۩ رواية "الا ليت القدر" للكاتبه بقايا شتات..

[قلب الزهـــور]

رواية "الا ليت القدر" للكاتبه بقايا شتات..

لانا قاعده على النت من موقع تعارف للثاني..وحاطه صورها بكل الحالات بس بدون ما تطلع وجهها..والقصد من هذا خوفا من احد يعرفها بس!!
وسمعت موبايلها يرن...
: اوووووف........ ياربي اياد........ احم هلا والله قلبي...
اياد: هلا روحي...هلا حياتي انتي...
لانا لايعه كبدها بس تجامل: ههههه يا لبى قلبك بس.
اياد: اخبارك واحشتني..لي يومين عنك.
لانا: لو وحشتك كان اتصلت..
اياد: انشغلت شوي..الوالد الله يهديه ملزم يعلمني الشغل من الحين..
لانا: شغل ايش...
اياد: بما اني الولد والوحيد فا مين راح يدير حلال ابوي...
لانا وهي تلعب بشعرها: اهاا ..وكيف الشغل..
اياد: هلااااااك..بس خلينا من الشغل الحين..ابي اشوفك مشتاااق لك موووت
لانا: وانا كمان....وين راح نلتقي..
اياد: لا تقولين مول...!
لانا: اجل وين؟
اياد: دوري غيره انا طفشت...
لانا: انا ما عندي اماكن غير المول...
اياد: طيب ايش رايك بالسياره احلى..
لانا خافت: لالا..السياره ما ابي ضيقة خلق..
اياد بخبث
: بالعكس احلى لما نكون اثنين مع بعض..
لانا: احنا مع بعض دايم يا قلبي احلى اثنين ..بس مو في السياره..
اياد ما حب يضغط مره: اوكي امري لله..اشوفك بكره زين قلبو..
لانا: اوك...باي حياتي.
اياد: باي.............آخ هالبنت جننتني..
لالانا: وع اله يقرفه خرب علي جوي...اوف الله يعيني بكره...متى راح افتك منه هذا دلوعة امه..
ورجعت للنت..ولمواقعها "الدونيه" وهي مبسوطه على التعليقات اللي تجيها لعورتها اللي مطلعتها قدام الكل من شباب وبنات بدون ما تفكر بعدين ان كل اللي سوته يعتبر زنا..
قال رسول الله صلى الله عليه وسلم: "إن الله كتب على ابن ءادم حظه من الزنا أدرك ذلك لا محالة فالعين تزني وزناها النظر"

قال تعالى"(( يا أيها الذين أمنوا قوا أنفسكم و أهليكم نارً وقودها الناس والحجارة ))

}الكلام في هذا الموضوع يطول ولكن اعتقد لو تدبرنا الحديث والايه الكريمه لا وصلنا الى الذي لا يمكن ان يصله كل الكلام{
>>>>>>>>>>>>>>>>>>>>>>>>>>>

حمد رجع لمكتبه والف فكره في راسه..
"ارجع حلال محمد..!؟..محمد اخوي سكت عني سنين ولا قال شي..ليش الحين احرم عياله من حلالهم..الحمد لله ربي انعم علي .خلني اعطي غيري...ليش ما فكرت في لحظه اني ممكن اموت وفي رقبتي مال حرام..انا اكلت مال يتيم وهو اخوي من لحمي ودمي..حسبي الله على من كان السبب ..صدق ضاري الفلوس وسخ دنيا ...بس على الاقل اظمن حقي وتعبي ما ابيه يروح هدر ولعيالي بكره.."


>>>>>>>>>>>>>>>>>>>>>>>>>>>>

ضاري فز من نومه..
: ما عشيت البنات...!!!!
وقام بسرعه وبدل ملابسه وطلع لهم...
دقايق ووصل لهم..
فتحت له الباب مدى..
: هلا مدى..
مدى طالعته وبنفسها"فيه شي متغير... لابس سبورت..روعه عليه اول مره اشوفه بدون ثوب.."
ضاري طالع مدى حس انها تطالعه...شافها بطرف عينه وشك بنفسه" يمكن عشاني لابس سبور ما عجبتها...يا ليتني لبست ثوب..انا ما احب حركات المراهقين والشباب"
مدى انتبهت واخير للي واقف على الباب: تفضل...
دخل ضاري وجلس: وين ابتهال...؟
مدى: داخل..
ضاري: ايش رايكم اعزمكم في مطعم تغيرون جو شوي..
: الا جد ضاري طلعنا احس اني بختنق..
مدى طالعت ابتهال بعصبيه: سلمي اول..
ضاري ابتسم لها: اجل يله...قومي بدلي..
مدى: لا ما يحتاج تتعب عمرك..عادي احنا ما تعودنا على الطلعات..
ضاري بياخذ مبدا التطنيش: والله ابتهال وانا نبي والاغلبيه على القله..يله ابتهال بسرعه بدلي..
ابتهال: مدو...يرحم والديك..ابي اتنفس..
مدى قامت مع ابتهال للغرفه..
: خير ..تمونين على الرجال...
ابتهال: الرجال هذا ولد عمي ..
مدى منقهره:ولد عمك انتي حره..بس ما نبي منه شي..
ابتهال: هو جايب لنا العشا جايبه..فا ايش فيها لو طلعنا وغيرنا جو..بعدين لو ما عشاني عشان اخواني تراهم ملوا في الغرفتين هذي اللي كأنها قفص..
مدى شافت وداد وبدر بجد اشكالهم تنرحم..ومحتاجين لطلعه مثل هذي...
وراحت تبدل ملابسها..
طلعت ابتهال وشافت ضاري حاط ايدينه ورى راسه وسانده على الكنب ويطالع فوق..وشكله مع الشعر جذاااااب..
جلست ابتهال ما انتبه لها..عنده الف فكره وفكره..وابتهال تطالع فيه..
طلعت مدى وفي يدها اليمين بدر واليسار وداد..شافت ضاري مسرّح..وابتهال مفهيه فيه..
تكلمت بشده: خلصنا...
نزل ايديه ضاري مخترع: جاهزين!!"وطالعهم ووقف"...اجل ليه مشينا..
طلعوا من الغرفه..
ضاري: هاتي بدر عنك.."ومد يده لبدر"
بدر مسك يدر ضاري وما فك يد مدى..
مدى: بدر روح مع ضاري يله..
بدر: لا..انا ابيكم كلكم..
ضاري طالع مدى بنص ابتسامه: خليه على راحته..
مدى عصبت اشكالهم وهم ماسكين بدر وكأنه ولدهم وهو الفاصل الوحيد بينهم..
ابتهال وراهم تضحك عليهم بجد اشكالهم لايقه لبعض..

&&&&&&&&&&&&&&&&&&&&&&&&&&


دخلت اريام غرفته وفي يدها باقة ورد جديده..سامي يطالعها..دخلت بدون سلام ولا كلام ..
شافها تطلع الورد اللي جابته له زوجته الاولى وتحط الورد الجديد مكانه وبدون ما تطالعه..
ابتسم لها..
اريام لما خلصت: ايووووه..كذا اجمل.."وشالت الورد القديم" وهذا بالنفايه هههههههه
سامي يطالعها بحب: لا تعليق..
اريام: ليه ناوي نعلق بعد..
سامي: كنت بقول بس ترى انتي احلى منهم كلهم..
اريام استحت وسكتت.
ضحك سامي عليها...
اريام: لا تضحك..
وفجأه بدا يسعل: كح كح كح.
اريام اخترعت عليه حالته صارت اصعب...صار من يبذل مجهود يتعب..
: سامي...محتاج ابره..؟
سامي: لا خليني شوي..ابي اجلس معاك والابره تنومني وما تخلي فيني حيل..
اريام ابتسمت..حست انها مذنبه في حالة سامي تدهورت كثير في يومين ما عاد تتحمل اكثر..مفروض فكرت فيه وبس مو لازم تكون معاه..
سامي طالع عيونها: اريام..لا تشفقين علي..ولا ترحميني انا ما احتاج هالنظرات..
اريام: انا ما رحمتك بس انا احس اني السبب في حالتك..
سامي:اريام..انتي مالك علاقه بالموضوع..
اريام: مفروض خليتك تسافر يوم الاثنين..
سامي: ومن قال اني بسافر بدونك ولو فكرتي اني راح اروح لحالي انتي غلطانه..
اريام طالعته بحب..بجد انسان كبير وعظيم..ماني احد بالكون هذا ممكن يضحي بحياته عشان احد..
سامي يأكد لها: اريام..انا ما ابي من الدنيا الا انتي.. ما عاد بقى لي شي فيها حلو الا انتي...الدنيا كلها ظلام في سواد قاتل وانتي النور والملاك الوحيد..انا عايش لك بس...لك انتي...
اريام بكت كان ودها تحضنه: سامي انا ما ابي اكون الا لك بس...
سامي وبدت حالته تسوء: كح كح...اريام كح كح..
اريام: خلاص سامي لا تتكلم كل الحروف وكل الكلام ما تجي شي عند نظرتك لي..وهذا يكفيني انا بنادي النيرس وما راح اسمعك..
سامي شاف اريام وهي طالعه وابتسم بعدها دخل في حالة سعال مالها نهايه لحد ما جات الابره واخذت مفعولها...

&&&&&&&&&&&&&&&&&&&&&&&&&&

في المطعم..
ضاري: ها..ايش قررتوا؟؟
مدى تطالع المنيو: اللي تبي..
ابتهال وفيها الضحكه لانها ما فهمت شي من المنيو بما انه كله انجليزي: انا اقول اطلب لنا على ذوقك ضاري ودي اشوف عندك ذوق ولا...
ضاري: اوكي مو مشكله..."وطلع يتفاهم مع الميتر او الجرسون.."
ابتهال تهمس لمدى: قسم نفشل.. ما فهمت شي..
مدى بنفس الهمس: انا فهمت كل شي..بس ايش عرفني بالطعم..انا ما رحت لمطعم الا مره وسلطان اللي طلب..
ابتهال ضحكت: سلطان........"وفجأه سكتت"..ايوه سلطان..
مدى غمضت عيونها تحيي ذكرى اخوها السجين...
وداد: مدى.....وين سلطان.؟؟
مدى فتحت عيونها عشان تداوي جروحها وجروح غيرها وتعيش المصير: سلطان سافر..
بدر جاء من وراها: طيب وين بيتنا...وامي...؟؟
مدى وقلبها ينعصر: راحوا بعيد..
بدر جلس في حضنها: يعني ما نشوفهم.؟؟
مدى: الا راح نشوفهم حبيبي بالجنه ان شا الله.."وباسته"..
لفت على ابتهال حصلتها تمسح دمعتها وتحاول تمسك عمرها..
دخل ضاري..وحس ان الجو مكهرب..
: بدر وداد تعالوا العبكم..
وطلعوا بسرعه فرحانين ولا همهم النزيف اللي سببوه لاخواتهم..
مدى تكابر: ابتهال..خلاص احنا قلنا نغير جو..
ابتهال : ما تحملت سؤال الضعيف...ماله ذنب يعيش بدون ام.
مدى: استغفري ربك يا ابتهال هذا قضاء وقدر..
ابتهال تاخذ نفس: استغفر الله..خلاص احنا ما جينا نبكي...جينا نغير جو..
وكأنها تعطي نفسها تعزيز ودافع للابتسامه..
دخل ضاري بعد شوي..
: تركتهم يلعبون شوي..وقلت اجي اكلمكم بموضوع..
مدى استغربت: خير وش فيه...؟
ضاري: لا مدى انا قد فاتحتك فيه..بس ابتهال بالنسبه ان نعيش مع بعض..
ابتهال طالعت مدى: انا رايي من راي مدى..
ضاري لف على مدى..
مدى طالعت ابتهال ورجعت لضاري: ما ادري...محتاره..
ضاري: مدى مثل ما قلت لك بيتكم مثل ماهو بيتنا..
مدى: اوك..خلاص على الاقل لما ناخذ حلالنا..
ضاري: براحتكم..ويطلع سلطان ان شا الله..
الثنتين: ان شا الله..
ضاري وقف: بروح اجيب الصغار عشان نتعشى.."وطلع"...وبنفسه"واخيرا واخيرا يا مدى ما بغيتي.."
مدى: الله يعينا على الجاي..
ابتهال تنهدت: الجاي اصعب..
&&&&&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

صباح الثلاثاء..
في كل مره تقول لي صباح الخير حبيبتي..
ازداد نشوه ..وسعاده..وشغفا بحبك..
فأنت صباحي..ووقت ذروتي ومسآئي..
ولن اجد غيرك من يملئ علي كل اوقاتي....يآ حبيبي..
شتــــو..
^^^^^^^^^^^^^^^^^^^^^^^^^^ ^

بوقت الفسحه تدور عليها من بين البنات بلهفه تحس الشوق ذبحها من امس تتصل عليه وما يرد..
واخيرا حصلته وراحت له مبتسمه وبنعومه: فيصل...
فيصل فز قلبه من الصوت اللي جاي وراه وبدا ينبض..ولف بسرعه: دانا..
دانا مبتسمه ابتسامه حلوه: صباح الخير.....حبيبي..
فيصل طارت عيونه: انا....انا.....ايش؟؟؟
دانا استحت: حبيبي..!!
فيصل جن جنونه وصار يصرخ: دنو..انتي تتكلمي من جد؟؟؟!!
دانا هزت راسها بأيوه..
فيصل بسرعه حضنها بقوه: وانا احبك واحبك واحبك يا اهلي انتي كلهم..
دانا الدنيا مو سايعتها من الفرحه واخيرا فيصل حنّ ورجع لها..
فيصل بعد دانا: دانا انا ماني مصدق ما توقعتك..آآآ ما توقعتك..
دانا حطت يدها على فم فيصل: لا تكمل...اكتشفت ان احنا حبايب وانا احبك..
فيصل مسك يدها وباسها بنعومه: وانا مو بس احبك..انا اعشقك حد الثماله..
الشله اللي ورى فيصل تصفر وتشجع وتصفق..


ريماس: اختك انهبلت..
لانا: انا من شفتها ماشيه معاها وانا عارفه انها منهبله.
ريماس: وهالفيصل مسوي فيها شي..
لانا: يلوع الكبد المريضه..يا اختي حتى لما احكي عنها ما ادري احكي عن بنت ولا ولد...
ريماس: التنويع احلى هههههههههه
لانا: ههههه اقول ما علينا منهم..اياد يبي يشوفني اليوم..
ريماس: اليوم!!!
لانا: ايوه اليوم ايش عندك...؟
ريماس: مآآآره مشغوله..
لانا: فرغي نفسك مالي علاقه..
ريماس: لنو..انا ما اقدر اليوم ابد...وكفايه الحصار من امي هاليومين تقول الاختبارات قربت واسابيع المراجعه ما جات..
لانا:ما علي منك حاولي من هنا ولا هنا..
ريماس: دبري نفسك..لا تروحون اماكن ما فيها احد..خليكي على المول..
لانا: ايوه..هو المول..
ريماس: اجل ما عليك..لا تخافين..انا اليوم يا قلبو بالذات عندي موعد ضروري وفيه هدايا مجانيه وعلى مستوى..
لانا تستهبل: ترى بقول لضاري...
ريماس جاده: والله لو قال ضاري ابيك وربي مستعده لا اترك الدنيا عشانه..
لانا: ريمو...انتي ما بعد فقدتي الامل..ترى هو الخسران..انا بصراحه لو اموت ما اخذت مثل ضاري الرجل الفولاذي..
ريماس: انا ما راح افقد الامل لاخر لحظه...وما راح ياخذ الا انا وتشوفين..
لانا: نشوف...

&&&&&&&&&&&&&&&&&&

دخل الممرات بسرعه ووقف عند الاستقبال...
: وين غرفة المريض سامي آل(....)
الممرضه: غرفة 112 الدور الثالث..
: اوك شكرا.
ووصل الغرفه المطلوبه ودق الباب ودخل..
: السلام عليكم..
رفع راسه سامي منصدم: وعليكم السلام ..ضاري!!!!!
ضاري دخل ولامح وجهه جامده كالعاده:ايوه ليش مستغرب ..
سامي حاول يسند نفسه: لا عادي مو مستغرب..تفضل حياك..
ضاري دخل وشاف ان حالة سامي ما كانت احسن من اخر مره شافه ..تدهورت بسرعه..
: اخبـــارك؟...
سامي وهو متفشل ما حب ضاري يشوفه بالحاله هذي وبملابس المستشفى..
:انا الحمد لله تمام ..اخبارك انت...اريام تدري انك هنا ...؟؟
ضاري: اذا يهمك حالي انا بخير واذا يهمك اكثر انك تعرف عن اريام..تراها ما تدري اني هنا....انا جاي لك..
سامي سكت يبي يعرف بسرعه ايش سبب الزياره المفاجئه هذي..
ضاري: جيت اقولك اني سألت عنك وانك رجال وكفو تاخذ اختي..تقدر تجي وتملك عليها..
سامي ما صدق: يعني اجيكم...؟؟
ضاري: اجل احنا نجيك..؟
سامي طار من الفرحه وابتسامته ملت وجهه : يعني انتوا موافقين..اجيكم بكره...!!
ضاري شاف الفرحه بعيون سامي وكل ماله يتأكد انه فعلا يحب اخته: شوف سامي كذا من الاخير وضعك انت واريام مره صعب..فا انا افضل انك بكره تجي العصر وتملك عليها وسيده على المطار وتروحون المانيا سريع سريع لان وضع اهلي ووضعك انت مره ما يسمح بالتأخير..وانا لو مو شايفك رجال ما عرضت كلمة ابوي..
سامي: الله يسلمك..ان شا الله اريام بعيوني..
ودخلت اريام...شافت ظهر رجال غريب عند سامي..
: هلا اخوي سامي...كنت راح اعطيك علاج اليوم..بس مو مشكله بوقت ثاني..
سامي مبتسم: تعالي يا دكتوره ما في احد غريب..
اريام مفتشله: لا وقت ثاني احسن...
لف عليها ضاري: يا اختي قالك عادي مافي احد غريب..
اريام طاح الملف اللي بيدها: ضاري!!!!!!!
ضاري: لهدرجه وجهي يخرع...
اريام اخذت الملف من الارض ودخلت الغرفه: ايش عندك وليش ما قلت لي...؟؟
ضاري ابتسم: انا جاي للنسيب مو لك..
اريام ما استوعبت: نسيب من النسيب...؟؟؟
سامي طالعها: شنو أي نسيب.؟؟؟
اريام فهمت وماتت حيا: طيب اخليكم انا طالعه..
سامي: ههههه شوف راحت..
ضاري وقف: اجل بكره بينا موعد زين...
سامي حس بمسؤلية بكره وقد ايش هو مصيري..
: ان شا الله ...الله يكتب اللي فيه الخير..
ضاري: ان شا الله ...يله سلام..
سامي: سلام..."وبدا يفكر في بكره يوم زواجه وعلاجه بنفس الوقت " وتنهد..
طلع ضاري وتوجه لمكتب اريام: يا دكتوره اريام..
اريام: هلا ...ليش ما قلت لي...؟؟
ضاري: مشكلتي مستعجل ومو فاضي لنقاشاتك...سامي لا تدخلين عليه اليوم...خلي غيرك يناوب عنك..ترى بكره بيجي يملك عليك وماله داعي تجلسون مع بعض...
اريام استحت: طيب..
ضاري: يله سلام..
اريام: سلام..
اريام مو مصدقه اللي صار...وخايفه من من اللي بيصير..بكره المواجهه بين اهلها كلهم وبين سامي حبها الاول والاخير الطاهر العفيف..
&&&&&&&&&&&&&&&&&&&&&&&&&&

شاف موبايله يرن ورد..
: السلام عليكم ابو ضاري..
حمد: وعليكم السلام..
المحامي: بالنسبه لموعدنا اليوم..!!
حمد: احنا على الموعد..
المحامي: اوكي...اشوفك اليوم ..مع السلامه..
حمد: مع السلامه..
واتصل على ولده..
: ضاري..
ضاري: هلا يبه..
حمد: ابيك اليوم في المحكمه..
ضاري: خير فيه شي...
حمد: تعال...وكل شي راح تعرفه هناك..
ضاري: اوكي..
سكر من ابوه وهو مستغرب ايش يبي فيه عند المحكمه..

&&&&&&&&&&&&&&&&&&&&&&&&&&

بدا همته وهو له غايتين وحده لاخره ووحده لدنياه...ومعزم بكل جهده انه يحفظ القران خلال وقت وجيز...
: ما قلت لك ان عند الله فرج..
سلطان: والنعم بالله يا ثامر...الله يتوب علي ويغفر لي ويغلسني بثوب العفو ويستر على دنيا واخره...ويجزي كل خير عزام واله ما قصر..
ثامر: امين...ويرحم مواتنا وموتى المسلمين..
تنهد سلطان: آمين..
ورجعوا يحفظون القران...

@@@@@@@@@@@@@@@@@@@@@@@@@

نهـــــــاية البــــــــــــارت...

[قلب الزهـــور]

رواية "الا ليت القدر" للكاتبه بقايا شتات..

الجــــــــــــزء الخــــامس والعشــــرون..
طلع من الشركه مستعجل..وتوجه لابوه في المحكمه..وباله مشغول كثير..
"ممكن ابوي يبي يرجع الحلال لبنات عمي...ولا لشي ثاني؟؟...اخاف عنده لعبه جديده من الاعيب موضي!!"
وبعد دقايق وصل للمحكمه واخيرا..
دخل بسرعه وشاف ابوه وجنبه المحامي..
:السلام عليكم..
حمد والمحامي: وعليكم السلام..
ضاري طالعهم ونظرته كلها ترقب خايفه ايش راح يقول..
حمد شاف عيون ضاري حايره..بس ما علق ولا بكلمه..
ضاري ما قدر يصبر اكثر: خير وش السالفه...؟
حمد بهمس: السالفه اني قررت ارجع حلال عمك...
ضاري اتسعت ابتسامته: يبه تتكلم جد؟؟؟
حمد بدون نفس: ما امزح انا...
ضاري باس راس ابوه: يبه كبرت في عيني...صدقني ما راح تندم ولا لحظه على اللي سويته ..صدقني..
حمد صد عنه ما يبي يبين ضعفه..
وفعلا بدت اجرآءات نقل الحلال بأسم عيال محمد...
وطلعوا من المحكمه وضاري الفرحه باينه في وجهه..
:يبه ما راح تجي الشركه...!!
حمد: بروح لها الحين..
ضاري: اجل انا بوصل مشوار وارجع..
حمد: على خير ان شا الله..
ضاري ما قدر يصبر اكثر يبي يروح لمدى يبشرها..
وثواني وهو عندهم..
مدى اللي استغربت جيته بالوقت هذا بدري مره..وابتهال نفس الشي..
مدى:في شي جديد...!!
ضاري ابتسم..وهو مازال ساكت ويطالعهم..
ابتهال طالعت مدى مستغربه: ضاري يله قول..
ضاري: آه ودي اخليكم شوي بعد..
مدى وابتهال ضحكوا ..اول مره يشوفون ضاري يمزح ..
ضاري: ليش تضحكون...؟
ابتهال: قول وخلصنا..
ضاري: ابشركم...بدت اجراءات نقل الحلال بأسمكم..
مدى وقفت: تتكلم جد!!
ضاري وقف ومعاها متفاعل: ايوه اتكلم جد..
ابتهال مو مصدقه: يعني خلاص..احنا صرنا كاشات,,
وضمت مدى..
مدى: هههههههههههههه وربي ماني مصدقه..وشلون بالسرعه هذي!!
ضاري: ابوي ربي هداه وكتب نص الحلال بأسمكم..
مدى استغربت وبعدت عن حضن ابتهال: وايش اللي خلاه يغير رايه..
ضاري غمز لها : بفضل جهودي الجباره..
مدى ما علقت عليه ولفت على ابتهال: واخيرا واخيرا يا ابتهال..
ضاري: بس ترى السالفه مطوله يبي لها شهور..
""ضاري طول المده لغايه هو يبيها"
مدى: اللي خلى اهلي ينتظرون سنين يخلينا ننتظر شهور..
ابتهال تذكرت ابوها وامها: ياريت امي وابوي معانا الحين..
مدى تنهدت: عانوا كثير...انحرموا سنين منه..وسبحان الله في لحظه رجع كل شي مثل ما كان..
ابتهال بأسى: لو ان عمي رجع الحلال من اول..كان ما صار لنا اللي صار..
ضاري يحاول انه يتجنب يتكلم في الامور هذي بما ان ابوه هو المسؤول عن كل اللي صار لهم وعانوا منه..
مدى تنهدت: الله يرحمك يا يمه..كنتي تتمنين يوم حلو لعيالك ورحتي ما شفتي اليوم هذا..
ابتهال بكت: ليش الجشع..ليش الطمع..ليه الفلوس دمرتنا ليه....؟؟!!
مدى لفت على ابتهال اللي حستها تنهار: ابتهال قلبي خلاص ان شا الله كل شي راح يتعوض..
ابتهال صارت تصرّخ: وانا من يعوضني امي..انا مابي فلوس ولا حلال ولا أي شي..انا ابي امي بس..مابي من هالدنيا الا امــــــــــــــــــــــــي..
مدى بكت وضمتها: ابتهال اذكري الله..وادعي لها بالمغفره..حتى انا ابي امي وابوي وسلطان..بس ما في ايدينا شي مافي ايدينا شي..
ضاري سحب نفسه وطلع من الفندق وهو ما يدري ايش ممكن يسوي..يخليهم يفرحون ويرجع لهم الابتسامه على وجيهم..
وكأن خيبة الامل رجعت له...اخذ نفس عميق ورجع للشركه من جديد..
اما مدى وابتهال فا كانت كل وحده تهدي وتعزي الثانيه ويعطون بعضهم شوية قوه ودافع للحياة ..اللي مالها لا طعم ولا لون بدون امهم ولا روح وبدون ابوهم وسلطان سندهم بالدنيا هذي..
فرحتهم عمرها ما راح تكتمل بدون اساس الفرحه كلها..وماراح يحسوا يوم بالسعاده ومنبع السعاده راح ولا له رجعه..
""الله يخلي لنا كل امهاتنا ولا يحرمنا منهم يـــــــــآرب..."

&&&&&&&&&&&&&&&&&&&&&&&&&&

بالشــــــــــــركه..

دخل على مكتب ابوه..وجلس على الكرسي اللي مقابله..
طالعه حمد: وفيه شي بعد!!
ضاري يحاول قد ما يقدر يرتب الكلام اللي بيقوله: ايوه فيه..
حمد يستنى الجديد عنده.....!!
ضاري: يبه انا بقولك السالفه من اول ..وضروري تسمعها .."وسكت شوي"...وبدا يحكي له من لما توظفت مدى عنده بالشركه ..الى الوقت الحالي بأنه هو المسؤول الوحيد عنهم..
حمد منصدم من سالفتهم ما توقع صعوبه حياتهم للدرجه هذي: ومحمد وينه؟؟
ضاري: اختفى ومحد يدري وينه...
حمد: وتقول سلطان اخوهم وينه...؟؟
ضاري: سلطان ظروف شغله اجبرته يسافر..
"كانت نظرة ضاري لبعيد ...ما حب يقول بالسجن وتكبر المشاكل بعدين""
حمد قلبه يألمه..لسه حس انه سوى شي مستحيل يسامح عمره عليه..ولسه وعى على عمره وفهم انه بنى حياته على باطل..ودمر نفسه وعياله..واجرم في حق اخوه وعياله..
ضاري: عشان كذا يبه..انا راح اخليهم يعيشون معانا..
حمد سكت شوي..من الحين لازم يبدى يصحح كل شي وراح يعيد كل خطواته من اول وجديد..ويحاول يرجع الباقي من الماضي ويحط كل شي في مكانه الصحيح..عيال اخوه لازم يكونوا تحت امرته لحد ما يحصل اخوه محمد ويصفي اللي بينهم..ويعدل نظرة عيال اخوه له..ويبدى حياة جديده اول تكفير اخطاء ونهايتها سعيده..
واخيرا تكلم: اكيد لازم يعيشون معانا ..بس موضي!!
ضاري فرح بموافقه ابوه: موضي ما عليك منها..انا اتكفل فيها..
حمد بخبره عشرة السنين: ما راح تعدي الايام الجايه على خير..
ضاري وقف: وانا لها وراح اتحمل كل شي..
حمد شال ايده من اول الموضوع: اجل الله يعينك..
ضاري بنص ابتسامه: هه لا تخاف على ولدك سبع..
"وطلع"
حمد تنهد: الله يصبرنا على الجاي وعلى موضي.....

&&&&&&&&&&&&&&&&&&&&&&&&&&

طلعت من المستشفى وتوجهت للمول..بما انها اغرب عروسه في اغرب اجواء زواج..قررت تجهز نفسها بنفسها على الاقل الاحتياجات اللازمه..تبي تحس انها مثل البنات وتحاول تعيش دور العروس اللي بكره فرحتها..
وهي بالطريق تخيلت بكره مراسيم زواجها..وخنقتها العبره..لانها متأكده انه راح تكون عروس في تابوت مو كوشه..وبدال دموع الفرحه يمكن تكون لحظات وداع..وبدال التبريكات موج من كلمات السب والشتم..اختنقت اكثر واكثر..
بس لما تتذكر غايتها الانسانيه والعظيمه وحبها الكبير لسامي الانسان الملاك في عيونها..هان كل شي وقوة عزيمتها..وقررت تسعده وتسعد نفسها بكل لحظه باقيه لهم..
وصلت للمول اخيرا وبدت اول خطوه من مشوار حياتها الجـــــــــــديــده..

&&&&&&&&&&&&&&&&&&&&&&&&&&

بالمستشفــــــــــــى..

سامي حاير بينه وبين نفسه...زواجه بكره وهو جسد بلا روح..ما حب هالشي على نفسه وقرر يسوي خطوه مهمه قبل ان يبدأ بأي شي..
طلع من غرفته ..حصل سالم الممرض الخاص اللي عينته اريام له..
: سالم الله لا يهينك تعال..
جاء سالم سوداني الجنسيه بكل ادب واحترام وحب لسامي..لان سامي دائما يعاامله بكل ذوق...ويردد له "كفايه انك متحملني يا سالم"
وتوجهوا اثنينهم للدكتور المسؤول عن حالة سامي..وثواني بسيطه طلع من عنده..وراح لغرفته وبدل ملابسه وطلع من المستشفى...

&&&&&&&&&&&&&&&&&&&&&&&&&&

بالليــــــــــــــل..
الساعه 8 مســـاء ..واخيرا خلصت اللمسات الاخيره من الميك اب حقها ويعتبر اوفر شوي...طالعت ننفسها كانظره اخيره...
"فديتني بس...وربي اني اطيح الطير من السما "
وبحركتها المعتاده ارسلت لنفسها بوسه وطلعت من غرفتها..
صادفت دانا..

[قلب الزهـــور]

رواية "الا ليت القدر" للكاتبه بقايا شتات..

: على وين لنو...؟؟
لانا وهي تلبس عبايتها وتضبط الطرحه: طالعه مشوار..
لانا: عارفه على وين...؟؟
لانا: دنو..هذا شي ما يخصك رجاء لا تتدخلي..
دانا: بس كأن طلعاتك كثرت..انتبهي لنفسك..
لانا وهي رافعه حاجب بكبر: دنو...لو في احد لازم ينتبه لنفسه فهو انتي..ترى حركاتك مع هذا فيصل ابدا مو حلوه..نصيحه مني انتبهي على نفسك منها..
دانا ما تحب احد يفاتحها بالموضوع هذا: روحي ..روحي بس وفكينا من نصايحك..
لانا وهي ماشيه: دايم كلمة الحق تزعل...
وطلعت...
وبالمــــــــــــول.
طلعت موبايلها واتصلت على اياد..
: الووو وينك حبيبي..؟
اياد: انتي وينك...
لانا: انا بالدور الثاني..
اياد: اوكي ثواني وانا عندك..
وقفت لانا تنتظر اياد مشغوله باللي رايح وجاي..وفجأه يد مسكتها على كتفها ووجه قريب منها لدرجه لامس خدها...
لانا اخذت لها ثواني على ما استوعبت الحركه..وبسرعه دفته ومسحت وجهها تحس انه لحد الان انفاسه متعلقه فيها...
تكلمت وعيونها مغضمه: خير....انت مو شايف اننا بمكان عام...
اياد ابتسم ابتسامه خبيثه: حلوه ريحتك..تذووووب..
لانا بجد تقرفت منه وبنفسها" الله ياخذه...الله ياخـــــــــــذه وووووووووووع القرف هذا"
اياد حس بجد انها مره متقرفه منه ما حب هالشعور بس كابر..
: لنو ايش فيك...مو انا حبيبك...؟؟
لانا معصبه: حبيب في عينك...شوف اياد تقرب مني مره ثانيه راح تندم فاهم..
اياد يستعبط عليها: حاضر يا استاذه لنو..شي ثاني...؟؟
لانا تحاول تضبط سرعة تنفسها قلبها بيطيح: اوه..بسرعه خذني مكان اجلس فيه..
اياد ما زال يستعبط: ما في مكان زحمه..
لانا: خذني على أي زفت..
اياد : طيب...
ومشى جنبها ومسك ايدها بقوه...
لانا منصدمه منه...ايش عنده هذا اليوم موه متغيره تصرفاته..حاولت تسحب يدها بس هو ماسكها بقوه..
لانا: انت يا مجنون اترك ايدي...
اياد لف عليها ورفع ايدها وباسها بكل وقاحه قدام الناس..
لانا ما عاد تشوف من العصبيه والقهر..صارت تصرّخ: فكني يا واطي يا حقير...ياناااااااااااااس فكوني منه هذا مجنوووووون...
اياد شاف التجمهر اللي صار...نزل الكاب على وجهه زين وترك ايدها همس لها.
:اشوفك على خير حبيبتي...."وراح بسرعه"
لانا شبه منهاره...او انهارت خلاص...اللي شافته من هذا المجنون مو قليل...
غطت وجهه بالطرحه عن الناس وطلعت من المول..ودموعها على خدها..حست ان الوسخ نجسها تحس انه تبي تمسح اثاره عنها..
&&&&&&&&&&&&&&&&&&&&&&&&&&

دخل حارتهم..رجع له الماضي الزاهر..ورجع له القوه والشباب والروح والحياة الحلوه..لاخر لحظه كانت في ايام ملكته..هذي الايام بالذات اسعد الايام اللي مرت عليه يحس بالحب والراحه والامان والاستقرار..كل ماشي مثل ماهو مخطط له...شهر ويتم الزواج...ويكون هو وحلم حياته من الطفوله مع بعض...بس دائما الاقدار تشاء ضد ما نشاء..وتحولت حياته لكوابيس في يوم وليله..لما طاح عند اهله وبعد مراجعات وتحليلات اكتشف انه عنده المرض الخبيث السرطان"سرطان بالدم"
حسبه ابد ما كانت ضمن حسابات سامي...كل شي ممكن يفكر فيه..الا هالمرض...وبدون مايحس تمكن منه..وانقلبت حياته فوق تحت..كل الاحلام تبخرت في الهواء..وكل الاهداف اللي كان ناوي يحققها صارت سراب...وبدا يخسر الاشياء الحلوه وحده ورى الثانيه...زوجته...قوته...شبابه...اهله..والحين نفسه...وبكره روحه...والامل اللي عايش عليه ويمد له من روح الحياة..وقوة الاصرار...واللي هي الباقي الوحيد له وعايش لها "اريــــــــــــام"
قطع عليه حبل افكاره صوت السواق وهو ينبه انه وصل للمكان المطلوب..
: آه ....قد ايش اشتقت له يا بيتنا..
حصل الباب مفتوح كعاده عند ابوه...طالع الاشياء اللي حوله بنظره كلها الم وجراح..وبنفس الوقت وداع...ما يظمن انه يرجع للبيت هذا مره ثانيه...
دخل داخل البنت...هدوء كالعاده...وتفاجئ بالخدامه قباله..
: مستر سامي!!!!
سامي ابتسم لها: اووووش..ولا كلمه وين ماما وبابا...؟؟
الخدامه المخلصه وعيونها مليانه دموع فرح: ايوه بابا ماما داخل...اوه مستر سامي انت طول ماقي يجي...
ضحك سامي عليها...وطالع سالم...
: سالم معليش انت خليك هنا...لو احتجت شي بناديك..
سالم: ابشر...
مشى لداخل..لحد ما حصل مجلس اللي موجود فيه اغلى اثنين بالوجود..ما يدري كيف راح يقابلهم وايش راح يقول لهم..بس كل اللي يبيه حضن امه..وبوسة على راس ابوه..ورضاهم يكفيه..
: السلام عليكم..
رفعت ام سامي راسها ..مو مصدقه اللي تشوفه عينها..هذا ضناها!!...هذا ولدها اللي تعبت عليه وربته...هذا سندها ووحيدها في الحياة..وطالعة زوجها تبي تتأكد..
ابو سامي ما يقل صدمه عن زوجته بس حب يتأكد انه حقيقه: ســامي!!
سامي بسرعه رمى نفسه بحضن امه وبكى وبكى وبكى..
وام سامي ما كانت دموعها توقف ابد..
ابو سامي الكبير في السن..حاول يمسك نفسه ودمعته اللي مسحها بطرف شماغه..
: وينك يا وليدي...ليه طولت الغيبه..!َ!
سامي وكأنه طفل بعد عن امه وهو يمسح دموعه بايديه بطريقه طفوليه..
:يبه تاج راسي..."وباس راس ابوه بقووه وهو يشم ريحته اللي ما تغيرت.."
ام سامي تطالع سامي خايفه لا تلمسه ويختفي..
جلس سامي بينهم..ومسك يد امه اللي تأكدت ان ولدها قدامه دامها حست بلسمته..
ويد ابوه اللي بان ان الكبر اتعبه وهد حيله..
: اشتقت لكم ..والله يعلم اني بموت بدونكم ..
ام سامي حطت يدها على خد ولدها: سامي..انت متغير..وش فيك!!
سامي باس يد امه: يمه مافيني شي..
ابو سامي: لا يا وليدي ..انت متغير..وين صحتك الاولى....؟؟
سامي: راحت مع زمانها...ما عليكم مني...اخبار اختي وعيالها...
وجلس سامي مع اهله..يبي يكحل عيونه فيهم وهم يشبعون نفسهم منه...لانها ممكن تكون المره الاخيره اللي يشوفونه فيها..
&&&&&&&&&&&&&&&&&&&&&&&&&&

دخلت لانا قصرهم بسرعه..وراحت لغرفتها وقفلت على نفسها الباب..وبنفس السرعه رمت العبايه وملابسها اللي عليها ودخلت دورة المياه...تبي تنظف قذارة اياد منها...تحس انه ما زال جنبها..ومازالت انفاسه فيها..هي صح راعية لعب وحركات..بس محد تجرى ولمسها..والحين اياد النذل هو الوحيد اللي قدر يتجاوز هذا الخط وقدام الناس وبكل عين قويه بعد..
طلعت من دورة المياه ووجها مخطوف لونه...مرت نفسها على السرير والمنشفه على راسها..والموقف ما غاب عن بالها ابد..وبدون مقدمات بدت دموعها تنزل على خدودها..
:آه يا الواطي...انت انت يا الحثاله كيف تتجرا وتلمسني كيف..؟؟
"تمسح دموعها وترجع تطيح مثل السيل.."
بعد لحظات حست انها هدت وبدت تفكر...
: هين وربي لا ادفعك الثمن غالي يا اياد...وتشوف..
واخذت موبايلها واتصلت على ريماس..
: الوو ريمو..
ريماس مستغربه صوتها: لنو!!...فيك شي؟؟
لانا حست انها راح تبكي بس تكابر: ايه فيني...كله منك ...كله منك يا ريمو..
ريماس اخترعت: لنو...ثواني واجيك زين..
اعتذرت ريماس عن موعدها المهم..وبسرعه راحت للانا..
ودقايق وهي بغرفتها..
شافت وجه لانا مو طبيعي..:لانا...ايش فيك ..؟
لانا ساكته ومنزله راسها..
ريماس قلبها بدا يدق بقوه وبخوف: اياد..اياد..سوى لك شي............؟؟؟
لانا بسرعه: لاااااااا..مستحيل..اصلا ما يتجرأ..
ارتاحت ريماس شوي وقدرت تتنفس: الحمد لله ...طيب ايش فيك..؟؟
لانا وهي تحاول تنسى الموقف: اياد حاول..انه ..
ريماس منصدمه: انتوا وين رحتوا...؟؟؟
لانا: رحنا المول...بس ما ادري ايش فيه...سوى حركات..ما ادري ...ما ادري..
ريماس تحول ترتب افكارها: لحظه لحظه...الحين انتوا رحتوا المول..وقدام الناس يسوي كل هذا؟؟؟ ايش يقصد بالضبط؟؟
لانا تجمعت الدموع في عيونها من جديد: وهذا اللي ذابحني ريمو..اول مره يتجرا يمسك يدي..بس يل ليته على يد كان اهون..
ريماس خافت جد: لنو..اياد يقصد شي بالحركه هذي..
لانا انزرع الخوف بقلبها: مثل ايش...!!
ريماس: ما ادري عنه...بس شي مو طبيعي...
&&&&&&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

على الســــــــاعه 11 بالليل..
: بكره راح تنتقلون عندنا..
مدى مصدومه: بكره..!!
ابتهال: بالسرعه هذي...؟
ضاري: انا كلمت ابوي...وابوي مضبط كل شي..بس من الصباح راح اضبط لكم دار الضيوف وتكون لكم لوقت معين...لحد ما نرتب امورنا..
مدى: ومن اللي يدري انا احنا راح نجي عندكم بس عمي!!
ضاري حب يكون معاهم صريح عشان ما ينصدمون: ايوه..مدى وابتهال...يمكن تلاقوا صعوبه اول الايام..بس هذا حقكم ولازم تدافعون عنه ..زين !!
ابتهال تنهدت..
مدى متردده: لو امك قلت لهم من اول...
ضاري: اهلي انا اعرفهم احطهم الامر الواقع احسن..
سكتوا مدى وابتهال شوي..
ضاري حس ان نفسياتهم ارتاحت من لما كان عندهم الصباح..
: طيب...الحين انا اخليكم وانتم جهزوا حالكم..مع السلامه..
وطلع..
مدى: قلبي يقول لي ان اهله ناس ابدا مو متفاهمين..
ابتهال: اذا شخصية ضاري كذا..وعمي سوى كل هالبلاوي ايش تتوقعي عائلتهم مثلا..
مدى تحاول تشجع نفسها: البيت بيتنا ومحد له سلطه علينا..

&&&&&&&&&&&&&&&&&&&&&&&&&&

سامي طلع من عند اهله..ودموعه وما وقفت وهو يتذكرصدمتهم انه راح يرجع يسافر من اول وجديد..
كان في لحظه من اللحظات راح يضعف ويقعد عندهم ويعيش اخر ايامه هنا..بين حضن امه الدافي ولمسة ابوه اللي كلها حنيه..لكنه فكر انه ممكن فيه امل انه يرجع ويعيش معاهم حياة كلها هناء وسعاده واهم شي الصحه والعافيه..

&&&&&&&&&&&&&&&&&&&&&&&&&&

ضاري من وصل للقصر...امر الخدم بانهم يجهزوا غرفة الضيوف احلى تجهيز..واشرف على كل شي بنفسه..وما خلصوا الا على الفجر...
: مشكورين وما قصرتوا..هالشهر لكم مني زياده..
طبعا الخدم فرحوا..وراح التعب منهم..
وهو اكثر انبساط وهو يشوف النتيجه على غرفة الضيوف اللي مكونه من غرفتين وصاله ودورة مياه...وغرفة مكتب..
وموقعها في الحديقه خارج القصر.. يستخدموها عادة لضيوف ومره انيقه وحلوه...
شاف ان الجو في الصباح مع شروق الشمس مره يشرح الصدر..قرر انه يجلس شوي يريح قلبه وعقله لمدة دقايق بس..وهو عارف ان اليوم اصعب الايام اللي راح تمر بحياته..زواج اريام المفاجئ...ودخول اريام وابتهال لحياتهم...
طلع سيقاره ..واحرقها على رواااق ..مع فنجان قهوه..تهدي اعصابه..
: صباح الخير..
لف عليها وابتسم: صباح النور...
اريام نادر ما تشوف الابتسامه هذي: ايش عندك اليوم مروق وجالس...ما عندك دوام..!
ضاري: الا عندي...بس عندي الاهم من الدوام..
اريام نزلت راسها: احس اني حملتك عبئ كبير عليك..
ضاري بأستهتار: لو عليك كان كل شي اوكي..بس في اللي اصعب منك..
اريام عقدت حواجبها: ايش اللي اصعب مني..؟؟
ضاري: بنات عمي راح يجون اليوم..
اريام ما استوعبت: بنات عم مين..؟؟
ضاري وهو يشرب القهوه ببرود: بنات عمي وعمك انتي...
اريام: ومن هالعم الجديد...؟
ضاري: اللي دفنه ابوك وامك مو جديد..
اريام: وكيف طلعوا...؟
ضاري: انا طلعتهم..
اريام: هذا محمد اللي كنتوا تتكلمون عنه فتره...
ضاري: بالضبط وصلتي...
اريام: وراح يجون اليوم...؟؟
ضاري طالعها: راح يعيشون عندنا اليوم...
اريام استوعبت كبر الكارثه اللي راح تنزل عليهم..
:ضاري انت عارف ايش مصيرهم هنا...!!
ضاري: ابوي معاي وهذا المهم..
اريام: وامي...؟؟
ضاري: هي المشكله عندي لكن بقدر اتجاوزها..
اريام بسرعه: انت تحب وحده منهم...؟؟
ضاري صعقه السؤال...حسه مثل الصدمه الكهربائيه عليه..عمره ما اعترف لنفسه انه يحبها ولا لأ..كان يمشي ورى مشاعره وقلبه ولا يدري وين راح توديه..
:لأ...ما احب احد منهم..
اريام شكت: ليه تساعدهم ومستعد تواجه كل شي عشانهم...
ضاري وقف: مثلك لما جيت اساعدك وأواجه الكل عشانك...هم مثل خواتي..
اريام صدقته...تحس انه من جد فولاذي اللي لحد الان ولا بنت قدرت تصهر الجليد هذا...
اريام بتروح:!!
ضاري: عندي كم شغله......يا عروسه.."وغمز لها وراح"
اريام وهي تشوف ضاري يمشي "أي عروسه يا اخوي...احس اليوم نهايتي...............ونهايتك.."

&&&&&&&&&&&&&&&&&&&&&&&&&&

عـــــــــــلى الفطــــــــــــــور..
: لا تنسون يا بنات الحلفه يوم الخميس..اعزموا كل من حب على قلبكم ..لان ابوكم ربح صفقه مهمه جدا؟؟؟
لانا اللي ما كانت على بعضها: اكيد مامي...راح اعزم كل صاحباتي..
دانا انبسطت: والله زمان عن الوناسه...
اريام ساكته وما علقت وبنفسها" ما راح احضر الحفله هذي الحمد لله.."
ام ضاري: انا راح ابدأ تجهيزها من اليوم..لانا ودانا راح تساعدوني اكيد..
التوأم: اكيد مامي...
اريام متعوده...مو هي اللي ياخذون بذوقها..شي متعوده عليه وطبيعي...

&&&&&&&&&&&&&&&&&&&&&&&&&&

ضاري من ترك اريام وهو في باله انه راح يحسسها انها بجد عروس ولو بالقليل..حجز الحلويات والاكل...وكل ما يعتبر للضيافه..
وعزم عمته لطيفه اللي استغربت مبادرة ضاري هذي....


&&&&&&&&&&&&&&&&&&&&&&&&&&

بالمدرســــــــــــه ...وقت الفسحه...
دانا جالسه بحضن فيصل...وفيصل يلعب بشعرها..
: ما ودك تقصين شعرك..؟؟
دانا بسرعه: لا مستحيل اقصه عاجبني كذا..ليه مو حلو!!
فيصل هو يحرك شعرها: الا روعه..بس كنت اسأل..
دانا بعدت عن حضنه وطالعته: فيصل بقولك شي...
فيصل ابتسم لها ابتسامه حلوه: شنو...؟؟
دانا وهي تطالع بعيد: احس اني اول ما كنت عايشه بس من لما شفتك حسيت ان للحياة طعم ولون ثاني..
فيصل قرصها من خدها: وانتي نفس الشي..انا اعشق حياتي...لاني انتفس هواك..
دانا وردت خدودها: ايوه تذكرت شي..يوم الخميس ماما عامله حفله لدادي لانه نجح بمشروع مهم..راح تجي...؟؟
فيصل بحماس: اكيد راح اجي..انا ما افوت ولا بارتي..
دانا رجعت لحضن فيصل ..ما تبي تبعد عنه ولا ثانيه..
فيصل بنفسه" عرفت اختار والله"
&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

العصـــــــر..
سامي..راح للحلاق يضبطه من الى..يبي يحس انه معرس وهذي ليلة عرسه..اللي مفروض تكون من اهم الليالي..
اريام راحت للكوافير تسوي سيشوار وميك اب ناعم..بجد غير من ملامحها..وابرز جمالها المخفي بين نظاراتها الطبيه وتسريحة شعرها الروتينيه..
ضاري يبي يرتب الامور لا تتخالط عليه ويقدر يسيطر على كل شي...وما يكون فيه شي خارج السيطره..


رجع ضاري للقصر..
وشاف الاشياء اللي طلبها وصلت..طلب من الخدم انهم يحطوها بالصاله الزجاجيه برا..ويرتبون كل شي...دخل على اهله..
:السلام عليكم..
كان واضح عليه انه محتاس ومومرتب وكأنه مشتغل حرفه يدويه هاده حيله..لدرجه ان شماغه معفوس فوق راسه..بس هذا ابدا ما يخفي جماله الا يزيده روعه وحيويه..
دانا ضحكت: ايش فيك ضاري...ليه شكلك كذا...؟؟
ضاري كالعاده ما يعطي وجه:وين عمتي؟؟؟ ما وصلت!!
موضي: ليه تجي لطيفه...؟
ضاري بدون ما يطالعها: انتي ناسيه ان اليوم سفرة اريام...!!
فجأه الكل تذكر...
لانا: اوه صح كيف راحت عن بالنا..
موضي: ما سويت لها حفلة توديع..
ضاري استحقرهم لصغر عقولهم: بنتكم ما تدرون عنها شي...ونعم العائله...على العموم انا مضبط كل شي..يبه جهز نفسك..انا بروح اخذ لي شور وانزل..
حمد حس انه فيه شي اكبر من سفرة اريام بس..يعني لو سافرت راح يكون وداع عادي ليش متعب عمره ومهتم كل الاهتمام هذا...
موضي جاها نفس الاحساس..وبما ان ضاري تكفل بكل شي يعني وراه بلوه ضدها...
جات العمه لطيفه وريماس ورهام معاها..
ريماس: ليش ما قلتي لي بالمدرسه عن حفلتكم هذي..انتي قلتي يوم الخميس...
لانا: يوم الخميس هي الحلفه...بس هذي مفاجأة ضاري..
ريماس دق قلبها: ضاري!!..مسوي مفاجأه؟؟ وتقولي جليد وما عنده احساس..
لانا: بصراحه انا احترت في نفسي ما ادري كيف طلعت منه...
رهام: دنو ...يا الشينه ايش عندك قاطعه فيني...ولا عشان البويه...؟؟
دانا ضحكت: هههه طيرت عقلي والله..
رهام: لازم تحكي لي بالتفصيل عنها..
دانا: اكيد راح احكي لك...
وبين الاحاديث فجأه نزل بشموخه..واسكتهم بجماله واناقته...ما انتبهوا لحلاقة وجهه الجديده قبل شوي لان شكله ما يهئ بس الحين محليته اكثر واكثر...
ريماس تنغز لانا: هذا ضاري الجليد...ابيه بعيوبه كلها..
نزل سلم على عمته وهم تسمي عليه وعلى بناتها على السريع..
: وين ابوي...؟؟
لانا: لسه ما نزل..
ضاري: اوك..تفضلوا للصاله الخارجيه لحد ما اجيكم..
دخلوا الغرفه الزجاجيه..كانت مضبطه من كل النواحي وفعلا تضبيط يدل على ذوق صاحبه من ناحية الطاولات والاقمشه اللي عليها..والاكل وترتيبه..والكارسي والاكسسوار اللي على الطاولات..
بس السالفه تميل وكأنها في النهايه كوشه..!!!
رهام: مو كأن هذي كوشه...؟
الكل لف عليها ..فعلا كأنها حفلة عروس مو وداع..
موضي دق قلبها: يكون يسويها...؟؟؟؟
ضاري انتظر ابوه لحد ما نزل...مسكه بيده وراحوا مع بعض لمجلس الرجال..
دخل حمد وانصدم لما شاف سامي جالس وجنبه سالم وشيخ!!!
ضاري رجع سحب ابوه برى المجلس..
: يبه اسمعني الوقت ما عاد يسعف احد..البنت بتسافر وانا ما راح اخليها تسافر لحالها..وما رضيت ان اختي تروح بلاد الغرب بدون ولي ومحرم يساعدها..انا الولد ما تحملت الغربه كيف البنت...؟؟ انا سألت عن سامي ومو أي سؤال..رجال يشترى بكنوز الدنيا..وانا اقولك عمر الفلوس ما كانت مقياس للرجوله..وبنتك راضيه فيه ليش نوقف في طريقها..الرجال جاك من الباب لا تخلي الامور تجي عكس ما نبي وتنصدم بكره في بناتك..عشان كذا يبه..خليك راضي عنه..واذا كنت تثق فيني وبرايي..وصدقني اريام ما راح تكون سعيده ومبسوطه ومرتاحه الا معاه..
حمد سكت..ما توقع ان ممكن يصير شي ضد رغبته..بس كلام ضاري فيه شي من العقلانيه..طالع ضاري كثييييييير وبالنهايه تكلم..
: لو صار لبنتي شي والسبب هو ترى انت اللي راح تدفع الثمن عارف!!
ضاري: ما راح يصير الا المكتوب...بس يله خلنا ندخل على الشيخ تأخرنا رحلتهم اليوم..
دخلوا...
سامي كان يصب عرق..طول ضاري وهو برى..حس انه ممكن يدخل ابوها ويطرده برى البيت..او يصير شي اسواء من كذا..
بس دخلة ضاري وهو مبتسم خلته يقدر يتنفس..
وتمت اجراءات الزواج على خير..
وباقي سؤال الشيخ..
: انتي موافقه يا بنتي على سامي زوجا لك..
اريام من برى ما تدري ليه خافت والحروف ما قدرت تطلع معاها وبنفسها" هذا سؤال ينسئل؟؟"
الشيخ عاد مره ثانيه عليها السؤال..
ضاري بلع ريقه : ايش فيها ما ردت هالبنت..!!
سامي اخترع ..يكون اريام ترده !!!
حمد يدعي ربه انها ماتاخذه حس ان هالزواج مو مناسب للاريام غاليته...
اريام واخيرا تكلمت: موا.....موافقــــــــــه..
ابتسم سامي ابتسامه وااااااااااااااسعه..
ضاري كان بيطلع عليها ويفجر فيها...
حمد توكل على ربه...وقرر يعطي ثقته لضاري واختياره..
وطلع الشيخ..
حمد على طول سأله: وين اهلك..؟؟
سامي منحرج: ابوي وامي بديره ثانيه وصعبه جيتهم بس ان شا اللله راح يجون..
ضاري: يبه على فكره..الملكه الحين...والزواج اذا رجعوا..يعني مافي زواج يا سامي..
سامي صح انصدم من هالقرار ..هو ما يقدر يظمن عمره لحظه زياده عشان ينتظر لحد ما يتعالج بس سكت ما دام اريام معاه زوجته شرعا..
حمد بدون نفس: حط عينك على بنتي واذا زعلتها ترى بتشوف نجوم الليل بعز الظهر..
ضاري يحاول يرقع السالفه: يبه اكيد راح يحطها بعيونه..
سامي حب يطمنه: لا تخاف على اللي مالكه قلبي وحياتي..ومافي آحد ياذي روحه الا المجنون..
حمد ارتاح شوي: مبروك..
سامي: الله يبارك فيك..
ضاري سلم عليه: مبروك سامي...منك المال ومنها العيال..
سامي والفرحه ماليه قلبه: الله يبارك فيك
وحتى سالم بارك له..
ضاري: يله سامي ماودك تشوف عروسك..
سامي وقف: الا اكيد..
ضاري: يله يبه تعال معانا..
وطلعوا برى المجلس..وحصلوا اريام بفستان ناعم وبسيط ابيض جالسه بالصاله لحالها..
ضاري لسه انتبه لشكلها...بجد طالعه روعه..
مشوا لحد ما وصلوا لها..
وقفت اريام تبوس راس ابوها..
حمد همس لها: مبروك..مع انك تستاهلين سيد سيده..
اريام بنفس الهمس: يبه هو في عيني سيدي..
حمد اقتنع واخرا ان بنته سعادتها راح تكون مع سامي ومستحيل احد يسعدها غيره..
ضاري: وهذا زوجك سامي..
سامي رفع عينه عليها: ما شا الله تبارك الرحمن...ربي يحرسك..
اريام انحرجت اول مره تسمع كلام مدح..دايما وابدا محل انتقاد وذم..رفع سامي معنوياتها كثير...
: مبروك علي انتي..
ضحكت اريام بجد كلامه يحرج: الله يبارك علينا,..
ضاري باس راسها: مبروك يا احلى اخت..ربي يوفقك..
اريام بكل امتنان: الله يبارك فيك..
ضاري اخذ نفس عميق: يله نروح للحريم..وتلبسها هناك قدام الكل وعشان المصوره..
اريام طالعته باستغراب: الكل!!ومصوره؟؟؟ من اللي جهز كل شي..؟
ضاري وهو يمسك يدها يساعدها على الوقفه: وانا ارضى اختي تروح كذا؟؟ لازم حركات شوي..
اريام حست انها راح تبكي وودها تحضنه وتفرغ كل اللي فيها على صدره...
ضاري اول مره يمزح معاها ويكون باللطف: دموع لالا الله يخليك خليها بعدين...
حمد: اجل انتوا روحوا واذا خلصتوا جيت..
ضاري: لا شنو يبه تتركني لحالي...لازم تكون معاي..
اريام حست بضاري وبصعوبه الموقف اللي حاط نفسه فيه وهي بعد موقفها ما يقل صعوبه عنه..
سامي مرتبك...وخايف ان الحاله تجيه...وقدام الناس !!!!!!!!!!!

@@@@@@@@@@@@@@@@@@@@

نهــــــاية البــــــــــــارت...

[شمس القوايل]

يعطيج العافيه قلب الزهور ع الطرح والمجهود

عساج ع القوه

ننتظر جديدج القادم

[قلب الزهـــور]

اقتباس المشاركة الأصلية كتبت بواسطة شمس القوايل يعطيج العافيه قلب الزهور ع الطرح والمجهود عساج ع القوه ننتظر جديدج القادم

●●●
هلااااااااااااااااوغلااااااااا
سعدلي قلبك ويسلمووو وربي على الحضور الرائع بصفحتي
تقبلي شكري وتقديري واحترامي
مع تحياتي :قلب الزهـــور .. بباي

[قلب الزهـــور]

رواية "الا ليت القدر" للكاتبه بقايا شتات..

الجـزء السادس والعشـــــــــــرون...
: ها بشر كيف كانت اللقطات..؟؟
: تمام التمام راح تعجبك..
: اهم شي التصوير واضح...
: لا تشيل هم..كل شي واضح...
ضحك ضحكه خبيثه...على اللي ناوي يسويه..

&&&&&&&&&&&&&&&&&&&&&&&&&&

ضاري: يله مشينا.."واخذ نفس"
تقدمهم كلهم...
سامي وقف جنب اريام..حس انه بحلم..اريام الحين له وملكه وجنبه واهم شي انها حلال عليه...طالعها بنظره كلها حب ولهفه واعجاب..
اريام طالعت سامي وقرت نظراته..ابتسمت له..واستحت وبعدت عيونها عنه...ومن داخلها اسعد انسانه..
سامي دخل ايدها بأيده ومشوا مع بعض...
حمد يمشي وراهم ..وقلبه يعوره على بنته وعلى زواجها هذا..اللي مفروض يكون بأفضل القاعات..واحسن المقاييس وزواج لا صار مثله ولا استوى...وزوج يحكي عنه كل الناس مشهور ومعروف ومن طبقه راقيه ويقدر يسعدها..
بس في النهايه راح يرضى بالواقع ويقول "هذا نصيبها"
وصلوا للصاله الزجاجيه ..
ضاري وقف لثواني...لف عليهم..
: لا تدخلون لما اقول لكم اوكي...
سامي واريام حسوا بربكته: اوكي..
دخل ضاري داخل...طالعهم شوي..لطيفه عمته وموضي غارقات بالسوالف...
والبنات ضحك وهيصه واستهبال؟؟
وبصوته الجهوري: اليوم عندنا خبرين..
الكل سكت ووجهه نظره له..
ضاري ما يطالع احد بس كانت نظرته قويه وواثقه..
: واحد حلو..والثاني شين مثل ما انتوا عارفين..اريام راح تسافر اليوم...بس راح تسافر وهي...."لف على اريام وسامي اللي ورى الباب واشر لهم يدخلون"....راح تسافر وهي عروسه...
موضي وقفت وطاح كاس العصير من ايدها: وهي ايش؟؟؟؟؟؟؟؟
ضاري مشى عندها لحد ما قرب لها...حط عينه بعينها: وهي عروسه....
لف على عمته: عمه خذي الطرحه..تغطي عن زوج اريام..
عمته لطيفه تطالعه وهي منصدمه: ضاري انت تتكلم جد!!!
ضاري وهو متجه للبنات: انا ما امزح يا عمه..
وصل للبنات: خذوا تغطوا...
لانا: ضاري انت اكيد...اكيد مسوي مقلب فينا...
دانا ورهام وريماس..صابتهم حالة سكون غريبه..
الخبر هذا مستحيل يجي على البال او انه يتصدق...بس ما اكد لهم الا وقفة سامي مع اريام بأول الصاله..
موضي صارت ترتجف: انت...انت بأي حق تزوج بنتي على كيفك!!!؟؟؟
ضاري ببرود: ابوها زوجها مو انا..
اريام من خوفها تمسكت لا ارادي بسامي وبقوه..
سامي حس بخوفها وضغط على كفها يطمنها..
موضي بتنهار: مستحيل هذا الزواج يتم..
ضاري طالعها بقلة صبر: يمه..الزواج هذا تم وكل شي ...روحي باركي لبنتك..
لطيفه : ضاري اللي سويت هانت وابوك مو شويه..وما لقيتوا الا هذا عاد!!!
ضاري عصب: عمــــــــــه !!!
موضي راحت لعند اريام تركض: الحين هذا اللي تبينه..
اريام نزلت راسها وعيونها غرقت دموع والعبره وقفت بحلقها..
موضي تصرّخ: ردي علي...هذا" وتطالع سامي بأستحقار"..هذا يستاهل ياخذك..
سامي حس انه انهان والود وده يسحب اريام ويطلع من هالبيت بسرعه..
دخل حمد بسرعه: موضي...كفايه..اللي صار صار وهذا نصيبها..
موضي مولعه راح تنجن: حمد...تزوج بنتي كذا؟؟ الزواجه هذي...وبدون علمي..!!
ضاري: يمه وبعدين...بنتك بتسافر الحين..خلي السالفه تعدي على خير...
موضي: الله لا يبارك فيها...زواجها تم بدون علمي وتبوني اسكت..."طالعة اريام بحقد" تهني فيه ..."وطلعت"
ضاري وصل حده...ما يبي اريام تزعل وهي راح تسافر...
اريام بدت الدموع تنزل..مافي بنت بالعالم كله زواجها صار بالسوء هذا...
ضاري: سامي اريام...تعالوا اجلسوا خلو المصوره تاخذ لكم كم صوره...
سامي اللي مخليه ساكت ومنزل راسه ان اريام جنبه..
دانا تبكي: ليه ابوي وضاري زوجوا اريام كذا...
لانا بقرف: عشان تقدر تاخذ اللي تبيه..
ريماس بأستحقار: وهذا اللي تبيه...!! مالت عليها ما عندها نظر..واضح عليه حافي ومنتف..
رهام: يمكن يحبون بعض!
لانا: لو انها سافرت وهو معاها بدون محد يدري انها تزوجته احسن..
دانا: حرام...شوفوا مكسور خاطرها..
لطيفه ما تحملت اللي صار...بس جلست عشان خاطر حمد..اللي باين عليه وكأنه مجبور بعد..
المصوره حاولت تحلي الصور اكثر فرح مما عليه الواقع..بس مستحيل تطلع صوره حلوه واريام في كل صورها واضحه دمعتها بعيونها..
سامي اشر لضاري: ضاري طلعنا من هنا بسرعه...
اريام لفت على سامي بخوف...شافت وجهه بدا يتغير لونه...الحاله اكيد راح تجيه..وطالعت ضاري بنفس نظرة الخوف...
فهم ضاري عليها: يله اللي يبي يسلم على اريام يجي مابقى على رحلتها شي..
جات العمه..وسلمت عليها..
: مبروك يا اريام..ربي يوفقك ولو ان ما بغينا تكون الامور كذا...بس يله تروحين وترجعين بالسلامه..
اريام والغصه وكأنها خنجر بحلقها..مع كل كلمه يطعن فيها اكثر..
وطلعت عمتها من المكان..
تقدمت رهام وضمت اريام: مبروك قلبي..ربي يوفقك..الا ايش اسم زوجك؟؟
اريام تحاول تبتسم: سامي..
رهام: مبروك سامي...تروحون وترجعون بالسلامه..
سامي يحاول يتمالك نفسه: الله يبارك فيك "ويدور سالم بعيونه"
جات بعدها دانا ودموعها ما وقفت وضمت اريام بقوه..
: ليش..كان ودنا نفرح فيك..اريام ما اقدر الا اقول مبروك...بس تروحين وترجعين بالسلامه" وراحت"
بكت اريام ..تبي احد يرحم حالها..تبي احد من اهلها بصفها..
جات بعدها لانا وجنبها ريماس..
لانا: انا قلت لك لا تفكرين بنفسك وبس..هذي النتايج..
ريماس: الحمد لله والشكر...وافق شن طبقه..
ضاري صرخ فيهم: ريماااس لااااانا..خير,,,!!
انتفظوا الثنتين وراحوا..
اريام ما عاد تقدر تتنفس...دموعها محاصرتها..ما قدرت توقف بكي..
جاء ابوها وضمها..ضمه حنونه عسى تريح قلبها بعد اللي شافته من الكل..
: لا يهمك كلامهم يا بنتي..ربي يسعدك ويوفقك ا نشا الله..وراح اشتاق لك..وبفقدك لا تطولين علينا..
اريام صارت تشاهق في حضن ابوها.. ولا تكلمت ولا بحرف..دموعها تحكي كل طنعه وكل جرح..والم تسببوه لها..
سامي وقف ما عاد يقدر يتحمل اكثر: سالم تعال..
جاء سالم بسرعه وسند سامي..
اريام بعدت عن حضن ابوها تبي تطلع بسرعه عشان سامي يقدر ياخذ علاجه ومستحيل تعطيه عند ابوها...
لف حمد على سامي: فيك شي!!
سامي ضاق لاتنفس عنده: لا سلامتك.."وسلم عليه بسرعه" اشوفك على خير يا عمي..يله سالم مشينا..
حمد طالع سامي وهو يطلع قبل اريام وسالم سانده..
: وش فيه...؟؟
ضاري طالع اريام ما يدري ايش يقول..
اريام: هو كذا يبه..تجيه حالات من الزحمه والربكه..
حمد حاول يبلعها..بعد مريض!!..رثى نصيب بنته الميت..اللي خلاها تاخذ واحد مريض وهي الكل يتمناها..
ضاري مسك اريام: يله يبه انت بروح اوصلهم..
حمد ما علق بس طالع اريام وهي تختفي من عينه..

>>>>>>>>>>>>>>>>>>>>>>>>>>>>>

داخل القصــــــر..
موضي بالصاله تطالع سامي سانده ممرضه ويتجهون ناحية السياره...
: يا حسرة بنتي...بعد ماخذه واحد ما ادري وش قصته..حسبي الله عليك يا ضاري..هذا زوج؟؟...هذا زوج!!!.."ولفت عليهم" انا ما راح اعاتب ضاري..الكلام على حمد اللي وافق..
لطيفه: ما ادري اخوي وشلون وافق...!
لانا: اكيد ضاري اقنعه..
موضي: الله ياخذك يا ضاري يا ولد السو...."وسكتت بعد ما نغزتها لطيفه"
دانا ولانا طالعوا امهم..
موضي ارتبكت: بس هين يا ضاري هذي اخرة دلعي لك...الحين تمشي كلامك علي!
حاولت ترقع السالفه...بس السالفه وكأنها واضحه بعيون دانا ولانا...

>>>>>>>>>>>>>>>>>>>>>>>>>>>>>>>>

بالسياره..
: اريام ما راح اخذ علاجي الا بالطياره..
اريام خايفه عليه: تقدر تتحمل!!
سامي: ربي يعين..
ضاري يسوق وهو ساكت..بجد حالة سامي تدهورت كثير...
وصلوا للمطار..وما كان باقي على رحلتهم شي..خلصوا امورهم واعلنوا رحلتهم..
: سامي حط عينك على اختي ما اوصيك...واي شي تحتاجونه اتصلوا علي..
سامي اللي جلس على كرسي متحرك: ا نشا الله...
ضاري طالع اريام: ما اوصيك على نفسك وزوجك..واللي اليوم مو زواجك يا اريام..لما ترجعي بسوي لك زواج تحكي عنه الدنيا..
اريام ضمت ضاري بقوه: الله يخليك لي يا اخوي..وما راح انسى وقفتك معاي..
ضاري اللي ما عرف يتصرف اذا ضمه احد..ضحك وبعد عنها..
: انا اخوك يا اريام..تروحين وترجعين بالسلامه يا الغاليه..
اريام باسته على راسه: ربي يعينك على الجاي...وبرجع اشوف بنات عمي وأتأكد ان مافي وحده خذت قلبك..
ضاري يتظاهر بالبرود: راح تروحين وتجين ومحد ماخذ قلبي..
اريام: ايه نشوف..
ضاري: ما عندك سالفه....روحي لألمانيا بس...
سالم اللي كان يدف كرسي سامي تقدموا واريام حلقتهم وهي كل شوي تلف على سامي تبي تثبت صورته وهو مستحي لاول مره في تاريخه..
ضاري ما ارتاح الا لما اختفوا عن نظره..تنهد وقرر يرجع للقصر يشوف الاوضاع ويبدا في شغله الخاص..
&&&&&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

فـــي القصــــر..
اول ما دخل حمد عليهم..موضي وقفت بوجهه بعيد عنهم..
: انت مستوعب ايش اللي صار..؟؟
حمد: موضي قلت لك...هذا نصيبها والبنت تبيه..
موضي: وانت تدري من قبل..؟؟
حمد: لا..كل شي صار فجأه..
موضي: يعني ضاري ولدك هو اللي خطط لكل شي..ومشى كلامه علينا..
حمد: لا تعورين راسي..انا اللي وافقت عليه مو ضاري..
موضي: ومن اللي اقنعك..وانت اللي كنت رافضه اكثر مني..
حمد: اريام تبيه ضاري ماله دخل..
موضي: الا عشان مالك شخصيه ولدك يمشيك على كيفه..
ما حست الا بكف على وجهها: اللي ماله شخصيه هو اللي يمشى ورى كلامك..
موضي رفعت عينها عليه بحقد: انت تمد يدك علي وعلى اخر عمري..
حمد وهو تعبااان: احترمي نفسك وما يجيك شي ..بس تعرفين صوتك ترى بيجيك اللي اكبر...
مشى وتركها...راح يأخذ ابرة السكر..
موضي: هين..وربي لا اعلم كانت وولدك..

>>>>>>>>>>>>>>>>>>>>>>

السكون عم المكان والكل يطالع الثاني...محد له خلق يتكلم او يعلق او أي شي..
ريماس بهمس: الحين ليش ما نرجع بيتنا..؟؟
لانا: يمكن عمتي تبي توقف مع امي..
رهام: طيب خلاص البنت تزوجت وهي راضيه ليش زعلانين..
دانا: عشان بكره بيطلع كلام علينا..بنت حمد أل (...) ماخذه مدري مين..
لانا: وبكره الحفله وبينتشر الخبر...
ريماس: ونكون سالفة المجتمع..
رهام: بس ما توقعت ضاري يسويها..
لانا: لا توقعي من ضاري كل شي...ضاري هذا ممكن يمشي البيت كله حتى امي...
ريماس: خرعني اليوم لما صرّخ علي...
دانا: هذا بس صرخ عليك..اجل اذا عصب وحط عينه بعينك قسم بالله ما تقدرين تتحركين..
رهام: احسه انو طيب..بس ساعات متوحش..
لانا وهي تتذكر لما وقف بوجهها وسألها جايه مع مين ومن وين ودق قلبها: لا اكثر من متوحش..
موضي تاكل بنفسها..اليوم كبير عليها..زواج بنتها بدون علمها..اخذت واحد ما تدري ايش سالفته وزياده على كذا راحت معاه لألمانيا..حمد اليوم اول مره يمد يده عليها...وكل هذا والسبب ضاري..قلب عليها كل شي..وقاعد يسوي كل شي يبيه بدون شورها..حتى حمد غيره عليها...
" بتشوف مني يا ضاري الويل...سكت عنك كثير..بس من اليوم وطالع..راح اخليك تشوف موضي على حقيقتها"
وفجأه اخترق جو السكون...
: السلام عليكم...حلو انكم لحد الان مجتمعين...
الكل طالعه بحقد...حس بنظراتهم له...بس معطي الكل اشكل..جلس ببرود بينهم وحط رجل على رجل وطالعهم..
: خير ليش تطالعوني...وصلت اريام للمطار ارتاحوا بنتكم في ايدي امينه...
محد علق عليه..هو كان يبي يصفي الجو...عشان خطوته الثانيه..بس شكله مافيا مل..
: اجل وين ابوي..؟؟
دانا: بغرفته...
ضاري طالع موضي...واضح عليها انها موصله حدها..ضحك عليها..
: يمه..حرام عليك ما باركتي لاريام شوفيها راحت وهي زعلانه..
موضي عرفت انه يبي ينرفزها اكثر..ماردت عليه..
كمل ضاري: بس هي قالت سلم لي عليها..
موضي: الله لا يسلمك ولا يسلمها .."واعطته نظره"
ضاري طالعها وبنص ابتسامه: مقبوله منك ..مقبوله..""ووقف"..على فكره..عمتى لا تروحين اليوم جايين عندنا ضيوف ابيك تتعرفين عليهم...وهم راح يعيشون عندنا لفتره..
موضي وقفت: ومن هالضيوف...؟؟
ضاري وهو يمشي: بتتعرفون عليهم..."وطلع"
موضي راح تنجن: هذا ناوي يذبحني من البلوه اللي بيجيبها عندي بعد!!
لطيفه تهديها: اهدي يا موضي يمكن واحد من اصحابه..
موضي: انتي شايفه كيف يبي يذبحني انا عارفه عارفه..
دانا حطت يدها على راسها بتعب: ملينا بلاوي...ايش ناوي عليه ضاري..
لانا: من الضيوف؟؟؟
ريماس: يمكن واحد من اصحابه مثل ما قالت امي..
رهام وهي تلعب مع لالي: وسعوا صدوركم شوي ونعرف...
&&&&&&&&&&&&&&&&&&&&&&&&&&

مدى وابتهال من بدري جهزوا نفسهم..وتأخر عليهم كثير ضاري...بس واخيرا وصل..
: تأخرت عليكم..؟؟
مدى واضح انها مرتبكه: لا عادي..
ابتهال: لا ..تأخر شوي...
ضاري: طيب حقكم علي..
مدى طالعت ابتهال: خذي الشنطه وانتي ساكته..
ابتهال بطفش: طيب لا تنافخين علي..
ضاري: خلوا السيرفريشيلونها..
وطلعوا كلهم للسياره..
بجر: وين بروح؟؟
مدى : بيت عمو...
وداد: مين عمو؟؟
ابتهال: عمو حمد..
بدر: بيتهم بعيد..؟؟
ابتهال: سؤال ثاني يا شاطر بنزلك من السياره...
خاف بدر ومسك مدى بقوه...
وداد سكتت من الخوف لا يجيها مثل ما جاء بدر..
مدى: عمى ..سببتي لهم رعب يا المجرمه..
ابتهال: هههههه يا اختي سؤال ورى سؤال..
ضاري يسوق وهو ساكت مستمتع بهواشهم اللي واضح فيه انهم كلهم قلب واحد...والضحكه تعلى وجييهم لو هم في قمة انهزامهم..حسدهم على هالشي..بعكس اخوانه اللي كل واحد عايش لنفسه وبس ..من عنده لاصغرهم دانا ولانا حتى وهم توأم بعاد عن بعض...
قربوا اخيرا للقصر..يشوفون انوار القصر من بعيد..
: ترى قربنا..
ابتهال ومدى يطالعون من شباك الرنج روفر الانوار الصفراء وشموخ القصر من بعيد..
ابتهال ما صدقت عينها: ضاري هذا هو اللي على اليسار...
ضاري: ايوه..
ابتهال بهمس: واااااو يا مدى...لو نعيش في الملحق جنه..
مدى طالعتها: وانتي وين راح تكوني اكيد بالملحق مثل ما قال ضاري..
ابتهال: معليش راضيه..
مدى: تكفين اسكتي...انتي لك نصه يا غبيه..
ضاري: مدى وابتهال..اكيد راح يكون استقبالكم شيق..بس تحملوه اوكي..الحياة هناك ما راح تكون سهله..بس هذا حلالكم وحقكم ولا تسكتون اذا كان معاكم الحق..واي شي تبونه اطلبوه مني على طول ..اوكي...!
مدى وابتهال حسوا انهم بوسط دوامه..عسى يطلعون منها...
واخيرت دخلوا مع بوابة القصر...
مدى تطالع من جهه..وابتهال من جهه الثانيه...
وداد وبدر مبسوطين وينططون لما شافوا الورد وطريقة ترتيب الشجر..والنافوره..والجلسه اللي بالحديقه...والانوار اللي على الارض..معطيه الحديقه شكل خيالي..وتحكي عن فخامة وذوق صاحبه وباين العنايه فيه..
وقف ضاري سيارته: يله انزلوا..
نزل ونادى على الخدم يشيلون الشناط ويحطونها بغرفة الضيوف..ويرتبونها..وهي في الاساس كلها شنطتين وما فيها ذاك الشي من الملابس والاغراض...
نزلت مدى ووقفت قبال القصر تطالعه شوي تبي تستوعب اول شي..عشان تقدر تكمل للداخل..
ابتهال ما نزلت..ما زالت فاتحه فمها تطالع الحديقه وعاجبها منظر النافورهوالمويه اللي تتخللها الانوار..
ضاري ضرب الشباك بيده: ماودك تنزلين؟؟
ابتهال صحت وفتحت الباب وعيونها واضح عليها الدهشه...
: معليش ضاري..انت بشويش علينا..ترى احنا اخر شي شفناه واو كان الفندق..فا رجاء بالتدريج...
مدى تبي تدخل وترتاح وتخلص قلبها بيوقف...
: يله خلونا ندخل...
ضاري حس بتوترها وعيونها تحكي خوفها..قرب عندها: لا تخافين وانا معاك..
مدى طالعت عيونه..فيها ثقوه ورجوله..وشي حلو فيه متغير..كان "الديرتي فيس" الجديد روعه عليه...
بسرعه نزلت عينها ما تقدر تطول..عيونه تحرق..
ضاري انتبه لنفسه"ايش فيني على طول من اول يوم...لازم امسك عمري"
: يله بنات مشينا...
وقف قبال البوابه الرئيسه لداخل القصر...
: لا تدخلون الا لما أأشر لكم زين!!
الثنتين هزوا روسهم..وكل وحده ماسكه يد الثانيه ووداد وبدر كل واحد مع وحده..
فتح ضاري الباب..وتقدم شوي كم خطوه ..طالع اهله وهم بالصاله بعدين عنه بمسافه ماهي قليله..
:الضيوف وصلوا..
وقفت موضي وجنبها لطيفه..والبنات وراهم..يطالعون الباب من اللي راح يدخل معاه..
ضاري لف على مدى وابتهال..
: حيكم البيت بيتكم..
تقدموا كلهم لحد ما صاروا جنب ضاري...
الكل يطالعهم..من هالبنات وايش يصيرون....
موضي: بنات مين..؟؟
ضاري وهو رافع حاجب: اعرفكم على بنات عمي محمد..مدى وابتهال..
لطيفه كان جبل طاح على راسها: محمد اخوي!!
موضي اللي جاتها الطامه الكبرى..بنات محمد في بيتها!!!
:ومن سمح لك تجيب بنات محمد عندي؟؟؟؟
ضاري بقوه لانه عارف طريقة موضي: انا سمحت لنفسي..وما راح انتظر موافقتك..وتكفيني موافقة ابوي..وعلى فكرة بنات عمي راح يعيشون عندنا..ولهم في هالبيت مثل مالنا..
موضي: الى هنا وبس..بنات محمد مستحيل يعيشون معاي في بيتي..
ضاري: اذا صار بيتك تكلمي..
لانا: ضاري احترم امك شوي..
موضي تصرّخ: ضاري طلعهم برى بيتي بسرررررعه..بنات نوير مستحيل اخليهم دقايق عندي..
مدى ما قدرت تسكت: لا تتكلمين عن امي فاهمه..
موضي بأستحقار: بعد!! بنت نوير لازم بيكون لها لسان ترد على اللي اكبر منها..
ضاري: نسيت اقولك يمه موضي...ترى ابوي كتب نص حلاله بأسمهم..
ليطفه ضاعت بالطوشه: موضي مو محمد اخذ حلاله وسافر...ليش اخوي حمد يكتب الحلال لهم..؟؟
موضي ما زالت مصدومه من كلام ضاري ..كل خططها راحت هدر وتعب سنينها اختفى قدام عيونها..
:ايش...نص حلالنا؟؟؟؟؟.....وفجأه طاحت عليهم..
لانا تبكي: انت من وين تجيب هالناس..واحد حافي ومنتف وزوجته اختي..والحين جايب لنا هالاشكال وتقول بنات عمي....!!
ضاري طالع لانا: لانا..لو ما استعدلتي وسكتي..وربي ى اخليك تندمي على الساعه اللي جيتي فيها..البنات اللي جنبي بنات عمكم..وابيكم تعامولونهم كويس..وان سمعت ان وحده منكم غلطت عليهم بكلمه وحده يا ويلكم...
لطيفه تحاول تصحي موضي: جيبوا مويه بسرعه...
راحت رهام تركض تجيب مويه..
دانا راحت عند امها تحاول تصحيها مع عمتها..
:ضاري ان صار لامي شي بسبتك ما راح اسامحك..
مدى وابتهال مخترعين اول شي حدة الموقف وثاني شي ضاري بركان هايج..اول مره يشوفوه بالعصبيه هذي...وكيف يكلم امه بالطريقه هذي..
ريماس وهي تطالع مدى وابتهال: عشنا وشفنا اشكال والله..
لانا بهمس: طلعتهم من هالبيت على يدي..
ضاري طلع..
:مدى وابتهال تعالوا.....
مدى حست ان كرامتها انهانت كثير ..توقعت صعوبة الموقف بس هذا كثير عليها..
ابتهال تمنت انها ترجع بيتهم اول ومستعده تكمل باقي حياتها هناك...
ضاري وهو يمشي معاهم وباين انه معصب وعاقد حواجبه..
:معليش على اللي شفتوه من شوي..بس هذا موعشانكم احنا كل يوم كذا...يعني الوضع طبيعي..مع الايام راح يتغير كل شي...
مدى وابتهال ساكتين..وداد وبدر منصدمين من الصراخ والحرمه اللي طاحت قدامهم..
وصلوا لغرفة الضيوف..
ضاري وقف عند الباب: هذي غرفتكم..اي شي تحتاجونه اتصلوا علي..هذي تحويله غرفتي..ورقم موبايلي معاك يا مدى..وتصبحون على خير...
مدى م علقت ولا بكلمه ودخلت الغرفه وهي ساكته..
ابتهال حاولت ترد عليه بس كا قدرت..هوت راسها واكتفى ضاري بهالشي وراح...
وسكرت ابتهال الباب وقفلته..
طالعت مدى وفجأه بكت..
: مدى...ما راح نتحمل اكثر...العيشه هنا صعبه..
مدى: انا ما جيت هنا عشان ضاري...ولا عشان عمي..انا هنا ابي اخذ حقي وحق اخواني ونطلع..
ابتهال:هذا اول يوم لنا ما قالوا ضيوف..ولا احترمونا..
مدى وعيونها غرقت دموع:وحده تكره امي لدرجه انها تتكلم عنها وهي ميته تبينها تحبنا او تحترمنا..قلت لم احنا هنا لنفسنا..
ابتهال دموعها ما رضت توقف:مدى خلينا نطلع من هنا...نفيش في أي مكان ..مابي اجلس هنا...
مدى بعدت وجهها عن دموع ابتهال لا تضعفها..
: ابتهال انا قلت اللي عندي..خلاص كفايه كلام..
وداد وبدر جالسين ويطالعون الموقف.وراح يبكوا مع اختهم ابتهال...
رجع ضاري لداخل القصر..
موضي سانده نفسها على الكنب وواضح على وجهها التعب..وعمته تمسح عليها اللي شافته اليوم مو هين..
ضاري جلس قبال موضي..
موضي منهاره: خلوه يروح عن وجهي ما عاد ابي اشوفه..
ضاري تعبان ما نام ليلتين وما عاد فيه لصراخ او هواش ولا حتي نقاش..وحس انه هو اللي بيطيح عليهم من الصداع اللي في راسه..
:انا بروح بس بقول كلمتين لكم كلكم..البنات يتامى امهم توفت وتركتهم ولا لهم ولي غير ابوي...ولا تحسبون انهم على رجاكم..ترى مثل ما قلت نص الحلال لهم..
موضي ولطيفه انصدموا: نوه ماتت!!!!!!
ضاري: راحت وانتوا مورينها الويل...بس كل واحد بياخذ جزاته..كل واحد سبب لها الم هي وزوجها راح يلاقي حسابه..
لطيفه انخطف لونها: موضي ..مو قلتي ان محمد اخذ حلاله وراح.؟؟؟
موضي اتربكت:الا ...هو اللي تركنا احنا مالنا دخل..
ضاري: ايش اللي مالكم دخل..عمه ابوي ما اعطى عمي شي..
البنات انصدموا من ابوهم..
لطيفه: كيف يعني....؟؟ اخوي ما اخذ نصيبه...اجل وشلون عاش..
ضاري: اسألي امي عنهم كيف عاشوا...
لطيفه طالعت موضي منصدمه...مو معقول اخوها كان مظلوم كل هالسنين وهي اللي تحسبه نساهم والفلوس اعمت قلبه..
موضي: انا مالي دخل ولا ادري عن شي..حمد هو اللي قالي اني اعطيته حلاله وسافر..
لطيفه: واخوي وينه الحين.؟؟؟
ضاري وهو يمشي ونزل شماغه على كتفه وعقاله بيده: عمي مختفي محد يعرف وينه..
لطبفه ضربت صدرها: يا حسرتي على اخوي..وش صار عليه وش جرى له؟؟؟..
موضي خبر وفاة نوره صقعها.."نوره ماتت!!" ولا اهتمت كثير للطيفه..
لطيفه ما قدرت تتحمل اكثر: يله بنات مشينا..
ريماس: بكره انا عندكم ا نشا الله..
رهام: وانا نفس الشي..
لانا ودانا وكأن الهم طاح على راسهم صدمتهم في ابوهم ماهي هينه..وزاده شالوا هم امهم لسه حسوا بمكانة اريام لو كانت موجوده كانت تكفلت بكل شي وشالت هم امهم عنهم..
: ا نشا الله..بكره نشوفكم..
وراحت العمه والبنات..
دانا سندت امها وطلعوا اللفت مع بعض..
لانا مازلت جالسه..تبي تستوعب اللي قاعد يصير..والبنات اللي يقولون انهم بنات عمها..وشلون راح تعيش معاهم..مع ان اشكالهم بالنسبه لها..العيشه معاهم مستحيله..
&&&&&&&&&&&&&&&&&