شـــدواوقلبي من ورى زملهم شـــــــد = وهلت دمـــــوعي مثل مـــزن مطيره
وسالت دمـوعي من عيوني على الخد = وأحـــــــس جوف الصدرمثل السعيره
أقــــفـــواوخلــواالحا ل بالـحيل منــهد =كــــني صــــــــويب وخـــروه المغيره
وإلامــــــثل مفـــرودبالحــــــبل قــــــيد = لازلـــــــه المـــراريســـمــع زفــــيــره
ياطـــــيرياللي عــــــالي فــوق تصــعد =ردالخــــــــــبرللـــــي تـــــحرق نظيره
ياطـــيرعـــن محــــــبوب قلبي تنشـــد = من عقبـــــهم ياطــــــــيرعيني سهيره
ياليت لي مثــــلك جـــــناحـــين وأمــد = وأروح دارمعـــضبين الظـــــــفـــيــره
اللــــي لــهم كـــل المـــزايين تشـــهد = مالـــه مثــيل فــي بـنـات العشــــــيره
فيه الحـــيا متـــجاوزغايـــة الــــحد =وفيه العفاف وفيه حـــــــسن البصيره
زوله سواة الريم في الجـسم والقــد =وفيه الطبايع والوصــــــــوف الكثيره
ومـعـّرب الأنساب من خــال والــجد =زهـــرمــــن البستان فــــــــايح عبيره
نسمه عن النسمات ألـــذ وأبــــــرد =في روضة تسقى بصافي غــــــــــديره
كــنه غصن مثمرعلى جــالة الـــعد =متــــمايل ياللــه يالـله الســــــــــــــتيره
وريحه بريح المسك والعود والورد = والـــــــذوق والإخلاص خـــــــلي وزيره
من شاف خلـــي يابشربيـــح الســـد = وأصــــبح أســـــــــيرلـلـــرموش الغزيره
مـــن شافها لــوكان حــاله تنـــــكد =يمسي خــــلي البال صـــافي الســــــريره
واللي تصبح به يجي فا له الســـعد =ينـــوي عـلـى المشـــــــــواردربه يسيره
يالله عساها كــــل الأوقــــات تسعد =تســـلم صـــــــــواديف الليالي العســيره
حــــرمــــن أهل العـزوالطيب ينعـد = الله مـــن ضــــــــيم الليالــــي يجــــــيره
والله يجيره من هل البوق والـحسد =يسلم من آفــــــــــات الزمان الخــطــيره
العرض الشجري
