*,’ ضيقوا صدري وأنا صدري مدينة’,*

[ملكة الرومنس]

ياسحاب أمطر على صدري همام ضيقوا صدري وأنا صدري مدينه!

ياجروح ٍ فاقت أوصاف الكلام ياحروف ٍ في وسط صدري رهينه

يامتاهات الحزن في كل عام ياضياع ٍ ضيّع العمر وسنينه

كل مابكتب /حزن ارسم غمام وكل مابرسم/فرح اكتب حزينه

يادموعي ضاقت أنفاسي زحام ليه صوت القلب ماجاوب حنينه

كل مافيني من الضيقة حطام ضيقتي موج البحر وآنا السفينه

اكتب همومي وأردد ياحرام وكل ضلع ٍ جاوب فصدري أنينه

وإن وصلت بشرهتي برج الحمام عودّت آهي على صدري كنينه

وكل ماضاق الفضا أرجع أنام خاطري ضايق ألا يالله تعينه

مابقى في وجه ضيقاتِي احترام ومابقى في خاطري شي ٍ تهينه

قبل أودع ضيقتي مسك الختام ليه دايم ينكتب اسمي حزينه!!

للشاعره :: معربة الجدين..

[شمس القوايل]

يعطيج العافيه ملكة الرومنس ع الطرح والاختيار الرائع

ننتظر جديدج القادم

[ملكة الرومنس]

كل الشكر لتواجدك الغالي شمس القوايل والمميز هنا
ودي وتقديري