بسم الله الرحمن الرحيم
اعزائي رواد منتديات الود الشامخه
طبتم وطابت جميع اوقاتكم بكل خير
نشكر كم جميعآ على اختياركم القصائد واضافة اصواتكم ..
للمرحلة الاولى
/////////////////////////////////////////////////////////
كما نشكر اللجنه الموقره جزيل الشكر على مابذلوه من جهد واهتمام
وقد اختارت اللجنه
ثلاث قصائد .. من مجموع القصائد اللتي اختارها الاعضاء
وسوف يتم التصويت النهائي عليها من قبل الاخوان الاعضاء ...
ومن ثم اضافة نقاط اللجنه ولكل عضو في اللجنه
ثلاث نقاط
بعد ذلك يتم ترشيح القصيده
الفائزه ...
وتم استبعاد بعض القصائد ليس لكونها غير وافيه ولكن لكون شاعرها عضو من اعضاء لجنة
التحكيم....
واخرى شاعرها احد مشرفي همس القوافي .....
////////////////////////////////////////////////////////////////////////////////////
اعــضــــــاء لجنة التحـكـيــــــــم
(1) راعي العلياء
(2) شاعر الدرر
(3) ثرثرة غيمه
تم الفرز للقصائد من قبل اللجنه الموقره ...
وقد رشحوا مشكورين
ثلاث قصائد وهي :
(( 1 ))
" بركان من المشاعر الصادقه ايقضته مشاعر كاذبه"
يالفتتة الوصل ماشفتي غنـوج البنـات=اللـي تغلـى علـى العشـاق بغيابهـا
لاجيت للروم ترحـل والاماكـن شتـات=وانا اتتبـع خطاهـا واشكـي اسبابهـا
قولي لها الفارس اللي يسرج المكرمـات=يشد سرجه علـى المهـره ولا يهابهـا
ان جيت راحت وليامن رحت ردت وجات=مدري وش اسباب روحتها وويش جابها
ان جت لها فارسن يطـوع العاصيـات=وان روحت مقفيه مانحسـب حسابهـا
دورت سكر نبـات ولاش سكـر نبـات=يقطعـك ياسكـره مـن مرهـا ذابهـا
انا ان بغيت البنـات ادل درب البنـات=اتعب حصانـي لهـا واتريـح ركابهـا
حنا نبي نستريـح بغفـوة الساهـرات=والغايبـه غايبـه مانـحـب نغتـابـه
لـــ / البارز
(( 2 ))
" وجه المواني"
و... آتنفّس رغم هذا الضيق في صدر المدينة ..!=وآتبسّم حتى لو مابه ..... عصافيـر وأغانـي !
وانتي أنتي .. مثل ماأنتـي ..ولكنّـك حزينـة !=تربكين الدمع ويل الدمع مـن ضيـق المحانـي !
صح أنا مااخترت اكون إنسان يمكن تعشقينـه !=بس انا ماخترت أكون إلا معاك انسـان ثانـي !
كنت اقول البحر ماينشد عـن همـوم السفينـه !=صرت أقول اللحين دلوني على وجـه الموانـي !
آه .. واللي خالق ٍ بي صوت يصعب تسمعينـه !=ماقطفتك ( لحظة ٍ حلوة ) من أغصـان الثوانـي
أشبه احساسي ولاأشبه هذاك اللـي ... تبينـه !=شاعر ٍ من ضعت عندك ضاع يوم إنـه لقانـي !
أشبه اللي مرّ في صـدري وانـا مـدري حنينـه=مثل هذا الفرح ..... هذا الجرح لامنّـه بكانـي !
أنسكب لك شي مثل المـي ! يمكـن تشربينـه !=وارتوي بك شعر.. مثل الشعر لامنّه .. دعانـي !
مثل هذا الحزن هذا الحـزن لامـرّ بـسكينـه !=مثل هذا النور مثل شعور من يـدّي .. خذانـي !
مثل هذا اللي يدوّر في يدينـك .. عـن يدينـه !=مثل هذا اللي يمرّ اللحين كل اللـي .. قرانـي !!
مثل هذا اللي يحث خطـاه ماتلحـق .. سنينـه !=مثل هذا اللي تشوفي كيف لو شفتيـه جانـي !؟
شاعرك لو ماتنفّس ضـاق بـه صـدر المدينـة=شاعرك لو ماتبسّم .... كـان مارفّـت أغانـي !
أفتحي قلبك وشوفـي وش ورى دمعـات عينـه=يمكن تحسيّن باللي ماقوى ... ينطـق لسانـي !
لايمر ّ الحزن مثل اللي يمـرّ .. وفـي يمينـه !=قلب ماتنبض سنينه مثل .. نبضـات الأمانـي !
من يقول الصبح هذا صبح ! واشيـاءه حزينـه !=من يقول الناس مثل الناس ماحـس ّ بحنانـي !
الحزن ماهو مثل ماشعر واحسّـك .. تشعرينـه !=الحزن لاجيت ادور لـك وانـا اجهـل مكانـي
لــ/ بركات الشمري
(( 3 ))
مشاركة الجليد
وسط امتثال افكـار ومعانـد افكـار=صحيت من سكره وعانقت سكـره
الين عقلي من عنا سكرتـي طـار=ونفخت من بين المعاليـق جمـره
جمره تشب اسرار وتطفي اسـرار=والعمر لحظه واصدق الحب عثـره
الليل للعاشق عزف باعذب اوتـار=والليل للعاشـق عذابـه وسحـره
قلبي غدا به واهج(ن) يشتعل نـار=والبعد ضيع كـل حلمـه وصبـره
أثر المـوده تسكـن ديـار وديـار=ومن ماعذر عسى المـوده تحقـره
عسى عذولي بالهوى يشرب امرار=ويصير بين الناس للنـاس عبـره
ياليتني خالفت وانكـرت الاشـوار=اللي تحد القلب عن شـوق عطـره
فارقتها وانهت معـي كـل مشـوار=والبيت ماهو بيت من دون شطـره
كانت معي أقرب من الجـار للجـار=واليوم حتى نشدتي حيـل عسـره
راحت وانا من غادرت عالمي فـار=دمي وانا دمي اليـا فـار اعـذره
والحين ماهي سالفة جمع الاعـذار=يوم القلم من ماحصل سـال حبـره
ببقى على ذكرى غفت دون الاسوار=واترك بها طيفي بكبـره وصغـره
لـــ/ عبد العزيز العدواني
///////////////////////////////////////////////////////////////////////////
العرض العادي
