العودة   منتديات الـــود > +:::::[ الأقسام الثقافية والأدبية ]:::::+ > همس القوافي
إضافة رد
   
 
أدوات الموضوع تقييم الموضوع انواع عرض الموضوع
قديم 06-08-2018, 01:26 AM   رقم المشاركة : 1
نايف الشريف
( ود متميز )
 
الصورة الرمزية نايف الشريف
 






نايف الشريف غير متصل

فرقاك عيد

صكيت بيبان الغلا وإرتحت من دقات باب
ناس(ن) تصك الباب دون اللي تشرّع بابها

ياما عطيت ولا كتبت ولا حسبت الها حساب
ولا حسبت حساب وقت(ن) لا خذا ماجابها

القصد إني عاشق(ن) مريت من فوق السحاب
واكتب قصايد تنقري في صفحة(ن) بكتابها

وإن كان ما خط القلم صكيت صفحات الكتاب
ولا قريت ولا كتبت ولا قربت أعتابها

ماني من اللي لاعشق عشقه يجي هم وعذاب
نفسي قويّه وإن ضعف قلبي ترى يقوى بها

احب لا شفت الحياه أصل ولا اطرد سراب
اعرف دروبي فالحياه وطرقتي ادرى بها

مادام غبت فلا يهم ولو يطول إبك الغياب
بقضي حياتي دام نفسي تلتهي باحبابها

من يوم حل الشيب مافكرت فغياب الشباب
سنين عمري روّحت ما ضقت انا بغيابها







التوقيع :

الصبر حكمة والعقل سيّد القوم=واللي تعجل ياخذ الحق ناقص

رد مع اقتباس
قديم 06-08-2018, 03:00 AM   رقم المشاركة : 2
نايف الشريف
( ود متميز )
 
الصورة الرمزية نايف الشريف
 






نايف الشريف غير متصل

الحمدلله عيشتي خير وسعاده
والحمدلله مارجيت اليوم حي

والحمد للمعبود ماينسى عباده
عايش(ن) دنياي انا ماحتجت شي


والصاحب اللي زوِّد الصد وعناده
لو درى في نيتي مازاد غي


ابطى وهو مانال من نفسي مراده
ماطلبته حل انا الحل بيدي







التوقيع :

الصبر حكمة والعقل سيّد القوم=واللي تعجل ياخذ الحق ناقص

رد مع اقتباس
قديم 06-08-2018, 04:25 PM   رقم المشاركة : 3
نايف الشريف
( ود متميز )
 
الصورة الرمزية نايف الشريف
 






نايف الشريف غير متصل

ياسعود علّم راعي الخصر النحيل
لاراح ماني فاقده ومدوره

وإن رحت قلّه شايب وطبعه ثقيل
هموم وقته ماهي اللي تعوره

صابر ولو طال الزمن ماهو يميل
إن تاقد النيران منت مفوره

ماهمه الفرقا ولا شاقه خليل
آظن لامن سج ما يتصوره









التوقيع :

الصبر حكمة والعقل سيّد القوم=واللي تعجل ياخذ الحق ناقص

رد مع اقتباس
قديم 06-08-2018, 04:47 PM   رقم المشاركة : 4
نايف الشريف
( ود متميز )
 
الصورة الرمزية نايف الشريف
 






نايف الشريف غير متصل

الشي ياللي ياجع القلب الوفي
نكران وقفات ألوفا ورجالها

مرمي على الظاهر وبأشر للخفي
واقصد رجال(ن) من ورى جهّالها







التوقيع :

الصبر حكمة والعقل سيّد القوم=واللي تعجل ياخذ الحق ناقص

رد مع اقتباس
قديم 07-08-2018, 02:50 AM   رقم المشاركة : 5
نايف الشريف
( ود متميز )
 
الصورة الرمزية نايف الشريف
 






نايف الشريف غير متصل

فرقاك عيد وعادت الدنيا بخير
وارتحت من همّي وشفت العافيه

أثر الحياه بدون خل و ولف غير
أنوار ضوّت عقب كانت طافيه

أحس إني طاير(ن) فالجو طير
حقوق عمري عوّدت لي وافيه

وارتاح بالي من تهاويل(ن) كثير
أجواء في ظل وبراد وصافيه

ياهاجر العذرى وحذرى تستشير
ارحل مدام الشمس برضك دافيه

وانحاش لو تاصل ليا حد الاخير
ارسم حدودك في مساحه كافيه

واسرح مع الهاجوس لا ترقب نذير
إرتحت من منهو يثير الخافيه

عيش الحياه بحب وأشواق وضمير
إعشق رضى اللي ماتصد وجافيه

معشوقتك نفسك ولا إلها خشير
إلها حقوق(ن) مقبله متقافيه







التوقيع :

الصبر حكمة والعقل سيّد القوم=واللي تعجل ياخذ الحق ناقص
آخر تعديل نايف الشريف يوم 07-08-2018 في 04:02 AM.

رد مع اقتباس
قديم 08-08-2018, 09:59 AM   رقم المشاركة : 6
فلسفةشاعر
( ود نشِـط )
 





فلسفةشاعر غير متصل

ياهلا ومسهلا شلونك يانايف
عساك بخير. أتمنى ان تكون باحسن حال
يالله يامنتدى الود كم له ذكرى جميله
رغم زحمة السوشيال ميديا. مازال له نكهه جميله
أتمنى عودته. لإعادة الذكريات فقط

صح لسانك يالجزل

حسابي في تويتر ان أردت 34fag@







رد مع اقتباس
قديم 08-08-2018, 10:02 AM   رقم المشاركة : 7
فلسفةشاعر
( ود نشِـط )
 





فلسفةشاعر غير متصل

فلسفة شاعر ( مشرف الأقسام الأدبية سابقا)
سجلت بحساب شبيه للسابق لأجل اطلع على هذا
المنتدى.
الحساب الاول نسيت كلمة المرور







رد مع اقتباس
قديم 09-08-2018, 01:38 AM   رقم المشاركة : 8
نايف الشريف
( ود متميز )
 
الصورة الرمزية نايف الشريف
 






نايف الشريف غير متصل

اقتباس
المشاركة الأصلية كتبت بواسطة فلسفةشاعر
ياهلا ومسهلا شلونك يانايف
عساك بخير. أتمنى ان تكون باحسن حال
يالله يامنتدى الود كم له ذكرى جميله
رغم زحمة السوشيال ميديا. مازال له نكهه جميله
أتمنى عودته. لإعادة الذكريات فقط

صح لسانك يالجزل

حسابي في تويتر ان أردت 34fag@

يامرحبا
وياهلا وغلا

أسعدني مرورك يالغالي

نعم صحيح منتدى الود له ذكريات لاتنسى

والجميل جداً من القائمين عليه
انهم محافظين ومجتهدين في استمرار بقائه

وارى ان منتدى الود مهما تعددت وسائل التواصل يظل منتدى الود كمخطوطة رائعة لاتندثر مع الوقت

أكرر شكري لمرورك

وفيما يخص تويتر

والله ليس لدي معرف
وعندما أقوم بإنشاء حساب حتما ساتواصل معك وانا متشرف بك وممنون






التوقيع :

الصبر حكمة والعقل سيّد القوم=واللي تعجل ياخذ الحق ناقص

رد مع اقتباس
قديم 11-08-2018, 07:32 PM   رقم المشاركة : 9
نايف الشريف
( ود متميز )
 
الصورة الرمزية نايف الشريف
 






نايف الشريف غير متصل

بكتب معانيّه على شد الرحال
لان الرسايل ينقرا عنوانها

والحمدلله حالنا في خير حال
محنا مثل من ضيَّعت مسكانها

ولاني رجل لاقلت قصّرت المقال
ما اطرد ورى الكلمة لجل شيطانها

العقل له ميزان اهد إبه الجبال
والكلمة آزنها على ميزانها

أما ردي الطبع في قيل(ن) وقال
وسط العرب داير وفي ميدانها

عنّه حكي ينقال هو مضرب مثال
مثل البضايع عرض في دكانها






التوقيع :

الصبر حكمة والعقل سيّد القوم=واللي تعجل ياخذ الحق ناقص
آخر تعديل نايف الشريف يوم 11-08-2018 في 08:05 PM.

رد مع اقتباس
قديم 12-08-2018, 01:32 AM   رقم المشاركة : 10
نايف الشريف
( ود متميز )
 
الصورة الرمزية نايف الشريف
 






نايف الشريف غير متصل

ياسعود انا يابوك في راسي مَرَايَا
اشوف من خلفي واعَرف إنه يدور

ماهي حكي وأقول أعد إبها مزايا
خبرتي باللي قضى عمره شرور

جربته اعوام(ن) مضت فيها كفايا
شخص(ن) غيابه يستوي معه الحضور

لا قابلك يضحك وهو خبث النوايا
ظنّه يغطي الاثر طيب العطور

والله لو يلبس من الفُلّه عبايا
والله لو يلبس مع الفل الزهور

اشم خبثه قد ملى كل الزوايا
وافقد أعصابي واثور من الشعور

وش حاجتي فاللي يسوقن المنايا
طعناتهن فالظهر ماهي فالصدور

انحش عن اللي في بدايتهن نهايا
والحذر لا ياقفن خلف الظهور






التوقيع :

الصبر حكمة والعقل سيّد القوم=واللي تعجل ياخذ الحق ناقص

رد مع اقتباس
إضافة رد

مواقع النشر (المفضلة)
   


الذين يشاهدون محتوى الموضوع الآن : 7 ( الأعضاء 0 والزوار 7)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:12 AM.




 


    مجمموعة ترايدنت العربية