والله اني فرحت لما قريت الكلام اللي فوق حسيت انه من جد فيه ناس تقدر المسؤوليه وتخاف الله........خاصه اذا كانت المواضيع لها علاقه بالشرع والمواضيع اللي زي كذا ينطبق فيها المثل اللي يقول(زلة قدم ولا زلة لسان)
بعدين ياهوه ياعالم امور الشرع بحر علوم مو كل واحد يقلط ويتفلسف ويفتي على هواه.
انا اللي يقهرني و يوصلني القمر بعض الناس اللي لما تسأله مثلا في علم الكهرباء او الفيزياء اوالذره......يقول آسف وهذا مو تخصصي وانا ما اقدر افيدك......لكن....... اذا صار الموضوع فيه حكم شرعي........ياويل قلبي منه......ابشر برجال( يصير الطنطاوي على غفله)، ويصير نابغة زمانه ويعطيك من الفتاوي والاحاديث اللي مالها اصل.
على كل حال وبصراحه اللي مثلك يا جورية الود يحسد على الخير اللي هو فيه. يعني كل موضوع يقرأ لك فيه حسنه وهذا والله يكفيني من الدنيا والحسنات مضاعفه.
رحت مخصوص للوالده وجبتها تشوف وتقرأ اللي في المنتدى ومواضيعك الحلوه. من بعدها وهي ما تسكت لك بالدعاء........ حتى والله صرت أغير منك.
وانت برضه يا استاذ مازن كان لك نصيب من الدعاء(بس أغلبه كان للجوريه بس ما عليك هذا من تحيز الحريم لبعض)
واتوقع كلامي يزيد من مسؤوليتكم في هذا المنتدى واشكركم شكر مدمر ولطيف(كيف تجي مدمر ولطيف ما أدري)
مع تحيات اخوكم الصغير: طفشان العبيط
العرض العادي
