تأمّل

[الطلحي2000]

تأمل يانظر عيني تأمل
تأمل في عظيم الكون واسأل

تامل في السما محكم بناها
وفي غيث من المزنه تهمّل

تامل ارض ربك كيف مدت
وخلق الله بها عاش وتسهّل

تامل شمس في صبحك تراها
وبدر في وسط شهره تكمّل

تامل في النجوم اللي مطلّه
على طول الدهر علم مفصّل

تامل في المراحل من حياتك
ونفسك شوف مافيها وحلّل

تامل كون من ربك مسيّر
وذي سنّه من الله ماتبدّل

وهذي كلها ايات للي
عرفها ثم كبّر ثم هلّل

واخلص نيته لله وحده
وشمّر بالذراعين وتجمّل

تمسّك بالطريق اللي سويّه
طريق الحق للعليا توصّل

على الطاعه تصبّر ثم داوم
واحذر ثم احذر لا تحوّل

ولا تنغر بالدنيا تراها
مصايبها على العالم تهوّل

ولا يمكن جميع الناس ترضى
طبيعه من قديم ماتعدّل

ولكن يافتى قارب وسدّد
وبالتفكير يادندون طوّل

تدبّر في الكلام اللي تقوله
قبل لاتطلع الهرجه تمهّل

نصيحة اخ خذها من مجرب
وفكّر بالنصيحه لاتعجّل

وصلوا عد همال السحايب
على المختار من خلقه والاكمل

الطلحي2000