ੀ҉ ᆻ_♥♥|[¯‾♠۩_‗ـ–أحســـ ღـــــاسے عـــــღـــــاشق–ـ‗_♠۩‾¯]|ᆻ_♥♥ੀ҉ - الصفحة 5

عاشق الأحساس · 01-03-2009, 11:06 PM

اسمحيلي ياالغرام العف يا الوجه السموح
ان لزمت الصمت او حتى لبست الاقنعه
*****
اعترف لك ما بقى من عالي الهمه سفوح
انحدر كلي مثل طفل تحدر مدمعه

*****
من يبي بالله يفتح لي غلق صدره و ابوح
ضاقت الدنيا بشاعر طيب قلبه ضيعه
*****
ما قبلنا الحظ قولي وين ابارحل وين اروح
الصبر ياهو يعذب و الاماني موجعه
*****
اه يا جود الحزن وياي و الفرحه شحوح
ضايع بهمومي الغبرا بوسط المعمعه
*****

عاشق الأحساس · 01-03-2009, 11:09 PM

اشتكي لوسادتي دنياي واسمعها تنوح
كنها بعضي وبعضي وين هو من هو معه
*****
ايه انا و العالم المغرور و الياس اللحوح
خايض حرب الرياح اللي تسوق الاشرعه
*****
مختلط في عبرتي حبر الشقى ودم الجروح
ومستوي في نظرتي غرب الوجود و مطلعه

*****
عودي المبري بقى به من عطايا الوقت روح
وفصل خامس حاير بين الفصول الاربعه
*****
وراس مالي ذكريات حلم وأمال و طموح
لا صديق ولا رفيق ولا طريق واتبعه
*****
نوب اسافر في سديد الراي ونب في جنوح
مختفي صوت الحقيقه كيف ويش لون اسمعه
*****
سامحيني دام هجري واضح كل الوضوح
واسمحي لي بالرحيل بلا تذاكر وامتعه
*****

عاشق الأحساس · 01-03-2009, 11:20 PM

ودي اسعدكم بهذي ا لقصيده فيها شئ من الابتسامه .......

البارحة جاني من الحب مرسال
من عقب ما بيني وبينه خصيمة

وانا ترى في الحب مانيب فعّال
ولا بعد ولّع بقلبي هشيمه

ولا بعد غنّيت في ساعة وصال
ولا بعد ذقت الفراق وجحيمه

ولا جرى دمعي على الخد همّال
ولابعد جربت مرّ الهزيمة

حتى وردني تالي الليل جوال
وانا على شاهي وبسكوت ديمة

الرقم بايخ لكن الصوت قتال
كنه مثل صوت المذيعة حليمة

قالت مساء الخير يا طيّب الفال
قلت ارحبي ترحيبةٍ مستديمة

بالعود والصفري ودلة وفنجال
واجبك يا بنت الأصول الكريمة

ردت بضحكة ثم قالت وش الحال؟
قلت اشهد إن الحال عقبك سقيمة

قالت وهي تضحك بعد مثل الأطفال
وانا بعد كني بدونك يتيمة

عاشق الأحساس · 01-03-2009, 11:24 PM

من يوم قالتها تزلزلت زلزال
من فجعتي كني مسوي جريمة

قلت ارفعي صوتك ترى مابه ارسال
كذاب لكنّ المصيبة عظيمة

قالت أقول اسمع ترى هرجنا طال
ممكن تصاحبني تراني وسيمة

واسمي الحقيقي أول حروفه الدال
لكن يسمّوني البنات الزعيمة

صحيح أحب الفخفخة واعشق المال
لكن تراني طاهرة مستقيمة

ما عندي امغازل ولا (لعب يهّال )
ما عندي إلا في الشرف والحشيمة

بس الصراحة قلبي لشوفتك مال
واصبحت وحدك جالسٍ في صميمه

فكّر بعقلك واترك القيل والقال
واحذر تطيع اهل العقول العقيمة

وارسل علي الحين خمسمية ريال
أشحن بها جوال أختي غنيمة

أو طقم غالي فيه خاتم وسلسال
أروح به في عرس ولاّ عزيمة

قلت الحقيقة مانيب رجل أعمال
ولاني بتاجر والموارد عديمة

أنا الصراحة شبه عطّال بطّال
وعلاقتي بالفقر جداً حميمة

عاشق الأحساس · 01-03-2009, 11:28 PM

والراتب الله يرحم الحال ما زال
محدود والمصروف ربي عليمه

والدين بالآلاف والبنك شغّال
ياكل فلوسي بالربا والظليمة

والسوق طايح والغلا ضيّق البال
والموت والله صاير اكبر غنيمة

قالت تحمّل بس والحمل ينشال
خلك شديد الباس صلب العزيمة

ياخي تصرّف جعلك اتصير نشّال
أهم شي إن النوايا سليمة

لابد تفهمني على كل الأحوال
ما دمت من أهل العقول الفهيمة

قلت إيه والله فاهم اللي على البال
لكن ترى هذي علينا قديمة

يا بنت هذا صاير اليوم موال
للي تبي تلعب على ابن اللئيمة

عاشق الأحساس · 01-03-2009, 11:33 PM

يا بنت ما تدرين كم فيه محتال
يلعب على الحبلين وانتي غشيمة

يا بنت كم من جاهلة دمعها سال
من عقب ما جات العواقب وخيمة

والبنت لا اقفى عرضها بيد الأنذال
والله ما يبقى لها أي قيمة

قالت تبي ولاّ فخلّك على جال
مهوب ناقصني نصايح حكيمة

عز الله إنك للأسف منت رجّال
وانك قليل الذوق ما فيك شيمة

يا لعنبو اللي ما يسطّرك بنعال
حتى يعلمك الغزل يا بهيمة

(تفو)عليك وصكت الخط في الحال
مدري(تفو)هي مدح ولا شتيمه

لاهنتوا يالغلين نقلتها لكم من بريدي ...

عاشق الأحساس · 02-03-2009, 02:54 AM

كيف الرحيل وكل مابي حل في ربوع حبك

صدقيني اني لااجيد الكتابه ولا همس العشاق

يسيرقلمي ويسبق اهاتي حبيبتي لااعلم ارتحت

لرؤيتك اخيرا ابتسم الحظ لي فرحت

تبعثرت الجمل من بين

شفتاي لا اقوى على
هذا الحنين والاشتياق ..
انتظرتك وكنت على

علم بوصول اميرتي
الجميله يامن تخيلتها

ملاك وفي عينيها الهلاك .....

اعترف اني مغرم بك وعشقتك

حتى الجنون يالله ماذا حصل اهي غيره .... لا اعلم

فقد اصابني خوف عليكي كم كنت

سعيدا لوجود همسك ينساب

بين خلجات قلبي ويروي لي مشاعر وهبتها

لكي ... بكل تنهيده من قلبي تفخر بأسمك .........

من احساس عاشق ........

عاشق الأحساس · 02-03-2009, 02:13 PM

حلم

كان حلم
مثل كل مره
احلم
فأنا
ا علم
انها ليست
لي هي
تريد
هوى
تسيره
وانا اريد
هوى
يسيرني
تناقضات
فعلا ارخصتني
ودنيا
ا ليس لها امان .

احسست
بفراقها
لايؤثر بي .
ففضلت
الابتعاد .

اعلم وكلي
علم اني
سوف
اتذكرها
او تتذكرني
ذكرياتي
او تسير
من امام
عيني
فعلا طفله
في جسد
امراءه
لاشك انها
تتربى على
الدلال
ولا تعلم عن
ا سرار
الحياة كليا .

همسات عاشق .......