العودة   منتديات الـــود > +:::::[ الأقسام الثقافية والأدبية ]:::::+ > مملكـة خاصـة
إضافة رد
   
 
أدوات الموضوع التقييم: تقييم الموضوع: 8 تصويتات, المعدل 4.50. انواع عرض الموضوع
قديم 30-12-2009, 08:19 AM   رقم المشاركة : 391
عاشق الأحساس
Band
 
الصورة الرمزية عاشق الأحساس







تصميمي غمض عيونك حبيبي حصري الــود



غمض عيونك حبيبي غمض عيونك
بقولك شئ بس اسمعني بقلبك
محتاجلك في حياتي ما اقدر بدونك
او بختصرلك و اقولك احبك احبك

مجنون بك واعترفلك صرت مجنونك
لا الذنب ذنبي ولا ذنب الهوى ذنبك
لو كل هالناس بعيوني يشوفونك
إن كان ذاب بغلاك العالم و حبك

اموت فيك وفوادي ينبض بكونك
واوقف واحس بغرامي يمشي بدربك
وإن جيت افكر في نفسي كني اخونك
يا كيف افكر في نفسي دامني قربك

احلف بربي احبك موت واصونك
واحس انا بنبض قلبك يحلف بربك
ياكل عمري خلاص افتح عيونك
ماقلتلك شئ واللي قلته لقلبك










رد مع اقتباس
قديم 30-12-2009, 10:23 AM   رقم المشاركة : 392
عاشق الأحساس
Band
 
الصورة الرمزية عاشق الأحساس





واجتهتني مشكله في التحميل اتمنى اخواني تعذروني لان اكثر شئ تعب تنزيل الملف على اعصابي والله ثلاث مرات

احاول اخيرا نجحت في تنزيل الملف .. اتمنى يعجبكم التصميم

تصميمي غمض عيونك حبيبي حصري الــود











رد مع اقتباس
قديم 31-12-2009, 02:33 PM   رقم المشاركة : 393
عاشق الأحساس
Band
 
الصورة الرمزية عاشق الأحساس



اضغط على الصورة لفتحها بصفحة مستقلة





هاكـ كل القصيد اخذهـ مثل ماتبي --- والله اني لا غبط الخاطر مسترحيهـ
كيف لا جيت ابكبت احترق بذهبي --- شمعتـ(ن) ماتحس بعمرها من تسيح
كل شاعر ترا لو هو تشاطر غبي --- يطرب الناس شعرهـ وهو جروحهـ تصيح
خذ قصيد(ن) بدى قبل يخط شنبي --- يوم الأيام كانت مثل ريضان شيح
آآهـ ياليت تجمع بعثرة مكتبي --- والله اني نويت ابني لشعري ضريح
كم كتبت وكتبت ولا وصلكـ طلبي --- مدري العيب فيهم او بطبعي صريح
كن الأيام برد وهالقصيد حطبي --- والأماني رماد وهالتوافيق ريح
بدل الوقت شكلي ولا قوى مذهبي --- وادري ان الأماني بهالزمن من صفيح
سهل ويا الصديق وللردي مصعبي --- ودون طيحت خويّي والله اني لطيح
هيهـ يامن تفتش دفتري وش تبي --- كل بيتـ(ن) يمركـ اعرف انهـ جريح
وكان ما كفاكـ شعري يخلف الله تعبي --- ما يخلد ويبقى الا القوي والصحيح
يالقصيدهـ تثني وطربي والعبي --- في زمانـ(ن) بوجهـ الي هقابهـ شحيح
دامها في البدايهـ والنهايهـ حبي --- لا يغركـ قوي العود باكر يطيح








رد مع اقتباس
قديم 01-01-2010, 10:22 PM   رقم المشاركة : 394
عاشق الأحساس
Band
 
الصورة الرمزية عاشق الأحساس

اضغط على الصورة لفتحها بصفحة مستقلة






بين جفنك وعينك ألف معنى ومعنى
وش بقى للقصايد يوم ترخي جفونك

أنت ياللي بزينك جيتنا تنتزعنا
وسع الصدر وارحمنا على هون هونك

أنت والله لو إنا بتسري رجعنا
لانتهى زين غيرك كنهم يبتدونك

كم بغيناك في وسط وانا اقول ضعنا
عجزت أبيات شعر معذبك

كم شرينا بسوق الوصف غيرك وبعنا
وأنت مهما وصفنا كله يطيح دونك

يامضيق صدور البيض في مجتمعنا
والله إني وشعري ماقوينا عيونك

تذكر النظره اللي من وراها اندفعنا
يوم تقبل سكونك مختلط مع جنونك

ماتكلمت لكنا سمعنا واطعنا
وكن الناس مثلي كلهم يفهمونك

جيتنا في غرور ورحت تعلن ولعنا
لوتبيع حكيك والله إني زبونك

يوم قفيت والله ثقلنا مانفعنا
خذت ناس وناس ودهم يتبعونك

دام قلبك كبير راهي يتسعنا
ضفنا فيه ولاضفنا في جفونك

اثر للزين هيبه تونا مااقتنعنا
اقر لجيت تطلع وانتبه يحسدونك

لو معانا سكاكين لك الله قطعنا
بس ربك حميد وقطعتنا عيونك






رد مع اقتباس
قديم 01-01-2010, 10:55 PM   رقم المشاركة : 395
عاشق الأحساس
Band
 
الصورة الرمزية عاشق الأحساس


اضغط على الصورة لفتحها بصفحة مستقلة







بعنا فينا واشترينا


ولا درينا بالثمن


الغدرمنا وفينا ... لا تقول من الزمن


ما تصير الناس ناس ... لا رحل عنها الضمير


ما تصير الناس ناس ...لا طغى فيها الكبير



الوهم يكبر ونكبر ... داخل الأوهام هم


الألم يكبر ونكبر ... داخل الألم غم




لـــــــــيـــــــــــــــه؟؟؟


ليه كل كف جبرتنا... لملمتنا وكسرت


ليه كل كف حضنتنا ... شتتنا ورحلت


يعني هي هذي الحياة ؟؟وإلا يعني هذا حنا


لا رحل عنا الضمير نهدي الأيام آآآه


.....


من هدم نفسه بنفسه ... ما بنى عمره صحيح


والضعيف من النفوس ... يهدي عمره لأي ريح


لا تلتفت...لا تنادي ... لا بشر حولك ولا حولك مبادئ



لك مصيرمن المصير


ولك جروحمن الجروح


ولك حياة من الحياة


ومن نصيب من الآآآآآه آآآآآآه






رد مع اقتباس
قديم 03-01-2010, 02:05 AM   رقم المشاركة : 396
عاشق الأحساس
Band
 
الصورة الرمزية عاشق الأحساس





اضغط على الصورة لفتحها بصفحة مستقلة



والله أني كنت ألوم اللي يضيق إن غاب خله .. لين جربت المحبة والفراق وقلت توبه..
نعنبو جد المفارق فيه هم وفيه ذله .. أثر كل الحب لذه والفراق اكبر عيوبه ..
أمس فارقت الغلا ومفارق الخلان عله.. ولعلاج الوصل لا تبلش طبيب ولا حبوبه..
الزعل هو سبة الفرقى يهز الحب كله .. ليتني طولة بالي قبل لا يعلن غروبه ..
وهني اللي وسيع الصدر صدره وسع فله .. غلطة الصاحب تجي وتروح ماهي بمحسوبه ..
سامح الله طبعي اللي للتغير يالعله .. قاضب (ن) خلك عزيز لين صارت لي عقوبه ..
ليش تحسب غلطة الصاحب على الصاحب مذله .. ليش ما تحسب ميانه لو تجي عشرين نوبه ..
ولا وربي كنت أحبه حيل مادورت زله .. لا تشكك في غلاه ولا تساعد في هروبه ..
لايمي قبلك تعبت ألوم شعار المجله .. كنت مؤمن في مقولة أعذب الشعر الكذوبه ..
وأثر كل (ن) في حياته له تجارب مستقله.. وأنت لاتشره على مثلي وتبلا لك بحوبه..
جان جابتك الحميه روح له تكفى وقل له.. لايخليني وإذا وده يخفف من ذنوبه..
يستخير وله غلا قلب (ن) صدوق مايمله.. فدوة (ن) له قلبي من شماله لي جنوبه..
يوم قفا والخفوق يفوح عقبه فوح دله.. وسط وقدت واحد (ن) عز الشتا والسهر دوبه..
لا تقهوى بارده من برد فنجاله وزله.. ثم قربها على جال الجمر وارها شبوبه..
وين يدله الخفوق وكل مايدله يتله.. طاري اللي يا كثر مااتعبت رجلي في دروبه..
لاطرأ جريت ونة من بلاده مستحله.. مثل ماراحت بلادي مع شعارات العروبه..
كل هاجوس يجيبه جعل شعري فدوة (ن) له.. واعذابي كل ما جابتلي القبله هبوبه..
مشغل قلبي بحبه دون خلق الله من الله.. هيه ياللي ممتلكني حسن وأسلوب وعذوبه..
ما سمعت إن الخوي له بالخوي تسعين زله.. وأنت طوف زلتي ياعل تفداك اللعوبه..
صاحبي سيف الهجر لا صرت تقدر لا تسله.. ماتظن العفو عند المقدره أكبر عقوبه..
ايه أنا اللي كنت ألوم اللي يضيق إن غاب خله.. بس جربت المحبة الفراق ولت توبه








رد مع اقتباس
قديم 06-01-2010, 02:52 AM   رقم المشاركة : 397
عاشق الأحساس
Band
 
الصورة الرمزية عاشق الأحساس








خلاص الماضي ودعته محيت ذكراك من قلبي
انا من باعني بعته ولا دربة يجيي دربي


بعاند كل احاسيسي وببدا خطوة النسيان
متى ما زارني طيفك بقوله روح يا خوان


صبرت اكثر من الازم صبرت وما بقى بي حيل
وعمري صار باسبابك بقايا للسهر والليل









رد مع اقتباس
قديم 26-01-2010, 11:05 PM   رقم المشاركة : 398
عاشق الأحساس
Band
 
الصورة الرمزية عاشق الأحساس




اضغط على الصورة لفتحها بصفحة مستقلة




لا تقـول لـي مشتـاق مـاهـو بمعـقـول؟؟
يعـنـي بـعـد فـرقـاي حنـيـت واشتـقـت!!
هــذاك لـــو انـــك تبـيـنـي عـلــى طـــول
يمـكـن تـلاحــق شـــي كـانــك تـلاحـقـت
اللـي بقـا لـي فصـل مـن خمـسـة فـصـول
اعـيـش بــه ذكــراك مــن وقـــت لـوقــت
مقـدر علـى وصـلـك مــن الـحـول للـحـول
دامـــك مـــع ســكــة غـيـابــك تـعـلـقـت
ومـاعـاد عـنـدي قـلـب يصـبـر ولا حـــول
صبّـرت نفسـي صبـر مــن فــوق ماطـقـت
وعـرفـت معـنـى الـهـم بالفـعـل والـقــول
وشبـعـت مــن طـعـمـه كـثــر مـاتـذوقـت
وشربـت حـزن وصــرت بالـحـزن مثـمـول
وللحيـن فـي سكـرة حـزن مـا بعـد فـقـت
لا تحسـب ان الـجـرح فــي لحـظـه يــزول
ولا تحـسـب انــي لازرق الـدمـع صـدقــت
هــذااااك الاول عـادنــي فـيــك مـذهــول
يـامـا عـلـى شـانـك زعـلــت وتضـايـقـت
واكتب قصيدي بـك يـا غالـي يـا مجمـول
وان جيتنـي صفقـت .. وان رحـت صفقـت!!
وذلحيـن عــن الاشــواق والـحـب مشـغـول
مــن بـعـد مــا شـفـت الخبـايـا وبـرقــت
حـتــى دريـــت ان الـزمــن كـلــه يـقــول
لا تـامــن الـدنـيـا لــــو انــــك تـفـوقــت
وانـا تــرى مـانـي عــن البـعـد مـسـؤول
حلـمـتـنـي حــلــم الــفـــراق وتـحـقـقــت
وارسلـت لـي مرسـول وارسـلـت مـرسـول
علـقـت مـــا عـلـقـت مـــا كـنــك عـلـقـت
ان جيتني (( منقول)) وان رحت ((مقبول))
امــا الـهــوى شـبـعـت مـنــه ,, وغـلّـقـت









رد مع اقتباس
قديم 29-01-2010, 02:58 PM   رقم المشاركة : 399
عاشق الأحساس
Band
 
الصورة الرمزية عاشق الأحساس






ما يفضح اللي حب الا اخر اللحظات
لا مد كفه بالوداع و صد بعيونه
معلن رايات الأسف و جيش من العبرات
و بين الحنايا صهيل خيول محزونة
سلام ياللي ناوي الفرقا عدد ما فات
و تعداد ما مر السحاب و هلت مزونه
سلام من قلب سكنته انت و الحسرات
غلاي تكفى يا مودع ناظري صونه
ارحل و انا بارحل .. معي هم و تعب و سكات
و اسرار ما بيني و بين الروح مدفونه
ارحل ما دام الله كتب لك يالحبيب شتات
ما لي على حكم القدر رايٍ و لا مونه
ما لي بعدك .. إلا الصبر و مجاذب الونات
و قصيدي اللي كل خلق الله يغنونه
و ان طالت الغيبة أبانعي الحب .. لو ما مات
عسى الهوى بك يشتعل و تردك ظنونه
باحاول انسى و لو يصيح الشوق بي هيهات
و باحاول اسلى و لو يصيح القلب باهونه

















رد مع اقتباس
قديم 19-02-2010, 01:02 AM   رقم المشاركة : 400
عاشق الأحساس
Band
 
الصورة الرمزية عاشق الأحساس

اضغط على الصورة لفتحها بصفحة مستقلة




شفت وشلون خلق الله تحب الكلام
قلت لك لا تصدق كلامهم ما اقتنعت

ليش ضيقت صدري بالعتب والملام
وانت يا ما كلموني عنك وما سمعت

جيتني وانت ودك بزعل والخطام
باين اللي يبي السبه ولو ما اندفعت

غيروك العواذل طعتهم يا حرام
عقب ماكنت مقبل بالمحبة رجعت

خلهم ينفعونك لا تزيد اتهام
من عرفتك مضره وانت عمرك نفعت

وين كلمة احبك وين ذاك الغرام
ليش نزلت قدرك عقب ما انت ارتفعت

اه يا قوى قلبك لك عيون تنام
تجرح اللي يحبك بالكلام وقطعت

كان لك قدر عندي وانتهاء وسلام
غلطتي جيت كلي بالمحبه وظعت






رد مع اقتباس
إضافة رد

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:19 PM.




 


    مجمموعة ترايدنت العربية