لي حبيبِ بعده أوشك يضيعني
ما أنساه أبد لو يبعـد زيـاده
ياخسارة عقب ما كان يعشقني
ضاع الأمل فيه وهـو بعنـاده
كنت أحبه حيل يانـاس جننـي
ما أنام ليلي ولا حولي سعـاده
للآسف جازاني بالصد وجرحني
ولا كفاه جفانـي وزاد ببعـاده
المشكلة زوله بالخيال مغربلني
وألا العين كحلها يعذب سـواده
ياحليل قلبه خسارة هو ظلمنـي
يازين خطوته متمخطرٍ بركـاده
خلاص نسيته دامه اللي جحدني
كبر وتكبّر وتركته يكمّل مراده
بعطيه درس بعده لزومٍ يذكرني
لين يتعلم أصل العشق وإسناده
العرض العادي
