كرت عذاب

.. توته .. · 23-06-2008, 02:03 AM

السلام عليكم بعد غياب طويــــــــــــل اعود اليكم واحمل معي قصة جديدة من قصصي الرائعة
اترككم معها
كرت عذاب
عذبت قـلبي بسوطاً من عذاب00وقتلت نفساً بحبك كانت برئيه00ليه زول المحبه فالنهـايـه سراب00وليه دمعة العز تذرف بين يديه00وأنت السبب يأغلى كل الأحباب00من بعد المحبـه والليالي الهنيه00لاتلحق نفسي منك لوم وعتاب00هذا بيننا حكم الاقدار الشقيه00كيف برضى على نفسي بالعذاب00من بعد فرقاك دنيا العز بعيني رديه00ودمعي من غبت كنه وابل السحاب00والنفس عن معاشر الناس انطوئيه00وزوداً على الفرقا قلبـي منصاب00من ليلةً همومها على القـلب سرمديه00يوم اقدم لك كرت الزفاف من تحت الباب00خطراً علي بالباب لاتقطع يديه00طلبتك نظرة وداع والخافق مرتاب00ادري رفضت ونفسك من الفرقا برئيه00والله أن زولك عن العين ماغاب00والقلب حالف<ن> مايعشق غير بنيه00وصيتي في ليلة الزفاف وخاطري طاب00ماتنسى كفوفاً من دمع فرقاك نـديـه00والجرح اللي بوسط الحشا ماطاب00كيف تغلق الباب على اطرف يديه00وترفض من كفي كرت العذاب 00ارجوك ارحم نفسا هامت بعشقك برئيه00
عبدالمجيد دخل البيت ونادى يما يما , دخل غرفتها ولقاها جالسة على السجادة كانت ساجدة وشوي سلمت خلصت صلاة قرب منها ولدها وباس راسها
الأم : ان شاء الله تبوس الكعبة ,هلا يما وش فيك أشوف الفرحة بعيونك ياعلها دوم حبيبي
عبدالمجيد : يؤيؤيؤ شولن غرفتي أني فرحان
الأم : قلب الأم عمره مايخطي قولي وش فيك وش عندك فرحني معاك فديتك
عبدالمجيد : مد يده يما شوفي
الأم أخذت الكرت وفتحته

نتشرف بدعوتكم لحضور حفل زفاف أبننا الشاب عبدالمجيد و سارة يوم الخميس الموافق 25 /5/2025
في صالة الحميدان
وبحضوركم تزداد فرحتنا
الداعيان :
فلان فلان الفلاني فلان الفلان الفلاني
لما قرت الأم فلان الفلاني حست برعشة حست بشي غريب صار في صدرها رفعت الأم راسها وابتسمت لولدها وقالت الله يوفقكم ويسعدكم
نزل الولد وحط راسه على حضن امه وقال : يما أنتي مبسوطه لي
الأم وهي تمسح على شعر ولدها كثير مبسوطه لك فديتك انت فرحة عمري كلها وبدت تبكي , انتبه عبدالمجيد لدموع أمه ورفع راسه ومسح بيده على دموع امه وقال : يما الله يخليك مااحب اشوفك دمووووعك
الأم : صدقني هذي دموع الفرح , امممممم بس فيه سؤال في بالي
عبدالمجيد : آمري يما
الأم : لما تتزوج يا مجودي بتاخذني معاك؟
عبدالمجيد : تغير وجهه وتلعثم وقال يما احنا معاريس و
قاطعته الأم : وحطت يدها على شفته وقالت لا تكمل خلاص أنا فهمت من حقكم معاريس
عبدالمجيد : يما لاتزعلين مني بسس
الأم : لا مازعلت ياعمري المثل يقول اسعدهم وأبعدهم خلاص أول مايخلص ززواج انا بروح بيت جدك برجع أسكن هناك
عبدالمجيد : شلون كيف تتركين جدي والبيت هنا
الأم : أنا كنت عايشه عند اهل أبوك عشانك انت تتربى في وسطهم بس أذا انت الحين طلعت من البيت انا ليه اعيش معهم لازم اروح.
عبدالمجيد : يما أنتي ليه ماطلعتي من البيت من زماان ورحنا عشنا عند جدي أحمد الله يرحمه
الأم : أيييييييييييه ياولدي هذي سالفة طويلة
عبدالمجيد : ودي أسمعها ورجع وحط راسه على حضن امه ورجعت أمه تمسح على شعر ولدها وقالت : أبيك تسمعني للآخر وماتقطعني ولاتنصدم من الكلام اللي بقوله لك
أنا بتكلم معاك بكل صراحة أنا كنت أحب أخو صديقتي
عبدالمجيد : علامات الصدمة على وجهه
الأم : لا تنصدم أسمعني للآخر وبعدها راح تفهم
أنا كنت أحب اخو صديقتي كثير مثل ماأنت حبيت أخت صديقك كثير وهذا ماشاء الله تزوجتها لكن أنا ماقدرت أكون مثل سارة وأوقف بوجهيي اهلي وهو ماقدر يوقف بوجه اهله مثلك ويدافع عن حبنا
عبدالمجيد : ليه ماتزوجتوا بعض
الأم : لأنه بدوي وأنا حضريه أهله رفضوا يتزوج ولدهم وحده مو من ثوبهم وأنا تزوجت أبوك بعد فترة ومن يومها ماعاد عرفت عنه شي
عبدالمجيد : مو تقولين انتي صديقة أخته كيف ماعاد تعرفين عنه شي
الأم : صحيح بس من بعد مارفضوا أهله وصارت السالفة أخته ماعاد كلمتني انقطعت اخبارنا عن بعض , تزوجت أبوك وأنا قلبي متعلق بالأنسان اللي حبيته حاولت مع الأيام أنساه وقدرت أبوك كان يحبني بشكل جنوني ماتتصور وش كثر كان يحبني عشقني عشق لدرجة ان جدتك كانت تغار من حب ولدها لي عشت معهم في هذا البيت وجبتك وأتوقع أنك تذكر وش صار لما صار عمرك سبعه سنوات ونزلت دمعه من عين الأم عبدالمجيد : نزلت دموعه قال مستحيل انسى ذاك اليوم اللي عيال عمي يقولون لي فيك أنت صرت يتيم انت ماعندك ابو وانا مو فاهم وش معنى يتيم بس فاهم وش معنى ماعندك أبو طيب وينه وين راح قالوا أكلته السيارة الحادث كان يوجع انا لو ماشفته بعيني يمكن كان ارحم لي لكن الحادث صار في حارتنا وطلعت وشفت شلون السيارة وابوي داخلها مو واضح منه ولاشي السيارة كانت مثل العجينه آه يايما وش كثر كنت اتمنى يكون أبوي موجود باللحظة هذي ويشاركني فررررررحتي.
مسحت الأم دمعة ولدها وقالت اطلب له الرحمة والمغفرة
عبدالمجيد : الله يرحمة , بس ماقلتي لي ليه ماطلعتي بعد وفاة أبوي او ليه ماتزوجتي
الأم : أنا شلت اغراضي وعزمت أطلع لكن جدك رفض قال عبدالمجيد مايتربى في بيت أحد غير بيت أهله قالي اذا تبين تتزوجين اانا ماعندي مانع لكن ولدي مايتربى عند غريب , وخيرني خيار ثاني .
عبدالمجيد : وش الخيار الثاني
الأم : قال تتزوجين عم عبدالمجيد سعد
عبدالمجيد : يؤيؤيؤيؤيؤيؤيؤيؤ تتزوجين عمي وكان متزوج ولا
الأم : أيه كان متزوج وقالوا تتزوجينه عشان يكون وجودك بالبيت حلال
لكن أنا قررت أفني عمري لك ومافكرت أتزوج قلت أربيك واتعب عليك الين تكبر وهذا انا ولله الحمد ربيتك الين شفتك معرس والحين انتهى دوري وجاء دور سارة تنتبه عليك
عبدالمجيد : بعيد الشر انا مااستغني عنك بحياتي مااقدر اعيش من غيرك ,
الأم : لا تقدر انا بروح لبيت جدك واذا بغيتني انا موجوده هناك
عبدالمجيد : لكن البيت فاضي مافيه أحد
الأم : وين أروح أجل مااقدر اعيش هنا خلاص
عبدالمجيد : متردد كثير وده يسأل وخايف من الأجابة
الأم : هات وش عندك قول حبيبي
عبدالمجيد : انتي تحبين أبوي؟؟؟؟؟؟
الأم : تفاجأت من السؤال وقالت ارجوك اعفيني من الأجابة
عبدالمجيد : ضم امه وقال خلاص فهمت
ابتسم عبدالمجيد وقال انا طالع تآمرين على شي يما
الأم : ابتسمت وفي قلبها غصه وقالت سلامتك انتبه على نفسك
طلع والكرت بقى بيدها وجلست تناظر فيه ورجعت تتذكر لما وصل لها كرت حبها الأول والأخير وش صار فيها ؟
(ف: أم عبدالمجيد) : كانت تتعذب كل يوم عذاب من جهة أنها تزوجت واحد ماتحبه وعذاب ان اللي تزوجتها يموت فيها موووووووت وهذا اللي يعذبها أكثر حاولت تمشي حياتها معاااااااه وبيوم دقت أمل عليها جوال
(أمل: اخت ع : اللي هو حبيب ف )
أمل : هلا ف شخبارك
ف : الحمد لله بخير انتي شخبارك
أمل : الحمد لله بخير ايه صح مبروك على الزواج ولو انها متأخرة
ف : الله يبارك في حياتك
أمل : بكل خبث ماقلت لك يا ف ترى ع خطب وزواجه الخميس الجاي
ف : حست أن يدها ولسانها انعقد ماقدرت ترد أو تقول شي قالت وش تقولين
أمل : وش فيك أستغربتي أنتي وتزوجتي وش يخليه ينتظر راح يتزوج بنت خالتي واتمنى اتمنى تجين تحضرين زواجه مو هذي كانت امنيتك
ف : وصوتها اللي تجرح بالعبرات كنت أتمنى أحضره وأكون أنا العروس
أمل : تضحك بستهزاء هههههه ايه مالك نصيب المهم اتمنى تحضرين شوي وبرسل لك الكرت ارجووووووك احضري.
ف : والدموع تسيل من عينها وتمشي على خدها ولاتنقطع كملت الين وصلت رقبتها لعيونه بس احضر وقفلت الخط وقامت تبكي تبكي الين عينها تعبت وحست حرارة بجسمها مو محتملة دخل زوجها وشاف حالتها وانهبل وش فيك
ف : ماترد
الزوج : ف لاتخليني اتعذب قولي وش فيك ليه تبكين وقرب منها وحط ايده على جبينها وقال اوف جسمك حار لازم اوديك الطوارئ

باقي جزء واحد فقط انزله باقرب وقت
انتظر ردودكم

!!! الرومـ ^_* ـانسي !!! · 23-06-2008, 04:43 AM

وين الغيبه هذي توته

زمان عن قصصك الجميله

يعطيكي العافيه توته

انتظر التكمله

.. توته .. · 24-06-2008, 02:26 AM

يسلموووووووو الفارس على المتاابعه وهذا انا رجعت لعيونك ولعيون اعزائي

.. توته .. · 24-06-2008, 02:27 AM

ف : تمسح دموعها لا مايحتاج ماله داعي
الزوج : شلون ماله داعي قووومي
ودها الطوارئ كانت حرارتها مرتفعه كثير وتنومت يوم وزوجها بكى بكي خاف انها تموت وبعدها وش يصير فيه يموت هو بعدها لكن الحمد لله بعد يوم طلعت ومافيها الا العافيه
بعد كم يوم دقت امل : الو ف وينك ذاك اليوم ادق جهازك مقفل
ف : كنت مريضه ودخلت المستشفى
أمل : لااااااا ألف سلامة طيب هاتي عنوان شقتكم برسل واحد من اخواني يعطيك الكرت
ف: اوكي سجلي عندك.
طن طن الشقة فاضية مافيها ألا ف زوجها كان طالع يجيب العشى
دق الجرس وفتحت ف الباب وهي من ورى الباب الا جاها الصوت
هذا بيت فلان الفلاني , هي سمعت الصوت وبدى قلبها يدق بقوة قالت ايه هذا هو قال : تفضلي اختي ومدت يدها واخذت الكرت وبان شوي من وجهها وسحبت الكرت وجات تسكر الباب ألا ع يحط رجله قال : ف
ف: ع الله يخليك ابعد عن الباب وروح روح وجلست تبكي
ع : ماراح اروح انتي انتي اللي اختي موصيتني اوصل البيت وكانت مصره اني انا اللي اوصل الكرت بنفسي
ف : تبكي ارجوك ارجوك لاتزيدني عذاب الله يخليك روح لا يجي زوجي
ع : بنرفزة وصراخ ف بكرة زواجي بكرة بعيش مع وحده غيرك بكرة المفروض يكون جنبي بالكوشه انتي لا تجيبين طاري زوجك
ف : انت قلتها بكره زواجك يعني لازم ماتفكر بشي الا بعروستك ارجوك وبقوة منها دفت الباب وبارتخاء منه تسكر الباب وهي جلست على الباب وتبكي بمرارة وهو سمع صوت احد يمشي وراح السيارة وجلس يبكي فيها بكي عمره مابكاه بكى حبه اللي ضاع واللي زاد بكيه انه عرف ان ف مانسيته وتحبه ودق سلف ومشى بطريقه جنونية يبي يوصل البحر .
جلست على الباب وفتحت الكرت :
نتشرف بدعوتكم لحضور حفل زفاف ابننا الشاب ع
يوم الخميس الموافق 20/5/2000
في صاله الرائعه
بحضوركم تكبر فرحتنا
الداعيان
فلان بن فلان الفلاني فلان الفلان الفلاني

دق تلفون ف بنص الليل : أمل : بكل عصيبه ف انتي وش سويتي في اخوي هاه تدرين هو وينه الحين؟
ف : وينه وش فيه
أمل : هو بالمستشفى سوى حادث الله لا يبارك فيك ولا بالساعه الي عرفناك فيها
ف : لااااااااااااااا مستحيل والحين شلونه
أمل : يهمك لو يهمك ماتسوين فيه كذا حسبي الله ونعم الوكيل فيك. من يومها ماعرفت ف عن ع ولا شي حتى زواجه ماقدرت تحضره بعد الكلام اللي سمعته من أمل. وبقى الكرت عندها ذكرى كرت عذابها وعذابه ولما سالها زوجها عن الكرت وسبب احتفاظها فيه قالت انه كرت زواج صديقتها. واللي زاد بكي ف ان ولدها اللي قضت سنين عمرها تربيه ومارضت تتزوج واحد يجي يعذبه اليوم ماعاد يبيها!!!!!!!!!!
مادرت عن نفسها الا والباب يدق عليها عبدالمجيد يما يما ردي علي وش فيك.
مسحت الأم دموعها وقامت وفتحت الباب لولدها
عبدالمجيد : يمااااااااا وش فيك ليه تبكين
الأم : تداري جروحها وعذابها مافيني شي بس راح افقدك كثير ياحياتي وضمت ولدها بقووووووة .
اليوم يوم زواج عبدالمجيد على سارة أم عبدالمجيد كانت طالعة أروع مايكون اللي يشوفها يقول هذي بالكثير عمرها 35 سنة المهم وبزحمة الناس وهي ترحب وتسلم دخلت غرفة الي تكون خاصه بأهل الزواج اللي يحطون دايم فيها اهل المعرس والعروس حوستهم واغراضهم وتكون العروسه موجوده فيها كانت فاضية ودخلت ام عبدالمجيد تضبط شعرها وهي واقفه وكان الباب يصير من وراها انفتح الباب والصوت ينادي ياأم عبدالمجيد التفت وهي تقول هلا يوم التفت ........
ع : ف معقوله
ف : ماقدرت تتكلم مصدووووووومه من اللي تشوفه هذا الانسان اللي حبته ومازالت تحبه ماصدقت عيونها
وقفوا قدام بعض وكل واحد في عيونه لهفة وشوق وعبرات تدور بعيونهم محتارة تنزل ولا تبقى
ع : مثل ما انتي ماتغيرتي يا ف هذا طولك وهذا شعرك الأسود وهذي عيونك اللي ياما عذبتني ماكأن مامر الزمن عليك
ف : وانت ماتغيرت هذي ملامحك وهذي عيونك , بس الشيب ملى راسك بس طالع حلو عليك
ع : عيونك الحلوة بعدك مثل مانتي حتى كلامك ماتغير
ف : نزلت دمعه من عينها
ع : قرب منها ومسح دمعتها الا دموعك يالغالية مااتحملها ارجووووووووك
ف : حست بدفى يده لكنه ابعدت عنه وجلست على الكنب وجاء هو جلس جنبها وقال : انا لما خطب ولدك بنتي رفضت
ف : حرام عليك الولد مات يوم انك رفضت جاء يبكي كانه طفل وضمني بقوووووووة
ع : ليتني عبدالمجيد وتضميني
ف : ياه يا ع بعدك تتمنى ضمة مني
ع : وبظل طول عمري انتظر الضمة منك ,ماعلينا بعد ماراح بدقايق الا اسمع بنتي وخواته يتكلمون في عبدالمجيد وانه يتيم واسم امه لما قالوا اسم امه انا فزعت ناديت بنتي سارة وقلت وش اسم امه قالت ف الفلاني قلت لها على طول نادي امك انا موافق انا رفضت بنفس السبب اللي اهلي رفضوا يزوجوني ف عشانه لكن لما عرفت ان انتي امه تذكرت الي صار فيني وفيك قلت ماراح احرمهم من بعض يكفي احنا انحرمنا من بعض
ف: ماقصرت والله يسعدك بحياتك مثل مااسعدتهم بموافقتك
ع : انا من تزوجت ماعرفت السعاده الا هاللحظة يوم شفتك
ف : كم صار عندك عيال جبت عشرة مثل ماكنت تقولي وابتسمت
ع : فديت الابتسامة ياحلو اتبسامتك ترد الروح فيني انا عندي ثلاثه يكفي مابي اكثر عبدالمجيد وسارة وسلطان وانتي
ف : ماعندي الا عبدالمجيد ابوه توفى لما صار عمره سبع سنوات
ع : تدرين عبدالمجيد هذا المفروض يكون ولدي وولدك
ف : وسارة بعد المفروض تكون بنتي وبنتك
ع : عندك القصيده ( طبعا القصيدة هي الي ببداية القصة )
ف : ابتسمت عندي موجوده مع ان لونها تغير واصفرت لكن حروفها باقي محفورة في قلبي انا تفاجأت يوم قالوا لي انك انت اللي كتبتها
ع : من زوووووود حبي لك تفجرت قريحتي ومن يومها عجزت اكتب حتى بيت شعر
ع : سمعت انك ماتزوجتي
ف : ماتزوجت اللي كنت ابيه ماتزوجته ويوم اني اترمل كان متزوج وعنده عيال
ع : يابعد كلل الناس واحنا فيها يا ف
ف : وش تقصد ؟؟؟؟؟
ع : نتزوج الحين
ف : انت صااحي عيالنا جالسين يتزوجون وبعد هالعمر نتزوج مستحيل وش تبي يقولون عننا الناس
ع : ماراح يقولون الا ان واحد يحب وحده والظروف فرقت بينهم والحين الظروف اجمعتهم
ومسك يدها وباس يدها وقرب اكثر وهي بعدت قالت ارجوك اعفيني وطلعت من الغرفه راحت ووقفت بعيد وهي تشوف ولدها بقمة السعادة وهو واقف جنب عروسته مسحت الدمعه اللي حرقت خدها وطلعت من الزواج ماحبت تودع ولدها لانها ودعته من يوم ماقال انه مايبيها تعيش معاه وراحت بيت ابوها وجلست على الككنب وبعدها مابدلت ملابسها ولا مسحت مكياجها شوي انفتح الباب ودخل عبدالمجيد وضم امه بقوووة قال ماقدرت اسافر قبل ماااودعك ليه طلعتي من غير ماتودعيني يايما
الأم : ماقدرت قلبي ماعاد يتحمل الفراااااااق احبك ياعبدالمجيد
عبدالمجيد : وانا اكثر
الأم : روح حبيبي لا تتأخر على عروستك
طلعت الأم تودع ولدها الين ماراحت السيارة واختفى ظلها وصوتها ورجعت ومسكت كرت زواج ع وجلست تتذكر ايامهم الحلوة........

انتهى .........