|| بعـض المسااجـلاات الهجيريـه ( صـووت وو صـددى) .. ||

[العـ راعي ـليا]

السلام عليكم ورحمة الله وبركاته

الأخوه روّاد هذا المنتدى الشااامخ ..

كل عاام وانتم بألف خير ، وعيدكم مباارك .

هي مجرد فكره راودتني وقد توفر عناء البحث ، لمن يستمتع بقراءة المسااجلاات ،

لذا حبيت أن اضع بين يديكم بعض مساااجلاااتي مع الأخ العزيز / صالح الشيبااني .

علّها تنااال اعجاابكم .. تقبلوا تحيّتي

اقتباس المشاركة الأصلية كتبت بواسطة ( ســــارب ) من لمح فيكم من الذكرى هجــــــير = لو بقى ذكره بلا ساس ورسن يكفي إنه لا رحل يرحل كبيـــــــر=ويكفي إنه لا بقى يبقى وطــــــن والله إنه ما توجّد بالاخيــــــــــر=غـــير لرجال ٍ لهم ..قـــــدر ‘ وثمـــــن راعي العليا له بصدري زفيــــــر =ما يكفــَّن لو يكفَّن لي كفـــــــــن والبقا للغير لو يــــومي قصيـــــر= لو علنت الصوت ما ظني طعــــن نلتقي في النـور يا ربعــي بخيـر=لو رموش الليل للغــــــايب نسـن

اقتباس المشاركة الأصلية كتبت بواسطة العـ راعي ـليا الله اللي عالم(ن) خاف السرير = يوم خلقه كل(ن) عيونه غفـن واحد(ن) ماله شريك ولا خشير = ما اعترى ذاته ممات ولا دفـن وحده اللي عارف صدق الضمير = عالم النيات شانن أو صفـن إن قدرك يالخوي ماله نظير = والحضوض اللي تناسى اسمك هفـن ياسند من جاك باليوم العسير = الخوافي ما على ربك خفـن باقي أسمك والليالي تستدير = وخالد(ن) ذكرك بهن مهما قسـن

اقتباس المشاركة الأصلية كتبت بواسطة هجير الشتاء يا راعي العليا زبون المعيثير = ياللي خذيت من المعاريف عالي إخذ القصيده دون رصف وتصاوير= الحاله اكبر من كثير الخيالي انشدك ..لا شاهت وجيه الجماهير = وطـّرت جيوبي وانتكس كل غالي انشدك ..لو بانت جميع المعاذير = وأنسب عذر من قبل الأيام بالي وش عاد يجبرني أعد المخاسير !؟= واقعد على جور المليله لحالي المنتدى لو يجزي الخير بالخيـر = كان اعترفنا من قديم الليالي ماكل ثوب ٍ لو نزحته عن الكير = يبقى من بثور العذاريب خالي! العش طاح ولا درى عنه الطير = ياليت يدري في نهاية مقـالي

اقتباس المشاركة الأصلية كتبت بواسطة العـ راعي ـليا هجير يانسل ... الرجال المناعير=يالصاحب اللي ... خصّني واشتكالي هاك الجواب وسابقه عذر تأخير=من هاجسٍ بالراس جال اجتوالي يالحر يالصنديد ... ريف الخطاطير=عون الرفيق اللي به الوقت مالي اهلاً هلابك ... عد وبل المعاصير=واعداد حباة الحصى والرمالي ياللي جوابك مثل ... در المباكير=حالي حلا حِلياك حلو إِيحلالي ياصاحبي حذراك... لا تكشف البير=يصبح هماجٍ ... عقب ما هو ازلالي ما كل سيف ... امن السيوف البواتير=ولا كل رجلٍ ... من حساب الرجالي ولا كل طيرٍ... برقعوه الصقاقير=ولا كل هرجٍ ... لو سمعته يقالي ما يطيّح الأغصان كثر العصافير=وحشو الزلق ما تقترب للجمالي لا تشيل هم ... وخلْ عنك التفاكير=ترى الزمن مثل الرشا بالمحالي ياقدرة الله بين ... وِرد ومصادير= والدار ندري ... كل ابوها هيالي ما أقول لك بختامها يالخوي غير=عسى السعاده ... دوم فالك وفالي

اقتباس المشاركة الأصلية كتبت بواسطة ( ســــارب ) رميت من زود الأسى منديله = وبليت عيني من الأمل يوم أقفى قلت :‘ الأمور ختامها ‘ وعزي له = اللي طعني وخنجره ما تشفى يعني عشاني ما قدرت اشكي له! = وإلا عشاني من البشر في منفى! لابوك يا جرح الوداع الليله = ولا بو حياة زلالها ما يصفى إحتلت ‘‘ ما شفت بيديني حيله = أخاف دمعي من البشر ما يخفى ليته جحد قلبي قبل ما اجي له= ماخذ عليه من اللقى والملفى شفني ..وآنا عد الصور واللي له =وأنثر هموم خيانته لين أغفى أقول يالله ترحمه وتعيله = اللي عطاني من حياته زلفى يوم ٍ صدري لا بغى ياوي له =تدفاه عيني ولا دفت لي ‘ يدفى ما شاف عيني من رحل تبكي له ! = تقضب لساني من نقيصة ‘‘ تكفى‘‘‘

اقتباس المشاركة الأصلية كتبت بواسطة العـ راعي ـليا باسم الذي يغشى نهاره ليله=اللي عطى الساعي جزاه واوفى الواحد اللي ما بخس من كيله=هو خير معبودن تجاوز وأعفى ومن بعد ذكره حيّ من نصغي له=الصاحب اللي بالشعر له وصفى بيطار .. وزن .. إيقاعه .. وتفعيله=طرق الشعر ... هو عالمه ... والمرفى راع الوفاء لابد ما نوفي له=حتى لو انعسف القوافي عسفى ملاّ مشالك ..وش تبي تمشي له=مادام غض الطرف ... غِض الطرفى بعض العرب ما يفيد به تدليله=مهما تغاضى عن ... خطاه وترفى من لا يودك صد .. لوتدعي له=خلّه ... ودورات الليالي تلفى باب الأمل رده ... ولا تقفيله=إن كان ... له عندك بقايا ولفى والهرج: قصره خير من ... تطويله=طبع البشر ياصاحبي مختلفى

اقتباس المشاركة الأصلية كتبت بواسطة ( ســــارب ) لو للشقى يا راعي العرف قيمه = ما هز كفي غير يمنى سمــّوك ما ساق رب البيت للقاع ديمه = إلا وعيني تعتلي من علوك لا والله أبطي ما تقفّرت شيمه = وانته على حد السحايب وتــوّك

اقتباس المشاركة الأصلية كتبت بواسطة العـ راعي ـليا اطلب ولي العرش صبر وعزيمه=في كل فرضٍ تستبق له وضوّك ترى الصبر مفتاح خير وغنيمه=حذرا الحزن يطغى على كل جوّك دام النوايا يارفيقي سليمه =ما تحجب الغدرا سنا ضوح ضوّك

اقتباس المشاركة الأصلية كتبت بواسطة ( ســــارب ) ياغازي الصبح انتصب بالهم والساعه فجر= خمسه بتوقيت ام القرى وام القرى بأشعابها .. صبوح لا خذته شراب اقدع من ارياقه صبر=و أبل عيني بالرجا واخنق غزير اهدابـــها لا الضوء ينزع وحشتي والعمر ما كنه عمر=كنه غريب من السفر يوم السكك بأحبابها إقلط على آخر هقوتي وتشوف مرباعي قهر=بين السنين الخايبه بأنيابها وذيــــــــابها تعال قلبي لا برك- نائي- مثل جلسة عصـر=يقرى تفاصيل الزمن يوم انسدح بغيابها.. وش حدني للمر عام إلا الأمر منه وأمر..=يوم إن حلاة أعمارنا في عز جود اتعابها هذا وانا اللي لا جسد لا روح لا نفس وفكر=كني رياح من الزمن يوم القدر ســّرابها يا صالح اصبر واحتسب والرب يكتب لك أجر=في ساعة دنيا الفنى يطـوى سجـل كتابهـا عمر الفتى يا صاحبي لو طـال مـردّه قبـر=ومن بعدها عند الولي كل نفس تلقى حسابهـا دنياك مادامت لأحد..من يوم فيـه آدم ظهـر=ولا أنت الوحيد بدنيته ... من أكشفت له نابها كم واحدٍ همّه نمـا فـي داخلـه كنّـه قعـر=أليا ارتمت به حاجةٍ ... محد(ن) وصلها جابها مثلك تجرعت الألم .. ياكم سمر حالي سمـر=ارجي الليالي المقبلة ... للفرح تفتـح بابهـا وش الحياة بلا أمل ؟! قطرة نـدى ولا جمـر=وأنت الخبير وكلمتك ما قد جهِلْـت إعرابهـا عيش التفاؤل بالحياة إذا تبي تقطـف زهـر=ودنيا الشقى يا صاحبي حذراك لا تشقا بهـا

اقتباس المشاركة الأصلية كتبت بواسطة هجير الشتاء من عادني صغير وانا ما احتري حاجه ‘‘=إن ما لفتني بكيت وقلت ما ابيها ‘‘ والحين صارت هموم الناس دواجه=ما ابكي عليها ولكن ودي أبكيها ‘‘ يالغالي اللي رقيت حماه وسياجه =ما كل عله حنان الغيد يشفيها ‘‘ وجه الزمن في رفيقك قطّب حجاجه=مليون حاجه عجزت آصل موانيها ‘‘ يزداد عمري ووضعي يكثر احراجه=ما كان هذا عشم عيني بماضيها لو نلت قصر الغريم وعرشه وتاجه=ما اخذت قسمي من الدنيا ولياليها ودي ابوح لصخب دنياي وازعاجه =عن سر صمت المداين في ضواحيها عن همس صاير سجين ارواح‘ وافراجه=جنحان ذيك الفـــراشه‘ في تعليها وسيع باب الهوى في الحلم وقراجه =ولا فقت‘ يخلف عروقي في محانيها بحق منهو تجيه الناس حجاجه =هل ودك أسفح دموع الغيظ وأبكيها ! اللي قريته مهو بواقع من انتاجه=لا هد ناب الحقيقه قام يمحيها من منطلق كل: من ناجاك قم ناجه=ياليت كلمة هجير الود توحيها ما ابكي على اللي يموت إن مات بخداجه=أبكي على رجال شالت حمل أهاليها وما ابكي على اللي حرمني شوفة سراجه=أبكي على مصافح اليمنى ومغليها شرواك يالي كثير الناس تحتاجه =راع ِ اوله من عشت ‘ والعليات راعيها

اقتباس المشاركة الأصلية كتبت بواسطة العـ راعي ـليا يا الله ياللي بيدك البأس وعلاجه=ياخالقٍ كل هالدنيا وما فيها يارافع السبع مجري الفلك وابراجه=يا باسطٍ سبع نمشي في نواحِيها خلاّق الإنسان ... كاشف نطفة امشاجه=جلّت آسماك وصِفاتك في تعاليها انجيت موسى بعصا ... من بحر وآمواجه=ابقدرتك .. واغرقت اعصاة واليها اسريت بالمصطفى وأثبت معراجه=وولّيت وجهه لقبلة وإنت راضيها واكملت دينه وهديه بيّن انهاجه=في محكْماتٍ ... سليم العقل واعيها لك الخلايق بكل اوقات محتاجه=ياواحد(ن) علّم ... آدم كل آساميها وخلاف ذا والزمن ... معروف مِزْلاجه=دنياك ياصاحبي ما دام حاليها ما كنّها إلا كما دولاب درّاجه=واللي كتبه الولي للخلق واطيها فيها الغني من ازلها وفيه حوّاجه=ناس بنعيمٍ ... وناس البين طاويها فيها هلْ الطيب وايضا ناس هرّاجه= اللي على الناقصه تتعِب خطاويها وفيها اللي للمرجله والعرف سهّاجه=ما كنّها إلا المواشي في مفاليها فيها مركوب الشداد ... وراكب احداجه=وفيها حفاةٍ من الرمضا مواطيها ولولا الكرم والوفاء ... والكرب والحاجه=ياكثر من بالبشر تجْهل مباديها! والعبد مقسوم رزقه ياصل اوداجه=وارزاق كل الخلايق عند محصيها اللي انكتب لك يجي مضمونٍ إدراجه=واللي لغيرك ايدينك ما يواليها وشرواك هجير يعرف ... درب منهاجه=حفيد من ترتوي ... عطشا ضواميها قومٍ لجم الموارد ... دوم هدّاجه=ما تارد الطْرق ... تشرب عذب صافيها لو إنها بالوغى ... للدم مجّاجه=تبيع الأرواح يوم ( .... ) تشريها شف الجبل راسخٍ؟! ... والريح ما عاجه=يالحر وهي طايره ... تفهم معانيها!

اقتباس المشاركة الأصلية كتبت بواسطة ( ســــارب ) لو غاب عن عيني صداك وكلامك = أحسن لي أقضب ما معي عنك وارتاح شفت العيون اللي تحرّى سلامك= هذي عيون اللي له شــهور ما انـزاح ولو قالوا إن الطيب يالطيب سامك = من يشتريك ؟ وكل خلق الله أشبـاح! من جيت لك ما جيت لأكتب علامك = أنت الوحيد اللي على الدرب سبـــــاح الله يقدر من يقدر مقــــــــــــــامك = والله يعين اللي بما فيه نضــــاح !

اقتباس المشاركة الأصلية كتبت بواسطة العـ راعي ـليا أنت الذي للطيب يلمع حسامك=لو تنبذه يمناك .. بين الملا طاح ورث الجدود ومن خوال وعمامك=ما كنّه إلا براحة ايديك مسباح لو له وسام(ن) كان يمنح وسامك=ما هو وسام اللي يحسّب بالأرباح! عسى الولي يوصلك غاية مرامك=وتعيش عمرك وين مارحت؟ مرتاح والله يلوم اللي ... مع الوقت لامك=يالعود الأزرق بأحلى الأطياب فوّاح

[العسجديھ]

... رَآْعِيْ العَلْيا ...


يَوْم انْتَظَرْتَهـ .. وَآَتَى :)
يَآْصَآْحِبْ المَعْنَى
وَ يَآْشَآْعِرْ الوِدّ
وَ يَا مَكْسَب الجَمِيْع
وَ أَيْنَ مَا نَجِدُ الإِبْدَآْع
يَلُوْحُ إِلَيْنَآْ لِكَيْ نَسْتَمْتِع بِتِلْكَ الكَلِمَآْت
وَ نَفْرَح بِتِلْكَ الحرُوْف
أَنْظَآْرْ شَآْخِصَهـ لِذَلِكَ البَوْح والمُجَآْرَاه
انتَظَرْت
مَتَى يَحِيْن رَفْع المُسَآْجَلاَت ليُطْلِع عَلَيْهآْ الكَثِيْر
مِن أَقْلاَمٍ قَدْ رَسَمَت لَنآْ الإِحْسَآْس
مَشَآْعِرْ رَقِيْقَهـ تَبُوْح بِمَآْ فِيْ دَآْخِلهآْ مِنْ عنْفوَآْن وعَصْفٌ فِي الكَلِمَهـ
بَرَآْكِيْنٌ مِن العَزْفِ الجَمِيْل
بِقِيْثَآْرَةِ الزَّمَآْن لِتُمْتِعَ مَسَآْمعْنا
وتُنِيْرَ أبْصَارنَا..
وَتُحْيَى بِها قلُوْبَنَا
وَتَمْتَزِجْ مَع أَذْوَاقنَا
كَيْ تَبْقَى رَآْسِخَهـ فِي عقُوْلِنا

غَآْزِي
صَحّ كلّك
كلّك
كلّك


[كُلّ عَآْم وانت بألْف خيْر]

[العـ راعي ـليا]

اقتباس المشاركة الأصلية كتبت بواسطة أنتظر ضمّة غلآك ياغازي الدنيا تراها عناوين=عنوان مايعطي حقية لـ/عنوان متشابهات الشين فيها مع الزين=وإنسانها ماهوب ياغازي إنسان اللي بوجه اليوم بكرة بوجهيـن=الأدمي لحظة ولحظــات شيطــان ماهو ضروري واحد / وواحد إثنين=دنيا تقول أن الفرحة كومة احزان يلعب بنا كذابها شمال ويمين=كذابها اللي يحلف أيمان وأيمان بعض البشر سعره يساوي ريالين=واحنا لهم كنا مغلَّين الأثمان ياما رفعناهم سما واثرهم طين=وياما منحناهم وفا ضمّ الأحضان وياما نصرناهم وهم بين قوسن=قوسين مفتوحة على شي خسران ياصحبة الورعان طيب وبعدين=خلاص بطَّلنا من العام ورعــــان ملعون جدَّ الصدق في عامنا 2000=لينا هيا لينا / وعدنان عدنان

اقتباس المشاركة الأصلية كتبت بواسطة العـ راعي ـليا يا صاحبي ما يستوي الزين والشين=لو أظلمت دنياك في بعض الأحيان ما يستوي العقّيل .. هم والمجانين=للعدل ميزان(ن) ... وللبطل ميزان فرق الذهب .. يبين لك بالموازين=ومن خلقة الدنيا تشاكيل وألوان الناس فيها مثل .. طلع البساتين =ولا كل بستان(ن) يشابه ل/ بستان وحنّا على حكم المظاهر سريعين =حكم(ن) مجرد مصدره نظرة أعيان نبني على العنوان .. قبل المضامين=ويطلع لنا الخافي على عكس مابان خطو آدمي ماتنعرف وجهته وين!=مهما تحاول عرفها قدر الآمكان يمسي بدين(ن) .. ثم يصبح على دين =إنسان لكن داخله يحمل الجان ما هو على شرواه .. ياحيف .. ياسين! = خلّه يولي يالخوي وأنت ربحان ما يفيد هرج(ن) ما تلته البراهين=ولا فيه حق(ن) دون حجّه وبرهان

اقتباس المشاركة الأصلية كتبت بواسطة أنتظر ضمّة غلآك | والله ياغازي ترانا مساكين = نمشي على النيّه ولا نصكّ بيبان ترى حياة الناس جمله.. عناوين = ومن الغثا كلّ واحد وله شان لا احنا من اللي على الظلم قاوين = ولا احنا من اللي يطرد اليوم ضيفان نمشي بهالدنيا .. ولا ندري على وين = ودرب الخطا من مشى فيه..غلطان تغيّرت عاداتنا من بضعة إ/سنين = وانقلب رابحها ..اليوم ياكود خسران هذاك يلعن ذا .. لين صاروا ملاعين= حتى الحكي والله في الفمّ/ ماصان وان كان صدرك سجّ خضر الميادين = تلقى بها عن ضيقة النفس ..سلوان وان كان بك همّ ..شف هالمزايين =ترى بهم عن كثرة الهمّ نسيان واليا نويت تروح انده على حسين = واشرب قراح الماء ليا صرت ضميان والعلم واضح ما يبي له براهين = انتّ غازي للشِّعْر .. وقصيدك للملا بان

اقتباس المشاركة الأصلية كتبت بواسطة العـ راعي ـليا من قال هذا؟.. وصفنا يا اريش العين!=والصرح فينا شامخ(ن) فوق سيسان بيض النوايا .. ما تورّث ضعيفين=وسود النوايا .. ما انجبت يوم شجعان البعد / هو / والقرب/ بالوصف / شكلين=والدين / واحد / ما لنا غيره أديان ما كل / من حولك / معك / دوم / صافين=آصابعك / ما هي / سوى/ وانت فهمان الحاضر / ابرك / قيل / مبطي من / الدين=لأن الوعايد.. بعض الأحيان هِفيان خطْوة / اخطانا / ما / تخطّى / القوانين=نرفع مقام النفس عن كل ما شان نحرص على كسب الرجال الوفيين=وصدورنا / للضيف / والجار / مسكان عاداتنا .. ما نتّبع كل غاوين=ولا همّنا / ما / قاله / فلان / ل/ فلان ودام البقاء لله ... والخلق فانين=نبقى كذا / والعمر / يابد هو / فان الحي / عايش / .. / والمجالس / دواوين=وكل(ن) / يدوّن / ما تعلّم / بالأذهان

اقتباس المشاركة الأصلية كتبت بواسطة أنتظر ضمّة غلآك حظّك يصيب احيان واحيان ٍ يخيـب=رمح ٍ يصيب ورمح يخطـي صوابـه لذاكرة ثوب ٍ لبس عارضـك شيـب=والدمع صبّ بوسط عينـك سحابـه احيان احسّك فكـر يحتـاج ترتيـب=فصّل مـن ثيـاب المآسـي ..ثيابـه لو الأوادم عارفه عن خافى الغيـب=محـد ٍ يمـوت إلاّ وبيـده كتـابـه بعض الخساير تنحسب لك مكاسيـب=وبعض المكاسب بـالخساير تشابه !!

اقتباس المشاركة الأصلية كتبت بواسطة متاابع هل كل منهو مجتهد دايم مصيب ؟ =هذا سؤال ن ما عسرني جوابه وهل فيه شخص ن ما مابه عذاريب ؟=الا الرسول وغير ذلك فلا به وان خاب والا طاب ظني فلانيب=متعجب ن مافيه لله غرابه والله ما يندم ابد راعي الطيب=حتى ولو الطيب سبب عذابه والحظ لو عكر رداه المشاريب=باكر بأمر الله يصفي شرابه

اقتباس المشاركة الأصلية كتبت بواسطة العـ راعي ـليا يالآدمي .. من دون شك(ن) ولا وريب=رزقك على اللي ما قفل يوم بابه الواحد اللي عزّ داوود وشعيب=هو الذي ياراد لك شي جابه ما فيه حي(ن) نال كل المطاليب=ولا مات حي(ن) قبل يقضي زهابه تراك مثل الضيف .. عند الأجانيب=مهما قعد لا بد.. يعلن ذهابه حذراك ضيف(ن) .. كلّنا له معازيب=ياغاافل ! بدنياك .. حسّب حسابه

اقتباس المشاركة الأصلية كتبت بواسطة محمد الجبيل يا شايله بين البشر شعلة الطيب =الهم ما يخطي خوفق(ن)سرابه لو السعاده تنحني بالمطاليب= كان اشتكي حضي كلا م وكتابه لا كن اضن ان القدر في دجى الغيب =لو نعلمه كان اليالي تشا به لا كن نعيش ولا درينا المكاسيب = في الارض ولا في سواد السحابه كل الحياه تحتاج حسبه وترتيب=وللا يضيع العمر محدن درابه

[العـ راعي ـليا]

اقتباس المشاركة الأصلية كتبت بواسطة أنتظر ضمّة غلآك ســر ياقلم سجّل لي القاف ثم خطْ=سجّل لي الشعّر المقفّا وخطّه أبيك تاصل واحدٍ فالهوى حطْ=حطّ الغلا والشّوق والقلب حِطّه حطّه وليفٍ /فالغلا ما يلخبطْ=كانه سكن في الرّوح يا حظّ حظّه حُبّه على قلبي حروفٍ إ/تنَقّط=واسمه نحت فيني حرفٍ بنقطه قلبي بعد فرقاه دايم ملخبِط=يزود به همّه وهمّه يلخبطه وفلان يرسل ويرسم لي الخطّ=وانا وليفي ما أدل درب خطّه

اقتباس المشاركة الأصلية كتبت بواسطة الجليـــــــــد حِطْ اللظى ياجاحد الحب إِيْ حِطْ=حطة بجوفي دام يبريك حِطّة وشلون ياقلبي على الهم تقلط=والناس تقطع منك وتقول غلطة ومادام به ميناء وموج وبه شَطْ=وموج تلاطم / عن مساعية شطِّهْ يروي ضماه من البحر بتسعة نقط=ويزود من فيضي على الكيل نقطة قلبي وأعرفة للشديدات مهبط=ومن البشر بيدوم محد يهبطة

اقتباس المشاركة الأصلية كتبت بواسطة نايف الشريف إل-كل بحر ٍ ياغلا القلب له شط=والحب له بحر ٍ آلا وين شطه عزاه ياقلب ٍ من الحب قد نط=في درب حب ٍ مالقاله محطه في مجلس العشاق قلبي توسط=مابين ثنتين ٍ وكل ٍ تمطه مطوه لين اليوم فالحب قد غط=مدري من اللي في هواها تزطه مايوم قلبي قد هوى غيرهن قط=لوفاق قلبي في هواهن اغطه هذي حياتي كنها الفار والقط=قلبي اشوفه فار والحب قطه

اقتباس المشاركة الأصلية كتبت بواسطة العـ راعي ـليا واا .. قلبي اللي كل ما ينحدر نط=من حر مآبه كل مشراف نطّه! واا .. جفني اللي ما اهتنى لحظه وغط= يمضي عليه الليل ما غط غطّه بأسباب من قط العنا داخلي قط=ياكيف؟ قلبه طاوعه ! كيف؟ قطّه! خلّى خفوفي .. دايم الدوم مشتط=اقفى / وخلاّني / على ارمال شطّه مايدري؟! إنه في كياني مفقّط!=والقلب غيره ما .. انتواله بقطّه! الله حسيبه ... كان فعله مخطط= لابد ما دورات ..بقعا تلطّه

اقتباس المشاركة الأصلية كتبت بواسطة محمد الجبيل ما قد نسيتك ياهوى خافقي قط =لو مرسمك ما حط بسطر نقطه فكرى معك في كل حزه ينطنط= وده يلاقي للتلاقي محطه جاب البحور وكل بحر (ن)وله شط =الابحر عينك تناسيت شطه مدرى اعوم بليلها واتلخبط =لجيت اقرب برها اخذت غطه وحلم كأني فوق موجك مربط=لجيت اقوم يزيدني الشوق ربطه كأن فوق الموج من دونكم خط=لاجيت من تحته وعييت انطه

[العـ راعي ـليا]

اقتباس المشاركة الأصلية كتبت بواسطة أنتظر ضمّة غلآك ياللي كتبت الشعر لعيون فيروز=اسمع ترى هذي ابيات معتاز أبيات من شعري على قافية اوز=ومصمّمه لجل التحدّي والإعجاز حاول تسوّي مثلها كانك تحوز=على النظام اللي يسمّونه(انجاز) ابي قصيده ولازم على بالي إ/ تحوز=وان كنت ما تقدر ترى ماهي إلزاز

اقتباس المشاركة الأصلية كتبت بواسطة الوســام خذها من الوسام يا عاشق فيـروز =بهديك من العطور بماركة قـزاز رص حرفـك بحرفـي وخلـه ملــزوز =حروفـي بالتحدي تراهـا فــواز القافية صلبة ولا فيها حرف مهـزوز = والمعاني فيها نبرزها لك ابـراز أبيـات انثــرها من شعري المكنوز = عساها توفي بالتحدي والانجاز

اقتباس المشاركة الأصلية كتبت بواسطة متاابع اكتب بكيفك مانت ياشيخ محجوز=عن ما تبيه اكتبهن افراد واجواز اكتب واقولك صح وابداع وتفوز=فوزن سواة محمد افطيس لافاز وخلاص لامن شفت لك قاف مهزوز=لاقول ياالله !!! مدفون والغاز ويجوزلك لاجاز ويجوز مايجوز=الله واعلم بس انا لخاطري جاز

اقتباس المشاركة الأصلية كتبت بواسطة أنتظر ضمّة غلآك يا مرحبا والقاف جاني على اوز=وسهل القوافي عندنا ماله انجاز جتني رسالة رد لعيـون فيـروز=ورديت انا لعيون نـاسٍ اعـزاز رسالةٍ فيها لـك الـود مركـوز=ولك الغلا والشوق بالقلب فـزاز واكتب على قلبي اليوم محجـوز=للي هواه القلب ولغيـره اجتـاز وان قلت لي ليه ؟! بآ قول بيكوز=لانه ملك روحي واحرزني احراز ياهيه ياللي لك القلـب ملكـوز=قلبي بعد فرقاه كنّه علـى قـاز واليوم عوّد صاحبي ما بنا عـوز=وعوّد عليّ القلب من بعد مانحاز واخر كلامي حطّوا لحروفي بروز=واشرب عصير التوت معكم بمزاز

اقتباس المشاركة الأصلية كتبت بواسطة الوســام يامرحبا بالشعر والقافية على اوز = تحية من الوسام والآسـم فـواز أحروفك يا بنت يا يحتاج لها ابـروز =عـذب المعــاني كـون لهــا بـرواز كـل القلوب الحيــه بداخلهـا افـزوز =وكـل فـزه تفـز بالقـلـوب افــزاز كـلوز أقولهـا تعـرفـوم معنـى كـلوز =يعني الحب عندنا مجموعة أكواز خـلها بـالكتـابة يمكـن إنـهـا تحـــوز = تحوز لنا المقدمة من كلمة ما فـاز وآخـر كلامـي حطـوا لقبـري بــروز =وآخـر أشعاري كتبتـة لكم بعكـاز

اقتباس المشاركة الأصلية كتبت بواسطة متاابع يقطعج يالحاجه ويقطعك يالعوز=وياشينها لا صرت حافي ومعتاز لااحتجت اكتب اوز باحط فيروز =وعشان اكمل بيت باقول بن باز واللي يقول لي واي باقول بيكوز=ات واز ذس از ات أم شور ات واز وان مد بعض الناس لاحتاس هالبوز=يمكن انه اونس له على الكبد ملكاز وارجوا السموحه جزت من قافية أوز=ونبقى على ماقيل غالين واعزاز

اقتباس المشاركة الأصلية كتبت بواسطة العـ راعي ـليا ياحي قاف(ن) بالذهب طرز مطروز=حوفة خبير مطرّزينه على اطراز حاز الجزاله كلّها .. حازها حوز=راعيه من قوم(ن) .. لهم كل ميراز اليا انتوى .. ياويش هي حبة اللوز؟!=تصعب عليه! ويسهل القاف ياجاز وصفه جليكوز(ن) مخالط فركتوز=كلّه حلى وأحلى الحلى ضمّه وحاز وانا على مجاراه ماني بملزوز=لاشك هاجس خافقي ما هو اب/لاز عنّز عليه .. وبيرق الشعر مغزوز=يقول ل/ اسمان المعاني .. ترى غاز الهزل ما هو لك" .. لك الجزل منبوز"=انا لعينك حاضر(ن) رهن الإيعاز خذ آجزله .. واترك هزيله لهاموز=(يالحر مبطي قيل .. ماتشبه الباز)

[العـ راعي ـليا]

اقتباس المشاركة الأصلية كتبت بواسطة *+* مـهــآآآآجــرة *+* حظي رماني بس مدري على وين = ماعاد لي في موطن الحب فيه وش حيلة اللي حب ناس(ن)بعيدين = وأرسل لهم روحه وقلبه هديه حنا معه في سكة الحب ماشين =عشنا مع الأحلام لحظة هنيه كنا على عرش المحبة سعيدين=مع الأمل نرسم حيآة(ن) سويه نبدع حروف الشعر نعطي براهين=همسآتنا بالحب دايم أبيه صادق وفي حرفه شموخ وقوانين= والله ماعمره نوى بالرديه أغليه لو إنه بعيد وناسين = وأطلب وصاله والمعاني عصيه حاول يصد القلب عنه بجرحين= جرح الفراق وصدقه بكل نيه يخشى علي من هرج ناس(ن) حسودين= ويصون حبه عن دروب الأذيه مهما حصل وافين والله وافين = يا أهل الشهامة والوفاء والحمية العمر مابه فرق بين المحبين= ياما جمع شمل القلوب النديه كم واحد(ن) وصل من العمر خمسين= وقلبه خضر وأغصان حبه طريه وختامها يا حظ مدري على وين = بالله جب علم القلوب الوفيه

اقتباس المشاركة الأصلية كتبت بواسطة أنتظر ضمّة غلآك هلا بنبض الوِدّ ونور هالعين = وياحيّ القصيد لاجا من ذيك البنيّه انا اشهد انّ اللي سواتك قليلين=منّك عرفنا وش معنى .. الأجوديّه؟! العلم بياصلك ولو كان بعدين = فرق العمر يا بنت ماهو بخطيّه الله عطاكِ شوف واحساس ويدين = يوم انّ غيرك هدّدته المنيّه عيشي حياتك ترى العمر /يومين =يومٍ شديد الباس عليك وعليّه و يومٍ يردّ الرّوح ونكون /راضين = ولا بد ما ياخذ منّنا هاك العطيّه و لاعتنا الفرقى على بُعد غالين = ودموعنا اللّي إ/ تهادى هميّه صرنا كما اللّي عن بلدهم مجلّين = ولا عندنا دستور نمشي /حذيّه صحيح ما مرّ يوم/وما انطعنا بسكّين= لكن دواة الجرح ياكود كيّه تسدّ إ/به الجرح والناس مقفين = ولاحدٍ سأل .. وش اللي صار بيّه لكن بحيل الله .. بنوقف برجلين = ونبني عاصمه للحبّ بمهل ورويّه والحُبّ معنى للوفاء بين قلبين = وكلّن رسم له درب ..وأعلن سميّه وياليت ربّي يجمع الشّمل شملين= وتسقين ريقك من زلال مَيّه

اقتباس المشاركة الأصلية كتبت بواسطة جرح دامي مهاجره تشكي من الحب والبين= والحب هدّ أهل العزوم القويه بنتٍ وتشكي وقتها ليل ياعين= الله يعين أهل القلوب النديه وأنا شكيته قبلها شهور وسنين = شكيت لوعات الزمان الرديه حبيت لي بنتٍ أهلها ميامين = شريفةٍ ماهي من أهل الخطيه حبي لها فاق كل المحبين = (لو تطلب عيوني تجيها هديه) قدمت روحي دليل وبراهين=عاشق ومخلص ونفسي زكيه مير الزمن دايم عدو المودين = دايم وهو معهم علومه رديه ماله قوانينٍٍ ولاله مضامين= يحد من مثلي يبيح خفيه يامهاجره ماقول انا غير يامعين = تجبر عزا نفسٍ تمنى المنيه

اقتباس المشاركة الأصلية كتبت بواسطة نايف الشريف يالله ياعالم قلوب المحبين=ياواحد(ن) نرجيه صبح وعشيّه ياعالم الاسرار واللي مخـَـفـِـين=يامِحصي (ن) افعال كل البريّه وش حيلتي يارب فاللي مقفين=ياكيف احل اليوم هذي القضيّه لاقلت اقرّب قالت البنت بعدين=حذرى يحسون الهوى فيك وفيّه الوقت يمضي والليالي مولين=لوطال وقتك فالليالي مضيّه اربع شهور وزاد فالوقت شهرين=سته شهور(ن)للجروح القويّه اذكر كتبت الحب للبنت بيتين=اكتب هواي إلذيك والقصد ذيـّـه مدري متى ولداعي الحب تصحين=ودك اموت وتنكتب فالوصيّه بكتب وصاتي تسمعين المنادين=ناس(ن)يجونك والمراسيل ليّه ارسلت لك ومن المراسيل ظرفين=قلبي فظرف وظرف فيه الشكيّه بشكي جفاك وليه يابنت تجفين=مادام في درب الهوى لك شهيّه خايف يمر الوقت من ثم تنسين=قلبي يحب ومـِـحـْـسـِـنْ القلب نيّه هيا تعالي يامنى القلب والعين=يكفي رحيل وبعد يا مهاجريّه هيا تعالي نقضي الوقت الاثنين=نشرب دلال الكيف فالشاذليّه تمر ورطب مع اقط مجموع فصحين=اكل رطب والشّوف فالسكريّه العمر مايفرق وفالحب تلقين=شايب يحب إبشوق له مقدريّه والله لو آصَلْ وفالعمر تسعين=انتي غزالة عشقي الاوليه قلبي خضر فالحب مادام تقوين=نمشي طريق الحب يالآدميّه

[العـ راعي ـليا]

اقتباس المشاركة الأصلية كتبت بواسطة العبيويـ بين نظرات التغلي وبين نظرات الدلال=إبتدات قصة عذابي وإبتديت اموت فيه وإنتهى لليل السكينه وصار يومي للزوال=وإبتدى ليلاً تميز في هموماً تكتسيه وإبتدت قصة غرامي وإبتديت الإنعزال=ساهر ليلي واهوجس في هوى إللي مهتويه واعذابي واعذابي في هوى حسن الخصال=واعذابي يا محمد لاتقوالي ليه ليه واعذابي حين صارت حالة النت إتصال=افتح الصفحه واحط الموقع اللي مشتهيه وادخل لمنتدى احبه وخابره في كل حال=واكتب الرابط بيديه واكتبه دايم جزيه منتدى الــود بتمام وبالكمال=واضغط إنتر واصبر شوي لين يدخلني عليه ويفتح الموقع واصايح ياللاله ياللال=من الوناسه قمت اغني ياسلام الله عليه واكتب النك نيم حقي بسرعه وفيني عجال= الـعبيوي نكي كان تفهم يانـبـيه وادخل همس القوافي وفيني خفيه ونفعال=وألمح بنظره سريعه كل نك نيم هنيه همس القوافي ومعهم يطول الجدال=محمدالجبيل ونديم وغالي الأثمان فيه ثم ادور نكها واكتشف تو ماتزال=مادخلت منتدى الـود ومانوت حتى تجيه واسكت اشويه وأردد أه ياجور الليال=كيف فكري تشغلينه وليه قلبي تظلميه ثم تجي منهي تسمى ابفاتنه كل العيال=وتدخل همس القوافي وبرزانه تحتويه ويبتدي عندي عذابي وعزتيلي لين طال=واعذاب القلب والله من غزالاً مبتليه يكفي اني لا لمحت كتابته جاني هبال=اصفق كفوفي بخدي كني إنساناً سفيه حتى في لون الكتابه ذوقها عالي وعال=يسجد الذوق متواضع وينحني ويبوس يديه وادخل برايفت عليها ثم ابادرها بسؤال=ممكن شويه دخيلك عندي سؤال وجيه واسكتت عني شوبه ثم ردت بإكتمال=وردها ذوب كياني يوم قالتلي لبيه وأرجع وعيد ونفس السالفه بكل الليال=والله انك فلانه وافهمي ماتفهميه انتي نوراً في سمانا وانتي الصعب المحال=وأنتي خال الزين كله لابعد امه وابيه وانتي سيولاً تهادى من شهق وبل الخيال=وانتي النسمه العليله كل صباح تعتريه وانتي الصيف ابسرابه وانتي الماي الزلال=وانتي فجر العيد والله انتي اللي نرتجيه وانتي سيد الحسن كله انتي ايه بالجمال=روعه من صنع ربي انتي ياللي هيه هيه هيه ياللي حيرتني بتغلي والوصال=سوق حبك مايوادع لا ريال ولا جنيه يكفي إنك تاعبتني بين روح وتعال=إرحمي قلباً توالع في خفوقاً مشتريه بالنهايه بالنهايه ينهي أطراف الجدال=وانفض اغبار الحقيقه عن عذاباً مكتويه بإختصار اللي سمعته كان من بال الخيال=فكره مرت في بالي طيفها في ناظريه

اقتباس المشاركة الأصلية كتبت بواسطة محمد الجبيل لو درى عني العبيوي كان خلا ني ضـلال=للترقب والهموم وكـل حـزن مـر فيـه لشتياق العاشقين ولشتيـاق اهـل الخيـال=للمواعيد الجميلـه مـع جميلـه تحتويـه ولو درى عني رفيقي ما شكى لو من خيال=هيض جروح ولا كن مستحيل ادعى عليه ذكرياتي ملك قلبي لو بها بعـض الهبـال=حركت في يوم نبضي يوم انا كنت ارتجيه منهو اللى ترتجيه ومنهو اللى لـه مجـال=في خفوقك سر لا يمكن احد يو صل اليـه بس كان العام جنبي كـان كلـه لـى دلال=لو تركت النت ليله هل مـزن بناضريـه كان دايم ينتضرني مـن ضنونـه للخيـال=ما يفارق شا شته من لوعته حتـي اجيـه كنت اجيه وما تأخر عن مواعيـده محـال=لو يمر اليل ما شفته بكـت عينـي عليـه كان نك نيمي محمد وكان نـك نيمـه دلال=ون تقابلنا نسينا الكون واللى صـار فيـه بعد فتره من حنان ومن غرا م ومن هبـال=ومن علوم ما تقال ومـن عهـود تحتريـه صار بعض احيان ينسي جيتي وقول عال=يمكن ان النـت علـق ولا عييـو والديـه بس طولها وطالـت غيبتـه والقيـل قـال=زادة او هامي ودورته الين ازريـت فيـه وبتدى ياسي معـه وبتـدى ليلـي وطـال=بس اناضر كل عاشق واتامل بالـو جيـه ونتهي كل شي وقفا صا حبي رغم الدلال=وما لقيت الا القوافـي للقوافـي تشتكيـه وبتديت اكتب هنـا فـي منتداكـم للخيـال=للعيون وللقلـوب ولعقـول اللـى تجيـه علني بس اتسلى عـن عيونـك يـا دلال=وعلني في يوم القا صا حبي وشكي عليـه يالعبيوي الله يعين وخلنـي جنبـك ضـلال=تشتكي لى وشتكي لك وضع انت تحس فيه

[متاابع]

راعي العليا

صح لسانك وبيّض الله وجهك على جمع وتوثيق الرديات والمجاراة بالمنتدى

وهذا مابه شك دليل وانت ماانت بحاجة دليل على حرصك وجهودك المبذوله في

سبيل رقي المنتدى

شكرا" لك

وكل عام وانت والجميع بألف خير

تقبل تحياااتي ومروووري

[ملكة الخواطر]

ابدعت في رسم هذة اللوحاتك المميزه الشعرية الجميلة

ديوان ما شاء الله اتمنى التفوق دوما

كلمات معبره وحضور راقي دومآ نجد

المعاني العذبه ملازمه لمتصفحاتك

المتميزه برقي حرفك

صح الله لسانك يالشاعر

لاهنت على هذا النزف


سجل ذروة اعجابي فيها


تحياتي وتقديري

[خالد العلي]

هنا ..

لا أمل ان اتكلم
فليتكلم عني صمتي المفعم ..
.
.
لوحة
رسمتها كلمات القلوب
ولن تصل الا الى القلوب ..
.
.
راعي العليا

.
.
اطال الله في عمرك
.
.
ولكل من كتب حرفا هنا

ومرت عيناه من هنا

على لوحة الود
تحية من القلب

.
.
دمتم بخير

وكل عام وانتم بخير