يــــــــــــاعيــــــــــد

[مستورالحارثي]

العيد ياليت مت ولا تحريته=في العيد حالي على الرحمن مشكاته
ياعيد وين الذي بالقلب حبيته=وين الذي كان يسعدني بهمساته
لوجيت ابوصف حبيب الروح مااوفيته=تعجز جميع المعاني عن وصوفاته
الشمس تخجل ليا طلت على بيته=ويغار ورد الهدا من حمرةاشفاته
نظرت للبدر في ليلة وجاريته=وقلت خلي تغيظك كل ميزاته
واثبت للبدر يوم اني تحديته=خلي هو الشمس وحدودي مداراته
خلي بقلبه مساري ما تعديته=وهو على خارطة قلبي مساراته
حبه على الراس انا شلته وحطيته=تاج بكل الغلا زينت شرفاته
حب فريد بسما العشاق عليته=حب ملا الكون فاضت به مجراته
ابعلنه للملا من بعد اسريته=وازود العاشقين ببصمة اثباته
قلبي على شان حب الزين صفيته=من كل حب قديم ومن علاقاته
تطير بالقلب من شوقي عفاريته=واطوي المسافات حبا في ملاقاته
والجمس ما احسب لبنزينه ولا زيته=والكامري له شريت احدث موديلاته
لو كان خلي في اقصى الكون وافيته=يهون دربه ولو طالت مسافاته
أمشي لخل يرد الروح لا جيته=أموت واحيا بنظراته وبسماته
كم يوم لا قاني الغالي ولاقيته=وكم ليل ياماسهرت ارقب صباحاته
وكم دمع عن خلي اخفيته وداريته=وكم مرة العين تعجز عن مداراته
دمعة فرح كل ما شفته وضميته=وشميت طيبه على شاله وغطواته
ودمعة فرح لا اتصل فيني وناجيته=ودمعة حزن في غيابه وقت اجازاته
وكم ونة جر من قلبه وهديته=ومسحت دمعة حزن من فوق وجناته
والعيد يا كم مع الغالي تمنيته=واشاركه في ليالي العيد فرحاته
لكن خسارة حبيبي اللي ترجيته=نوى يضحي وكنت اول ضحياته
ياحسرة القلب عيدي ماتهنيته=يوم ان كلا تعالت فيه ضحكاته
هذا الذي ما تخيلته وظنيته=في العيد يبخل حبيبي باتصالاته
ياما اختلفنا وصافاني وصافيته=والكل ينسى خطا خله وزلاته
واليوم ياعيد لا شفته ولااوحيته=تعطل ارسال خلي من محطاته
كم يوم رقمه من الجوال دقيته=لا رد خلي ولا جتني رسالاته
ياليت يسمع ونيني يوم جريته=والقلب معتل من كثرة مناداته
كني يتيم فقد حضن امه الميته=لا حان موعد رضاعه زاد صرخاته
ياعيد بالله لا زرته ومريته=قل له حبيبك يبلغ لك تحياته
عيدك مبارك عليك اسمه وتوقيته=يعود لك وانت في صحة بخيراته
قل له ترى صاحبك بالهجر عنيته=ياليت قلبك يحسسك بمعاناته
ياليت ترجع تضمد جرح ادميته=وانت الطبيب الذي يشفي جراحاته
صاحبك زادت جروحه بعد جافيته=واشوف موته بدت تظهر علاماته
لو ما رحمته وهو حي وواسيته=بالله لا مات وش تنفع مواساته
لا جاك علمه ودمع العين هليته=وش ينفعه لا بكيت بيوم معزاته
ياعيد قل له تراني قبل وصيته=لا ضمني قبري الضيق وظلماته
يرش قبري بطيب فيه شميته=ويفرد على تربته من بعض طرحاته
قل له لوانه نساني ما تناسيته=هو نبض قلبي وشريانه ودقاته
حتى لو الموت من هجره تقهويته=غلاه في القلب يسوا كل نبضاته
ياليت يرجع حبيب الروح ياليته=واسخر النفس في حبه ومرضاته
ويكون عيدي ليا شفته وحييته=واغسل غبار الحزن من نهر جناته
وانسى زمان شديد الحزن قاسيته=واعيش باقي حياتي رهن اشاراته
ياليت في الجن عندي ولد عفريته=يجيب لي صاحبي لا قلت له هاته
ضاقت بي الارض لين الصبر مليته=والقلب معلن حداده عن مسراته
ياالله يامحيي الانسان ومميته=ترد لي صاحبي من بعد غيباته

[فتى ميسان]

الله الله الله
مستور الحارثي
سطرت لنا اروع الجمل واخذتنا للجمال الشاعري
قصيدة عصماء سكت بماء الذهب بتوقيع مستور
كل عام وانت الوله
جل الاحترامات
فتى

[مــــــدى]

لااله إلا الله
الله اكبر عليك يامستور !!
اقسم بالله على اخر بيت حسّيت قلبي ينتزع من محلّه !!
ياهلا فيك يالحارثي عقب غيبه !
يقولون من طول الغيبات جاب الغنايم وانت جبت مايتعب الجاش !
صح لسانك وياجعل ايامك كلها اعياد ...
وهونك علينا يالشاعر ترى فيه قلوب ماتتحمل !
يعطيك الف عافيه ولاعدمنا حضورك
احترامي وتقديري ,,,



المــــدى ,,,

[ملكة الخواطر]

اقتباس المشاركة الأصلية كتبت بواسطة مستورالحارثي العيد ياليت مت ولا تحريته=في العيد حالي على الرحمن مشكاته ياعيد وين الذي بالقلب حبيته=وين الذي كان يسعدني بهمساته لوجيت ابوصف حبيب الروح مااوفيته=تعجز جميع المعاني عن وصوفاته الشمس تخجل ليا طلت على بيته=ويغار ورد الهدا من حمرةاشفاته نظرت للبدر في ليلة وجاريته=وقلت خلي تغيظك كل ميزاته واثبت للبدر يوم اني تحديته=خلي هو الشمس وحدودي مداراته خلي بقلبه مساري ما تعديته=وهو على خارطة قلبي مساراته حبه على الراس انا شلته وحطيته=تاج بكل الغلا زينت شرفاته حب فريد بسما العشاق عليته=حب ملا الكون فاضت به مجراته ابعلنه للملا من بعد اسريته=وازود العاشقين ببصمة اثباته قلبي على شان حب الزين صفيته=من كل حب قديم ومن علاقاته تطير بالقلب من شوقي عفاريته=واطوي المسافات حبا في ملاقاته والجمس ما احسب لبنزينه ولا زيته=والكامري له شريت احدث موديلاته لو كان خلي في اقصى الكون وافيته=يهون دربه ولو طالت مسافاته أمشي لخل يرد الروح لا جيته=أموت واحيا بنظراته وبسماته كم يوم لا قاني الغالي ولاقيته=وكم ليل ياماسهرت ارقب صباحاته وكم دمع عن خلي اخفيته وداريته=وكم مرة العين تعجز عن مداراته دمعة فرح كل ما شفته وضميته=وشميت طيبه على شاله وغطواته ودمعة فرح لا اتصل فيني وناجيته=ودمعة حزن في غيابه وقت اجازاته وكم ونة جر من قلبه وهديته=ومسحت دمعة حزن من فوق وجناته والعيد يا كم مع الغالي تمنيته=واشاركه في ليالي العيد فرحاته لكن خسارة حبيبي اللي ترجيته=نوى يضحي وكنت اول ضحياته ياحسرة القلب عيدي ماتهنيته=يوم ان كلا تعالت فيه ضحكاته هذا الذي ما تخيلته وظنيته=في العيد يبخل حبيبي باتصالاته ياما اختلفنا وصافاني وصافيته=والكل ينسى خطا خله وزلاته واليوم ياعيد لا شفته ولااوحيته=تعطل ارسال خلي من محطاته كم يوم رقمه من الجوال دقيته=لا رد خلي ولا جتني رسالاته ياليت يسمع ونيني يوم جريته=والقلب معتل من كثرة مناداته كني يتيم فقد حضن امه الميته=لا حان موعد رضاعه زاد صرخاته ياعيد بالله لا زرته ومريته=قل له حبيبك يبلغ لك تحياته عيدك مبارك عليك اسمه وتوقيته=يعود لك وانت في صحة بخيراته قل له ترى صاحبك بالهجر عنيته=ياليت قلبك يحسسك بمعاناته ياليت ترجع تضمد جرح ادميته=وانت الطبيب الذي يشفي جراحاته صاحبك زادت جروحه بعد جافيته=واشوف موته بدت تظهر علاماته لو ما رحمته وهو حي وواسيته=بالله لا مات وش تنفع مواساته لا جاك علمه ودمع العين هليته=وش ينفعه لا بكيت بيوم معزاته ياعيد قل له تراني قبل وصيته=لا ضمني قبري الضيق وظلماته يرش قبري بطيب فيه شميته=ويفرد على تربته من بعض طرحاته قل له لوانه نساني ما تناسيته=هو نبض قلبي وشريانه ودقاته حتى لو الموت من هجره تقهويته=غلاه في القلب يسوا كل نبضاته ياليت يرجع حبيب الروح ياليته=واسخر النفس في حبه ومرضاته ويكون عيدي ليا شفته وحييته=واغسل غبار الحزن من نهر جناته وانسى زمان شديد الحزن قاسيته=واعيش باقي حياتي رهن اشاراته ياليت في الجن عندي ولد عفريته=يجيب لي صاحبي لا قلت له هاته ضاقت بي الارض لين الصبر مليته=والقلب معلن حداده عن مسراته ياالله يامحيي الانسان ومميته=ترد لي صاحبي من بعد غيباته

في شعر العمق والغزارة
في حضور مستور الحارثي البهاء والمهابه
القصيده تشد الذهن 0 اطلقتها وكانت حروف عظيمه
وتشحن الاحاسيس في جمالية العيد احساس صادق
وتترك الافكار تتزاحم في المخيله عند كل بيت نقراءه
وكل عام وانت في الف خير وتكون طلتك علينا بسعاده وسرور
وعساك من عواده يارب
سجل ذروة اعجابي فيها
وتقبل مروري المتواضع لصفحتك المتالقه في المعاني
لك تحيتي وتقديري

[العسجديھ]

/



مَستورِ ..


وَكَآنَ قصيدًكِ مُورِقاً ..
وَكَآنَتْ رُوحُكَ ضِيآءاً ..
شُكْراً تَنْحَنِي ..
وَدَآمَ آلغَيْثُ يَرْوِيكَ ..

صَحّ نبضُكِ ..

[شمس القوايل]

مستور الحارثي

صح السانك واعتلى شانك ولاهنت

ابدعت ماشاء الله عساك ع القوه

كل عام وانت بخير وعساك من عواده

دمت ودام نزف قلمك الراقي

ننتظر الزود من هالابداع لاهنت

شمس القوايل

[مستورالحارثي]

اقتباس المشاركة الأصلية كتبت بواسطة فتى ميسان الله الله الله مستور الحارثي سطرت لنا اروع الجمل واخذتنا للجمال الشاعري قصيدة عصماء سكت بماء الذهب بتوقيع مستور كل عام وانت الوله جل الاحترامات فتى

أخي الشاعر الفاضل/فتى ميسان

شرف لي مرورك الجميل وأشكر لك حسن ثنائك

[مستورالحارثي]

اقتباس المشاركة الأصلية كتبت بواسطة مــــــدى لااله إلا الله الله اكبر عليك يامستور !! اقسم بالله على اخر بيت حسّيت قلبي ينتزع من محلّه !! ياهلا فيك يالحارثي عقب غيبه ! يقولون من طول الغيبات جاب الغنايم وانت جبت مايتعب الجاش ! صح لسانك وياجعل ايامك كلها اعياد ... وهونك علينا يالشاعر ترى فيه قلوب ماتتحمل ! يعطيك الف عافيه ولاعدمنا حضورك احترامي وتقديري ,,, المــــدى ,,,

أختى الفاضلة /مدى

كل عام وأنتم بخير

أهلا بإطلالتك التي زادت متصفحي ألقا وجمالا

أشكر لك هذا المرور الجميل والإطراء الحسن

تحياتي