سؤال

[أبو بسام]

[[الذنب مو ذنبك ولا القول ينصاك الذنب من خلا صغير القوم يتكلم

عند العرب ان قلت قولك عدمناك وعند الرجال ارجوك اقعد تعلم

لو تنطح الصخره ترى نقول وشجاك تنطح الصخره وهي ما تألم ؟؟ ؟

ماني على طبعك ومثلك وشرواك ليش أهزب الطفل وهو ما يتكلم

خلك وإلعب وين ما طاب ممشاك ويمكن مع الأيام تفهم وتعلم

إن الشعر ماهو مثل خط يمناك وترتيب شعرك صار عندي معتم

مدري إعربي ولا من الغرب منشاك المشكله ماصرت مره تحشم

إسمع وخلك إسمع القول لي ياك إبعد عن إدروب الخطر كان تفهم

لا ترمي أقوال ولا تقول طرواك شعرك عجزت أفهمه محتاج معجم

ماني مطول ولاني جالس وياك خلك لوحدك وإشعر وهات وترنم

إضحك بشعرك على من هم سواياك ولا إصطحبلك شخص لجلك يترجم

قولي وصلك وظني انه تعداك ابعد وخلك لا تجيني تحرطم

ثرثرت واااايد ولا فهمنا نواياك وخلك بحالك جعلك إتصير أكرم

سمحان منك كانك اتعرف ماياك وان كنت جاهل قووول برسل مترجم

انا مغادر وبترك الخيط وياك يره متى ما شإت وأنا ((سلمـــــــلم))


]

[أبو بسام]

ليش بعض الناس تكذب بالكلام؟ ما دروا إن الكذب حبله قصير

ليش بعض الناس ما ترد السلام؟ ما عرفوا إنه ترى شي كبير

ليش إسم الحب عذب بالغرام؟ ما يميز بين شايب أو صغير

ليش بعض الناس تغرق فالظلام؟ والشموع إشكثرها عنده كثير

وليش بعض الناس ما تعرف حرام؟ هي شموع وما تبي مره تنير

وليش هذاك الغني يبغي إبتسام ؟والفرح متوفر عند الفقير

وليش بعض الناس تنظر للحمام؟ يحسدونه بس ليش إنه يطير

وليش مع صهيون نبدا بالسلام؟ نضحك لشارون ونحيي بلير

وليش ننظر بس زي زي أو هشام؟ وليش بالأفلام كل واحد خبير؟

وليش نطرب يوم نسمع لأحلام؟ ما نفكر بعدها نار السعير

وليش ربي ما رزقنا بالغمام؟ ما سألنا نفسنا شالي يصير؟

وليش قعدنا المؤذن والإمام؟ ما ينادي للملا الله كبير

وليش قمنا نحترف قطع الرحام؟ ننظر الورده ولا نروح عبير

وليش نبدا نضرب الناس إبسهام؟ ونغزت الدبوس توجعنا كثير

ليش دايم نعكس أقوال النظام؟ ولو نشوف المخطي قلنا ما يصير!

وليش أهل الغرب إلهم إحترام؟ وللمواطن نبخل إنمد الحصير

ليش يضحكنا حكي عادل إمام؟ وما يبكينا فلسطيني أسير

ليش نرددها على (الدنيا السلام)؟ وكل حل عندنا يبقى أسير

وليش كل هذا الحكي والإهتمام؟ من شويعر بالشعر توه صغير

من فهمني ينطق إبصوته حرام ومن جهلني وين ما يبغي يسير