وآآهٍ يا رمضان ..
بقلبي غصّة لأجلك ..
:
هل سأبلغه ؟! وإن بقي في العمر بقية هل سأوفق لصيامه وقيامه ؟ وإن صمته وقمته ؟ هل سأُقبل ؟
شياطين الإنس والجن قُطّاع لطريقنا إلى روح رمضان المشرقة ..
شياطين الإنس والجن يُعدّون العدة من الآن ليُفسدوا علينا حلاوة رمضان وأنسنا بالله فيه ..
وإن كانت أبواب النيران تُغلق برمضان ..
فإن شياطين الإنس والجن يفتحون لنا أبواب الشهوات على مصراعيه ..ليفوتوا علينا رمضان !
وذلك ابتلاء من الله لنا .. لنجاهد في الله حق الجهاد فيرتفع بذلك أجرنا وقدرنا عند الله ..
ياااارب نحتاج لعون منك وقوة ..
يارب .. ماذا لو كان رمضان الأخير الذي أقضيه وأضيعه ؟! :”“
أعنّي يارب ..
أعنّي على نفسي والشيطان ..
أحبتي ..
اسألوا الله بصدق أن يوفقكم ويبلغكم صيامه وقيامه على الوجه الذي يرضيه عنكم ..
كلما صدقتوا كلما كان الله معكم بتوفيقه وعونه ..
اللهم لاتجعل الدنيا أكبر همنا ..
واجعل همنا في رضاك ..
ماجد: السلام عليكم
ريم:هلا وش فيك متاخر اليوم
ماجد:شويه شغل
ريم:شغل ايش
ماجد:تعبان بعدين احكي لك
ريم: ايوه السوالف برا وعندي مافيك حيل تتكلم
ماجد:اقول لك تعبان وجوعان حطي الغدا
ريم:ايوه هذا اللي همك
حطت الغدا وهي مبوزه واكلو وقعدو شوي قدام التلفزيون
ريم:ليش ساكت كلمني
ماجد:وش اقول انتي تكلمي
ريم:ماتشوفني طفشانه من الصبح قاعده لوحدي وانت ولا حاس فيني
ماجد: لاحول ولا قوه الا بالله
ريم في نفسها-الحين انا نظفت البيت وطبخت وتجهزت وتزينت ولا سمعت اي كلمه حلوه كله صمت ومجامله وهو يجي ياكل ويشوف التلفزيون ولا كأن في وحده جنبه اش المخلوق هذا ومتى بيحس فيني اني انثى ابي اسمع كلام حلو وابي اهتمام وغزل وحب.
ماجد-في نفسه الحين هذي وش تبي انا تعبان وهلكان ونعسان لا اشوف ابتسامه ولا موده ولا اهتمام بس تبي تطلعني غلطان ومقصر وظالم وهي ما تحس في وفي رغباتي. وبصوت مبحوح انا داخل انام
وفي نفسه -بروح انخمد واصحى اطلع للقهوه اعدل مزاجي اللي عكرته علينا هالنكديه اللي ما تخلص طلباتها
مشاري :السلام عليكم
ميساء:وعليكم السلام هلا حبيبي
مشاري:تعبان ياميساء وماني طايق نفسي من الحر
جهزت لك الحمام ياقلبي روح خذ لك دش بتبرد
دخل الصاله الا البراد والريحه الزينه وقال في نفسه الله يخليكي لي ياميساء
تركته ميساء وراحت حضرت الاكل ونادته
جا بعد ما اخذ دش واكلوا وراح جلس على الكنبه اللي بالصاله وفتح التلفزيون
جت ميساء حطت الشاي قدامه وهمست حبيبي شكلك تعبان الله يعطيك العافيه تتعب عشاننا كثير
مشاري انبسط واخذ منها كاسه الشاي
ميساء:مشاري ياقلبي روح خذ لك غفوه وريح راسك شوي
مشاري صدقتي حبيبتي
دخل الغرفه وتمدد على السرير: الله الجو هنا بارد مره ومريح
شوي الا دخلت ميساء وراحت على طول جنبه وتسوي له مساج خفيف لرقبته وايديه وظهره
حس مشاري باحساس مريح وان تعبه كله راح
بعدين قالت له بهمس؟حبيبي انا طالعه بخليك ترتاح
ناظر فيها بحنيه وقال خليكي معاي راحتي بقربك
وبعد ما صحيو من النوم
قعدو بالصاله يتقهوون
شافت ميساء زوجها رايق راحت ولبست لها لبس حلو وجذاب وتعطرت وتزينت واول ماطلت عليه من الغرفه قال:واو اش القمر اللي طل علينا اش الجمال هذا
خجلت وحمرت خدودها ومن داخلها كانت فرحانه وحاسه بانوثتها وجمالها
وجلست جنبه وقعد يسولف لها وهو يناظر بعيونها وهي تسولف له بس بهدوء ورقه وتحاول ماتكثر كلام لانها عارفه ان الرجال ما يحبو ثرثره الحريم
وبعدها قضو اوقات جميله مع بعض .
الان حبيباتي اش استفدتو
1-الرجل ما ينظر لجمالك ولا زينتك
ولا نظافه بيتك واناقته
الا بعد ما تريحيه وتمصي تعبه وغضبه
2-اعطي اللي عليكي وبيجيكي اللي لك
3-الزوجه اللي تكثر كلام زوجها يمل منها ويكره البيت
4-العتاب والشكوى تزيد من صمت الزوج وقد تؤدي الى انفجاره بيوم من الايام وقد يكون انفجاره بفعل _زواج او خيانه.
5-الرجل يحب المراه الغامضه الهادئه المعطيه بصمت التي لا تركض خلفه ولا تشعره بحاجتها اليه
افهمي طبيعه الرجل ولا ترجعي تقول تزينت وما مدحني ولا ناظرني .ما يقعد معاي
ماجد: اليوم زواج صديقي سلطان جهزي لي ملابس زين
ريم:بتتأخر
ماجد: لا بالكثير الساعه وحده وانا هنا
.................
في الشقه المجاوره لهم
مشاري :انا رايح الزواج الليله جهزتي لي ملابسي
ميساء: ايوه
ماجد: تبيني اوديكي لاهلك عشان ما تملين
ميساء: ليش بتتاخر كثير
ماجد :لا 12 او وحده
ميساء :اجل بروح لجارتي ريم واتسلى معاها
....................
وراحو الرجال للعرس
وميساء راحت لريم اللي هي جارتها وصديقتها
الساعه 11
ميساء: خلاص ياريم انا اتأخرت بروح
ريم: خلينا متونسين تو الناس
ميساء:والله عندي كم شغله بسوويها قبل يجي مشاري
ريم: الله معك ياقلبي
................
راحت ميساء وطلعت لها من الدولاب قميص نوم ابيض عرايسي من الدانيل والساتان
وراحت اخذت لها دوش واستشورت شعرها وحطت ميك اب ناعم ولبست القميص وحطت العطر اللي كانت حاطه منه ليله زواجها وهو عطر جادور اللي ما تحط منه الا في المناسبات الخاصه عشان يرتبط بذاكرتها هي وزوجها بالمناسبات الجميله والخاصه بهم
واتبخرت بالعود وبخرت الغرفه وراحت تمددت على سريرها ترتاح وتنتظر زوجها
....................
في الشقه المقابله لهم
راحت ريم وتروشت ولبست قميص نوم عاري
وحطت عطر وميك اب خفيف وجلست قدام التلفزيون تطقطق بالريموت وكل شوي تلتفت عالساعه
.............
الساعه 1 صباحا وفي العرس
مشاري وماجد لقيو اصدقاء لهم قدامي وقررو يروحو قهوه يكملو سهرتهم مع بعض بعد انتهاء العرس لانهم لهم كثير ما تقابلو وفرصه قبل لا كل واحد تاخذه الدنيا ولا عاد يشوف زملاؤه
على فكره مشاري وماجد اصدقاء واقارب من بعيد وجيران كمان .
الساعه 2 وريم كل شوي تدق على زوجها وهي معصبه وهو يقفل بوجهها
ميساء قلقت اش فيه تأخر ارسلت له رساله -حبيبي تأخرت اقلقتني عليك-
جاها الرد -اطمني قاعد مع الشله -
..........
ريم راحت غيرت القميص الحلو ولبست بيجاما قديمه ومسحت المكياج وجلست تتذكر اخطاء ماجد من يوم اتزوجها
.............
الساعه 3 وربع
ماجد ومشاري طالعين الشقه
ماجد يلتفت على صديقه:اسألو لاخاكم التثبيت فانه الان يسأل
مشاري:هههههههههههههههه
...........
في شقه ماجد وريم
دخل ماجد كل الانوار طافيه
دخل غرفه النوم ويشوف ريم وجهها معصب
ماجد: اش فيكي
ريم :وبعد تسأل سهران برا ومخليني لحالي وبعد تسكر الجوال بوجهي
ماجد :اجل ارد عليكي عشان كل الشله تسمع صوتك يلعلع انا ماني بزر عندك انا رجال واسوي اللي ابيه مو انا اللي تتحكم في حرمه
وقعدو بين شد وجذب وحالتهم حاله
..............
مشاري دخل الا ريحه عود خفيفه والانوار خفيفه ودخل على غرفه النوم ويشوف قدامه ميساء بكامل زينتها وانوثتها
مشاري:وااااااااااااااو انا العريس اليوم موسلطان
ميساء ابتسمت بدلع وحيا مطصنع طبعا:حبيبي شغلتني عليك ليش تأخرت
مشاري:هو مركز عيونه عليها وحكى لها سالفه اصدقاؤهم القدامى
وبعدين همس لها: شكلك روعه
ميساء حمرت خدودها
وقعد مشاري يسولف لها عن اصدقاءه وهي تضحك
وباتو بليله هانئه وسعيده
حتى أذن الفجر
,,,,,,,,,,,,,,,
الله اكبر الله اكبر
ماجد راح لبس ثوبه وهو تعبان من كثر الهواش وطلع
مشاري كمان طلع للصلاه في نفس الوقت وتقابلو في مدخل الشقق
ماجد طالع مشاري مستغرب منه لان شعره مبلول
ماجد:متروش
مشاري بنص عين:وش رايك
ماجد:ليه
مشاري ويفتح عيونه:نعم
ماجد في نفسه متعجب-يعني ما تهاوشو مثلنا ماهو كان سهران معاي-
............
,,,,,,,,,,,,,,,,,,
ريم وميساء معزومين عند جارتهم اللي ساكنه تحتهم مسويه حفله خطوبه لبنتها,
ريم قدام المرايه تحط اللمسات الاخيره ومعجبه بنفسها ويحق لها لان ريم جميله جدا وبيضاء وجسمها متناسق,
التففت على ماجد بابتسامه:اش رايك فيني؟
ماجد:ما شاء الله قمر
ريم: شكرا
ماجد: لا تطولين بالحفله انا بنتظرك بالبيت ماني طالع
ريم: ان شاء الله
.................
ميساء كانت بقمة الاناقه اللي اظهرت جمالها الطبيعي بشكل رائع ,
الساعه 9 مساء
دخل مشاري البيت وشاف ميساء وبان على ملامحه الجمود,
ميساء: ما اعطيتني رايك!!
مشاري: رايي في ايش؟
ميساء بابتسامه: في شكلي
مشاري: لا بأس
ميساء التفتت عنه وهي تخبي ضحكه....... ايوه ضحكه لانها تعرف زوجها غيووووووووووووور
يغار عليها من كل الناس من اهلها وجيرانها وصديقاتها,ويغار اكثر اذا شاف اناقتها لغيره
عرفت انها اعجبته كثييييييييييييرا,
ميساء مثل كل الحريم تتمنى تسمع غزل ومديح بس اش تسوي هذا طبع زوجها اللي ما قدرت تغيره,بس الحمدلله هي فاهمه اش اللي بقلبه
وهو احيانا يتغزل فيها ويمدحها بس اذا كانت له لوحده...........
الله يعينك ياميساء اش بتسوي اذا جاكي اطفال.
..............
ماجد:ابد قاعد اشوف التلفزيون
ريم قبل لا يسألها زوجها : الحفله حلوه عزمت اهلها واهل العريس وكل الجيران ووووووووو
ولمده عشر دقايق وصفت كل شي بالحفله وماجد يتابع بصمت
ريم : ماجد تدري من قابلت اليوم
ماجد: مين
ريم : ميمونه اللي كانت تدرس معاي بس ما عطيتها وجه سلمت عليها برسميه
ماجد متعجب : ليه
ريم: ما اطيقها كانت اذا سوينا شي تعلم علينا عند المدرسه ايام الابتدائي
ماجد : شايله عليها من الابتدائي!!!!!
ريم : والا ساره اللي ساكنه فوق تدري رافعه خشمها علي ولا اعطتني وجه
مسويه زعلانه لاني ما جبت لها هديه لما ولدت
ماجد: وليه ما جبتي لها
ريم: هي اللي بدت لما سكنت شقتي هذه ما جابت لي شي
تدري ياماجد مارتحت كثير بالحفله احس ان ام سلمان-راعية الحفله-عزمتني مجامله
لانها عارفه اني اكرهها واكره بناتها بس عشان ما يلومونها الجيران
ماجد: وليه تكرهينها
ريم : كذا ماارتحت لها ,هي بس تحب ميساء وكل شوي تقول لها يابنتي , بس ماعلي منها اهم شي رحت واستانست وسويت نفسي ضيفه لا ساعدتها ولا شي وهي وبناتها واهلها مطنشيني ولا كاني موجوده وبس قاعدين سوالف وضحك مع ميساء
ياالله ياماجد ماسمعت بالخبر؟
ماجد بتثاقل : اي خبر؟
بتصير ازمه عالميه جديده والاسعار بترفع نااااااار والعقارات وكل شي
خساره يعني ما يمدينا نشتري بيت
ياالله اش هذي الدنيا نخلص من ازمه يجي مرض يخلص تجي حروب وزلازل وحاله الله يعين
ماجد رجع لورا وقاعد يطالع في ريم ويحس بجمالها يتلاشى
وهي قاعده توصل رسائل لعقله الواعي واللاواعي
ريم حقوده
غير متسامحه
غير محبوبه
ماتعرف الواجب والاصول
متشائمه
وريم مازالت تسرد الكثير من القصص التي لا تهم ماجد ابدا ولا تقرب بينهما وقطع عليها كلامها
ماجد : جيبي لي حبتين بندول
ريم : سلامتك
ماجد :راسي مصدع
راحت ريم تجيب البندول وهو راح لغرفه النوم
اخذ البندول وقال
ماجد: تعبان بنام
راحت ريم غيرت فستانها ولبست قميص وجلست جنب زوجها
طالع فيها ماجد ووجهها عليه بقايا المكياج
_ تعرفون شكل الوحده بعد ما ترجع من عرس وشلون وجهها معرق والمكياج سايح وحالتها حاله لا ولابسه بعد قميص نوم قمه عدم التناسق-
حس ماجد ان رغبته في زوجته وصلت الى مستوى تحت الصفر واعطاها ظهره ونام
اما ريم المسكينه اعطته ظهرها ودموعها خرجت منها بدون اراده وتقول في نفسها_ ليه يعاملي كذا ليش هذا البرود ,قبل لا اروح الحفله كان مشتاق لي ويبيني ارجع بسرعه
ليه يعذبني ليه
............
ليه ياريم ......... لانك ما حطيتي لحبك في قلب زوجك اساس متين اهتميتي بالظاهر وتركتي الباطن
احنا ياريم اللي نحط صورنا في اذهان الاخرين
احنا اللي نفرض حبنا واحترامنا
...........
الساعه 12 ونص
مشاري قاعد بالصاله ومعصب وينتظر ميساء عشان يسوي مشكله
ميساء دقت الجرس
فتح لها الباب مشاري
ميساء بابتسامه حنونه : مساء الخير ياوجه الخير
مشاري : بدري , ويلف عنها
ميساء : بدري من عمرك ياعسل
مشاري : كنتي نمتي عندهم احسن
ميساء تحط ايدها على فمها وتشهق : كيف انام عندهم وحبيبي اخليه لمين
مشاري : رايقه والله
ميساء طلعت قطعه حلاوه من شنطتها من اللي وزعوها في الحفله وحطتها بفمه وتضحك : احد يشوف هالوجه الحلو وما يروق
حس مشاري كانها سكبت مويا بارده على النار اللي كانت فيه
وابتسم وهو ياكل الحلاوى
...............
مشاري رجل عصبي ومزاجي بس من جوه حنون وطيب
وميساء دمها خفيف ومرحه وذكيه جدا مع انها عصبيه
لكنها عرفت ان عصبي x عصبيه = انفجار
وعرفت شلون تتعامل مع مشاري صح
وهو كمان يحاول يكون هادي ورايق
نرجع لهم.
جلست ميساء قدام زوجها وهي تتامله
مشاري : كيف الحفله
ميساء : حلوووووووووووووووووه
مشاري : استانستي
ميساء : جداااااااااااااااااااا
مشاري : ايوه سولفي لي ولا خلاص شبعتي سوالف
ميساء : هههههههههههه
ميساء : امممم اهم شي بالحفله اني كنت اجمل وحده
رجع مشاري لورا وهو رافع حاجبه مع ابتسامه خفيفه : اجمل وحده ؟؟؟؟؟؟؟؟
ميساء بثقه : أجمل وحده
مشاري : ايوه وش بعد ؟
ميساء : ام سلمان عرفتني على اهلها طيبين مره مثلها
وقالو لها خواتها حرام عليكي يا ام سلمان عندك جارتك العسل هذي وما عرفتينا عليها من زمان
اما امها ماشاء الله حرمه صالحه وفيها خير وطيبه مره الكل يحبها ويحترمها
وتشوف بناتها حواليها وحريم عيالها الكل يدور رضاها
تحس ان الدنيا باقي فيها خير
وبعد شفت ساره اللي ساكنه بحاره اهلي
مشاري : ساره ذيك اللي.......وقاطعته ميساء
ميساء: خلاص يامشاري لا تذكرني انا سامحتها لوجه الله
مشاري : طيب ليش تأخرتي توقعتك تجي قبل
ميساء : ياعمري تعرف ام سلمان معتمده علي وانا واياها من الصبح نسوي الحلويات ونرتب يعني لازم اكون معاها للاخر
بعدين كل الجيران مجتمعين ومبسوطين بجمعتنا كلنا مع بعض كل ماقلت بروح وحده تقول خليكي شوي علشاني
تعرف ما نشوف بعضنا كثير كل وحده لاهيه بوظيفتها والا عيالها والا اهلها
وكملت لها سوالف عن المواقف الحلوه اللي صارت وعن الاطفال اللي في الحفله وعن حلاوتهم وبعض النكت اللي سمعتها طبعا بدون ما تذكر قدامه اسم لأي بنت- ماقلت لكم ميساء ذكيه جدا _طبعا ومشاري مستمتع بالسوالف ويحس بالسعاده ويضحك معاها من قلبه,
ويتامل وجهها البرئ وقد وصلت الى عقله رسائل ايجابيه
ميساء اجمل وحده
اجتماعيه
محبوبه
متسامحه
قلبها ابيض لا يحقد
متعاونه
وتعرف الواجب
ودمها خفيف
وسوالفها حلوه
.........
مشاري بدون شعور همس لها : احبك ياميساء
ميساء وهي مبتسمه : وانا بعد
مشاري وهو يقرب منها: انتي ايش؟
ميساء : زي اللي قلت
-ميساء مثل ما قلت لكم ذكيه وتخلي مشاري يتشوق لها ولكل كلمه حلوه منها مومعناها ما تعطيه كلام حلو الا بس موعلى طول بحيث يفقد احساسه بحلاوته في اوقات تعطيه بكرم واوقات تتغلى وتعذبه.
ميساء : اه تعبانه خلاص بروح انام
مشاري : زين
راحت ميساء شالت المكياج كله
واخذت لها دش كامل بجل الاستحمام المفضل لديها برائحه الياسمين
ولبست قميص نوم قطني لتحت الركبه لونه اورنج وحطت قلوس مناسب له وتعطرت بعطر الجسم الياسمين ,
معلومه : الياسمين من اكثر العطور اثاره للرجال
..........
طلعت للصاله ووقفت امام مشاري وهو يتاملها ويشوفها تشع بالنظافه والجمال
ميساء وهي تلعب بخصله من شعرها : تصبح على خير حبيبي
مشاري استنشق رائحه الياسمين وبدون شعور تبعها الى غرفه نومهم
...........
الباقي مشفر ههههههههههههههههههههه
.......................
الساعه 11 صباحا
ريم مانامت زين لانها جلست تفكر ببرود زوجها المفاجئ وتقول بنفسها:امس كل ما شافتني وحده قالت يا بخت زوجها بهالجمال وهو كان احد يبعده عني اكييييييييييييييد ؟؟؟؟؟؟؟؟
وراحت لجارتها وصديقتها ميساء
فتحت لها ميساء الباب
ريم حطت راسها على كتف ميساء وهي تبكي
ريم : عرفت ياميساء اش اللي يصير لي انا وماجد
ميساء وهي قلقه عليها : ايش
ريم : عين
ميساء اللي هي عارفه صديقتها زين :لا ياريممشاكلكم ماهي من العين
ريم: وهي ترجع لورا وتطالع بميساء : اجل من ايش ياميساء
ميساء : اللسان
العرض العادي
