العودة   منتديات الـــود > +:::::[ الأقسام العامة ]:::::+ > منتدى القضايا الساخنة
موضوع مغلق
   
 
أدوات الموضوع تقييم الموضوع انواع عرض الموضوع
قديم 20-12-2011, 09:38 PM   رقم المشاركة : 1
كلي مشآعر
( وِد ماسي )
 
الصورة الرمزية كلي مشآعر
مشكله نبغى لها حل ياأعضاء الود

السلام عليكم ورحمة الله وبركاته......


‏.....أنا (أ-ن) أبي أتكلم عن مشكله تواجهني...
بالحياة وربما تواجه بعض البنات الأخريات....
وهي ....
((فقد حنان الأب رغم وجوده)).........

الصراحه أنا من طفولتي كنت أحب ألعب مع أبوي.....
وأضحك وأسولف ولا في بينا أي حواجز...

لاكن ...بعد سن ((14)) ....صرت كثيييير خجوله.....
وحساسه.......
مثلا......أبوي أستحي من الكلام معاه أستحي أطلبه شي.....
لدرجه إني أخاف أوقف قدامه قلبي ينبض بسرعه.....وتجيني رغبه بالبكاء....
‏......
لأن أبوي ماعاد يسولف مثل أول مايتكلم ويسألني عن مشاكلي عن همومي.....
‏.....
ماأسمع مننه كلمت عطف وحنان....
‏....
من زماان ماحضني مالممني....أنا أشتاق لهالأشياء لأنه ...
من صغري عودني على شي بعدين قطع..........
ودي أجلس معه أتكلم وأسولف بس الحيا يمنعني .......
ودي ودي ودي......ولاأدري وش أسوي....
‏...........
ومع ذلك أحبه لأن طاعته واجبه علي.....
‏....
بس من جد الحياة صارت كلها رسميات ....
سلام وبس ....لاكلام ..ولاضحك..ولافرحه...
‏........
صارو أكثر البنات يتمنون يفتكون من البيت ......
بالزواج وتدور الحنان بزوجها.....وتنصدم بشي ثاني......
بإن الزوج أبلى وأبلى.....
‏.......
أو تبدأ البنت تدور عن الحب والحنان والكلام المعسول عن طريق الإعجاب اللي طاحو فيه شباب وبنات هالجيل....
وهاذا شي حرراااامم....
‏.........
والحمدالله .....أنا ماأنحرفت....لأي شي غلط....
لاكن أبي حل كيف أتعامل مع أبوي كيف أعلمه إني أحبه؟؟؟؟؟؟...
كيف أعلمه إني أعيش حالة حرمان عاطفب؟؟؟؟؟.......

وبس...أتمنى التفاعل من الأعضاء والعضوات.......
وأكون لكم شاكره وممنونه......







التوقيع :
اضغط على الصورة لفتحها بصفحة مستقلة

قديم 20-12-2011, 09:50 PM   رقم المشاركة : 2
ρùℓşέ
( مشرفة السياحة والسفر و الاستراحة)

,’




يسعـــــــــــــد مسااائك كلي

مشكله الغالبيه العظمى من الفتيات يعانونها

اذا تبين رآي انا ابوي شوي شديد لكن الحمد لله قدرت اكسبه بصفي

بالعربي انا وابوي كأننا اخوان

خليني اتكلم بالعاميه بلاش شغل الفصحى الي ماله داعي >> برآ

مثلآ بحياتي انا بواقعي

وقت الغدا ابوي غالبا ساكت يجي هنا دوري انا تلقيني ابي احرك جو المكان شوي

اقطع له لحم او دجاجه احطه بمكانه اقوله بالعافيه استهبل شوي يعني

بعد العشا اسوي شاي واعطيه واجلس جنبه اسولف

اسوي له مساج برجله احاول اتقرب له بشتى الطرق

العب معه ورقه >> مدمنة بلوت

يعني لا تهتمي حاولي انتي تتقربي منه واكسري حاجز الحياء بينك وبين ابوك

اذا كنتي تبين شي ومستحيه تواجهينه اكتبي بورقه الي تبينه واعطيه صدقيني كل ماتقربتي منه زال الحياء
والخاص تحت امرك يا انسه كلي

والحين ماشاء الله الي يشوفني انا وابويا نسولف يقول اخوان موب اب وبنته







التوقيع :
استغفر الله العظيم وأتوب اليه

قديم 20-12-2011, 10:01 PM   رقم المشاركة : 3
كلي مشآعر
( وِد ماسي )
 
الصورة الرمزية كلي مشآعر

الله يسعدكي ياارب.......

والله كلامك مرررره.....جونان.........

بس المشكلله الخوووووووف.....

صدقتي هو شديد......

والله جربت الكتابه بالرسايل....ولا لقيت نتيجه للأسف







التوقيع :
اضغط على الصورة لفتحها بصفحة مستقلة

قديم 20-12-2011, 10:11 PM   رقم المشاركة : 4
کړُﯾستـــآلھَہّـ
( وِد ماسي )
 
الصورة الرمزية کړُﯾستـــآلھَہّـ



فيه بنات وبعض من ربيعاتي يعانون من قسوة أبائهم

بس أنا ولله الحمد علاقتي مع أبوي قويه لانه يحب المزاح وما وضع أي حاجز بينه وبيني أو بين أخواني

نمزح ونلعب مع بعض ونتناقش بكل شئ , ما شئ يخليني أخجل أقوله قدام أبويه حتى بإموري الخاصه


نصيحتي لج أنج تتقربين منه أكثر وتسألينه عن الامور اللي تهمه مثل كيف يسير الشغل معه و أجلسي معه اكثر بالبيت , يعني لمن يشوف الأخبار ويتابع مسلسل أو برنامج أجلسي جنبه وأتكلمي معه وأمزحي وخلي الجو عادي بينكم كأنكم أخوان وأصدقاء

هذا اللي أقدر أقوله لج







قديم 20-12-2011, 10:20 PM   رقم المشاركة : 5
أحساس أنثى
( مشرفة الأسرة والطفل والنواعم)
 
الصورة الرمزية أحساس أنثى

هـــــــــــــلا وغـــــــــــلا با اختي الغااااليه
بالنسبه لي أن والله العظيم ابوي مرررره حنون وربي احس بعض الاحيان كانه
اخوي مو ابوي وعلاقة ابوي بي وبخواتي مرررررره قويه لدرجه انه يعرررف اسم صحباااتي ويعرف عني الكثير
الله يحفظه لي ويحفظ للجميع ابائهم وامهااتهم..............
صرااااااحه احس مشكلتك ليس لها حل لانك ماشاء الله مثل ما ذكرتي ان عمرك اكبر من 14 من البدايه وانتي صغيررره المفروض تكون علاقتك فيه قويه وهذي ترجع لوالدك امكن محروم هو لان فااااقد الشي لايعطيه
وكيف تعلمينه انك تحبيه انتي بري ابوك واسمعي أوامره....ونفذي له كل شي
يطلبه علشااان يعرف انك تحبينه واهم شي انك ترضين ربك ببرأ والدك
وربي يسعدك ويعينك ...



ومشكوره عزيزتي

تقبلي مروري/ أحســـــــــــــاس أنثــــــــــى







قديم 20-12-2011, 10:48 PM   رقم المشاركة : 6
كلي مشآعر
( وِد ماسي )
 
الصورة الرمزية كلي مشآعر

الله يديمه عليكم يابنات....ويسعدكم ربي.......

إحساس أنثى ((عمري ألحين23))
‏.......
أعرف إنه يحبني وأنا أكيد أطيعه..وأنفذ كل آوامره ....
ولا أقصر عننه......
بس نفسي نكون زي ماتقولين نضحك ونسولف.....
والله ماأذكر متى آخر مررره شفته يبتسم.......إلا مع الناس.......أشوف ضحكته أستانس.......
الله يخليه لنا ولا يحرمني مننه,يآآرب.......







التوقيع :
اضغط على الصورة لفتحها بصفحة مستقلة

قديم 21-12-2011, 11:26 PM   رقم المشاركة : 7
فوق الغيوم
( مشرفة التصاميم والعروض )

كلي مشاعر

أختي المشكله تكمن في حياءك أنتي كلنا ندري ان الاب أحن وارق قلب وخاصة على أبناءه من الاناث

تقدري بأذن الله تتغلبي على هالشئ طالما انك اردتي التغيير

اسالي نفسك متى راح أكون قريبه من والدي ؟

اذا وانا معه بنفس البيت مو قادره اصارحه بحبي له وأتعامل معه على هالاساس متى يعني ؟

لما أتزوج وذيك الساعه راح تكون الفجوه اكبر لانك بتكوني بعدتي عنه وبيزيد حياءك اكثر منه

انتي بنيتي بينك وبين والدك حاجز وهمي وهو تعود على هالشئ منك تقدري تتخطيه بأذن الله

نصيحتي لكِ يكون بداية الاحتواء من جهتك انتي

يعني مثلآ قدمي له كوب اللبن بيدك وقولي على سبيل المزاح بابا اكيد بيحبه من أيدي

اذا رحتي للسوق أختاري عطر رائحته مميزه وانصحك بالعوده بيحبوها كثير وانا دائمآ بشتري لبابا منها

غلفيها وقدميها مع بطاقه واكتبي عليها الى والدي العزيز مع حبي

اقرأي له مقال في جريده بيحبها ألفتي نظره بلباقه لشئ مهم ناسيه يعني أظهري الاهتمام بالكامل وشوفي كيف النتيجه

لاتقولي صعب مافي شئ صعب المشكله فينا أحنا ولاتقولي والدي شديد رددي بينك وين نفسك انه حنون بل أحن أب على الوجود

فكري انه معك وتنعمين بحضنه وغيرك محروم من هالنعمه

الله يخليه لك ويطول لك في عمره ويبلغك بره

وطمنينا عن النتيجه







قديم 22-12-2011, 01:33 AM   رقم المشاركة : 8
سُكـونْ
(مشرفة المكتبة الأدبية والثقافي)
 
الصورة الرمزية سُكـونْ

غاليتي كلي مشاعر ...

مشكلتك حلها بسيط وسهل لاتخافي الا باء بطبيعتهم حنووووووووون طيييييب مع الشددددة

كون ان ابووك شديد هذا لا يعني انه مايحس وصعب التعامل او ما في شي يؤثر عليه لا ابدا مو صحيح لو اقسى

رجل بنته تلينه وقرب الى قلب الاب هي بنته وما يلين الاب الا بنته وما يسعده الا بنته ..

يعني لاتخافي هذا ولدك ليش تخافي او تستحي بجد ماله داعي انك تستحي ابد ماهو قاتلك اذا مزحتي ولا ساابك اذا سولفتي ليش تستحي

اسمحيلي بكون جاده معك اقولك شغله ابوك مثل ما هو ماتغير حنون واكيد انه مستعد يمازحك ويسولف معك ودليل على هذا انك تشهدين بطيبته ومتاكده بحبه لك مثل ماكنتي صغيره واتغيورات الي انتي ملاحظته هذي منك وفيك انتي الي تغيرت لما كبرتي انتي بتعدتي عنه بسم الحياء والخوف وهذا لازم تتغلبي عليه لا تستحي انك تسأألي ابوك وتسولفي معه بحدود الادب .,, لما كنتي صغيره انتي كنتي تجيه وتلعبي عنده بكل برئه وجرائه عشان كذا امتصيتي شدته واخذتي حنيته وعطفه لما شاافك تلعبي عنده ما خاصمك و لا ابعدك عنه بل اخذك ومازحك لما كبرتي انتي صرتي تبتعدي عنه ان جلس ما تساليه عن صحته ؟ ولا تصبحين عليه ولا بوسي راسه ويديه ولا تمازحيه ومادامك تستحي حتى لو مزحه ماراح تضحكي ولا راح تاخذي وتدي معه با المزح تبتسمي وتسكتي ويشووفك مستحيه ويسكت غصب ما يبي يحرجك ,, انتي ابدي لا تنظرينه هو الي يبدا ,,

انتي ما سويتي جريمه عشان يتغير عليك ...

اسمحيلي انتي الي بتعدتي مو هو
انتي الي استحيتي مو هو
انتي الي بنتيتي الحواز بينكم مو هو
اانتي الي تغيرتي مو هو
انتي الي حرمتي نفسك من عطفه بسم الحياء مو هو الي حرمك

صدقيني ما في اعظم من قلب الاب وما افي احد يحن على البنت مثل الاب
وما في احد يلين قلب الاب مثل البنت

انتي اكسري الحوااجز بينكم تغلبي عليها ,,(( اكسبي رضى ابووك با العماال مو با الكلاااااااااام ورسائل ))) لانه طبيعته شديد والكلام ما يهمه كثر الاعمال الرجل يحب يشووف بعينه اكثر من ان يسمع كلاام .. اتوقع ابوك من النوعيه الجااده والعمليه والشديد ..,وهذا سهل التعامل معه بس بذكاء عن طريق رغباته والاشياء الي يحبها ,,
بحدود الادب ماازحيه وساليه خذي واعطي معه كووني جريه ,, احكي له عنك مواقف طريفه تحصلك وووالخ .. ابدي با الاشياء العاديه الي ماتزعله واحكيها ..

حولي تتغيري وتغيري ابوك يمكن في البداية محولتك راح توااجهي عقبات وصعوبات لكن لا تيأسي
ابدا ولا توقفي عندها واصلي وحاووولي الا ما تحصلي على الي تبي انتي تعرفي ابوك اكثر من غيرك وش الا اشياء الي يحبها وجهزيها له رتبي اغراضه وخليه يشووفك كل يووم بخري غرفته اجلسي تقهوي معه اكلي واشربي معه .. واذا مر عليك يووم ما شفتيه اتصلي عليه واساليه عن حاله قوولي انا اليووم ماشفتك عااد ما قدرت لازم ادق عليك ..واسال عنك

انا ما اقدر التعمق اكثررر لكن انتي اكبر مني و ذكيه وتعرفي شوووفي كييييف ترضي ابووك با الاقوال والعمال وسووويها تتقربي من ابووووك ,, تقربي منه انتي ..
اول شي ارضيه عن نفسك وكوني جريئه معه بس بحدود الادب ومازحية با الكلام الي يحبه لما يجلس ابدي انتي سوولفي سواليف يحبها واذا حسيتي انه معصب ولا زعلان حااولي ترضيه بسلوب وطريقه حلوه . مو تضحكي وتسولفي سواليف تزعليه وهو معصب عشان ما يزيد ويحط الحره فيك ,, صدقيني سهل جدا التعامل معه بس خليك جريئه وابدي شااركيه راايك واطلبي رايه وحكي قصص واطلبي رايه فيها اذا احتجتيه رووحي له لا تترددي ولا تتستحي الحل عندك انك تتغلبي على الحياء والخجل الي ماله داعي .. جربي ماراح تندمي







التوقيع :
ورحل أبوي وما بعد رحيله حياة .

قديم 23-12-2011, 02:46 AM   رقم المشاركة : 9
كلي مشآعر
( وِد ماسي )
 
الصورة الرمزية كلي مشآعر

والله ماقصرتو حبيباتي........

والله أسمع نصايحكم.........وإني بديت أسويها.....ويارب.....
يعين.........







التوقيع :
اضغط على الصورة لفتحها بصفحة مستقلة

قديم 24-12-2011, 11:52 PM   رقم المشاركة : 10
الاصدقاء
( وِد لامِـــع )
 
الصورة الرمزية الاصدقاء
وعليكم السلام روحمة الله وبركاته




موضوع مهم ..
نعيشه جميعنا .. بصورة او باخرى في حياتنا





اسجل حضور الان، وباذن المولى ..
لي عودة







حتى حين، ..
تقبلي ..
الود



.






موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:39 AM.




 


    مجمموعة ترايدنت العربية