اخواني الأعزاء
قصيده جديده اتمنى ان تنال إعجابكم ..
-----------------------------------------------
شموع المعرفه حجّه على الظلما لها برهان = بها مضمون خير ولو على الظاهر نواسيها
بدايتها نهايتها , نهايتها على العنوان = يجيها العاقل اللي تشرح أفكاره معانيها
يسمّيها على وضح النقا مفتونة الفنّان = يردّدها على لحن الزمان اللي يغنّيها
عشقها واحدٍ ماغيره بيعشق لها إنسان = يسرّحها على كيفه مع الناس ويضوّيها
حفظها في خيالٍ مايداعب نعمة النسيان = حكاية صادق الإحساس نسمعها ونحكيها
جمع مابينهم شوق الليالي والقمر سهران = يتابع قصّة العشّاق فأوّلها وتاليها
صحيح ان الشجر لامات عرقه طاحت الأغصان = ولكن مر بعض أيامنا يرجع بحاليها
ياكم دمعة فرح تشابهت مع دمعة الأحزان = ومابين الدمعتين الفرق واضح لو نداريها
ويبقى للبحر غبّه ويبقى للوفاء عنوان = ولكن من يلوم النفس (ماجاها يكفّيها)