السلام عليكم ورحمة الله وبركاااته
ليلة رمضانية مع الاخ الكريم ســــطام‘
ســــطام‘
( وِد ماسي )
من مواضيعه
تطبيق P a l r i n g o مــع الشرح
http://www.al-wed.com/vb/showthread.php?t=300892
يعني واثق ان لك بقلبي مكان mms ~ وسائط
http://www.al-wed.com/vb/showthread.php?t=290689
ما هي العادات التي تحرص على ممارستها في هذا الشهر الفضيل؟
طبعا أكون حريص على أن أختم القران الكريم أكثر من مرة
وزيارة الاقارب والاحبه
لان الاغلب يكون موجود على الفطور ويكون التواصل وصلةالرحم
متى بدأت صوم شهر رمضان المبارك ( يعني كم كان عمرك)؟
تقريبا بداء من سنه العاشرة طبعا قبلها كانت محاولات ولكن منذو سن العاشرة كان الالتزام والحمد الله الله ينقبل منا ومنكم صالح الاعمال
هل صمت أول يوم كاملا ؟
طبعا لا يمكن لين الساعه عشرة اول الايام
أكلة تحبها برمضان؟
طبعا السلطات برمضان وغير رمضان وكذلك السمبوسك لها طعم اخر خصوصا اذا كانت مسوينها بالبيت يم يم لها طعم راائع
موقف طريف حدث لك برمضان؟
مرة كنا باالمزرعه وكنا نبي نفطر فيها وكان العامل هندي قلنا له لاجاء وقت الاذان علمنا علشان نفطر وجالسنا فطرة طويله ونتظر الاخ يعلمنا ونشوفه تاخر مرة ويوم راخ له واحد من أخواني الا هو نايم ههههههههههههههههه الشرهه ماهي عليه الشرهه على اللي ارسله وافطرنا بعد الفطور يمكن بعشر دقايق ههههههههه كل ماشفت العامل أتذكر ها الموقف
برنامجك اليومي برمضان؟
طبعا أنام بعد الفجر و أصحي قبل الظهر بشوي واجلس اقراء قران وبعد الصلاة اروح الدوام يعني حوالي الساعه وحدة وارجع قريب الفطور افطر مع الاهل وبعدها نجلس جلسه عائليه لين قريب صلاة العشاء ونصلي العشاء والتروايح وبعدها كل واحد يروح المكان اللي يبه واغلب الاوقات تكون باالاستراحه مع الشباب لين وقت السحور واذا ماعندي دوام اروح ازور بعض الاهل ولا أجيب اغراض للبيت
هل سبق لك صيام رمضان بعيدا عن الأهل؟
نعم حلست سنه كامله بعيد عنهم باالمدينه المنورة والحمد الله أنتهت المهمه ورجعت عند أهلي
كم يستغرق ختمك للقرأن خلال الشهر الفضيل؟
مافي وقت محدد بس أن شاء الله احاول أختمه اكثر من ثلاث مرات بمعدل كل عشر ايام باذن الله
متى الوقت اللي تكون فيه رايق ومتفرغ خلال هذا الشهر الكريم؟
بعد صلاة العشاء والتراويح مايكون عندك شي وتكون وقتها رايق لا التزام باالدوام ولاغيرهــ
مائدة إفطار لديك حدد خمسة أعضاء تدعوهم إليها؟
طبعا اختار خمسه شباب اولهم تذكرني - دموع حائرة - ابو نووف - أسير الود - الممدوح
مائدة سحور حدد ثلاث أعضاء غير المدعوين على الفطور تدعيهم إليها من الأعضاء؟
المسافر001- نصراوي الجنوب - رماد الشوق
هل يزداد أم ينقص وزنك خلال رمضان ؟
والله عادي ماعمرهـ نقص ولا زاد مدري وش فيني ههههههههههه
تصرفات تنبذها خلال شهر رمضان؟
طبعا شهر رمضان يكون له جو خاص ولكن يوم تروح للسوق تشوف العجب فيه ماودي أفتح موضوع ولكن اقول الله يستر علينا وعليكم
ليلة العيد هل تنام ؟
لا
يوم العيد كيف تقضيه؟
طبعا اذا ماعندي دوام يكون جلسه عند الاهل لين الظهر بسبب أن ابوي الكبير و اغلب الاقارب والاصدقاء يجون البيت وبالعصر أروح أسلم على الاصدقاء والاحباب وباليل اذا مانمت اروح الاستراحه والاغلب انام بعد يوم تعب
رسالة شكر توجهها لأحد أعضاء المنتدى خلال هذا الشهر؟
ماودي أحدد شخص معين ولكن الكل يستحق الشكر والتقدير
النوم المبكر أم السهر؟
السهر لاني أحبه كثير ما ادري ليه
الانترنت أم مشاهدة التلفزيون؟
الانترنت
الإجتماع مع الأهل والأصحاب أم الجلوس لوحدك؟
الإجتماع مع الأهل والأصحاب
حضور أمسية شعرية أم مباراة في كرة القدم؟
أكيد مباراة كرة القدم
هل لك أقارب في المنتدى ؟ اذا ممكن تذكر لنا اسمه وصلة القرابه ؟
للاسف مايوجد ولكن أعتبر الكل أخواني وخواتي لهم كل التقدير والاحترام
شكرا ياشمس على القاء الحلو والمميز الله يحفظك ويحفظ منتدي الود
وكل عام وكل أسرة الود بصحه وسلامة والله يتقبل منا ومنكم صالح الاعمال
ترقبووا ليلتنا الرمضانية القادمة ان شاء الله
العرض العادي
