العودة   منتديات الـــود > +:::::[ الأقسام الثقافية والأدبية ]:::::+ > همس القوافي
إضافة رد
   
 
أدوات الموضوع تقييم الموضوع انواع عرض الموضوع
قديم 27-05-2022, 09:50 PM   رقم المشاركة : 1
العبيويـ
( ود متميز )
 





العبيويـ غير متصل

البيت واسع و الحنايا و سيعه


سلام عليكم ورحمة الله و بركاتة
.
.

كم تجولنا في هذا الصرح الشامخ
وكم احببته واحببت من فيه
نعم غبنا وغاب تواجدنا ولكن
يحن القلب الى هذا المكان

.
.
.


نبي لحن .. يا بادعين التماثيل
نقطع عليه الدرب ونذب ريعه

طالت بي الطرقه وعندي تفاصيل
ماتنذكر في كلمتينٍ سريعه

يا حيف .. يانجمٍ ذخرناه لـ الليل
غاب و تركنا بين مسرى وضيعه

وياحيف ياحملٍ سفطناه لـ شعيل
وشعيل مايقوى و لا يستطيعه

زمل .. النشامى مايبي له زماميل
اليا تحرك مقدمه .. جا جميعه

تسوقه .. الفطره وطبع المشاكيل
اللي مراجلهم من الله طبيعه

فان كانها .. ضاقت صدور الرياجيل
ما ضاقت فجوج الحياه الوسيعه

وحنا .. لنا في كل ديره مداهيـل
ويحفظ لنا التقدير حفظ الوديعه

نمشي وهقواتنا ورى الجدي وسهيل
واليا .. عسرنا وقتنا ما نطيعـه

حتى .. لو ان ايامنا تكسر الحيل
بين الرجاوي و العوض و القطيعه

ناخذ حقوق و نعطي حقوق و نشيل
حمل .. الرفيق ولا يذوق الهزيعه

نغيب .. في ساعة مزوح و تساهيل
ولا نظهر الا في نهار الفجيعه

اليا .. وصلنا ماقطعنا المواصيل
و اليا .. انفهقنا فالمنازل رفيعه

وهذي سلوم الناس من جيل في جيل
والطيبين كثار ماهم .. نزيعه

خطا .. الرفيق نمرره تقل ما قيل
و الاذن صقها عنه ماهي سميعه

ان مال عنا .. عنه لا يمكن نميل
و ان باعنا .. لا يمكن انا نبيعه

حنا .. ضمانه عن صدوف المقابيل
بأحكامنا .. والا بحكم الشريعه

يجي .. وله ينساق زين التهاليل
و مركاه .. دايم عندنا فالطليعه

على .. الشحم و مقندات الفناجيل
البيت واسع و الحنايا وسيعه



سلامتكم
[/b][/i]






التوقيع :
ياللي رحلتي دون لادري وتدرين
إنك مناة الروح....وانك حياتي
مير اسمعي نذرن عليه من الحين
أني لاسمي باسمك اكبر بناتي

العبيوي

رد مع اقتباس
قديم 26-06-2022, 01:46 PM   رقم المشاركة : 2
شمس القوايل
المشرفة العامة
 
الصورة الرمزية شمس القوايل

| !! | العبيويـ | ! |
مأروع قلمك حين يصول ويجول
بين الكلمات تختار الحروف بكل أتقان ..
تصيغ لنا من الأبداع سطور تُبهر كل من ينظر إليها ..
دمت بخير ..

شمس القوايل







التوقيع :


اضغط على الصورة لفتحها بصفحة مستقلة

رد مع اقتباس
إضافة رد

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:03 AM.




 


    مجمموعة ترايدنت العربية