"البارت العشرين "
مزون مسكت خدهآ بقهر ودموعها عالقه برموشها وع وشك النزول قالت بقهر : من إنت عشان تمد إيدك علي بإي صفه وأي حق ؟
فواز وهو الشرار يتطاير من عيونه : سمعيني يا حقيييره لاتقعدي تتنافخي علي وع أمي وهاذي شوفة النفس ورفعة الخشم مو علييينا فااهمه
مزون سكتت بقهر وعيونها تلمع بالدموع ..
جآت سوسن ومسكت إيدها بحزن : مزون حبيبتي تعالي معي نروح غرفتك
فواز وخر سوسن : ماراح تروح مكان بتروح تجهز الغدا مابقي له شي
سوسن : فواز مايصير توها واصله من السفر خلها ترتاح وانا بجهز الغدا
فواز صرخ ع اخته : سمعيني سوسن إنتي مالك علاقه فاهمه خلك بدراستك وبس
سوسن سكتت بقهر ..
وفواز التفت لمزون : وانتي لسه واقفه إنقلعي ع المطبخ
مزون قالت بغصه : بروح ابدل اول شيء
ام فواز : خلها تنقلع تبدل اول شي وبعدها تروح المطبخ ..
مزون راحت لغرفتها اول ما فتحتها حست إنها رجعت للعذاب من اول وجديد شافتها مثل ماهي ماتغيرت التفت لقت الخدامه معها شنطتها اشرت لها تحطها وتروح ..
حطت الخدامه الشنطة وطلعت ..
مزون سكرت باب الغرفه وفتحت شنطتها وطلعت لها بنطلون وقميص موف طويل واخذت طرحتها وراحت تبدل ..
خلصت وطلعت راحت للمطبخ لقت الخدامه قالت لها تروح ..
طلعت الخدامه وبقت مزون ..
جاتها ام فواز وقالت بتكبر : هي إنتي لاتفكري هالخدامه عشان تطبخ معك لا ياروحي إنتي للطبخ وهي للتنظيف وإحمدي ربك إن جبنا لك وحدة تساعدك باشغل البيت
مزون قالت بهمس : لو مارحت كان ماجبتوا خدامه
ام فواز سمعتها وإنقهرت مسكتها من شعرها : لا تقعدي تقولي كلام أخليكي تندمين عليه بعدين ؟
مزون تألمت : أء خلاص خالتي عورتيني
أم فواز بستهزآء : بلا دلع ويلا خلصي بسرعه
طلعت أم فواز ومزون مسحت دموعها إللي بدأت تنزل وصارت تطبخ ..
فـي قصر أم سعود ع الغدآ "
أم سعود تنآظر : وين سعود ؟
ريف : له يومين مايروح الدوآم وحابس نفسه بغرفته ..
أم سعود : لاحول ولاقوة الا بالله من وقت ما راحت هالمزون وهو كذا "رفعت صوتها " جآني يا جاني
جاني جات ركض : يس مدآم
ام سعود : روحي قومي سعود
جاني ناظرت ريف ورند بنظرات خوف
ريف ورند كتموا ضحكتهم وفهموا لها لآن جاني أكثر وحدة تخاف
أم سعود نآظرت بناتها بعدين ناظرت الخدامه : خير وش فيك لسه واقفه
جاني : مدآم أنا في خوف من مستر سئود
أم سعود بحده : أقول روحي قوميه بلا مصخره يلا خلصينا
راحت جآني فوق وهي تتحلطم ..
أنفتح باب القصر ودخل سلمآن : السلام عليكم ..
الجميع : وعليكم السلام ..
أم سعود : وينك إنت الثاني من وقت مارجعت ومانشوفك
ريف : يمه ترا انا بديت اشك إن عندنا إخوآن
سلمان ناظرها بحده : إنتي مالك دخل فآهمه "وإلتفت لأمه" أبد يمه الشغل بالشركه تعرفي سعود هاليومين هآمل الشغل ..
نزل سعود : يالله خير وش فيه سعود بعد ..
رند تضحك : هههههههههههههه ألحق يا اخوي سلمان يحش فيك
سعود إبتسم : يمون سلمان
ريف : اعوذ بالله توك كنت بغرفتك ومعصب مسرع ما انقلبت تضحك وتمزح ؟
سعود سحب الكرسي وجلس : إن عصبت ما عجبكم وإن ضحكت ما عجبكم وش اللي يعجبكم ؟
أم سعود ماصدقت تشوف ولدها مستانس : ماعليك منها يمه ماتعرفهم خوآتك
سعود حس كثير مضايق أهله بالفترة اللي راحت فيها مزون لهالدرجه كنت مضايقهم
أم سعود : يلا يمه سلمان روح بدل ملابسك وإنزل تغدا
سلمآن : إن شاء الله
أم سعود إلتفت لسعود بهمس : فكرت بالكلام اللي قلته
سعود بضيقة : فكرت يمه وأتخذت قرار ..
أم سعود : بعد الغدا تلحقني ع غرفتي
سعود : إن شاء الله
ريف كانت ملاحظة عليهم وصارت تآكل بنفسها تبي تعرف واللقافه ذابحتها
رند تذكرت : إلا يمه وين أبوي ما نشوفه ؟
أم سعود لوت فمها : ياحسره ليش أبوكي متذكرنا يجي يومين ويغيب شهرين .
ريف : لاتظلمونه يمكن مشغول لازم نعذره
أم سعود : إنتي بس إقعدي دافعي علييه وبرري له
ريف : طيب يمه مو أبوي "وأخذت الملعقه " بعدين أنا أول أمس مكلمته ويقول الاسبوع الجاي بيجي
رند بصدمه : وأنا مو بنته يتصل علي ؟؟؟؟
ريف : أنا إللي إتصلت عليه وقالي فيك خير أكثر من رند
رند بقههههر لآنها أبد ماتعرف تكسب الناس مثل ريف ودآيم تخرب ع نفسها ..
غلا كآنت بغرفتها وماتبي تتغدا منسده نفسها ع الاخر ترددت تاخذ الجوال وتتصل ع الرقم اللي اتصل عليها ولا لاء ..!
بالأخر قررت تتركه وما تتصل بتشوف إذا هو بيدق عليها مرة ثانيه أو لاء ..
قامت تبي تطلع تتغدا مع أمها بس دق جوآلها رآحت بسرعه لسريرها وأخذته وكآن رقم غريب قالت يمكن أللي إتصل علي أمس ردت بدون تردد وصوتها كآن يرتجف : ألـــ ــــو
: أحلى ألــو لأحلى غلا بالدنيا كلها ..
غلا ماصدقت تسمع صوته أكثر شخص كآنت محتآجه تسمع صوته هو جرآح : جرآح أشتقتل لك
جرآح ذاب من كلمتها : الاآآآآآآه يا غلا أكثر كلمه كنت أبيك تقولينها جرآح إشتقت لك
غلا إستحت ماتدري كيف طلعت هالكلمه بس كانت محتاجه لاي أحد تشكي له : هههههه لاتصدق عاد المهم كيفك ؟
جرآح : بعد صوتك أكيد بكون بخييييييييير وإنتي كيفك ؟
غلا بضيقه بس مابينت : الحمدلله ماشي حالي ..
جرآح حس فيها شي : غلاوي صوتك فيه شي ..؟
غلا بسرعه غيرت نبرة صوتها : لا والله مافيني شي بس تعرف ضغط المدرسه وكذ1
جراح ما إهتم لأن يمكن صح من المدرسه : ألمهم غلاوي متى تبي أجي وأخطبك
غلا حست إن ممكن بهالسالفه إذا جرىح تقدم لها تعرف إذا أبوها موجود أو لاء لأن أكيد إذا بنته بتنخطب هو رح يظهر : إممم متى إنت تبي ؟
جرآح : وش رايك يوم الخميس هذ1 اللي بيجي ؟
غلا : اوكِ خلاص ..
جرآح : بس بشوفك هاليومين ؟
علا : لا جرآح مايصييير يوم الخميس لما تجي تشوفني خلاص مابقي الا 4 ايام ..
جرآح : الله يصبرررررررني بسسس
غلا : هههههههههههههه طالعة من قلب والله .!
المغرب ..
هالوقت الاغلب يطلع من البيت ومايكون فيه أحد .."
الرياض _ بيت أم فوآز ..
بالصاله ..
كآنت مزون ترتب المخدآت بعد ما الخدآمه راحت مع سوسن ع المكتبه عشان بتشتري أشياء للجآمعه ..وأم فوآز راحت لوحدة من جارتها مافي بالبيت إلا فوآز ومزون "..!!!!!
مزون بعد ماخلصت ترتيب ناظرت الصاله شافتها مرتبه وشكلها نظيف وحلو سكرت بعض الأنوآر وخلت الأضاءة الخفيفه ورآحت المطبخ ..
فواز نزل من فوق كان واقف ع الدرج ناظر الصاله لقاها هدوء ومافيها أحد إستغرب وينهم بعدين سكت شوي أكيد امي وسوسن طلعوا مزووون وينهآ ..!
نزل من الدرج بخطوآت سريعه وراح للمطبخ وقف عند باب المطبخ مزون كانت تمسح الدولاب وهو يناظرها من وراء وعيونه تلمع بالخبث ..
دخل المطبخ وسكر الباب بالمفتآح
مزون إلتفت للصوت وبلعت ريقهآ بخوف ورجعت لورآ : شـ ـتــ ــبــ ـي مــ ـنـ ـي ؟
فواز قرب منها وهي كانت لاصقه بالجدآر حط إيدينه وحآوطها من فوق بحيث ماتقدر تتحرك
مزون عيونها صارت تلمع بالدموع .. : وخــ ــر عــ ــنــ ـي أحـ ـسـ ـ ـن لــ ـك
فوآز وهو ينآظر بعيونها الخضرآء اللي تلمع ما إهتم لنظر الخوف كثر ما إهتم لعيونها الجذابه اللي سحرته , قرب منها أكثر لين ماصار مايفصل بينهم الا شعره بس باس خدها بعدين جا ببوس شفتها بس مزون دفته بسرعه لدرجة إنه طاح ع الارض
راحت للباب لقته مسكر والمفتآح مع فواز ..
خافت أكثر بعد الحركة إللي سوتها ناظرت وراها ومسكت السكين , فواز قاام بعد ما تعورت رجله وشاف معها السكين بلع ريقه بخوف متوقع من مزون أي شي بها الحاله وأحتمال عادي تقتله
مزون وهي راصه ع أسنآنهآ : إفتح لي الباااب ولا والله ما أتردد دقيقه بقتلك
فواز بخوف راح وفتح لها الباب وهي كانت ترجع لوراء بعدين ركضت لغرفتها ..
أول ما دخلت سكرت الباب وطآحت ع الارض تبكي بقهر وحرقه شوي لو ما لحقت ع فواز كان سوا لها شي وضاااعت ضااعت بحلظة وينك يمه محتآجه لك حيييييييييييل أختي وأبوي وأمي ليه ما أخذتوني معكم لييه كآن مت معكم مابي أعيش بهالدنيا اللي ذلتني وبهدلتني ولا يوم خلتني أضحك "سعوود وينك ياسعود أنت أكثر إنسان ممكن تحس بمعنآتي أبييك محتآجه لك حييل "
كل هالكلام كان كاتم ع صدر مزون وماتجاوز لسانها وشفاتها وبس كان صوت نحيبها وبكائها يملا الغرفه ..
بغرفة رند وريف "
رند بوناااسسسه : واااا ريف مو مصدقه وأخيراً سعود زاقف يتزوج بعد مزون ..
ريف بحزن كبييير : أنا مو مستانسه يا رند مابي غير مزون تتزوج سعود .
رند : أووه ماعندك سالفه يا ريف عاادي أي وحدة المهم سعود بتزوج وبصير عندنا عرس بالصيييف
ريف : أوووووف تفكيرك بزززززر انا بإيش وإنتي بإيش ..
رند : مدري ليه حارقه دمك سعود وافق يتزوج غيرها وانتي للحين مصره عليها خلاص ريف إنسيها البنت راحت بحالها ..
ريف : أنا بتصل عليها
رند بصدمه : من هي ؟؟؟؟؟؟
ريف وهي تاخذ جوالها وتتصل ع مزون وطنشت رند : .....
رند : إنتي أكيد إنهبلتي يا ريييييف وش تبي فيها تتصلي عليها خلاص هي راحت بحالها ..
عـنـد مزون كانت لسه جالسه عند الباب ودموعها بعيونهاا وصوت بكائها مرتفع بكل الغرفه
وتتذكر كل ما فواز كان مقرب منها وقرفانه من نفسها حييييييل ..
رن جوالها اللي كان ع السرير وكانت مطشنه وماتبي ترد بالاخر قامت بخطوات ثقيله وراحت للسرير ورفعت الجوآل ولقت إسم ريف ماترددت دقيقه وحدة بالرد رفعت الجوال وردت بصوت مرتجف ومخنوق : الو
ريف بهلفه : مزون وينك وحشتيني حبيبتي وينك فيه ؟
مزون كانت محتااجه لهالصوت اللي يسألها ويحن عليها : ريف انا تعبآنه تعبآنه حيل ومتضايقه أبيك تجي عندي أبيك يا ريف محتاجه لك
ريف كآن ودها تسمع صوت مزون وأول ما سمعته تسمعه وهي تبكي وحزينه : مزون يا روح أختك وش فيكي وش مضايقك قوليلي
مزون قعدت ع السرير وقالت بتعب وصوت يبكي : أنا ببيت عمي يا ريف وفواز كان يبي يعتدي علي لولا ما دافعت عن نفسي باللحظة الاخييره
ريف بقهر وعصبيه : الحقييير مزون إنتي غلطتي من البدايه لما رحتي لبيت عمك تعالي عندنا "وبترردد "مزون سعود بتزوج غيرك تعالي عشان يتزوجك
مزون بصدمه وحزن وخيبة أمــــــــل : بتزوج غيري ..!!!"بعدين تظارهت البرود " الله يهنيه يا ريف سعود بيبقى واقف علي لازم يشوف حياته انا مرحله بحيآته وإنتهيت
ريف : مزون إنتي لسه ما إنتهيتي سعود يحبك والله يحبك ويبي يتزوج بس عشان يرضى أمي مزون تقدري ترجعي وسعود يتزوجك وتعيشي معنا وقلت لك يحبك يعني ماراح يطلقك
مزون بحيره : ما اقدر ارجع يا ريف ما اقدر أنا عصبت ع سعود كثير وذليته وتبيني أرجع كيييف ؟
ريف : إنتي ماعليكي يا مزون تعالي بس وأنا بأقنع سعود وقلتلك دامه يحبك بنسى كل شيء سويتيه ..
مزون : لاء ريف خلاص مابي مالي مكان بينكم بأي صفه أجي كآني قاعدة ببيت عمي هم أولى فيني من أي أحد وع الأقل لما أكون متضايقه أتكلم معك تهوني علي ..
ريف يأست من عنادها : براحتك مزون ما بضغط عليكي , أكيد حبيبتي دآيم بتصل عليكي وما راح أتركك ..
مزون : طيب ريوفتي أنا بسكر شوي وتجي العقربه زوجة عمي وتصير تصارخ
ريف : أوكِ حبيبتي والله يعينك يارب مع السلامه
مزون : أمين , فِ حفظ الله "
"عند سارا وفهد "
فهد كان قاعد بالصاله وسرحآآآآآآآآن فــــي فجر طبعاً
كل شوي يتذكر لما شافها أمس ومشيتها وملامحها قطع تفكيره سارا وهي تنآديه من المطبخ : فههد تبي أسوي لك شي تشربه معي
فهد حس نفسه مسدودة مايدري ليه : لا مابي
سارا : برآحتك
جات سارا ومعها كوب قهوة وقعدت وصارت تناظر التلفزيون ..
فهد كان بيسأل سارا عن فجر بطريقه غير مباشرة : سارونتي
سارا وهي مندمجة مع الفيلم : ها
فهد : إمم إستآنستي امس مع خوآت حسآم
سارا مو منتبه لسؤاله : إيه عآدي بس ماعجبوني مدري ليه
فهد : هو كم أخت عنده
سارا : إمم ثنتين أنا أول كنت أفكر ذيك إللي إسمها نجلاء زوجته بس طلعت أخته
وزوجته طلعت متوفيه "
فهد سكت شوي يا ترى اللي شفتها وش إسمها "
سارا ركزت شوي وتركت الكوب بسرعه وإلتفت عليه : وإنت ليه تسأل عن خوآتـــه ؟؟؟؟
فهد إرتبك : ءءء لاء ولا شي بس كذا
سارا بشك : فهد في شي ؟
فهد : لا والله مافي شي لا تشغلي بالك إنتي
سارا : كيف ما أشغل بالي وإنت قاعد تسأل عن خواته مو باقي تسألني كيف شكلهم وإيش لابسين
فهد ياريت والله : سارا خلاص عاد ما صار سؤال أسألك إذا إستآنستي تقومي تقلبينها مهاوشه
سارا وقفت : عاادي فهد قول إذا تبي أخطب لك وحدة منهم أروح وأخطب مو شرط تسوي هالمحاضرة كلها وبالاخر تطلعني غلطآنه
ورآحت الغرفة
فهد "معقول يا فهد تبي تتزوج غير ساارا معقول أكيد لاء ومية لاء سارا الأنسآنه إللي حبيتها وفضلتها ع كل بنات عائلتنا اتزوج عليها ومسألة العيال شي مو بيدها بيد ربنا سارا مالها ذنب وأنا وعدتها ومستحييل أخلف وعدي "
بعد ما فهد أقنع نفسه بهالكلام
راح للغرفة ولقى سارا قاعدة ع السرير ومعطيه الباب ظهرها وتبكي
إبتسم فهد وبالنفس الوقت قلبه ما طاوعه ع الحركة السخفيه اللي سواهاا "
راح وجلس جمبها ومسح دموعها بحنآن : سارونتي سامحيني
سارا ساكته وتبكي ..
فهد حضنها : خلاص عاد وربي إني كنت أتكلم من غير قصد مو قصدي أسأل ع خوات حسام إنتي عندي عن مية وحدة وما أشوف غيرك سارونتي
سارا إرتآحت شوي بس لا زالت حاسه بالذنب لان فهد يبي عيال وهي مو طالع بإيدها شي ..
رفعت راسها وناظرت عيون فهد : بس لا زلت تبي عيال صح فهد ؟
فهد وهو مبتسم : إيه أبي عيال بس أبيهم منك إنتي مو من أي أحد ثاني وبنتظرك حتى لو بعد مية سنه
سارا : هالكلام من قلبك؟
فهد : لا من ورااه "بعدين إبتسم " مافي احد غيرك سكن هالقلب "وأشر ع قلبه " ولابسكنه أحد غيرك
سارا إبتسمت وبآست خده
فهد خق : أآآآآآه بس وتقوليلي تفكر بغيري مجنون أنا
سارا : ههههههههههههههه
في بيت أبو نوآف .."
نوآف بعد ما كلم أمه وأبوه بموضوع أخته هم وافقوا مبدئياً بس ينتظروا النوري توافق ..
أم نوآف : أنا بكلمها وأشوف رايها
أبو نواف : أم نواف إذا مو موافقه لا تضغطي عليها أهم شي راحتها
أم نواف إبتسسمت : أكيد ..
راحت أم نواف طلعت غرفة بنتها دقت الباب .. وصلها صوت بنتها دخلت
: نايمه يمه
النوري : لايمه تفضلي حيآك
دخلت أم نواف وجلست ع السرير وناظرت بنتها : إنتي تعرفي أنا ليش جايه ؟
النوري بتوتر : إيه يمه أعرف ليش جايه عشان موضوع خالد ..!
أم نواف : إيه عشان موضوع خالد وأبي أعرف رآيك لأن كمآن يومين بيجي الولد مع أهله
النوري سكتت
أم نواف : يمه إذا ماتبينا قولي أبوكي ماراح يغصبك ع شي
النوري سكتت شوي بعدين قالت بتسرع : لا يمه موافقه "ونزلت راسها "
أم نواف بفرح وقامت حضنت بنتها وباستها : ألف مبروك يا يمه ألف مبروك
خلني أروح أبشر أبوكي
طلعت أم نواف "
والنوري تنهدت وغمضت عيونها "خلاص لازم أنسآك يا سلمآن إنت مو من نصيبي وأنا بتزوج يا خالد أو غير خالد فخلني أرضى بأول نصيب لي .."
في بيت أم جرآح ..
جراح كان بروح عند أخوياه لقى أمه جالسه بالصاله
باس راسها وجلس معها
: شلونك يمه ؟
أم جرآح : بخير يمه إنت وينك ما اشوفك ؟
جرآح : أسف يمه بس أرد تعبان وأنام
أم جرآح : ولمتى بتبقى كذا من غير شغل ترا مو زينه الرجال يقعد بدون شغل ؟
جراح : عن قريب يمه عن قريب وعشان كمان تخطبين لي "وإبتسم "
أم جراح بفرح : صدق وأخيراً ياجراح تبي تتزوج وأبي أشوف عيالك ..
جراح إبتسم : غيه يمه حتى هاليومين بتوظف عشان تروحي وتخطبي لي
أم جرآح : من بكرا انا وجدتك ندور لك ع احلى بنت في الرياض كلها
جراح بنفي : لالا يمه لا تدورا ولا شي أنا حاط عيني ع وحدة تسوى كل البنات
أم جرآح بتسآؤل : وحدة .! من هالوحدة .؟!
جراح : كل شيئ بوقته حلو حتى إنتي تعرفينها عز المعرفه ..
أم جرآح بستغراب : أعرفها يلا عاد قول يا ولد
جراح : لا يمه لما اشتغل ونروح نخطبها اقول لك
أم جرآح : لا والله تبي لما نروح بنفس اليوم نخطبها يمكن ما اوافق عليها ؟
جراح : لا رح توافقي وتحبينها كمان . "وناظر ساعته " أوه تأخرت يمه يلا فمآن الله
"وباس راسها وطلع "
أم جراح بحيرة : وحدة واعرفها عز المعرفه وأحبها ياترى من هالبنت اللي أخذت عقلك يا جراحوه وحببتك بالزوآج .؟
سعود كان قاعد بالصاله ويقرأ جريده ويشرب قهوة ..
نزلت ريف من فوق وشافته بروحه تطمنت مافي لا أمها ولا رند
نزلت بهدوء وجات من وراه وصرخت بإذنه : بووووووووووووووه
سعود طاحت الجريده من إيده وتروع : بسم الله الرحمن الرحيم
ريف فقعت ضحك : ههههههههههههههههههههههههههههههههههههه
هههههههههه أول مرة سعود يتروع هههههههههههههههههه
سعود بعصبيه وبغا يصكها بالكوب اللي قدآمه : الله يقطع ابليسك يا ريف ..
ريف قعدت قدآمه : تصدق دامك تروعت يعني سرحان
سعود : وش اللي خلاكي متأكده ؟
ريف : كذا أحساسي قاللي
سعود ماحب يشكي لآحد : لا إحساسك هالمرة غلطآن..
ريف : لا ولا مرة أحساسي خاب , بس إنت ماتبي تشكي لأحد أعرفك ‘
سعود وقف وبروح غرفته : ريف لاتدخلي بشي مايخصك فآهمه ,
ريف سندت نفسها لوراء : طيب ماراح أتدخل بشي ما يخصني بس لو كآنت اليوم مزون متصله فيني ..
سعود تجمد مكــــــآنـه ما توقع مزون تتصل حس إن لسه في أمل ترجع له راح وهو مستوعب لعند ريف وجلس : صدق إتصلت
ريف ضحكت : هههههههههههه من ساعه قالب خلقتك وريف لاتتدخلي بشي مايخصك مسرع ما قلبت وفكيت الكشره ‘
سعود بنفاذ صبر : ريييييف تكلمي أحسن لك مزون إتصلت وش قالت ؟
ريف : اوك اوك خلاص لا تعصب علينا "وغيرت الموضوع " يب مزون إتصلت "وغيرت نبرة صوتها "وكآنت متضايقه حيل وتقول "هنآ ترددت تقول أو لاء "
سعود أعصابه تلفت : وش تقول ؟
ريف خافت من نبرة صوته : طيب طيب تقول إن فـ ـوآز ولـ ـد عـ ـمـ ـهـ ـآ بـ ـغـ ـى يـ ـعـ ـ ـتـ ـدي عــ ـلـ ـيـ ـهآ
سعود بعصبيه وقف : الحقيييييييييير يعتدي عليها "أخذ جواله ودق رقم مزون "
طبعاً الدنيا كآنت ليل وكل اللي بيت عم مزون نآيمين ..
مزون كآنت بغرفتها ولابسه شرشرف الصلاة وتدعي ع سجآدة الصلاة رن جوالها إبتسمت وفكرت ريف لأن محد من أهل سعود بتصل عليها إلا ريـف
رآحت ورفعت الجوآل ونآظرت الرقــــم .. تجمدت مكآنها حست أطرافها إنشلت وعآجزة عن الوقوف ســ ـعــ ــود" ماتدري ليه مشتاقه تسمع صوته ونبرته الحنونه ما ترددت بالضغط ع الزر الأخضر ووصلها صوته العصبي : الو مزووون
مزون كآنت قد إيش مشتاقه تسمع صوته وبالأخص تمسع إسمها من لسآنه : آلــ ــو
سعود هدي شوي لما سمع صوتها : صدق اللي سمعته ؟
مزون بهدوء : وش أللي سمعته ؟
سعود : صدق فواز كان بعتدي عليك ؟
مزون الله يسامحك ياريف : إيه صدق بس أنا دافعت عن نفسي ..
سعود عصب حيييل : ولمتى بتدافعي عن نفسك هالمرة سلمتي المرة الجايه ماراح تسلمي يا مزون
مزون عيونها دمعت : وش تبيني أسوي يا سعود وين أروح
سعود : تجي عندنا يا مزون وأتزوجك
مزون بستهزاء : شهر وتطلقني صح ؟
سعود سكت هنا ماعرف وش يقول مايبي يعترف بمشاعره ومايبي يجرحها بكذبته ..
مزون شافته ساكت : شفت شهر وتطلقني لا أبقى ببيت عمي أحسن لي ولا أجي عندك
واول ما سكرت
سعود قال : مزون أنا أحبك .. ألو مزون مزون ردي
ريف أخذت من سعود الجوآل : خلاص يا سعود سكرت راحت
سعود أخذت مفاتيح سيارته ومحفظته وطلع "
وريف كآنت تنادي عليه بس ماسمع لها "
إنــــــتــــــهــــــــــى ..
التوقعات ؟؟
سعود وين رح يروح لما طلع ؟ وهل ممكن يسكت ولا رح ياخذ مزون ؟
النوري صحيح نسيت سلمآن ولا بس عشان لاتحرج أهلها ؟
أم جرآح وش ردة فعلها لما تعرف جرآح يبي غلا توافق ولا ترفض ؟
أنتظر توقعاتكم
العرض العادي
