حسبتك عديم الاحساس وصرت لي كل احساسي قصه رومانسيه سعوديه رووعه

[عاشقة الحرف]

تابع>>
************************************88
^^وقفت جمب سيارته تستناه جلست تدور ما لقت احد ردت على الجوال
مها: لااا لاتصير انت كذا انا بحاول
كان واقف يسمع مو مصدق اللي يسمعه..
مها: ياحبيبي يا حبيبي انا بتصرف خلاص
كلمات طعنته في الصميم الخيانه كانت اقوى من ان قلبه يتحملها منها..
ماعرف وش يقول وش يتصرف حس بالالام في قلبه ما تتحملها اكبر جبال خانته بعد ما سامحته حس انه غبي
خالد حاول يتمالك غضبه: اركبي
مها لفت بسرعه: وين
خالد يناظرها نظره احتقار: وين يعني في السياره يا حلوه>>قالها بستهزاء
مها حست بشي غلط خافت انه سمعها وفهمها غلط: خالد انا كنت اكلم
قاطعها: ما يهمني اعرف تكلمين مين وما تكلمين مين اركبي خليني اوصلكم واروح انام تعبان حدي
مها برقه: سلامتك من التعب
خالد بجفاف: الله يسلمك تفضلي
مها : طيب خلني افهمك وش الموضوع
خالد: ما ابي اسمع شي ما ابي اعرف ولاشي
لمحت امها واختها جاين من الباب بعدت عنه حاولت تتصرف بطيبيعه وقفت ومسكت مسكه الباب
خالد لاحظ حركتها واستحقرها زياده ركب من دون ما يقول ولا كلمه بس اصوات انفاسهم اهي اللي ترد عنهم
حصه تركب جمب مها: السلام عليكم
خالد بهدوء غريب: وعليكم السلام عمتي وشلونك
حصه: بخير معليش تعبناك ابو متعب راح من دون ما يقول شي
خالد: ولايهمك لا تعب ولا هم يحزنون تعبك راحه
حصه تناظر ولد اخوها بأعجاب..
ركبت مشاعل ومتعب قدام اللي متقصده تتأخر لانها ما تحب خالد وتبي تضايقه
خالد كان معصب منها لانه يكره التأخير بس مسك نفسه ..
شغل المسجل وكان قاصد يسمعها الكلام كلمه كلمه وحرف حرف..

سعد الفهد
لا تضايق


لا تضايق وتزعل ما جرحني خطاك
ولا تأسف لجرحي وأنت جرحي تبيه
غلطتي كل لحضة من حياتي معاك
اتذكر خطاياك واتحسف عليك

راح عمري أدور بالسعادة رضاك
وأنت همك عذابي بالشقى تشتريه
لا عذابي ولا جرحي وهمي كفاك
الخيانة صفاتك والغدر لك شبيه

ابتعد عن عيوني كان هذا وفاك
لا تحاول عقب نسيان قلبي تجيه
منك قلبي خذا حبه مثل ما عطاك
وإيش بقى عقب هذا معك وارتجيك
*************************88
كانت تسمع كلامه وتحسه سكاكين بقلبها ممكن يفكر انها تخونه وشلون تخونه واهو صار لها كل دنيتها كل حياتها الهو اللي تتنفسه والدم اللي يجري بعروقها حياتها من دونه ولا شي وعارفه انه لو تركها راح تضيع وترجع مثل اول واسؤ بعد
كان يضغط على يديه بقوه يبي يفرغ شحنه الغضب اللي فيه كان يبي يوصلها فكره ان اللي بينه وبينها انتهى بمجرد انه سمع اللي سمعه
تقول حبيبي مين حبيبها غيري المفروض ما وثقت فيها لانها ما تستاهل الثقه قطع افكاره
حصه تصرخ: خالد يمين يمين
انتبه انه تعدى الملف لف بقوه من دون تركيز لحد ما وقف عند باب البيت
كلهم حاطين يديهم على قلوبهم الا اهي حست اني اللي بداخل صدرها مات بمجرد اتهام خالد لها اهو ما يعرف مين كنت اكلم والمفروض ما يحكم علي بالاعدام لمجرد كلمه سمعها وفسرها بالغلط..
متعب: يله مع السلامه اعذرنا تعبناك
خالد: مع السلامه ولا تعبتوني ولا شي تعالو كل يوم
حاولت تتثاقل بنزلتها يمكن تقدر تقوله مين كانت تكلم بس على طول
خالد بنبره عصبيه: سكري الباب وراك
كان يبيها تفهم انها تعجل وتنزل بسرعه..
نزلت معصبه وسكرت الباب بقووه..
خالد " حسي شوي باللي سويتيه فيني ولله يا مها لتندمين مو انا اللي ينلعب فيني ""
دعس 10000000000000000 وراح للبيت وحط راسه..

&&&&&&&&&&&&777
دخلت الغرفه ورمت الشنطه عليها
مشاعل: اح عمى عورتيني الشنطه فيها عطر كسرتي رجلي
مها ودها تصفقها: اقول انتي ترا مالي خلقك
مشاعل: وش فيك حبيب القلب زعلان عليك
مها سمعت الكلمه وقفت منصدمه: أي حبيب انت الثانيه
مشاعل: اللي وصلنا شكل الموضوع فيه ان
راحت ومسكتها من عبايتها واهي بقمه غضبها: اقول انتي تنثبرين وتاكلين تبن ومالك دخل بحياتي يا ...... والا خليني ساكته واشوفك متدخله بحياتي في شي بكسرلك راسك فاهمه
مشاعل انصدمت ما قد شافت مها معصبه كذا لانها معروفه بالبرود ولازم يكون السبب قوي اللي ممكن يوصلها لهالحاله من العصبيه..
مشاعل تدف يدها: اقول وخري عني وبطقاق لو اشوفك تنذبحين قدامي ما تهزين شعره من اليوم ورايح
مها بصراخ: احسن
وصلت البيت وراحت تركض لغرفتها قبل ما تفصخ فستانها فتحت ايميلها حست انها ممكن تكلمه بعد ما سمعت صوته وكان اسلوبه معاها مختلف حست بفرحه غريبه من كلام شاب لها لانها العاده ممكن تهزء تصرخ وتعصب هالمره فرحت تأكدت ان هالشي له معنى اكيد..لا يكوون...
دقايق الا ودخل حست انها بتطير

*********************************

My live&&&&
هلا باللي تسكر السماعه في وجيه الناس

انا بنيه *وطبع النت* علمني اشيل*فستان* الدلع والبس* شماغي*
ههههههههههههههههههه هلا توكم راجعين اجل

My live&&&&
توني موصلهم ودخلت غرفتي حتى ما غيرت ملابسي

انا بنيه *وطبع النت* علمني اشيل*فستان* الدلع والبس* شماغي*
خخخخخخخخخخخخخخخخخخ مثل حالتي اجل

My live&&&&
اجل جالسه بفستانك يوووووووووه امي دوشت راسي فيك
انا بنيه *وطبع النت* علمني اشيل*فستان* الدلع والبس* شماغي*
فيني انا >>>حطت وجه مستحي

My live&&&&
ايه انتي في وفي ياحلوها ويازين فستانها وياحلو رقصها جننتني بغيت ارمي نفسي من شباك السياره
انا بنيه *وطبع النت* علمني اشيل*فستان* الدلع والبس* شماغي*
هههههههههههههههههههههه يا حبيلها خالتي احرجتني والله

My live&&&&
ايه عااد واقترحت علي اقتراح((ناوي يجننها الاخ))

انا بنيه *وطبع النت* علمني اشيل*فستان* الدلع والبس* شماغي*
اللي هو ((عارفه بس تستهبل))
My live&&&&
اللي هو يا طويله العمر بقولك ياه بكره انا ميت تعب
انا بنيه *وطبع النت* علمني اشيل*فستان* الدلع والبس* شماغي*
سلامتك
My live&&&&
الله يسلم قلبك بس اليوم فحطنا تفحيط

انا بنيه *وطبع النت* علمني اشيل*فستان* الدلع والبس* شماغي*
فحطتوو وين لا يكون بالشارع ترا اذبحكم..

My live&&&&
ههههههههههههههه لا وش شارعه فحطنا رقص ورجليني تعورني وشلون ترقصون انتو بالكعب

انا بنيه *وطبع النت* علمني اشيل*فستان* الدلع والبس* شماغي*
عادي سهل(((تناظر رجلها المتفخه))
بس اليوم متنا ضحك وحده مسكينه واهي ترقص طاحت على وجهها انكسر كعبها..

My live&&&&
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه ما اصدق والله عينه حاره
انا بنيه *وطبع النت* علمني اشيل*فستان* الدلع والبس* شماغي*
مين هذا؟؟

My live&&&&
ولد عمك خلود اهو اللي نظل الحرمه عارفه والا لا

انا بنيه *وطبع النت* علمني اشيل*فستان* الدلع والبس* شماغي*
خخخخخخخخخخخخخخ ابو المكيف هذا ما ينضمن بصراحه صرت اخاف يقولي كلمه اطيح وما اقدر اوقف خخخخخخخ من عينه..

My live&&&&
خخخخخخخخخخخخخخ اجل انتي بعد عارفه سالفه المكيف

انا بنيه *وطبع النت* علمني اشيل*فستان* الدلع والبس* شماغي*
ومن ما يعرفها صارت العائله تتكلم فيها ست شهورخخخخخخخخ
My live&&&&
يخوف الولد صار نظووول في انا مرره دايخ ودي اروح انام في موضوع ابي اكلمك فيه بعدين

انا بنيه *وطبع النت* علمني اشيل*فستان* الدلع والبس* شماغي*
موضوع؟؟((خافت وش راح يكون))
My live&&&&
موضوع مهم بس بعدين تصبحين على خير يااااااااااااااا في

انا بنيه *وطبع النت* علمني اشيل*فستان* الدلع والبس* شماغي*
وانت من اهله يااااااااااااااااااااااااااااااااااازياد
^^^^^^^^^^^^^^^^^^^^^^^^^^^^^^^^^^^^^^^^
**سكرت شاشه جهازها تتمنى هالحواجز اللي بينهم تروح راح تكون اسعد بنت بس يتكلم وينطق ..
ما اهو كان وده يروح ويخطفها من شباك غرفتها ويطير معااها لعالم ثانيه حس انه متضايق من بعد الصدمه صدمه ان في تكون لاحد غيره ما فكره طردها من باله لانه خلاص راح يتحرك ويخطبها رسمي بس في خطوه تسبق الخطبه وبتجي مع الوقت..

&&&&&&&&&&&&&&&&&&&
التفت بخوف : نعم يا وليد
رزان سمعت اسمه وما قدرت تتحرك من مكانها كان نص جسمها برا الاستراحه ونصها مبين من جوا الاستراحه
ابراهيم دفها من الباب بعد ما حط ورقه في كف يدها ما صدقت اللي صار وصارت تركض بأسرع ما تقدر عليه...
شافت سياره اميره واقفه بعيد عن الاستراحه مسافه صار تركض من دون احساس تبكي من الفرحه انها طلعت من هالتجربه عايشه ركبت السياره بسرعه
اميره كانت منصدمه باللي تشوفه تشوف بقايا رزان
جسم متهالك عيون يحيط بها السواد لبسها الغريب
اميره واهي تحضنها: الحمد الله على سلامتك حمزه يله امشي بسرعه
رزان كانت تبكي على حالها: اهو اللي طلعني اهو اللي طلعني
اميره مو فاهمه شي: مين اللي طلعك؟؟
رزان رفعت راسها من على صدرها: ابراهيم اهو اللي طلعني
اميره ما صدقت: ابراهيم نفسه
رزان: ايه يا اميره لو ما ساعدني كان اانا ماقدرت اطلع ووليد شافنا
تذكرت الورقه اللي في يدها اللي صغرت اضعاف حبت تحتفظ فيها لنفسها
اميره: حمزه روح بيتنا ..
#################3
وليد باين عليه النوم والتعصيب: ابراهيموه
يتبع

[عاشقة الحرف]

تابع>>
وليد باين عليه النوم والتعصيب: ابراهيموه وش تسوي من هذيك اللي طلعت قبل شوي؟
ابراهيم متوتر بشكل مو طبيعي لان لو وليد عرف ممكن ينفيه عن وجه الارض: هذي هذي مره سواق وحده وحده من البنات للي جواا
وليد يفرك عيونه: ايه يله بس قومهم من الغرفه قرفوني
ابراهيم راح بسرعه ما صدق: بروح اطلعهم من هناك
وليد مستغرب : وش فيه هذا ؟؟
$$$$$$$$$$$$$$$$$$$$$$$$$$$$$$$$$$$$$$$$$$$
رجعت راسها على مخدتها كانت جالسه بالفستان طارت فيها تخيلااتها لبعيد يوم ما تكون بفستانها الابيض عروس له..
فتحت الباب بقوه: وانتي لسى ما غيرتي والا عاجبك شكلك؟
في بقمه سرحانها: وش تبين
مي : لا فيك شي اليوم اقول غيري بسرعه بس واتصلي على نوف تبيك في شي
في: ليش اهي ما اتصلت علي
مي: تقول دقت بس انتي ما تردين
رفعت جوالها كانت حاطته على السايلنت وسرحانها كمل الباقي وماسمعته..
في: ايه والله اتصلت مرتين خلاص يله اطلعي بغير
مي: يله وانا ابي اكلمك في شي بعد
في قامت تطردها: وانتو وش فيكم علي سمعتو اني صايره مصلحه اجتماعيه بالغلط والا ايش!!
مي تغمز لها:واحنا نقدر نستغنى
في تدفها: اطلعي بس خلصيني؟
غيرت ملابسها ولبست قميص ابيض قصير عليه دبدوب احمر رفعت شعرها وشالت الميك اب ومسكت الجوال
نوف معصبه: لالا تردين احنا وش عندنا غيرك!!
في:هههههههههههه ايه ما عندك ما عند شغالتنا اقول وش سالفتك
نوف رجعت للجد: ابي اكلمك في موضوعي
في : طيب وش في شي جديد وش قررتي لازم تقولين قرارك اليوم
نوف: وليش اليوم بالذات
في: لان فيه شي خطير صار واحسن لك تعرفينه مني من انك تعرفينه من برا
نوف خافت: ايش
في: لا قولي اللي عندك اول
نوف بحسم:انا مو موافقه
في: خلاص الزواج قسمه ونصيب ومثل ما انتي راح يجيك نصيبك اخوي نصيبه قرب
نوف مو مصدقه اللي تسمعه: وشلون ما فهمت
في:يعني اليوم شفتي بنت كانت لابسه تفاحي اخضر كذا
نوف تحاول تتذكر: ايه البنت تجنن مشاء الله
في: عليك نور هذي امي عحبتها مره وراحت كلمت اهلها واخذت رقمهم عشان بتخطبها لأحمد..
حاولت تتماسك من صدمتها وين كلامك يا احمد وين وعودك لي وين اللي قال راح يستنناني طول عمره صرت كذاب وما تستاهل التضحيه وما تستاهل دموعي وين كلامك راح وين
نوف ببرود:بتخطبها له متى؟
في استغربت ردها: بكرا بتكلمهم والاربعاء بيروح يشوفها
حست بسكاكين بقلبها دفنت دمعتها : الله يوفقه يستاهل كل خير
في مو مصدقه رده فعلها كانت متوقعه بتبكي لان احمد خلاص راح من يديها: ويوفقك يا نوف والله تستاهلين كل خير
نوف : يله انا بروح انام رجليني متفخه من الكعب الله ياخذه وراسي يلف
في: ايه والله وانا بعد مره دايخه
نوف :يله مع السلامه
في:مع السلامه
رمت على نفسها تبكي بحرقه عليه خلاص راح يصير ملك غيرها ندمت على اليوم اللي حبته فيه وسلمته قلبها كانت تبي تجرب معزتها عنده وتشوف وش بيسوي صار كلامه شي افعاله شي ثاني
حرام اللي سويته فيني يا احمد دمرتني وشلون بشوفك مع وحده ثانيه ما اقدر اتخيل سحبت شعرها بيدها بقوه لحد ما طلعت خصله بأيدها حضنت مخدتها وحضنتها بقوه تبي تبرد اللي بقلبها اللي حاسخ فيه حرايق ونيران وما في شي ممكن يطفيها
نامت بعد ماتعبت من التفكير والدموع اللي مالها نيه تخلص..
&&&&&&&&&&&&&&&&&&&&&&&&&&&&
راحت عند اختها تشوف وش تبي فيها...
مي ترفع شعرها عن وجهها: هلا اخيرا شرفتي
في: اقول تراني نعسانه حدي وش عندك؟
مي: ابيك تساعديني
في واهي تجلس : على ايش
مي: ما ابيه ما ابيه
في: وانتي لسى تفكيرين بهالموضوع انسي لحد ما يجي وقته
مي: لو انك مكاني ما نسيتي
في" وانتي الصادقه مو ما انسى ماراح انام"
في: الا بنسى بس انتي انسي الحين الخميس عندنا جمعه كبيره خلينا نغير جو مادام مافي سفر بسبب النسب اللي لحد الحين ما طلعت قطعت قلوبنا والتسجيل للجامعه
مي : شورك وهدايه الله بس ربك يستر..
%%%%%%%%%%%%%%%%%
كانت مثل المجنونه تبي توصله تبي تكلمه تعلمه وش اللي صار بس ما تعرف رقمه نست تاخذه منه ذاك اليوم بالمستشفى تذكرت شي
راحت تركض لدولابها طلعت على الكرسي ونزلت علبه كلها اوراق وورد مجفف فتشت بسرعه وطلعت الكرت الاحمر
فتحته لقت الرقم موجود بغت تطير من الفرحه..
مسكت الجوال بيدين مرتجفه كانت تدق الارقام وترجع تلغيها لحد ما قررت ترسله مسج
((خالد والله اني كنت اكلم فهد ولد عمي لانه خاطب اختي مشاعل والله صدقني ))
وصله المسج واهو في السرير قراه وقفل الجوال
خالد" قالو للحرامي احلف قال جا الفرج كل شي مع الوقت يبين يا مها"
جلست تستنى رده على نار طلعت الشمس وتأكدت انه نايم حطت راسها بعد ما حست بأجزاء من الراحه...
&&&&&&&&&&&
كانت جالسه في غرفتها حاسه انها منطويه على نفسها ما تبي احد يلمسها حتى امها واهي علاقتها مو زينه معاها حست بالتغير المفاجئ طلعاتها قلت وكلامها قل
ردت على جوالها بتعب..
رزان: الوو
نواف: هلا رزان
وقف قلبها: اهلين
نواف: كيفك؟؟
رزان: بخير وانت وكيف منال؟
نواف : انا بخير ولو انك جايه امس يمكن عرفتي حالها
رزان كانت ناسيه العرس لان امها نفسها ماراحت : كنت تعبانه ما اقدراجي..
نواف تضايق:ليش وش فيك؟
رزان" وش اقولك وش اخلي ضعت وضاع شرفي ضعت وضيعتكم معاي"
رزان تضحك على نفسها:لا بس تعب وارهاق ما قدرت اجي وما عندي احد يوصلني
نواف:وين سواقكم
رزان: ناسي انه في العطله يسافر سافر له اسبوع
نواف: طيب كان اتصلتي علي انا انا جيت اخذتك
رزان: معليش ما ابي اتعبك انا بتصل على منال وابارك لها بنفسي
نواف لاحظ انها جافه معاه حب ينهي المكالمه: طيب بس حبيت اسلم عليك
رزان منقهره من بروده: طيب مع السلامه
نواف: مع السلامه
رزان تكلمت قبل ما يسكر : متى خطبتك
نواف ماوده يقلبها مشكله: قريب انشاء الله عقبالك
رزان تبي تقهره: امييييييييييييين
نواف وده يسكر السماعه في وجهها: مع السلامه
رزان: مع السلامه
&&&&&&&&&&&&&&&&&&&&&&
في جايه تركض: يله انتي قومي ما تبين تروحين بيت ابوي منصور ترا امي معصبه واصله حدها
مي واهي تحوس بالسرير: ليش معصبه بعد
في: لان الساعه 5
مي فزت: يووه ما يمديني اتحمم والبس
في: شفتي يله قومي انا رايحه راجعه وبنمر نوف وسلطان ناخذهم معانا
مي: طيب يله اطلعي
&&&&&&&&&&&&&7777
ام احمد معصبه لان البنات تأخرو شافت احمد نازل من الدرج
ام احمد: اوووه متكشخ اجل
احمد: ايه لازم اجل وشلون انا ابو حميد ما العب
ام احمد:ههههههههههههههههههه يله ناد خواتك تراهم ذبحوني
احمد واق عند الدرج: اسمعو انتو الثنتين دقيقتين اذا ما نزلتو بنروح عنكم يمه يله اركبي
مي وفي يركضون زي المجانين اللي عبايتها مفتحه واللي صندلها مفتوح بغت تطيح
عارفين احمد يسويها قد سواها مره فيهم..
مي واهي تلهث: خلصنا خلصنا
احمد:ههههههههههه احسن يله مشينا باقي نمر بيت عمي
***بعد ما لبسو طلعو البنات وام احمد ووعد لبيت ام فهد ياخذون نوف وسلطان لان ام فهد بتجي بعدهم..
مي دقت على نوف: وينكم انتو ساعه تخلونا عند الباب
نوف واهي تركض من الدرج: والله راحت علي نومه وبعدين سلطان عمي يوقف عند المرايه اكثر مني
سلطان سمعها: عمك وتاج راسك
نوف: اقول بس اركب
مي:هههههههههههههههه يله تعالو واتطاقو في السياره
************************%5
طلعت ما كانت عارفه ان اللي بيوصلهم
سلطان: هلا احمد اجل انت اللي بتودينا
احمد: ههههههه هلا ايه انا ما ودك تسلم علي اجل
سلطان جا يستهبل بيحب راسه..
احمد يضبط الغتره: لااا لاتخرب الكشخه
كانت واقفه مثل الانسانه بلا روح كلماته مثل سيوف بقلبها يعني حتى مو مراعي شعورها ..
يتبع>>

[عاشقة الحرف]

تابع>>

ركبت السياره بعد ما ركبو
نوف بكل برود: السلام عليكم
الكل رد ما عدا احمد
نوف" كذا يا احمد حتى السلام مني ما تبيه"
بعد ما مشو مسافه كانت سااكته تسمع الكل يضحك ويسولف معاهم الا هي اللي تحاول تمسك دموعها لحد ما تنفرد بنفسها تقدر تاخذ دموعها راحتها وطريقها على خدها
مي: اقول حمود سمعنا شي
احمد: وش طلباتك
مي: هالمره خلها على ذوقك اعرف ذوقك حلوو
احمد: ايه ذوقي حلو اجل وشلون
دخل سي دي بكل هدوء والجو هادي بالسياره اغنيه لراشد الماجد..

ما شفت أغلى من غلاك
وما شفت أقسى من قساك
سواها قلبك يا عنيد
يومين ما أسولف معاك

ما دمت أنا متهني فيك
وأنت تبيني وأنا أبيك
ليه تتعمد تغيب
وأنا اللي قلبي بين أيديك

مدري تغلي أو زعل
ولا أن قلبك مني مل
إذا أنت تقوى على الغياب
علمني و شلون أحتمل

زودتها مره معاي
همك بهالدنيا عناي
وأنا ترى مابي كثير
أبي أحس أنك هناي
كانت تسمع الكلمات زي المجنونه وشلون يا احمد تسوي فيني كذا يعني رايح تشوف اللي خطبتها امك لك وتسمعني هالكلام اذا تحبيني ليش دمرتني
ما قدرت تتحمل صارت تمسح دموعها حمدت ربها انها كانت في الكرسي اللي ورا لحالها مع الشغاله اللي كانت تناظر بتفحص ودها تسألها
اما مي وفي كانت معجبتهم الأغنيه لانهم يمووتون في راشد..
وصلو بيت جدهم منصور الكل كان متجمع ابو متعب ابو فهد والكل..
الحريم جالسين تحت في الصاله والبنات طلعو برا يجلسون على الطاوله اللي قدام المسبح
مها: الله اليوم الجو حلو مو حاار مره
مي: وين مو حار الا كني فقدر مو برااا
مها:هههههههههههههههههه لا حرام عليك
في تحاول تكتشف شي: الا اقول من سيارته اللي برا
نوف: أي وحده
في بتردد: اللي لونها ذهبي
نوف فاهمتها صح: اييييه هذي
في حقدت عليها: ايه هذيك
نوف تبي تولعها: مدري والله
مي:هههههههههههههههههههههههههههههههههههههههههه
في لفت عليها ودها تصفقها: وش فيك انتي ؟؟!
مي مازالت تضحك:ههههههههههههههههه لا ولاشي
في قامت: اقول مو منكم من اللي يجلس معاكم بروح اجلس معاهم جوا احسن لي
مي: يله كلنا نروح
في: وش تبين لاحقتني انتي
البنات :ههههههههههههههههههههههههههههههه
مسكت يدها: امووت فيك وش اسوي
قربت من اذنها: سياره الحبيب
في استحت: اقول بعدي عني
*******دخلو للمطبخ****
ام فهد: ها وش صار مع البنت
ام احمد تحط الشاي: كلمتها
ام فهد: طيب وش قالت
ام احمد: ما وافقت
ام فهد: للييش الحين وين تلقى احسن من نواف
ام احمد: مدري والله الولد مشاء الله عليه بس بعد
قاطعتها: بعد ايش ما ودك تغصبينها اذا كانت ما تعرف مصلحتها اغصبيها
ام احمد بدت تفكر: ما ودي بس بحاول اقنعها
ام فهد: ايه حاولي مو معقوله تضيعونه من يديكم
ام احمد شالت الصنيه: يصير خير يله خلينا نروح لاتجي طرفه الحين تصجنا انا ماسكه نفسي ما انفلت عليها
ام فهد : مو انتي لحالك
^^^^^^^^^^^^^^^^^في الخيمه^^^^
وعند الشباب بالذات
خالد: ها كيفك بعد الرقص ذاك اليوم
زياد:هههههههههههههههه بخير وانت
خالد: بخير مو ملاحظ ان رجليك كابر مقاسها
زياد يناظر رجله: وش قصدك
احمد: قصده انها مورمه خخخخخخخخ
زياد: لا هذي رجلي من اول ما خلقني ربي
خالد:هههههههههههههه يعني يوم طلعت من بطن امك الممرضات انحاشو
زياد: هه ليش؟!
خالد:هههههههههه لانهم ما شافو غير رجلين وراس مافي شي بالنص
احمد:هههههههههههههههههههههههه حلوه
خالد بغرور:عارف
احمد يناظر عبد الله اللي حالس مع الشياب : الا اقول واخوك هذا متى بيعيش حياته
خالد: مين عبيد بيموت كذا كل شي عنده شغل وجد مافي وقت للمزح وما عنده هوايه غير الكتابه
احمد: لا عاد يكتب يعني انا وياه زملاء
خالد:اتوقع قريت له اشياء بصراحه مبدع
احمد: لو قلتله يسمعنا شي تتوقع يوافق
خالد يرفع كتوفه: مدري والله جرب
احمد من بعيد: عبوووووووووود
عبد الله وقف وراح عندهم: عبود في عينك قول عبد الله
احمد: ولا تزعل عبد الله عبد الله ممكن طلب
واهو يجلس: امر
احمد: مايامر عليك عدو وش رايك تقولنا شي حلو
عبد الله بستغراب: شي حلو
احمد:ههههههههههههه لا مو تعيد الكلمه وش رايك تقولنا قصيده
عبد الله يناظر خالد: اجل قالكم
زياد: عارف اخوك ما يسكت
عبدالله: ايه ولله عارف لسانه يحكه اذا ما تكلم..
خالد:افااا انا لساني يحكني لا يقرصني خخخخخخخخخ
احمد: ماعليك منه بس سمعنا
عبد لله : ولا يهمك اسمعك شي جديد
بدى يلقى مثل اهم الشعراء كات موهبه عند بعض شباب العايله كتابه الشعر والقصايد الرائعه اللي كلها احساس لان الكلمات من ذهب ما تنتج الا عن تجارب وحب صادق
ياالمها قلبي فيك مغـرم ومذبـوح
قلبي عناوين الغلى لـك وضعهـا
ماتدري أنك ساكن ٍ مهجة الـروح
روحي وروحك رب الأنفس جمعها
القلب يشكي من سبايبك مجـروح
أرحم مـود ٍ لـك حياتـه دفعهـا
أشوف دمعك فوق الأوجان مفضوح
عبـرات حزنـك ردهـا لاتدعهـا
لو جت على كيفي تمنيت مـاروح
نفسي على المجلاس زايد ولعهـا
وأنت بحلاك وزايد الزين مملـوح
وصورتك من برواز فكري بدعهـا
أخلصت في حبك ونا أقول مسموح
أنت المود اللي حياتـي شرعهـا
لارحت ياخذني مع الهجس لاافوح
ون جيت تبرا علتي مـن وجعهـا
عامين بحساب الليالي على اللوح
ياكنهـا عشريـن عـام ٍ تبعهـا
البعد مالي فيـه يازيـن مصلـوح
حدتني أظروفي ونا ضعـت معهـا
لابد أنا مأتيك لـي يـوم وبـوح
وحكي عن الغربه وقصة وجعهـا
عبد الله: وسلامتكم
احمد: صح لسانك
ابو فهد: عاااش وليدي كفوو طالع شاعر على ابوك
الجد منصور : صح لسانك ياولدي عاد ما جبتها من مكان بعيد مني
الكل:ههههههههههههههههههههههههههههه
عبد لله: في هذي يا جدي صدقت
الكل كان يسمع بانصات وفي شخص مركز اكثر من الكل سمع كلمه صدمت شعوره
ياالمها قلبي فيك مغـرم ومذبـوح
يتبع>>

[عاشقة الحرف]

تابع>>
معقول معقول عبد الله اخوي يحب مها حبيبه قلبي معقول
زياد واهو يغمز: القصيده تهديها لمين هاا
عبد الله لمعت عيونه: اهديها لك
زياد:هههههههههههههههه وصلت يالغالي بعديها لك انا
عبدالله: ههههههههههههههههههههه مشكور بس ما سمعنا راي خلود
خالد سرحان وفي عالم ثاني
زياد يهزه: يكلمك
خالد: معاكم ياخي وش ذا قنابل قنابل
عبدالله:ههههههههههههه زين اجل الحمد الله اهم شي يعجبك انت
خالد يسوي نفسه استحى: عارف انك تحبني بس مو لذا الدرجه استحي قدام الناس
الكل:هههههههههههههههههههههههههههههههه

***************في الصاله***
حصه: الا خالتي مو ناويه تزوجين راشد
طرفه: والله ولدي مو أي وحده تناسب مستواه لازم ندورله زين
حصه " مالت عليك انتي وولدك"
حصه: طيب خليني انا ادورله
طرفه: لا ولدي ما يوثق براي احد الا انا انتي ما تعرفين وش للي يناسبه
حصه" يع عليك من حرمه انتي وولدك الغبي"
حصه: طيب اجل زوجيه بسرعه تراه كبر
طرفه: الرجال ما يعيبيه عمره
ام احمد واهي تجلس: وش فيكم وش تتكلمون فيه
حصه: اقولها تزوج راشد لانه كبر
ام احمد: واهي الصادقه تراه صك 31 سنه يعني المفروض عياله حولنا الحين
طرفه: لسى مو وقت الزواج اقول صبي قهوه صبي..
ام فهد: الا اقول وينها ام سعد ماراح تجي
ام احمد: انا كلمتها وتقول ماراح تجي بس عيالها جو جالسين في الخيمه براا
دخلو البنات عندهم.... ولحقتهم مشاعل اللي كانت عند المسبح تكلم واحد..
مها: الا خالتي وين خالي ابراهيم ودنا نسلم عليه
ام احمد: يا حبيبتي يله شوي الا هو جاي
مي واهي تناظر مشاعل:يمه صبي لي قهوه راسي مصدع
مشاعل تبي تردها: وانا بعد خالتي صبي لي احس في ناس قاعدين فوقه
الكل مو فاهم شي
ابو احمد: يااااولد
ام احمد: تفضل مافي احد غريب
الكل قام..
ابو احمد: السلام عليكم جميع
الكل قام وحب راسه وجلسو يتقهوون
ابو احمد: ما باركتو لأم احمد
البنات طيرو عيونهم خافو يكون اللي في بالهم...
حصه: على ايش يا اخوي
ابو احمد: مي انخطبت
الكل قام يبارك ومي قامت تحاول تكون بأهدى اعصاب لان وراها حرب طويله وما تبي تخسرها قامت وبكل حزم: يبه بس انا مو موافقه
قام والدم يفور براسه: مو مهم رايك
مي بدى صوتها يتغير:يبه اذا انا راي مو مهم اجل راي مين اللي مهم انا مو موافقه
ابو احمد بدى يعلي صوته: وانا عطيت الرجال كلمه
الكل واقف يتفرج على النقاش اللي كل ماله ويحمى اكثر واولهم في
مي بدت دموعها تنزل من دون احساس: يبه وانا
مشاعل تكلمت بصوت عالي: انتي المفروض تحاولين تسترين على نفسك مو تفضحينها
لفت عليها منصدمه من كلامها والله كان من صدم اكثر ابو احمد
مي واهي تصرخ: وش تقولين انتي
مشاعل تناظر اضافرها: اتوقعك سمعتيني
ابو احمد معصب وماسك نفسه ما يمد يده على مشاعل: وش قصدك؟؟؟!
مشاعل: والله ياخالي شف بنتك وش مسويه
في وقفت معصبه: انتي بتسكتين والا ايش
ابو احمد التفت على في: انتي الثانيه لا تتدخلين
حصه كانت متفأجأه من بنتها بس فرحانه بنفس الوقت اهي وبنتها نفس التفكير كذا راح يخربون على مي ونواف ممكن يتزوج مشاعل ...
مشاعل وقفت قدام خالها: والله ياخالي بنتك لما كنا مسافرين طلعت مع شباب
من دون شعور عطاها اقوى كف خذته في حياتها
الكل شهق من قوه الكف وحط يده على قلبه خايفين الموضوع يصير اكبر من كذا
مي واهي تبكي: والله تكذب يبه تكذب
في: يبه كذابه
مشاعل واهي حاطه يدها على خدها: وش تفسر عبايتها المشقوقه انا سمعتهم بالشاليه
ابو احمد يدور أي شي عشان ما يصدقها: وشلون تقولين مي اللي طالعه معاهم اجل
مشاعل على طول ردت: تبادلو العبايات عشانهم كانو عارفين بموضوع الخطبه وخافت تغصبها اذا عرفت بشي والعبايه انشقت لانهم حاول يركبونها معاهم السياره واهي جلست تقاومهم انا كل الكلام سامعته بأذني واذا قدرت تنكر انا اواجهها
ابو احمد في قمه غضبه ومن دون تفكير: اسمعي الملكه راح تكون بعد اسبوعين وكلام في هالموضوع مره ثانيه مابي اسمع منك لا انتي ولا أي احد فاهمين
وطلع وتركها منتهيه والدموع صارت لها صاحب
في قامت بتروح لمشاعل: انتي وحده حيوانه يا كذابه
نوف مسكتها: اقول خليها بس ما تستاهل الطق في الميت حرام
حصه: اقول يا في اسكتي واحترمي اللي اكبر منك
في رافعه صوتها: انا احترم اللي اكبر مني بس اللي مو محترم الاحترام فيه عيب ربي بنت المصون وبعدها كلميني
ام احمد تصرخ: في ولا كلمه
في تحاول تكون قويه لاختها: يمه ماراح اسكت اختي تنغضب على زواج ما تبيه واسكت
ام احمد: اختك ما تعرف مصلحتها احنا نعرفها لها
طرفه كانت مستانسه باللي تشوفه المشاكل كثرت بين الاخوان وهذا يسهل المهمه على ولدها
***********في الخيمه***
الجد منصور: الا ما تسمعون صراخ
ابو فهد: الا والله في صجه اروح اشوف
الجد منصور: لا اجلس انا بنفسي بشوف
دخل الصاله لقى الكل طالع الا ام فهد وطرفه
الجد منصور بستغراب: وش ذا الصراخ هاا
ام فهد مسكت تفسها وطلعت
جلس مع طرفه اللي قالت له كل السالفه
الجد منصور: الا يا قليله الحيا كذا قالت عن بنتي مي انا اوريك فيها
طرفه بخبث: وش اللي عرفك انها تكذب
الجد منصور: اقول ورى ما تنقطينا بسكاتك لا يجيك شي ما يسرك
طرفه خافت من عيونه يطلقها مره ثالثه وتحرم عليه بعد هالعمر طلقها مرتين بسبب لسانها الطويل ومن بعدها واهي تخاف ترد عليه يرمي عليها اليمين
الجد منصور: وين ابراهيم الحين
طرفه: مدري شكله طلع
الجد منصور: شغلي معاه بعدين
كانت في الغرفه مقطعه نفسها من الصياح
نوف تحاول تهديها: يا مي يمكن خيره ليش تسوين كذا
مي واهي منزله راسها: بعدو عني اطلعو ما ابي اشوف احد ويله دقي على احمد خليه يوديني البيت مو متحمله اجلس اكثر من كذا هنا بسرعه
في مسكت الجوال ودقت على احمد اللي طلع يوم درا بالسالفه%%%
خالد: وين وين
احمد: شكلها في مشكله كبيره صارت بروح اوصل خواتي البيت
خالد: طيب اذا وصلت دق علي علمني
احمد: ايه انشاء الله
**********************************8
حصه تكلم بنتها في غرفه لحالهم
حصه بعصبيه: انتي وش قلتي تبين تخربين اللي بيني وبين اخوي
مشاعل بلا مبالاه تناظر اثار الكف في المرايه: ما قلت غير الحقيقه بس غيرت فيها شوي
حصه بهتمام: وش غيرتي انتي
وقالت لها السالفه كلها وانصدمت من تفكير بنتها مثل تفكيرها تفكير مرعب ..
حصه: يالغبيه الحين بدال ما نخرب عليهم لزقنا لولد فيها غصب
مشاعل:من قالك اني ابيه
حصه: انتي حصلي واحد زيه مو مثل ولد عمك هالمنتف فهيد
طيرت عيونها
حصه: ايه وش تحسبني خبله تراني عارفه بكل شي بس ساكته بمزاجي انتي لو انك ذكيه مثلي ما تفوتين واحد عنده فلوس مثل نواف
مشاعل ارتاعت كيف عرفت: بس ما يعجبني احسه معقد
حصه: معقد وبفلوسه يطلع واحد فري يا غبيه
الكل بعد اللي صار راح بيته ...
في سياره احمد كان مثل الاطرش في الزفه اخت من جهه مقطعه نفسها صياح والثانيه معصبه وساكته
احمد : انتو لمتى ساكتين تكلمو طفشتوني
في ما تبي تعصب زياده: خلاص مو وقته في البيت
احمد استسلم: نشوف ما راح اخليكم لحد ما اعرف وش صار
***********************************&
في السياره ابو احمد
ام احمد: وشلون تسوي كذا انت
ابو احمد ماله خلق : اقول انا وش قلت لا تخليني اعصب مره ثانيه انا قلت وكلام ي راح يمشي الملكه بعد اسبوعين يعني بعد اسبوعين خلي بنتك تجهز نفسها للملكه من الحين ماراح ااخرها يوم واحد
ام احمد: طيب وش دراك كلام السوسه مشاعل صح كذابه بنتي واعرف تربيتها
ابو احمد: انا ما صدقتها بس انا ناوي ان البنت راح تتزوجه لو ما ترضى
ام احمد بستسلام: كان المفروض ما تصرخ عليها كذا قدام الكل كسرت بخاطرها ما عطيتها فرصه تفكر
ابو احمد تضايق من اللي سواه: اهي بنتي وانا اخبر بمصلحتها فاهمه!!
ام احمد بطفش: فاهمه فاهمه
وصلو البيت وراحت غرفتها وقفلت عليها الباب ورجعت تبكي
في تطق الباب:يا بنت الناس افتحي
مي واهي ميته صياح: اقول خلوني لحالي خلوني ما ابي اكلم احد
في: انا ابي اكلمك شوي بس
مي: ولا احد فاهمه
يتبع>>

[عاشقة الحرف]

تابع>>
تركتها وراحت غرفتها فكرت بالمصيبه اللي طاحت على روسهم ما تبي حياه اختها تنهدم بسبب عصبيه ابوها وقراره الغلط..
ردت على نوف: وش صار
في بطفش: سكرت الغرفه وما تبي تفتح لأحد
نوف: حتى لك
في: اولهم انا انا بنام الحين وبخليها ترتاح وبكرا لكل حادث حديث
نوف: حسبي الله عليها اللي كانت السبب
في: الله يهديها بس ليش وش سوينا لها تسوي كذا
نوف: مدري عنها وحده حقوده ونجسه وما قد شفت اسود من قلبها ليش ما طلعت مثل مها
في: اه بس الله يهدي ابوي
نوف:امييييييييين اشوفك بكرا
في: انشاء الله مع السلامه
نوف: مع السلامه..
جلست تفكر صدق من شاف هموم الناس هانت عليه همومه بس همها اكبر من انه احد يتحمله حبه الاول والاخير ضاع منها بكلمه غلطت بس ما حست انها ندمانه كثير لانها اكتشفته على حقيقته مع انها مو مصدقه كل اللي صاراحمد ما يحب يجرح احد وشلون يجرحني انا وشلون...
&&&&اليوم الثاني الساعه خمس&&&&
بيت ابو احمد صججه والكل مشغول بنفسه لان العزيمه كبيره وابو نواف اول المعازيم على سلامه زياد اللي صارت حديث العايله وكيف كان ربي حافظ زياد وبمعجزه نجى..
ابو احمد لازال يفكر بقراره ولازال معند وعند كلمته وراح يوصل موافقه البنت اليوم لأبونواف
ام احمد دخلت على مي اللي كانت لسى مو لابسه وتوها صاحيه
رحمتها وحست انهم ظلموها بس حكم القوي على الضعيف : ها اشوفك ما لبستي؟!
مي من دون ما تناظرها: ماابي اروح
ام احمد: اقول ما نبي مشاكل مع ابوك روحه وبتروحين مافي جلسه في البيت لحالك
مي مدمعه عيونها: ما يكفي بتغصبوني على زواج ما ابيه وبعد تبوني اروح اقابل ناس ما ابيهم ودوني عند خالتي نوره
ام احمد حن قلبها وراحت حضنتها: يا بنتي تكفين ابوك معصب اكسري الشر والبسي تكفين وانا بحاول مع ابوك مره ثانيه
مي وكلها امل: بتحاولين اكيد
ام احمد تبتسم: اكيدين يله البسي
مي فرحت: انشاء الله
راحت فتحت دولابها تدور شي جديد تلبسه لقت تنوره اوف وايت قصيره من جهه تنسحب بخيط على فوق وترتفع مخصره جسمها وبدي بيج وعليه بلوزه قصيره لونها بيج بقبعه
رفعت شعرها ذيل حصان بطريقه حلوه وميك ناعم لونه بينك..
^^^^^^^^^^^^^^^^^^^اما في كانت لابسه على غير العاده فستان ابيض غجري قصير مع اكسسوار ذهبي مبين نعومتها وتاركه شعرها كيرلي على طبيعته مع اكسسوار ذهبي فيه..
مشو للمزرعه اللي كانت في الخرج كبيره وفيها من الخضار اللي تشتهيه وفيها احصنه للبنات لانهم يحبون الفروسيه..
وصل الكل ....
الرجال في المجلس والشباب راحو الخيمه اللي برا
اما البنات منتشرين في كل مكان اللي تكلم بجوالها من جهه واللي تسولف من جهه
واللي منعزله لحالها بجهه واكيد عرفتوها
جلست تدور تفكر بطريقه تتخلص فيها من هالزواج بس بدت تفقد الامل لما شافت ابوها وكلامه
مها جلست جمبها: وش في الحلو متضايق
مش ابتسمت لذوقها : سلامتك بس اتوقع عارفه
تنهدت: المشكله عارفه عندي اخت اللي يهديها بس
مي: حرام انا وش سويت لها وش سويت
مها : ماعليك ما اتوقع خالي ينفذ كلامه
مي ضخكت: اجل انتي ما تعرفين ابوي لو حط براسه شي حط براسه شي
مها: انشاء الله هالمره غير هذي فيها زواج مو لعبه
مي بيأس: مدري والله
نوف كانت تمشي مع في.....
نوف تحاول تكون طبيعيه: وش صار مع اخوك راح يشوفها
في: ايه راح وعجبته
وقفت في مكانها : عجبته
في وصلت عند مي اللي كانت لحالها وجلست جمبها : ايه عجبته ليش انتي مهتمه
نوف نزلت على ركبها وبدت تصيح بشكل جنوني: تكفوووون تكفون قولو انكم تكذبون علي تكفون
مي وفي خافو من رده فعلها
كملت صياح وترجي فيهم:تكفون اذبحوني اقتلوني بس قولو انكم تكذبون الله يخليكم قولو انكم تكذبون ارحموني الله يخليكم تعبت
رجعت مها وشافت نوف وشلون تصيح كانت رايحه تجيب كوفي لمي عشان تهدى وتروق شوي
نوف قامت بسرعه تمسح دموعها وراحت تمشي تبي تبعد على قد ما تقدرمن الكل وصلت عن جهه الاسطبل تمشي لحالها خافت من المكان وظلمته ضمت يديها ببعض
وصارت تدور طريق الرجعه سمعت صوت شخص يتكلم بالجوال
: هههههههههههههههههه ايه نشوفك بكرا في الاستراحه ههههه انشاء الله مع السلامه
راحت تركض تدور مصدر الصوت لانها عارف صاحبه
احمد : نوف
نوف بخوف: هذا انت
احمد:ههههههههههههه ما ودك تشوفيني اجل
نوف بدت تبكي: وليش اشوفك وانت رايح تخطب وشايفها امس
&&&&&&&&&&&&&
جالسه بغرفتها رجعت تقرى الورقه للمره المليون كاتب فيها
((انا قررت اتوب لرب العالمين في شي شفته فيك خلاني اتغير وراح تكون بدايه توبتي اني اطلعك من جحيم وليد واتمنى انك تسامحيني
ابراهيم((
*ايش راح يكون رد احمد على كلام نوف؟؟!
*وكيف راح تحل المشكله الصعبه اللي طاحت فيها مها مع خالد واللي ممكن تنهي علاقتهم؟؟
*وهل ابو احمد بيظل معند على موضوع زواج مي من نواف؟؟
كله بالجزء الثاني عشر....

[!!! الرومـ ^_* ـانسي !!!]

والله الاحداث خطيره

<<<<<<<<<< ينتظر التكمله

مشكورة عاشقه الحرف

لا تطولي

[عاشقة الحرف]

اقتباس المشاركة الأصلية كتبت بواسطة الفارس الرومنسي والله الاحداث خطيره <<<<<<<<<< ينتظر التكمله مشكورة عاشقه الحرف لا تطولي

يعطيك العاااااااااااافية ..

أخوي : الفاااااااااارس الرومنسي ..

على مرورك .. وتواصلك ..

[عاشقة الحرف]

الجــــــــــــــــــــــــــــــــــــزء الثاني عشر
وصارت تدور طريق الرجعه سمعت صوت شخص يتكلم بالجوال
: هههههههههههههههههه ايه نشوفك بكرا في الاستراحه ههههه انشاء الله مع السلامه
راحت تركض تدور مصدر الصوت لانها عارف صاحبه
احمد : نوف
نوف بخوف: هذا انت
احمد:ههههههههههههه ما ودك تشوفيني اجل
نوف بدت تبكي: وليش اشوفك وانت رايح تخطب وشايفها امس
احمد مو مستوعب اللي تقوله: ايش تخطب وايش شايفها
نوف بدت تطلع عن طورها: انت تستهبل معاي
وراحت تركض وتحاول تجمع اشلاء كرامتها اللي حست انها ضاعت باللي سواه معاها احمد
راح يركض وراها: استني
لفت عليه كانت نظراتها كلها حقد: اتركني واشوفك مره ثانيه مكلمني فاهم
تركته مصدوم عن ايش تتكلم أي خطبه واي بنت وش السالفه حس ان وحده من خواته يمكن يكون لها يد بالموضوع...
اتصل على في اللي كانت جالسه مع مي بعد ما هدت شوي ..
في: هلا حموود
احمد بنبره جديه: وش قايلين انتو لنوف
في ببرائه: ولا شي
احمد مو فاضي لمزحها: اقول بتتكلمين والا وشلون تراني مالي خلقك
في خافت من طريقه كلامه: طيب طيب بقولك
جلست تقوله لقصه كلها وشلون خطرت الفكره في بالها احمد من صدم من تفكير اخته الجهنمي كذا ماراح تقدر نوف تنكر حبها لأحمد وخوفها من خسارته لانها انهارت وقدام مي وفي يعني ماراح تقدر تنكر أي كلمه او فعل قالته لما سمعت كلام مجرد كلام ان احمد ممكن يخطب بنت غيرها فرح من قلبه على رده فعلها دليل حبها الكبير له وزاده اصرار انه ما يستغنى عنها ولا عن حياته وسعادته معاها...
احمد والفرحه مو شايلته: يقطع بليسك بنت من وين طلعتي هالفكره الجهنميه.
في بعصبيه مصطنعه: وانت تو تبي تصفقني هااا
احمد يتميلح: انا انا اصفقك نور عيني بس مشاء الله عليك عمري ما فكرت انك ذكيه وراعيه خطط وافكار كذا
في بغرور: عشان تعرف قميتي وقيمه افكاري
انتبهت لنوف اللي جايه من بعيد باين انها لازالت منهاره وتحت ضغط الصدمه
في بعجله: يله يله هذي نوف جت باي
احمد بحماس: لاا تكفين استني خلي السماعه مرفوعه ابي اسمع كلامها
في بطفش: ياشين اللي يعطي العلل وجه
احمد: علل في خشتك اقول خليها مفتوحه وانتي حرمه
في تنزل الجوال: طيب طيب وما ابي اسمع نفسك جوالي صوته عالي ترا ننفضح
حطت الجوال بينها وبين مي اللي كانت معاها جسد بلا روح تفكر حل لمصيبتها اللي طيحتها فيها مشاعل يمكن كان في امل ابوها يهون او يحن عليها قبل ما تألف الكذبه اللي راح تدمر حياتها من دون ذنب راح تعيش نواف تعيس وتعيش اهي تعيسه معاه
في التفت على مي: اقول خلي موضوعك لبعدين خلينا نخلص موضوعك اخوك وهالخبله نووفوه
مي ببرود: طيب
جتهم بعد ما مشت مسافه طويله بين الاسطبل والمكان اللي جالسين فيه البنات مثل مكان مغلق من فوق بمثل المظله الكبيره ويتخللها انواع الشجر والأعشاب المتسلقه والورد اللي معطي جمال للمكان
راحت تركض لحد ما طاحت عند ركب في بترجي كانت تتمنى الخبر يطلع كذب بكذب عرفت ان حياتها من دونه ولاشي لا معنى ولا هدف طول عمرها كانت له وطول عمرها راح تكون له
فكره صعب عليها تتقبلها الا مستحيل تفكر فيها حتى انها تشوفه في الكوشه مع وحده غيرها
بكت ودموعها مثل انهار وسيول على خدودها اختلط فيها لون الكحل الاسود : تكفين يا في الله يخليك ريحيني وقولي ان السالفه كذب انا ما اقدر استغنى عنه اهو حياتي اهو عمري كله قد شفتي شخص يستغنى عن قلبه وكل ما يملك في ما اقدر اتخيله مع وحده ثانيه والله امووت اموووت اذبحه واذبحها وبعدها اذبح نفسي لان الحياه من دون راح تكون مالها طعم ولا لون بعيني
كان يسمع منصدم من درجه حبها كان باين انها تحبه بأخلاص حب طفولي امتد مع الوقت لحب عذري طاهر تمنى تكون نهايته النهايه الصحيحه لأي علاقه ولأي حب هي الزواج يسمع كلماتها الطاهره ويبتسم
احمد" لها الدرجه تحبيني يا نوف ما اكنت اتوقع انك تحبيني اكثر من ما انا احبك بس بعد اللي سمعته انتي ما راح تكون لأحد غيري لو اضطريت احارب هالدنيا كلها فدى عيونك ولا اشوف فيها دمعه من دموعك الغاليه
كملت بصوت يختنق من الصياح: خلاص انا موافقه بس لا يخطبها لا يشوفها تكفووون تكفين
في رحمتها صدمتها درجه حب نوف لأحمد خافت انها تحقد عليها على اللي سوته بس كانت عارفه ان نوف قلبها ابيض مستحيل تشيل بقلبها على احد وخاصه عليها اهي لأنها تعرف معزتها بقلبها
مسكت كتفها ورفعت وجهها : نوف انا اسفه سامحيني
نوف سمعت هالكلام وتغيرت تعابير وجهها كله الحين بتأكد لها ان خطبت احمد حقيقه وواقع اسود لازم تتعامل معاه حست بدمار شل كل عرق نابض فيها سكتت تستنى في تخلص كلامها..
في بنفس نبره الاسف: احمد ما خطب أي بنت
وقفت على حيلها متفاجأه توقعت انها ما تسمع صح كانت تبي تتأكد من اللي سمعته: اييش
في ونبرتها قلبت الى نبره خوف من رده فعلها: احمد ما خطب وكل السالفه كانت مزحه..
نوف عيونها كانت تفضخ مشاعرها مشاعر الغضب من أي احد يلعب فيها او يتهاون بقلبها: في انتي وشلون تسوين فيني كذا
في بأسف: والله اسفه ما كنت متوقعه الموضوع يكبر كذا وانتي يصير فيك كذا
نوف بعتاب: انتي شاكه اني احب اخوك مثلااا وحابه تتاكدين انا مو لعبه يا في ويا مي اللي ساكته من الصبح وكأنك مو في الدنيا زواج وراح تتزوجي ممثل كل البنات لاتسوين فيلم هندي
جرحتها الكلمه جرحها انها كانت طالعه من نوف اعز صديقه لها وبنت عمها اكتفت انها تناظرها نظره حزن وقلب مكسور ومشت وتركتها
اما نوف تضايقت من نفسها مي مالها دخل في اللي سوت كل شي واحط حرتي فيها..
رجعت نظرها لها: بس للأسف يا في ما توقعتها منك ابدا
ومشت وتركتها من دون ما تسمع رد او تبرير كانت فرحانه من نتيجه اللي سوته ومتضايقه انها جرحت اعز الناس لها نوف بس عرفت ان نتايج اللي سوته بتظر قريب ولازم تعتذر من نوف على اللي سوته فيها
تذكرت الجوال اللي على الكرسي رجعت تشوف اذا الخط ما انقطع
في بترقب: الووو الووو الوووو
احمد بهدوء: هلا
في: سمعت كل شي
احمد بنفس الهدوء: كل حرف وين راحت
في: راحت من نفس ما جت
احمد: يله باااي
في: باي
&&&&&& في جلسه الحريم**
كانو جالسين يسولفون وكل وحده وجمبها اللي تسولف معاها
ام فهد: يعني خلاص ابو احمد مصر
ام احمد بحزن على حظ بنتها ماكانت تبيها تتزوج مغصوبه تبيها تكون موافقه واراغبه بهاالزواج: مو انتي كنتي تبين كذا افرحي صار اللي تبينه والرجال معند ولا في أي امل انه يغير رايه
ام فهد: اانا ابي لمي شخص اخلاق وادب ومال وجمال وكله بنواف هذا جزاتي يعني
ام احمد: انتي ما قصرتي بس بنتي ما تبيه والزواج مو غصب بس بعد اللي سوته بنت اللذين اللي ما تتسمى ابراهيم عند راسه وشكله صدق الكلام عن بنته او يمكن انه كان مستنيها تجي من ربه وجته بارده مبرده وللي قاهرني الوقحه جايه اليوم وكأنها ما سوت ولا كانها امس افترت على بنات الناس لولا اني محترمه امها كان شافت مني شي عمرها ما شافته
ام فهد تبي تهديها: ماعليك منها انتي لوتدرين ان حصه كانت مخططه على الولد لواحد من بناتها بس حامض على بوزها
ام احمد بستغراب: وانتي وش دراك
ام فهد: ادري وبس انا افهمها على الطاير بس الحين قولي بدت تجهز نفسها للملكه راح تكون كبيره في المزرعه هنا المكان خطير ومعارف ابو نواف كثار والكل بيجي لازم تطلع قمر
ام احمد تتنهد: خليها تستوعب الموضوع وبعدها بمسكها وبوديها السوق تفصل فستان مع اني ما اتوقع الوقت يكفي انتي اخبر لازم قبل شهر واحنا ما قدامنا الا اقل من اسبوعين..
ام فهد: ان شاء الله تلحقو تشترون كل شي
حصه لفت على ام احمد: الا اقول خلاص صارت الملكه رسمي بعد اسبوعين
ام احمد ودها تقوم عليها : ايه رسمي يعني فصلي لك فستان
حصه بغرور: لا مايحتاج واللي مالي دولابي ايش اختار أي واحد والبسه كلها حلوه
ام فهد بقرف: تقطعينها بالعافيه
ام فهد حبت تغير السالفه: الا اقول ام سعد
ام سعد: هلا
ام فهد: ما فكرتي تخطبين لسعد من بعد ما توفت زوجته لها سنه خلاص المفروض يتزوج
ام سعد بهم وحزن: انا لو علي زوجته اليوم قبل بكرا بس اهو يرضى اول
ام فهد بلقافه: ليش اهو مو موافق يعني
ام سعد: ايه يقول بعد رحيل ماراح يتزوج انتي عارفه انه اخذها واهو يحبها ويموت فيها وش سوى وتحدى اهلها كلهم لحد ما اخذها وسنه وراحت منه
االكل حزن على حال سعد اللي كان ملاحظ حبه لرحيل لما يكونون حولهم قلوبهم على بعض نظرات حبيبين ما تغيرت حتى بعد زواجهم
ام فهد: انتي اقنعيه وخلي زوجته علي انا اشوف له وحده
ام سعد: خليه يوافق اول وبعدها دوري براحتك
طرفه اللي كانت مشمأزه من الوضع كارهتهم كلهم حاسه انها غريبه بينهم ما انها عاشت معاهم سنين بس عمرهم ما حسسوها بقدرها عندهم والا حتى اهميتها ابو ابراهيم معتبرها زياده عدد بعد زوجته الاولي صالحه كانت له اول زوجه حبه الاول والاخير وتزوجها بعدها بس عشان تربي عياله بس كانت بعيده عنهم واهم صغار وبعدو عنها واهم كبار
يتبع>>

[عاشقة الحرف]

يتبع>>

دخلت ام احمد المطبخ لقتها سرحانه وماسكه دله القهوه في يدها
ام احمد: محتاجه مساعده
طرفه ابتسمت من دون نفس: لا مشكوره يا بنيتي بس شيلها عني ركبي متعبتني
ام احمد بكل رحابه صدر: من عيوني..
***********************في مجلس الرجال*****
ابو متعب يتكلم مع راش على انفراد في زاويه مجلس الرجال الفخم مساحته كبيره جدا مجهزه ابو ابراهيم لعزايمه الكبيره كل اسبوع ديكوراته البيج مع الذهبي معطيته فخامه والاثاث باللون العنابي والبيج ماليه المجلس بالقطع الاثريه والنادره..
ابو متعب بصوت اقرب للهمس: وش صار على الاوراق
راشد: لو تدري عارف هالصفقه يا ترفعنا فوووق فوووق يا تنزلنا اسفل السافلين بس لو اخذتها من شركه اخواني راح تتدمرهم بس انا عارف عندهم في البنوك اللي يغطي الخساير اما انا مسكين هذي اول صفقاتي وابي اربح
ابو متعب والأبتسامه تشق الوجه: اتخيل اني جالس في مكتبي في الشركه الجديده
راشد : قريب انشاء الله بس اسنتى علي
ابو متعب بحبث: نشوف وش بتسوي يا ولد طرفه
راشد: اقول على تبن لا تجيب طاري امي لأشق حلقك فاهم
ابو متعب بخوف: فاهم
في زاويه اخرى من المجلس ابو ابراهيم كان جالس معصب من اللي سواه ولده لازم يفهم السالفه كلها ..
االجد منصور بهدوءه وحكمته المعتاده : ابراهيم تعال معاي برا ابيك بموضوع
قام واهو عارف ان مرت ابوه ما تخلي شي الا وتقوله له: سم يبه تفضل
جلسو على دكه قريبه من المجلس حولها كله شجر جلس بعد ما سند نفسه على عصاه
الجد منصور: ابي اعرف وش صار ببيتي امس وكل الكلام اللي سمعته صح والا لا
ابو احمد : وش سمعت يبه
الجد منصور: انك تبي تغصب بنتك على الزواج من شحض ما تبيه يبه احنا ماربيناك على هالاسلوب وهالطريقه في التربيه والتعامل وخاصه مع بنتك وفي موضوع مثل الزواج كل شي في الغصب حل الا الزواج
كان يسمع محاضره ابوه بصبر بدى يقل: يبه انا اعرف مصلحه بنتي اكثر من أي احد
الجد منصور عصب: وش قصدك بنتك مو بنتي
ابو احمد يحاول يمتص غضبه: مو قصدي يبه بس انا ماراح اغصبها على شخص ما يستاهلها يبه انت تعرفه
بستغراب: اعرفه
ابو احمد: ايه ولد ناصر نواف
استانس : كفووالله
ابو احمد ارتاح شوي: شفت يبه والبنت معنده دلع بنات انت عارف انشاء الله ما يصير الا اللي تبيه انت وترضى فيه
الجد منصور بنظره غريبه: تبي ترضيني
ابو احمد بترقب: رضاك هدفي يا يبه
الجد منصور: قدم الملكه للأسبوع الجاي
ابواحمد اندهش من كلمته: الاسبوع الجاي
الجد منصور: ايه الاسبوع الجاي والا ودك تعارض
ابو احمد بستسلام: لا ليش اعارض كلمتك اهي اللي تمشي الاسبوع الجاي الاسبوع الجاي
الجد منصور كان عارف ان بنته مي ماراح تتزوج أي شخص هذا نواف اللي الكل يمدح فيه وبأخلاقه وبشهامته يدرس ويساعد ابوه في شغله شايله فوق راسه بار بوالديه وهذا شي واضح .
************************&&
كانو الشباب يلعبون بلوت في الخيمه وحماس
خالد واهو ينطل ورقته:واطللللللللللع
زياد متنرفز: اقول بس ناظر ورقتك اول يا الدلخ
خالد يناظر انه حاط ورقه غلط:هههههههههههههههههههه معليش غلطه مطبعيه خخخخخخ
عبد الله: والله انا من يوم ما شفتك تغمز انت وهالعيون تقول لمبات سياره وانا غاسل يدي
خالد خاف: اقول قل مشاء الله
احمد:هههههههههههههههههه اخوان كل واحد عينه احر من الثانيه
زياد: عاد الكبير عينه مركزه عينه والقبر
الكل:ههههههههههههههههههههههههههههههههههههههه
عبد الله: اشوى انك عارف اجل اسكت ولا نسمع صوتك لأعطيك عين اخليك تلف حول نفسك وانت تصيح
الكل:ههههههههههههههههههههههههههههههههههههههههههههه ههه
سعد كان جالس يسمعهم يلعبون جسمه معاهم ورورحه راحت معها يوم فارق يده لسمه ايدها وسمعها ربها يقبض روحها حس ان اجزاء منه راحت معاها
زياد لاحظ سرحانه...
زياد يرمي ورقه: انا بطلت..
تحت اصوات اعتراضهم تركهم وراح جمب اخوه ناظر حاله اللي ما تسر الكافر مرت سنه وكان حاله مثل ما هو بعد وفاتها بيوم
زياد قرب منه وحط يده على يده: اذكر الله ياخوي
سعد يتنهد: لااله الا الله
زياد: ياسعد لمتى بتظل كذا
سعد يستعبط: اظل على ايش
زياد: انت فاهم قصدي خلاص الحياه تستمر وزوجتك الله يرحمها وانت كنت وفي لها مده كافيه واالاخلاص والحب مو معناها انك تدفن نفسك وحياتك لا انا اعرفك اقوى من كذا الاخلاص يكون بالقلب بس سنه عايش في الظلام ولحالك تكفي انا عارف ان جاك نقل هنا بس لسى انت ما رديت عليهم
سعد تفاجأ : وشلون عرفت
زياد: ناسي خووي سلطان يشتغل هناك وقالي
سعد بطفش: والمطلوب يا اخ زياد
زياد:المطلوب انك تخلي امك تبدى تدورلك بنت لانك محتاجها وحده في هالوقت تملى عليك حياتك اكثر من أي وقت
سعد واهو يقوم من مكانه: مشكور على النصيحه بس انا اتوقع اني كبير كفايه واعرف كيف ادبر حياتي
وطلع من الخيمه قبل ما يسمح لزياد يجاوبه ...
(((((((((((((*************)))))))))))))
طلع يمشي حس انه مكتوم الكل يضغط عليه امه من جهه بالزواج وابوه من جهه النقل للرياض واهو مو قادر ينساها يتخيلها قدامه في كل مكان حوله في زوايا بيتهم في غرفتهم في المطبخ على الكنبه
مسح دمعته اللي خانته تذكر ملامحها اللي تلونت بلون الدم واشلاء الزجاج المتناثر اللي شوهت ملامحها الجميله صوره ما فارقت خياله لحظه حتى في احلامه مو مرتاح طلع سيجارته وولعها لاحظ لونها في الظلام كيف يتغير والدخان مالي المكان صار يمشي بين الشجر على امل انه يختلي بنفسه بين صوت خطواته والدخان الكثيف اللي حوله واصوات الشجر اللي تتحرك مع مرور الهوا بين اغصانها
سمع صوت بنت تتكلم كان صوتها فيه حنان..
مشاعل بدلع:ايوه حبيبي
حسين : ياحياتي انتي متى بشوف القمر انا
مشاعل بتغلي: لا صعبه ما اقدر
حسين بحبث: وشلون تحرميني من شوفتك اهون عليك تكفين بس لمحه شي اقدر اصبر نفسي فيه
مشاعل بدلع ماصخ: اوكي وش رايك بكرا
حسين ما صدق بيطير : بكرا ياحياتي انتي لوتبيني اجيك القمر يعني انتي جيتك
مشاعل بتميلح:هههههههههههههه اوكي بكرا اقولك المكان
حسين: طيب وش تبين اجيبلك معاي هالمره
مشاعل بخبث: سلامتك بس ابي شوفتك..
حسين : اجل بجيب لك على ذوقي اوكي
مشاعل بدلع: اوكي بااي
حسين بزعل : امداك طفشتي مني
مشاعل: انا اطفش من الناس كلهم الا انت
كان يسمع ومصدوم بس ما كان يقدر يقول أي حرف لانه ماله حكم عليها لا اهو اخوها ولا ولد عمها ولا له أي صله قرابه بها ...
مشاعل: طيب قلبي لازم ارجع قبل ما يفقدوني>>ما اتوقع احد بيفقدك
حسين: اوكي عمري انا ماكنت بسكر بس يوم تأكدت اني بشوفك بكرا بروح انام عشان يجي اليوم بسررررعه

مشاعل: اوكي حبيبي باااي
حسين: باااي
لسى مو مستوعب اللي سمعه ماكان متوقع ان وحده من بنات ابو احمد اوالا ابو متعب راعين مكالمات والا طلعات مع شباب سحب رجليه لمكان يبعد فيه عن كل شي...
جلست على الكرسي وحطت وجهها بين كفوفها اللي اختلطت فيها دموعها وصار لونها اسود حست انها غبيه غبيه
نوف" وشلون لعبو علي الحين وش بيقول بيقول اني ميته عليه انا الغبيه اللي صدقت المفروض اتأكدت بأي طريقه من خالتي ام احمد اهي الوحيده اللي ماراح تكذب علي يالله وش بسوي وشلون بحط عيني في عينه بعد اللي صار"
حست بصوت خطوات تكسر اغصان الشجر رفعت راسها بهتمام وتفاجات بوجوده قامت بسرعه من مكانها ماتبيه يشوف دموعها مره ثانيه لاحظت عليه الابتسامه يعني مستمتع واهو يجرحني ويلعب علي
نوف بقمه العصبيه: ولك وجه جاي تلحقني وخر عن طريقي
كان ساد عليها الطريق وكل ماراحت من جهه يروح معاها والابتسامه على وجهه كل مالها وتكبر
نوف ودها تنفجر كانت مثل البركان الخامد محتاجه كلمه تفجر حممها عليه
احمد بصوت كله حنان: يا بنت اجل تموتين فيني
نوف من الحيا ما عرفت وش تسوي صارت تضربه عشان يوخر عن طريقها واهو ولا تحرك له ولا شعره بالعكس مع ىكل ضربه تحسه يستمتع فيها اكثر
نوف واهي منزله راسها تخفي حقيقه مشاعرها: وخر عني وخر عن طريقي انت انت واحد
احمد يبي يقهرها عشان تتكلم: انا انا واحد ايش
نوف انفجرت: انت واحد تافه وما عندك احساس ايه احبك وش عندك عاجبك عاجبك مو عاجبك اخطب مليون وحده غيري بس انا مو لعبه تلعب فيها انت وخواتك تختبروني فيها انا انا
سكتت ورجعت تبكي..
يتبع>>

[عاشقة الحرف]

تابع>>
احمد ابتسم مسك يدها وجلسها : انتي حبيبه قلبي انا ودي افهم شي واحد وشلون خطر على بالك مجرد فكره اني ممكن استغنى عنك وشلون
نوف وبنظره كلها امل: طيب ويوم تقول لا تخرب كشختي مو كنت رايح تشوفها
احمد:ههههههههههههههه الله يهديك بس يعني كلمه وتنقال
نوف بحزن: طيب انا سلمت عليك وانت طنشتني
احمد: والله ما سمعتك يا المجنونه وشلون فكرتي اني اخليك انا حياتي من دونك ولاشي ليش تعذبيني وتعذبين نفسك يا نوف انتي عارفه حياتي مالها طعم من غيرك تكفين ريحيني ريحيني انا تعبت من الانتظار
نوف نزلت راسها مستحيه وقفت ..
احمد وقف وراها وبحزن مصطنع:يعني مو قادره تجاوبيني
نوف قبل ما تمشي لفت : تعال بيتنا مرتاح
وراحت تركض.. احمد جلس يسحب اذنه حسب انه غلطان باللي سمعه لما استوعب بعد دقايق جلس ينطط على كرسي وضحك ضحكه ظن ان كل اللي بالمزرعه سمعوه
اخيراا.. يانوف اخيرا راح تكونين لي يكفي تغلي ويكفي زعل نبي نعيش حياتنا مع بعض اوعدك انك تكونين معاي اسعد بنت في الدنيا...
*******************8
كانت تناظر مي ودها تنكد عليها ما حست بالرضا كفايه كانت تكرههم ما تعرف ليش قربت منها ناظرتها من فوق
مشاعل بحقد:ماقلنالك مبروك
مي رفعت عينها والغضب واصل اعلى درجاته: انتي وش تبين مني اتركيني بحالي ما يكفي افتريتي علي لحد ما خليتي ابوي يغصبني على زواج ما ابيه ارتركيني بحالي
مشاعل بنظره اشمئزاز: شوفي انا اتركك متى ما ابي وانتي يا حياتي براسي الحين وماراح ارتاح لحد ما ادمركم كلكم فااهمه
مي: وش سوينا لك والا صار الحقد والكره مالي قلبك على الكل
مشاعل تضحك بسخريه:هههههههههههههههه عليك نور جبتيها تقدري تسميها اللي تسميها مثل ما تسميها تسميها لعانه كره حقد اختاري اللي يعجبك بس اوعدك وعد بجي ابارك لك وانتي في الكوشه واعطيك بوسه بعد وش رايك
اقول اعصابك اعصابك لا يطق لك عرق بعدين وش نسوي بالمعرس اخذه عنك نقوله عروستك منقع في راسها عرق قولي امين..
مي بدت تفقد اعصابها من طريقتها في الكلام : انتي بتوخرين عن وجهي والا شلون
في شافت اصواتهم بدت تعلى راحت تركض لحد ما وقفت جمب مي.
في بصراخ: وانتي ماراح تفكينا من شرك تراني لحد الحين ساكته عنك وربي لو فضحتك لتندمين طول عمرك فاهمه..
مشاعل بخوف ممزوج بغضب: اصلا ما عندك غير التهديد وانتي اخر وحده تتكلم يا راعيه الشباب فاهمه
في ما قدرت تمسك نفسها كانت بتمد يدها وصلت يد مي عليها قبل ما توصل لمشاعل
في واهي ميته قهر: اتركيني والله انها ما تربت وانا اللي بربيها شوفو من يتكلم انا ما احب افضح الناس فخلني ساكته لا وربي لخليك تعضين الارض اللي تمشين عليها ندم فاهمه
ومشت وتركتها قبل ما تتهور وتمد يدها لا هذا اسلوبها ولا هذي طريقتها في التعامل بس كلامها أي وحده مكانها ما تتحمله
البنت مالها غير سمعتها الطبيه وممكن كلمه غلط تطلع على لسان شخص حاقد ممكن انها تتصدق وتنتشر ظلم..
مها كانت مثل المجنونه تمشي بعد ماراحت ولبس عبايتها وصارت تدور تتمنى انها تشوفه عشان تبي ترتاح من الهم اللي شايلته بقلبها اهي ما غلطت انها حبت تساعد ولد عمها واختها بس كلمه منها انفهمت غلط وخالد قطع الوسيله الوحيده انها تتفاهم معاه وما صار يرد على مسجاتها حاولت تتركه فتره يهدى وحانت اللحظه انها تبي تعترف له انها مظلومه..
صارت تلف المزرعه ميه مره بالدقيقه لمحته جالس يضحك ويلعب ورق جلست على اقرب كرسي بس كانت تقدر تشوفه من دون ما اهو يشوفها
سمعت صوت شخص يكلم بالتلفون عرفته على طول لفت طرحتها على راسها وجلست تنتظر خالد يطلع لانها وعدت نفسها ما تتطلع اليوم الا متفاهمه معاه..
شافها ..
عبد الله يناظرها واهي باين انها سرحانه
عبد لله: انشاء الله ما اكون قطعت عليك افكارك
مها انتبهت لوجوده: هلا لا ماقطعت شي
عبد الله لازال واقف: اخبارك يا مها؟؟
مها تستحي منه بشكل غريب: الحمد الله
عبد الله ما تحمل يسكت اكثر من كذا: مها ولمتى وانتي تعامليني كذا
مها تتغابى: وش قصدك وشلون اعاملك اعامك مثل متعب وزياد والكل
عبدالله بحزن: ايه انا ما ابيك تعامليني زيهم لمتى ماراح تحسين فيني
مها تبي تقطع كل حبال الامل عنده: عبد الله انت خطبتني وانا رفضت خلاص الزواج قسمه ونصيب
مها" لو تدري اني اموت على تراب رجلين اخوك ما ادري وش بيصير فيك"
عبدالله كانت عزه نفسه فوق كل شي ممكن يتنازل لحظات لأجل ناس يحبهم بس كرامته ورجولته ما تسمح له انه يترجى بنت دخلت قلبه من دون اذن كان معجب فيها والاعجاب تطور مع الوقت يسمع عنها وحبها من كلام غيره مع احيانا الكلام اللي يوصله مو كلام حلوو بس كان يظن ان لها شخصيه غامضه وغريبه ومحتاجه شخص يبين جوانبها الحلوه..
عبد الله يحاول يحافظ على نبره صوته: مها انا عند كلامي لك فكري زين واستنى ردك النهائي
مها بطفش: عبد الله قلتها لك مره انا اسفه انشاء الله تلقى اللي تعوضك عني وتكون احسن مني
عبد الله بحزن: ما اظن بس مهما صار ومهما كان بيننا راح تظلين عزيزه وغاليه وبنت عمتي وعلى راسي وانا الحين اخليك على راحتك
لف ومشى كان وده يسمع رايها يتغير في لحظه بس كانت خطواته تطول والامل يقل ترك كل احلامها معاها كان يتمنى مها بجمالها تكون له عروس بس تجري الرياح بم لاتشتهي السفن..
في هالوقت ..
كان خالد طالع يشرب مويه مر من نفس المكان وسمع كل الكلام فتح فمه من الصدمه عبدد الله يعني كل احساسي امس كان صح مها نفسها مها اللي عمري متعلق فيها حتى لو كانت خاينه
احبها بخيانتها احبها بحقدها احبها بعيونها بجمالها بلمسه ايديها بدمعه في عينها بهمسه من صوتها برقه انفاسها بعذوبه صوتها ولذه ضحكتها
كانت لما تضحك يحس الدنيا كلها حوله تضحك بس ما تحمل صدمتين ان اخوه اخوه اللي طول عمره مغرق نفسه بالشغل وشلون ومتى حب مها كانت غازيه كل اشعاره كان يقراها من دون تركيز مها كانت موجوده في كل بيت في كل كلمه في كل حرف
وصفها بحنانها وطيبتها وصفها
حسد اخوه على الموهبه اللي يتمناها عشان يوصف لها مشاعره بقصيد والا حتى ببيت يكتب فيه احبـــــــــــك يامها وحياتي من دونك مالها أي لون..
لاحظت حركه ورى الشجر قامت بسرعه تشوف مين
وقفت بسرعه وبصوت اقرب للهمس: خالد
خالد عيونه كانت توصف كلام كثير بس كلامه يوصف عكس كل شي بقلبه: نعم
مها ببعيون كلها ترجي: ليش ما ترد على مساجاتي على الاقل عطني فرصه اشرح اللي صار مو معقوله كذا
خالد بعتاب : وش تبين تقولين لي لك وجه تتكلمين بعد اللي سمعته حبيبي روحي لحبيبك وانا انسيني لان اللي بيننا انتهى
حطت يدها على فمها: خالد
كان ساكت يدور أي شي يحط عينه عليه عشان ما يحط عينه بعينها ويحن قلبه عليها كان جايب سمعه عذر عشان ينهي اللي بينه وبينها لانه مستحيل يرتبط سعادته بتعاسه احد وكيف اذا صار اخوه راح يبديه على نفسه..
مها والدموع بدت تتجمع بعينها: خالد الله يخليك لا تقول كذا والله ما سويت شي هذا كان ولد عمي فهد
خالد ناظرها نظره كرهت فيها نفسها
خالد: بعد ولد عمك يعني تشتغلين على الحبلين
مها واهي تبكي: لاااا والله لاااا استنى بشرح لك كل شي
خالد: انا اسف ما عندي وقت مع السلامه
وراح وتركها منهاره ما صدقت هذا خالد نفسه اللي حبته وحبت فيه تفاهمه لها ولشخصيتها حتى ما عطاها فرصه تبرر نفسها وتبرر موقفها تركها من اول مشكله صارت بينهم حطت في بالها شي مستحيل تتنازل عنه
مها"خالد انت لي مهما صار انت لي ولا راح تكون لغيري والوقت راح يثبت لك هذا الشي"
مي رجعت بعد ما تنرفزت من مشاعل عند الحريم
حصه تستفز: هلا وغلا بعروستنا
مي مالها خلقها: هلا
مي جلست جمب امها: يمه متى بنروح البيت تراني طفشت
ام احمد تناظر ساعتها: يله نمشي
مي : ايه تكفييين
بعد ما جت الساعه 12 الكل قرر يروح لانهم تعبو ....
في سياره ابو احمد
ابو احمد كان يدور طريقه يقولهم ان الملكه تقدمت اسبوع قبل موعدها الاصلي
ابو احمد بجديه: مي
مي كانت شبه نايمه فما ردت
ابو احمد عصب يحسبها قاصده تطنشه
ابو احمد صرخ: ميي
مي قامت مرتاعه: هانعم نعم
ابو احمد: من بكرا تروحين تدورين لك فستان
مي بستغراب: ليش ؟؟
ابو احمد: لان الملكه الخميس الجاي
الكل شهق اولهم ام احمد وفي وبدر كان راجع مع احمد..
ام احمد التفت عليه: صدق يا رجال ما يمدي ليش قدمتها اسبوعين كانت شويه وشلون اسبوع ما يمدي نسوي شي
ابو احمد: اللي بتشترونه في اسبوعين تشترونه في اسبوع بلا كثر كلام ابوي يبي كذا وانا ما اقدر ارفض له طلب
في : وجدي وش دخله بعد في الموعد
ابو احمد عصب: جب ولا كلمه انتي لا تتدخلين
مسكت نفسها عشان ما ترد على ابوها وسكتت
مي اللي كانت مرتاعه: يبه حرام عليك
ابو احمد: كلام في هالموضوع ما ابي اسمع فاهمين
ولا احد رد....
وصلو البيت واهي ودها تنفجر ودها تنحاش تسوي أي شي ما بقى على ملكتها الا اسبوع مافي امل يصير شي يفكها من هالزواج خطرت في بالها فكره مجنونه فكره ممكن يا تنقذها ياتنهي احترامها لنفسها خذتها الافكار شوي توديها وشوي تجيبها فكرت في اخر شي تنسى الفكره وتستسلم لربها ...
يتبع>>>