إلى متــــى ؟؟؟؟ إلــــى متـــــى ؟؟؟ قولوا لي بس إلى متى هالتخلف
اللي إمجيم بعقول كثير من أعضاء مجتمعنا وللأسف ... ماتدخل دورة
مياة ( أكرمكم الله ) في مكان عام إلا الله لايوريك .. والله ان تقول ياهون
من الدخول في هالدورة والسبب من اتلقذارة والوصاخة اللي يخلفها
مستخدمين هالدورات ماتدري ليش ؟؟؟ مع إنه راح يرجع ويحتاجها مرة
ثانية ( شوفوا الحمورية ) وبيعرف قيمتها .. والله ياجماعة .. ان الواحد
يشوف بلاوي في هالدوارت حتى النسائية ( واعيباه ) لدرجة إني
ماأقدر أوصف هذه المناظر .. فكل مايطرأ في بالك من قذارة ووصاخة
بتلقاها هناك .. مع أن الماء متوفر ( وكلها سحبة سيفون ) ... وفوق
الوصاخة والقذارة الملموسة قذارة أحلاقية لاتقل عن السابقة وهي
الكتابات والرسومات اللي تخفي الجدار الأصلي للحمام ( أكرمكم الله )
وحدث ولا حرج على ماكتب ورسم .. قول هاللي قاعد يكتب ويرسم
ماتقول مستحلى الجلسة في هالوساخة ويبدو إنه متعود عليها ..
وغير هذا يا إخوان شي والله عور قلبي .. جلسات على الشواطي
جديـــــــــــــــدة .. والله جديدة مكلفة الدولة ملاييين وماصار لها وقت
شهور قليلة .. ورحت مع وجهي داق الصدر مودي البزران ولا شتشوف
؟؟؟؟؟؟ ... لمبات مشلحة... أفياش مكسرة ... أبواب مخلعة ...
مع إن الجلسة الوحدة مكلفة فوق المئة ألف !!!!!!
ومن حر ماشفت كتبت موضوع ونزلته بالجريدة عن اللي شفته وإقترحت
عليهم حلول منها وضع سياج وبوابات لدخول الشواطي وفرض رسوم
رمزية لإستئجار المضله وتأمين يرد له بعد المغادرة لإن هالناس ( تخاف
ماتختشيش ) لكن لاحياة لمن تنادي
ويالله الصلاح ..*7
العرض الشجري
