الكل يعرف انا انسان صريح وماصل والي بقلبي على خشمي قصدي على الساني عجب عجاب يا اعضاء الضحك والفرفشه الكل يكتب موضوع نكت
طيب وغيره ماعندكم نشوف الاعضاء الاغلبيه مواضيعهم مكرره واذا نقلنا الموضوع ارسل رساله خاصه وصار يزعل ( اكيد الكل راح يضن انه هو الاغلبيه رسلت رسايل خاصه ) <<== الظاهر ماحد بيرد على الموضوع اذا كانت المقدمه بسكال قصدي عتاب
هذي معلومات قبل لا ابدا الموضوع الي كالعاده الي يردون علي الاعضاء نفسهم الي ردو بهذاك الموضوع والباقي يدخل ويضحك ويقول تسلم <= تعب نفسه وربي ( وجه معصب )
نبدا الموضوع بدون فلسفه وخنبقه كالعاده وحينما كانت الشمس صفراء والاعشاب خضراء ووجهوكم حمراء بعد المقدمـه هذي
كنت في الماضي طفلاً يحب العب ويعشق الكره كان طموحي اكون مثل الكبتن ماجد ودايم اقول لجـدو ابي شورت على شان اكون مثل الاعبين واذهـب الى كأس العـالـم ولاكـن الكـل يعـرف ان جـدو عـاق مع ولـد بنتـه
جـدو: الصعب يامال الوجع الي يصيبك ولا يفكك كسرة الزجاج <<= اموت على المثقف خخخخخ اعقل ولا قسمن لا اتوطاك
الصعب: هاهاهاها ما بقى الا هي يالشايب العايب اقول فكنا من الهرج وطول السان ولا قسمن بالكره افقع خشمك واطيح سنونك الي كلها تركيب خي خي خي
جـدو : بعدما كبر سني ورقى عضمي وكثر الشيب في راسي وعجزة عصاقيلي على الركض صرت تهايط يالدلخ انقلع لميمتك لا افقع وجهك بس
الصعب: خي خي خي تفقع وجهي اذا كانك قوي العب معي كره ونشوف من الي يفوز <== طبعاً طول هذا الكلام ويدي على خصري وشغل بزراين
تركت جـدو يهذي ويهلوس لوحـده وذهـبت مع بزارين الحاره عـنـدنا مباره مع بزارين الحاره الثانيه وعندما انطلدز الى المباره جلس جـدو يفكر كيف يصير لاعب لبس البدلـه الحمراء والشورت الاصفر والشرابات الزرقاء وجالس يركض بالحوش ويتمرن علىى اساس ينتصر على الصعب بالحيل
رجعت من المباره بعد فوز مستحق لبزارين الحاره الثانيه وفقعو خشمونا 10 صفر رجعت الى البيت وانا مكسور الجناح على الهـزيمـه الي صارت لنـا وعند دخولي البيت الا بجـدو يركض بالحوش وقفت مذهولاً بما اراه امامي
الصعب : جـدو قسمن انك لاعب بجـد وش رايك تلعب معنا باتسر
جـدو : الجيل هذا لكم ايام اول يوم كنت امسك الكره وما افكها الا بالقول يلا ايام لا تنسى
الصعب : طيب جـدو اعطني بعض مهاراتك بالكره <<= ابوك بالمثقف
جـدو : اندزلع بس غرفتك ذاكر دروسك ازين لعبي هذا ما راح توصل له حتى باحلامـك يالدلخ
ذهبت الى الغرفه وانا بحـزن شديد بعد الي حدث لي من جـدو وتحطيم هذا دخلت الغرفه فتحت النـت تصفحت احـد المواقـع الا بشي عجيب وهو بعنوان
اكتب اسم الي تبيه وراح نرجع لك الذاكره الى ورا كتب اسم جدو كاملاً وراجع بي الى الذاكره الى الخلف دحدرو عويناتكم تحت ونشوف ماذا حصـــل
رعصت على اسم جـدو الا يطلع لي وش تبي نرجع بك الذاكره كـن سنـه قلت 30 على ايام عـزه وقوته ومهارته في العب رجع بي الى الورا ثلاثين سنـــه
الا واناظر جـدو يخرج من البيت يذهب الى الملعب ( قلت بس راح اعرف سبب قوتك في العب يالدلخ <<== يمون على جـده )
الى وجـدو ينـزل المـلعـب ويركض ورا الكره ويصفع على خشته ( قلت من حق لاعب ) خخخخخخخخخخ يطامر ورا الكره والكل يلعب عليـه ويصفع للمره الثانيـه افا ياجـدو وين العب ما دل لك طريق اصبر علي انت بسس اوريك انا وتقوول ايام الاول راحت قبل لا اذهـب قلت ورا ما اشوف اميمتي وش تسوي هذا الوقت على شان اذا ما عطتني فلوس اعلم جـدو عليها
<<== قايل لكم شغل بزاريــن خخخخخخخخخخخخخخ
دخلت على اميمتي واذا وهي تطامر فوق السطح <<= قلت اكيد تنشر الغسيل ( وجه بريء ) الا واناظر الرجال الي بسطح الثاني قلت يالصعب قسمن هذا ماهوب غريب عليك من من من اي تذكرت الوالـد <<== قلت حلوت السهره يالصعب خخخخخخخخخخخخخخخخخخخخخخخ
اميمتي : وينـك منذو مبطي ما شفتك عسى ماشرر ليكون صار لك شي <<= ابوك يالخوف والحب في نفس الوقت ( وجه يمد لسانه )
الوالد : لا ولا شي بس افكر بالقمر وراحت علي نـوم ياقمــررر
[COLOR=crimson]اميمتي : اي ده الكلام العسل <<= وثمن دنقت رويسها مستحيه [/COLOR]<<== كل هذا ومستحيه اصبري بس لمن انزل لتس حرام الثقه الي معطيها اياتس جـدو
الوالـد : طيب اسمعي باتسر على نفس الوقـت على شان ابوتس الدلخ بالطريق جالس يحرول اشوفه تقولي ضب توه باديه البرص خخخخخ
اميتي : يلا ياتسبدي باتسر الوعد بشتاق لك امــووااه <<= مشفر
رجعت اميمتي الى الحوش تسحر وتمرح وتطامر بعدما رات حبيبها الا بدخلت جـدو الحـزيـن الى بيـت بعـدما الكـل يهـاوشـه وما شـاف قـدامـه الا اميمتي قال خلتي ابرد تسبدي فيها ( ياويلي ويلاه يهايط على اميمتي يومي مانيب مجـود اصبر علي محسوبه عليك ) <<== صـدز دلـخ
جـاء الليل بسواده وذهبت اميمتي الى نـوم وجلست تفكر بالحبيب المنتظر وصارت تقول بعض الاشعار نسمع مع بعض
لعيونك صارت حياتي مطامر السطوح ** ياليت الي يجمعنا بكوخ واحــــد
على شانك تحملت من ابيي على خشتي لوح ** متى ارتاح منه يابعـيــد
مالي والسطوح ياحبيبي مزوح ** صارت حيااتي كلها عذاب ماهو جيـد
الكل يقول صح السانك ولا مانيب مكمل معكم خخخخ ايه زيـن نرجع الى الموضوع
قلت صـدز اميمتي شاعره وينك يا اخرة العنقود وصادق الكلمه والرقاص تشوفون اميتي قسمن تعتزلون الشعر اصبحت تشعر طول الليل بهذا الحبيب المنتظر كي يطرق بابها خاطباً طالت المده واميمتي لمن تذهب الى السطوح لاكن لا نعلم اذا كانه تغلي او دلع الوكـاد تغلي << اها بس اها
استمرت اميمتي على هذا الحال طويلاً تسهر بالليل وتشعر على الحبيب ( اميمتي مراهقه الله يرجها ) وجـات السـاعـه السادســه صبـاحـاً وجـدو صحى مـن نــومــه
جــدو : نـويـر وجـع ويـن الفـطور <<== اووص لاحد يعلم ان اسم اميمتي نوير صيـتـه جلعتس للعقارب قولي امين وينتس <<= هذي جـدتي ( وجه يمد لسانه )
صيتـه : هـب عليك يالشايب صوتك واصل بيت الجيران اركد فضحتنــا
اميمتي : ورا ما نخليـه فـوق السطح هالفجريات يصحي الناس للصلاة الفجر خي خي خي خي
جــدو : ان ديك يا ام اربعه واربعـي يلي لساانـك يلوط اذانك نعلمهم على الطراره راحو بيت الجيران قبلنا <<== ياتتكلم زين او انقلع
الله يرجكم دايم اهواش حتى في الماضي والمضارع والامر <<= وراك على الغه العربيــه <<== كل هذا سبب عشقه لنــووون النســوه
قـلت انـا يالصعب وراك عارف اهواشـهم خلني اطفي الجهـاز وتوني بطفيـه الا بشي غريب اسمع صووت طررررراخ طرررررررراخ
طرررررراخ طررررررررراخ <<= صوت الباب
اميمتي انطدلزت تفتـح البـاب الا والدحـمـي (( نبذه عـن الـدحمي كان يطارد اميمتي ويحاول يشبكها ويموت فيها ولاكن اميمتي ما كانت تحب الا الوالد )) اميمتي وراك ضارب الباب ياجعلك الساحق والرصاص المتلاحق <<== اميمته مابوه اسلووب
الدحمي نوير جيت اطلب يدتس من ابوتس الا بجـدو نـط مـن الباب يالي ما تستحي من تبي تبوس <<== فاهم غـلـط وياخذ علقه عمرها ما صارت ولا استوت واميمتي تضحك عليه الا فجائـه اراها انطدزلت مسرعـه الى السـطـح الا والمـوعـد الغـرامـي مـوجـود
اميمتي : ياحبيبي خـذ الكلمه الاخير الشايب الله يحفظـه يقول وحده على جمالك الكل يبيها وراح يزوجني بسرعه اذا تبيني تعال اخطبني واذا لاع اندزلع وفارق <<== من حق اسلوب
الوالد : اليوم ان شاء اللـه جاي اخطبتس يابعد تسبدي انتي ما يصير خاطرتس الا طيب تامرين امر ياسكر انتي
جـاء وقـت صـلاة العشاء وذهــب جـدو الـى الصــلا ثمـن رجـع والى بطرقت الباب طرراخ طرراخ فتـح الباب الا والوالد مع جـدو بابا وجـدتـي بابا <<= اموت على الدلع الي تسذا خخخخخخ ثـمـن جـدتي بابا صايرتن تحتسي ان تبي تخطـب ولـدهـا لنوير( اميمتي ) وصارت المـوافـقـه واليوم الخمس موعـد الزواج وصارت اميمتي ثقيله ما تطمر السطـح على شان يشتاق لك ابيي
وجاء يـوم الخـمـيـس الا والمعـازيـم وثمـن دخلت اميمتي على اغنيـــة
اتمخـطري ياحـلوه يازيــنـه واميمتي متشققه مـن الضحـكـه وثمـن دخـل بيي وثمـن اخـذهـاا <<= والبـاقي مشـفرر
قـلـت خـلاص يالصعـب ورا ما تشــوف نفسك وانت صغيـرر ويوم ولدتني امـي وقفت الشـريـط الا بصـورتي بالشـورت ومكتـوب عليه الضحك والفرفشه
قلت وجـع مـن يومي صغير والضحك والفرفشه وراي قلت اصبر يالصعب نشووف اخرتـهـا مـع هـذي الدلاخـه الوراثـه بالعائلـه صبرت شوي وانا اناظر اميمتي تصايح مامي مامي <<== اموت على الدلع الي تسذا وجات جـدتي مسرعـه وش فيتس اميمتي الباب افتحيـه طمرت جـدتي تفتح الباب الا وهـذاك الحريم الي يدخـلون وانا جالس اناظر ومافـي مـن تـدخـل وحـد الغرفه الي فيها اميمتي خـذ يـا بووسـه واذا بي استحـي واطفي الجـهـاز <== اي هيـن خخخخخ ( وجه بريء )
حـتـى اسـمـع الكـل يـقـول لميمتي من جاملاً فيني كـل وحده تمنت تحمل فيهم وتجيب بنت على شان اخطبها <<== ( لو سمحتي كل واحد يقول لا اله الا الله ) خابرين العيـن حـق
وارعص على بعـد اربع سنوات من ولادتي او خمس الا واناظر بنات الحاره كله(ن) واقفات على عاير بيتنا ينتظروني قلت يالصعب من انت صغير والبنات مطامر واذا بسعابيلي تتساقط على الكيبورد من شـدة الحماس
قلت يا صع صع ورا ما تشووف جـدوو وهـو صغير(ن) بالحيل قـداً قـداً ودارت الفكره بالمخيخ ثلاث مرات قلت صعووبي نفذاها على شان تشوف تسيف يتغزل مع بنات الحاره وهل كان محبوب مثلي ؟؟ عدت اسأله طرت على بالي وقمت بالتنفيذ نشووف معكم وش صار ( وجه طايرتن بوهته )
بنت حلووه تنشر الغسيل بالسطوح الا بهذاك الشاب الوسيم <<= يبي يعلمكم كل العائله زيون الا بهذاك الي بدا يتحرش فيهـا هيه انتي ياحلوه
ردت البنت بعصبيه من انت يالدلخ ما تستحي على وجهك يلي فيك وفيك رد عليها جـدوو كل البنات في البدايه يقولون تسذا وبعدين يخقون معك ( وجه ضاحك )
البنت روح ياجعلك لساحق والماحق
الا بسرعـان ما رد عليها جـدو وعليك الرصاص المتلاحق خخخخخخخ
فخرجت من البنت قهقهات كبيره وجـدو ضاعت علومه ايه ده الضحك الحلو ده
<<== يزعم انه اسلوب خخخخخخخخخخخخخخخخخخخخخخخخخ
فالبنت خقة معـه وصار يتواعـدون فـي السـطوح لاكـن البـنت هـذي ماهيب غريبه علي وافكر وافكر وافكر <<== مع اني عارف اني مابوه عاقل فيذا ( وجه يمد لسانه ) ولاكن استمريت على هـذي الحـاله والا واشوف خشمها محذوف على جهة اليمين قلت بس هذي طانط ( جـدتي ) لاني تذكرت انها قالت لي يومي صغيره ابيي صافعني على خشمي من تأثيرات الصفعـه انعواج خشمي 180 درجـه
طفح الكيل وانزل تحت لميمتي وجـدو وجـدتي واقول ( السطوح السطوح الوعد في السطوح ) واذا بـهـم يعرفون ما كشفـتـه عـنـهــم ويشتغلـون صفـع فيني
وانا الحين سجين بالغرفه واكتب لكم الموضوع هـذا وتـأثيرات الضراب بخشتي
مــلاحـضـه ومـا يستفـاد
1- العنوان مجرد كتابه والموضوع بعيد عن العنوان
2- هـل سـوف تـكـون بداية زواجي علاقه وغرام بالسطوح
3- الي يكتب بالضحك والفرفشه مووضع نكته بحذفه تبدلتو تسبدونا
4- اياك وضـن الشين باهلـك ( وجه بريئ )
5- الماضي ذهـب مع الريح
6- ان شاء الله نشوف الردود الزينـه والسنعـه
( تحـذيـر )
- انا لمن جيت اكتب موضوع اكتبه على طول يعني ما اكتب جزء واكمل الباقي بعدين وفكره حلوه تكتب الموضوع منه شوي وتكمله باتسر على شان تبدع فيه اكثر ولاكن هذا الشي ما اسوي انا واكتب الموضوع على طول يعني العذر والسموحـه للي مـا عجـبـه المـوضوع وانا بشر اخطي
تخبصــــاتــي !!!!!!
العرض العادي
