خضار الحرف لا تبطي وحرفي بلل الأرياق=تعال إسكب مواويلك على سطر الغلا بالطرس
تعال إفتح دواويني بعد طفل الغلا ما فاق=تعال اسق العروق بداخلي واسق الغلا والغرس
تعال أرضيت بك من عام والله معظم الاذواق=أبيك تروح في رحلة خيالي للحبيب الشرس
فقدته والسما زرقا وربي وزع الارزاق=وأنا ماني بجايع دام ربي خالقٍ لي ضرس
أبيه إيكون من بعد أتجرع سم لي ترياق=وأبيه إيحارب الروم المسمى بعد حرب الفرس
وأبيه إيصون قلبي لا يجيه بِذَ الزمان فراق=كفاني ما جرالي من فراقه بالليالي درس
وأنا أعطيه الوعد لَغَرّقه من زود الدلال إغراق=وأضمه بالعيون ورمش عيني له ضلال وحَرس
وولع له قصيدي شمع واركّب فوقها الاشوق=وارقص له عروقي كنها في حفلةٍ في عرس
أمانه يا قصيدي لا لقيته قول طفلك فاق=تعال من الوله ضمه وحطه بالعيون الخرس
العرض العادي
