•~• آخـر مـن يـعـلم •~• الحلقة الثالثة •~•

[ρùℓşέ]

بسم الله نبدا

هذه ياطويلة العمر هديه جاتني وانا صغيره <<<برا

الهديه هذه سالفتها سالفه

يوم ولدت امي وجابت بنوته جات تزورنا زوجة زميل ابوي طبعا كانت اول زياره لهم ببيتنا

الحرمه وزوجها من قطر يعني يعتبرون اجانب

المهم طبعا الحرمه جايه وجايبه معها هديه لآختي دخلت عند امي المجلس وتركت الهديه

على جنب وانا من القهر كيف تجيب هديه لا اختي وانا لا وش سويت ساعتها

اخذت الهديه وسكرت باب المجلس ودخلت بنص المجلس وافتح الهديه قدام الحرمه

هو من باب الذوق مانفتحها الا اذا طلعو الضيوف وانا حدث ولا حرج

امي تقولي روحي نادي الشغاله وانا ساحبه على امي مبسوطه بالهدايا الي يشوفها يقول

انها لي الحين وكان من ضمن الهدايا عربيه واركب فوقها طبعا لا اخفيكم نظرات امي

تطالع فيني بنص عين انا صغيره مدري وش تقصد اللهم عارفه انها نظرة زعل

واتكي وبعد ما انتهيت من اللعب وفشلت امي اترك كل شي بوسط المجلس واطلع واسكر الباب وراي

وشوفو موقف امي فديتها انواع الفشله والأحراج<<<<ههههههههههههههههه

يوم تحكيني امي تقول من كثر ماتفشلت جلسنا تقريبا نص ساعه انا والحرمه ساكتين

يستاهلون ليه مايجيبون لي هديه انا بعد

بعدين السالفه هذه لها تقريبا اكثر من 8 سنوات من هذا الحليف الي يتذكرها

خخخخخخخخخخخخخخخخخخخخ

هين مصيري اعرف وربي

[ρùℓşέ]

يالبي الدباب بس وه فديته

والله سالفه الدباب والسيكل سالفه بصراحه

طبعا عند ابوي فديته دايم يحذر فيني وانا صغيره يقولي بابا لا اشوفك تلعبين مع الأولاد

خليك دايم مع البنات ويكره شي اسمه بنت تلعب مع ولد<<<الله يهديك ابوي ماتهنيت

وانا بصف خامس ابتدائي تقريبا كنا ساكنين بمجمع اسكان وطبعا عباره عن نظام فلل تبع الحكومه

كنت اشوف ولد الجيران دايم يلعب بالدباب حقه ودي اركب معه وشايله هم ابوي ودي اجرب الدباب

يوم من الأيام جونا بيت عمي وكانت بنت عمي بسني وجلست احكيها اقولها وش رايك نطلع مع

خالد نخليه يأخذ فينا فره بالمجمع طبعا هي ماصدقت على الله انا ساعتها تشجعت ورميت كلام ابوي

ورى ظهري خلاص معي احد مطمنه

قلت لها يالله بروح اسلم على عمي ونشوف بيطلعون من البيت اولا لا

دخلت على عمي بالمجلس وسلمت وتأكدت انهم لسى منتظرين القهوه يعني مطولين

واخذ بنت عمي ونروح خلف البيت ونقابل ولد الجيران

اقولها يالله قولي له نبي نركب معك نبي تأخذ فينا فره بالمجمع قالت لا انتي قولي له استحي

رجعت اناديه قلت نبي نركب معك ممكن تركبنا بالدباب كان وقتها هو بصف سادس ابتدائي

قال طيب وامسك بنت عمي واقوله يالله انتي اول<<<ههههههههههههههههههههههه

تدرون وش المقصد اخليها هي بألاول عشان انا راح اكون الأخيره وبخليه يفرفر بي كم مره<<نذله

المهم خلص دورها لفه وحده وجات انا ساعتها من قدي جاء دوري

اقولها اسمعي ترى انا بأخذ كم فره بالمجمع لا تقلقين بطول تعرفين فرصه ماراح تتكرر

واركب انا وراه بالمقعد الخلفي

والله العظيم يدوبك حرك خطوه الا ابوي مار بالسياره هو عمي طبعا مر بسرعه تطمنت قلت ما انتبه

الا شوي ثواني بس الا ابوي راجع للخلف عاد انا ساعتها صعقت صدمه ابوي دايم محذرني

وفي الأخير اركب مع ولد الجيران لا وماسكه ظهره عشان ما اطيح<<<ههههههههههههههه

وانزل جري على البيت انا وبنت عمي واطلع غرفتي وتحت السرير من الخوف ولا نفس

واسمع صوت ابوي وين راحت انا احذر وانبه وبالاخير مع ولد الجيران راكبه

ويطلع ابوي بغرفتي وهاتك ضربوربي ضرب جامد نمت بعدها

بعدها قمت واقول لبنت عمي ياحضك ركبتي معه<<<ماتابت

والى يومنا هذا ابوي يذكرني اذا شاف دباب يقول تذكرين هذا الدباب خخخخخخخخخخخخخخ

وسلامتكم

[ρùℓşέ]

هههههههههههههههههههه

وربي فضايح مالها داعي ياويلك مني يالحليف

مردوده ان شاء الله<<<تهدد

[طايرتن بالعجه]

ههههههههههههههههههههههههه

لفته موقادره ياويل حالي انا

استغفر الله من الويل لفته طلعتي موب هينه
ولا وتركبين الثانيه اكثر دورات هههههههههههههههههههههههه

ربك عاقبك والا الهديه لا اله الا الله عليك ليش ماجابوا
لك هديه هاه الله يرجك قسمن اني فاطسه

ننتظر فضايح اخرى

[ρùℓşέ]

ههههههههههههههههههههههه

طايره اقرب جدار لاهنتي

وربي مقهوره ما اخذت ولا فره انا استاهل لوركبت اول وحده افضل

بس وش اسوي طماعه

خخخخخخخخخخخخخخخخخخخخخخخ

[طايرتن بالعجه]

خلص ولايهم بس بشرط بدباب
ومع ولد جيرانكم خخخخخخخخخخخخخخخ

<<ترا ابد ماتتشمت

بانتظار جذووو

[ρùℓşέ]

ههههههههههههههههههههه

ياختي وش اسوي ودي اجرب الدباب<<تقول الله يسامحك يا ابوي

طايره لا تتشمتين لا تكوني انتي بعد حليفه

[رمـــز]

,


اشوف قلبتوا الموضوع سوالف


,


يعطيكم العافيه على الطله الحلوه


,



بنت السحاب


وجودك الروعه


يسلموو على التقييم

(:

[ρùℓşέ]

يجمعهم الشعر والخواطر ..

وتفرقهم الفخفينا والقهوه ..!!

ولكل وحده فيهم مع جدتها حكايه ..!

علاقتي بالشعر والخواطرعلاقة إعجاب وتعبير عن المشاعر
ونثر الخواطر وهواية
كان اول دخول لي بالمنتدى منصب على قسم همس القوافي فقط لا غير
وجاريت احد الشعراء بالمنتدى ببيتين من القيصد الشاعر كان(غرام الشوق)

مطلع من قصيدته يقول فيها

يـاروعـة الـضـمـه ؟ عـلـى صـدر مـِشـتــاق
ــــــــــــــــــــــــــ مــع واحـــداً ؟ دايــــم تـمـنـى ؟ تــضـمـه
لاتـرجـمـت صـدره ؟ تـعـابـيـر الاشـــــواق
ــــــــــــــــــــــــــ ومــن الـغـلا ؟ تــشِـــده عـلـيـك ! وتـلـمـه
كـنـك تحـس إنـه ؟ بـعـد ضـمـه إفـــــــراق
ــــــــــــــــــــــــــ تـِشـد فـي ضـمـه ؟ وهـــو ؟ ازداد هـــمـه

وبالنسبه للخواطر فتحت لي مدونه بمملكه خاص تقريبا اغلبها ماينثره قلمي
وعلى فكره انا لي تقريبا اربع مدونات
بالود ومنتديات غيرها والحمد لله مستمره

اما من ناحية من الشاعر الي اتابعه او المفضل عندي
كل من يكتب بقلم مبدع ومشاعر مرهفة بصرف النظر عن الجنسية أو جنس الكاتب
سواء من القدامى أو الجدد
فالكلمات والمشاعر والأحاسيس هي التي تجذبني وليس الاسم فقط
ولا يمنع إني معجبة بشعر الأمير خالد الفيصل والأمير بدر بن عبدالمحسن والشاعر الكبير حامد الزيد
والشاعر سعد علوش والشاعر البردوني ومن القدماء أبو الطيب المتنبي والشنفري وأبو العلاء المعري وامرئ القيس والخنساء وكثيرين

ياليل الاحراج وفنجان القهوه اقص أيدي اذا ماكنت مجرد أنثى الطعسه

الموقف حصل وهي موجوده هي وأمها
ياستي موقفي مع فنجان القهوه موقف لا احسد عليه
يوم عزا زوج عمتي الله يرحمه ويرحم جميع موتى المسلمين
جات مجرد انثى وامها العزا يقال ان مجرد تبي تعزي وهي ماعندها سالفه<<<بتنجلد
انا قدام مجرد مسويه فيها اصب القهوه للحريم تعرفون عزا زوج عمتي وحق وواجب علينا
تبون الصدق قدام مجرد بس<<<خخخخخخخخخخخخخخخ
وامسك الصف الي فيه مجرد وامها وكم حرمه معهم واصب لهم اول فنجان قهوه
وارجع اتكي جنب مجرد
تعرفون خويتي لا زم اجلس جنبها<<<تكفين جالسين بفرح

بعض الحريم كانوا يحطون العجم بنفس الفنجان المفروض اعطيهم منديل او صحن صغير على الطاوله

انا من دلاختي وش سويت اخذ الفنجان من الحرمه وادخل ايدي جو الفنجان واخرج العجم ورارجع

اصب للحرمه بنفس الفنجان الي دخلت ايدي فيه المشكله انه قدامها اطلع العجم واحط الفنجان على الطاوله طبعاوارجع اتكي جنب مجرد والأخت شغاله كل شوي ماده
بالفنجان تقولون بفرح اصب لها كل شوي العالم اذا مره فنجال قهوه ويروحون لا مجرد وربي بلطت يمكن ست فناجين قهوه<<<بتنجلد
وارجع اقوم مره ثانيه اطالع بالحريم الا لسى فناجيلهم مليانه قلت يمكن وحده من عماتي قامت تصب وانا ما انتبهت لهم
طلع نفس فناجيلهم الي انا صبيتها تقرفو<<<على نياتي
طبعا طلعت مجرد وودعتها هي وامها وارجع نفس المجلس<<<قوة عين
اتفقد الفناجيل الفاضيه ابي اصب<<<هههههههههههه
وتجي وحده من عماتي وربي اشوفها من اول تطالع بنص عين بس ماجاء ببالي انها

تقصد حركة العجم كيف ادخل ايدي واطلع العجم وارجع اصب بنفس الفنجان يعني المفروض اغير الفنجان كله
قالت ممكن تروحين عند البنات الغرفه
قلت لها افا لا والله بجلس اصب قهوه واجب
قالت والله ماتجلسين ثانيه وطلعت وبعد ما انتهى العزا ويمسكوني عماتي كم كلمه حلوه
وفهموني انه اذا حرمه حطت العجم بالفنجان على طول غيريها مو تدخلين ايدك وتصبين الله يقرفك

وربي فشله واحراج موقف احسد عليه يقال اني اساعد عماتي<<<هههههههههههه

-----

اما جدتي سالفتها سالفه<<<تسحب رمز على جنب وتقول ماتلاحظون كلها فضايح

خخخخخخخخخخخخخخ

ياستي انا اكره شي عندي اذا سافرنا عند اخوالي اكره نفسي
تدرون ليش

جدتي الله يطول بعمرها تطبخ بدون ملح تخيلو الأكل بدون ملح الله يكرم النعمه بس
تعرفون عشان الضغط وخوالي متعودين ماتفرق معهم بس انا ماقدرت اتحمل

عاد انا مقهوره مره حاولت احط ليمون احط شوية ملح بمكاني بس مافي فايده
ماراق لي الطعم وبعد عناء من التفكير توصلت لحل انصح الكل فيه
جدتي ربي يطول بعمرها دايم تطبخ قبل ماتصلي الظهر وقلت انا فرصه يابنت
شدي حيلك وشمري عن ساعديك وامسكي الملح جلست انتظر تكبر في الصلاه
وارجع المطبخ وافتح الدولاب واصب ملعقه ملح<<<مجرمه
ويجي وقت الغدا اول مره اكل عدل اخير ذقت الملح واطالع بجدتي معصبه تقول وش ها الملح
وخوالي مستغربين يمه ماينفع لك الاكل عندك الضغط وليه الملح كذا
انا ساكته منسجمه اكل
قالت جدتي من حط ملح واقوم انا ارد اقولها ياجده يمكن نسيتي ولا شي والا الشغاله<<<هههههههه
تذكري المهم شككتها بنفسها وجلست على هذا الحال تقريبا ثلاث ايام وانا ادخل المطبخ اذا كبرت للصلاه
واصب ملح على الأكل

اليوم الرابع شكت جدتي ودخلت تصلي سوت نفسها تكبر<<<والله مو سهلين العجايز
انا عاد وقتها مطمنه خلاص شفتها تصلي كبرت يدوبك افتح علبة الملح وغطى القدرالا جدتي داخله
تدرون وش سوت سلمت علي وقالت فديتك ربي يسعدك الله عليك ياجده تحبين بنت بنتك

خخخخخخخخخخخخخخخخخخخخخخخخخخخخخخخخخ

وربي بس شفتها داخله تجمدت عظامي من الخوف وهاتك بأذني برى المطبخ
تقول بتذبحينا انتي وتنادي خوالي واخذت كم كلمه محترمه وكرهة الملح وخوالي <<<ههههههههههههه

ومن يومها تطبخ وتسكر المطبخ حتى تخلص الأكل

وسلامتكم

الحين بالله مرتاحين من الفضايح <<<هههههههههههههههههههههه

وربي فشله المصايب طلعت

[رمـــز]

,

اقتباس خخخخخخخخخخخخخخخخخخ حلمي اسوق بصراحة كل يوم اتهاوش مع السواق بسبب التاخير لو نسوق كان حنا بخير اذكر مرة فتحت هالموضوع لابوي قالي ماشاء الله >> ماحسيت اني تهزئت ولاشئ قلت لازيني ساكتة احسن بس لحد الان ابي اسوق بالحلم

الى الان ماذكرتي الهدف من الصوره

لما رحتي للمجمع وش سويتي ^_*


,

كانت الصوره للفته


لما كنتي صغيره وش كنتي تسوين بالشارع ^_*




,