السلااااام
بلا مقدمات
نبضي لكم ولها /
حفظت حتى كبريائك بذلي = وارخصت دمع(ن) سال من حر فرقاك
.
.
.
ايه الخيال اللي عزمنـي وجيتـه = حتى سكن في داخلـي واحتوانـي
مابين ليت وليـت وان راح ليتـه = يرجع وترجع ذكريـات الأمانـي
صدت مواعيـد الغـرام ولقيتـه = على حصير القلب دون المحانـي
هذا الخيال اللي على بـاب بيتـه = صورة سراب ومن نظر فيه عاني
اصدقه وان بـاع فينـي شريتـه = كذبة خيـال ولا صراحـة أنانـي
.
.
.
وسط امتثال افكـار ومعانـد افكـار = صحيت من سكره وعانقت سكـره
الين عقلي من عنا سكرتـي طـار = ونفخت من بين المعاليـق جمـره
جمره تشب اسرار وتطفي اسـرار = والعمر لحظه واصدق الحب عثـره
الليل للعاشق عزف باعذب اوتـار = والليل للعاشـق عذابـه وسحـره
قلبي غدا به واهج(ن) يشتعل نـار = والبعد ضيع كـل حلمـه وصبـره
أثر المـوده تسكـن ديـار وديـار = ومن ماعذر عسى المـوده تحقـره
عسى عذولي بالهوى يشرب امرار = ويصير بين الناس للنـاس عبـره
ياليتني خالفت وانكـرت الاشـوار = اللي تحد القلب عن شـوق عطـره
فارقتها وانهت معـي كـل مشـوار = والبيت ماهو بيت من دون شطـره
كانت معي أقرب من الجـار للجـار = واليوم حتى نشدتي حيـل عسـره
راحت وانا من غادرت عالمي فـار = دمي وانا دمي اليـا فـار اعـذره
والحين ماهي سالفة جمع الاعـذار = يوم القلم من ماحصل سـال حبـره
ببقى على ذكرى غفت دون الاسوار = واترك بها طيفي بكبـره وصغـره
.
.
.
لا نبتعد مع زحمة الناس تكفيـن = دامك عزيزه لا يطـول التجافـي
ادري كثير الناس وادري بتلقيـن = لاكن قليل اللي مع الوقت صافـي
.
.
.
فجأه بلا موعد وانا مليت مـن طـول انتضـار = تنبهت كل المشاعـر وانهضـت والعلـم خيـر
قام استعد القلب كنـه عسكـري زامـه نهـار = يوميـن مانـام وعلـى بوابـة المبنـى خفيـر
واصطف ضلعين وبقى باقي ضلوعـي باحتيـار = هالعلم واقع أو خيال او حلم في نومـة عصيـر
شهقت شهقة من شهق من بعد ما شاف الديـار = يوم ابتعد عنها وضيـق الوقـت حـده للهجيـر
والجمت فكري والعيـون النـوم خلاهـا وطـار = ماعـاد للنـوم ثمـره والليـل للعاشـق سفيـر
لقيت من طافت بوصف وصوفهـا كـل اعتبـار = وماكنـت متوقـع كـذا إنـي ابلقاهـا واصيـر
معها وفـي قالـب جميـل وللمحبـه باختصـار = روحين تسكن في جسد عطره شذى الورد وعبير
قامت تسولف لـي وانـا آخـذ واقـدم إعتـذار = عن كل غلطات(ن) بها ضيعت واخلفت المسيـر
قالت مسامح وانت كان اخطيت في حقـك وفـار = دمك وانا اذكر دمك اليـا فـار تقلبهـا سعيـر
هديت وضعي واسترحت شوي واسرجت المهار = إمهار فكر(ن) منطلق كنـه علـى حـد الغديـر
سولفت واكثرت السوالف والقصص عندي كثار = لامن طرت لي سالفه طلعت فـي مطلـع مثيـر
قلبي يسولف مع عروقي مـع شرايينـي واثـار = فكري سوالف خافقي يومـه يسابقنـي واطيـر
فوق الثريا وادري اني واصل(ن) لابعـد مـدار = واطالع نجـوم السمـا واقـول يانجـم استديـر
وقف وعطني لـي تحيـه كـان مثلـك مايغـار = شفنـي تعليـت الثريـا مامعـي فيهـا خشيـر
ويوم انتهت كل السوالف وانجلـى كـل الغبـار = وقفت في قمة سرور اقول قولـي وش مصيـر
اللي تعنى في حياتـه واحتـرق عمـره وصـار = ما بين بين وبين بين وبين بيـن وبيـن بيـر
يافاتنـه ياملهمـه يامحـرقـه قلـبـي بـنـار = ياساحره يامالكه خصر(ن) نحيـل(ن) مستجيـر
قولي وانا لك أستمع واجلس وانـا كلـي وقـار = واعذب كلام بشفتـك واللـي تقولينـه غزيـر
قالت ترى عبدالعزيـز اسمـك رفعتـه بافتخـار = وقصايدك حفظتها واسمـك وشعـرك كالحريـر
حتى بعد كانـك تذكـر لـك قصيـده يـوم دار = بيني وبينك من حديث(ن) وانت سبك لي خطيـر
قصدت تهجيني وانا قدرت وضعـك يـوم ثـار = فيك اكبر انواع الغضب واعجبت فيها يا غريـر
خزنتها فـي داخـل الجـوال واعجبنـي إطـار = الصوره اللي صغتها بالسـب ودعـاك الضريـر
وادري بأنك لو تثور اليـوم وعيونـك شـرار = تنسى وترجع تعتذر علمك ترى ماهـو عسيـر
مافيه من يفهم شعورك غير انا والعـرف كـار = وان كنت بعيونك أميـره أنـت بعيونـي أميـر
ضحكت وانهيت الحديث اللي على القلب ازدهار = ووعدتها مايوم تزعل وازعـل القلـب الكبيـر
فيض من غيض / عبدالعزيز عبيد العدواني
العرض الشجري
