بسم الله الرحمن الرحيم
السلام عليكم ورحمة الله وبركاته
احبتي الكرام
بعد انقطاع عن منتدى القمة والروعة ( منتدى الود ) اعود لكم واتشرف بمشاركتكم من جديد
اعود لكم اليوم بقصيدة لي , وهي رد على قصيدة إحدى الاخوات الكريمات
وقد شاركت بها في موقعنا ورددت على قصيدتها هناك
وهنا انقل لكم قصيدتها وردي عليها لاتشرف بمشاركتكم
املي ان تنال إستحسانكم
ولكم تحياتي وتقديري
..............................
ماتنزل الدمعه على( ظل ) رجال = ولا شانت الدنيا ليا صرت ..دووونك
اما تجي مع بابنا .. حقق !! آمال = ولا تغيب ويا كثر من .. يبوووونك !!
ما تنتظر بنت الوفا نسل ..الانذال= ولاتعتقد طهري يجاري .. مجووونك
ماااني بلعبه تنتظر ضمة اطفال =ولاني بصوره تلتقطها / عيونك !!
ولاني بشينه تنتظر ( رحمة ) } رجال= آنا ورثت من الحلااا (( مايصوووونك ))
لكن بي العفه تحذرني .. اهمال = مخافة الله لاجل ارضي } ظنونك
لو اني مكانك ( رغم طيبي ) ..ابختال = ما فيه منهي كامله وسط كونك
لكني خيال اقرب من مثال =يكفيك حتى ان خنتني " ما اخوونك "..!
لأن الخيانه تجري بعروووق رجال = مسموووح تخطي والاهل !! يعذروونك
لكن .. تخونك بنت من صلب} " رجال =هذا كفر ..! مايغفره ! .. شرك كونك
آآآآخر كلامي ماني بحاجة انذاااال=اما مع البااااب او اقصر .. ظنونك
يـامـحـصـي الافــعــال ذرة ومـثــقــال=يــاواحــد ٍ كــــل الــمــلا يـرتـجـونـك
يــا مِـنــزل الافـــلاك كـــل ٍ بـمـنـزال=تـجــري وكـــل الـعـرب يعـبـدونـك
بكـتـب مــن الامـثـال قــول ٍ ويـنـقـال=وارســل مراسـيـل الـوفـا ياصـلـونـك
واقري معانـي القـاف فعـل ٍ وينـشـال=فـعـل الـرجـال الـلـي تـمـلّـي عـيـونـك
يابنـت عـدي مـن تواصيـف وخصـال=عـــدي رجـــال ٍ بالـفـِـعـل يشـتـرونـك
وإن مالقيـتـي راكــز الـقــول بـفـعـال=بـيـعـي رخـيــص وكـلـهـم يـعـذرونـك
ربي خلقـنـا فـــي تـواصـيـف واشـكــال=نـاس ٍ رقـت بالفعـل والبعـض دونــك
هــذي حـيـاة وكــل الايــام فــي حــال=وقـــت ٍ يـغـيّـر ظـنـتـي فـيــه لـونــك
ظنـي قليلـة عِــرف والـحـظ قــد مــال=خـانـك ردي الطـبـع واقـفـى بـدونــك
هلـت دموعـك شالهـا الخـد قــد ســال=دمـعـك عـلـى مــن بالمحـبـه يخـونـك
ذوقي الهموم وساهري الليل وإن طال=عضـي علـى ريـش الوسـادة سنونـك
خـيـل ٍ تـحـرت لـلأســف زول خـيّــال=خلـتـي مــزونه واخـلـف الله ظنـونـك
ظـنــك لقـيـتـي للهوى فـيــه مـدخــال=درب ٍ مشيـتـي الــدرب لـلـي يجـونـك
خـان وزعلتـي صرتـي للحمـل حـمّـال=شـقـي الثـيـاب وثــم جــري قـرونــك
منـتـي كـمـا النجـمـه ولاظــن تنـطـال=بـنـت ٍ كـمـا الـلـي فالحـيـا يشبهـونـك
وإلكـي تــرى لاقـلـت اشـبـاه وامـثـال=حــذراك يـاكــاس الـوفــا يشـربـونـك
قلتـه وخايـف عــاث فالطـيـب جـهـال=حــذراك يـاراعــي الـوفــا ينـكـرونـك
خـَـلـك قريـب العـم وإقـرب مـن الـخـال=ربعـك علـى طــول العـَــهـَـد يكرمـونـك
حطـي علـى بـاب الجَهَـل جملـة اقفـال=وإقفـي عـن اللـي بالخـزى يحترونـك
مــن فــك لــه عـقـده يعـقّـدك بحـبـال=حـذراك مــن قــول ٍ وبــه يسحبـونـك
حــذراك من هرجه على فــم عـــذال=حـِـسـادك الـلــي بالـحـكـي يقـهـرونـك
زفــوا عـلـوم وزفــوا الـعـِـلـم بـطـبـال=زادوا عــلــوم و ودهــــم يـذبـحـونـك
مـاعـاد ظـنـي يقـربـِــك طـيـب رجـــال=قـــول ٍ يـجـيــه وهـمـهــم يـدفـنـونـك
حــذراك يابـنـت العـقـل دايــم عـقــال=غطـي علـى شيـن النـواظـر جفـونـك
مثلي ترى مر الحياة مر جمـّـال = من قبل اهلك ِ بالصغر يفطمونك
إلكل حبه عندنا وزن مكيال=وانتي فدربك بالنظر يوزنونك
اربع سنين وعشتها سهل وجبال=عشت الهوى بجنان وشهو جنونك
للحب شهد وصرت للحب نحـّـال=يا شهدنا فالحب كم يشتهونك
يابنت وانتي فالعرب تالي اجيال=بنت المدارس غيرك يدرسونك
حذراك في لعب الهوى ظمة اطفال= اخير من الظمه تراها سكونك
هـَـدِي تـرى للوقـت خـمـات واهــوال=عيشـي فـي بيـت العـز للـي يصـونـك
هــذا كــلامي سـاقـه الـيــوم مـرســال=سـاقـه حـكـي يالعين به يرسمونك
العرض الشجري
