بسم الله الرحمن الرحيم
احبتي اعضاء منتديات الــود الكــرام
شـدني هـذا المـوضوع فـي أحـد المنتـديات و أحببـت أن أنقلـه لكـم لنتحــاور حـولـه
و الموضـوع يـدور حـول تـهـديد بعـض الشبـاب هـداهم اللـه للفتيــات بالصـور و غيـرهــا
و أتــرككــم مـع كاتبــة الـموضـوع ..
قوه
شلونكم وشخباركم
عساكم بخير
اخواني وخواتي الاعضاء
انا اول مره اكتب موضوع جد وصريح ولا العاده تسليه وضحك
اللي خلاني اكتب هالموضوع شي شفته بالشات
وموضوعي هو عن الشباب اللي يوزعون صور البنات انتقاما منهم
والله صج هالشي شفته بعيني ومعاي صور من الشات تثبت هالشي بس حفاظا على سمعه اللي ناوي ينشر صوره البنت واللي بالبرنت سكرين يقول انه نشرها مسحت اسمه واسم اللي يتكلم معاه
بس ابي اعرف شنو راح يستفيد هالشخص لما يفضح ويشهر بالبنت؟
هل تظنون انه فيه نقص ويبي يطلعه بهالتهديد والتشهير؟
هل يظن لما يشهر بالبنت راح يستفيد شي؟
ما فكر بان هالشي راح يرجع لاهله بعدين؟
ما ادري شنو اكتب او شنو اقول
بس لو واجهتم هالشخص شنو ودكم تقولون له؟
ابي رايكم ومشاركاتكم
ترى الموضوع يستاهل النقاش الجاد وانا كلي ثقه باني راح القى تفاعلكم فيه
وبصراحه سمعت مره من واحد يقول مسوي موقع كامل لبنت لانها تزوجت وخلته
ولا الثاني يقول مركب لها صور اباحيه وناشرها
اما اللي انا مصوره كلامه فهو يقول < يقول > انه نشرها بس لما كنت معاهم بالروم كانوا يطولون على ما يردون كانهم يتفقون على الكلام بالخاص
ابي اعرف لهدرجه وصل الاستهتار باعراض الناس والتشهير فيهم؟
لهدرجه مو خايفين من ربهم يوم القيامه بيوم الحساب شنو راح يصير فيهم؟
مو خايفين بانه خواتهم يطيحون بايد شباب ويسون فيهم مثل ما هم سووا بالبنات ويمكن اكثر؟
بصراحه ماعندي كلام اكثر من جذي
وبالنهايه اترككم مع الصور الماخوذه من احد الشاتات
واحب اوضح نقطه انه اللي بصوره البنت هذي انا
وبالنهايه ما اقول الا الله يبعد عنا هالبلاوي والله ياخذ حق البنات اللي الشباب او بعض البنات نشروا صورهم
الله يهدي الجميع وابي رايكم وتفاعلكم بالموضوع لانه صار ظاهره خطيره بالنت .
انتهـى .
هـذا ما كتبـته صاحبــة المــوضوع ..
و الأن .. بقـي علينـا ان نتحــاور حـول ما حـدث ..
حسـب رأيـي الشخصـي ، إن هـذا الشـاب ( ما تربــى ) و مثـل ما ذكـرت كاتبـة القصــة .. شلـون ما يخــاف ترجـع عليـه المصيبـه نفسهـا فـي أهلـه .. !!
رسـالـتي إلـى هـذا الإنســان [ إن كانت تنطبق عليـه صفـة الإنسـانيـه ] هـي ما يلـي :
عـزيزي ،، ليـس عيبـا أبــدا ان تحــب .. و إن كـان من خــلال الأنتــرنـت و لكــن هـل من الصحـيح أن تفعـل ذلـك فيمـن أحببـتها ؟؟
إن لـم تـكن قــد الحــب لا تحــب و تعـلق الفتــاة معـاك ، لا تشـوه صــوره الحــب بفعلــك المشـين هـذا .. و حتـى لـو كانـت هـي الخائنــة كـن أنــت الطــاهر الوفــي .
قال الرسول على الصلاه والسلام في حديث معناه (( من ستر على مؤمن في الدنيـا ستر الله عليـه يوم القيامه ))
عـزيزي .. إتـق اللـه .. ثـم إتـق اللـه .. ثـم إتـق اللــه !!
أحبتـي
أعتـذر علـى الإطــالة .. و أتــرك لـكم مجــالاَ لأخـذ رأيـكم
و دمــتم أوفيــاء
تحيتي العطره
أنيـن الحـرف
فضيـحـة فتـاة و تـهديد الشـاب لهـا بالصــور !!
فأتقوا الله في اعراض المسلمين...
العرض العادي
