دمعة طفل
موضوعك جدا حساس ومهم...لكنه موجود وضروري
الكرامه او القلب..يعني تبيع حبك ومشاعرك واحاسيسك الصادقه عشان كرامتك!!
كلاهما اخطر من الثاني
كلاهما القلب والكرامه في منتهى الرقه والشفافيه والحساسيه
اذا انت اخترت قلبك وضحيت بكرامتك وخاصة في المسائل العاطفيه رح ترتاح نفسيا وضميريا انك سويت اللي عليك
وما خليت فرصه للطرف الاخر سواء اخ او صديق او حبيب انه ينجرح او يخيب ظنه فيك...
وكرامتك مارح تضيع خاصه اذا انت واثق من نفسك وانك ما اهملتها الا من غلا واهمية الطرف الاخر...ولثقتك باهميتك وغلاك عند الطرف الثاني كمان
وانا مؤمنه جدا انوا اذا فيه شخصين بينهم معزه وثقه ومختارين وواثقين من بعض..
المفروض ما يكون بينهم الكرامه اللي تخليهم يجفون وما يسالون عن بعض او ما يعتذرون لبعض الا اذا
كانت علاقتهم من اساس سطحيه او مو واثقين من بعض
انا من رايي ان الكرامه المفروض تكون موجوده وبقوه في مسائل اخرى
غير المسائل العاطفيه
صدقوني من غير مانجرب الحب او الصداقه او الاخوه
مجرد اننا نفهمها يخلينا نقتنع ان الكرامه تاتي بعد القلب
بشرط ان الطرف الاخر ايضا يكون ضحى بكرامته عشاني بيوم من الايام
يعني تضحيه من الطرفين
اوكي اذا هو غالي ويستاهل رح ابتدي بالتضحيه
لكن مع الايام والمواقف اذا هو ماقدر تضحيتي او ما بادلني نفس التضحيه
ساعتها خلاص تكون الكرامه فوق كل شي
لكن الغلط انوا من البدايه اقول كرامتي!!
اسمحولي ...معناه انا ما عندي حتى ذرة احساس او مشاعر صادقه ومخلصه للشخص اللي
رح استخدم معاه من البدايه سلاح الكرامه
انا اعرف بنات جمال وثقل واتزان وغرور وغنى واصل وفصل بس يعزون ويحبون
تلاقي كل هالصفات انهارت قدام الحب والصداقه البريئه
لكن من السذاجه والغباء لما نستمر في التضحيه بكرامتنا بصوره مستمره
لشخص ماحس فينا ولا قدرنا ولايستاهل!!
ومع ذلك انا ما الوم اللي يقولون الكرامه قبل القلب!!
ياانهم ماحصلو الانسان اللي يستاهل....
او انهم جربوا مع اشخاص خيبوا ظنهم
لكن هذا مايمنع ان القلب اللي يحب دائما معطاء ودائما متنازل ودائما مضحي
والا مستحيل يكون يحب او قريب مننا
واعذروني على الاطاله
العرض العادي
