ੀ҉ ᆻ_♥♥|[¯‾♠۩_‗ـ–أحســـ ღـــــاسے عـــــღـــــاشق–ـ‗_♠۩‾¯]|ᆻ_♥♥ੀ҉ - الصفحة 10

عاشق الأحساس · 12-03-2009, 04:03 PM

ياليتني ميت ولا عيني تشوف
خلي يزفونه على شخص ثاني

طعنت غدر جتني كماطعنت سيوف
يوم الحبيب اختار غيري ونساني

من صدمتي كني مقيد ومكتوف
من صدمتي هرجي عجزبه لساني

وحارت على شفاتي سؤالات وحروف
ليه الخيانه ليه قتل الاماني

كنت احسبه خلي وفي حالي يروف
واثره حكم باأعدام حبي وحناني

كنت احسبه ماله بهالعالم وصوف
كنت احسبه وافي ولاهواناني

واثري انخدعت وراحت سنيني حسوف
وضاعت حياتي وانتهت في ثواني

وصار الحزن والهم والجرح والخوف
صارو رفاقي يوم خلي رماني

وماتنفع الحسره ولاصفق الكفوف
ياموت ريحني تراني اعاني

وياليتني محروم من نعمة الشوف
ولاأشوف الغير ياخذ مكاني

فيروز سألوني الناس ياحبيبي ....

عاشق الأحساس · 12-03-2009, 09:06 PM

اجرح بقلبي عذّب الروح وبدّع
لكن مكانك لا تمسّه دخيلك

جيتك في هذا الكون لجل اتمتّع
ربي خلقني لجل أشفي غليلك

ما دامك أول واخر الحب وجّع
آه يا حلاتي وانا اصرخ في ويلك

ما ودّي اقتل شيٍ بقلبي ينبع
لو يحترق قلبي عشانك مازيلك

عندي وفا عندك جفا ما تمنّع
راضي ولو ماجاني منَك جميلك

لا تقولّي ليش انت تحبني وتخضع
انا القمر يا شمسي انا انحني لك .

بقايا جروح خالد عبد الرحمن ..

عاشق الأحساس · 13-03-2009, 01:24 AM

حامد زيد- قرم وفقير

لا تذرفين الدمع في كف مغليك
وأنا كفوفي حالفة ما تخونك

وقت(ن) قضيته والليالي مشابيك
ما ألوم عيني لو تنادي عيونك

وأنا وربي حالف(ن) ما أخليك
والله مقدر ..اقضي العمر دونك

من كثر ما احبك..غديت احلم فيك
أسهر على همسك وأنام بجفونك

لو تطلب عيوني على يديك تاتيك
ياللي قصيدي نابع(ن) من سكونك

تفرق من وصوفك من الغنج والشيك
وكل البنات الغيد مايوصلونك

مسكين منهو في جماله يجاريك
وكذاب من قال النسا يشبهونك

صوتك, حنانك ..ضحكتك مع تعلّيك
جسمك..حلاك ولون شعرك ولونك

أرجوك لا تجزع عسى الرب يحميك
ببقى انا قربك ولو يحرمونك

أطلق عنان الحب في عين غاليك
وأزرع زهر صدقي وشتت ظنونك

تعبت اعزز موقفي في تجافيك
وقدرت انا ارسم صورتي في(ركونك)

انسى همومي لاذكر يوم طاريك
وأغار من غيري ولو يذكرونك

هذا قصيدي اكتبه فيك واشكيك
من نار بعدك ليتهم يتركونك

لا تذرفين الدمع في كف مغليك
وأنا كفوفي حالفة ما تخونك

عاشق الأحساس · 13-03-2009, 07:16 AM

عباس ابراهيم ...... ناديت .

نويت أبعد عيوني عن زماني
لقيت العين شافت شخص ثاني
ما بين الهم وأحساس المحبه
يجيني أحساس يسكن بالمحاني
أحاسيس(ن) تخلي القلب يطمي
أنا الهوجاس في لحظه خذاني
على ترف(ن) أشوفه وسط عيني
سلب عقلي وزود لي جناني
يجي طيفه يجيني في منامي
أنا طيفه على وصفه حداني
جديله طايح(ن) بأطراف متنه
جديله قال ما فارق مكاني
يفوح المسك مدري فاح خده
من خدوده يجيني المسك عاني
يجيني المسك في أيدي وأشمه
يصير الهم في دنياي فاني
يعاند جسمها خصره تمايل
كأن الريح دفت غصن باني

تمايل خصرها ينثر ثماره
ثمار الحب يكسيه الحناني
تبسم ثغرها زايد دلعها
وكحل العين بعيونه رماني
شعاع الشمس يعكس في نحرها
شعاع الشمس من نحره سباني
بنات الكون غارن من حلاها
حلاها منها السمرا تعاني
يزين الوصف في وصفه ويحلى
يزين الوصف وتزين الأغاني
حضوره غير وغيابه ذبحني
كأنه عام بغيابه ثواني
نظر عيني ليا ناظر عيونه
يزف أفراح ويزف التهاني
مع الجادل وقلبي دوم وافي
أنا لي أمنيه بين الأماني
أمانيي.. يصير الزين يمي
يصير الهم في دنياي فاني
قبل يومين شفته طار قلبي
يطير القلب يوم الشوق جاني
عروق القلب تبكي في غيابه
مدام الزين بغيابي بكاني
يجيني الزين لا مني دعيته
وآنا بجيه لا منه دعاني !

عاشق الأحساس · 13-03-2009, 09:43 AM

مانت فاهم عباس ابراهيم

أشعل ..( نجوم الليل) .. لعيونك إصرار ..
وإذا طَفَاها الصبح .. أضوي غرامك

جلست .. أسامر وحدتي حاير أنظار ..
والفاقد المفقود ما يوم لامك

رَفْضَت زوايا غرفتي كل الأعذار ..
واستوحشت في غيبتك من ظلامك

وآطلّ من شباك الأشواق .. محتار..
مخنوق أدورني وأنا بإنعدامك

شفت الشوارع مرّتك .. خلف الأسوار ..
تعبر لطيفك .. صورتك .. و إرتسامك

وآكفّ عيني .. وألمحك فوق الأقمار
وأشوف لآخر نجم واحكي هيامك

اللي كتبته فيك وأعجبك بأشعار
واللي نظمته مادح ٍ بي سهامك

والخافق اللي باح عن كلّ الاسرار
ما بيّح إلا للبدر عن .. (مقامك)

صحّتني اللحظة .. تباريح واقدار
وْعلى المدى بان الفجر من لثامك

مثلي رصيف الحيّ بذبول الانوار
ذبلت عيوني تندهك من منامك

كل الفراغ إنتي وأنا زحمة أفكار
من وين أناظر مَ/المح إلا زحامك

صدر الغياب إن ضاق مافلّ الازرار
مَ/اتنفس أنسام العطر في كلامك

من أول الليلة إلى بعد الاسحار
واللي مضى عمر ٍ وبعض إبتسامك

وأشعل نجوم الليل لعيونك إصرار
وإذا إنطفت .. (للعمر أضوي غرامك ) ..!!

عاشق الأحساس · 13-03-2009, 10:42 PM

الضيقة اللي تلعب الطـاروق وتغنـي معـاه
مرت علي البارحـة وانـا ضعفـت قبالهـا
قلت ارحبي ياضيقتي والصدر خابرتن خفـاه
شوفي دموعي فوق خدي زايـد (ن) همالهـا
اعيش في ليل الجفا والصـد ياملعـن ثـواه
والطيب في الدنيا امل (ضاعت بروق آمالها)

عندي على الدنيا عتب اللي زرع شاللي جناه
انا زرعت من الوفا وآخر حصـادي حثالهـا
عندي على الدنيا عتب اللي جفا منهـو جفـاه
ناس (ن) تحب ذل البشر شوف البشر تسعالها
عندي على الدنيا عتب اللي عطا شاللي خذاه
راحت مقولة (من نفع يبشر بعشـر امثالهـا)
عندي على الدنيا عتب اللي وفا شنهو جـزاه
انـا وفيـت الفاتنـه ثـم قطعـت بوصالهـا
الحب في قلب الشقي اللي على وجهه شقـاه
اللي على الضيقه بعـد يقـول انـا خيالهـا
والحين قد مرت سنه ولا نسى قلبـي هـواه
شفني على نار الجفا صابـر وانـا حمالهـا
الضيقة اللي تلعب الطـاروق وتغنـي معـاه
انا مسكت صفوفهـا وقمـت اجـر موالهـا

انت عمري...ام كلثوم

عاشق الأحساس · 13-03-2009, 10:50 PM

البارحة يـوم الدمـوع تعيـش وتنثرهـا العيـون
تبكي على شي ن حصـل تبكـي وترثـي حالهـا
نعيش فـي دنيـا الأمـل ونقـول هونهـا تهـون
ضاع الامل واللـي بقـى احطـام بيـت آمالهـا
هذي هي الدنيـا كـذا تاخـذ وتعطـي هالطعـون
شوف الطعون بوسـط صـدري تحتفـل بعيالهـا
غايب ولا ودي ارد وان جيـت ماحصلـت لـون
غير الهموم اللـي ترحـب جيـت انـا واشتالهـا
(غايب) (مسافر) (مختفي) (راجع) يكون اللي يكون
دام الزمـن قيّّّّّّـد يــدي وزاد (قــوّّّّّّّّّّّّّّ) غلالـهـا
شوف ابتساماتي حزن حتى الحزن صايـر يمـون

شوف ابتساماتي غـدت والحـزن صايـر خالهـا
ياويل حالي كـل مافكـرت فـي غـض الجفـون
بنـت ن تنومـس بالهـوى وأقوالـهـا أفعالـهـا
قفت مثل غيم الرعد يـوم انتهـى وقـت المـزون
وانــا تـرابـي ناشـفـه والغـيـم مايبرالـهـا
راحت ولا ودها تجـي ولا وفـت كـل الديـون
راحت على درب الجفا تبكـي علـى مـا حالهـا
هذي سنه شفت السنـه هـزت صناديـد المتـون
للحين جسمـي مابـرا وانـا عجـزت اوصالهـا
البارحة يوم الدمـوع (تعيـش) وتنثرهـا العيـون
تبكي على شي ن حصـل تبكـي وترثـي حالهـا

راشد الماجد - صاحي لهم

عاشق الأحساس · 13-03-2009, 11:00 PM

عجيب الوقت يومنـه يـورث بالصـدور قبـور
تعيـش احـلام نرجيهـا تمـوت احـلام نبكيهـا
مشينا والهموم اللـي تهوجـس بالحشـا وتثـور
شربت بكاسهـا هـم (ن) خذيتـه مـن مقهويهـا
تعبت ارسم انا البسمه وانا وسط الزمـن مقهـور
تعبت اضحـك مـع العالـم وطعناتـي اخفيهـا
تعبت شلون لاتسأل ولا تكشـف عـن المستـور
دفنـت الجـرح والدنيـا تعذبـنـي طواريـهـا
وخلـق الله اذا تسـأل وشنهـو بالـورق منثـور
جروح احمد ولد خالـد علـى الاوراق يحكيهـا
نقشت الحرف من دمعي ومن جرحي بنيت سطور

رسمت احلامي بيدينـي وغيـري هـو يمحيهـا
ادورلي على مرسى وانا سابـح ثـلاث بحـور
ولكن للاسف ضاقـت علـى ارضـي مراسيهـا
ألا ياويل حال اللي جهـل كيـف الليـال تـدور
سمع طاري جهل معنـى وذاق الحيـن صاليهـا
بكا قلب(ن) من الفرقا من الغربه بـدون شعـور
سكب همـه علـى فرحـه وصفحاتـه يطويهـا
بكيت وادمعت عينـي الا منـي ذكـرت الـدور
ذكـرت اللـي بنـى داره علـى عـزه مربيهـا
ابو ناصر حفيد المجد ابو ناصـر شعـاع النـور
ابو ناصـر زبـون المجـد اذا كبـرت هقاويهـا
وانا عايش وسط غربه بها خيـره بهـا محظـور
نويت ارجع وانا ماسـك شهـاده حيـل باغيهـا
وخالد كلمته دايم وسـط اذنـي تعيـش عصـور
يقول احمد ابـا البيـرق واقـول ابشـر والبيهـا
اقول ابشر يبو احمـد ولـو ان الزمـان يـدور
اذا ماجبتلـك بيـرق تـرى مـانـي براعيـهـا
كتبت احلى بيوت الشعر ولاني طالب(ن) جمهور
مـدام انهـا بسـم احمـد اكيـد انـه يحليـهـا
وصلى الله على محمد عـدد ماغـرد العصفـور
وسبحان الـذي مشـا نجـوم(ن) فـي حواريهـا

راشد الماجد-عشان الحب

عاشق الأحساس · 13-03-2009, 11:07 PM

لى هبت براد الليل مع ذكرى عتب وأعجاب
على صرخة رضيعٍٍٍٍٍٍٍٍٍٍٍٍٍٍ(ن)ٍٍٍٍ مايعرف الكون وشلونه
وشاعر سطر أحزانه وبين علته بكتاب
يجر البيت فوق البيت وثم(ن) ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ ضاق بلحونه
وناس(ن) ٍٍٍٍٍٍٍٍٍٍٍٍٍٍٍٍٍٍٍٍ تستمع للشعر تحسب أنه بدون أسباب
تحسب أن الخيال أكبر من الواقع ومن كونه
حشا لله كل بيت(ن) ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ ٍٍٍٍٍٍٍٍٍٍٍٍٍٍٍٍٍٍٍ كتبته والقلم كتاب
يعبر عن معاناتي وصدر(ن) ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ باح مكنونه
أنا بسأل إذا هلت عيوني دمعة(ن) ٍٍٍٍٍٍٍٍٍٍٍٍٍٍٍٍٍٍٍٍٍٍ بعتاب؟
عسا في محجره دمع ن يهل اليوم بعيونه
نعم هذي يابوفالح نهاية خافق(ن) ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ قد ذاب
توصوا فيه أحبابه وثم(ن) ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ مات بطعونه
إلا ياضيقة المحتاج إلا منه ضرب هالباب
وألا ياضيقة المسجون إلا من ضاق بسجونه
ألا ياضيقة الرجال إذا نادوه بالكذاب

وألا ياضيقة العاشق إلا من غاب مضنونه
نعم راح الذي بالقلب سطر ملحمت احباب
حلفت أني على عهده وإذا قد غاب ماخونه
عشقته عشقي لداري وحبه كالمطر صباب
إلا من غاب أقول شلون أعيش اليوم من دونه
عشقني والله الواحد عشقته والله الغلاب
وأنا خضعت له قلبي وصرت الحب مجنونه
وراح اليوم في دربه عسا باقي الطريق أعشاب
عساه يعيش في فرحه عسا فال السعد عونه
وإلا منه نوى وصل(ن) ٍٍٍٍٍٍٍٍٍٍٍٍٍٍٍٍٍٍ بيلقى مني الترحاب
لأن الحب في قلبي بناله قصر بجفونه
"عسا أن تكرهوا شيئ ن هو خير(ن) ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ أولي الألباب "
عسا اللي راح يذكرني وأنا عالعهد ماخونه

انغام ... تغني لــ محمد عبده مالي ومال الناس ......

عاشق الأحساس · 13-03-2009, 11:18 PM

اغنية الحزن الاكيد _ خالد عبدالرحمن

لى هبت براد الليل مع ذكرى عتب وأعجاب
على صرخة رضيعٍٍٍٍٍٍٍٍٍٍٍٍٍٍ(ن)ٍٍٍٍ مايعرف الكون وشلونه
وشاعر سطر أحزانه وبين علته بكتاب
يجر البيت فوق البيت وثم(ن) ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ ضاق بلحونه
وناس(ن) ٍٍٍٍٍٍٍٍٍٍٍٍٍٍٍٍٍٍٍٍ تستمع للشعر تحسب أنه بدون أسباب
تحسب أن الخيال أكبر من الواقع ومن كونه
حشا لله كل بيت(ن) ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ ٍٍٍٍٍٍٍٍٍٍٍٍٍٍٍٍٍٍٍ كتبته والقلم كتاب
يعبر عن معاناتي وصدر(ن) ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ باح مكنونه
أنا بسأل إذا هلت عيوني دمعة(ن) ٍٍٍٍٍٍٍٍٍٍٍٍٍٍٍٍٍٍٍٍٍٍ بعتاب؟
عسا في محجره دمع ن يهل اليوم بعيونه
نعم هذي يابوفالح نهاية خافق(ن) ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ قد ذاب
توصوا فيه أحبابه وثم(ن) ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ مات بطعونه
إلا ياضيقة المحتاج إلا منه ضرب هالباب
وألا ياضيقة المسجون إلا من ضاق بسجونه
ألا ياضيقة الرجال إذا نادوه بالكذاب
وألا ياضيقة العاشق إلا من غاب مضنونه
نعم راح الذي بالقلب سطر ملحمت احباب
حلفت أني على عهده وإذا قد غاب ماخونه
عشقته عشقي لداري وحبه كالمطر صباب
إلا من غاب أقول شلون أعيش اليوم من دونه
عشقني والله الواحد عشقته والله الغلاب
وأنا خضعت له قلبي وصرت الحب مجنونه
وراح اليوم في دربه عسا باقي الطريق أعشاب
عساه يعيش في فرحه عسا فال السعد عونه
وإلا منه نوى وصل(ن) ٍٍٍٍٍٍٍٍٍٍٍٍٍٍٍٍٍٍ بيلقى مني الترحاب
لأن الحب في قلبي بناله قصر بجفونه
"عسا أن تكرهوا شيئ ن هو خير(ن) ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ أولي الألباب "
عسا اللي راح يذكرني وأنا عالعهد ماخونه