العودة   منتديات الـــود > +:::::[ الأقسام الثقافية والأدبية ]:::::+ > همس القوافي
إضافة رد
   
 
أدوات الموضوع تقييم الموضوع انواع عرض الموضوع
قديم 11-10-2018, 01:14 AM   رقم المشاركة : 1
محمد بن عاطف
( ود جديد )
 





محمد بن عاطف غير متصل

(( . . . . ذكريات . . . . ))






سلام يالربع

وجعلكم في خير جميع



هالمره الموضوع يحتاج مقدمه هههه


منصور اللي في القصيده هذا ابن عمتي


وهو اقرب لي من نفسي ولا علاقة لهذه التوأمة لكونه قريبي او جاري


فالاقارب كثر واطفال الجيران اكثر


يعيش كلا منا في مدينة بعيد عن اهالينا ومدينتنا الجميلة ( الطائف )


اذا رحت زيارة قالوا كان هنا واذا جا هو قالوا توه مشى


ماكتب الله نجتمع واخر مره التقينا من اكثر من عشر سنين


وللتوضيح ( وج ) وادي مشهور في الطائف


و ( البازم ) جبل معروف يقع في قلب مدينة الطائف هناك حيث ولدت


سامحوني عالمقدمة وإليكم القصيدة واسأل الله لها القبول ..



.

.

.


سرى ليل الشباب .. وطارت الغربان ... يامنصور
شغلنا العيش ..... والدنيا تلاهي ..... والزمن عبرة

وان ابطت شوفتك ياصاحبي .... سدك معي مخبور
يذكرني بك الود القوي ...... والدم ........ والعشرة

لو اعتب وآتشرّه ..... للزعل ... مانيب سامع شور
لك فقلبي وكيل ....... يذود عنك .... ويعتب ويشره

رفيقك لو يعرّض شرهته ......... وقّف لها الطابور
ونق من المعاذير السمين ............. وحز له نحره

مشاريه المحبه ... بين أهلها ......... حجها مبرور
يوديها الغلا مستبشرة ................ ويردها سفرة

عساني ما اعدمك .. ياغايبن لك في الغياب حضور
وعسى الله يحفظك من كل شر ..... بحفظه وستره

وانا حالي ... على ما احب تسمع..... خلني مستور
بغيت وعزت الشكوى علي ......... وعزت الدبرة

مثل راعي الحلال ارعى خيالي في الخلا المهجور
ادوّر له ظلال ............. ولابه الا القيض ينتظره

تعداني الزمن .... سلّم عليّ ....... وقال لي ماجور
ترى من ضاق به صدر الوسيعة ... يوسعه صبره

تغيرنا السنين ...... تبعثر سطور ..... وتلم سطور
وانا نفس الهقاوي .... والوله .. والحزن .. والنبرة

وشت بي ..... دمعة اللي غربته ماهي سنه وشهور
يغني ..... والجروح تذكّره ....... والوجد يعتصره

تذكرت الليالي اللي مضت ........ قبل الزمان يدور
قبل ترمي مجاديف القدر .......... كل ٍ على شطره

قبل لايلتحف ( وجّ ) السواد ......... ويلتثم بجسور
قبل لاتسند ( البازم ) عصاه ........ وينحني ظهره

تذكرت الجبل ...... واهل الجبل ماعادهم في الدور
وطفل ٍ في عيوني يبتسم ............ وتخونه العبره

ادوّر نقشي اللي خابره ........... بين الصفا محفور
وادوّر وجه ابوي ............ اللي دفنته بيدي فقبره

من اللي عاد يعرف لي ملامح ....... والوجوه تبور
من اللي عاد يسمع لي خبر .......... او مرني فكره

زمن ياصاحبي ......... ودّعت ناسه طايع ومجبور
ولا ادري وش طرالي .... واذكر اللي ماخبى ذكره

من الشيب اللي افزع غفلتي ..... واشعل عليّ النور
او الشوق القديم اللي كبر ......... وبلشت في كبره

تعذبني الصور .............. والذكريات آهاتها تنور
تعب كهل الحنين يكنها ........... وتحن في صدره

الاقي وين ...... للنسيان باب ........ وللعباير سور
وقلبن ... لابغيت احب طاع ......... ولابغيت اكره

يقولون الغياب .... يعلّم النسيان ......... يا منصور
وانا طول الغياب ....... اورثني الحرمان والحسرة

تعداني الزمن ..... طرف ٍحزين .. وخاطر ٍمكسور
ومن ضاقت به اطراف الوسيعة ...... يوسعه قبره



وسلامتكم

.

.

.

محمد






رد مع اقتباس
قديم 17-11-2018, 10:50 AM   رقم المشاركة : 2
شمس القوايل
المشرفة العامة
 
الصورة الرمزية شمس القوايل

~. محمد بن عاطف.~
متآلق مبدع رآئع مميز
يعطيك آلف عآفية على آلطرح
آلآكثر من رآئع
لآ تحرمنآ جديدك آلمميز
تقبل مروري
شمس القوايل ..~






التوقيع :


اضغط على الصورة لفتحها بصفحة مستقلة

رد مع اقتباس
قديم 09-07-2019, 08:17 PM   رقم المشاركة : 3
ابو الملكات
( ود جديد )
 





ابو الملكات غير متصل

كنت هنا مع حرفك الانيق استمتع بروعه كلماتك
دوماً انتظر جديدك المتميز اكيد احلى وأجمل
كل الود







رد مع اقتباس
إضافة رد

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:03 AM.




 


    مجمموعة ترايدنت العربية