" بعد إقناع طويل من ام راشد ورحمه لام ماجد وافقت ان حنين تسافرمعاهم الرياض
وخاااصة بعد التغير المفاجي لنفسية حنين "
طالعت في الشباك الطايرة وهي تودع اخرااحلامها وتندهت بحزن على فراق اهلها
حنين بحزن .." ماكنت اتخيل انه يجي يوم ابعد فيه عن اهلي"
رحمة بمزح ...." وانا مااتخيل انه يجي يوم واكون انا المسؤوله عنك "
حنين وطالع فيها بنص عين ..." لايعيوني محد مسؤال عني انا مسؤاله عن روحي "
رحمة .." بس امك وصتني عليك وانا ماصدقت على الله"
حنين ..."صدقي ماصدقي انا الي براسي اسويه ومافيه احد يردني"
رحمة بتحدي .. "نشوف مين المسؤال عن الثاني والأيام بينا "
ضحكة حنين وهي عارفه رحمة وعارفه عناده وانها مالها كلمه مادام رحمه معاها "
=============***============
ركب سيارته وهو مستعجل طالع الساعة وشاف باقي على الصلاة عشرا دقايق
وقف عند المكتبه وحمد ربه ان المكتبه فاتحه....دخل وشاف بنت واقفة على الرفوف الي يبي الكتاب من عندها
فيصل بعجله ..."لو سمحتي كتب الطبخ هناك "
ريم الي ما تعرف ولد خالها بسبت انعزاله ..طالعت فيه من فوق لتحت وسوت نفسها ماسمعت
فيصل مااهتم لوجودها وصار يدور بالرفوف على الكتاب
ريم ارتبكت من قربه لها ورجعت على الجدار تنتظره يخلص
طالع فيها فيصل بيأس وابتسم ...لو سمحتي ممكن الكتاب الي معاك
ريم بخوف وبدون ماتتكلم حطت الكتاب على الرف وبعدت اكثر
فيصل اخذا الكتاب وراح يدور غيره من دون مايهتم
ريم بصوت هامس .."الكتاب ...الكتاب .."
فيصل وهو مشغول ..." اسف دوري غيره ... وضحك ماصدقت لقيته
ريم راحت لصاحب المكتبه
ريم ...لو سمحت ابي كتاب" الرجال من المريخ والنساء من الزهره"
العامل ..."شوفيه بالرف الي هناك
ريم ..." لاماهو موجود مافي غير واحد ونباع "
العامل ..."اعذرينا هالنوعيه خلصت بس طلبنا طلبيه وان شاء الله بعد كم يوم تكون موجود"
فيصل جاء وحط الكتاب ....على الطاوله ... وقاعد يدور الفلوس بجيبه
ريم انقهرت منه وطالع فيه وتقول صدق مايستحي ..."لو سمحت الكتاب الي اخذته مني" فيصل وسوى نفسه ماسمعها ورمى الفلوس وطلع
=============***============
الصباح الساعة سبعه في شقه ام راشد
رحمة جهزت الفطور لحنين وصحتها من نومها عشان تروح ألجامعه
حنين وتبوس رحمه على خدها و تتمسخر عليها .." شلونك يمه "
رحمة .." امك بعينك كلي وبسرعه اذلفي الباص ليروح عليك "
حنين ..." نفسي يوم اشوفك عاقله ومانتي متنفرزه" وتمسك جبهتها وتفرده باصبعها افرديها يارحمه اخاف تتعود وتصير جبهتك متجعدة ...وياحسرتي عليك وقتها
رحمة وتنزع يدها "الحمد الله دايم مفروده ... وتعالي خلينا نتفق قبل ماتروحي الجامعه مين
يستلم المطبخ ومين يستلم البيت ماهو كل الشغل طايح علي "
حنين .."ياسلام انا وراي دراسه ولا انتي فاضيه ماوراك شيء"
رحمة ...لا ياحبيبتي المطبخ من الحين عليك وانا علي البيت فاهمه"
حنين ..." اييييه انتظريني انظف لك ...وضحكت ولبست عبايتها وسكرت الباب وراءها بقوة "
رحمه وتضرب بيدها كف بكف ورمت نفسها على الكنب ... الله يعني عليك العتب علي انا المجنونه الي فرحانه فيك وناقلتك معي الرياض
وضحكت بين نفسها والله انها غاليه بس لو تفكيني من خفة دمها
دخلت القاعة بهدواء وهي تحمدا ربها ان الدكتوره تاخرت ...جاءت سارة ودلال مسرعات وصدمنها بقوه وطاحت على الارض وانتثرت كتبها في كل مكان
اريام.." وهي تجمع كتبها ...."خيرا ان شاء الله ماتشوفن"
مسكن يدا بعض وضحكن ....هااااهااااهاااا
سارة "الاشكال الي مثلك لازم تكون واطيه "
اريام بعصبه...: "والاشكال الي مثلك لازم تغتسل عن القذارة.".... وتفتح علبة المويا الي معاها ورشتها عليها ..."
سارة انفجرت ودها تضربها ودلال تهدي فيها ..."والله لا ارويها بنت الفقر"
دلال بتسامه جانبيه ماكره ..."ماهو الحين وخلها تشوف بنات الشاماسي لاحطن احد براسه وش يسون فيه "وضحكت على كلمتها
=============***============
طلع الشركه وهو حاط الشماغ على كتفه ومنصدم من القرار الي سمعه ويسك على اسنانه بقوه من القهر و يتوعدا لتركي مثل ماحرمه رزقه ليحرمه عمره كله...
صدم بااحد الموظفين وهو ماهو حاس
عادل ...انت اعمى ماتشوف
الموظف ..."وش بلاك من الصباح معصب ...ليكون خصموا عليك نص الراتب "
عادل ..."لا انحرمت منه كله ...انفصلت وكله من تحت راس تركي "
الموظف.." وش دخل تركي بفصلك"
عادل ..."تركي هو راس المصايب محد علم على تلاعبي وغيابي غيره"
الموظف ويضحك ..."هاانت قلت تلاعبك ولازم تاخذ جزاك عليه "
ضحك عادل باشمزاز "نشوف من الي ياخذا جزاءه انا ولا تروك..."
ومشى عنه وهو يتمتم بكلام ماهو مفهوم
ركب السيارة وشغل الاغاني باعلى صوت وهو يفرك بخشمه بقوة
امس الخبل نواف واليوم تروك ...والله لا حطمك بروس بعض واطلع منها
ونشوف مين عادل ...وضحك بدون ارده "قال عادل" وحرك السيارة وانطلق باسرع سرعه
=============***============
في الثلث الاخير من الليل وعند نزول الله تعالى ومناداته لي عباده هل من داعي فأستجيب له هل من مستغفر فاغفر له هل من تاب فأتوب عليه وفي داخل شقق أعوان الشيطان
تركي بعصبيه ...."انتي ماتفهمي قلت ماابي "
البنت بوقاحه ..." اجل لييييه تناديني من الاول "
تركي ...."هونت عندك مانع ...ويللا اطلعي "
البنت ..." طلعه ماني طالعه والي بيدك سويه ..."وقامت تفك ازارير بلوزتها
تركي بصدمه ..." يابنت خلي عندك شوية حيا واطلعي بكرامتك"
البنت بروده ..."اذا تبي تطلع اطلع انا ابي اجلس هنا"
تركي ويطالع في البنت وقام الشيطان يلعب براسه ...وقرب منها وبدا يتاملها بدون رادع
البنت ضحكة بانتصار ..."وش بلاك واقف ولا أعجبتك الجلسة"
تركي وفتح عينه على الاخر وقرب من البنت اكثر ..وبعدين نفض راسه وكااانه يطرد خواطر منها ...واستغفر ربه .....وبسرعه فتح الباب وطلع
جالس يطالع في الشباك وحاط يده تحت خده ويتأمل الظلام ويستغفر ربه وندمان على انه سمع كلام وليد وراح الحرام
تركي ويلتفت على وليد.... "وليد انت ليييه ماتزوج وتريح نفسك "
وليد بضحك ..."لاحق على غثا الحريم والعزوبية ما تتعوض"
سكت تركي ورجع يطالع من الشباك
وليد ويقطع سرحانه ..." انت المفروض الي تتزوج على الاقل تجيب وحد تونس اريام "
تركي وتنهد بحزن..." ياليت لو اقدر اتزوج كان تزوجت من زمان انت تعرف الديون الي
تركها ابوي ورآه ماهي هينة وشكل عمري يخلص والديون ماخلصت .... وبعدين انا ابي وحده تقدر ضروفي وتساعدني وفي الزمن هذا نادر متحصلها"... وختم كلامه بتنهيده
وليد وندم انه فتح معه الموضوع ويرتب على كتفه ... هونها وانا اخوك وتهون ان شاء الله
=============***============
في الجامعه الظهر
جالسات على الطاوله وهن يلمحنها من بعيدا شافنها طالعه و وبسرعه لحقنها بدون ماتحس فيهن
دلال ...."بسرعه ساره البسي اخاف نضيعها "
سارة ..."خلاص اطلعي وانا لاحقك "
طلعت دلال وراها وبسرعه لحقتها ساره
ساره وتأشر عليها" شوفيها الي واقفه هناك مع اخوها "
دلال وطلع جوالها من شنطتها وتصور اخوها وسيارته
وضحكن بصوت عالي والكل انتبه لهن ورجعن لجامعه وهن يتوعدن لاريام
=============***============
بعد المغرب في بيت ابو نواف العائله كلها اجتمعت
ابو نواف وسعود وخالد واسامه ونواف وفارس الا فيصل الي معتزل العالم وعايش بين همومه
وكتبه وماهو راضي يشاركه احد حياته
اسامة بضحك.."الله يقطع شرك ياسعود ماحطيت عينك غير على الصغيره طالع بالفرق العمر الي بينكم ..."
سعود بمزح ..."ليييييه عندك اعتراض وبعدين حلات البنت وهي صغيره "
نواف ..."حتى انا ابي ازوج وارتاح من العزوبيه"
ابو نواف ..." لا انت توك صغير على الزواج خلينا نزوج عمانك وبعدين نتفضا لك"
نواف بعصبيه .. "ياسلام وش دخلني فيهم انا الي ابي ازوج...وضحك على الاقل اخفف زحمه على الطياره والجوازات ترتاح مني "
اسامه ويضحك ....."والله صدقت الكل صار يعرفك من كثر ما تسافر وبصوت واطي كمل كلامه .. تسافر لبلاويك و مصايبك "
سعود ويرفع حاجبه ...."بس رغدا الحين ماهي مستعده على الاقل خليها بالعطله"
نواف وانقهر ..."واظن حتى داليا صغيره وخليها يوم تكبر شوي"
أسامه شاف الجو تكهرب بين سعود ونواف وعارف سعود مستحيل يزوج نواف وهو على
الضياع الي فيه والاستهتار وحب يلطف الجو
اسامة .. "لا نواف خلي السنة هذي لسعود وخالد وانا وياك السنة الي بعدها "
الكل التفت لخالد الي من يوم ماجلس ماتكلم ولا شاركه ولو بابتسامه وسرحان بعالمه
ابو نواف .." ان شاء الله ياخالد نفرح فيك قريب "
خالد وانتبه من سرحانه ..."بس المحروسة لسه مالقيناها"
اسامة ..."قلت من الاول اصبر وريم تعرفها مزاجيه ماهي أي وحده تدخل راسها "
خالد بلا مباله .."المهم انها ترضى تعيش مع واحد أعمى .."
وقام ومد عصاه قدامه واستأذن وطلع
=============***============
ثاني يوم في الجامعه
ساره ودلال ورغد ...مسويات ربكه في بالصور وهن ينشرنها في كل مكان في القاعه
ويعلقن عليها بصوت عالي ..حتى تنتبه اريام لهن
سارة وتعطي البنت الي جنبها الصوره ..." طالعي شوفي هذي الصوره اخذتها من الانترنت لا قدم سياره في العالم وفاز فيها واحد سعودي منتف
البنت .." معقوله فيه سعودي يركب سياره كذا حشا كانها جايه من العهد العثماني "
رغد .." تصدقي يقولون من اهل الرياض .."
البنت وتعطي الصوره الي جنبها .." لا مااظن هذا سعودي طالعي كيف شكله متعفس وحالته حاله يمكن هندي او مجنس بس مستحيل يكون سعودي
وبدت الصور تنتشر في كل القاعه ..واريام الدموع تجمعت بعيونها وهي تشوف البنات كيف
يستهزن على اخوها ويضحكن على شكله وعلى سيارته وتمنت انها لو تقدر تصرخ بوجهن
وتنزع الصور منهن وحاولت تثبت نفسها بس ماقدرت وكيف تقدر وهي تشوف اغلى واحد عندها في الدنيا ينهان بين البنات وهي مابيدها شيء ...وطلعت من القاعه وهي تمسح دموعها
والبنات ضحكن بصوت عالي يوم طلعت وحسن انهن بردن قلوبهن فيها
=============***============
رجعت اريام على البيت و جلست بغرفتها وهي تمسح دمووووعها مهما أظهرت القوة تبقى
ضعيفة بروحه بدون الي يعينها ويوقف معاها .....حست نفسها مخنوقه ودها تصيح بصوت عالي بس حنجرتها ماهي مطاوعتها
تنهدت بحزن على حالها ......من يوم ما مات لميس وهي مارضت تصاحب احد بعدها ...
ومستحيل تلقى مثلها وفراق أبوها وامها من قبل زادوا من حالتها وألمها .....صارت انطوائيه ولا تختلط بااحد وقتها كله تقضيه على الانترنت
دخل عليها اخوها تركي بعصبيه وقطع سرحانها ...."اريام ليييه ماقلتي لي انك تروحي في الباص بدل ماانا ساعه وانا انتظرك بالشارع "
اريام...وتذكرت ضحك البنات على اخوها...."اسفه تركي كنت تعبانه وطلعت ... ابي اريحك وارتاح واروح في الباص على طول "
تركي وزاد عصبيته ..."ليييه ان شاء الله عاجبك ان سواق الباص يرميك على اخر الشارع في عز الظهر"
اريام وماهي عارفه كيف تفهم اخوها ..."خلاص تركي قلت ابي اروح في الباص على طول "
تركي ويقرب منها ويرفع صوته ..."اريام اتركي العناد واسمعي الكلام ...وروحه في الباص مافيه سامعه "
زادت عصبيه تركي وزادت حالتها وغطت وجها بيدنها وصارت تبكي بصوت متقطع وتحاول تخفي شهقاتها بيديها
تركي بخوف وحنيه .." اريام وش فيك ...مااكنت اقصد اني ازعلك ...
اريام وزاد صياحه..."مافيني شيء خلني بروحي الله يخليك "
تركي وخاف يترك اخته بحاله هذي وسحب يدها من وجها .."اريااام حبيبتي قولي وش بلاك لتخوفيني عليك "
اريام وترمي نفسها بحظن اخوها ....ليييه انا الي احبهم يرحوا ويتركوني بروحي ليييه انا اعيش وحيده ومالي احد وتمسك اخوها وتشده بقوة ماابيك تتركني مثلهم خلك وياااي
تركي ويمسح بشعرها .."خلاص اريام انا مالي في الدنيا غيرك ..ومستحيل اتخلى عنك"
=============***============
كانت حاطه راسه على فراشها وهي سرحانة بأحلامها وأمانيها سمعت صوت بكاء مخنوق
قامت والتفت يمين وشمال ودور مصدر الصوت وعرفت من وين مصدره
فرح بخوف وهي ترفع الحاف عن اخوها..."محمد وش بلاك ...فيه شيء يعورك "
محمد ويسحب الحاف منها ويصيح ...."لا مافيني شيء "
فرح وتشد الحاف منه بقوة ..."محمد قولي وش بلاك "
محمد ..بصياح مخنوق ..."ماابي أداوم بكره الأستاذ يضربني"
فرح بحيره ..." ليييه صار شيء تلقفت على احد"
محمد .وزاد صياحه ."لا بس كل يوم يقول جيب ابوك " ..
فرح .." طيب ليش مسوي غلط "
محمد .." لا عشان مادفعت القطيه حقت الفصل ويقول لي انت دايم ماتجيب الاغراض الي
اطلبها منك ودايم ما أشوفك تفطر الصباح "
فرح والعبرة خانقتها ..."خلاص انت لاداوم وانا بكره راح ادبر لك الفلوس "
وابتسمت ..."هاااااتفقنا "
محمد ويحب راسها ..."ايييييه" وغطى راسه وناام
رجعت فرح لفراشها ودموعها تسبقها ...ندمت انها وعدت اخوها ...بس كيف اتجيب الفلوس
وهي مابيدها حاجه غير الدعاء ....يارب انك ترزقني ...وتفتحها بوجهي وحطت راسها ووهي تفكر كيف تدبر المبلغ واستغرقت بالنوم وهي ماهي حااااسه بروحها
=============***============
يوم الخميس المغرب
ابو نواف سوى عزيمه عائليه واكتفى فيها بالعائله وما نسى ابو وليد شريكه في السوق واسامه جته الفرصه انه يتعرف على رحمه من قرب واستغل العزيمه وطلب من بنات اخوه يعزمن
جاراتهم الشماليات
دلال ..و.تنادي على الشغالة بصوت عالي ..."ريتا ...ريتوووه "
سمع صريخها اسامه وتنحنح ...ودخل
اسامه باستغراب... "وش فيك صوتك واصل الشارع "
دلال وتجلس على الكنب.... "نفسي اعرف وش لك بالشماليات هذي عزيمه عائليه
ومافيها احد غريب "
اسامه .."احمدي ربك الي مسوي لك سالفه ...واقول خليني اعرفهن على جارتهم على الاقل نبسطن ويتانسن"..
داليا وتنزل من الدرج ..."ياليت تكووون نيتك صافيه وبس هذا الي وراك "
اسامه وقلب الموضوع ..."هلا بالعروسه ...هااااه انادي لك سعود يشوفك النظره الشرعيه "
داليا ووجه احمر وقلبها صار يدق بقوه من يوم ماسمعت اسم سعود ...وسكت ولا ردت من الخجل
اسامه ويمسح على راسها ...والله كبرتي وصرتي عروسه مثل القمر
دلال ...بغيره ... "ياسلام عاااد من زينها جمالها تقليدي طالع الجمال الاصلي الي عندي
اسامه وضحك بصوت عالي ...."لا انا اذا ابي ازوج ابي جمال تقليدي مثل داليا واحلى بعد"
دلال ..."نشوف اليوم الشماليات يمكن فيه وحده حلوه منهم وحاط عينك عليها "
اسامه وبسرعه تغيرت ملامحه وتذكر رحمة وعبس وجهه وطلع من دون مايتكلم
=============***============
في غرفة حنين قالبه الدنيا فوق تحت وهي محتاسه ومابقت شيء بدولابها ماطلعته ولبسته وجربته
حنين وماسكه كم بدله بيدها ..." رحمه قولي لي وش البس هذا ولاهذا "
رحمه..." يابنت البسي الي يعجبك وخلصينا ناديه فضحتنا "
حنين ... "طيب شعري افكه ولا ارفعه ولا وش اسوي فيه "
رحمة وتزفر..."فففففف الله يطولك ياروح والله انك فاضيه " ...ومشت عنها
حنين وتنادي عليها ..." رحمة الله يسعدك اخر طلب "
رحمه وتلتفت لها ..."هاااه وش عندك "
حنين ..."روحي معاااي والله اخاف اطفش واندم اني رحت "
رحمه "لا فكيني ماني ناقصة تحقيقات فيدراليه...وش فيك متلثمه ...وش الي حرقك ... وين اهلك ومن الكلام الي ماله داعي "
حنين ببروده ..."عاااادي هم ما يعرفوك وماله داعي تلثمي"
طالعت فيها رحمة بعصبيه ...ومشت عنها وهي لو بكيفها قطعتها قطع صغيره على غباءها
=============***============
دخلت حنين مع ناديه وعيونها تسرق النظر يمين وشمال وهي تشوف
فخامة المكان وروعته.......سلمت على الحريم وجلست بهدوء
ام نواف وترحب بناديه ..."حياالله مين جانا زارتنا البركه "
ناديه ..." الله يحيك ويبقيك"
ام نواف "وينك ماتنشافين ...والدنيا شاغلتك عن جيرانك "
ناديه ... "تعرفي الظروف الي مرينا فيها تشغل الواحد عن جيرانه "
ام سعود وطالع في حنين وتبتسم ..."وشخبارك يابنتي "
حنين بخجل ..."بخير الله يسلمك ياخاله "
طالعت حنين في البنات وابتسمت لهن ...والبنات بدورهن بادلنها ابتسامه مجامله
رغد وبتسامه جانبيه ..."انارغد وتأشر على البنات وهذيك دلال والي جنبها داليا خطيبة اخوي سعود "
حنين بتسامه فرح ... "وانا حنين "
دلال ..وطالع فيها من فوق وتحت ..."تشرفنا يا حنين "
انقهرت حنين من نظرتها ولا ردت عليها ...
داليا بحيره ... "انتي جايه بروحك الرياض "
حنين ... "لا جت معاي جدتي ورحمة ..."
رغد .".طيب لييييه رحمة ماجت معاك ..."
ناديه وتسابقها بالكلام ... "والله ودها تجي بس مستحيه تقول صعبه اجيهم وانا متلثمة"
ام سعود "وليييه الثمه مافي الرجال يدخلوا "
ناديه ... "هي ماهي قصة رجال ...البنيه وجها انحرق وهي صغيره ومستحيه من شكلها "
حنين وتنفرزت من ناديه وطلعت زفره طويله..ففففففففف وهي تقول وش يسكتها هذي
انتبهت حنين لبنات وهن يطالعن فيها ويكلمن بعض بصوت واطي ويضحكن
شكت بنفسها وقامت تحسس شكلها وتفقد لبسها ..وعرفت انهن ماعندهن سالفه وطنشتهن
وصارت تسمع لسوالف الحريم
ام نواف ..."هااااه يام وليد وشلون وليد وان شاء الله جاء معاكم"
ام وليد ..."بخير وعافيه.. وبالعافية ابووه غصبه وجاء معانا ...تعرفيه مايستغني عن تركي "
ام سعود ..."ليكوووون اخوا البنت الي شفناها عندكم"
ام وليد ...."ايه هذي اخته ماله غيرها ومن يوم هم صغار ما يفارقوا بعض"
ام نواف بشك .." يمكن حاط عينه على اخته "
البنات من يوم سمعوا ان وليد حاط عينه على احد سكتوا وفتحن عينهم على الأخر ويحاولو يستوعبوا السالفه زين"
ام وليد بثقه .."لا هو يعتبرها مثل اخته ومايفكر فيها"
دخلت ساره وامها وسلمت على الحريم ...وبسرعه قاموا البنات من الفرحه فيها وتركوا حنين
بروحها ولا اعطوها وجهه
طالعت حنين فيهم وش ساره هذي كل هذا حب ..العتب ماهو عليكم العتب على الي يجيكم ومسوي لكم سالفه"
وبقت جالسه في مكانها وحست بالملل وصارت تتثاوب بين فتره وفترة
دخلت ريم بتسامه وزعتها على الحضور وسلمت على حنين وجلست جنبها ..."مين رحمه "
حنين ... "لا انا حنين ورحمة ماجات "
ريم .."هلا فيك تشرفنا ...معاك ريم "
حنين ..باستغراب ..." غريبة انتي من يوم ماجيتي ماسلمتي على احد ...من اهل البيت
ريم بضحكه ..." لا جيت من بدري بس كنت عندا خوالي ...بصراحه مااجي هنا الا لهم
وطفشوا مني وطردوني وهانا جيت عندك "
حنين ..." والبنات ليش ماتجلسي معاهم بصراحه على طول ينحبن" وضغطت على الحرف الاخير "
ريم ..." فكينا منهم شايفات نفسهم مدري على ايش .."
حنين ضحكة بنفسها ..." والله بهذي صدقتي" ...
فرحت حنين انها تعرفت على وحده مثل اخلاق ريم وزادت فرحتها يوم عرفة انها بنفس الفرقه
معاها وريم بدورها استانست عليها وعلى عفويتها وقامت تحكي لها تاريخ العائله والجذور
والاصوال وحتى الجيران ماسلموا منها ...
=============***============
دخلن الغرفة وسكرن الباب وراهن وقفلن الانوار وفتحن الشباك وصارن يطالعن برا على الرجال
سارة ..."طالعي شوفي وليد كيف كاشخ ومحلو اليوم ...ياعمري عليه "
دلال بغيره ..."وش لك بوليد طالعي فيه ..قلت رجال يعني"
رغد .."بدات الغيره عاااد من زينه شايف نفسه على ايش...طالعن الجمال الي هناك وتشرا على نواف"
دلال بتفكير ..." نفسي اشوف اخت تركي هذا الي وليد مايفارقهم "
ساره بصدمه ..."ليييه عسى وليد حاط عينه عليها "
دلال ..." لا امه تقول انه يعتبرها مثل اخته ومايفكر فيها ..."
ساره ..."يعني فضول ولا غيره"
دلال .."افهميها مثل متفهميها "...
داليا وتاشر على سعود "ياعمري يا سعود طالع ياخذ العقل ....وغمضت عيونها وابتسمت في
فرح ...ياااه ياسعود متى يجي اليوم الي نكووون في بيت واحد وتكتمل فرحتنا
رغد بضحك ..."يااااه البنت راحت فيها وتضربها على كتفها ....خفي على الرجال وخلك ويانا "
سمعن صوت دق بقوة على الباب ورهف تنادي عليهن وتتوعد لهن
رهف .." رغد الله يخليك افتحي الباب لي انتي وعديني..."
داليا وجاء اليوم الي تنتقم منه ..." بسرعه اذلفي ولكانت غرفة رغد تكلمي .."
رهف وتكلمهم من وراء الباب وهي تتوعدا لهن بعد ماياست منهن
..."طيب يا قليلات الأدب يا باردات الوجهة انا عارفه انكن
تتفرجن مع الشباك على الرجال.. صدق انكن ما تستحون والله لعلم عليكم سعود"
رغد بخوف .... "افتحوا لها الباب ...البنت والله غير تفضحنا عند الحريم "
داليا بحقد ..."لا والله لو تموت علشان أي كلمه طقها باذن سعود "
وسكرن الشباك وشغلوا الأنوار وجلسوا مع بعض ويستمتعن بصريخ رهف وذلها
بعد اسبوع من الاحداث
ريم وحنين زادت العلاقه بين بعض خاصة انهم بنفس الفرقه وصاروا ما يستغنن عن بعض
سعود وداليا اتفقوا ان يكون يوم ملكتهم اخر الشهر
رحمه حاولت تتكيف مع الي حولها بس طبيعتها ماقدرت وصارت ما تختلط باحد الا لضرورة
عادل بدا يظهر انتقامه على ارض الواقع من تركي ونواف ...
=============***============
واقفه في المطبخ ساعه بين تغسيل الصحون وتنشيفها دخلت عليها حنين بهدوء ومسكتها مع يدها
رحمه وتحط يدها على صدرها ..."بسم الله الرحمن الرحيم وش فيك
حنين وتخفض صوته ..."اص تعالي بدون صوت "
مشت حنين ومعاها رحمه بهدوء ..
حنين شوفي وتاشر على جدتها ..طالعت رحمة في جدتها وشافتها منسدحه على ظهرها وحاطه
رجل على رجل وتابع التليفزوين ..وباين عليها انها متاثره
ضحكة رحمه بصوت عالي وانتبهة لها ام راشد ...."يمه وش جالسه تسوي"
ام راشد .."شوفة عينك قاعده اتابع التلفزيون "
حنين وطالع بعيون جدتها .... "جده ليه عيونك حمرا كنتي تصيحي "
ام راشد وتفرك بعينها ... "لا مااصيح...وبعدين سكت
و مسحت دمعتها بشيلتها ... "حزنت على البنت الي مات زوجها وهي ماتهنت في شبابها توقعت بس انا الي ابو راشد تركني في عز شبابي"
رحمه وتكتم ضحكتها ..."يمه الله يهديك انتي مصدقه هالخربيط كلها كذب بكذب "
ام راشد ... "لاوالله يابنتي شفته بعيني يوم مااات ياحسرتي عليه ذكرني في ابو راشد "
رحمه ... "يا يمه في كل مسلسله تشوفيه لا تخافي عليه وهذا الي نزلتي دموعك عليها تلقيها في مسلسله ثانيه متزوجه غيره "
حنين بمزح وخوف.. "هاااااه جدوه جدي ترك في عز شبابك "
ام راشد وتاخذا العصا : "ايييييه ليه شايفتني عندك عجوز ويالللا اذلفي نامي بكره وراك دوام
ولا والله العصا ماتسلم منك"
ضحكة حنين ودخلت غرفتها ورمت نفسها على السرير وهي ميته ضحك ولحقتها رحمة
حنين ... "رحمه بالله خلينا نشيل التليفزيون عن جدتي والله غير يخربها اربعه وعشرين ساعه ماتفارقه"
رحمه ...اسكتي ولا اخاف تسمعنا وبعدين ضحكه بصوت عالي ..."الله يهديه امي تقول ابوي تركها وهي بعز شبابها "
حنين ... "جدتي مصدقه روحه انها شباب ..."
رحمه ورمت نفسها على سريرها ..."تصدقي توقعت ان نفسيتي راح تتعب في الرياض بس الحمدالله طلعت تمااام "
حنين بتردد..."ايه كل الفضل يرجع بعد الله سبحانه لي وابتسمت بخوف وكمان جارنا الدكتور"
رحمه بشك ..."مين تقصدي .."
حنين ..."مااقصد احد "..واخذت جوالها وصارت تلعب فيه ورفعت عيونها لرحمه
"تصدقي تقول ريم ان اسامه خالها من الرضاعه وان جدها الله يرحمه اخذه من دار الايتام وهو له شهرين ورضع مع خالد وتربى معاها "
رحمه وتغيرت ملامح وجها ..." يعني يتيم الأبوين"
حنين ...." ايه بس شوفيه كيف صار ماشاء الله اليتم ما اثر عليه بالعكس انتفع منه ونفع مجتمعه"
رحمه .."الحمد الله ان يتمه مااثر على حياته وياليت يكون اسامه قدوه لجميع الايتام "
قامت حنين وجلست جنبها وابتسمت .."حتى انتي قدوه لك "
طالعت فيها رحمه بنظرة احتقار وغطت راسها ونامت وهي تحمدا ربه وتشكره
على نعمة العقل
=============***============
سكرت السماعه ... وجلست وحطت يدها تحت خدها .. وهي تنهد وتدعي ربها انه يفرجها عليه
ام ريان: "وش بلاك ياريم ..."
ريم :..."مافيني شيء "..وتقوم ..."اذا جاء اسامه ناديني"
اسامه وهو داخل .."السلام عليكم ورحمه الله وبركاته "
ريم وتبوس اسامه على جبهته ..."هلا اسامه وينك ماتنشاف ولا صاير ماتجي غير بعزيمة "
اسامه ويجلس .."الي يبغاني يجيني ...ويللا قولي وش عندك داقه علي "
ريم وتنهد وتغمض عيونها ..."بنت ام محمد انخطبت"
اسامه ويفتح عينه على الاخر ...ويضرب جبهته ..."يوووه وانا كنت حاط املي فيها "
ريم ..."عااااد والله تعبت مدري مين اخطب الحين له "
اسامه ..."حاولي البنات ما خلصن وماكثر الله غير من بنات الرياض "
ريم بملل ..."من وين عاد ادور ...تعبت والله "
اسامه بضيق..." انا طالع وأبي اسمع خلال اسبوع انك لقيتي لخالد عروسه فاهمه "
ريم ..."طيب انا رايحه معاك ابي اروح عند حنين اكمل محاظراتي
ومنها افضفض عن قلبي شوي"
اسامه ويطالع فيها ..وماعرف وش يقول وتردد ..."طيب رحمه وش أخبارها "
ريم بروده .. "مااعرفها جيتهم مره وحده واحس انها طبعها غريب"
اسامه باستغراب .."يعني كيف "
ريم ......"مثلا اللثمه مستحيل تفكها عن وجها .. وكمان انطوائيه وكلامها بالقطاره "
اسامه وتنهد ..."الله يكون بعونها "
ريم .."وش رايك نخطب رحمه لخالد يمكن توافق خاصة وانت عارف بحالها "
اسامه بصدمه .."لا حرام عليك طبع خالد مايناسب رحمة وهي أطباعها غريبة " ...
ريم "عاااد وش اسوي تعبت والله ....حتى حنين طفشت مني من كثر مااعيد عليها هالموال "
اسامه ... "صح وش رايك بحنين "
ريم ..."ليييه وش بلاها "
اسامه .. "ما بلاها شيء ..بس احسها هي الوحيده الي تصلح لخالد..."
ريم وأخيرا لقتها ..."والله بهذي صدقت ...وحتى لقافتها تليق عليه "
وركضت من الفرحه وسبقت اسامه على السياره
=============***============
جالس في السياره له ساعه وهو ينتظرها شافها طالعه تكب الزباله " والجميع بكرامه "
وبسرعه نزل من السياره ولحقها قبل ماتدخل البيت ومسكها من يدها بقوة وهو يلتفت يمين
وشمال من الخوف ونبضااات قلبه دق بسرعه
وبصوت متقطع ..." تعالي وخلينا نتفاهم "
وسحبها بقوه معاه السيارة
جالس في السياره له ساعه وهو ينتظرها شافها طالعه تكب الزباله " والجميع بكرامه
وبسرعه نزل من السياره ولحقها قبل ماتدخل البيت ومسكها من يدها بقوة وهو
يلتفت يمين وشمال من الخوف ونبضااات قلبه دق بسرعه
وبصوت متقطع ..." تعالي وخلينا نتفق مع بعض "
وسحبها بقوه معاها لسيارة
ميري وتصرخ ..."ايش فيه بابا انا مافيه سوي مشكله "
عادل ... "اص قصري صوتك ...انا ماابي اسوي مشكله انا ابي اتفق انا وانتي "
ميري بخوف ... "لا مافيه اتفاق"
عادل ويطلع الفلوس من جيبه ويهزها بيده ..."سمعي الكلام وطاوعيني ومالفي احد معلوم "
ميري وتبلع ريقها وعينها على الفلوس .."خلاص بابا وش فيه كلام "
=============***============
جلست ريم في الصاله مع حنين وام راشد ورحمة وهي ماهي عارفه كيف تاخذ
حنين بغرفتها وتجلس معاها براحتها وتبدا معاها الموضوع
ام راشد ... وشلون اسامه يابنتي ...وينه ماينشاف
ريم ... بخير الله يسلمك ياخاله وتعرفي الدكتور ماعنده وقت فاضي
حنين ...ايه بس عنده وقت لهذرتك الزايده وطالع فيها بنص عين .."ليكون خالك طلع فضيحنا كلها "
ريم وطالع في رحمة .."بالعكس خالي ماغير يمدح فيكم ....وابتسمت .. وخصوصا رحمه "
حنين التفت على رحمه وشافتها ماحركة ساكن ولا كن الكلام يعنيها
ام راشد .. "الله يخليه لكم" ... وتمدا العكاز قدامه وتقوم... "أخليكم تأخذوا راحتكم "
ريم وماصدقت على الله ."..اجلسي ياخاله راحتنا بشوفتك "
حنين وتقرص فيها ... "اص خليها تروح ابي اثرثر على راحتي "
رحمه وابتسمت غصب عنها "بس انا موجوده وماني قايمه ولا ايش رايك يا ريم "
ريم بادب .."عادي الجلسه ماتحلى الا فيك "
حنين وتحط رجل على رجل ...." رحمه قومي سوي لي كوب عصير وياليت لو
تسوي شيء معاه احس نفسي جوعانه "
رحمه وتقوم ..."عارفه تصريفه انا رايحه بس احلمي اسوي لك شيء "
ريم وعينها على رحمة وهي رايحة ..مدري وش عاجبك في هالمخلوقه
حنين بقهر..." تصدقي اغلى منك يالدبه "
ريم .."طيب ياحنين وتقوليها بوجهي عااااد تعالي و اطلبي تكملي محاضراتك من عندي ...وقتها تحلمي وخلي هالمعقده تنفعك "
حنين بزعل ..." ريم لو سمحتي كل شيء ولا رحمة ..سبيني وغلطي علي ام رحمة ماارضى عليها بشيء "
ريم بندم ..." اسفه حنين ماكنت انها غاليه عندك لهدرجه ...وبعدين سكتت طيب هي
ليييه طبعها كذا ماهو لهدرجه هالحروق تاثر فيها "
حنين وتنهدت ..."كل انسان له مكنون ورحمة الله العالم بمكنونها "
تذكرت ريم الموضوع وطالعت بحنين وارتبكة وصارت تفرك باصابعها وماهي
عارفه كيف تكلمها بدون اراده .." حنين وش رايك بخالد"
حنين بضحك : "راي فيه مواطن سعودي مامنه فايده "
ريم برتباك وعصبيه "...انا ماني جالسه امزح معاك انا اسالك بصراحه "
حنين بحيره .. "وش يفيدك راي فيه "
ريم ودقات قلبها متسارعه ..."الي اقصده لو تقدم لك راح توافقي عليه "
حنين بصدمه وجها بدا يصب عرق...هاااااه ...ايش تقولي ..
ريم وتجلس جنبها ...اسمعي حنين اسمعي انا ماخطبتك لخالد الا اني واثق فيك انك
اول ماتهتني بقلب الانسان وان المظاهر ماتعني لك شيء وخالد يبي وحده طلعه من الي فيه وترسم له حياته بيدها
حنين .."بس خالد" ...
ريم بشجاعه "انا عارف ودك تقولي اعمى بس العمى ماهو نهاية العالم صح انه
انحرم من عيونه بس مانحرم من قلبه ولو قدرتي تدخلي قلبه مستحيل يفرط فيك
وراح تكوني ملكة قلبه وقتها
حنين بعد ماهدت واستوعبت .."استخير وارد عليك "
ريم .." خلاص راح اترك يومين تفكري فيها ويللا انا طالعه سلميني على رحمة "
طلعت ريم ووغمضت حنين عيونها واسندت راسها على الكنب وغاصت في احلامها
=============***============
جالس في مكتبه وهو سرحان نزل راسه على المكتب وغمض عيونه حس نفسه
يتنفس بصعوبة رفع راسه ودارت عيونه على الموظفين ورجع نزل راسه سمع
صوت وبسرعه رفع راسه
وليد ويضرب على المكتب بخفيف ..." تركي ..تركي ..صح النوم .."
تركي ويرفع راسه ..." هلا وليد توك على بالي "
وليد ..." تركي ايش فيك من الصباح وانت مانت على بعضك "
تركي .." مدري احس نفسي تعبان والدنيا ضايقه علي "
وليد .. "بسم الله عليك اترك عنك الدلع ومااني أبوي تضحك عليها
تركي وتنهد .. "وليد والله تعبان وماانت حاس في .."
وليد وبدا الخوف يتسرب لقلبه ..." طيب خليني اوديك المستشفى ..نسوي لك
التحاليل يمكن معاك فقر دم او..وضحك اكيد هذي اريام ماتطبخ لك اعرفها عنيده
وماتسمع الكلام على طول
تركي ببتسامه جانبيه .." ايييه اريام ...بس ماني خايف على نفسي منها خايف عليها
من هالدنيا اريام تغيرت من بعد مامات لميس وماعاد صارت اريام القويه احسها
يوم عن يوم تذبل وخايف عليها من هالدنيا
وليد ويجلس على الكرسي .." ماهو بس اريام الي تعذبت من يوم موت لميس كنا
كان فراقها ماهو سهل علينا ..والله يرحمها
تركي وتنهدت وهز راسه ..." خايف يصير في شيء وقتها اريام مين لها في هالدنيا
وليد وحب يغير من مزاجه ..." ماعليك تموت وترتاح منها وقتها بطيح عله على قلبي
تركي ابتسم برغم ضيقه .." عااااد مااوصيك عليها ترا الحب الي براسها مانطحن
الى الحين ونشوف تقدر تطحنه ولا
وليد ...لا ياربي يحفظك وتفكني منها اعرفها مااحد يصبر عليها غير اخوها
تركي ..طيب لو سمحت ياالاخ تراك تتكلم عن اختي المصونه ويللا اطلع ورينا عرض اكتافك
وليد ويقوم ..." المال مال ابونا والغرب يطردونا ...والله سويتها ياتركي
وقام سحبه من ثوبه وطلع هو ويااااه يتمشون
=============***============
جالسه بروحها بغرفتها وهي بشبه دوامه وحاسه راسها بينفجر ...حطت يديها على
راسها وكانها توقف الدوامه الي فيها اكلت اظافرها من كثر ماهي متوتره ومتردده ...
دخلت عليها رحمه وانقذتها من دوامتها
رحمة بخوف ...حنين وش بلاك من يوم ماروحت ريم وانتي مش على بعضك
حنين بارتباك مافيني شيء .. وصارت تفرك باصابعها بقوة
رحمة وصوتها بدا يرتفع .."حنين احنا اخوات ومن متى بينا اسرار "
حنين وهزها صوت رحمه وبدون وعي خبرتها بالموضوع
رحمة بعصبيه ..."وان شاء الله ناويه توافقي "
حنين وطالع برحمه ..."ليه عندك اعتراض "
رحمه وتقوم من مكانها ..."حنين انتي صاحيه كيف تبي تاخذي واحد اعمى ..
كيف تبني حياتك مع واحد مثل خالد "
حنين ..لو سمحتي قصري صوتك ولا احد يسمعك "
رحمة وترجع وتجلس مكانها ..."حنين الله يخليك فكري بعقلك ولا تضيعي عمرك"
حنين وتسند راسها على الجدار ..."لو فكرت بقلبي كان ماوفقت انا افكر بعقلي وبدا
صوتها يختنق من الصياح ...قول لي مين يبي ياخذا وحد مثلي انا عارفه ان الرجال
اول مايفكروا بالجمال يهتموا بالشكل الخارجي يهتمون بالمظاهر وانا هالشيء
محرومه منه وكيف تيني ابني حياتي على شيء مااملكه يكفي اختي الصغيره
انخطبت قبلي وانا عمر مااحد فكر في وخطبني ...
رحمت بترجي ..."حنين انتي حلوة ...والله حلوه ولا تضني ان الرجال كلهم مثل فايز في رجال الجمال اخر مايهتمون فيه صدقيني "
حنين ..."اييييه فيه بس في الزمن هذا لا مااظن "
رحمة وبدات تعصب ..."انتي صاحيه ...كيف تبي الناس تثق بجمالك وانتي اول
مادفنتيه بنفسك انتي اول مااهملتيه وحطمتيه بنفسك احمدي ربك ان شكلك مقبول
حنين وتحط يدها على فمها ..."خلاص رحمة ان اتخذت قراري ومستحيل اتراجع
فيه وخليني اعيش حياتي ...يمكن خالد يقدر يعطيني الحب والحنان الي انحرمت منه
وصدقيني لو اعطانيها لعطيه عمري كله واكون له عيونه الي انحرم منها
طالعت فيها رحمه وهي مصدومه من قرارها وماقدرت تستحمل وقامت عنها
=============***============
في المدرسة وبوقت الفسحة
جالسه بروحها وهي طالع في البنات تاملت ضحكاتهم واشكالهم وكل شوي طالع
بمريولها وتشوف الفرق بينها وبين البنات غمضت عيونها بحزن وهي تتحسر على
حالها كتمت تنهيده بداخله ولا تبي احد يحس بحالها طالعت في الخبز الي تفطر عليه
وانسدت نفسها عن اكله وأخذته ولفته ودخلته جيب مريولها نزلت عينها بالارض
وبدت تتامل النمل وهو يسعى لجمع فتاتات الخبزويكافح لجمع الاكل
وبنت احلامها مع النمل وسعة مع همتهم صحت على صوت صديتها
فرح وتهز راسها ..."هلا نوره"
نوره "وين سرحانه ...اكيد في الخرابه "
فرح بضيق ..."مايخصك "
نوره وطلع من جيبها مائة ريال .."خذي واعطيها اخوك ...واسمعي كلامي وسيري بطريقي "
فرح بخوف .. "لامستحيل اضيع مستقبلي "
نوره .."اي مستقبل دوريه احمدي ربك انك عايشه في هالدنيا "
فرح بتردد ... "وامي لو عرفت وش راح اقول لها "
نوره "وامك وش يخبرها وعلى الاقل تفرحي امك وتسدي حلق ابو فلاح "
فرح وتنفض راسها .."لا ..لا .. مستحيل واخون ثقة امي في "
نوره وتحط عينها بعينها .."اجل مين يرحمكم لو انرميتي في الشارع "
سكت فرح وغمضة عيونها وبقت دمعتها محبوسه بطرف عينها
"انا موافقه "..قالتها بعد طول تردد
نوره وعلامة الانتصار بانت عليها ..."خلاص ان اتفق لك مع ام وحيد وابشري بالغنى بعد اليوم"
ضحكت فرح بنفسها وقالت تقصدي "ابشري بالعار بعد اليوم "
=============***============
ريتا وماسكه دانه وتلعبها وترسم لها رسومات بكراستها كلها تتعلق بدينها ومشاعرهم وطقوسهم
ريتا .."ها دانه من ربك "
ابتسمت دانه براءه واشرت بصابعها ثلاث
ريتا وتاخذها وتجلسها بخضنها ..."طيب مين هم "
دانه وتعد على أصابعها .."الاب ..الابن ... وروح القدس .."
ضحكة ريتا بنتصار وأخذتها ودارت فيها الغرفه من الفرحه
ميري وتنزل الشنطه وترتب ملابسها .."والله انا فيه شوق لفارس "
ريتا ... "خلاص لازم فيه سفر بكره "
ميري .."ايه اخاف فيه اعرف مين سرق صور البنات "
ريتا ... "كل الصور انتي فيه اعطي صديق "
ميري... "لا ماما دلال مافيه صور بس ماما داليا" ...وضحكة "بعدين انا مافيه
صديق عادل انا صديق الفلوس "وطلتعها من جيبها وصارت تعد فيها
=============***============
في غرفة خالد
فيصل جالس على طرف السرير واسامه جالس على الكرسي الهزاز
وخالد منسدح على السرير وحاط يديه وراى راسه
اسامه .."يللا ياخالد كلها كم يوم وتشوفك نفس علينا "
خالد بلا مباله .." هذا اذا وافقت هالحنين "
فيصل بمزح..." ريم الخطابه ليه مادورت لي عروس "
اسامه .." حدك عن الغلط كلش ولا ريم "
خالد ..." اييييه فيصلوووه خذ راحتك في البقيه بس ريم لا تراها الرداد لاسامه "
اسامه وفهم قصده ..." وش قصدك ياخالد "
خالد ويعدل جلسته ويغير الموضوع .."صح فيصل انت ليه ماتاخذ ريم وتريحها من المشاوير"
فيصل ..."ايه علشان بس اطقها بكلمه تقوموا علي انت واسامه .لا فكوني ابي بعيده على الاقل اسلم منكم "
خالد ..."ليييه انت ناوي تفخ المدام انت "
فيصل استحى وسكت واسامه انطلق عليه الضحك
=============***============
بعد اسبوع من الاحداث
حنين بلغت ريم بموافقتها على خالد اجتمعوا العائلة كلهم وراحوا خطبوها لخالد
ابو ماجد ماكان عنده مانع وبسرعه وافق ام ماجد رفضت ان بنتها تاخذا واحد اعمى
ومارضت تحضر ملكتها من زعلها على بنتها ...ماجد كان له موقف سلمي واحترم
رغبتها وجاء من الشمال ورنيم حضرت مع اخوها
رحمة من ذاك اليوم وهي ماتكلم حنين الا لضروره وكرهت غباءها واشفقة على حالها
في يوم الملكة عند خالد واسامه
اسامه وهو يعدل شماغ خالد... "هاااه خالد مستعدا"
خالد وهو يخفي ارتباكه .."ايييه شايفني داخل حرب"
اسامه ...ايييه حرب عواطف ... "ونشوف من يفوز في الاخير "
خالد... "انا نفسي افهم هي وين عقلها يوم وافقة على واحد اعمى "
اسامه ..."عقلها براسها بس انت الي وين عقلك "
خالد "يالله يارب عسى الملكه تخرب من اولها"
اسامه وعصب من خالد ..." احمد ربك انها رضت فيك ولا هي وش ناقصها تاخذ واحد مثلك "
خالد وكلام اسامه كان مثل الطعنات بقلبه ...ايه وش ناقصه تاخذ مثلي وجلس
ورحه ماني رايح وخلي الملكه تخرب من عندي
اسامه وندم على كلمته ...." اسف خالد بس ايش اسوي فيك ... انت المفروض تكون
واثق من نفسك ولا تنظر احد يزرع الثقه فيك "
ريم وعيونها بدت تدمع وخافت طيح من عين حنين ...خالد الله يوفقك روح عشان
خاطري وحنين والله مارضت فيم الا وهي واثقه بختيارها"
خالد انا رايح بس من الحين ياريم عشر دقايق ونروح اتفقنا "
ريم وتمسح دمعتها ...اتفقنا وابتسمت واخذت بيده وطلعت
=============***============
كان جالس معاها وهو يشد على عصاه بقوه من التوتر وحاس نفسه مخنوق
وماهو عارف وش يتكلم وكيف يتجرا معاها
خالد برتباك واضح ..."مبروك ياحنين "
حنين وبصوت مخملي ناعم .."الله يبارك فيك "
سكت خالد وبقى فتره طويله وهو ساكت ومحتار وش يقول وحس ان الوقت يمشي
بطى ضغط على نفسه بقوة واخذ العلبه بهدواء وطلع الدبله ومسك يدها ولبسها الدبله
وكان حمل وانزاح من عليه
حنين وطالع في الدبله "مشكور خالد"
خالد ابتسم رغم ارتباكه .."طيب ماتبي تلبسيني كمان"
ضحكة حنين بعفويه ..."لا لبس حالك مالي شغل فيك "
خالد بشجاعه ..."طلعتي غشاشه من اولها "
حنين بخجل ..."هذي اولها والله يعينك على تاليها "
خالد وبصوت هادي ... "والي قول ماراح يلبسها غير يوم تلبسيه "
حنين بجراءه ..."عيب رجال ها كبرك ماتعرف تلبس بروحك "
خالد ضحك بصوت عالي حتى الي بصاله انتبهوا له
ريم وهي داخله ...وتكلمه بصوت واطي ..."وش بلاك فضحتنا "
خالد واستحى من ضحكته ..."بس صديقتك طلعت غشاشه وماهي راضيه تلبسني الدبلة "
ريم وحبت تحرج حنين ... "لبسي زوجك الدبله ولا تسوي نفسك عاقله وانتي اكبر رجه في العالم
حنين واستحت من ريم وتتوعد بداخلها لها واخذت الدبله ويدها صارت ترتجف من
الخوف وهي تلبسه ياها مسك يدها خالد وضغط عليها وكانه يبي يوصلها رساله
شكرا على الفرحه الي دخلتها قلبه سحبت يدها بهدواء وجها تلون من الفشيله
ريم ...ها خالد نروح وترا المعازيم يبو يسلموا على العروس
خالد ..خلاص انا طالع ها حنين تامري شيء
سكت حنين ولا ردت وريم مسكة يده وطلعت وهي توعد بداخلها غير تفضحه عند اسامه
=============***============
جالسة مع المعازيم وحاسه نفسها متوتره وصارت تهز رجلها وتحاول ماتظهر انزعاجها
دلال وتضربها بخفه ..." وش فيك جسمه كله ينتفض"
ساره بضيق ..." مافيني شيء" ..وصارت تهز رجولها بقوة وملاحظ
رغد ..." لتكوني غيرانه على خالد من حنين "
ساره وتضغط على اسنانها ..."لو ابي خالد كان اخذته من زمان وخلها تشبع فيه "
دلال .." طيب وش فيك معصبه وخلقك ضايق "
ساره .." انا ابي افهم انتم كيف رضيتوا تزوجوا خالد من حنين وبعدين ليييه ماخليتوا
الشبكة في بيتكم بدل هالبيت الي يفشل الواحد يوم يدخله "
دلال ..." اولا يحمد ربه خالد ان حنين رضت فيه ولا هي وش ناقصها تاخذا واحد
اعمى ثانيا.. كلنا مارضينا حتى حنين بذاتها مارضت ان الملكه تكون في بيتهم بس
وش نسوي برحمه تعطي اوامر والعائله هذي كلهم ينفذوا لها وكانهم عبيدا لها .."
ساره التفت وشافت حنين داخله عند الحريم والابتسامه مرسومه على وجها
وطالعت بيد حنين وشافت الدبله ورجعت وطالعت بيدها وحست بالغيره اكلت قلبها
وقامت تخرب عليها فرحتها
ساره ..." مبروك حنين "
حنين وتبتسم لها .." الله يبارك فيك "
ورنيم جت وضمة اختها وباركة لها وجلست بجنبها
داليا .." عااااد من الحين ماراح اقولك غير ياعمه شفتي كيف ادلعك "
حنين بخجل ..." لا عااااد لتكبريني .."
ساره وحبت تغيضها ..." لييييه حنين رايحه الكوفيره خالد ماراح يشوفك تعبتي روحك على الفاضي
رحمة من بعيد ..." ليييه ونفسها مالها حق تفرح "
سارة وانخرست ورجعت جلست عند البنات
ريم وتضحك وتاشر لرحمه بيدها دليل انها اعجبتها
=============***============
طلع من المسجد وهو يستغفر ربه ويسبح شاف عادل طالع قبله
تركي ويسلم ...."شخبارك عادل "
عادل الي كان مظهر على نفسه الصلاح ....."الحمد الله ربي مايضيع حدا "
تركي ..."هاااه عادل لقيت لك وضيفه"
عادل ويتحسر .."من وين ياحسره وانت شايف الحال"
تركي بندم على الي سواه ..."ياليت لو اقدر اساعدك كان ساعدتك "
عادل ..انا عارف الي بيدك وانك ماتقصر ... وسكت فتره بس لحظه انا بكره مسافر
وياليت لو تقدر تاخذ ملفاتي وتعطيهن واحد من معارفي "
تركي ..."بس انا مااعرفه ولا اعرف بيته"
عادل ...خلاص تركي كنت عارف من الاول انك ماعندك وقت لي ومشكور ماتقصر
تركي .."لاماهو هذا قصدي بس" ... وسكت ..."خلاص ابشرا هات ملفك ومايصير خاطرك الا طيب"
عادل وبابتسامه ..."خلاص بكره امرك في البيت واعطيك الملف بس لازم تروح له
في وقت متاخر و مايكون فاضي غير اخر الليل "
تركي بتردد ..."بس ماهي صعبه اروح له في اخر الليل وش يقول عني "
عادل "لاتخاف ...هو الي اعطاني هالموعد ...ويللا شكلي عطلتك انا رايح ومشكور ياتركي"
=============***============
رمى نفسه على السرير بعد ما تسبح وابتسم ابتسامه طلعت من قلبه
سحب الدبله من يده وخللها باصابعه كلها قام وفتح الشباك واتمنى انه مانحرم عيونه
بس عشان يمتعها بشوفتها ضحك على نفسه ...اهاااااه ياخالد في جلسة وحده نستك
كل احلامك وكل همومك نستك عيونك ونستك ساره حلم عمرك اجل لو تعيش
معاها العمر وش تسوي معها
سكر الشباك وجلس على السرير وهو متوتر حاس نفسه
نفسه مشتاق لها ولصوتها ...اخذا جواله وبصوت هامس نادي حنين ..بقى يردد
اسمها بداخله صحي على صوتها
خالد .."هلا حنين "
حنين بخجل .."اهلين خالد "
خالد وبعد طول تردد ...شخبارك حنين
حنين ..."تمام والحمد الله"
وبقى فترة صمت بينهم
خالد "مشتاق لك حنين "
حنين بعفويه ضحكة ..."دوبك امس عندي امداك "
خالد ونسى نفسه يوم سمع ضحكتها ..."لاتلومني والله احبك "
حنين من يوم سمعت هالكلمه هزتها من داخل وحركت فيها اشياء مااات من سنين فيها
احبك ..طول عمرها تمنت تسمعها
احبك .. اشتاقت اذانها لسماعها
احبك .. تردد صداها بقلبها
واخيرا سمعتها بس هالمره ماهو من نفس الشخص الي حلمت فيه ورسمت مستقبلها
عليه شخص ثاني قدر بقدر بلحظه ينسياها أحلامها ويبني معاها احلام جديده
ابتسمت حنين وبصوت خارج من روحها "وانا وش اقول للي ملكوني بلحظه غير...
وانتبهت لعمرها ولجرأتها وبسرعة قفلت الخط
ابتسم خالد وغمض عيونه ورمى نفسه على السرير والفرحة ماهي وسعته
وبسرعه جاء على باله شيء و لبس وتكشخ ورجع اتصل عليها
حنين ..."هلا خالد "
خالد وسوى نفسه عصب ..."انتي ماتستحي تقفلي الخط بوجهي "
حنين بخوف ... "ماااااكااااان قصدي "
خالد "اسمعي انا مااعرف اتفاهم على التلفون دقيقه وانا عندك فاهمه "
حنين وصوتها اختفى ..." والله ياخالد"
خالد ويقاطعها .." خلاص لاتبكبكين عندي وماقدر يستحمل نفسه وضحك بدون اراده"
حنين وعصبت .."طلعت تلعب على ياخلوده"
خالد .." خلود بعينك ويلا لاتخسريني انا جايك "
وسكر السماعة وطلع سمع صوت اسامه وريم سلم وطلع
اسامه وينادي .."على وين الاخ "
خالد بعجله .." مشوار قريب "
اسامه وفهم .."طيب اخاويك بمشوارك "
خالد.. "هذا الي ناقص بعد"
ريم وتمسك يدا خالد .."لا خالد وعدني اذا ملك على حنين كل يوم يوديني لها وطالع بخالد صح ياخالد "
خالد ويسحب يدها ..." ايه بس ماهو اليوم وقت ثاني" ...وكمل طريقه
اسامه .."ماسرع مالعبت بعقله البنت "
ريم ..." لا ماهو بعقله ..بقلبه ...ما يلام حنين بسرعه تنحب "
اسامه .. "العقبى لك نفرح فيك "
ريم بعدك ان شاء الله ...وطالع فيه ماتلاحظ شيء غريب
اسامه بحيره ..."وش فيه مااشوف شيء غريب "
ريم .."غريبه ماسالت عن رحمه "
اسامه بخوف ..".ليه صار لها شيء"
ريم "لا بس كل ماتشوفيني تسال عنها"
اسامه باستغراب ..."طيب فيها شيء "
ريم بقهر "ايييييه وش لك بس تسال عنها ...ومهتم فيها اذا عاجبتك تزوجها "
اسامه ويحط رجل على رجل ..."ايه وميت عليها عندك مانع "
ريم وبتوسل وتجلس على ركبها ..."خال الله يسعدك شيل رحمه من راسك والله ماتصلح لك "
اسامه ويمسك دقنها بيده ... ابي اسالك سؤال عمرك شفتيها بدون لثمه
ريم وتحاول تمسك غضبها .... لا ونفسي اشوفها
اسامه ويعدل جلسته ...ليه غيرانه علي منها
ريم ...اسمعني ياخال والله رحمة ماتصلح لك وبعدين ابي اقولك شيء عن رحمة
اسامه باستغراب وخوف ... "ولي وش فيها"
ريم وتبلع ريقها ... "رحمة ماطيق احد يجيب لها سيرة العرس مهما كان المتقدم"
اسامه وارتاح ورجع ظهره على الكنب ... "اعرف وماله داعي تعلميني "
ريم وعصبة .." بما انك عارف ليه حاطها براسك "
اسامه "مين قال اني حاطها براسي كنت العب عليك ههههه ههههه.."
ريم وتاخذ المخده وتضرب فيها ..."اسامه حسبي الله عليك ساعه وانا اترجي فيك
واخرتها تكذب علي "
اسامه وتنهد من قلبه ..."العب عليك صح بس رحمة داخله مزاجي ماادري "
ريم .."يمكن رحمه وشفقه عليها "
اسامه ... "يمكن ويمكن شيء ثاني"
ريم بتفكير .."تدري انا سالفة رحمه ما دخلت مزاجي احسها كذب بكذب معقوله
فيه وحده محروقه ويدينها صافيه ورجوالها حتى ملامح وجها الي مطلعتها نصها
مافيها شيء
اسامه .. "وش تقصدي "
ريم مدري احس ان رحمة وراءها شيء وتخفيه عنا
اسامه .. "لامااظن مافي بنت اهلها يكذبوا ويقلون ان وجها مشوه ويقطعوا نصيبها "
ريم ..." بس رحمه ماتبي هالنصيب وتلاقها لعبتها من راسها "
اسامه بعصبيه .. "اقول اطلعي برا ولا تلعبي براسي ...بنت اعطيناها وجهه زياده "
ريم .."يعني طرده يااسامه مالت عليك وعلى الي يسولف معاك "
وطلعت وشافت كتاب على الكنب واشرت لاسامه وطلعت
اسامه وينادي ..."رجعي الكتاب والله غير يفضحنا فيصل"
=============***============
في شقة عادل
عادل جالس يلعب بجواله ويفرك بخشمه بقوة ونواف يقلب في القنوات
نواف ويمص له مصه من دخانه .... عادل انت وش فيك من يوم ماجلست وانت
دوبك هالجوال والابتسامات توزعها بدون عقل
عادل .. اعذرني انا بعالم ثاني
نواف ..طيب دخلنا عالمك وبسطنا
عادل ...لا هذا عالمي لي بروحي وتشاركني فيه حبيبتي
نواف ..افف وصارت لك حبيبه كمان وانا اخر من اعرف
عادل ...هذا انت عرفت وماله داعي تطفل على غيرك
نواف ... لتكون جالس تتامل صورتها
عادل ..ايه ..بس نفسي اعرف كيف رضت تعاشق واحد مثل تركي وهي بها لزين هذا كله
نواف ..ومين هذا تركي الي ماعنده سالفه
عادل تركي هذا الي ماعنده سالفه لاعب على بنت خير من البنات الي نلعب عليهم كلهم
ويرمي الجوال بحظنه طالع وش حلات البنت الي ضاحك عليها
نواف وياخذا الجوال ويضحك ويوم شاف الصوره طار عقله وبسرعه هجم على عادل
نواف ويمسك عادل بقوة ويحطه بزوايه ..قول من وين جبت الصوره
عادل بتسامه بداخله...هذي من عند تركي مافي رجال بالرياض غير ارسلها له
ويظهر البراءة..." ليه عجبتك البنت "
نواف ويغرز اظافره بقوه في جسم عادل ... "انت وش دخلك ...وتركي من وين له الصوره "
عادل ..قلت لك هذي متعرف عليها من شهر وكل ليله يروح عندها ويسكروها وهي ماهي بعقلها
نواف والشياطين تحوم حوله وباعلى صوت ...كذاب ويخنقه بقوة قول الحقيقه
عادل بخوف .."قلت لك هذي تعرف عليها مدري كيف بس اذا ماانت مصدقني شوفه بكره وين يسهر"
نواف بعد ماسمع السالفه اخذ الجوال وكسره على الجدار وبسرعه طلع
=============***============
كانت جالسه تقلب في القنوات وطفشت ورمت الريموت دخلت المطبخ وفتحت
الثلاجه وماشافت فيها شيء ..ضحكة بنفسها ..كعاده فاضيه ... دخل عليها تركي
وقطع سرحانها
تركي ... جوعانه صح
اريام .. اكيد من يوم شفتني افتش الثلاجه
تركي .. خلاص نطلع نتعشى برا
اريام .. لا مافيني روح اطلع جيب عشى معاك
تركي .. ياناس فيه وحده تنعزم على المطعم وترفض
اريام ...ايه انا ..عشان تعايرني فيها السنه كلها
تركي اجل على كلمتك سوي لي عشاء لي انا وليد ...و ضحك وليد مشتاق لطبخك
اريام ... هاااااهااا يحلم وليد اطبخ له وعندكم المطبخ سوالي تبونه
تركي ... اجل والله غير اخلي وليد يحوس المطبخ كله تعرفيه خكري ومايعرف شيء
اريام بروده ...عادي ينظفه الله لايهينه وبعدين خالتي ام وليد وصتني عليه
وانا لازم اخذ بوصيتها
تركي ... خلي ام وليد تنفعك ونادى باعلى صوت وليييييد ولييييد تعال المطبخ
وراحت اريام غرفتها وهي تضحك على اخوها وتشكر ربها ان الله عوضها بتركي
=============***============
دخل البيت وهو يصارخ باعلى صوت داليا ..داليا ..
ام نواف ...بسم الله منك وش هالصوت
نواف ..اقول وين داليا
ام نواف ...راحت السوق هي ودلال ورغد
نواف بنفاخ ...ومين قال لها تروح السوق
ام نواف انت وش بلاك ناسي ان ملكتها الخميس
نواف وسك على اسنانه والشر باين عليه ..وبسرعه راح لاسامه
فتح غرفة اسامه بدون استذان
اسامه وقام بخوف وش فيك صاير شيء
نواف والعرق يصب منه ودقات قلبه متسارعه ... اجلس ابيك تساعدني
وبعدا ماهدت اعصابه خبر اسامه بالسالفه كلها
اسامه والصدمه واضحه عليه ...انت متاكدا انك شفت صورته
نواف بنفاخ ...اجل وش شفت
اسامه بحكمة..لاتستعجل خلينا نشوف الليله وش يصير وان كان كلامك صحيح ضحينا فيهم الاثنين وان كان السالفه مالها اساس علمناه كيف يلعب باعراض المسلمين
سعود بهالحظه كان جاي لاسامه وقف عندا الباب وسمع السالفه كلها تجمد الدم
بعروقه يوم عرف بالموضوع وضرب راسه بالجدار وكانه يحاول يصحيه من
غفوته مسك مقبض الباب بقوة ودخل عليهم
سعود بانفاس متلاحقه .... وش الي سمعتها
اسامة ونواف بصوت واحد ...سعووود
سعود ويمسك نواف من طرف ثوبه اسمع تركي هذا علي فاهم وانا اعرف كيف
اتعامل معاها وطلع والشرر طالع من عيونه
=============***============
دارت محرك الراديو وحطت على اذاعه ام بي سي وشالت الراديو وحطته في
حضنها وغمضت عيونه وتكلم نفسها
معقوله يافرح تضيعي تربيت امك فيك معقوله تضيعي عمرك في أحظان الرجال راح تكوني فاجرة
واليل يكون اعز اصدقائك..راح تهدمي كل احلامك وتعيشي على سراب
صحت على اهداء زوجة لزوجها كتمت غصة في حلقها وقفلت الراديوا
وقامت تساعد امها
=============***============
في غرفة داليا
كانت جالسه معرغد ودلال ومانعات رهف تدخل عندهن
داليا وهي تلبس فستان الملكة ودور فيه ... وش رايك
رغد ودلال صفقوا ...ووواااووو روعه عليك طالعه كانك ملكه فيه
رغد..." يابخت سعود فيك "
دلال ... "ياحسره علي اختي الصغيره تزوج قبلي "
داليا وتجلس جنب اختها وتبوسها على خدها ..."العقبى لك يوم اشوفك مع حبيب القلب "
دلال بجراها وترفع يدها ..."امين يارب "
رغد ..."وانا ادعوا لي اني اتزوج"
دليا بضحك ...وش فيكم حاسداتي اني ازوج قبلكم
رغد ودلال وهن طالعات ... لاتصدقي روحك انا غير عنا وانك انتي الافضل
ويللا انزلي تحت وخلينا نستانس وروح عن قلوبنا
=============***============
فــي اخــــــر اللــيـل
وقف سيارته عند باب الفله طالع في الفلل وأعجبه فخامتهن وتناسقهن
نزل من سيارته واخذا الضرف معاها طالع الساعه شافها الثانيه صباحا
ندم ان راح بالوقت هذا ورجع خطواتين وبعدين التفت وتشجع يوم شاف الباب مفتوح
دخل وهو يسرق النظر لجمال الأرض وخضرتها احتار باي فله يسكن الرجال
وتذكر الي مقابله المسبح ..
وفي المقابل نزلت داليا ولافه طرحتها على رقيتها وكعادتها تجلس عند المسبح من
ثلاث سنين وهي ماتفارق هالمكان وتتذكر وسعود وايامها الحلوه معاها
نزلت رجلها في المويا وهي مبتسمه وطالع في شباك غرفة سعود وترسم احلامها
بمشاعرها وترسل أشواقها لاغلى احبابها
سمعت مشي وراءها والتفت بهدوء وهي مبتسمه وشافت تركي واقف ويتامل فيها
وكانه بعالم ثاني وقفت مصدومه وحطت يدها على فمها وعقلها ماهو مسعفها وش تسوي
وتركي من زود الصدمه بقى واقف في مكانه وعينه فاتحها على الاخر وهو يتامل
الحوريه الي قدامه ومن الربكه طاح الضرف من يده وماهو عارف وين يروح
وكيف يتخلص من الموقف
وفي المقابل كانت ثلاث اشخاص واقفين وهم لسه بصدمتهم ماتوقعوا داليا تجيها
الجراءة وقلة الادب انها تجيبه عندها في البيت
سعود الي ماستحمل الموقف وصار ينتفض من الغضب وبسرعه ركض لتركي وخنقه بكل قوته
واسامه كانت الصدمه قويه عليه وماحرك ساكن وبعدين اخدته الحميه وركض
يشارك سعود على تركي وحاول يدفن اثار الفضيحة بيده
ونواف من يوم شافهم مع بعض بسرعه ركض لداليا وومسكها مع شعرها بكل قوته وغرز أظافره بكل وحشيه في جسمها
وهي تصارخ وتصيح وماهي عارفه وش السالفه
وقف سيارته عند باب الفله طالع في الفلل وأعجبه فخامتهن وتناسقهن
نزل من سيارته واخذا الظرف معاها طالع الساعه شافها الثانيه صباحا
ندم ان راح بالوقت هذا ورجع خطواتين وبعدين التفت وتشجع يوم شاف الباب مفتوح
دخل وهو يسرق النظر لجمال الأرض وخضرتها احتار باي فله يسكن الرجال
وتذكر الي مقابله المسبح ..
وفي المقابل نزلت داليا ولافه طرحتها على رقيتها وكعادتها تجلس عند المسبح
من ثلاث سنين وهي ماتفارق هالمكان وتتذكر وسعود وايامها الحلوه معاها
نزلت رجلها في المويا وهي مبتسمه وطالع في شباك غرفة سعود وترسم احلامها
بمشاعرها وترسل أشواقها لاغلى احبابها
سمعت مشي وراءها والتفت بهدوء وهي مبتسمه وشافت تركي واقف ويتامل فيها
وكانه بعالم ثاني وقفت مصدومه وحطت يدها على فمها وعقلها ماهو مسعفها وش تسوي
وتركي من زود الصدمه بقى واقف في مكانه وعينه فاتحها على الاخر وهو
يتامل الحوريه الي قدامه ومن الربكه طاح الظرف من يده وماهو عارف وين
يروح وكيف يتخلص من الموقف
وفي المقابل كانت ثلاث اشخاص واقفين وهم لسه بصدمتهم ماتوقعوا داليا تجيها
الجراءة وقلة الادب انها تجيبه عندها في البيت
سعود الي ماستحمل الموقف وصار ينتفض من الغضب وبسرعه ركض لتركي وخنقه بكل قوته
واسامه كانت الصدمه قويه عليه وماحرك ساكن وبعدين اخدته الحميه وركض
يشارك سعود على تركي وحاول يدفن اثار الفضيحة بيده
ونواف من يوم شافهم مع بعض بسرعه ركض لداليا وومسكها مع شعرها بكل
قوته وغرز أظافره بكل وحشيه في جسمها
وهي تصارخ وتصيح وماهي عارفه وش السالفه
وحالف ان اليوم اخر لها يوم بحياتها هي وترك
واخر لها يوم بأحلامها وأمانيها ودخلها بقوة في البيت وهي تصيح وتصارخ من قوة يده
نواف بصارخ ..." ولك عين تصيحي الله ياخذك مثل مافضحتينا "
داليا بصياح .." نواف انت وش فيك وعلى ايش فضحتك "
نواف وبكل قوته يمزع في شعرها .." ايييه تحسبينا مغفلين والله غير اشرب من دمك يا لفاجرة وجرها في الصالة
ام نواف وهي نازله من الدرج .." وش فيه وعلامك على اختك "
نواف والشياطين حوله .." مالي اختى ان شاء الله بنتك المصون جايبه عشيقها عندنا في البيت ولا كنا رجال وماليين عينها.."
داليا وماهي فاهمة ..." انت وش تقول والله مادري عن ايش تتكلم"
نواف وياخذ راسها ويضربه على الجدار .." والله غير تموتي انتي وياااه
ام نواف وتفك في بنتها .." قلت اترك اختك وقلي وش السالفه .."
نواف .." وانفاسه متقطعه من التعب .." بنتك جايبه رجال في بيتنا عشان تسهر
هي وياه وهو الكلب مااخذا صورها وناشرها في كل الرياض "
ام نواف وتضرب على راسها .." لا...لا ..بنتي ماتسويها انا مربيها ..وتمسك
داليه وتضرب فيها كفوف ..داليا قولي وش هالكلام الي سمعته انتي ...قولي
الحقيقة لاتضيعي تربيتي فيك وماقدرت تستحمل وغطت وجها بيدينها وصارت تصيح بحراره
داليا بصياح مخنوق ..." والله مااعرفه ولا عمري بحياتي شفته ...كنت جالسه عند المسبح وهو جاء
نواف ويطير عليها ويضربها بكل قوته ..." كذابه وش دراها انك هنا وبعدين
صورك الي ناشرها في كل مكان مين اعطاااه ياااه
داليا وراح صوتها من الضرب ..."مااادري ...مااادري ...وتصيح بصوت عالي"
دلال وتركض وتفك اختها .."انت وش بلاك اكيد راجع لبلاويك وماانت داري عن عقلك "
نواف .. ويضربها كف على وجها .." اكيد ودك تستري عليها يمكن عندك بلاوي زيها
دلال ..ويدها على خدها .." ترانا اشرف منك فاهم ونزعة اختها وبسرعه ركضة داليا على غرفتها .."
نواف ..ويركض وراها .." وينك تروحي عني والله الصباح ماراح يصبح عليك
داليا وسكرت الباب وقفت عليه وصارت تصيح وتشهق من قوة الضرب والصدمة
نواف من وراء الباب ..." افتحي الباب بطيب ولا راح يتكسر على راسك "
داليا وبتوسل وبرجاء .." انت ماتصدقني قلت لك والله مااعرفه والله ماعرفه "
نواف ويتوعد .."والله انا رايح له وراح يذوق الموت معاك وندفنكم سوى "
داليا ..انت ماصدق والله ماعمري بحياتي شفته حتى اسال دلال "
نواف ويضرب في الباب بقوة ..." وش نقول لسعود ...هاوش نقوله وعروسته طالعه اكبر فاجره في الرياض
داليا وتوووها تذكر سعود وبصوت عالي .." سعود الحمد الله واثق في وعارف اني اشرف منك ."
نواف ويضحك بقهر .." ايييه عارف فضايحك واكبر دليل انه حالف غير يدفنكم
مع بعض ماهو انتم عشاق والعشاق يندفنوا سوى "
داليا وبصوت مخنوق .." كذاب والله سعود يحبني واثق في"
نواف .." وينزل تحت .." تعالي طيب وأنقذي حبيبك منه"
ركضت وطالعت من الشباك وشافت سعود واسامه طايحين في الرجال وكله
ضرب فيه وهو لا حول له ولا قوة
داليا وتشهق من قوة الصياح وتسكر الشباك وتقف على الجدار ..." لييييه ياسعود
لييييه ياسعود انت اول من صدق ورمت نفسها على السرير وهي تدعي على نفسها بالموت
في المقابل كان سعود واسامه وبكل قوتهم مابقو روح في تركي وقضوا عليها
اسامه والعرق يصب منه .." يالحيوان ولك عين تجي تسهر "
تركي وبصوت دوبه ينسمع ..." قلت لكم والله مااعرفها وانا جاي اقدم وظيفه لواحد من اصاحبي"
سعود ويخنق فيه ..." وليييه في وظايف في اخر الليل ..."
تركي ..وبصوت مخنوق .." هو قالي انكم اعطيتوه هالموعد ولا انا وش عرفني فيكم .."
اسامه وتذكر الظرف ..." انا رايح اشوف الظرف ونشوف جايب ملفاتك ولا بلويك
تركي وبدا الامل يتسرب لقلبه وياشر .." ايييه هذاك ملفي اذا انت ماانت مصدقني
اسامه تركه وراح اخذا الظرف وفتحه ونثره على الارض طاحت صور لداليا
بمناظر خليعه وكيس فيه مثل البودره
اسامه وجن جنونه وهو يشوف الصور واخذها وقطعها قطع صغيره ومسك البودره وراح له
اسامه ويرمى البودره بوجه ...هاااااوش هذا يالمظلوم
تركي وفتح عينه على الاخر وماهو مصدق .." مدري ....والله مدري .."
اسامه ويقفز عليه بكل قوته وصار يضرب فيه بكل وحشيه وبدون رحمة
تركي ويشوف الموت يلوح بعينه وتذكر اريام .."
تركي بخوف ..." ياناس خافوا ربكم قلت لكم انا مدري عن بنتكم واذا انتم شاكين فيها انا وش دخلني "
نواف من بعيد ..." دخلك انك لعبت على اخت نواف وانا اعلمك مين نواف
ومسكه من رقبته وسحبه للمجلس الرجال
وعلى الأصوات والصريخ صح كل اهل البيت
دلال ورغد وهن يصيحن ويدق على داليا... وداليا ماهي راضيه تفتح لاحد
ام سعود وهي مصدومه وتحاول تهدي في ام نواف
ابو نواف جالس يتفرج فيهم وهم يضاربوا وحاط يدينه على راسه من قوة الصدمه
ولا نطق ولا كلمه..فارس من الخوف دخل غرفة وسكر على نفسه وخاف ينكشف هو كمان
تركي بعد ماحس الموت .." اقولكم حرام عليكم انتم ثلاثة علي وانا بروحي
اتركوني انا وراي اختي ومالها احد في الدنيا غيري"
نواف "والله غير احرمك اختك وافضحها ياولد الكلب "
تركي ويسك على لسنانه من القهر ..." تخسا يالكلب والله ولا الموت اشرف لك وقتها
نواف ويمسكه من طرف ثوب ويضربه كف ..." اجل تلعب على بنات الناس
وماتبي احد يلعب عليك وقتها تكون تحت القبر واختك بروحها ويازين البنت وهي ماله ولي.."
تركي ماستحمل احد يمس اخته وقام ينتفض وماعرف كيف يدافع عن اخته وهو
بين اسامه وسعود والي قدر عليه انه تفل بوجهه
نواف ويمسح التفله بيده من وجهه .." قبل ماتتفل يالكلب وصي والله غير تموت
وراح بسرعه يجيب سلاحه
=============***============
طالعت الساعه وشافتها ثلاث دارت البيت كله من خوفها على اخوها ويدها على قلبها
مسكت جوالها ورجعت دقت عليه وماشافت رد
حست بدقااات قلبه تزيد جلست ومسكت الريموت وقامت تقلب في القنوات
وطفشت وقفلت التليفزيون فتحت جوالها ورجعت دقت على اخوها
الين ماقفل وماشافت رد
دارت في الاسماء في جوالها وطالعت اسم وليد ترددت تصل عليه
وضغطت على رقمه ورنة رنة وحده وبسرعه قفلت
رجعت اتصلت في اخوها ومثل كل مره مافي رد
زاد خوفها على اخوها ...اول مره يسويها ويتأخر عن البيت كذا طالعت في رقم
وليد ومن زود خوفها رجعت اتصلت عليه
رن رن الجوال وقبل مايقفل ارفع
وليد ويثاوب وماعرف الرقم ..." نعم "
اريام بخوف .." وليد "
وليد ويفرك بعينه .." نعم معاك وليد "
اريام ودموعها بدت تنزل .." وليد ..تركي وينه .."
وليد ويقوم من نومه .." مين اريام .."
اريام وتصيح .." وليد الله يخليك وين تركي .."
وليد .." مدري ليييه هو من متى مارجع لبيت.."
اريام وزاد صياحها .." اخر شيء لما رحتوا انت وياااه.."
وليد وتذكر .." صح اريام هو قال لي انه موعدا واحد في اخر الليل .."
اريام وارتاحت .." طيب هو ماقال لي "
وليد .." وانا قلت لك ..وحب يغير الجو .." وبعدين أنتي ما تستحي تدقي على "
اريام وانتبهت لعمرها وقفلت الخط بوجه
ضحك وليد ورمى نفسه على السرير ونااااام
=============***============
اخذ سلاحه وحط الطلقات فيه واتجه لغرفة داليا والشر باين عليه
رغد ودلال من يوم شافنه معه سلاح ركضن له
دلال بخوف .." نواف تعوذ من الشيطان "
نواف .." ابعد عن طريقي ولا الموت يلحقك انتي كمان .."
رغد بصياح .. نواف عشان خاطري ترك الي بيدك وداليا صغيره وتلقى هالكلب ضاحك عليها
نواف ونسى رغد ..." رغد لو سمحتي ابعدي عني "
ويكمل طريقه لغرفة داليا
نواف ويكسر في الياب .." داليا افتحى الباب ولا تشوفي شيء ماهو بصالحك "
داليا من داخل وهي ميته من الخوف ..." لاوالله مافتحه عشان تموتني .."
نواف ويحط المسدس على الباب وبكل الحقد يضغط عليه
وتنطلق رصاصة وتخرق الباب وتمر قريب من داليا
داليا وتصيح وحست بالموت بعينها وجلست بالزاويه وضمت ركبها عليها ونزلت
راسها وهي ميته خوف وحست نفسها ماراح تعيش اكثر من هالدقايق
نواف بعد مااطلق الرصاصة ركضت عليه دلال ورغد وهن يحاولن يسحبن السلاح منه
رغد ونست روحها .. وتشده من ثوبه ....نواف خاف ربك داليا مالها ذنب "
دلال وتصيح بصوت متقطع .." نواف الله يخليك لاتحرمنا من اختي حتى لو غلطت ماهو باهي الطريقه تحل المشكله
نواف ويسحب نفسه من رغد وينزل تحت عند تركي
نواف ويرفع السلاح بوجهه .." تشهد على روحك "
تركي ويبلع ريقه ويمد عينه على السلاح وبحركة سريعه مر شريط حياته قدامه
تذكر طفولته تذكر شبابه تذكر اريام الي مايدري وش راح يصير فيها بعد موته
تذكر وليد رفيق عمرو تندم انه ماوصى وليد على اريام غمض عيونه يوم شاف
نواف يضغط على الزناد
نواف ويظغط على الزناد ويلف وجهه .... ورمى الرصاصة بكل وحشية عليه
في ها لحظة أسامه بكل قوته ضرب المسدس بيده واستقرت الرصاصة في السقف
نواف ويطالع في اسامه ..." انت وش بلاك خليني ابرد قلبي عليه .."
اسامه بحقد .." كنا نبي نبرد قلوبنا فيه بس ماهي باهي الطريقه "
ويطالع في سعود ..." سعود اتصل على ابو عبد الكريم وخله يجي الحين .."
سعود ..باستغراب .." ليييه وش ناوي تسوي .."
اسامة وضحك ..." وش راح اسوي يعني ابي ازوجهم بعض وخليهم يعيشوا حياتهم ...ويسهروا بكيفهم .."
سعود بغيرة ..." لا يخسا ياخذها ..ينقتل وتلحقه داليا .."
ابو نواف وياشر بيده من بعيد لسعود وفهمها سعود وراح يجيب الملك
اسامة ويمسك تركي من طرف ثوبه ..." هاااااا وش رايك بالمفاجئة الحلوة خذها
معاك وتهنا فيها بالحلال .."
تركي وحس الدنيا دارت فيه ..." وش تقصد ماني فاهم .."
اسامة .." وان شاء الله عمرك ماتفهم .."
نواف بحقد ..." بس كذا احس نفسي مابرد قلبي فيه .."
ابو نواف ويقوم ويطالع في تركي .."ياولدي احنا وش سوينا لك تفضحنا ماهو
حرام عليك تلعب بإعراض المسلمين ...انت ماتخاف ربك يبتليك بعرضك .."
تركي ..." والله ياعم اني ماعمري خطيت هالبيت ولا اعرف عن بنتكم شيء .."
نواف ..." عمى بعينك ان شاء الله احمد ربك انك تزوج بلاش واختار يالموت يالزواج .."
تركي .." طيب حرام تظلموا البنت معااااي وش ذنبها هي .."
اسامه ويمسكه من طرف ثوبه ويقومه ..." ليييه انت ماتعرف الظلم وليش اجل
تلعب عليها ...وبسرعه عدل نفسك لايجي الملك وانت على هالحالة
وختم كلامه بضربه كف بكل قوته
وبعد ربع ساعة سمعوا صوت سعود وحاولوا يكونوا طبيعيين ومافي شيء
تركي حاس نفسه مخنوق وتوقع انه شوي يصح من حلمه ويشوف كل شيء انزاح عنه
ابو عبدالكريم وهو يتثاوب ..." وش هالملكه في اخر الليل انتم صاحيين "
ابو نواف ..." اعذرنا ياابو عبد الكريم بس مستعجلين .."
ابو عبد الكريم .."طيب وين العريس خليه يعطيني البطاقة "
دارت كل العيون على تركي وكلهم ينتظروا رده
طالع فيهم وحس نفسه مشلول عن الحركة والكلام ونزل عينه بالأرض.."
اسامه ويقرب منه ...هاااات بطاقتك ولا تفضحنا .."
تركي ويكذب ..." ماهي معاااي "
اسامه ويتوعد بعينه له ..." طلعها ولا اطلع روحك .."
تركي ويطلع بطاقته ويطيعها أسامه
ابو عبد الكريم بعد ماسجل البيانات خلى تركي يوقع
وتركي من زود الارتباك ماقدر يوقع وبصم بصمة
ابو عبد الكريم ... "وين الشهود "
اسامه انا شاهد ويأشر على نواف وهذا معااااي
ابو عبد الكريم بعد ماخذ بطاقاتهم خذوا الكتاب وخلوا العروس توقع
اخذ نواف الكتاب وهو يطالع بحقد لتركي ويتوعد له
دخل نواف البيت شاف امه جالسه وحاطه يديها على راسها وام سعود تسمي عليها
ودلال ورغد كل وحده مغطيه وجها بيدها وهي تصيح
نواف ...وين العروس
محد التفت عليه والكل مهموم من الليلة الكئيبة
ام سعود وبضيق .." وش بلاك هو وقتها .."
نواف ويطالع في رغد ..." اييييه وقتها داليا ملكة على الصايع الي تحبه
قال كلمته وطلع غرفتها
نواف ويدق الباب .." داليا ...داليا ...داليا وجع ان شاء الله افتحي الباب .."
داليا سكتت وتذكرت الطلقه وزاد انكماشها على نفسها وصارت تنتفض وتصيح
من الخوف ولاهي عارف وش تسوي ..."
نواف ويحاول يكسر في الباب ....داليا والله لو مافتحتي لتموتي الليلة
انقهر يوم ماردت عليه
جت ريتا وهي بقمة سعادتها وهي تشوف كيف ميري قدرت تعفس البيت فوق
تحت وتروح من دون مااحد يدري
ريتا .."بابا نواف فيه مفتاح ثاني أجيب"
نواف ويصارخ ..."ايييه وليه ماقلتي لي من الاول..."
دلال طالعت فيها وتتوعد لها طنشتها ريتا وراحت جابت المفتاح واعطته نواف
دلال وتضرب ريتا كف "...انتي مجنونه ليه تعطيه المفتاح .."
ريتا بحقد ..." احسن في قهررر.."
دلال وتهجم عليها ودها تكفخها من الحقد ورغد تمسكها من يدها
رغد بعصبيه ..."هو وقتها تحطي عقلك بوحده كافره .."
فتح نواف الغرفة وشافها مظلمة وشغل الأنوار
داليا وغمضت عيونها وغطت وجها بيدها وصارت تنتفض وتحاول تلتصق بالجدار اكثر
نواف ويمسكها من شعرها ويقومها ... يللا وقعي .."
داليا ...ااااي عورتني ...وطالع ..."على وش اوقع ."
نواف..." على وش اجل على ملكتك .."
داليا بخوف .."مين سعود .."
نواف وضحك من القهر ومسك شعرها بقوة .." لا حبيبك الغالي تركي .."
داليا وتهز براسها وتبعد نفسها وتلتصق بالجدار ..لا ..لا حرام عليك انا مااعرفه
والله مااعرفه.."
نواف وبيديه مسكها بقوة وغرز اظافره فيها ..." ليييه ناااويه طولي بالتعارف
والسهرات وصرخ عليها..." بسرعة وقعي "
اخذت القلم وصارت ترتجف من الخوف وقعة بدون وعي
نواف ويسكر الكتاب ويبتسم ..."يللا يالعروسه لمي عفشك وانقلعي مع حبيبك.."
داليا وتبتعد عنه .." خلاص سويت الي تبونه..وبدا صوتها يختنق .." خلوني
بحالي .....ياليتني مت ولا يصير في كذا.."
نواف وينادي "ريتا ... ريتوه .."
ريتا بابتسامه .." نعم بابا ."
نواف .."بسرعه لمي ملابس داليا وكل شيء لها لاتخلي لها شيء فاهمه "
ريتا ..." كلاس بابا انا في معلوم .."
نواف وهو طالع شاف على طاولة الكمبيوتر صور لتركي ..<الصور الي كانت
طابعتهن دلال ورغد لتركي يوم يضحكوا عليه وعلى سيارته >
وطالع فيها ..واخذا الصور ورجع لها .." هاااا وتحلفي انك عمرك ماشفتيه الله
يأخذك ربي ويريحنا من فضايحك ورمى الصور بوجها
داليا وترمي نفسها على السرير وتصيح بحرقه وهي تشوف ريتا تجمع ملابسها واغراظها
تحت في مجلس الرجال
تركي وهو يعدل ينفسه ويتحسس الجروح الي في جسمه وبي يطلع
اسامة ويمسكه من يده .."تنكت وانت وجهك وين طالع انتظر يوم تجي عروستك وتاخذها معاك .."
تركي برتباك واضح ..." لا..وش اخذها معااااي ...انا الحين تعبان .. وماني فاضي لها "
اسامة .." اقول انطم وانتظر يوم تجي .."
نواف ويدخل المجلس ويعطيه شنطتها خذها معاك وحلال لو تذبحها .."
تركي وخلاص ماهو متستوعب الي يصير .." ياناس والله ماني متجهز لعرس
بكره اجيكم واخذها وها انا أحلفت لكم .."
نواف .." وجع بشكلك تاخذها الحين فاهم ولا ابي اشوف رقعة وجهيكم بعد اليوم فاهم .."
ودخل نواف البيت وبسرعة طلع غرفة داليا
نواف ويقومها ..." البسي عبايتك .."
داليا وتصيح وتمسك اخوها ..." اذبحوني موتوني ولا تخلوني اعيش هالعيشه "
نواف بحقد .."والله كان ودي اذبحك بس وش اسوي بعمك هو الي اختار هالحل"
دلال وتدخل وترمي الصور بوجه اختها ..." داليا الله يسامحك وش هالصور"
داليا وطالع في الصور وكانت صور لها بملابس خليعة ورفعت عينها
وطالعت في أختها واخر شيء توقعت ان دلال تصدق الكلام وحست انها فقدت الامل
داليا وتاخذ عبايتها وتلبسها .."خلاص انا نازله .."
نواف.." ويمسكها من يدها وينزل فيها
طالعت في امها وشافت امها لفت وجها عنها
وابتسمت بحزن لام سعود وام سعود بادلتها تكشيره واعطتهت نظره حقرتها
نزلت دمعتها وبسرعة مسحتها
تركي كان ينتظرها وهو واقف عند سيارته وحاس نفسه متوتر والعرق يصب
منها ورجولة ماهو قادر ياقف عليها
شافها جايه مع اخوها وزاد توتره وصار يحك برقبته وهو منحرج
اسامه ..ويحاول يفتح الباب الخلفي ..." فك الباب بسرعة.."
تركي ويبلع ريقه .."الباب خربان خلها تركب قدام "
نواف ويسحب داليا بقوة ..." بسرعة اركبي ولا تسوي نفسك مستحيه .."
ركبت داليا السياره وقلبها يبي يتقطع من الخوف ...
نواف سكر الباب بقوى قوته .." ياليت لوتجي سيارة وتعدمك انت وياها وما نشوفكم بعد اليوم .."
داليا وحز بنفسها تخلي اهلها عنها ورفعت عينها وشافت سعود يطالع فيها
بنظرات حقد واشمئزاز غمضت عيونها وصارت تبكي بصمت
حرك تركي سيارته وبدا الهدوء بينهم
تركي من الارتباك ما هو عارف وش يسوي يروح البيت صعبه تذكر غرفته
وكيف معفوسه فوق تحت ..فكر يروح فندق طلع محفظته وفتحها شاف مافيه غير
ثلاثين ريال دار بالشوارع وماهو عارف وش يسوي وقف عند صيدليه واخذ له
حبوب مسكنه ولصقه جروح ..سمع صوت شيقها وحس نفسها هو سبب المشاكل كلها
تركي بيتردد .." داليا تعبانه اوديك المستشفى .."
داليا سكت وهزت راسها بالنفي
تركي ويفتش في سيارته ويدور شريط قران وما لقى وحط على اذاعة القران الكريم
داليا حست بالطمانيه وهي تسمع القران وهدأت أنفاسها
ابتسم تركي وطفش من كثر مايدور بالسيارة واتجه لشقته
وقف السيارة ونزل طالع في داليا واشر لها بالنزول
تركي وينزل شنطتها ..." اعذريني داليا المفروض ان الليلة نقضيها بفندق بس ظروفي ما تسمح
وداليا من الحياء ما تكلمت
دخل تركي ويدعي ربه ان اريام تكون نايمه ...ابتسم يوم شاف الأنوار مقفلة وعرف انها نامت
تركي بجراءة ويأخذ بيد داليا .." تعالي هنا غرفتي .."
داليا ضاعت في ملابسه واستحت من مسكته وحاولت تفك يدها بهدوء
تركي ويدخل غرفة و يشغل الأنوار.."يووووه اعذريني الغرفة حالتها حاله بس ضائع وما عندي وقت أرتبها
ابتسمت داليا رغم حزنها ودخلت الغرفة معاها
تركي ويطالع فيها .." اكشفي ...ليييه أعجبتك ألطرحه .."
داليا تذكرت نفسها وبهدوء سحبت طرحتها ونزلت عينها في الأرض
تركي وقرب منها وبدا يتأمل الحورية الي قدامه ..نفض راسه وخاف يصحى من
حلمه وما يشوفها قدامه وما صار يرمش عيونه من فرحته فيها
داليا استحت من قوة نظرته ولفت وجها الجهة الثانيه وقلبها صار يدق بقوة من الخوف وجها صار احمر من الفشيله
تركي وحب يلطف الجو .." هاااداليا لتكوني حصلتي علقة مثلي .."
داليا وتذكرت نواف وضربه لها وبدت دموعها تنزل وبصوت مخنوق ..." قولي
وش صار وش جابك في اخر الليل.."
تركي وندم على كلمته ..." والله جيت اسوي جميل بواحد كذاب وماكنت ادري انه
يبي ينتقم مني ويحطني في هالموقف الصعب.... واعطاني الظرف وقال هذا
ملفي وحدد لي الوقت والمكان وجيت على كذا
داليا وتمسح دموعها ..." طيب انت وش دراك اني اجلس في المكان هذا "
تركي ويجلس على طرف السرير "والله مدري قلت لك هو الي حدد لي ها لمكان
داليا بصوت مخنوق .." يعني انت مالك دخل ...وطالع فيه .." اكيد تعورت "
تركي ويرفع كم ثوبه .." شوفي كل جسمي مثل كذا " ..<كانت يده مليانه دوائر زرقاء وحمرا من اثار الضرب >
داليا وتجلس على طرف السرير .." اكيد تعورك الحين صح "
تركي ويرجع كم ثوبه ..." لاعااادي رجال ومتعود .." وضحك ..اذا كل ليلة
أنضرب ها لضرب ونرزق هالحوريه ماعندي مانع.."
داليا بعفويه ..." يعني عاااادي تنظرب وبعدها تزوج .."
تركي ويقوم يجلس نص جلسه ويمسك ركبها ويرفع وجها بيده.. اذا كانت مثلك ليش لا "
داليا وارتبكة من قربه ولفت وجها الجهة الثانيه .." لو سمحت ابي مويا "
تركي ضحك وعرف أنها تصريفه .."حاضرين أوامر ثانيه "
داليا وطالعت فيه .." أسفه ما كان قصدي اتامر بس عطشانة وابي مويا "
تركي .." خلاص انا رايح اجيب مويا"
تركي راح المطبخ وصب مويا ومر على غرفة اخته وشافها نايمه
اعطي داليا المويا واخذا فوطته ودخل الحمام يتسبح
اسندت راسها ع الجدار وادرت عيونها بالغرفه شافت أشرطة الاغاني مرميه في
كل مكان والجرايد ماليه الغرفة طالعت بشكل الغرفه شافت دولابه صغير
ويحتوي على بابين بس وتأملت سريره وشافته فردي ويكفي لشخص واحد تمنت
انها تصحى من هاكابوس وتشوف نفسها نايمه بغرفتها وكل شيء انتهى وسعود
وسعود وقفت وكررت اسمه تذكرت نظراته لها وضربه لتركي وغمضت عيونها
ليييه ياسعود انت اول من صدقت ليييه ياسعود تخليت عني وانا باشد الحاجه
لك.... ضائق صدرها من موقفه ....وحست بكره فضيع له
في المقابل كاااان تركي في الحمام " والجميع بكرامه " وفاتح عينه على الاخر
تحت الدش يبي يصحي نفسه بالويا حااااس كل الي صار لحظة وراح تنتهي
بسرعه معقوله هالجمال يكون لي ....يكون لي وحدي... معقوله داليا الحين
زوجتي اعجبته كلمة زوجتي وصار يكررها تحت الدش
طلع من الحمام وهو لاف الفوطة على خصره
طالع في داليا وانتبه لها انها سرحانه
تركي ويتنحنح .."احمحممم خلكِ ويانا .."
داليا لفت وجها عليه وشافته توه متسبح والمويا تنقط منه واستحت انها تشوفه في
هالمنظر ونزلت عينها في الأرض
قام تركي ولبس ملابسه وصلى ركعتين وحمد ربه وشكره على ها لنعمة تذكر
البنت الي تركها لله وماسوى الحرام وياااه وحمد ربه ان الله عوضه بداليا
تذكر قول الرسول صلى الله عليه وسلم.."من ترك شيء لله عوضه الله خيرا منه "
رفع يدها لسماء واثنى على الله ودعى ربه يوفقه بحياته
طالعت فيه داليا وابتسمت بفرح و حست بالأمان معاااه
تركي ويقوم ويجلس جنبها ويمسك يدها " ها داليا كيفك الحين ان شاء الله احسن"
داليا وتسحب يدها .." لا الحمد الله تماااام "
تركي ويحط يده على راسه ويدعي .." اللهم إني أسالك من خيرها وخيرا ما
جبلتها عليه ..."وخفض صوته .."وأعوذ بك من شرها وشر ما جبلتها عليه .."
وشال يده وبحركة سريعة باسها على خدها
داليا والدم تجمد بعروقها وحست بحرارة انتشرت في كل جسمها وقامت بسرعه
عنه وجسمها صار يرتعد
تركي ويقوم .." داليا انسي الحياء وتراني الحين زوجك .."
داليا .."تركي لو سمحت ...وقطع كلامها صوت المؤذن ابتسمت براحه.."
طالع فيها تركي وضحك وتوضأ وراح صلى في المسجد
ابتسمت براحه وصارت تهوي وجها من الحرارة وحمدت ربها ان الأذان أنقذها
فتحت شنطتها واخذت استر بجامه لها ودخلت الحمام تسبح
طالعت في الغرفه وبحركه سريعه نظفتها ورتبتها صلت الفجر وحطت راسها
على الجدار ومن التعب نامت وهي ما هي حاسة بنفسها
جاء تركي من الصلاة شاف الغرفه مرتبه ونظيفه وابتسم شافها نايمه وهي جالسه
والحزن باين عليها وبدا يتأملها وطارعقله يوم شافها لابسه البجامه
داليا وحست بحركه وبسرعه قامت وهي تنتفض
تركي .." اسف شكلي خربت عليك نومك "
داليا وتحط يدها على فمها .." نمت وانا ماني حاسه بروحي "
تركي .." طيب ليه مانمتي على السرير "
داليا بحياء .." بس هذا سريرك وما يكفي غير لشخص واحد .."
تركي .."طيب عااادي نامي عليه وانا انااام على الارض .."
داليا .." لا خلاص انا انام على الارض وأنت نام بسريرك .."
تركي ويقومها بيده .." شكلك عنيده وما تسمعي الكلام على طول "
استحت داليا وما ردت.... وتركي قرب منها وضمها على صدره وكأنه يحاول يحسها بالأمان والراحة
في ها لحظة قامت اريام من نومها وصلت تذكرت أخوها وان البارحة تأخر قامت
وراحت لغرفة تركي فتحت الباب وشافت اخوها يضم بنت على صدره وصرخت
باعلى صوت ...تررررركي وبسرعة ركضت على غرفتها
تركي استحى وطالع في داليا ..." شكلها فهمتنا خطا .."
وراح لأخته يفهما الموضوع
تركي ..." وهذي كل السالفة يا اريام .."
اريام وتمسح دموعها وتضحك .." يعني هذي زوجتك "
تركي "اييييه اجل وش اقولك من الصباح "
اريام .." طيب ماتعورت .."
تركي .." عادي لو ادري اني اتعور وبعدها ازوج كان كل يوم تشوفيني متكسر "
اريم .." طيب وزوجتك وس اسمها وكيف هي .."
تركي .." اسمها داليا وكيف هي بصراحه عمري ماشفت مثل حلاتها وزينها
وكأنها حوريه من حور الجنة .."
اريام .." الله يوفقك يا خوي ويسعدكم .."
تركي وهو طالع "عاااد ابي مخدة وبطانية من عندك "
اريام .." مافيه غير الي نايمه فيها أعطيك اياااها "
تركي "لا خلاص انام بدون شيء وطلع وبعدين تذكر شيء ورجع
"اريام لاعاد تفتحي غرفتي الا باستئذان فاهمه "
اريام وغضت على شفايفها من الخجل وسكت وعرفة خطاها .."
=============***============
صحت الصباح طالعت الساعة شافتها سبعة حطت يدها على فمها وهي تتثاوب
طالعت في حنين وشافتها نايمه ...وبسرعة قامت
رحمة وتسحب الحاف عن حنين .." حنين قومي بسرعه الدوام راح عليك وانتي لسه نايمه .."
حنين وتشد في الحاف ..." ماني مداومه اليوم ابي اغيب.."
رحمة ..." حنين قومي وبسك دلع ليلك كله تسهري مع خالد والصباح بالعافيه تقومي.."
حنين .." الله يخليك رحمة ابي انام تعبانه "
رحمة بعصبيه .." قومي وبطلي دلع ولا والله اعلم امك عن سهراتك انتي وخالد
حنين وتقوم مفزوعه .."الله يعيني عليك ماتصدقي تمسكي علي شيء وتهدديني فيه "
رحمة .." طيب بما انك عارفة ان جلوسك مع خالد اخر الليل خطا ليه تسهري .."
حنين .." اولا يارحمة خالد زوجي وعادي لو اسهر معاها ..وثانيا حرام عليك احنا مانطول كلها ساعتين ومايسمى هذا سهر.."
رحمة .." ايييه ماطولين معاها ساعتين تسهروا وساعتين بالتلفون والليل راح على كذا.."
حنين بقهر .." عااادي لو اقعد معه اربعة وعشرين ساعة ماراح امل منه عندك مانع ..."
رحمة .." ياه..كل هذا حب ..وابتسمت الله يوفقك .."
حنين وتنهد .." امييين ..مدري خالد كيف قدر قلب حياتي احس روحي متعلق فيه وطيف مايغيب عن بالي ..."
رحمة .." احممممم عيب تتغزلي بالرجال قدامي .."
حنين ..."والله صرنا نستحي يارحمة من متى هالحركات .."
رحمة وتضرب فيها .." الحمدالله من يوم ماطلعت على هالدنينا وانا خجوله وماني
مثل بعض الناس الي كل يوم ناطه بحلق الرجال والحياء ناسيته .."
حنين بتوعد ..." انا الي انط بحبق خالد طيب يارحمة حسابك عندي يوم اجي من الجامعة .."
رحمة .. "طيب وبسرعة انقلي داومي.."
لبست حنين وطلعت وقبل ماتطلع اعطة رحمه بوسه وهي تضحك
طالعت فيها رحمة وهي تسكر الباب وراها وحست بضيقه ... حست نفسها هي
الوحيده بها الدنيا ومالها احد ..حنين وطول وقتها مع خالد ...وام راشد منشغله
مع جاراتها الجديدات وانا ...وانا وتنهدت انتي ايش يارحمة ...انتي ولا شيء
بالدنيا الله يرحمك يا أبو راشد ليييه انقذتي وخليتني اعيش بهالدنيا ليتني مت ولا
احس بالوحده الي اشوفها ...وغطت وجها وصارت تبكي وتدعي ربها يفرج همها
=============***============
في بيت ابو نواف
نواف راح لشلته بعد طلعت داليا مباشره وسكر الى ان فقد وعيه
ابو نواف راح الشركه وهو حاس ان الكل يتشمت فيه وكل يسولف عن فضيحة بنتة
ام نواف دمعتها ماكفت على بنتها وهي ماهي عارفه وش صار لها وهي حية ولا ميته
دلال ورغد ..ما راحن الجامعة وكل وحده مسكره على نفسها الغرفة ولا هي راضيه تطلع
سعود الي قافل على نفسه بغرفته ومنسدح على السرير ومانااام من البارحه
وريحة الدخان ماليه الغرفة وحاس نفسه أن طعن برجولته وبكرامته
سعود ويدخل يده بشعر راسه ويشد بقوة عليها ويضغط بأسنانه .." ليييه يادليا
ليييه داليا خنتيني وانا الي توقعت انك افضل من دلال ... كنتي تشدني بحياءك
وخجلك الي اتوقع مافي احد بالكون مثله
ليييه كذبتي علي وقعتيني بحبك وخلتيني اعيش الحلم واسطره بحياتي ليه
حرمتيني فرحتني وانا ... مابقيت احد برياض غير خبرته وعزمته اه ياداليا ليتني
قتلتك بيدي ولا زوجتك بحبيبك
حبيبك تذكر تركي وضرب بكل قوته الابجورة وطاحت على الارض وانكسرت
كلكم خاينات ...كلكم واطيات ان المجنون الي رضيت أتزوج
ام سعود وهي تدخل على ولدها .." سعود بسم الله عليك يمه وش فيك من البارحه وانت مانمت .."
سعود بضيق .." مافيني شيء .."
ام سعود وتجلس جنب ولدها .." ياوليدي الله يعوضك بخير من داليا .."
سعود ويقاطع امه .."يمه الله يخليك لاتجيبي سيرة الفاجرة على لسانك.."
ام سعود وقلبها تقطع على ولدها .." ياولدي انت رجال كبيرا وعاقل وماهو زين
الي تسويه بنفسك ...وانا من بكرة ادور لك اشرف بنت في الرياض .."
سعود ويقوم .." لا ماابي ازوج ..وعمري ماراح ازوج وخليني اعيش حياتي
ويكفي المرة الاولى طاوعتك ورضيت اني اخطب
ام سعود وهي ماصدقت ولدها يرضى ويزوج وتجي داليا تضيع كل الي بنته
" الله لا يوفقها داليا وأشوف فيها يوم تذوق الي ذقته .."
سعود ويحط يده على فم امه .." يمه لاتدعي عليها وخلاص انا الغلطان الي فكرت أتزوجها
وطلع من غرفة وهو يبي يكسر كل شيء بطريقه حاس مخنوق والي خانقه كل
الي حوله ..ومشى وهو ماهو عارف وين طريقه
=============***============
دخل مكتبة وسلم على الموظفين وزع الابتسامه عليهم وجلس على الكرسي
وصار يفكر بداليا وسرح بجمالها وحياءها الي اكثر شيء شده لها حس نفسه ملكك الدنيا كلها قطع تفكيره وليد
وليد وياشر بيده ..." وين الاخ .....غريبة مداوم بدري .."
تركي ضحك .." تقصد اني غريب مبسوط على الصباح.."
وليد .." المهم وينك البارحة اتصلت على البيت ومنت فيه " مايبي يقول ان اريام اتصلت عليه .."
تركي وتنهد سالفه طويله وماراح تصدقني فيها .."
وليد بخوف .." قول وش صار .."
تركي حكى لوليد كل السالفه وليد من زود الصدمه بقى فترة طويلة وهو ساكت
تركي .." ايش فيك حتى ماانت مصدق .."
وليد .." مدري احسها سالفه ماتدخل العقل معقولة ابو نواف يزوج بنته بالسهولة
تركي .." والله حتى انا ماني مصدق اخاف اروح البيت وما أشوفها قدامي .."
وليد وبدا يستوعب ..." يا عيني كل هذا شوق لها اجل اليوم عريس وش جابك من الصباح مداوم.."
تركي وهو يثاوب .." ايه والله ماحلى النومه بس وش اسوي خفت ابوك يزعل وياخذ بخاطره علي "
وليد ويطالع فيه بنص عين .." هااااه محلى النومه ..استحي على دمك "
تركي وضحك ..." الله يقطع شرك لايروح بالك بعيد البارحه نايم بدون مخدة ولا بطانية والله العالم بحالي
وليد باستغراب .." طيب ليه ما قضيت ليلتك بفندق بدل هالحالة
تركي .." ومن وين لي فلوس الفندق .."
وليد .." طيب وش ناوي تسوي الحين .."
تركي.." خلها على ربك ...والله يعين ننتظر الراتب .."
وليد ويطلع الصرافة..." تركي خذ صرافتي واحجز لك فندق واشتري
لزوجتك كل الي تحتاجه ... وخلي الشقه علي انا راح اجهزها وانت تهنى بحايتك
تركي باحراج .."لاوليد ماابي اضيق عليك ..ومشكور وماتقصر .."
وليد .." اسكت هذي بنت ابو نواف ومتعوده على الدلع ولا تخليها تحس الفرق .."
تركي ويضم وليد .." الله يساعدني وارد لك جميلك .."
وليد .." ياللا روح وانا أقدم لك اجازه شهر .."
طلع تركي وحس كان حمل ونزاح عليه وليد فرح من قلبه لصاحبه ودعى ربه يوفقة بحياته .."
=============***============
قامت من نومها وشافت نفسها لسه في نفس المكان ..كان عندها آمل أنها تصحا
وكل شيء قدامها اختفى .. غسلت وجها وراحت دور تركي
دخلت الصاله شافت البيت فاضي ومافيه احد حست بالجوع وراحت المطبخ
فتحت الثلاجه ..شافتها فاضيه ومافيها شيء ..حست رأسها بينفجر من كثر
الصداع صبت لها كوب مويا ورجعت لغرفة تركي
فتحت شنطتها ومسكت فستان الملكة نزلت دموووعها غصب عنها وهي تشوف
كل احلامها انتحرت وكل امانيها اندفنت عضت على شفايفها وتذكرت نظرات
امها وكلمات ابوها ورمت نفسها على السرير وصارت تبكي على حالها وعلى الزمن الي رماها بحالة
دخل تركي الغرفة وشافها راميه نفسها على السرير وشعرها مبهدل وصوت
صياحها وشهقاتها قطع قلبه
تركي ويمسح على شعرها .." داليا فيك شيء لتخوفيني عليك .."
داليا وترفع راسها وتمسح دموعها ..." وينك تركي ليييه تركتني بروحي .."
تركي .." كان عندي شغل ومقدر اجله وهاانا رجعت لك .."
داليا وتلقائيا رمت نفسها بحضنه وصارت تشد فيه بقوة .." محدا بقى لي في الدنيا
غيرك لاتتركني كلهم تخلوا عني ..كملهم.. ظلموني ...قولهم اني
مظلومة ..قولهم اني مااعرفك ..واني عمري بحياتي ما شفتك .."
تركي ويمسح دموووعها .." خلاص داليا يكفي اني واثق فيك والعصر اروح
لأهلك وافهمهم الموضوع .."
داليا واستوعبت وبعدت عنه .." لا ..لا اخاف يؤذوك ..يمكن يسوى لك شيء
وانا عارفه ماراح يصدقوك "
تركي بفرح .." يعني لهدرجه تخافي علي .."
داليا ونزلت راسها .." ليه مااخاف عليك ومحدا وقف معاي وصدقني غيرك.."
تركي .." طيب يللا الفطور في الصالة تعالي افطري "
داليا وحست بالجوع .." لا الحمد الله ماني جوعانه "
تركي بضحك .."طيب انا جوعان وابيك تشاركيني .."
ابتسمت داليا وتركي اخذ بيدها وراحوا يفطروا
=============***============
دخلت المكتبه وحمدت ربها انها فاضيه ومافيها احد ...وقفت عند رفوف الكتب
وبدات تقلب بصفحات الكتاب وهي تسرق النظر في الي حولها
رفعت عينها شافت نفس الشخص الي اخذا الكتاب منها
ريم تمتمت بين نفسها..فففف هذا وش جابه ...طالعت شافته اخذا له مجموعه كتب وحطهن على بعض وراح يدور غيرهن وجتها الفرصه الي ترجع الصاع صاعين راحت لكتب
واخذتهن وكملت طريقها وهي تتوعد بداخلها له
فيصل .." رجع لكتب وماشافهن شاف بنت مااخذه الكتب وتبي تحاسب عليهن
فيصل ..." لو سمحتي اختي الكتب هذي انا جمعتها .."
ريم براءة تصنعاها ..." وش فيها الكتب .."
فيصل .." اقول الكتب هذي انا جمعتها وابي احاسب عليها ...ومد يده ...اعطيني ياااها
ريم وطالعت فيه من فوق وتحت وطلعت منها ضحكة استخفاف وكملت طريقها
فيصل وعصب من حركتها ..." لو سمحتي هاااتي الكتب بالطيب وروحي دوري لك على غيرها .."
ريم .." انت الي لو سمحت ..."وبعدين المكتبه مليانه كتب ماتبي غيرا الي بيدي "
فيصل ..."لا هذي طبعتهن ممتازه وتعبت على بال مالقى طبعه واضحة "
ريم .." انت رجال وتقدر بدقيقه تفر الرياض كلها ..روح دور لك مثلهن "
فيصل انقهر من تطنيشها وبحركة قويه مسكها من كتفها وهي ماشيه
.."هاااتي الكت بالطيب احسن لك .."
ريم من زود الصدمه والخوف من مسكته طاحت الكتب من يدها وصارت ترتجف من الخوف والتفت عليه
فيصل انتبه لانفسه ..." اسف بس انا ....
ريم وترفع صوتها عليه ودموعها تجمعت بعيونها وبصوت متقطع ..." انت
ماتستحي على دمك تمد يدك علي ...وين رجولتك تمد يدك على بنت ضعيفة وين
ثقافتك الي تجمعها ..ولا الي تتعلمه ترميه ولاتستفيد منه
ومقدرت تستحمل وبسرعة طلعت من المكتبة
فيصل انصدم من حركتها وضائق صدره وطلع من المكتبه بدون مايشتري شيء
وهو ندمان على الي سواه وحس نفسه تجرا زياده عليها
=============***============
دخلت البيت والفرحه ماهي واسعتها اليوم بالنسبه لها احسن يوم بحياتها
تنهدت بفرح وحمدت ربها ان الشلة اليوم ولا وحده داومت ارتاحت وحست
بسعاده ماتوصف واخذت راحتها بالجامعة ...وزادت فرحتها زواج اخوها ..اه
ياتركي والله تستاهل كل خيرا والله يوفقك بحياتك .. الله رزقك على نيتك الصافيه
وقفت عند باب غرفة تركي وترددت تدخل وبعدين دقت وسمعت صوتها وهي
تسمح لها بدخول
داليا بصوت هادي ..." تفضل ..
اريام وتفتح الباب وطالع فيها وتشهق ...." دالـــيـــا.."
العرض العادي
