سلام العشق وحروفه على بيض الورق تنساق
...........................مضامين الغلا اللي مابعد قاومت انا شعوره
منابعها جوير الصدر والعنوان انا مشتاق
...........................ومختومه بدم القلب والمقصد على نوره
هذاك اللي اهيم بحبه وتضلمني الاوراق
...........................ليا من جيت اعبر له عن الحب وعن سروره
حبيبي يابعد عمري عساني دايماً رواق
...........................واعيشك الحياه الحلوه وتحلا لك دبوره
وانسيك الالم والاه بعذب حب مع اشواق
...........................وتسعد في حياتك دوم وتجني طيب بذوره
انا ملتاع في حبك وشوقي خدك البراق
...........................سكنت بداخلي والروح فيك اليوم مطيوره
ترا حالي بدون مواصلك ياقلب ماينطاق
...........................حزين وحالته دونك ابد ماهيب مسروره
تعالي ياوفا ايامي ولهفات الحبر والساق
...........................تعالي يانظر عيني ترا منتي بمعذوره
تعالي يامنى ايامي نهيم بسالفة عشاق
...........................تراني حيل محتاجك وعيني فيك مسحوره
ابي وصلك وابي قربك وابي حبٍ من الاعماق
..........................وابي انسى معك ضيم الزمان وضلمه وجوره
وابيك تموت في وصلي وتحيي قلب ماقد فاق
..........................وابيك تغرد بوسط القصيد وتعلن الثوره
وابيك تكون وسط القلب حاكم والولا ينساق
..........................مناصيرك عيوني والغلا وحروف منثوره
انا اودك ووديبك ليامن صرت لي تواق
.........................وصرت بزود مهتم بغرامٍ غنت طيوره
متى يهنى فؤادي في وجودك ياوله مشتاق
.........................متى يامسهدي تسمع ندا اللي صابه حروره
حبيبك يرقب لشمسك شروقٍ مابعده اشراق
.........................وتحلاله سنين العمر ويكسر حاجز الصوره
سكن موقع الود وبيته الثاني بدون نفاق
.........................تعالي يانظر عيني ترا منتي بمعذوره
اتمنى ان تنال اعجااابكم
سكن موقع الود وبيته الثاني بدون نفاق
العرض العادي
