المكان .. أي حتة ف مصر
الزمان يوم من أيام عام 2060م
==================================================
الحفيدة :
جدو تامر إزيك .. حلو البدي اللي انت لابسه ده ..
بس ده موضة قديمة قوي يا جدو
الجد :
يا بنتي أنا راجل دقة قديمة وبالبس زي ما جيلنا اتعود
وحسب التقاليد القديمة بتاعتنا
الحفيدة :
أيوه بس مش حاسس إنك مخنوق وانت لابسه؟
الجد :
أبداً ده هو ده اللبس المحتشم اللي مفروض الكل يلبسه ويحافظ عليه
.. فين أيام زمان لما كنا نلبس البدي اللي مبين البطن والظهر
مع البنطلون الاسترتش الجلد والجوانتي الجلد كانت حاجة آخر روشنة
الحفيدة :
ياه يا جدو .. ده انتوا كان ليكم تقاليد غريبة خالص
الجد :
وهو انتي فاكرة إن أيامكم دي أيام؟
يا بنتي أيامكو دي ما يعلم بيها إلا ربنا .. فين أيام سنة 2000 م،
هو الواحد فينا كان يستجري يشرب سيجارة البانجو
ولا يسحب له سطر بودرة قدام أبوه؟
طب ده الدنيا كانت تتقلب ساعتها وما تتعدلش .
. أمال إيه .. كان فيه حاجة اسمها أخلاق
الحفيدة :
معقول يا جدو؟ للدرجة دي!!؟؟
الجد :
أمال انتي فاكرة إيه .. وبعدين كانت الست من
دول ما تلبسش اللبس الخليع بتاع اليومين دول .. يعني الجيبة كان لا يقل طولهاعن شبر ونص .. وكانوا الستات يلبسوا فوقيها بلوزة باستمرار مش زي دلوقتي
الحفيدة :
يا خبر .. وإيه كمان ياجدو
الجد:
ح أقول لك إيه ولا إيه .. يعني خدي عندك مثلاً .
. زمان كنا نسمع الطرب الأصيل لمطربين حقيقيين زي مصطفى قمر
، وعمرو دياب ،و شعبان عبد الرحيم اللى كنا بندلعه و نقوله يا شعبولا
راحت خلاص ايام شعبولا و بعدين كانت الأغنية مدتها أكثر من دقيقتين متواصلين
من الطرب الأصيل والموسيقى الهادية الراسية اللي تعمر النافوخ بصحيح
كانوا مطربين روشين وآخر طحن
الحفيدة :
وبعدين
الجد :
وبعدين كنا نسمع على حاجة اسمها اسطوانات ليزر ،
ودي صحيح تعتبر متأخرة دلوقتي بس كان ليها طعم عن دلوقتي
، يا سلام لما كنا نحطها في الووكمان ونعلقه في حزام البنطلون
ونمشي في الشارع كده ،، كانت أيام جميلة
الحفيدة :
حكاويك ممتعة قوي يا جدو .. ثانية واحدة بس لما أصحي
سوسو صاحبي لأنه بايت معايا في الأودة من امبارح .
. (بعد عدة دقائق) هيه يا جدو .. وبعدين
الجد :
أحلى أيام بقى كانت أيام الدراسة ،
الفصل كان على أيامنا رايق وعدد التلاميذ فيه ما يزيدوش
عن ستين سبعين تلميذ ، وكنا ساعتها بنعرف نفهم الدرس كويس
مش زي دلوقتي ، وكانت الشوارع أيامها فاضية
لأن مصر كلها كان تعدادها 70 مليون مش أكثر ، تخيلي بقى الروقان اللي كنا فيه؟
الحفيدة :
70 مليون بس؟
الجد :
أمال إيه .. علشان كده كانت كل حاجة رخيصة ،
يعني مثلاً كيلو اللحمة يوم ما يضربه الدم كان يبقى بخمسة وعشرين جنيه
أو بتلاتين جنيه ، وكان أتخن جوز جزمة ب 250 جنيه ،
وكان الواحد يقدر يشتري شقة تمليك بـ 150 الف جنيه بس
.. وكان الدولار بخمسة جنيه بس تخيلي بقى؟
الحفيدة :
ما هوعلشان كده كان الجواز على أيامكم كان سهل خالص
الجد :
أمال .. ده احنا الواحد مننا كان بمجرد ما يوصل سن 35 سنة
يبتدي يفكر في الجواز على طول ،
وما كانش عندناالأفكار الغريبة اللي بتعملوها دلوقتي
زي إن البنت تعاشر الولد كام شهر قبل الجواز علشان
يتعرفوا على بعض أكثر زيك انتي وسوسو صاحبك ،
أنا شخصياً شايف إن ده وضع مش لطيف ،
ده احنا يا بنتي على أيامنا.........
كان لا يمكن البنت تتأخر بره البيت عن الساعة أربعة صباحاً
، طب ده باباها كان ممكن ساعتها يخاصمها و يزعل منها موت
الحفيدة :
ده انتوا كنتوا متزمتين و معقدين خالص ياجدو
الجد :
يا بنتي إحنا اتربيناعلى الأخلاق والفضيلة والعادات والتقاليد
.. يعني كان الواحد مننا زمان لما يدخل الأسانسير ويلاقي جاره في الأسانسير
يروح مصبح عليه ، ومش بعيد كان يسأله عن أحواله
.. وكانوا أهل الفن محتشمين جداً وكانوا دايماً يطلعوا على الشاشه بالكومبليزون والمايوهات البيكيني
، وكان لا يمكن التلفزيون يذيع أفلام جنسية في السهرة زي دلوقتي ،
والمذيعات كانوا يقعدوا جنب الضيف مش على ركبته زي ..
هيـ يـ يـ يـ ـه الله يرحم دي أيام
الحفيده:
كلمنا يا جدو عن السياسه ايامكم
الجد:
على ايمنا يا بنتى كان فيه صراع بين الدول العربيه
و بين دوله كان اسمها... اسرائيل!!!
و كانت الدوله دى عباره عن مجموعه عصابات من اليهود
الحفيده:
يعنى ايه يهود يا جدوا ؟؟
الجد:
دى كانت ديانه للعصابات دول و كانت لغتهم عبريه
و اكيد لسه موجود منهم اقليه اليومين دول
المهم ان الدوله دى على ايامنا كانت دوله بتعيش على المعونات الخارجيه من قاره اوروبا
و دوله امريكا .فكانوا يا بنتى بيعملوا اللى هما عاوزينه و بتايد من دوله الشر امريكا
اللى كانت هى الدوله المستر فى العالم..
الحفيده:
امريكا دى كانت دوله عظمى!!!!!!!!!
الجد:
ما تستغربيش يا بنتى.. احنا عمرنا ما فكرنا ان امريكا دى
توصل للى و صلته اليوم من دمار و تشريد لسكانهم الان
و عمرنا ما كنا نتخيل ان يوصل بها الحد انها تعيش على
جمع المعونات من الدول الاسلاميه
الحفيده:
و ايه اللى حصل للبلد اللى انت قولت عليها فى الاول
اللى اسمها اسرائيل دى....!!!!
الجد:
الدوله دى كان بيحكمها حكام معفنين و خنازير امثال خنزير كان بيحكمها
على ايمنا اسمه شارون..!!!
و بسقوط امريكا الدوله الحليفه الوحيده لها
.. سقطت اسرائيل الى الابد .. و عادت القدس عربيه الى اهلها...
اييييييييييييييه و الله كانت ايام .. اما اقوم بقا اشوف حالى..
الحفيدة :
رايح فين يا جدو
الجد :
كفايه كده النهارده يا بنتى ..أصلي كنت موصي الجزار
على اتنين كيلو لحمة وأعطيته
ثلاثة آلاف جنيه عربون وعايز أروح أطمن إذا كانت اللحمة وصلت ولا لأ
.. تشاو .. سي يو يا بنتى
:D
العرض العادي
