السلام عليكم ورحمة الله ......
الحقيقة انا عندي موضوع كنت أفكر فيه بوضعنا الحالي بمجتمعنا السعودي
ويمكن الخليجي بصوره عامه عن المكتأبين نفسياً وأنهم دائماً متهمين من
بعض المشايخ والأئمه هداهم الله بأن من فيه إكتئاب فهو مقصر بدينه
ويفعل المحرمات أو أنه لايحافظ على الصلاة !!
الحقيقه هذا شي غلط ... الاكتئاب أسبابه كثيره جداً حتى أن بعضها وراثي
فيه ناس يصلون والحمدلله لم يفعلوا مايغضب ربهم لكن مكتئبين ..
ليس أحد معصوم من الحزن والاكتئاب ... فكلنا معرضون لهذه الاوهام
والمشكله بأهالينا ومشايخنا الكرام إذا أحد من والدين هالمسكين مكتئب
ودوه عن شيخ يتفل عليه ويتهمه بالتقصير بالصلاة ...!!!!!!
هل يعقل ؟؟؟ أهل شخص عادي إنسان يحكم على غيره من البشر بالتقصير
بدينه من غير وجه حق ! هذا علشانه هالمسكين مكتأب ؟؟
وإذا احد نصح المساكين يروح لأطباء نفسيين أتهموه بالجنون وقلة العقل .!
يقولو أنت مانت صاحي أحد يروح لطبيب نفساني !!!!!
ليش وشفيه الطبيب النفسي ؟؟ على الاقل أحسن من بعض هالمشعوذين
أو بعض الناس اللي همه يبيع قوارير زيت أو أوراق مكتوبه فيها آيات
لو تسأله وش معناها صرفك ويفسرلك لها تفسيرات أي كلام ........
أنا الحقيقة ماأعترض عن العلاج بالقرآن بالعكس أنا أؤيد علاج به
لكن أنا معترض على هاللي يبيعون هالقوراير والارقيات القرآنيه بس تشوفه
مشاء الله يربي هاللحيه وإذا جاب راس مال تشوفه بالمؤسسات رجل أعمال
مشهور وراعي سفريات ( أحتفظ ببعض الاسماء ) ... هذولا الناس هاللي
يبيعون ماهمهم والله كئآبه شخص أو علاج شخص همهم الربح وبأسعار
خياليه .. أجل معقوله ..قاروره ( ماء صحه أم ريالين ) فيها زيت زيتون
أو ماء الورد ... يبيعها 150 أو 200 وبعضها تصل لل 500 !!!!!!!
معقوووووووووووووووووووووووووووول ياناس؟؟؟ لا ويقول أنها مقريه
بالقرآن طيب أنا لو أجيب مآء صحه وأقرى عليها وأصبها لنفسي ماتجي ؟؟
لاااااااااااا يوقووووووووووووول ماتجي انت قرايتك مهي مباركه ؟؟
والله هالاخ أو على كلام الناس له شيخ أو الامام قرايته مباركه !!
والله صار نبي على غفله ؟؟ معقوله وصل تفكيرنا لهالدرجه !!!
وين عقولنا ...
لو هو يعرف الله ويبي الاجر ماكان باعها أصلاً ..............
أنا نفسي تعطوني رايكم بصراحه عن هذا الموضوع لاني اشوفه بدى يتفشى
بينا حنى يالمسلمين بكثره خصوصاً لطلاب المدارس ( الله يعينهم )
وأيضاً المتزوجين وبعض الشباب العاطل وووو ......... إلى اخره |
العرض العادي
