مــــــــــــــــــــــرحـــــــــــــــــــــــــ ــــــــبا
فيكم كووووووووووووولكم ........ صبااااااااااايا و شبااااااااااااااااااب
على طوووول على طوووووول و من غير لف و دوران..
سافرنا اسبــــــــــــــــانيا
هالسفره .... قديمه شوي ... الصيف اللي فااااااااات...
الرحله .... كان فيها كووووووووول شي .. وناسه .. جو حلو .. طبيعه .. مغامرات .. سهر ..
و كل مايخطر ببالكم!!!
كانت مدتها شهر ... مقسمه بين (
برشلونه ..
سان سبستيان...
ماربيا.. و بالأخير برشلونه مره ثانيه )
المناطق كلها حلوه ... بس
برشلونه غير
و لحبي فيها ... حبيت اخصص هالموضوع لها..
بداية الرحله كالعاده من بيتنا و توجهنا لمطار الملك فهد الدولي
>>> احلى مابهالمطار سندويشة الهت دوق هههههههههههههههههه
و بدينا بالإجراءات .... و الفيز اللي كنا مطلعينهم **
شنجن ** من السفاره الإيطاليه
و حنا في خضم الإجراءات و تسحيب الشنط ... جانا موظف الخطوط و قال
لأن فيزكم من السفاره الإيطاليه احتمال يمسكووووونكم بهولندا و يحققون معكم << يالهوي
انا هنا طارت عيووووووني .... وين يحققون معي معرف هوووولندي
قلت لأبوي انت متقصد هالحركه ... تيبهم ياخذونا رهاااااين و ترتاح من خششنـــــا <<< مالووومه
ماتبيني اعرس <<< كلن يغني على ليلاه!!!
ابي اعرس
ابي اعرس
ابي اعرس
بس بالأخير الرجال يوم شافني مشفوووحه عالعرس ... قال مو دايم تصير هالحركه ..
و من 6 شهور .. ماعاد مسكوا حد و رجعوووهم بس مره ثااانيه طسوا و طلعوها من المكان
اللي رايحين له .. و قلنا ابشر!!
خلصنا اجراءاتنا ... و قعدت اتبكبك في ارض المطار ... و ادقدق على كل من يعزوووون علي
اعطيهم الوصايا الأخيره <<< اكره الطيارااااااااااااااات!!
)(
)(
)(
بودعك يا الضنا انا و بخليك
عسى عيوووونك ماتشوف النكاده
اتبكبك و انا اكل الهت دوووووق و اشرب شااااهي <<<< مافرطت بالسندويشه
الموووووهم ... قالوا لنا يله اللي يبي يسااافر يرز خشته عند البوابه
و رزيناها بكل ونااااسه و سروووووور <<< الا انا اصيح .. ابي هدوووقه ثانيه!!!
و كانت الرحله على الخطوط الهوووولنديه ... تراهم بايخين اكلهم مااااسخ و طيارتهم اللي
ركبناها ما كان فيها تلفزيوووووون...
>>> بنظري احلى شي القطريه ياحبي لها هالخطوط عليهم صياديه موب صاحيه!!
>>> ترى انا وحده اقدر الأكل بالطياره ... و احكم على الخطوط من اكلهم << ماقلنا كلن
يغني على ليلاه!!!
بعد رحله طويله شااااقه ... كوووولها نوم .... وصلنا لهولندا ترانزيت ... و حنا بالإجراءات
جانا ذاك الطويل الأصلع اللي قز فينا قزه مدري وش تبي <<< انا قلت خلاص بيحققون معي
و سأل ليش رايحين اسبانيا !!! وش عندكم هناك !!! و كم معكم فلوس !!! ى<<< ابوك ياللقافه
و بعد انتظار ... كملنا لأسبانيا ... و كانت رحله قصيره مره بس ما اذكر كم...
و اول ماطلعنا من المطار ... ذاك الجو الزين <<< آآآآآآه بس !!! و ذيك المناظر الحلوه
بس الشين فيهم ... سواقين التكاسي اغلبهم مايعرفون انجليزي ... يعني اكتبوا اسم المكان على
ورقه احسن...
توجهنا لفندق اسمه (
رويال) الي يتميز بموقع ممتاز بالقرب
من الرامبلا... اضطرينا البقاء فيه
ليلتين ... حتى وقت حجزنا بــ ((
بالجران مارين )),,
بالليل .. طلعنا لـــ ((
شارع الرامبلا )) .. و هو من المعالم السياحيه المميزه هناك..
/
معلوووووووووووووومه ثقاااااااااااااااافيه :
أصل الكلمة يعود من كلمة عربيه وهي (
رمله )
فلو تلاحظون هو يكتب بهذه الصورة
La Rambla
ولو قمنا بحذف حرف b .... لأصبحت الكلمة
Rambla
وقد سمي شارع رملة بهذا الأسم
لما كان عليه سابقا فقد كان أرض رملية تم رصفه وتشجيره في وقت ٍ لاحق
وقد أصبح حالياً من اكثر الأماكن أزدحاما بالسواح في برشلونة ...
عباره عن ممشى كبير و على جوانبه فرق استعراضيه او اشخاص بلحالهم يقدمون استعراضات
و بعضها غريب من نوعه ... و يوجد ايضا عدد كبير من المطاعم <<< و على طاري المطاعم
الله يسلمكم توني ماكملت 24 ساعه برى البلد .. الا و اتشهون على رز و مو اي رز
ابي كبسه !!! و نلفلف طوووول الرامبلا و مالقينا حتى رز <<< مايعرفونه هناك!!!!
و ندخل محل يقدم الباييلا تبعهم بس من جد طعمها كريه .... قمنا طلعنا و مشيناها شاورما!!!
المطاعم العربيه موجوده هناك بكثره ... نظرا لنسبة العرب الكبيره الموجوده في اسبانيا...
7
7
7
هذي صورة مطعم اسمه ((
بيــــــــتا )) .. يقدم شاورما و فلافل و هالشغلات الحلوه...
و الحلو عندهم ... انت بنفسك تعبي خبزتك باللي تبي ... هذا طبعا غير النظافه المتميزه
>>> الله يرحم حال شواااارمنا:(
يتميز ايضا الرامبلا بمحلات الهدايا التذكارية وفساتين الفلامينكو
و محلات الورد اللي من جد ينقال عليه ورد <<< الورده بكبر راسي!!!
و بعد هالجوله البسيطه ... رجعنا للفندق
وخش خش خش <<< يعني نمنـــا.
صباح اليوم الثاني ... جولة مميزه بالرامبلا .. بما فيه من مقاهي و مطاعم و مناظر
تسر الخاطر..
و من النشاطات المميزه في هذا اليوم .. هو الذهاب الى منتزه ((
تيبي دابو ))
يقع على راس الجبل <<< الطريق يموت خوووووف بس يستاهل !!
العاب راااائعه و جو مرح في مرح .. بالإضافه طبعا الى العرروض المسرحيه
7
7
7
هذي صور التقطها من لعبة الدولاب الدوار
من جد منظر ولا ارووووووووع...
بس للأسف الملاهي تقفل 5 المغرب و حنا رحنا 3 العصر ... يعني تقدرووون تقولون الوقت
ماكان كااااافي .. و سكر الملاهي و شااااتونا برى ننتظر الباصات او التكااااسي .... و بالمره لقطت هالصوووره
7
7
7
و من رداة الحظ <<< المنحووووس منحوووووس لو علقوا على راسه فااااانوس!!!
الباص اللي يتوجه للمنطقه اللي نبيها يجي آخر وااااحد .... و انا تعبت من الإنتظار
و اخلاقي صارت تحت الزيرو!!
المووووهم ... التكاسي كان عددها قليل مرررره .... و حنا ننتظر تاكسي يطل علينا ... كان فيه
ثنتين جنبنا عندهم نفس الأمل .. و فجـــــأه ... تاااااكسي يطل من بعيد .... و يبدأ السباق و
التشجيع <<<< داخلين الأولمباد خخخخخخخخخخخخخخخخخخ
ابوي يركض للتاكسي ... و وحده من الحريم تسابقه
و حنا هيييييييييه هيييييييييييييييييه
بص شوووووف بابا بيعمل ايه <<<< لازم نرفع معنويااااته نبي التاكسي!!!
بعد شد و جذب .. انتهى السباق بفوز الوااااالد..
>>> يعيـــش يعــــيش يعـــيش البطــــــــل !!!
>>>> الله يباااااارك فيكم خخخخخخخخخخخخخخخخخخخ
و نمشي حنا مستاااانسين و رافعين روسنا نركب بالتاااااكسي و هم يناااااظرون بحسره
و نرجع من جديد للرامبلا <<<< كل مره بهالشارع فيه شي جديد.
في نهااااية شارع الرااااامبلا ... فيه تمثال كولومبس <<< كنا نناديه ابو سمره
7
7
7
برشلـــــــــــــــــــــــــــــــــونه
العرض الشجري
