الشغالات رواتبهن اعلى من رواتب المدرسات

[،؛بنت السحاب؛،]

في حال ارتفاع الأسعار المجنونه لم ننجو من ارتفاع رواتب الشغالات المتخلفات طبعاً
لأنك في جده لاتستطيع ان تحضر خادمه بإقامه شرعيه لأن مصيرها الهرب مخلفة ورائها خسائر
كبيره ...فنجد من الأسهل احضار هذه العينات مع الرقابه الشديده عليهن ...
اصبحن هؤلاء الخادمات يتقضين رواتب اعلى من رواتب المعلما في المدارس الخاصه حيث بلغات الألفي ريال
والمعلمه 1500 ريال مع خصم تأمين مدري ايش فيصبح 1200 ريال مسأله مضحكه مبكيه ...!
العجيب ان الناس اصبحوا في حاله هستيريه للبحث عن الخادمه وأذا حصلوا خادمه كانهم جالهم ولد من الفرح
وكل ست بيت تحصن شغالتها من العين :) تخاف تهج عنها ...
في رأيكم مالحل الأمثل لهذه المشكله وخاصه لمن يكونوا في حاجتهم من كبار سن ونساء عاملات..!

[انـــــس]

السلام عليكم ورحمة الله وبركااتة

المعلمة الموقرة


بنت السحااااااااب

تحية طيبة

أرجواا من حضرتكم التكرم بشرح هذه الجملة وبالأخص الكلمة وما تحمل من معنى

لأقووم بالرد ع سطورركم القيمة

اقتباس في حال ارتفاع الأسعار المجنونه لم ننجو من ارتفاع رواتب الشغالات المتخلفات طبعاً

ولكم كل احتراام وتقدير

[مــــجــــازف]

انا اقول كل وحده تشتغل في بيتها وتفتك من الخادمه

[كلي مشآعر]

موضوع جدير بالطرح والنقاش.....

يعطيك العاافيه سيدتي بنت السحاب.....

مجهوود طيب.......

وبالنسبه للموضوع....

‏((ماتهرب خادمه من البيت إلا إذا كانت معاملته العائله لها سيئه))

أو...

‏((تكون خادمه كبيره بالسن لاتتحمل الشغل الكثير ))

لأن ماشاء الله الوحده لاصار عندها شغاله رمت عليه كللللللللللللللللل الشغل...

طبخ......تنضيف...تربية أطفال.....وو.ووو.ووو ........الخ........

من عذرها بتنحاش.....


وسبب ثالث....((قد تكون خادمه مريضه نفسيا كما نسمع من القصص الكثير ....

أو صغيره بالسن.....جدا......))))

وإذا على إرتفاع أسعار قدوم الخادمات ورواتبهم......

فهذا شي راجع لأصحاب النفوذ المالي بالمملكه.......اللي يحددون كل شي.....

والصدق بعض الرواتب اللي تأخذها أصبحت أكثر من رواتب((مدرسي المدارس الأهليه اللتي تعتبر الطفل المدلل لوزارة التربيه والتعليم ولا تستطيع هذه الأهليه فرض رغباتها على الوزاره)).........
لماذا.........؟؟

والله مساكين راتبهم كأنه مكافأة طالب جامعي.....!!!!!


أعتذر عالإطاله.....

ودي وفائق إحترامي.......

[ρùℓşέ]

يسعد صباااحكم يااارب

واللهم صلي على محمد وعلى آله وصحبه اجمعين

اول شي حاابه ارد على انس المقصد من المتخلفات بدون اقااامه والله آعلم

وبالنسبه للخادمات بصراحه انصدمت من الخبر سمعته بآذاعة القرآن وانا رايحده الدوام

كون ان شغالتنا بااقي لها كم شهر وتساافر ماراح نستغني ونطالب فيهم
اسعاار خياليه لا وشروط بعد

الله المستعااان لكن صدقيني مافي فكه منهم راح نرضى بالامرولو زادت اسعارهم

بالذات لو كانت ربة المنزل موظفه او كبيره بالسن او او

يعطيك العافيه بنت

[سُكـونْ]

موضوع جميل جدا ومهم جدا اشكرك
يـ الغاليه بنت السحاب على اختيار الجميل ..


ماعندي علم كااافي ,,,, او لا استطيع ايجاااد حلول ...لهذه المشكله ..
بس حسب معلوماتي البسيطه والمتواضعه انه اسعارهم على حسب جنسيتها ..يعني عندك
الاندونيسية 800السيرلانكيه 650 او اقل اشوي ما ني متاكدهـ و الفلبينيه متفاوتة من 650 وفوق .
هذا اللي اعرفه انه على حسب جنسيتها ...
وهي تشتغل مثل المعلمه وتتعب اكثر من تعب المعلمات حقيقه
عندك المعلمات تشتغل لمدة 7 ساعات تقريبا اما الخدمات 24 ساعه تشتغل البيت كله عليها تقريبا ..وفي غرربه بعيييده عن اهلها وطنها واحبابها ...
.. لا ينكر من حقها شيء.. تاخذا المبلغ على قد تعبها على الاقل ...وهي انسانه من حقها ...

اما بنسبه للهروب ,,, فا احيانا يكون من سوء المعامله لها ,, واحيانا يكون من الخدمات نفسهم
وفي اسباب كثثييييره تخليهم يهربون ..وبعضهم طيبااات جدا ..

يعني اذاكر قصه صارت الى احد قريباتي ,, كانت عندها خدمه عصبيه واتعاملها مع الاطفال جدا قاسي ...وتذمر كثيررر ,, المهم ضلت تطلب جوال عشان تكلم اهلها .. وجابت لها جوال وجلست ثلاث اساابيع واهربت فـ اكتشفوا بعد فتره انها تعرفت لها على واحد وهربت معه .
وصارت مشكله كبيره ما اذكر تفاصيلها بضبط بس هذا الي اذكر ..

الي ابي اقوله ان الخدمات مالهم امااان والوحد لازم يكون على حرررص شديد معهم
يعني ما تسلمينه الجمل بما حمل مثل مايقوولوا ,,, خلي شغلهم بس البيت واماكن محدوده في البيت ..يعني الاطفال مالها دخل فيهم .. وماتتصرف في مملكتك الا بعد ماترجع لك ..
و مثل غرفة انووم تبعك لا تخدلها ابدا ..اهم اضرارهم كثيره ممكن تبهدل اطفالك وانتي موجودهـ ..وتعاملك معها لازم يكون جييد الى حد ما .. عشاان ماتحقد عليك وتكرهك .. وتضرك ..

مادام الحاجه اضطرتك تجيبيها ..افضل حااجه تكون للمعلمات .. الحبشيه يعني الي تنظف وتخلص شغلها وتمشي .. احسن لك وريح لك..او تجيبي لك واحده بس لاتتركيها في البيت لوحدها .. لرحتي الدواام خذيها معك وديها بيت اهلك كل يوم ..

...وحتى كبار السن لازم تراقبينها وتراقبين اهتمامها ونظفتها فيهم ..
ولما تكوني موجوده استغني عنها واخدميهم انتي في الي تقدري عليه .. لك اجررر

هذا فقط رايي في الخدمات ونصائحي
تقبلي تواااجدي شششكرا بنت السحاب

[،؛بنت السحاب؛،]

اقتباس المشاركة الأصلية كتبت بواسطة انـــــس السلام عليكم ورحمة الله وبركااتة المعلمة الموقرة بنت السحااااااااب تحية طيبة أرجواا من حضرتكم التكرم بشرح هذه الجملة وبالأخص الكلمة وما تحمل من معنى لأقووم بالرد ع سطورركم القيمة ولكم كل احتراام وتقدير

الأستاذ القدير أنس فتى سوريا الشعب المناضل فرج الله همكم
سعدت بتواجدك ومشاركتك قصدي بالمتخلفات اي من غير إقامه
وننتظر بصمتك الراشده في الموضوع كما عهدناك
حفظك الله

[،؛بنت السحاب؛،]

اقتباس المشاركة الأصلية كتبت بواسطة مــــجــــازف انا اقول كل وحده تشتغل في بيتها وتفتك من الخادمه

الأستاذ القدير مجازف ....
كلامك صحيح ميه الميه ولو لم نكن بحاجتهم بسبب العمل لما دخلن بيوتنا
اشكر لك حضورك وتواجدك الكريم
حفظك الله

[،؛بنت السحاب؛،]

اقتباس المشاركة الأصلية كتبت بواسطة كلي مشآعر موضوع جدير بالطرح والنقاش..... يعطيك العاافيه سيدتي بنت السحاب..... مجهوود طيب....... وبالنسبه للموضوع.... ‏((ماتهرب خادمه من البيت إلا إذا كانت معاملته العائله لها سيئه)) أو... ‏((تكون خادمه كبيره بالسن لاتتحمل الشغل الكثير )) لأن ماشاء الله الوحده لاصار عندها شغاله رمت عليه كللللللللللللللللل الشغل... طبخ......تنضيف...تربية أطفال.....وو.ووو.ووو ........الخ........ من عذرها بتنحاش..... وسبب ثالث....((قد تكون خادمه مريضه نفسيا كما نسمع من القصص الكثير .... أو صغيره بالسن.....جدا......)))) وإذا على إرتفاع أسعار قدوم الخادمات ورواتبهم...... فهذا شي راجع لأصحاب النفوذ المالي بالمملكه.......اللي يحددون كل شي..... والصدق بعض الرواتب اللي تأخذها أصبحت أكثر من رواتب((مدرسي المدارس الأهليه اللتي تعتبر الطفل المدلل لوزارة التربيه والتعليم ولا تستطيع هذه الأهليه فرض رغباتها على الوزاره))......... لماذا.........؟؟ والله مساكين راتبهم كأنه مكافأة طالب جامعي.....!!!!! أعتذر عالإطاله..... ودي وفائق إحترامي.......

استاذتي القديره كلي مشاعر اهلاً بك وبحضورك الجميل
بالنسبه للخادمات الاتي يهربن ليس للأسباب التي ذكرتيها فقط
لأنها ستعمل كعامله من غير إقامه براتب 2000 ريال افضل من ثمان مئه
وبشروط كل إسبوع إجازه وبعد ان تكمل شهر تترك العمل وتعمل عند آخرين حسب المزاج...
الموضوع عن الخادمات المتخلفات اي من غير إقامه
شكراً لتواجدك الكريم
حفظك الله

[مـ الشوق ـلاك]

السلام عليكم ورحمة الله وبركاته


موضوعك عالوتر الحسآس

الخآدمآت المتخلفات أصبحن يشلكن خطر على ربة المنزل اللتي أضطرت
ودفعت بها مبلغ وقدره حتى ترتآح من حمل ثقيل لأننا أعتدنا على من يخدمنا
بتنآ نتثآقل العمل
ولأنهم عرفوا أننا لانستطيع الأستغنآء عن خدمآتهم أصبحو يتزآيدون بكثره


سبب الخآدمآت المتخلفآت وهربوهن وأرتفآع أسعآآرهن
لايعود لسوء المعآمله بل أسبآب عده

منها السآئقين وتهريبهم للخادمات ومن وآقع تجربه أحكي تلك الكلمات
وايضاً أصحآب اللوموزينآت الأجانب وخصوصاً فئة البآكستآنين
وبعض ممن يدورون حول المنآزل ويعلقن أرقآم المزآرع بحجة العمل
ولكن أكتشف انهن يهربون الخادمات بأغرآئات يقدمونها لها

فيغرونهم بأن الرآتب سيكون دبل اللي تاخذه عند مكفولها والشغل أقل وبكذا تهرب الخادمه


ربمآ لو أعد لك الأسباب كثيره بس هم أقصد الخآدمآت ما أتو الى لأنهم ظآنين ومعتقدين
أن عندنا كنوز وهذا تصورهم أننا نملك كنوز الدنيا ويدرون لو أنهم بيوصلون لسعر الـ 5000
عآدي البعض منا بيدفع

وأعرف لك قريبه لي والله أنها شرت خادمه هاربه ودفعت فيها 25,000

وتقول والله أني أحاول أوفر لها كل شيء وأعاملها معامله كويسه كل هذا عشان ماتهرب مثل ماهربت
من مكفولها

وهي شرت الخآدمه من امرأه لاتعلم من هي فقط لقب أم محمد
ومن لهجتها تقول كأنها سعوديه بس ماعرفت أميز
وبعد ماشرت الخادمه ودفعت الفلوس لها

قفلت جوالها وغيرت عنوانها

هذا وش معنااااه ان الخادمات أصبحت تجاااره



هذا الموضوع بجد يحتآج لحلول كثيره لأننا رأينا الحين كيف المشآكل وكم حالة قتل
فعشان نتفادا الأمر يجب ان نستغني


بس يا بنت السحآب ما أظن اننا بنستغني لأنهم شر لابد منه

الله يغنينا عنهم بس


وسؤالك انهم ليش رواتبهم أعلى من المدرسات
لأن الناس بحآجتهم بالبيوت بس أصحآب المدآرس الخاصه مهوب بحآجة المدرسآت أن مابغيتي بذا الرآتب
روحي بيجي غيرك




أتمنى أكون وفقت في الرد

تسلمين يالغلا


موفقه

مـ الشوق ـلاك