بسم الله ،،
واضحه ،،
أو نقول قصه شعريه :rose:
أرجو أن تنال على الاعجاب[/color][/align]
جوالي الماخوذ مارن يومين=ماشافت عيوني رقم تستنيره
صالت علي هموم بقعاء من البين=وراع الهوى يبغى يشوف المثيره
عطشان شوقي فرةٍ بالدكاكين=ونديم قلبٍ ينعشه هالحريره
ثم رحت للجوال مأدري على وين=ودقيت رقماً من هوايا خطيره
وأضغط صفر خمسه مع الصفر تخمين=ثم فز جوالي بريحة عبيره
صوتٍ يجر القلب هو والشرايين=تغنجه بالقلب حاله خطيرهـ
قالت اللوه.. قلت أوه يابنت مخطين=منك السماح وكل واحد بديره
حاولت ابرر كذبتي قلت داقين=على الرقم يابنت قبل الظهيره
قالت ابد ماهو انا قلت اجل مين=قالت ماهو جوالنا ياعشيره
قلت اسمعيني زين يابنت تكفين=أنا حشايا من الكذب يأميره
دقيت رقمك والله أعلم بالامرين=مالي سواء رقمك يديني سعيره
قالت هلابك عد ماقالو أهلين=وأعدا حراً فاع بأول مطيره
من قبل نبدى أنت يالحلو من وين=قلت الديار اللي بوسط الجـزيره
غـزلا وحبه داخل القلب والعين=عند اللوازم له فعايل شهيره
قالت لي شاعر قلت من خمسة اسنين=شاعر ولي فالشعر مخزن ذخيره
اللعب بشعري لعب زيدان بالصين=لامن تفنن وعوكس المستديره
قالت انا ماحبكم يالبداوين=ماتلبسون إلى ثياب العسيره
ماعندكم موضه ولا أنتم غنين=الناس وصلت للثياب القصيره
أنت بدوي والبدو ماهم بدارين=عن التقدم والحياة البصيره
باص الحظاره فاتكم يامساكين=الباص فاتك وأنت عفت المسيره
قلت اسمعي صدرت بعض العناوين=وقولي ترى المكتوب واضح بغيره
صحيح انا مخلوق يابنت من طين=والدين ساو الناس بالمستديره
لكن مردي لرجال الاصيلين=حراً تميمي يعجبك في مطيره
ربعي على وقت الشدايد وفين=يدهم على الجزلات ماهي قصيره
أنتم على عادتنا اليوم غادين=تبغون كشف الراس في كل ديره
تبغون تغيير التقاليد والدين=مره على لنكن ومره فجيره
تخطيط وأفكار اليهود الخبيثين=وأعوانهم ياجعلم للضريره
البنت تستر نفسها والستر زين=وأبليس يبني ذنوبها من صغيره
كانك بتقليد الخواجه تباهين=وراك يوم الحشر ناراً سعيـره
ومن بعدها خليت هالخط خطين=ولا أتابع المخطي علشان سيره
العرض العادي
