لدنيا ياصاحبي حكيات وعلوم
قصص عجيبه تذهل اللي قراها
الدنيا لوتضحك معك دايم الدوم
خلك فطين ولايهمك رضاها
كم واحد تبني له آمال وحلوم
يفني وغيره يهتني في بناها
ياما افرحت قوم وياما أحزنت قوم
وكم "أعشقت عين وخانت غلاها"
ياصاحبي شفت أمس شف حالنا اليوم
دنيا تقلب يكفي الله بلاها
اليوم لامنه بغت عيني النوم
تنكدت روحي وعافت كراها
ماكل من علا بالأصوات مفهوم
وماكل روح تلتقي في مناها
وماكل من يشكي معذب ومحروم
وماكل من يضحك همومه نساها
بحر الحياه إن صرت ماتعرف العوم
يرميك في غبة بعيد مداها
من راح يستسلم من أحزان وهموم
يموت حي وحاجته ماقضاها
واااااجه هبوب الوقت بإيمان وعزوم
لابد ماربك يهدي هواها
واصبر إذا شمسك حجب نورها غيوم
الغيم يتفرق ويشرق سناها
[اهداااء للجمـــــــــــــــيع واتمنى ينال اعجابكم
مـع تحيــــــــــــات
عــــــــــابره
العرض العادي
