامها ما كانت صدقت بسرعة الكذب الملفق حولك وكان المفروض
هي اول من تقف بوجههم وتصدقك .."
تركي .."اريام حرام عليك الي شافته يحق لها تسوي كذا .. وداليا انظلمت بعرضها .."
اريام بصوت عالي .. "تركي تراك تحب على عماها ... ولا يغرك هالجمال .."
تركي بعصبيه .." اريام انا من متى اهتم بجمال حتى يوم حبيت لميس عمري ما فكرت بشكلها
وداليا غصب عني حبيتها جذبتني بكل شيء وأخر شيء جمالها .."
قامت اريام بضيق وطلعت وهي تدعي ربها يرزق أخوها على نيته
=============***============
نايمه على السرير وشعرها مبهدل وحرارتها مرتفعه وصارت تهذي بدون وعي من مفعول
الحرارة وأصوت أنفاسها كأنها مزامير
ام راشد وهي تحضر لها طب شعبي .. قومي يابنتي وخذي هالداوء تراه ينفع برادة الله
رحمة بسعال .."كافيه الي شربته وهذا ربو ما ينفع له أي دواء.."
حنين وهي داخله .." رحمة الله يخليك اسمعي كلامي وروحي المستشفى اخاف صحتك تنتكس.."
رحمة بتوجع .." لا انا عارفه راح يعطوني موسع الشعب الهوائية وهو عندي فليش اتعب عمري"
حنين بقلق.." طيب لك يومين وانتي تستخدميه وما أشوف جاب نتيجة خلينا نواديك المستشفى
رحمه بضيق تنفس .. "حنين الله يخليك لا تعبيني .."
حنين رجعت تقوس حرارتها بالمقياس المنزلي ... رحمه حرارتك 9، 39 لازم تروحي المستشفى
رحمة وأنفاسها تصفر بقوة.. "حنين وبعدين معاك.."
ام راشد وتاخذ بيد حنين .." خليها يا حنين على راحتها وهالدكاتره مامنهم غير وجع الرأس
حنين سحبيت يدها من يد جدتها وجلست على التليفزيون وقلبها متقطع على رحمة
=============***============
كانت تكنس السجادة وتمسح الغبار سمعت صوت اذان الحرم في التلفزيون
وقفت تتأمل هذي الصورة كانت تشدها هالحركات والسكنات والقلوب الي تجمعهم
حول هالجدار الاسود استغربت من أداهم جميعا نفس الرياضة مع اختلاف ألوانهم وإشكالهم
كانت تسمع قبل ماتجي من عند اهلها ان المسلمين يؤدون رياضة يوميه ولا يملون منها
بس هي استغربت ان اهل هالبيت مايودوها يمكن ام نواف تؤديها وأحيانا ابو نواف اذا صحا
متأخر ...كانت عندها أسئلة كثيرة تبي تعرفها بس الحاجز الي فرضوه اهل البيت عليها منعتها
تسال عن اشياء تشدها
شافت دلال نازله وأخذت الريموت وغيرت على قناة الأغاني
ريتا باستفسار .." ماما دلال ليش انتم فيه اعبد جدار اسود .."
ضحكة دلال بصوت عالي وطالعت فيها وكشرت بوجهها...
"..انقلعي عن وجهي ما نقصني غير اهبال كافره .."
وضحكة بصوت عالي .."قال نعبد جدار.."
ضغطت على أسنانها واحتقن وجها وحست بكره فضيع لاي مسلم على وجهه الأرض
وزادت همتها في نشر دينها وضحكة على نفسها
"..وش دخلني يعبدوا جدار ولا يعبدوا حمار.."
وكملت شغلها وهي مبتسمه ان الله دلها على الحق وغيرها انحرموا منه
=============***============
كان منزل راسه على المكتب وهو متضايق مايدري ليه الحلم كل دقيقه ودقيقه يمر عليه
وبنفس الوقت خايف ان عملية خالد ماتنجح ويرجع يتحطم من جديد ..صحي على صوتها وهي تناديه
مي .." دكتور اسامه فيه مريضه جايه وشكل حالتها حرجه .."
اسامه وهو منزل راسه على المكتب .."روحي لدكتورة إيمان هي اعرف بالحريم .."
مي .." دكتورة إيمان طلعت بدري .."
اسامه .." طيب دخليها الضماد ..وانا جاي .."
مي .."هي الحين فيه .. وهذا ملفها .."
اخذ اسامه الملف وقام يقلب فيه وانصدم بالي قراه
اسامه بعجله .. "وش اسم المريضة .."
مي .."على ما اذكر رحمة .."
تركها اسامه بسرعه وهي ماهو مصدق دخل وشافها مغمى عليها
اسامه بخوف .." وش بلاها .."
مي .. "ارتفاع بدرجة الحرارة مع ضيق في التنفس .."
اسامه و يقيس النبض والضغط وباهتمام واضح ..."بسرعه هاتي الاكسجين وحطيه عليها.."
وانتبه لكلمة عليها بعني راح يضطر يكشف وجهها ..و يشوفها على طبيعتها
لف وجهه لجهة الثانيه وهو مايبي يعذب قلبه بشوفتها ويزحزح ألصوره المرسومة عنها
مي وتكشف وجها بعجلة وتحط الأكسجين
اسامه طالع بالجدار وحاول يضبط نفسه ويتماك حاله ان مايطالع فيها ويسكت الفضول بداخلة
مي وتنادي .." دكتور اسامه .."
التفت لها بخوف وعجلة وبدل ما تستقر عينة على مي استقرت عينه على رحمة
مساء الخير نونا
هالمرهـ سادحه باكثر من جزء هههههههههه
هذا يبي له مخمخه مع كوبايه كوفى من ايدين الغاااليه علشان امخمخ زين واقراء ^_^
لى بآآآآآآآآآآآآآآكـ ان شاءالله مع الكوفى
يعطيك العااافيه مشرفتنا000
بروووب ,,,
صباح الخير الساااهر
يعافيك يارب وشاكره متابعتك ^_^
الــجـزء الـعـاشـــــــ(10)ــر
"مــاضي مدفـون "
كان منزل راسه على المكتب وهو متضايق ما يدري ليه الحلم كل
دقيقه ودقيقه يمر عليه وبنفس الوقت خايف ان عملية خالد ما تنجح
ويرجع يتحطم من جديد ..صحي على صوتها وهي تناديه
مي .." دكتور اسامه فيه مريضه جايه وشكل حالتها حرجه .."
اسامه وهو منزل راسه على المكتب .."روحي لدكتورة إيمان هي
اعرف بالحريم .."
مي .." دكتورة إيمان طلعت بدري .."
اسامه .." طيب دخليها الضماد ..وانا جاي .."
مي .."هي الحين فيه .. وهذا ملفها .."
اخذ اسامه الملف وقام يقلب فيه و أنصدم بالي قراه
اسامه بعجله .. "وش اسم المريضة .."
مي .."على ما اذكر رحمة .."
تركها اسامه بسرعه وهي ماهو مصدق دخل وشافها مغمى عليها
اسامه بخوف .." وش بلاها .."
مي .. "ارتفاع بدرجة الحرارة مع ضيق في التنفس .."
اسامه و يقيس النبض والضغط وباهتمام واضح ..."بسرعه هاتي
الاكسجين وحطيه عليها.."
وانتبه لكلمة عليها بعني راح يضطر يكشف وجهها ..
و يشوفها على طبيعتها
لف وجهه لجهة الثانيه وهو مايبي يعذب قلبه بشوفتها ويزحزح
ألصوره المرسومة عنها
مي وتكشف وجها بعجلة وتحط الأكسجين
اسامه طالع بالجدار وحاول يضبط نفسه ويتماك حاله ان مايطالع فيها
ويسكت الفضول بداخلة
مي وتنادي .." دكتور اسامه .."
التفت لها بخوف وعجلة وبدل ما تستقر عينة على مي استقرت عينه
على رحمة
=============***============
دخل البيت وهو مبتسم أحداث أمس لسه ما غابت عن عينه
شاف رهف حاطه يدها تحت خدها وباين عليها الملل قرب منها ومسح على رأسها
"ايش فيك رهوفه "
رهف رفعت عينها وما هي مصدقه الي تسمعه .." سعود .."
سعود بمزح.." لا ام سعود .." ايش فيك شكلي خربت عليك جوك
رهف قامت وقفت على الكنب وحطت يدها على جبينه تقوس الحرارة
.."أنت تعبان اليوم .."
سعود بضحك .." لا شايفه شيء .."
رهف .." ايه شايفه الحنيه ناطه عليك مره وحده .. وطالعت فيه
بحاجب مرفوع .."كل هذا عشان داليا رجعت .."
سعود باستغراب .." ليه هي داليا جئت"
رهف وتقعد ." ايه رجعت عمي ابو نواف جابها بعد ما عرف ان ذاك
الصايع هو الي ظلمها وانها هي مالها دخل .."
سعود وهو ما هو مستوعب .." انتي وش تقولي .."
رهف .." اذا ما انت مصدق روح اسأل امي .."
تركها قبل ما تخلص كلمتها وهو أشبه بالدوامة و حاس ان المصائب
راح ترجع عليه ....وصار ينادي امه بصوت يهز البيت
=============***============
جالسه تلعب بخصلات شعرها وباين عليها الشرود والتفكير
هزت رجولها بقوة وهي تتذكر كل كلمة وحب وغرام كانت تسمعها
منه وتطرب أذانها لها
جلست على جهاز الكمبيوتر وفتحت على الماسنجر وعبست وجها يوم
ما شافت احد ...سمعت دق على الباب ونادت بملل
"ادخلي"
دلال وتنفض شعرها بيدها .." وش رأيك بالقصة .."
داليا بدون ما طالع .." حلوة .."
دلال وترفع رأسها .." طيب طالعي .."
داليا وطالع .." حلو لو انك خلتيه أقصر شوي .."
دلال .." تتوقعي وليد راح يعجبه شعري .."
داليا فتحت عينها على الأخر .." ليه هو خطبك .."
دلال .." لا بس قريب إن شاء الله .."
داليا بحزن على حالها وتذكرت أحلامها الي ضاعت وهي ما انبنت
"الله يسعدك"
دلال وتمسك يدها .."داليا لا تتحطمي لسه انتي باول الطريق والكل
يتمناك واذا على الصايع تركي راح يلاقي جزاءه.."
داليا وتحاول تظهر اللامباله وتنام على السرير وتتغطى بالحاف
"لا طلعتي قفلي النور"
=============***============
في المستشفى
دخلت وحطت الثلاجة على الطاولة .. وشغلت الأنوار ...وفتحت
الستاير وضربة على يدها بخفيف تصحيها من نومها
"رحمه .. رحمه اصحي.."
قامت وهي تتثاوب وتلتفت .." وين انا .."
حنين بمزح .." في باريس يعني وين شايفه .."
رحمة .." اوه ما كنت ادري ان الحرارة توديني المستشفى .."
حنين.." تقصدي البلاهه .. خوفتينا عليك .."
رحمه وتسعل بخفيف .." هو انتي من متى تخافي علي كل همك
المطبخ لا يطيح عليك .."
حنين .." ايه صح ليش ماغسلتي بلوزتي قبل ما تمرضي اليوم ما
داومت على حسابك .."
رحمه .." أقول حنين فكينا من شرك وقول لي شخبار امي .."
حنين .." ما عليها تسلم عليك وما قدرت تجي البارحة طول وقتها
سهرانه عليك .."
رحمه .." والله تعبتها وياي .. الله يساعدني وارد لها جميلها .."
حنين .." وانا مين البارحة ودموعي ما كفت كلها خوف عليك وأخرتها
طلعتي تدلعي علينا "
رحمة .."ايه يا حبي لدلع .."
حنين وتصب لها كوب حليب .." اذا تحبي الدلع اشربي هالحليب ترا
اول مره بحياتي اسوي حليب بالزنجبيل .."
رحمه تبعده بيدها .." لا ما احبه والحمد الله احس نفسي احسن .."
حنين .." هي ماهي شغلة تحبيه ولا ماتحبيه المهم تشربيه ترا الزنجبيل
ينفع لصدر .."
رحمة .." خلاص راح اشربه بس ما هو الحين .."
حنين قربت الكرسي وجلست عليه .."صح رحمه سألت عنك وقالوا
ان صحتك كويسه وتقدري تطلعي بس لازم يمر عليك الدكتور
يكتب لك الخروج .."
رحمه .." الحمد الله .. اصلا جو المستشفى يجيب الهم .."
=============***============
نايمه على بطنها ورافعه رجولها تلعب بالهواء طاحت خصلة من
شعرها على وجها ورفعتها وهي تقلب صفحات مجلتها
المفضلة..استوقفها مقال وشد انتباها وعدلت جلستها وصارت تقرا بنهم
"حرب اكترونية على الإسلام"
كشفت دراسات ان عدد المواقع الاكترونيه التي تهاجم الاسلام تتعدى
عشرة الالف موقع على الانترنت وان الميزانيه المرصوده لمهاجمة
الاسلام في جميع وسائل الاعلام ومن ضمنها
الانترنت تتعدى المليار دولار سنويا وقالت نفس الدراسه ان عدد
المواقع الاسلاميه على شبكة الانترنت في المقابل لا تتعدى مائتي في
المقابل ان الجهود المبذوله لدفاع عن الاسلام قليلة وفرديه ولا تتعدى
مليون دولار.."
رفعت رأسها لسماء وحست بالم بصدرها
ياااه كل هذا همة في نشر دينهم واحنا عاجزين عن خدمته والدعوة له
تذكرت ريتا شغالة خالها ابو نواف الكافرة
ان وش يخسرني لو اشتريت كتب عن الإسلام و أعطيتها لها
ونصحتها وجهتها لخير
وقفت على صوت مسكت الخير .." لا انا ما أصلح اكون داعية عندي
من الذنوب ما فيها الكفاية وأخاف ربي يعذبني لأني أمر بالخير وما
اجيه وغشا إبليسها عيونها باية تصدق كلامها .. َ
أتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الْكِتَابَ أَفَلاَ تَعْقِلُونَ }البقرة44
صدقت الشيطان واتبعت أوامره وتركت الخير لاهله ونست انها من
اهل الخير.... سكرت المجله واتصلت على حنين واستغربت انها
ماترد رجعت اتصلت فيها ثاني
ونفس الجواب شغلت التليفزيون وحاولت تشغل نفسها بالمتابعة
=============***============
جالس في الصالة ومفترش الكنب بجسمه وهو يفكر فيها ويتذكر
طفولتها وبراءتها ويتذكر أحلامه الي بناها معاها ...
ابتسم وهو يطالع في أخته وهي تلعب بدميتها وتغني لها وتمشط
شعرها سحبها من يدها وحطها وراء ظهرها
وليد بضحك.." اذا انتي قويه تعالي خذيها .."
ريماس و ترفع رأسها وطالع فيه .." لا انت كبير وما اقدر أخذها منك
وليد .." خلاص اجل ما راح أعطيك إياها .."
ريماس وتصيح وتضرب فيه على رجوله .." هات لعبتي والله لا علم عليك امي .."
وليد.." اذا ودك اللعبه تجاوبيني وما تكذبي .."
ريماس ببراءة .." اصلا انا ما أحب الكذب والي يكذب ربي يحطه في النار.."
وليد .." اجل خذي أللعبه وقولي لي مين كان عندكم امس .."
ريماس .." محد جانا امس .."
وليد ويأخذ أللعبه .." ما اتفقنا انا ما نكذب .."
ريماس .." طيب انا ما كذبت ..محد جانا .."
وليد .." ودانه نستيها .."
ريماس وتضرب راسها ايه ..صح تذكرت ...وتعد على أصابعها .."
جتنا خالتي ام نواف ودلال ودانه و اريام .."
وليد .." جلستي معاهم وسمعتي وش يقلون .."
ريماس .." لا امي ما خلتني تقول عيب الصغار يجلسوا مع الكبار .."
وليد .." طيب مين تحبي تزورنا دائما دلال ولا اريام .."
ريماس .." امممم أحب اريام تزورنا لأنها تمشط شعري وأحب دلال
لأنها تعطيني شوكولاته يعني ابيهم الثنتين يزرونا كل يوم .."
وليد وبنظره خبيثه .." مين احلى دلال ولا اريام .."
ريماس وبنظره طفوليه .." عيب هذا الكلام تبيني اعلم تركي ونواف عليك .."
وليد بخوف وضحك .." لا ترا بعدها ما اوديك الملاهي .."
وقطع ضحكة وطالع في ابوه
ابو وليد وهو نازل من الدرج .. "وليد تعال على مكتبي ابيك في موضوع.."
وليد قطب حاجبه وعرف موضوع ابوه .." حاظر يبه .."
دخل أبو وليد مكتبه ودار كرسيه وجلس عليه .." وليد فكرت في
الموضوع الي قلت لك عليه
وليد .." ايه ونفس الجواب عندي .."
ابو وليد وينزل النظارة الطبية .. وليد انت الحين كبير وفاهم وما ابي
اغصب على شيء انت ماتبيه واختار الي تبيها وانا جاهز.."
وليد بترجي .." يبه الله يخليك اذا لا تغصبني على شيء ما ابيه ...
والحين احس نفسي ماني متهيئ لزواج.."
ابو وليد.." اجل متى ناوي تتزوج ..انت شايفني هادني المرض
والقلب ماهو راحمني وايبي افرح فيك و أشوف أعيالك قبل ما أموت
ام وليد وهي داخله .." بعد الشر عنك يا أبو وليد .. وطالع بولدها
"وليد انا راح اخطب له و اظنه ما راح يكسر كلامي ويرفض لي طلبي .."
وليد .."يمه الله يخليك اذا تبي تختاري لي بنت ابو نواف انا من الحين رافض .."
ابو وليد تلقائيا .."اجل خذ أخت تركي وما اظن انك راح تلقى احسن منها.."
وليد .. يبه اريام اعتبرها مثل اختي وما أفكر فيها .."
ام وليد .."اجل مين نزوجك ترانا تعبنا وياك .."
وليد قبل ما يطلع.."زوجوني الشوارع احسن لي .."
وضحك على كلمته وسكر الباب ورآها
=============***============
ضرب الجدار بقوة ... وكان جسمه يرتجف من الغضب .. ما كان
يتخيلها بهالدرجه وكل الي مرسوم بعقله انزاح بنظره وحده لها
والوقت يمشي بطئ وما هو مسعفه ...كان عازم على قرار ومستحيل
يتراجع عنه ... شم ريحه عطرها وعرف إنها دخلت
مي .." دكتور المريضة رحمة منعت الزيارة عنها .."
أسامه بامتنان .." مشكورة أختي .."
رفعت مي عينها وطالعت فيه وهي عندها مائة سؤال وسؤال عن
الاهتمام ألمفاجئي بها المريضة بالذات و أسامه عرف ان نظراتها
ورآها ألف سؤال وسحب نفسه قبل ما تواجهه
دخل جناحها وهو متضايق منها وتننح عشان تتغطى
أسامه بغضب مكبوت .."شخبارك اليوم يا رحمة .."
رفعت رأسها وهي مصدومة ما توقعت ان الطبيب المشرف عليها
يكون اسامه ولفت وجهها الجهة الثانية.." بخير وانتظر الأذن بالخروج
اسامة ويتمالك نفسه .." بس لسه بدري على الخروج لازم نحولك على
العيادات النفسيه اولا .." وضغط على أسنانه على الكلمة الاخيره
رحمة بحركة سريعة لفت وجها وطالعت فيه .." وش تقصدا انا بعقلي والحمد الله .."
اسامه .. "والي بعقلها تكذب على الناس وتقول انها محروقة وتلفق الكذب حولها .."
رحمة بصدمه.." انت شفتني ..وسحبت الشرشف وقربت منها بقوة
وصرخت..." لاانا ما اكذب انا صدق محروقه .."
اسامه باستخفاف .." يمكن عقلك محروق بس ما هو وجهك صح .."
رحمة وتصرخ بصوت عالي .." انت مين سمح لك تكشف وجهي قولي مين .."
اسامه ببروده.." الطب عندك مانع" .. وقرب منها رحمة
ليه..."تعذبيني بحقيقة مالها اصل بالوجود واذا انتي خايفه من شيء
انا مستعدا اساعدك واقف معاك .."
رحمة وتنافخ من الخوف.." انت مالك دخل في فاهم مالك دخل في
وانا حره بتصرفاتي ولا تظن اني في يوم احتاج لك واطلب مساعدتك.."
اسامه ما استحمل ومسك يدها بقوه .." لا ما انتي حره وتصرفاتك
الغبية انا راح اوقفها عند حدها فاهمه "
رحمة بتوسل وخوف .." طيب فك يدي .."
اسامه أنحرج من حركته وفك يدها بسرعة .." أسف ما كنت اقصد المسك .."
رحمة.." لو سمحت اطلع برا انا تعبانه ما ابي أشوفك .." وحطت يدها على رأسها
اسامه ويسحب كرسي ويجلس .."ما راح اطلع قبل ما نتفق على كل شيء .."
رحمة بخوف ودقات قلبها تزيد بسرعة .." على ايش نتفق احنا مابينا
أي اتفاق .. وبصوت عالي .."فاهم مابينا أي اتفاق"
اسامه بصوت خافت .." رحمه الله يخليك هدي شوي وخليني أتكلم.."
رحمة بعصبيه .."وأنا ماني مستعدة أسمعك فحس على دمك واطلع برا
اسامه .." راح اعتبر نفسي ما سمعت أي كلمه" ..ولف وجهه الجهة
الثانية "رحمه انا محتاج لك ...والله محتاج لك انتي ما تعرفي انتي
ايش بالنسبة لي واذا انتي عانيتي في حياتك ترا حتى انا عانيت ومع
هذا صبرت وبنيت حالي
ورفع عينه عليها .."رحمة انا محتاج لك مثل انتي ماانتي محتاجه لي
وخلينا نبدا حياتنا من جديدا ونساعد بعضنا ونبي أحلامنا .."
وسكت فتره طويله ...وتشجع يوم شافها سكتت وقام وطالع من الشباك
و بدون ما يلتفت لها .." رحمه انا احبك و ابي أتزوجك .."
صحت من غفوتها على هذي ألكلمه كانت كل شيء تقدر تصبر عليه
الا هذي الكلمه كل شيء يطاق ويهون عندها الا انها ترجع وتسمعها
من جديد وصرخت بهستريا وبصوت عالي وكان نار اشتعلت بجوفها والزمن رجع يلعب لعبته
لا..لا..انا ما ابي ازوج .. مابي اعيش ...واشارت بأصبعها وهي
ترتجف ..."وانت كذاب والله انك كذاب ما تحبني انا اعرف انك تبي تلعب علي تبي تحطمني من جديد ...
وصارت تهذي بدون عقل" ..كلكم خائنين كلكم كذابين تضحكوا علي
بكم كلمه عشان ترضوا غروركم ترضوا انفسكم الله ينتقم منكم مثل
ما دمرتموني مثل ما قضيتوا علي أحلامي.. وانا أكرهكم وما ابيكم
خلوني اعيش بحالي خلوني اعيش حياتي بروحي
وصارت ترتجف من الخوف وتغطي وجها با شرشف بقوة وهي
تشوف الماضي قدامها وتحس انه راح يرجع لها من جديد
اسامه أنصدم من ردة فعلها ومسكها بقوة وحاول يهدي فيها
"رحمة .. رحمة ايش فيك"
رحمة وتحاول تنزع نفسها منه بدون عقل وتصيح بكل قوتها .."
لا..لا.. اتركني لا تمسكني انا اعرف انك تبي تقضي علي تبي دمرني
بس هالمره مستحيل اسمح لكم والله مستحيل "
اسامه و بصارخ نادي على الممرضات وبسرعة جوا و أعطوها ابره
منومه وارتخت على السرير ونامت وهي تأن الماضي الدفين ..وتبكي العذاب القديم "
=============***============
في المانيا كان واقف يطالع بعمه رفيق دربه حس ان قلبه يعتصر الم
وحزن على حاله.. ورفع عينه لسماء برجاء يدعي ربه يشفيه
شاف الدكتور يشيل الشال عن عينه ضغط على نفسه وهو متوتر
وخائف انها تكون مثل لعملية الأولى
الدكتور ويشيل بالشال .." ان اذا نجحت العملية في هالعين راح نجري
عمليه ثانيه لعين الأخرى واذا فشلت نضطر نوقف العلاج لفترة طويلة
خالد .."انا متوقع انها راح تفشل وعمري ما راح أشوف.."
فيصل .." عمي ليش هالتحطيم .."
الدكتور .." ليش التشاؤم انت يالمسلمين اعرفكم دايم متفائلين .."
خالد بانحراج .." ايه الامل موجود ..بس العمليه صعبه .."
الدكتور ونزع اخر لفه .." هاااخالد تشوف شيء .."
خالد وهو يركز ويفتح عينه .." لا كل الي اشوفه ظلام بظلام .."
الدكتور .." طيب ارجع غمضها وافتحها من جديد .."
خالد ويرمش بعينه بسرعة .." لا ما أشوف الا ...
وسكت فتره وصار يرمش بعينه بقوة
الدكتور .." أستاذ خالد جاوبني تشوف شيء .."
سكت خالد وما هو قادر يستحمل شاف نور يضيء حياته من جديد
رفع رأسه وتعلقت عينه بالنور الي قدامه ...
فيصل ويحط يده على ظهره .." عمي .. انت تشوف شيء .."
خالد .." لا انا ما أشوف إلا ظلام ونور جاي من بعيد
الدكتور .." يعني تشوف هذي ورفع يده بجهة عينه .."
خالد .. ويحاول يركز .." أشوف شيء قدامي بس ما اني قادر أوصفه
الدكتور بفرح .." يعني العمليه نجحت..وبإذن الله راح ترجع تشوف من جديد .."
خالد وضربات قلبه تزيد .." يعني فيه امل ارجع اشوف "
الدكتور .." ايه وراح نضطر نجري عمليه للعين الثانية .."
فيصل والفرح ماهي واسعته .. مبروك السلامه عمي ..
الف الحمد الله على السلامه.. وبدا صوته يختنق .."
=============***============
في بيت ام ريان
جالسات مع بعض يكملن محاضراتهن ويلخصن كتبهن
ريم وتحط القلم بفمها .." الدكتور يقول لازم نقدم التلخيص قبل
الاختبارات و إلا ما راح يقبله .."
حنين ومنشغلة بالكتابة .." ما عليك عندنا وقت نقدمه قبل الاختبارات"
ريم وتترك ألكتابه .." تصدقي مشتاقة لخالد .."
حنين وتنهد وتبتسم .." اذا انتي تقولي مشتاقه له اجل انا وش اقول .."
ريم بنظرة .." ليه شوقك يختلف عن شوقي .." وبنظره ماكرة .."
صح شوق الأزواج غير .."
حنين وتضرب فيها .." ابي افهم العقليه هذي من وين تجبيها يابنت
استحي وخلي عندك حياء .."
ريم .." ليش الزعل هذا كله ..
وقطع كلامهن اتصال التلفون وكلهن تسابقن له
ريم وترفع ألسماعه .." الو مين "
فيصل بصوت مبوح .." معاك فيصل "
ريم وتميل فمها على جنب .." نعم فيصل تبي شيء .."
فيصل الفرحة ما هي وسعته .." ايه ابشرك خالد نجحت عمليته ورجع
يشوف من اول وجديد .."
ريم وتصارخ وتنادي حنين ..ونست الحيا مع الفرحه .." احلف
يا فيصل قول والله انك ما تكذب وان خالد ماصار اعمى .. "
فيصل يبعد السماعه عن اذنه .." بكيفك صدقتي ولا ما صدقتي .."
ريم توها تستوعب .." طيب خالي وينه .."
فيصل .." بسوي الفوحصات ومصولني اني انقل الخبر لخطيبته
فياليتك توصليها الخبر وسلام خالد لها.."
ريم .." خلاص راح أوصل الخبر لحنين وكل العائلة لا تخاف "
فيصل ضحك بنفسه .." أعرفك ما تقصري " وسكر الخط وهو يحمد
ربه على نعمة العقل
ريم ودموع محتبسه بعيونها .." حنين ..حنين .. خالد رجع يشوف "
حنين ودموعها على خدها .." الحمد الله ربي ما يضيع عبده "
ريم وتجلس جنبها وتمسح دموعها .." حنين ليش هالدموع "
حنين وتكتم غصتها .." مدري هذي الدموع هي دموع فرحه ولا
دموع شوق ولا دموع خوف .."
ريم .." دموع شوق وفرح فهمناها ...دموع خوف ليش "
حنين وتقوم طالع نفسها بالمرايا ..وترفع الخصله الطايحه على وجها
وتمسح على خدها بيدها
"اخاف خالد لا شافني يندم انه اخذني...ومسحت دمعه بطرف عينه.."
.."انا اعرف نفسي ماني حلوه .."
ريم تقرب منها .." حنين وش هالكلام .. خالد يحبك ومستحيل يتخلى
عنك واذا على شكلك يحمد ربه ان اخذ وحده بجماك ولا مين يحصل
جمال بجمال الهنود ويرفض.."
حنين .." لا انا اعرف نفسي راح يقول عني سمره و...
ريم تقطع كلامها .." وش فيهم السمر هذا انا بيضاء وملامحي عاديه
وانتي سمره وملامحك حلوه .."
حنين .." لا انتي ملامحك لايق عليك ام ان ما اظن.."
ريم بعصبيه .. وتقرب من حنين وفكت شعرها وخلتها تتطاير على
وجهه وقربتها لمرايا طالعي مين الاحلى انا ولا انتي.."
حنين وتقطب حاجبها .." اكيد انتي .."
ريم .." مستحيل الي حولك يقتنعوا بجماك الا انتي اذا اقتنعتِ فيه
وانتي بالخصل الطايحه على وجهك طالعه احلى بكثير.. وبعدين
ان شاء الله تبي تقابلي خالد بالشعر هذا.."
حنين .." وش تقصدي"
ريم .." الي اقصده انك تقصي شعرك وتصبغيه وتغيري من شكلك
وصدقيني وقتها خالد راح يأخذك لأقرب فندق .."
حنين وطالع فيها بنص عين وخدودها حمرت ..وتقرب منها .."
وصدقيني اني عمري ما شفت قلة حياء مثلك "
وطلعت وهي مصبوغه من الحياء
=============***============
نزلت من السيارة وهي تكلم الجوال وتضحك بصوت عالي انتبهت
لنظرات سعود لها وطنشته ودخلت الفلة وبدون ما تسلم على اهل
البيت طلعت على غرفة دلال
سارة وتفتح الباب .." سلام بنات .."
دلال وتسلم .." هلا ساره ايش فيك تاخرتي .."
ساره .." ما أظن إني تأخرت كثير .. وطالع في داليا .." ايش في الحلوين زعلانين"
داليا تلف وجها الجهة ألثانيه .." اسألي نفسك .."
سار بضحكة مزعجه .." لا تخافي سعود ما هو مفكر في ولا يغرك هالنظرة .."
داليا .." وش دخل سعود أنتِ فاهمه وش اقصد .."
سارة .."لا يعيوني ماني فاهمه أحيانا يجيني غباء وضحي وش تقصدي .."
داليا .." اقصد عمي خالد وش تبي فيه .."
سارة بغباء مصطنع .." اهاااا تقصدين خالد .. وش فيه.. ايه صح
مبروك سلامة عمك .."
داليا .." الله يسلمك" ..وقامت وحطت عينها بعينها ..ساره انسي خالد
ترا ما احد يوقف بوجهك وقتها غيري فاهمه .."
دلال بنفاخ .." داليا وش هالكلام ولا الفقر الي عشتي فيه لعب بعقلك شوي .."
داليا وتبلع ريقها.." لا بس حنين حرام عليكم ما تستأهل .."
دلال وتحط يدها على بعض .." وطيب وما هو حرام عليك ساره .."
داليا .." الا بس .."
رغد .." لابس ولا حاجه احنا اجتمعنا عشان نتفق ما هو عشان نتخانق
داليا وانا من الحين انسحب ومسكت مقبض الباب تبي تطلع
دلال وتقوم بسرعة .." طلعه ما انتي طالعه واجلسي بالطيب احسن لك
داليا بخوف وهي تعرف دلال أختها طول عمرها متسلطه
وكلمتها ماشيه عليها " خلاص بس مين الحين انا مالي دخل .."
ساره .." اصلا طول عمرك وجودك مثل عدمه .."
انقهرت داليا من كلمتها وصارت تلعب بأظافرها وتحاول ا
ما تظهر ضيقها ...وان الموضوع ما يهمها سمعت دق على الباب ورفعت عينها
ريتا .." ماما داليا بابا نواف يبغاك على التلفون .."
داليا باستغراب .." وش يبي في الحين وقامت وهي ما تخوفه من اتصال نواف .."
رفعت السماعة وردت بخوف .." نعم نواف "
سعود .." معاك سعود اسف اني كذبت عليك .. بس لازم اكلمك "
داليا وتزفر.." نعم تبي شيء .."
سعود .." ايه و ياليتك تكلميني من غرفتك .."
داليا .." قول الي عندك ما حولي حد .."
سعود .." داليا انا اسف وما كنت اتوفع انك ضحيه لواحد صايع
وصدقيني ان كل الي سويته كان من دافع حبي لكِ ومستعد من هذي
اللحظه ابني كل الي هدمته .."
داليا وما حبت تضعف.." خلصني وش عندك"
سعود .." داليا انا اعرف انك زعلانه علي بس غصب عني الي سويته
وخلينا نسى الماضي ونبدا من جديد
داليا بالم.." و انا ماني مستعد انسى الماضي وصدقني يا سعود ان ولا
شيء بحياتي.."
سعود ويقاطعها.." داليا انا مقدر الي صار لك ومع الايام راح تنسي
داليا لو سمحت ياسعود اظن ان المكالمه زادت عن حدها وقدام ما
اقفل حبيت اقولك ان ما كرهت انسان كثر ما كرهتك حتى تركي الي
ظلمني وضيع مستقبلي ما كرهته كثرك
تعرف ليش لأنك بلحظه وحده نسيت كل الي حولك وحطمت أحلامهم
وانا ماني مستعده ابني معاك احلام عشان تجي انت بلحظه وتهدمها
من جديد وسكرت ألسماعه
وهي ماهي ندمانه على أي كلمه قالتها بحق سعود
=============***============
سافت البيت فاضي وعرفة انهن مجتمعات ترددت تطلع بس الملل الي
فيه اكبر دافع لها وهي عارفه راح تلاقي نفس الجواب وقفت عند
الباب وتنهدت ودقت الباب دقات خفيفه
رهف وتستأذن .." الله يخليكم خليني ادخل ترا مليت من الجلسه بروحي .."
رغد .." انتي وش جابك روحي على البيت احسن .."
رهف .." والله ماعاد اقول لسعود حاجه وراح اسكت ولا اتكلم"
وحطت يدها على فهمها دليل القسم
ساره حنت لها .." خلاص بس من الحين لو كلمه وحده تطلع برا
الغرفه ما تلومي غير نفسك ...وبتهديد ..سامعه.."
رهف بفرح .." وهذا وعد .. وجلست وحطت يدها على فمها
دلال .. وتكمل كلامها .." المهم يا بنات خالد ما راح ينضحك عليه
بااي كلمه وخاصة ان حنين غصب الواحد يثق فيها
ساره .."اجل وش الحل .. خالد ما ينضحك عليه .. وحنين ما ينفع
معها الكلام والسحلية ريم معاها.."
رغد .." فكري واذا تبي خالد يرجع لك شغلي عقلك .."
ساره .." مدري احسها صعبه خالد يحب حنين وحنين تموت بخالد"
رهف وطالع في البنات .." طيب مين قال ان حنين تحب خالد .."
ساره .." رهف احنا وش اتفقنا
رهف .." والله صدق انا سمعتها تقول لريم انها تحب ولد عمتها"
البنات شهقوا كلهم ومسكوا رهف بقوة
سارة وتهز فيها .." متى هذا الكلام وايش كانت تقول .."
رهف وتحكي لهن الموضوع كله
دلال .." والله جابتها رهف ولقينا الحل"
ساره .."وما عليكم حنين علي وخالد عليكم"
رغد .." لا خالد على ريم ما راح ينفع كلامنا معاها الا كلام ريم
وشوفوا رغد وش تسوي ..."
وانطلقن بالضحك وهن يبنن احلامهم على حساب احلام غيرهم
=============***============
اتصل على ريم وطلب زيارته المستشفى ..حس نفسه هو سبب الي
هي فيه خاف انها تضيع من يده وقتها ما راح يسامح نفسه.. ندم على
كل كلمه قالها له .. بس غصب عنه ما قدر يشوفها الجمال هذا
ويصبر عنه وفوق هذا ما هو لسانه الي اتكلم هذا قلبه الي نطق وعبر
وصحي من تأنيبه على استئذانها .." ادخلي ريم "
ريم بخوف .." خالي ايش فيك .."
أسامه بالم .." رحمة .. رحمة جاءها انهيار عصبي .."
ريم بشهقة .." توها كانت بخير وش بلاها .."
اسامه ما هو وقته المهم اتصلي على حنين لازم احد من اهلها يكون حولها
ريم وتأخذا جولها وتكلم حنين وبعدين رجعت سكرت وطالعت في اسامه
ريم بنظرة عتاب .." انت قلت لها شيء"
اسامه بضيق.." ماهو وقتها يا ريم
ريم .."انا رايحه انتظر حنين عندها تامر شيء .."
اجلس أسامه وحط يده على رأسه ...." اذا صحت خبريني .."
=============***============
تجمعن بالمر وهن يسمعن صريخها وبكاءها وما هي راضيه احد
يدخل عليها.. وما تهدى الا بالإبر ألمهدئه.... ام راشد ماكفت عن
الدعاء لها وخايفه انها ماحفظت امانة ابو راشد .. وابو ماجد .. كان
رايح جاي بين الدكاترة ويحاول يهدي امه باي طريقه
حنين متكوره على نفسها وسانده ظهرها على الجدار وصوت شهقاتها
مخنوق .. شافتها ريم وسحبتها من يدها ..
" حنين وش الي مسويته بنفسك .."
حنين وترمي نفسها بحضن ريم .." قولوا لي هي وش بلاها ..انا
جيتها وهي مافيها حاجه.."
ريم .." وانا وش دراني"
شافها اسامه من بعيد وعرف ان سر رحمة مع حنين تردد يكلمها بس
لازم يساعدها وخليها تتخطى هالماضي ..وانه مستحيل يتخلى عنها
اسامه بتردد.." لو سمحتي حنين ممكن اكلمك "
حنين بخوف وتمسك بالجدار.."رحمة فيها حاجه.."
اسامه .." لا تخافي رحمه ما فيها الا الخير بس ازمه وتعدي.."
حنين برجاء.." الله يسمع منك .."
اسامه وينزل رأسه ويلعب بجواله .." حنين انا عرفت ان رحمة
ماهي محروقه .. وصدقيني كان بدون قصد وكل الي ابيه منك انك تخبريني الحقيقة
حنين بصدمه .." أي حقيقة "
اسامه .." رحمه لايه تلبس اللثمه وتقول انها محروقه
حنين وتهز راسها .." ما اعرف بس هذا رأي جدي عليها"
اسامه بذهول.." يعني جدك هو الي قالها "
حنين .." ايه ومااحد يعرف بهذا غيري انا وجدتي ام راشد حتى امي
وعمتي ما تعرف .."
اسامه بحيرة .." طيب ليه "
حنين .." لا تسألني ليه حتى انا ما اعرف كل الي اعرفه انا رحمه
جتنا مخلوقه غريبه مخلوقه طول وقتها تصيح ومعتزله الي حولها
وصعب انه تتكيف معهم.. وما كان ملاذها الوحيد غير جدي الله
يرحمه ومع الايام قدرت تكيف معنا .."
اسامه وتذكر شيء .." طيب كم عمرها يوم جت
حنين .." على ما أظن بين 15 او 16
اسامه .."يعني ما هي صغيره "
اسامه .." ومعارفها ما في لهم خبر .."
حنين .." جدي تعب وهو يدور لهم اثر بس ما فيه فائدة .."
أسامه .." مشكورة حنين ..وابتسم .. صح تستأهلِ سلامة خالد"
حنين بحياء .. الله يسلمك .."
=============***============
نزل من سيارته وهو يترنح ترك الباب مفتوح والأغاني شغالة وهو
يتمايل في مشيته دخل الفلة وشاف الظلام مالي البيت ..الا نور
التليفزيون شغال
نواف ويلعب بمفاتيح .." مين داليا "
داليا بدون ما طالع .." ايه تبي شيء "
نواف ويناظر فيها بنظرات متفحصة غريبة .." ما شاء الله حلوه
البجامه عليك"
داليا وباستغراب .." نواف فيك شيء .."
نواف ويقرب منها ويتحسسها بحركة استفزازيه .." لا بس وش رأيك نسهر بغرفتي .."
داليا وشمت ريحه فمه .. وعرفت انه ما هو بعقله .." نواف أنت
شارب شيء ايش فيك مانت طبيعي "
نواف ويسحبها لصدره .." لا انا بعقلي حتى طالعي..." واشر على راسه .."
داليا وعرفة سكران وفهمت وش يقصد .. وبسرعة نزعت نفسها منه
وركضت لغرفتها وقفلت على نفسها بالمفتاح عدة تقفيلات
طالع نواف وعرف انها هربت منه وضرب جبهته بقوة
" غبيه وانا تعبان وجايب لها هديه وفوق هذا تهرب أصلا ما يستحق
الهديه غير ريتا "
ودخل غرفتها وسكر الباب ورآه وضاع القمر بين تلك النجوم واستحى
ان يقال هذا مسلم
=============***============
ضغط على جواله وهو يسمع نفس الجواب ..نزل عقاله على المكتب
وصار يضرب بيده بخفيف على الطاولة ويحاول يطرد خيالها من باله
انتبه لرنين التلفون ورفعه
ابو وليد بسرعة .." تركي مرني على المكتب ابيك .."
تركي .." ابشر عمي دقيقه وانا عندك .."
سكر السماعه وهو عارف الموضوع فك ازرير ثوبه وحسن نفسه
محاصر من كل جهه..اخذ عقاله وطلع وهو يدعي ربه ان الموضوع
ينحل وداليا ترجع له
شاف مكتبه مفتوح واستأذن ودخل طارت عيونه وهو يشوف ابو
نواف وسعود طالع بسعود بحقد هو اكثر واحد اذاه وتذكر ضرب
الامس وحس الالم رجع له وضربات مقلبه
سلم سلام بارد وجلس مقابلهم
ابو وليد .." اخليكم على راحتكم .."
تركي .." اجلس ابو وليد راحتنا بوجودك .."
رفع عينه ابو نواف وناظره نظره حرقته وخلته يسكت
ابو نواف .." تركي انت فاهم ليش احنا هنا .."
تركي .." لا فهموني "
سعود .." ما يحتاج نفهمك المهم انك تسوي الي نبيه وان شاء الله ما فهمت "
تركي .." على مااظن وجهت السؤال لابو نواف .."
ابو نواف يحط عينه بعينه .." تركي ..ايش سويت بالموضوع الي
طلبناه منك .."
تركي بروده .." ما سويت شيء ولا ابي اسوي شيء "
ابو نواف يتمالك نفسه .." اجل نضطر نلجأ لمحاكم وجع الرأس .."
تركي وحب ينفرز سعود .." ليش المحاكم رجال يحب زوجته ومايبي
يطلقها فيها شيء .."
سعود و انقهر .. وباستخفاف .." احلم فيها "
تركي ويضغط على نفسه .." لو سمحت.. ثمن كلامك .."
ابو نواف ويزفر.." شوف تركي تراك لا من ثوبنا ولا احنا من ثوبك
وابعد عن طريقنا وريح راسك والبنت خلها تشوف نصيبها وكفايه الي
جاها من تحت راسك .."
تركي .." بس انا مستحيل أفرط بداليا ..وكرر ألكلمه ..مستحيل .."
ابو نواف بعصبيه .." اسمع تركي بنتي ماتباك وعافتك وخلى عندك
شوية كرامه وطلقها بالطيب احسن لك .."
تركي جرحته هالكلمة خاصة قدام سعود .." ان هي عافتني حتى انا
عفتها يكفي ان اهلها ما هم واثقين فيها ..ورموها علي بغلطه وحده "
رمى كلمته وطلع
بعد أسبوعين من الأحداث....رحمة تحسنت حالتها كثير وما بقى لها
بالمستشفى غير الإذن بالخروج....خالد سوى العملية للعين الثانية
وأنهى الفحوصات وما بقى غير يرجع لوطنه
حنين اقتنعت بكلام ريم وقدرت تغير من شكلها بالقصة والصبغ
تركي وافق على طلاق داليا وخاصة انه أنهان من جهتها كثير
وقفت امام الشباك وهي تمسح اخر دمعه لها حطت يدها على راسها
وكأنها توقف ألدوامه الي فيها .. ورفعت يدها باتجاه الشمس وحاولت
تحجب شعاعها ..وتخفي النور عن حياتها
تأملت في ملابس المستشفى وتذكرت انها لازم تغيرها وتستعد للخروج
أخذت ملابسها وبحركة سريعة دخلت الحمام وغيرت وطلعت
لفت طرحتها عليها بإحكام ... ولبست لثمتها بإتقان
سمعت خطوات مشى ورفعت عينها باتجاه الباب
حنين بابتسامه ممزوجة بالحنان .." أخبار الحلوين "
رحمه بعبرة مخنوقة وتسلم عليها .."وينك حنين ليه تأخرتِ "
حنين تضمها.." غصب عني" .. وتبعدها عن صدرها
"ما عرفناكِ خوافة .."
رحمة بغصة .." وليه ما أخاف وكل إلي حولي ما يرحموني"
وسكت وطالعت في الباب ولفت وجها الجهة الثانية وضربات قلبها
زادت ....وانفاسها بدت تتلاحق ... انتبهت حنين وطالعت مين داخل
كان الدكتور أسامه داخل بسماعته الطبية والبالطو الأبيض
ومعه الدكتور احمد والدكتورة إيمان والممرضة مي
الدكتور احمد بكلمته المعتادة .." كيف صحت مريضتنا اليوم "
رحمة وتمسكت بحنين بقوة يوم شافت أسامه .." الحمد الله "
حز بخاطر أسامه وهو يشوف الخوف باين على حركات رحمة
اتمنى انه يقرب منها ويمسح على شعرها ويحط يده على قلبها
ويقول لها .." فيه احد يؤذي قلبه "
اتمنى انه يرجع يشوف نظرات الشجاعة والقوة بعينها
كان راضي انها تسبه تشتمه ولا يشوف الخوف عليها ولا يشوف
نظرات العتاب الي توجعه بقلبه
علق عيونه على الباب وما قدر يستحمل نظراتها ..
وتكلم بصوت هامس..."أتمنى من ربي لك العافية ..وما نشوفك الا بخير"
ولفت انتباه إرشادات الدكتور احمدلازم تتكيفي مع الي حولك .. وتعيشي حياتك لان الحزن عمره
ما كان علاج لأي شخص .."
وتعقب الدكتورة إيمان على كلامه .." وأظن بنت مثل القمر مثلك لازم
تفرح بحياتها وتنتبه لنفسها ..وراح نكتب لك بعض الادويه
والإرشادات ونشوفك الأسبوع الجاي بنفس الموعد
لزمت الصمت رحمة وهي تناظر الدكاترة يتكلمون فيها وتوصون
ببعض الأدوية والمواعيد للازمه وانتبهت لنظرات أسامه وحست
بالماضي يرجع له من جديد وتشبثت بحنين بقوة قطع تفكيره صوت
جاي من برا وركزت عيونها على الباب
دخلت ريم بوكيه ورد كبير وبدون ما تنتبه لوجود احد
حطت الورد على الطاولة وتخسرت وبصوت عالي
"حنين وجع ان شاء الله ليه ما خبرتينِِِِِ انك تزوري رحمه "
استحى أسامه من بنت أخته الفضيحة واشر لها بوجود الدكتور احمد
لفت الجهة الثانية و انصدمت من نظرات الدكتور لها وبسرعة طلعت
وتمنت الأرض تبلعها ولا تكون بالموقف هذا
ضحك أسامه بنفسه وما انتبه لخروج الدكاترة وعلق ابتسامته على
وجهه رحمة بقى واقف فترة يطالع برحمه وينتظر يسمع صوتها او
ينتظرها تطرده مثل كل مره تنهد من داخل وعرف ان قلبه تمنكن
منها وانه ما في سبيل لخلاص من حبها
انتبهت له مي ورجعت وبغيره واضحة .." لو سمحت دكتور لازم
نمر على المرضى الباقين .."
ابتسم أسامه وطالع برحمه أخر نظره وعرف ان فيها جاذبيه اقوي
من جاذبية الأرض له وسحب رجولة من قدامها سحب
=============***============
سكرت الكتاب وانقبض قلبها أصوات ضحكهم واصل لغرفتها
طلعت من غرفتها ونزلت تحت شافتهم مجتمعين نواف وفارس ودلال
تأملتهم بحيره وخوف وموقف نواف سبب لها حساسية
جلست بينهم.. وطالعت بنواف بحسره على شبابه
دلال وتنزع الجوال من يد نواف.." داليا وش رأيك بالصورة.."
داليا وقطبت حواجبها .." صورة مين "
دلال بضحك .." طالعي وبعدين احكمي .."
داليا طالعت بصورة ومن الصدمة قامت بسرعة .." دلال وش جاب
صورة اريام بجوال نواف"
دلال بروده .."أنا أرسلتها له .. ونواف أظنه ما يقصر .."
داليا وترفع عينها على نواف .." نواف خاف ربك ولا تلعب بإعراض المسلمين.."
نواف انصدم من ردة فعلها .."وليه هم ما خافوا ربهم يوم يلعبوا
بعرضك..ولي ذقتيه راح يذوقه هو وأخته .."
داليا ..كانت تبي تقوله انك اول من حاول يعتدي على عرضه ..انت
اول من كان يبي يدنس عرضه بس عرفت انه وقتها ما كان بعقله "...
حرام عليكم البنت وش ذنبها وبعدين أخوها واثق فيها ما هو مثلكم .."
نواف .." عشان أخوها واثق فيها راح أرسلها لكل واحد وما هو بس
كذا راح العب بصوره على كيفي وأخليه فضيحة على كل لسان .."
داليا بترجي .." الله يخليك يا نواف تعوذ من الشيطان ولا تظلم البنت
و إذا على تركي فيه مائة طريقه تأخذ حقك منه.."
نواف .." ليش اتعب نفسي وهذي الصورة قدامي واخذ الجوال وطالع
فيها "تصدقي البنت حلوه وما تشبه أخوها ..وابتسم لدلال "اممم
رغد أحلى منها بكثير.." ومد الكلمة الأخير
عرفت داليا ان نواف مستحيل ينفع معه الكلام وطلعت غرفتها
وهي تفكر بطريقه تأخذ الصورة منه خافت على اريام ودعت ربها
ان يسترها وما تكون لعبة سهله لآخوها
=============***============
يوم الأربـعـاء
كان يوم موعد عودة خالد وفيصل لأرض الوطن
ركب الطائرة ....وربط حزام الأمان ...وحلق بأحلامه قبل ما تحلق
الطائرة في السماء.. سرح بحنين ..واشتاق لشوفتها عد الساعات
والدقائق ودعا ربه بسره ان الوقت يمر بسرعة
ابتسم المرور زوج من الطيور قدامه نزل النظارة الطبية من عينه
وحطه بجيبه وتنهدت بسعادة
".. سبحان الله طول عمري أتمنى إني أشوفها طول عمري اتمنى اني
اشوف الحب بعيونها يااه ماني مصدق ان راح املي عيني منها
كيف شكلها حلوه مثل داليا ولا عاديه مثل ريم بيضاء ولا سمره
وهز رأسه بابتسامه لا مايهم يكفيني انها حنين يكفيني ان احبها ان
روحي معلقه فيها يكفي انها جبرتي قلبي المكسور وقدرت ترجع
النبض والحياة له ......" انتبه لفيصل وشافه غارق بالنوم
طالع في سقف الطائرة وحط يديه وراء رأسه ومد رجولة بارتياح
ونام وهو يدعي ربه انه يشوفها بأحلامه
=============***============
وقفت سيارتهن عند باب السوق التجاري ونزلت كل وحده تفنن
بمشيتها أخدا العطر ورشاَ منه وشدن العابئة على الخصر أشرا لسواق
بالمشي ابتسمن وهن يشوفن التصفير والصفيق
سارة وتعدل لثمتها .." دلال انتبهي أخاف نواف بينهم "
داليا .." لا نواف اليوم في الاستراحة "
دلال.." المهم انكم ما تفضحونا ولا نبي ضحك بصوت عالي "
ساره بنص عين.." علمي روحك ناسيه ايش سويتي قبل يومين.."
دلال .." لاماني ناسيه بس كان غصب عني الرجال كلامه من صدق
يضحك يقول طالعي عبأتك مكبوب عليها لبن .."
رغد .." وأنتي ما صدقتي على الله وفاضحتينا .. يا ليتك سمعتي
ايش قال بعد ما طلع "
دلال باستغراب وخوف .." ايش قال .."
رغد .." ذكر تيني فاجرة شفتها البارحة في الفلم "
دلال انقهرت وردت لها كرامتها .." أصلا هو إلي ما يستحي ملاحقنا في كل محل
رغد بحزم .."هو رجال وأنتي بنت ... وخلونا من الفضائح.."
داليا بملل وطالع بالمحلات .."خلينا نروح لدرعه منزله عطور جديدة
بدل ما نضيع الوقت على ألفاضي .."
سارة .." لا أحنا نبي مكياجي .."
داليا .." اجل خلونا نروح درعه وبعدها مكياجي"
دلال .." لا روحي انتي بروحك وراح نلحقك هناك "
هزت رأسها بالرضا ومشت بخطوات متثاقلة .. ابتسمت لكلمات
الإعجاب الي تسمعها رفعت عينها شافت محل أزياء حوامل .. حطت
يدها على بطنها خافت انها تحمل طفل لتركي.. تنهدت بالم
"معقولة الي خايفه منه يكون حقيقه " واني راح أكون ام لطفل تركي
"ووقتها وش الحل "
نفضت رأسها بقوة وكأنها تطرد الأفكار منها ودعت ربها انها يخلصها
من اي شيء يربطها بتركي .."
=============***============
طالع فيها بذهول ...وعينه ما هي مصدقه الي يشوفه.. عدل جلسته
ورمش عيونه بقوة ....وحاول يطرد من رأسه فكرة ان هذي داليا
وكيف يقدر يطرد هالفكره وهو يشوفها قدامه و يميزها بنظرات
الخوف بعيونها .. ويسمع أرقام الشباب الملتفين حولها .."
قام وقرب منها ونار الغيرة أكلت قلبه ..."
"داليا غطي عيونك أحسن لك "
داليا بصدمه وخوف وبسرعة غطت عيونها .." تركي "
تركي مسكها مع يدها .." ايه تركي .. تركي زوجك يا داليا .."
داليا بضيق.." لو سمحت تركي اترك يدي وخليني أروح بطريفي .."
تركي "لا مستحيل اترك لوحدك في هالسوق وامشي قدامي "
داليا بعصبيه وتنزع يدها .." مالك شغل في فاهم "
تركي ويتمالك نفسه وبصوت كله تهديد .." داليا لا تختبري صبري
واذا جايه لسوق لتسليه فيلا قدامي على السيارة .."
داليا وصوته هزها وتحرك رأسها من الخوف وبصوت مخنوق .. "لا
أنا أبي اشتري أغراض لحفلة عمي خالد "
ابتسم تركي غصب عنه واشر بيده .." طيب يللا معي"
مشى تركي ومشت وراءه وكل دقيقه يوقف تركي ويبتسم لها
وينتظرها ... " ها داليا أشوفك ما غيرتي مشية السلحفاة "
طالعت فيه داليا وطنشته وكملت طريقها
دخلوا محل أزياء واشترى لها تركي كم قطعه على ذوقه بين تعليقات
داليا ورفضها وعنادها أحيانا.. أخذها لدرعه واشترى لها عطر هدية
وطلبها تختار له عطر على ذوقها استحت داليا في البداية وعاندت بس
يوم شافت البنات يطالعوا في تركي أنحرق دمها وحبة تغيضهن
ورضت تختار له.... دخلت محل ملابس أطفال مواليد بالغلط وان
حرجت داليا وبسرعة طلعت و تركي وقف فيه فتره وهو يتأمل
الملابس ويرسم البسمة على وجهه ويناظر بداليا وكأنه يوجهه لها رسالة..
لفت داليا وجهها الجهة الثانية وضربات قلبها فضحتها..
والارتباك بان على حركاتها
قرب منها تركي وهمس لها ..." نفسي أشوفك ام "
طالعت فيه داليا و حست ان مشاعره راح تفضحها و احاسياسها تبي
تخونها وضغط على نفسها بقوة ... وصارت تتنفس بسرعة
والكلام صار يتردد على شفايفها.. وهي تتوسل لقلبها يطاوعها.
رن جوالها وانقضها فتحت شنطتها وأخذت جوالها وقفلت بعد ما
عرفت ان دلال تتصل فيها مسكها تركي من يدها واخذ جوالها واتصل
على جواله عشان يحفظ رقمها.. رفع حاجبه وحط عينه بعينها
"داليا راح اتصل فيك واوعديني تسمعيني "
هزت رأسها بدون أراده وبقت فترة تتأمل عيونه انتبهت لنفسها فجأة
ولفت الجهة الثانية والدم تجمع بوجهها وخرجت من السوق وهي
تحاول تطفي الحرارة بداخلها
=============***============
ضحكن بصوت عالي و هالمره ما هي بس دلال حتى رغد و ساره
الشاب .." لو سمحتن ممكن اعرف ايش نوع العطر الي حاطته "
سارة بغرور "ليه عجبك "
الشاب بتحقير" لا عشان احرمه على نفسي "
ومشى عنها وهي متحسر على حال أولياء الأمور الي تاركين الحبل
على غارب في تربية بناتهم وكأنهم ما هم مسئولين امام الله
البنات انصدمن من كلمته وطلعن من المحل ولا وحده قدرت تتكلم
وترد عليه ...وكل وحده تحط اللوم على الثانية "
ساره وتأشر بيدها .." طالعن ما هو كنا ذاك وليد"
دلال بفرح .." وين" ..وطالع .. "والله انك صادقه"
رغد بخوف.." طيب خلونا نعبد أخاف يشوفنا ويعلم علينا سعود
ساره تتمسخر .." سعود .. سعود .. تراك علتينا فيه "
دلال .." والله أنها صادقه ..خلينا نبعد عن الشر أحسن لنا"
ساره بنص عين .." لا وش رأيكم العب على وليد وأشوفه هو راعي بنات "
دلال بثقة .." وليد كلنا عارفين أخلاقه ما أظن انه راعي بنات
طنشتها ساره ومشت خطوات قريبه منه وحاولت تلفت انتباهه
وليد انتبه لها .. وقرب منها .."لو سمحتي غطي عيونك"
ساره انصدمت من ردة فعله .." ورفعت عينها بعينه"
وليد وكمل كلامه بضحك .." لأني ما اقدر أقاوم هالبريق
تصدقي عيونك تذكرني بتيس عند جدي الله يرحمه "
ساره انفجرت والدم تجمع بوجهها.." وليدوه ضف وجهك أحسن لك"
ورجعت عند البنات وهي تحلف ما تجلس في السوق بعد كذا دقيقه وحده.."
=============***============
ركب السيارة وهو بعالم ثاني ....عالم يعرفه عاش فيه فتره وكان
اسعد ألحظات بحياته ..ومستعد يدفع عمره كله بس ترجع له هذي
ألساعات وعرف انه حياة قلبه بيدها
وليد بعصبيه ..." وينك يالاخ "
تركي بروده وبابتسامه .." ايش فيك معصب اكيد مسكتك الهيئة.."
وليد يشغل السيارة .." لا والله شكلي تلقفت على وحده من المعارف "
تركي يكتم ضحكته .." وش داراك انها تعرفك .."
خبر وليد تركي بالسالفة وتركي من كثر ما ضحك دمعت عيونه
وليد .. ايه تتشمت أشوف فيك يوم يا تروك"
تركي يمسح دموعه .." لا والله بس ..وما قدر يستحمل وضحك
بصوت عالي .."
وليد بحقد .." نفسي اعرف هالضحك من وين طلع لك .. دخلت
السوق بشكل وطلعت بشكل ثاني .."
تنهد تركي براحه وطالع بوليد .." شفتها "
وليد باستغراب .." مين "
تركي ويطالع قدامه وسرح بخيالها .." زوجتي " كان يستمتع يوم
ينطق هالكلمه ويحس بفرحه غربيه ..و ان داليا مهما كانت بعيده تبقى
قريبه واقرب وحده لقلبه .... تبقى ُملكه وما احد يقدر يقرب منها
طول ما هي بذمته ...وطول ما هو ينطق بالاسم "
وليد .." داليا "
تركي.. "هو فيه غيرها .."
وليد .. "وش سويت لها"
تركي ورفع حاجبه وفتح عينه وناظره بنظرات تحقير .." يعني وش
اسوي لها ..اخذتها معاي وخليتها تشتري وتخلص أغراضها تحت
عيني وحمايتي.....وعلى حسابي كمان
والتفت له بجسمه كله ..."تدري وليد إني كنت أفكر فيها وما صحية
إلا وهي قدامي توقعت إني في حلم او إني انجنيت .."
ابتسم له وليد .." كل هذا حب "
تركي .. يعدل جلسته " لو فيه اكبر من ألكلمه هذي كان قلتها"
وليد .." طاوعني وخليني انا اكلم لك ابو نواف.."
تركي يهز رأسه بقوة .." لا انا ابي داليا تقتنع من نفسها من دون أي
ضغوط وأكون محل ثقة لها .."
=============***============
جالسه بالحوش وهي ضامه رجلها لصدرها ورافعها رأسها لسماء
تتأمل القمر والنجوم ..غمضت عيونها بقوة ورجعت فتحتها من جديد
شافت القمر لسه بمكانه..تنهدت بحزن ..وهي تخاطب القمر
"أنت الوحيد الفاهم انا ليش عايشه كذا"
كنت اسهر معاك وارسم أحلامي تحت ضوءك .. كنت تعرف
مين رحمه وش قصتها وتتنكر لي ..." هزت رأسها باستخفاف على
حالها ..."طول عمرك وأنتي تخاطبي القمر وعمره ما نفعك..
عمره ما رحمك وأشفق لحالك ...رفعت عينها لسماء معاتبة القمر
وكأن القمر استحى منها و اختفى بين الغيوم واخذا ضوءه معه
نزلت رأسها بأسى وحزن على حالها
أتمنت أنها ترجع طفله تلعب بدميتها وتبني أحلامها من جديد أكلت
أظافرها بيدها من كثر وهي تفكر بحالها وضمت رجلها لنفسها بقوة
من الخوف وهي تتذكر كلام أسامه ونظراته المحرقة
حست بيد امتدت لها بحنان رفعت عينها وابتسمت لها
حنين رحمة وبعدين معاك ... انا ما اتفقنا نرجع مثل أول "
طالعت فيها رحمة بحزن ونزلت رأسها
حنين .." رحمه الله يخليك لا تعذبيني معاك"
رحمة بترجي .." حنين روحي المزرعة واتركني ان بخير"
حنين .." لا انا اعتذرت لخالد و أسامه خبره بحالتك .."
رحمة وتغمض عيونها.." الله يسعدك خليني بروحي "
حنين .." أسفه رحمه ما اقدر " وسحبتها حنين من يدها ودخلتها البيت
=============***============
دخل غرفة وهو يلتفت ويمين وشمال قفل الباب عليه ورمى نفسه على
السرير وفتح جواله وصار يتأمل بصورتها ... "والله البنت عليها
ضحكة تطير العقل" وزفر بقوة.."اه لو ما أنتي أخت تركي"
العرض العادي
