ياحسافه ..
اللي هالدنيا بأهلها ماعليها اصلا حسافه !
ياحسافه
ياشعور الشاعر وفكرة وقافه
ياصداعه .. ياشعافه ..
يابقايا حلم متقوقع من ايام الخلافه
ياحسافه
ياابتسامات السخافه
ياثقافة جيل مايدري وش معنى الثقافه
ايتثقف شعر .. من بياع دكان الصرافه
....
اسف اني في زمنهم ...
بس لحظة !!
ماني منهم
يعني لو اوصفك في لحظة مثلهم .. لاتصدق
يافراشة نور .. والا أقولك ! ..
بلا سخافه
بري حالي بري عود لفه اللاهوب واسفابه وطافه
....
ايه ابيك
وذبلت عيوني وهي تبكي عليك
ماابي دمعك ولا شمعك ولا حلم انك شريك
ابي بس اجيك قبل تروح واسلم عليك
جعل يسقى يومني لامن بغيت اجيك
اكلم واجيك
....
البارحه كنت منّا وأنا منّاك .. صغار .. واليا أنمطرنا لمنا كوت
واليوم .. لأنت بهنا ولاني هناك .. ماغير أصوت عليك ويرجع الصوت
ياقطع كبدي على ذكرك ولاماك .. ياراعي التوت ليه تبيّع التوت
وقّفني السجن والتفكير ورضاك ... وخذوك مني هالفلوس وهالبشوت
واليوم لو أوصلك من بعد فرقاك
مثل اللذي ينتحر خايف من الموت
ياحسافه
...
قلتلك صدقني انها
ياحسافه
لكن اذكرني بدون ايه تفاصيل وكلافه
مستقيم دوّخ العالم بشعره وانحرافه
تكفى أذكرني وقول اسمي بتجريد ولطافه
كل ماتفتح شبابيكك
وتسقي الورود
وينتشرون عمال النظافه
( ياحسافه )
.
.
لـ أفلاطون الشعر سعد علـوش
..
العرض العادي
