العودة   منتديات الـــود > +:::::[ الأقسام الثقافية والأدبية ]:::::+ > المنتدى الثقافي
إضافة رد
   
 
أدوات الموضوع تقييم الموضوع انواع عرض الموضوع
قديم 16-06-2013, 01:36 AM   رقم المشاركة : 1
شمس القوايل
المشرفة العامة
 
الصورة الرمزية شمس القوايل
:::: ماذا قال الشعراء عن القهوه!!! ::::








قصائد القهوة














بما أن القهوة رمز الكرم عند العرب فان الشيخ سعد بن قطنان السبيعي
يعتبر من رموز الكرم والسخاء في قبيلة سبيع وأحد مشاهير كرماء العرب وهو القائل في القهوة





جــر الـفـراش لـنـا وهــات الـدلالــي أربـــع مغـاتـيـر عـلــى الـنــار تـدنــا



تـــرى حـــلاة الـنــار دوم إشتـعـالـي وسوقـة فناجيـل عليـهـم مــن أدنــا




فـنـجـال أشـقــر مــثــل دم الـغـزالــي ليا نقـص شـيء مـن الكيـف زدنـا



أتعب لهـا بالسـوم لـو كـان غالـي لــو كــان زود بالثـمـن مــا نـشـدنـا




نشري لها المثلوث هو شف بالي لـو كــان سـوقـه نــازح عــن بلـدنـا



يـامـا دفعـنـا بالـثـمـن مـــن ريـالــي غيـر الـقـرا نسـهـر لـهـم مــا رقـدنـا






وله أيضا في القهوة





قـم يـا رويـشـد شــب ضــو المـنـاره ثم هات من صوته يقود المسايير



نــجــرٍ لــيــا حـــــرك تــزايـــد عــبـــاره يا زين صوته بيـن عـوج الدواويـر



يـــا مـســوي الفـنـجـال كـثــر بـهــاره جــلـــفٍ ويـتـلـنــه ثــمـــانٍ مـغـاتــيــر



حـــاذور يـالـصـبـاب تـثـنــي مــــداره ألا على اللي ينطحـون المخاسيـر



أحــــد لــيـــا ســيّـــر عـرفــنــا وقـــــاره وأحـــد لـيــا سـيّــر يـــدور التفـاكـيـر



كـــم واحــــدٍ نــاشــي بـلـيــا خــســاره مصبرٍ نفسـه علـى البخـل تصبيـر



هو يحسب إنّا مـا نعـرف الصقـاره يعـد عـمـره مــن حـسـاب المناعـيـر



يــــا حـبــنــا والله لـجــمــع الـتــجــاره لـولا الحيـاء حنـا نـعـرف المعـاذيـر









التوقيع :


اضغط على الصورة لفتحها بصفحة مستقلة

رد مع اقتباس
قديم 16-06-2013, 01:37 AM   رقم المشاركة : 2
شمس القوايل
المشرفة العامة
 
الصورة الرمزية شمس القوايل





اضغط على الصورة لفتحها بصفحة مستقلة



ومن قصائد القهوة نختار لكم هذه الأبيات من ضمن قصيدة طويلة
للشاعر المعروف محمد العبدالله القاضي وهي في وصف القهوة وطريقة اعدادها





دنـيـت لـــي مـــن غـالــي الـبــن مـــا لاق
بالـكـف ناقـيـهـا عـــن الـعــذف مـنـسـوق



إحمـس ثـلاث ٍ يـا نديمـي علـى ســاق
ريحه على جمر الغضى يفضح السوق



وايـــــــاك والــنــيـــة وبـــالــــك والاحــــــــراق
واصحـا تصيـر بحمـسـة الـبـن مطـفـوق



لـيـا اصـفـرّ لـونـه ثــم بـشــت بـالاعــراق
صفـرا كمـا الياقـوت يطـرب لهـا الـمـوق



وعطّت بريح ٍ فاخـر ٍ فاضـح ٍ فـاق
ريحـه كـمـا العنـبـر بالانـفـاس منـشـوق



دقـــه بـنـجـر ٍ يـسـمـعـه كــــل مـشـتــاق
راعـي الـهـوى يـطـرب الــى دق بخـفـوق



لــقّـــم بــدلّـــة مــولـــع ٍ كــنــهــا ســــــاق
منـصـوبـة ٍ مـربـوبـة ٍ تـقــل غــرنــوق



خـلــه يـفــوح وراعــــي الـكـيــف يـشـتــاق
ليـا طـفـح لــه جـوهـر ٍ صــح لــه ذوق



أصــفـــر قــمـــوره كـالــزمــرد بــالاشــعــاق
وكـبـارهـا الـطـافـح مـــا صــافــي الــمــوق



زلّــه عـلـى وضـحـا بـهــا خـمـسـة رنـــاق
هيل ٍ ومسمار ٍ بالاسبـاب مسحـوق



مــع زعـفـران ٍ والشمـطـري لـيـا انـسـاق
والعنـبـر الغـالـي عـلـى الـطـاق مطـبـوق



فــيـــلا اجـتــمــع هــــــذا وهــــــذا بـتـيــفــاق
صبّـه كفيـت الـعـوق عــن كــل مخـلـوق



بفنجال صيـن ٍ زاهـي ٍ عنـد الارمـاق
يغضـي بكرسيّـه كمـا اغـضـاي غـرنـوق



إلـيـا انطـلـق مـــن ثعـبـتـه تـقــل شـبــراق
رنـق ٍ تصـوّر للحمامـة عـلـى الـطـوق



شـكّــل عـلــى الفـنـجـال لـونــه إلــــى راق
دم الـغــزال لــيــا انــمــزع مــنــه مـعـلــوق



خـمـر ٍ إلـــى مـنــه تسـلـسـل بـالاريــاق
وعلـيـه مــن مــا صـافـي الــورد مـذلــوق



راعـيــه كــنــه شــــارب ٍ ريــــق تــريــاق
كاس الطرب وسرور مـن ذاق لـه ذوق






اضغط على الصورة لفتحها بصفحة مستقلة



يا كليب شب النار
ومن أشهر ما قيل في القهوة هذه الأبيات وخصوصا البيت الأول للشاعر دغيم الظلماوي حيث قال





يـا كليـب شـب النـار يـا كليـب شبـه=علـيـك شـبـه والـحـطـب لـــك يـجـابـي



حــنــا عـلـيـنـا جــيــب مــاهــا وحــبـــه=وعـلــيــك تـقـلـيــط الـــــدلال الـعــذابــي



ادغث لها يـا كليـب مـن سمـر جبـه=وشـبــه لـيـامـنـه غــفــى كــــل هــابــي



واحــرص عـلـى جـمــره احـــراق حـبــه=ياما العرق تشوف على الحب ذابي



ودق الـبــهــار وبـــهـــره ثــــــم صـــبـــه=تصبغ على الفنجال مثـل الخضابـي



ونـجــره تــــوال الـلـيــل يـدعـيــك نــبــه=لا عــوى يـشـدي حــس ذيــبٍ بنـابـي



الـوالـمـه يــــا كـلـيــب عــجّــل بـصـبــه=والـرزق عنـد اللـي يجيـب السحابـي



ومن يوجعـه رأسـه تـرى الهيـل طبـه=ولـيــا تـقـهـوا كـيـفــة الــــرأس طــابــي



بـــــــاغ لـــيــــا شـبـيـتــهــا بـالـمـشــبــه=تــجــذب لــنــا ربـــــع ســـــراة غـيــابــي



ســــــراة لـــيــــل ونـاطــحــيــن مــهــبـــه=لا نسنـسـت يــا كــن بــه ســم دابـــي



مــع كـبـش مـصـلاح لـــك الله نـجـبـه=لا دبـــــر الـهــيــن مــتــيــن الــعــلابــي



إن شـابــط الـمـنـزوع خـطــو الجـلـبـه=يـامـا حــلا يــا كلـيـب خـبـط الركـابـي



آقـــف لـهــم وأبـــدي ســـلام الـمـحـبـه=لا جـنّــب الـهـيّـن عـريــض الـعـلابــي



بـكــلامٍ أحـلــى مـــن شـخـالـيـل جــبــه=وأحلـى مـن السمـن الجـديـد العـرابـي



خـطــو الـولــد فــوقــه زبــــونٍ وجــبــه=ويجـي عليهـم مـن حـسـاب الزهـابـي



بنـسـريـةٍ يـــا كـلـيـب صــلــفٍ مـهـبــه=مـتـلـطـمـيــن وســوقــهـــم بـالـعـقــابــي



وأصـبـر وإن الصـبـر يــا زيـــن غـبــه=يرقـيـك روس مشمـرخـات الهضـابـي



ومن لا صبر يا كليب في حكـم ربـه=هـــذاك يـــوم الـحـشــر مــالــه ثــوابــي








التوقيع :


اضغط على الصورة لفتحها بصفحة مستقلة

رد مع اقتباس
قديم 16-06-2013, 01:40 AM   رقم المشاركة : 3
شمس القوايل
المشرفة العامة
 
الصورة الرمزية شمس القوايل





اضغط على الصورة لفتحها بصفحة مستقلة



وهذه قصيدة للشيخ تركي بن حميد العتيبي في وصف القهوة





يا ما حلا يا عبيد في وقت الاسفـار=جــذب الـفـراش وشــب ضـــو الـمـنـاره



مــع دلـــة تـجــذا عـلــى واهـــج الـنــار=ونــجـــر الــيـــا حـــــرك تــزايـــد عــبـــاره



الــنــجــر دق وجـــاوبـــه كــــــل مــــــرار=مـــا لـفــه المـلـفـوف مـــن دون جـــاره



في ربعة ماهيـب تحجـب عـن الجـار=لامـــن ولـــد الـــلاش مـــا شـــب نــــاره



وأخــيــر مـنـهــا رقـعـتـيــن بـالأســحــار=لا طــاب نــوم الـلــي حـيـاتـه خـســاره



تـلـقـاه فـــي يــــومٍ يـضـيـعـن الأفــكــار=يـومٍ علـى المخلـوق مـا أطـول نهـاره



وقم في قصير البيت حشمة ومقـدار=لـو جـار فإدمـح لـه ولــو بــه خـسـاره



ترى النبي وصى على الجار لو جار=خــذ الـحـذر يــا عبـيـد عـقــب الـنــذاره



رافـــق قـــوي الـديــن حـفّــاظ الأســــرار=ينـفـعـك فـــي يـــومٍ يـجــي بــــه كــــراره



تـرى الهـوى والغـي هـن شـر الأشـرار=ومـن داس عـار النـاس داسـوا لـعـاره



جـنــب ردي الـكــار مـــا فــيــه تـعـبــار=مــا فـيـه مــن فـعــل المنـاعـيـر شـــاره



واسلـم ودم بالخـيـر يــا طـيـر غيـمـار=وصلـوا علـى المختـار مـا غـار غــاره








وهذه قصيدة للشيخ عجران بن شرفي السبيعي الذي اشتهر بأنه لا يثني الدلة ولا يذبح




يـا فهيـد صـك النجـر يوحيـك بتـال=صـكــه كــفــاك الله جـمـيــع الأذايــــا



استدن نجر في الدهر يعول اعوال=اعــــوال ســبــع حـاديــتــه الـضــرايــا



وعليـه كيـف لـي مـن البـن فنـجـال=جـعـل الـرخـوم ونسـلـهـا لـــك فـدايــا



وعـــده لـحـمـاي الـنـوايـب والأثـقــال=فــي الضـيـق لامــن إلتـقـن المنـايـا



والـلـي يـحـزب زاد بيـتـه لـيـا اكـتـال=وحــط المعـانـي الطيـبـة لــه شـرايـا



والـلـي لـيـا رد الـبـرا بـيـن الأعـمــال=لا رفــــعــــوا لـقـطــيــهــن بــالــهــوايــا



والـلــي يــــروي حـربـتــه بالـتـجـيـوال=لـه عــادةٍ يـرخـص سـمـان العطـايـا



وباقي العـرب خلـه ولـو كـان زعـال=هـــذا وبالـمـجـلـس كـثـيــر الـحـكـايـا








التوقيع :


اضغط على الصورة لفتحها بصفحة مستقلة

رد مع اقتباس
قديم 16-06-2013, 01:41 AM   رقم المشاركة : 4
شمس القوايل
المشرفة العامة
 
الصورة الرمزية شمس القوايل




اضغط على الصورة لفتحها بصفحة مستقلة



والشيخ مشعان بن هذال قال في القهوة





قم سو فنجال ٍ تـرى البـال منـداش=لعيون من قرنه علـى المتـن مرجـود



فـي دلــة ٍ مربـوبـة ٍ كنـهـا شــاش=وبهارهـا مـقـدار خمـسـة عـشـر عــود



والهيـل حـطـه لا تـدانـي ولــو جــاش=ومـن الزبـاد اقنـع علـى شــذرة الـعـود



أبـيـه رســم ٍ للنشـامـا عــن الــلاش=فـالــلاش لا فــاقــد ولا هــــو بـمـفـقـود



تـــر لــــذة الـدنـيــا مـعـامـيـل وفــــراش=وصينية ٍ يركض بها العبد مسعود



والطيـب سنـة والــردى كـنـه الـطـاش=واللـي يريـد الجـود مــا هــوب مــردود



فـي ربـعـة ٍ يقـعـد بـهـا كــل هـتـاش=يفـرح بهـا اللـي مـن دنايـاه مضهـود



وصفـرا تلـوح بالضحـى كـل مهـبـاش=يصطـي علـى قلـب المناعيـر بالعـود



يالله طلبـتـك عـنـد قــودات الادبـــاش=ابـــل ٍ مغـاتـيـر ٍ ويبـرالـهـن ســــود



مرباعها الصمان تبعـد عـن الطـاش=ومقيضـهـا دخـنـة لـيــا صـــرّم الـعــود



أبـي لـيـا جـانـا مــن الـمـال شـوبـاش=وتطاوحت من بين الاسلاف جلحـود



من لا يروي شـذرة السيـف لا عـاش=عـسـى علـيـه مــورّد الجـيـب مـقــدود






والشيخ هايس بن مجلاد يقول أيضا





قم سو ما يصبغ على الصين يـا ذيـاب=بـــــدلال يـــشـــدن الــبــطــاط الـمـحــاديــب



احــمـــس لـيــمــن الــعـــرق فــوقــهــا ذاب=واسـتـدن مـــا يـجــذب عـلـيـك الـشـراريـب



نجـر يصيـح مـن الـطـرب تـقـل بحـجـاب=يصـبـر عـلــى طـــول الـدهــر للمـواجـيـب



ولـيـا انطـلـق مــن مزلـقـه كـنـه خـضـاب=ورس صـبـغ بكـفـوف بـيــض الرعـابـيـب



صــبــه لــمــن قــــاد الـســرايــا لـلأجــنــاب=فــــي مـفـرســه يـشـبــع الـنـســر والــذيــب



والثـانـي الـلـي وان لـفـولـه عـلــى ركـــاب=قــــدام بـيـتــه تــقــل مــجــزر قـصـاصـيـب



والثالث اللي وان غشى الزمل ضبضاب=يــرخــص بـعـمــره دون زمــــل الـرعـابـيـب



وباقـي الـمـلأ يكفيـهـم الـتـول لــو شــاب=رصـاصـة المجـلـس حـمـيـر المشـاعـيـب



الـلــي نــهــار الــكــون يــفــزع بـمـصــلاب=كــبــار الأنــفــس سـاهـجـيـن الـمـواجـيــب










التوقيع :


اضغط على الصورة لفتحها بصفحة مستقلة

رد مع اقتباس
قديم 16-06-2013, 01:42 AM   رقم المشاركة : 5
شمس القوايل
المشرفة العامة
 
الصورة الرمزية شمس القوايل





والشاعر محسن بن علي بن جغيثم السبيعي قال أيضاً في القهوة





يا عيد شب النار قم سـو قـم سـو=وســــــو فــنــجــالٍ وزيـــــــن قـــنــــاده



هــات الــدلال ووســع حـفـرة الـضـو=شــب بحـطـب سـمـرٍ ولـــوعٍ عـــراده



خـــل الـنـشـامـا لا تـلافـولــك وجــــو=يلـقـون مــن جــدك مـراسـيـم عـــاده



إحمـس مـن البـن الخضـر لاتلافـوا=ولـلـعـود حــــط شــــداد وألا وســــاده



وبـهـارهـا هـيــلٍ مـــن الـبـاخــرة تــــو=تـــوه مـنــزّل مـــن سنـابـيـك ســــاده



مــع البـحـر ملـفـاه وألا مـــع الـجــو=مـــع زعـفـرانـه كـبــر رجـــل الـجــراده



حــتــى يــجــي فنـجـالـهـا لاتـقـهــووا=مثل صفار البيض في كأس ساده



فــإن كــان هــم عجلـيـن قــل تـغـدوا=وألا العشاء مضمـون مثـل العبـاده



حــتـــى لا راحـــــوا لأهـلــهــم وقــفـــوا=كـــلٍ يـعــد الـطـيــب عــلــى إنــفــراده






وأيضاً الشاعر عبدالهادي بن راجس السبيعي قال في القهوة





أوي فــنــجـــال يــصــبـــه مــســـويـــه=وحـنـا سوالفـنـا عـلــى جـــال ضـــوه



فــي ربـعــة والـبـيـت يـرفــع بـقـاريـه=بـيــت عــلــى مـاقـيــل يــرفــع بــقــوه



تــالــي نــهــاره وأولــــه دايــــج فــيــه=قــم ســو فـنـجـال المطـالـيـق ســـوه



احـــذف لـهــا رمـــث كـبــار مثـانـيـه=تـــــو الـجـمــاعــة نــازلــيــن بـــجـــوه



والمـاء تخـيّـر مــن زلالــه وصافـيـه=مـــن مـزنــة مـاخـاشـر الـعــج جـــوه



واحـمـس ولاتـحـرق وحــاذر تنيـيـه=مــــا بــيــن فـرغـهــا ومـابــيــن تـــــوه



وإجغف لها من طيب الهيل غاليه=والـزعــفــران بـكــثــرة الـهــيــل شـــــوه



صبـه عـلـى الـلـي طيـبـات معانـيـه=واختـص مــن هــو بالمـراجـل تـفـوه



اللـي يعّنـز لــك لـيـا رحــت ناصـيـه=يــســلــم ولا يــســلــم ردي الـــمـــروه






والشاعر سلطان بن مبارك الأدغم السبيعي يقول أيضاً في القهوة





يـا سليـم شـب الضـو مالـك مهانـه=يـجـي لـهـا ضـــوحٍ يـقــود الـسـراتـي



وأشــغــل بـفـنـجــال وزيّـــــن زيــانـــه=وإحــذر مــن الإحـــراق وألا النـيـاتـي



ريــح وطـعـم راعـيـه ينـشـع لـسـانـه=أطـرف حـمـر لـونـه كـمـا دم شـاتـي



عـده علـى اللـي لا هـرج لـك تكانـه=قـلــيــل هــــــرج وبـالـمــلاقــا زنـــاتـــي



يـفـداك مــن هــو عـايـش بالذهـانـه=وإيـديــه لـحـبـال الـــردى قـاضـبـاتـي



طــاريٍ علـيـه الـجـود تـالــي زمـانــه=زل الشبـاب وهــو عـلـى ذالسـواتـي



عنـد الجمـاعـة مهـلـقٍ فــي لسـانـه=وهو لا يحذف ولا يجيب الحصاتي





ويقول بدر بن عبدالله الصبيحي الخالدي





مجلس من دون كيف العرب كيف اروقه


لو معازيبه عيال القايد السلطاني


أح ياوجداه يالمحموسة المدقوقة


تو جيبت من ورى حد اليمن بقطامي


مضمدة راس العروبي لا اوجعته فلوقه


ريحها من قبل صبتها هواء الضرماني


وان شرب فنجالها ضرم(ن) فتح غالوقه


وقام كنّه من سرايا هتلر الألماني


للعرب تنسب وترمز للكرم وطروقه


قدها قبل الشحم والعود للضيفاني


وكل بيت بلا قهوة(ن) ناقص في ذوقه


كنه اللي صك بيبانه بوجه العاني






قصيـــده للشاعـــر.
دعسان بــن ونيـــس الشمـري


بـــالضـــويحـــي من بني خالد في سكاكا الجوف






ذولا الضويحي طيبهم ماله قياس=تشهـد لـهـم بالطـيـب كــل القبـايـل



تشهد لهم شمر وغيره من النـاس=وتشهـد لهـم سرحـان وعيـال وايــل



هم عنبرالديـره وهـم جوهـر المـاس=عيال الضويحي كاسبين الجمايـل



لياجيتـهـم تلـقـى البغـاديـد جــلاس=ماتصـنـع الـقـهـوه طـــوال الـجـدايـل



شيابهم راحـوا بفخـر(ن) ونومـاس=يــوم السنـيـن الماضـيـات الاوايـــل










اضغط على الصورة لفتحها بصفحة مستقلة






م / ن






التوقيع :


اضغط على الصورة لفتحها بصفحة مستقلة

رد مع اقتباس
قديم 16-06-2013, 06:53 AM   رقم المشاركة : 6
ملكة الرومنس
( مشرفة العام والمكتبه الادبيه )
 
الصورة الرمزية ملكة الرومنس

يعطيك ربي ألف عافيه
طرح رآئع وتواجد مميز ننتظر مزيد من العطاء

ودي وتقديري







رد مع اقتباس
قديم 20-06-2013, 01:00 AM   رقم المشاركة : 7
شمس القوايل
المشرفة العامة
 
الصورة الرمزية شمس القوايل

اقتباس
المشاركة الأصلية كتبت بواسطة ♪♥̊۾ـﻠﮕـةﭐلر̉و۾ـنسے̊♥♪
يعطيك ربي ألف عافيه
طرح رآئع وتواجد مميز ننتظر مزيد من العطاء
ودي وتقديري


الله يعافيج يالغلا والاروع مرورج لاهنتي

لاخلا ولاعدم

اعذب تحيه

شمس القوايل







التوقيع :


اضغط على الصورة لفتحها بصفحة مستقلة

رد مع اقتباس
قديم 24-07-2013, 08:01 AM   رقم المشاركة : 8
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور


اضغط على الصورة لفتحها بصفحة مستقلة

اضغط على الصورة لفتحها بصفحة مستقلة


طرح راائع
يعطييك العاافية وربنا يسعد قلبك على هالتميز
والابدااع ننتظر جديدك العطر المميز
ودي وعبير وردي لك
تقديري واحترامي مع تحياتي
قلب الزهور .. بباي

اضغط على الصورة لفتحها بصفحة مستقلة






التوقيع :
اضغط على الصورة لفتحها بصفحة مستقلة

رد مع اقتباس
قديم 25-07-2013, 12:20 AM   رقم المشاركة : 9
شمس القوايل
المشرفة العامة
 
الصورة الرمزية شمس القوايل

اقتباس
المشاركة الأصلية كتبت بواسطة قلب الزهـــور










طرح راائع
يعطييك العاافية وربنا يسعد قلبك على هالتميز
والابدااع ننتظر جديدك العطر المميز
ودي وعبير وردي لك
تقديري واحترامي مع تحياتي
قلب الزهور .. بباي









الله يعافيج يالغلا والاروع مرورج لاهنتي

لاخلا ولاعدم

اعذب تحيه

شمس القوايل







التوقيع :


اضغط على الصورة لفتحها بصفحة مستقلة

رد مع اقتباس
قديم 17-01-2015, 03:46 PM   رقم المشاركة : 10
شمس القوايل
المشرفة العامة
 
الصورة الرمزية شمس القوايل

اقتباس
المشاركة الأصلية كتبت بواسطة قلب الزهـــور







طرح راائع
يعطييك العاافية وربنا يسعد قلبك على هالتميز
والابدااع ننتظر جديدك العطر المميز
ودي وعبير وردي لك
تقديري واحترامي مع تحياتي
قلب الزهور .. بباي









شكرا ع المرور لاهنتي

اعذب تحيه

شمس القوايل







التوقيع :


اضغط على الصورة لفتحها بصفحة مستقلة

رد مع اقتباس
إضافة رد

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:30 PM.




 


    مجمموعة ترايدنت العربية